Wararka


September 2016

 

WARARKA MAANTA September 27, 2016

Su'aasha Maanta: Madaxweynihii hore ee Soomaaliya Mudane Xassan Shiikh Maxamuud oo ay shacabka Soomaaliyeed neceen 100% asaga iyo Ururka Damu-Jadiid ee sida dadban ula shaqeeya Ururka Argagixisadda ee Al-Shabaab sida lagu caddeeyey warbixino badan oo ay daabaceen hay'addo badan oo caalami ah. Waxaa si deg deg ah bulshadda caalamka u xannibi doontaa hantida shaqsiyaad la shaqeeyey Ururka Damu-Jadiid ee sida dadban ula shaqeeya Ururka Argagixisadda ee Al-Shabaab.

Muqdisho Septeembar 27, 2016 Madaxweynihii hore ee  Jamhuuriyadda Federaalka Soomaaliya Damu-Jadiid Mudane Xasan Sheekh Maxamuud, ayaa maanta Xarunta Madaxtooyada warqadaha aqoonsiga kaga guddoomay danjiraha cusub ee Jamhuuriyadda Talyaaniga u fadhiyi doona Soomaaliya, Carlo Campanile.

Madaxweynaha ayaa sheegay inuu ku faraxsan yahay xiriirka wanaagsan ee ka dhexeeya labada dal, isagoo isla markaana u xaqiijiyey in Dowladda Federaalka Soomaaliya ay si buuxda ula shaqeyn doonto.

“Soomaaliya iyo Talyaaniga waxaa ka dhexeeya xiriir qoto dheer oo dhinaca siyaasadda, iskaashiga dhaqaalaha,amniya iyo arrimaha bulshada. Walow iskaashigeena uu hakad galey markii waddankeena uu qalalaase galey, hadana waxaan rajeynayaa in Talyaaniga uu door weyn ka cayaari karo dib u dhiska iyo dib u soo kabashada Soomaaliya. Waxaan leenahay kheyraad isugu jira xoolaha nool, beeraha, kaluumeysiga, shidaalka iyo macdan kala duwan. Si dhaqaalaha sare loogu qaado, ugana faa’ideystaan dhalinyarada, waxaan u baahanahay maalgashi iyo iskaashi aan ku horumarino kheyraadkaasi’’, ayuu yiri Madaxweynaha.

Danjiraha Campanile, ayaa sheegay inuu ka mahad celinayo sida qiimaha leh ee loogu soo dhoweeyay dalka, isagoo sheegay in uu xoogga saari doono xoojinta xiriirka labada dal, taageerada hannaanka siyaasadeed ee Soomaaliya, doorashooyinka 2016, nabadeynta iyo xasilinta , iyo in Soomaaliya ay noqoto waddan xiriir wanaagsan uu kala dhexeeyo deriska iyo caalamka intiisa kale.

Munaasabaddan waxaa goobjoog ka ahaa Wasiir Ku Xigeenka Arrimaha Dibedda ee Dowlada Federaalka Soomaaliya, Mudane Axmed Cali Kadiye, iyo mas’uuliyin kale oo dowladda ka tirsan.

1

Muqdisho Septeembar 27, 2016 Howlgal weyn ayaa saaka ka socda Suuqa Bakaaraha ee magaalada Muqdisho, iyadoo ciidamo fara badan ay ku jarmaadeen suuqa.

Ganacsatadii saaka isku dayday inay suuqa galaan ayaa loo diiday, waxaana gebi ahaan xiray wadooyinka gala suuqa.
Gawaarida gaashaaman ee ciidamada Midowga Afrika ee AMISOM ayaa lagu gooyay isgoysyada soo gala Suuqa Bakaaraha waxaana dadka loo diiday in ay galaan dukaamadooda.

Ciidamada ayaa soo ururiyay dadkii ay ugu tageeen gudaha Suuqa iyadoo indha laga xiray, isla markaana la isugu geeyay goobo gaara.

Howlgalka ayaa ah kii ugu weynaa ee suuqaasi laga fuliyo, waxaana xiran dhaqdhaqaaqii ganacsiga suuqa. Howlgallo kale ayaa sheegay inay magaalada Muqdisho.
Khaatumo State Septeembar 27, 2016 Deegaanka Balicad ee Gobolka Cayn Waxaa Gaadhay Ergo Ka Socota Beelwaynta Cali Ahmed Cali ( Gari) Waxaana Ergadani Hogaaminaya Maxamuud Haybe oo kamid ah Qurba Jooga Deegaanka Buuhoodle Waxaana kamid ahaa Ganacsato iyo Waxgarad Kale. https://www.youtube.com/watch?v=CeOYkFF4dck

Garoowe Septeembar 27, 2016 Wasiirkii wasaaradda warfaafinta iyo isgaarsiinta maamulka Puntland Maxamuud Xasan Soocadde ayaa shaaca ka qaaday inuu iska casilay xilkaasi oo muddo uu hayey.

Soocadde wuxuu sheegay in arrimo isaga u gaar ah uu isku casilay, islamarkaana aaney jirin cadaadis kaga yimid xukuumaddii uu kamid ahaa, ama madaxda sare ee Puntland.

Wuxuu tilmaamay in warqadihii uu isku casilayey u gudbiyey Madaxweyne Gaas, islamarkaana arrintaasi laga aqbalay, wuxuuna sheegay in tani inta aanu fulin uu muddo kasoo fekerayey.

Soocadde, wuxuu ahaa shaqsi aad u ad adag, u neceb saxaafadda, lana dagaallamayey, illaa uu heer dil ugu hanjabyo ay gaartay, waxayna tani noqoneysaa qodax laga siibay saxaafadda Puntland

WARARKA MAANTA September 26, 2016

Su'aasha Maanta: Maxay dadka ku fashilmay siyaasadda dalka ugu wada sharaxan yihiin jaggadda madaxweynaha Soomaaliya 2016? Maxaase ku kalifay inay Guddiga Doorashooyinka inay sheegaan in xubnaha xildhibaannadda gobalka Hiiraan Iyo Shabeelle lagu soo dhisi doono Muqdisho si ay Damu-Jadiid dib ay u khayaamayso Ummadda Soomaaliyeed muddo 4 sanno oo kale? Soomaaliyeey aan iska-qabano khaa'imiinta siyaasadda dalka ku fashilmay ee aan haddana ka xishoonayn musuqmaasuqooda joogtada ah,

Boosaaso Septeembar 26, 2016 Ra’iisul Wasaaraha Xukumadda Federaalka ah Soomaaliya Mudane Cumar Cabdirashid Cali Sharmaarke ayaa sheegay in Xukuumadd Soomaaliya aysan ku qanacsanayn xukunka dilka ah ee dowladda India ay ku riday dhalinyaradda Soomaaliyeed ,madama aysan helin fursad ay iskaga difaacaan eedaymaha loo soo jeediyey .

“Xukumadda Soomaaliya kuma qanacsano xukunka dowladda India ay ku riday dhaliyaradda Soomaaliyeed ee ku xirnaa xabsiyadda dalkaasi, qof kasta oo bini’aadan ah waxa uu xaq u leeyahay in uu helo xukun ku dhisan Cadaladd, sidaa daraadeed waxaan aaminsanahay in muwaadiniintaas Soomaaliyeed aysan helin Cadaalad maadaama an fursad loo siinin in ay qabsadaan qareeno u doodda ama ka difaaca eedaymaha loo haysto “ayuu yiri Ra’iisul Wasaare Cumar.

Ra’iisul Wasaare SSharmarke ayaa tilmaamay in xukumadu ay kala hadli doonto dowladda India Xukunka ay ku riday dhalinyaradda Soomaaliyeed kuwa ku jira xabsiyadda dalkaasi sidii ay ku heli lahayeen dar-yeel bini aadanimo iyo xukun cadaalad ah .

“ Dowladda India wan kala hadli doonaa dhalinyaradda ku jirta Xabsiyada Dalkaasi sidii ay u heli lahayeen dar-yeel bini aadanimo iyo xukun ku salaysan Cadaaladda ,waxaan sidoo kale la wadaagi donaa in xukumadda Soomaaliya ay aaminsan tahay in xukunkii lagu riday dhalnyaradda Soomaaliyeed uusan ahayn mid Cadaaladda ah, aysana xaq u helin Soomaaliyeed in ay helaan fursad ay isku difacaan”ayuu yiri Ra’iisul Wasaaraha.

Mudane Cumar Cabdirashid Cali Sharmaarke ayaa ugu danbayntii xusay in Xukumadda Soomaaliya ay dadaal wayn ku bixinayso sidii ay dhaliyaradda Soomaaliyeed ee ku xiran xabsiyadda Calamka ay u heli lahayeen xukun ku dhisan Cadaalad isla markaana ay qayb ka mid ah xukun kooda ugu qadan lahayeen Xabsiyadda ku yaalla Dalka.

—-DHAMMAAD—–

Nairobi Septeembar 26, 2016 Dowladda Kenya ayaa ku dhawaaqday inay laashay dhamaan wixii heshiis shidaal baaris ah ee ay la gashay Shirkadaha Shidaal baarista ka waday biyaha ay kula muran san tahay Somaliya. Xeer Ilaaliyaha Guud ee Qaranka Kenya, Githu Muigai,ayaa sheegay in ay hakiyeen dhamaan wixii Shidaal baaris ah oo ay horay u siiyeen Shirkadaha baara shidaalka si kalsooni loo siiyo Somaliya iyo Maxkamadda ICJ.

 Dacwadda badda ee u dhaxeysay labada dal ayaa in la furayo iyo in kale dood la xiriirtay la soo afjaray Jimcihii la soo dhaafay,waxaana go’aan laga sugayaa Maxkamadda ICJ ee Dalkaasi Holland ku taalla.

 Kenya waxa ay sheegtay in goobaha ay shidaal baaristaasi ka socotay oo ah 4 ceel hakad la geliyay kuwaas oo kala ah Ceelka 21-aad,22-aad 23-aad iyo 24-aad,kuwaas oo dhaca halka ay iska galaan biyaha labada dal sida ay sheegtay Kenya.

 Kenya,ayaa wali ku doodeysa in is afgaradkii 2009-kii,kaas oo ay Dowladda Somaliya ku sheegtay in uusan ahayn mid dhaqan gal ama sharci hoggaamin kara heshiis ay gaaraan labada dal.

 Kenya ayaa horay u sheegtay in haddii ay Somaliya kaga guuleysato kiiskan islamarkaana dhulbadeedkaasi laga celiyo oo lagu wareejiyo Somaliya ay taasi saameyn taban ku yeelan doonto Tanzania oo iyana ay sohdin badeed wadaagaan,islamarkaana jiro muran u dhaxeeya labadaasi Dal.

 Baaxadda halka ay ku muransan yihiin Somaliya iyo Kenya ayey Dowladda Kenya ku sheegtay in 42,000KM ay gaareyso,taas oo ay rumeysan yihiin labada dalba in ay kheyraad dabiici ah ka buuxaan.

 Xeer Ilaaliyaha Prof Muigai ,ayaa jeedintii ugu dambeysay ee Maxkamadda kaga codsaday in ay laasho dacwadda Soomaaliya ee ah in kiiskan ay Maxkamadda gasho,halka Soomaaliya ay ku doodday in Kiiskan uu ku habboon yahay Maxkamadda.

Garoowe Septeembar 26, 2016 Ciidamo gadoodsan oo ka tirsan kuwa la dagaalanka wax loo yaqaano argagaxisada ee maamulka Puntland ayaa la wareeegay caawa maqribkii xarunta Bankiga maamulkaas ee magaalada Garoowe.

Wararka ayaa sheegaya in ciidamadan oo aad u hubeysan, watana gaadiid dagaal ay isku gedaameen xarunta bankiga Puntland, iyagoo joojiyey dhaqdhaqaaqii dadka iyo gaadiidka ee nawaaxiga Bankiga.

Sida warku sheegayo ciidamadan gadoodsan ayaa ka cabanaya mushahar la’aan soo jiitameysay dhowrkii bilood ee la soo dhaafay, iyagoo ku eedeeyey masuuliyiinta maamulka iney iska ilaaween.

Masuuliyiin iyo saraakiil kale oo ka tirsan maamul goboleedka Puntland ayaa la sheegay iney wadahadal kula jiraan ciidamada gadooday, si ay ugu qanciyaan iny baneeyaan xarunta bankiga, xeryahoodana dib ugu laabtaan, iyagoo u sameynaya balan-qaadyo.

https://www.youtube.com/watch?time_continue=21&v=1Y9Ds7Mgkqg
Muqdisho Septeembar 26, 2016 Wasiirka Arimaha Gudaha Soomaaliya C/raxmaan Maxamed Odawaa ayaa waxa uu ka hadlay sida ay usocoto dhismaha Maamulka loo dhisayo Gobollada Hiiraan iyo Sh/Dhexe.

Wasiirka waxa uu sheegay in hadda meel wanaagsan ay marayaan islamarkaana la qeybiyey Xildhibaanadii Maamulkaasi uu yeelan lahaa ayna waxa dhiman dhawaan dhameystirmi doonaan.

C/raxmaan Xuseen Odawaa ayaa sheegay inay ku dadaali doonaan sidii Cabashada weli jirta loo qancin lahaa beelaha Muujinaya balse ay Xaaladu noqon doonto mid ku dhisan Badnaashiyaha dadka wax dhisanaya.

Wasiir Odawaa ayaa soo bandhigay Hadal uu kol hore usheegay Xasan Sheekh Madaxweynaha Soomaaliya oo ahaa in dhoobeyda aysan ku taraarixin oo si maldahan aheyd.

Hadalkaasi ayaa hadda la daremayaa maadaama Labada Gobol Ee Hiiraan iyo Sh/Dhexe ay ka biyo diidsan yihiin qaarkood Odayaashooda inay Maamul wada dhistaan.

Garoowe Septeembar 26, 2016 Banaanbax xoogan oo ay soo abaabuleen qeybaha kala duwan ee bulshada ee kunool magaalada Gaalkacyo ayaa maanta lagu qabtay magaalada Gaalakcyo ee xarunta gobolka Mudug.

Kumanaan qof oo ka caraysan xukunka la sheegay in dowladda Hindiya ay ku ridayso dhalinyarada Soomaaliyeed ayaa maanta isugu soo baxay fagaaraha ugu weyn magaalada Gaalkacyo.

banaanbaxa ayaa waxaa ka qeyb galay Madax ka tirsan maamulka Gobolka Mudug iyo kan degmada Gaalkacyo.

Dadka banaanbaxa dhigaayay ayaa ku qaylinayay erayo ka dhan ah dowladda Hindiya , waxaana ay dowladda Hindiya ugu baaqeen in ay joojiso xukunkaasi.

Maxkamad ku taalla magaalada Mombai  dalka India ayaa sheegtay in  119 ruux oo loo soo qabtay falal la xiriira burcad badeednimo 50 ka mid ah ay wajahaayaan xukun  dil .

Dhammaan dhalinyarada Soomaaliyeed ayaa qirtay in ay ka galeen falalka lagu soo eedeeyay sanadkii hore, waxaana xilligaasi maxkamadu ay sheegtay in ay dib u eegi doono qaar ka mid ah eedeysanayaasha oo aan qaan gaarin.

Horay maxkamad ku taalla dalka India ayaa lasoo taagay dhalinyarada Soomaaliyeed ee lagu eedeeyay burcad badeednimo , laakiin lagama gaarin go’aan rasmi oo lagu shaaciyay xukunka lagu riday.

Madax ka tirsan Saxaafada Soomaaliya ee dalka India aya xaqiijiyey inaanu jirin xukun illaa haatan dhacay, hase ahaatee la filayo in dacwaddan laga go’aan gaaro bishan 30-keeda.

WARARKA MAANTA September 25, 2016
Muqdisho  Septeembar 25, 2016 Warsaxaafadeed ka soo baxay Wasaaradda Warfaafinta Xukumadda Soomaaliya ayaa lagu sheegay in Dhalinyarada Soomaaliyeed ee lagu Xukumay dalka India ay ahaayeen Kaluumeysato Markii hore Gudaha Soomaaliya Maraakiib Hubeysan oo si Sharci daro ah uga Kaluumeysanayay ay qabteen Dhalinyaradaan kadibna ay ku sheegeen in ay Burcadbadeed soo qabteen.

Muqdisho  Septeembar 25, 2016 Wararka ka imaanaya Magaalada Garowe ee Caasimadda Maamulka Puntland ayaa sheegaya in Sargaal ka tirsan Ciidamada Badda Maamulka Puntland lagu Toogtay Bartamaha Magaalada.

Dilka ayaa la sheegay in ay Geysteen Ciidamo ka tirsan kuwa Maamulka Puntland.

Goobjoogeyaal ayaa sheegay in Askarta Dilka geysatay ay Sargaalka u dileen si aan ula kac aheyn markii rasaas ay Fureen ay Haleeshay Sargaalka.

Askartii Dilka geysatay ayaa la sheegay in la Xiray,waxaana socota Baaritaan ay lagu baarayo sargaalka ka tirsanaa Ciidamada Badda Puntland ee maanta Garowe lagu dilay.

Muqdisho  Septeembar 25, 2016 Xildhibaan Maxamed Cumar Dalxa oo la hadlay idaacadda Risaala ayaa dowladda Soomaaliya ugu baaqay in la hubiyo xukunka ay wajahaayaan dhalinyarada Soomaaliyeed ee ku xiran dalka India.

Xildhibaanka ayaa sheegay in guddiga arimaha dibada baarlamaanka Soomaaliya ay dadaal dheeri u gali doonaan in ay wax ka qabtaan xukunka dil ah ee ay wajahayaan dhalinyarada Soomaaliyeed ee ku xiran dalka India.

Xildhibaanka ayaa sidoo kale sheegay in dhalinyarada Soomaaliyeed ay dhibaatooyin kala duwan ku haystaan xabsiyada dalka India.

Maxkamad ku taalla magaalada Mombai  dalka India ayaa sheegtay in  119 ruux oo loo soo qabtay falal la xiriira burcad badeednimo 50 ka mid ah ay wajahaayaan xukun  dil .

Dhammaan dhalinyarada Soomaaliyeed ayaa qirtay in ay ka galeen falalka lagu soo eedeeyay sanadkii hore, waxaana xilligaasi maxkamadu ay sheegtay in ay dib u eegi doono qaar ka mid ah eedeysanayaasha oo aan qaan gaarin.

Horay maxkamad ku taalla dalka India ayaa lasoo taagay dhalinyarada Soomaaliyeed ee lagu eedeeyay burcad badeednimo , laakiin lagama gaarin go’aan rasmi oo lagu shaaciyay xukunka lagu riday.

Madax ka tirsan Saxaafada Soomaaliya ee dalka India aya xaqiijiyey inaanu jirin xukun illaa haatan dhacay, hase ahaatee la filayo in dacwaddan laga go’aan gaaro bishan 30-keeda.

Muqdisho  Septeembar 25, 2016 Maxkamad ku taalla magaalada Mombai  dalka India ayaa sheegtay in  119 ruux oo loo soo qabtay falal la xiriira burcad badeednimo 50 ka mid ah ay wajahaayaan xukun  dil .

Dhammaan dhalinyarada Soomaaliyeed ayaa qirtay in ay ka galeen falalka lagu soo eedeeyay sanadkii hore, waxaana xilligaasi maxkamadu ay sheegtay in ay dib u eegi doono qaar ka mid ah eedeysanayaasha oo aan qaan gaarin.

Horay maxkamad ku taalla dalka India ayaa lasoo taagay dhalinyarada Soomaaliyeed ee lagu eedeeyay burcad badeednimo , laakiin lagama gaarin go’aan rasmi oo lagu shaaciyay xukunka lagu riday.

Ma’suuliyiin ka tirsan saxaafada Soomaaliya ee dalka India ayaa la sheegaya in horay loogu wargaliyay xukunkaan ayna booqdeen xabsiyada ay ku xiran yihiin dhalinyarada Soomaaliyeed.

Dhanka kale xaalada nolol xumo ayaa lagu soo waramaya inay haystaan dhalinyarada Soomaaliyeed ee ku xiran xabsiyada dalka India.

Qaar ka mid ah dhalinyarada ayaa la hadlay idaacadda Risaala ee magaalada Muqdisho , ayaa baaq u diray dowladda Soomaaliya.

Dhalinyarada ayaa safaarada Soomaaliya ee dalka Hindiya ku eedeeyay ina ay ka shaqeysay in lagu xukumo xukun dil ah sidaas darteedna ay haystaan hada dhibaatooyin kala duwan.

Dowladda Soomaaliya iyo sidoo kale shacabka Soomaaliyeed ayay ugu baaqeen in ay soo faragaliyaan xukunka madaam aysan galin qaarkood danbiyada lagu soo oogay.

Beledweyne  Septeembar 25, 2016 Taliyaha Ciidanka Booliska Magaalada Baledweyne Cali Dhuux Cabdi  oo la hadlay Warbaahinta  ayaa sheegay in dad badan loo soo qabtay bombo gacmeed xalay lagu weeraray ciidanka dowladda Soomaaliya ee ku sugan magaalada Baledweyne ee xarunta gobolka Hiiraan.

Taliyaha ayaa sidoo kale sheegay in ay gacanta kusoo dhigeen tuhmanayaal lagu tuhmaayo in ay ka dambeeyeen Bombo Gacmeed xalay lagu weeraray magaalada Baledweyne ee xarunta gobolka Hiiraan.

Ciidanka dowladda Soomaaliya ayuu sidoo kale sheegay in ay sii laba jibaari doonaan howgallada ay ka wadaan magaalada Baledweyne ee xarunta Gobolka Hiiraan si loo xaqiijiyo amaanka dadka kunool magaaladaasi.

Kudhawaad 7 ruux ayaa ku dhaawacantay Qaraxa ka dhacay Baledweyne  sida ay Warbaahinta  u sheegeen madax ka tirsan maamulka gobolka Hiiraan.

Dadka Qaraxa ku dhaawacmay ayaa u badan dumar , waxaana la sheegaya in ay caano ku gadaayeen goobta lagu weeraray bombooyinka

New York Septeembar 25, 2016 Wasiirka arimaha dibada Soomaaliya Cabdisalaan Cumar Hadliye ayaa  khudbad uu kaga hadlaayo xaalada Soomaaliya ka jeediyay kulanka guud ee Qaramada Midoobey ee ka socda magaalada New york ee dalka Mareykanka.

Wasiirka arimaha dibada Soomaaliya ayaa si weyn uga hadlay arimo badan oo quseeya caalamka iyo sidoo kale xaalada Soomaaliya.

Wasiir Hadliye ayaa ka hadlay la dagaalanka Al-Shabaab , waxaana uu sheegay in  dalalka Caalamka looga baahan yahay in ay dowladda Soomaaliya ay ka taageeraan sidii Al-Shabaab looga saari lahaa deegaanada ay wali gacanta ku hayaan.

Waxaa uu xusay in dalalka caalamka looga baahan yahay in ay u midoobaan la dagaalanka Al-Shabaab.

Waxa uu sidoo kale ka hadlay wasiirka arimaha dibada Soomaaliya isbadelka Cimilada iyo sidoo kale dhaqaalo xumida soo wajahday qaar ka mid ah dalalka Caalamka.

Kulanka golaha guud ee Qaramada Midoobay ayaa wali ka socda magaalada New York iyadoo ay khudbadaha madaxda caalamka lagu soo qaadayo arrimo badan oo kala duwan.

Muqdisho  Septeembar 25, 2016 Muqdisho ayaa sheegaya in dib u dhac uu ku yimid xubnaha aqalka Sare oo lagu waday in lagu dhawaaqo maanta.

Guddiga doorashooyinka dadban wali kama hadlin arintaan , waxaana la sheegaya in ay jiraan sabababo badan oo geenay in uu dib u dhaco doorashada xubnaha Aqalka Sare.

Sida uu qorshuhu ahaa waxaa lagu waday in lagu dhawaaqo xubnaha Aqalka Sare  25-ka Bisha September ee sanadkaan , waxaana la sheegaya in taasi aysan suurta gal ahayn oo uu dib u dhac ku yimid soo xulista iyo sidoo kale doorashada xubnaha Aqalka sare.

Caqabada ugu badan ayaa la sheegaya in ay ka taagan yihiin dhanka dhaqaalaha iyo sidoo kale xubnaha Aqalka sare ee ka imaanaya gobolada Hiiraan iyo sidoo kale Shabeelaha Dhexe.


WARARKA MAANTA September 24, 2016
  KismaayoSepteembar 24, 2016 Magaalada Kismaayo uu buuq iyo feer kusoo dhamaaday.

Kulankaasi waxa uu ahaa mid ay Beelaha Degga Jubbaland iskugu yimaadeen islamarkaana la sheegay in lagu soo xulayey Xubnaha umateli doona Baarlamaanka Cusub Ee Soomaaliya.

Muran iyo Buuq hareeyey Kulankaasi ayaa waxa lasoo sheegayaa in feer iyo gacan ka hadal ay ka tagtay ka qeyb galayaashii kulanka.

Odayaal dhiig ka baxayey ayaa lagu arkay kulanka sida ay goob joogayaal ay sheegeen waxaana dadka la feeray ku Jira C/raxmaan Dheere oo mar wasiiru dowle kasoo noqday Xukuumadii Soomaaliya.

Muqdisho Septeembar 24, 2016 Is qab qabsi iyo khilaaf ayaa ka taagan sida loo qeybsanayo ergooyinka Beelaha ee soo dooranaya Xildhibaanada Aqalka hoose, iyadoo beelaha qaar ay isku maandhaafsan yihiin soo xulitaanka tirada beel walba ka soo gaartay 51-ergo.

Sida ay sheegayaan warar aanu heleyno is-maadhaafka ka jira soo gudbinta ergada beelaha ayaa waxaa qeyb ka ahaa siyaasiyiin iyo xubno ka tirsan dowladda waqtigeeda dhamaaday oo doonaya in shaqsiyaad si gaar ah u wataan in loogu daro, si ay iyaga u doortaan.

Wararka qaar ayaa intaa ku daraya odayaasha dhaqanka ee 135-ta ah ay u gudbiyeen Beelaha inay soo gudbiyaan liiska 51 ergo, hase ahaatee uu is qab qabsi ka jiro.

Wararka ayaa intaa ku daraya in Siyaasiyiin damac ku jira ay doonayaan in xubno iyaga taageersan in loogu daro ergada, taas ayaana sabab u ah in waqtigii la filayay soo gudbinta liiska ergooyinka uu dib u dhaco.

Guddiga doorashada ayaa la filayaa in maalmaha soo socda uu ka hadlo caqabadaha ka taagan ergooyinka aan wali la soo gudbin iyo dib u dhacyada ku imaan kara doorashada, waxaana dhowaan ugu baaqeen Odayaasha inay soo gudbiyaan liiska rasmiga ah ee ergooyinka.

Olole ballaaran oo ay wadaan Musharaxiin u taagan kuraasta Xildhibaanada ayaa ka socda magaalada Muqdisho, waxaana arrintan kala qeybsanaan ku kala eegtay xubno horay saaxiib u ahaa, oo markan noqday kuwo isku damac ah oo Xildhibaano wada raba.

Beel walba ayaa laga doonayaa in kursiga Xildhibaanimo ee leedahay isku soo sharaxaan shan xubnood, waxaana soo dooran doona 51 ergo, iyadoo maalmahan ay isa soo tarayeen Musharaxiinta Xildhibaanada ee u taagan kursiga Xildhibaanimo ee beesha ay u dhasheen.

Gaaljacyo Septeembar 24, 2016 Xiisad ayaa Caawa ka Taagan Magaalada Gaalkacyo qeybteeda Waqooyi taasi oo u Dhaxeysa Ciidanka Puntland iyo shacab Careesan.

Xiisada ayaa ka Dhalatay Kadib markii Ciidan ka Tirsan Puntland ay isku Dayeen in ay Gudbiyaan Gawaari Xamuul ah oo Sida Xoolo laga keenay koofurta Somalia.

Isku Daygaasi Waxaa diiday Shacab ku Sugan Waqooyiga Gaalkacyo Waxana Arintaasi ka Dhalatay in Rasaas lagu Furo Shacabka arintaasi Waday.

Ilaa hada ma Cada Khasaaraha ka Dhashay isku dhacaasi Waxa Qasan jawiga Magaalada taasi oo ku aadan Falka Dhacay.

Ugu Danbeyn habeenadan oo dhan Waxaa Magaalada ka Gudbaayay Xoolaha Nool ee Boosaaso loo Wado Tan iyo markii la Furay Jidka hase Yeeshee Arintaasi ayaa hada u muuqata mid Khilaaf Xoogan ka Taagan

Jowhar Septeembar 24, 2016 Is Warar lagu kalsoon yahay ayaa waxay sheegayaan in Banaanbaxayaal maanta iskugu yimid Magaalada Jowhar ay ciidan katirsan Dawlada Soomaaliya Rasaas ooda uga qaadeen.

Ciidanka ayaa ku amray Shacabka Isku soo baxay inay joojiyaan Banaanbaxa balse ay diideen inay uhogaansamaan amarka Ciidanka Booliska usoo jeediyeen.

Inta la og yahay Hal qof ayaa la sheegay inuu ku dhaawacmay rasaasta ciidanka dawlada ay ku fureen dadka banaanbaxa ka dhigayey Magaaladaasi.

Dibad baxayaasha ayaa kacareysnaa iskahorimaad ka dhacay Xalay Xaafada Kulmis Ee Magaalada Jowhar oo dad ay ku dhinteen kuwo kalena ay ku dhaawacmeen.

Dhinaca kale Wakaalada Warkii ayaa heshay xog ku aadan in dagaalkii xalay ka dhacay Jowhar uu udhaxeeyey Ciidan kala taabacsan Gudoomiyaha Degamda Jowhar C/qaadir Buur fuule iyo Taliyaha Saldhiga Booliska Jowhar Maxamed Siyaad Canjeex.

Xiisad ka dhex jirtay Labada Mas’uul ayaa keentay inay iskahorimaad uu dhexmaro sida dadka deegaanku asheegaan oo ilaalada labada mas’uul ay is fara saareen.

WARARKA MAANTA September 23, 2016
Su'aasha Maanta: Ugaasyadda Gobalka Hiiraan State oo ku dhawaaqay inay si deg deg ay ugu dhawaaqi doonaan Hiiraan State oo ay soo dooran doonaan xildhibaannadda Hiiraan State iyo Xildhibaannadda Fadaraalka Soomaaliya haddaba dhageysto hee sida ay runta ugu sheegeen Ururka Damu-Jadiid ee uu wakhitiga ka dhammaaday kuwaasoo dhulka lagu jeeday https://www.youtube.com/watch?v=aDTnVGOjNOk&feature=youtu.be
Muqdisho Septeembar 23, 2016 Gudoomiyaha Baarlamaanka Federaalka Soomaaliya Maxamed Sheekh Cusmaan (Jawaari) uu gaaray Magaalada Baydhabo ee xarunta Gobolka Baay ayaa waxa uu ka hadlay ujeedka ugu weyn ee uu halkaasi u gaaray.

Ma


September 2016

 

WARARKA MAANTA September 05, 2015
Muqdisho September 05, 2016 Madaxweynaha Soomaaliya Xasan Sheekh Maxamuud ayaa Maanta gelinkii dambe saxiixay Sharciga Axsaabta Siyaasadeed ee Dalka ka dib Munaasabad Kooban oo ka dhacday Xarunta Madaxtooyada Soomaaliya.

Munaasabada ayaa Waxaa Goob jog ka ahaa Gudoomiyaha Baarlamaanka Soomaaliya, Ergayda gaarka ah ee Xoghaya Guud Q


August 2016

 


WARARKA MAANTA Agoosto 31, 2016

Puntland Agoosto 31, 2016 Madaxweyne ku xigeenka maamulka Puntland C/xakiin Xaaji Cumar C/laahi Camey ayaa ku baaqay in la iska kaashado la dagaalanka Al-shabaab si looga hortago falalka lidiga ku ah ee ay mararka qaar ka geysanayaan magaalada Muqdisho iyo Gobolada Dalka.

Wuxuu sheegay Dowladda Soomaaliya iyo maamul goboleedyada in looga  baahan yahay in ay u midoobaan la dagaalanka Shabaab, si Shabab looga guuleysto.

Madaxweyne ku xigeenka maamulka Puntland C/xakiin Camey ayaa sidoo kale wuxuu sheegay ahmiyada ugu weyn ee shabaab looga guuleysan karo in ay tahay in Dowladda Soomaaliya iyo maamul goboleedyada dalka ay iskaashi sameeyaan.

Shalay ayay aheyd markii weerar loo adeegsaday Qarax lagu qaaday Hotelka SYL ee ku yaalla afaafka horee Madaxtooyada Soomaaliya, waxaana weerarkaas ku dhintay tiro ka badan 20 Qof halka in ka badan 30 Qof ay ku dhaawacmeen.

Muqdisho Agoosto 31, 2016 Wasiirka Caafimaadka ee Xukuumadda Soomaaliya Maxamed Xaaji Cabdinuur (Madeer) ayaa sheegay in dalka dibadiisa loo qaaday dadka dhaawacyadooda halista yihiin ee ku waxyeeloobay qaraxii cuslaa ee shalay ka dhacay magaalada Muqdisho.

Wasiirka ayaa bogaadiyay howsha dhaqaatiirta Soomaaliyeed iyo dadaalka ay u galeen bad baadinta dadkii shalay ku dhaawacmay qaraxii shalay.

“Dadka dhaawacyada halista ah ee dalka gudihiisa waxba looga qaban karin waxaa isku dayaynaa in dalka dibadiisa loo qaado, wixii awooda dowladda ahna ee gargaarka dadkaas ma hagran doono”ayuu yiri Wasiirka Caafimaadka.

Sidoo kale Wasiirka ayaa sheegay in si deg deg ah dadka dhaawacyadooda halista yihiin dalka dibadiisa loogu qaadi doono.

Muqdisho Agoosto 31, 2016 Xildhibaan Shariif Maxamed Cabdala oo ka mid ah Xildhibaanada Baarlamaanka Soomaaliya ayaa Dowladda Federaalka Soomaaliya wuxuu ku eedeeyay in ay ku guul dareysatay sugidda amniga Dalka.

Wuxuu sheegay Dowladda in aysan xil iska saarin amniga dalka, taasina ay keento in Shabaab ay weeraro ka geystaan meelaha shacabka ay isugu yimaadaan iyo xarumaha Dowladda.

Xildhibaan Shariif Maxamed Cabdala ayaa sidoo kale wuxuu sheegay amni darada dalka ka jirta in ay qeyb ka tahay ciidanka oo aan la siin mushaarkooda oo ay xaqa u lahaayeen.

Madaxda Dowladda Federaalka Soomaaliya iyo sidoo kale Hay’adaha Amniga ayuu ugu dambeyn ugu baaqay in ay gacan bir ah ku qabtaan amniga dalka oo ay ka hortagaan weerarada Shabaab.

Shalay ayay aheyd markii weerar loo adeegsaday Qarax lagu qaaday Hotelka SYL ee ku yaalla afaafka horee Madaxtooyada Soomaaliya, waxaana weerarkaas ku dhintay tiro ka badan 20 Qof halka in ka badan 30 Qof ay ku dhaawacmeen.

WARARKA MAANTA Agoosto 30, 2016
Muqdisho Agoosto 30, 2016 Wararka inaga soo gaaraya agagaarka Madaxtooyada Soomaaliya ee magaalada Muqdisho ayaa waxa ay sheegayaan in goor dhow Qarax aad u culus lagu weeraray afaafka hore ee Madaxtooyada Soomaaliya, halkaasi oo Gaari waxyaabaha Qarxa laga soo buuxiyay lagu dhuftay.
Wararka ayaa sheegaya in Gaarigan oo noociisa weli aanan la ogaanin, balse aad u miineysnaa lagu dhuftay Koontaroolka Koowaad ee laga galo Madaxtooyada Somaliya, halkaasi oo ah meel wadada laamiga dhinaceeda saaran.
Qaraxa xoogiisa ayaa si weyn looga maqlay guud ahaan Degmooyinka Magaalada Muqdisho, waxaana uu geystay Khasaare kala duwan oo dhimasho iyo dhaawac iyo sidoo kale bur bur ah.
Waxaa sidoo kale bur bur xoogan soo gaaray Hotelka Siyaad iyo Hotelka SYL oo ka agdhaw Madaxtooyada Soomaaliya, islamarkaana ah goobta Qaraxa uu ka dhacay.
Muqdisho Agoosto 30, 2016 Waxaa maanta shir jara,id isugu yimi dhamaan asxaabta siyaasada soomalia oo aad udhaliilay ugaas lagu soo daray 135 ugaas oo hore loo ansixiyey waxaana asxaabtan siyaasada oo aan ukala hadhin sixun u dhaliileen gudiga doorashooyinka soomalia oo kutub kumaray inay dhex dhexaad u yihiin musharaiixnta soomalia maxamuud axmed tarsan ayaa kawaramay ugaaskaas cusub oo uu warqadiisu saxeexay gudoomiyaha soomalia jawaari oo xasan shiikh dawada ka riixayo waxaana uu tarsan sheegay in alle ka baqaan gudigu oo aanay ugaas ka aqabalin warqadaas hadii akle wadankan aad u horseedi doontaan dhibato iyo isku dir ka dhex dhaca umada soomaliyeed waxaana sidoo akle sheegin inay beesha caalamka dacwad u gudbin doonan hadii ay warqadaas ay ogalaadan gudiga dhex dhexaadka doorashooyinka soomalia waxaana dhamaan asxaabta siyaasadu isku raaceen inay diidamaas kawadav siman yihiin xasan shiikh kadaa wadanka fooda iyo dhibta aad ladoonayso, https://www.youtube.com/watch?v=1jBnnMY3_LQ
Muqdisho Agoosto 30, 2016 Waxaa Magaalada laascaanood ee xarunta gobolka sool kadhacay banaan baxagaga soo horjeedo kumishinka soomaliland yadoona ay kumaan dad ah oo gashan calanka khaatumo iyo soomaliya ay sicad udiideen kumishinka yagoona sheegay in dadka reer laascaanood lagu amaray in ay si qasab ah ay kuqaataan diiwan galinta.

dadka reer laascaanood ayaa ah kuwo aan kka gaban runta waxay jaah wareer kurideen maamulka somalilan ee laaascaanood haysta yagoona ay umaara waayeen in ay banan baxyada ay joojiyaan

dadka reer laascaanood marnaba ma ogala kumishinka iyo weliba maamulka soomaliland hadaba daawada barnaamijka laga sooduubay banan baxa

Muqdisho Agoosto 30, 2016 braahim Aadan Ibraahim (Ibraahim Nadaaro) oo ka tirsanaa Saraakiisha sar sare ee Ururka Al Shabaab, ayaa waxaa uu isu soo dhiibay Dowladda Dhexe Somaliya.

Laamaha ammaanka, ayaa waxay Sarkaalkaasi ku soo bandhigeen Xarunta Godka Jilicow ee Degmada Boondheere, halkaasoo uu si rasmi ah uu kula hadlay bahda Saxaafadda.

Ibraahim Aadan Ibraahim, ayaa sheegay in muddo laba sano laga jooggo uu qaatay go’aankiisa la xiriira, sidii uu uga tanaasuli lahaa fekerka khalafsan ee Shabaab.

“Laga bilaabo caawa Waxaan cadaynayaa inaan isaga baxay Al Shabaab, go’aankaan waxaa qaatay labo sano ka hor.” Ayuu yiri Ibraahim Aadan Ibraahim.

Ibraahim Aadan, ayaa sidoo kale sheegay in go’aankan uu ku dhashay, markii uu arkay in Shabaabku ku been abuuranayaan Shareecada Islaamka.

“Waxaana igu dhaliyay markaan arkay sida looga been sheegayo diinta islaamka iyo dhaqan galinta shareecada islaamka, waliba aniga oo ka faa’iidaysanaya balanqaadkii madaxweynaha ee ku aadanaa in qofkii ka soo laabta Al-Shabaab la cafinayo.” Ayuu yiri Ibraahim Nadaaro.

Ibraahim Nadaaro oo deegaan ahaan ka soo jeeda Gobolada Baay & Bakool, ayaa waxaa uu Shabaabku uu ku biiray muddo sagaal sano laga jooggo, iyadoo uu ka tirsanaa Waaxda Garsoorka Al Shabaab.

1-1-768x431 2-1-768x403

Muqdisho Agoosto 30, 2016 Iyadoo shalay Degmada Xamar Jajab gaar ahaan Agagaarka Dekada Muqdisho ay ka dhacday Shaqaaqo taas oo ku aadaneyd Rasaas ay fureen Ilaalada Xildhibaan Maxamed Cumar Dalxa in ay ku dhaawacmeen Dad shacab ah iyo sidoo kale Askar ka tirsan Dowladda Soomaaliya ayaa waxaa arintaasi ka hadlay Xildhibaan Dalxa.

Wuxuu sheegay Askartii geysatay falkaas ee ka tirsaneyd ilaaladiisa in uu ku wareejiyay sharciga si baaritaano loogu sameeyo, hadii ay dambi leeyihiin sharciga la marsiiyo hadii aysan laheyna la soo sii daayo.

Xildhibaan Dalxa ayaa sheegay in Mas’uuliyiinta qaar ee ka tirsan Dowladda Soomaaliya iyo Warbaahinta Dowladda ay si qaldan u sheegeen warkaas, isagoo intaa ku daray in wax walba muhiim ay tahay in xaqiiqada laga sheego.

Mas’uuliyiinta Dowladda ayaa inta badan waxaa lagu eedeeyaa in aysan u turin shacabka gaar ahaan xilliyada ay marayaan wadooyinka oo mararka qaar ay Rasaas ku furaan Dadka shacabka ah.

Muqdisho Agoosto 30, 2016 Qarax ayaa laga maqlay agagaarka Hotelka SYL ee Magaalada Muqdisho,waxaana ka mid ah ah Dadka la xaqiijiyay ilaa hadda in ay ku dhaawacmeen Bashiir Max’ed Sabriye, oo ka mid ah howlwadeennada hoteelka SYL.

Qof ka mid ah maamulka Hoteelka ayaa u xaqiijiyay Mustaqbal Radio,in darbiga Hotelka qeybta xigta Madaxtooyada Soomaaliya ay baaba’day islamarkaana a=uusan hadda jirin darbi uu leeyahay Hotelka.

Gaadiidka Gurmadka deg degga ah ayaa ku howllan qaadidda dhaawacyada iyada oo aanay jirin Rasaas ka dhaceysa gudaha Hotelka,waxaana jiray kaliya Qaraxa ka dhacay darbiga Hotelka.

La soco wixii ku soo kordha wararkan,hadba sida aan u helno ayaan idin kugu soo gudbin doonnaa Insha’allah.

Jubbaland Agoosto 30, 2016 Maamulka Jubaland ayaa sheegay inay hakiyeen qaxootigii laga soo celinayay xeryaha Dhadhaab ee dalka Kenya.

Arintan ayey u sababeeyeen kadib markii sida ay sheegeen looga baxay ballan horey looga qaaday oo aheyd in dadka la soo celinayo la siinayo adeegyada ay u baahan yihiin marka ay gudaha Soomaaliya ku soo noqdaan.

Maamulka ayaa sheegay inay xaqootiga ay haatan ku hakiyeen magaalada Dhoobley aysanna ogolaan doonin inay halkaa uga soo gudbaan Jubaland maadama aysan qaadi karin culeyska iyo tirada qaxootiga soo noqonaya.

Waxaanan la ogeyn hada suurtagalnimada hadii Jubaland lagu gacan siin doono marti galinta gaar ahaan in laga taagero dhinaca tashiilka marti galinta qaxootiga.

Muqdisho Agoosto 30, 2016 Warar naga soo gaaraya magaalada Muqdish ee caasumada Soomaaliya ayaa sheegaya in uu dumay dhisme labo Dabaq ka kooban, kaas oo ay ku xiligaas ku jiraan Dad Soomaaliyeed subaxnimadii hore ee saaka.

Ilaa hada dhimashada 3 qof ayaa la xaqiijiyey, iyadoo sidaas oo kale lasoo samatabixiyey in ka badan 4 qof oo kamid ahaa dadkii daganaa gurrigan.

Saraakiisha maamulka gobalka Banaadir waxay sheegeen in ay ku howlan yihiin sidii loo baadi goobi lahaa dad hor leh oo cabsi laga qabo in ay ku jiraan dhismahan burburay.

Dhismahan dumay ayaa ku yaala degmada Shangaani ee gobalka Banaadir, waxaana ilaa hadda baaris lagu hayaa sababaha u dumay dhismahan oo dhawaan dibu habeyn lagu sameeyey.

WARARKA MAANTA AGOOSTO 29, 2016

Muqdisho Agoosto 29, 2016 Xildhibaanada Baarlamaanka Soomaaliya  ayaa u yeeray Gudoomiyaha Bankiga Dhexe ee Soomaaliya Mudane, Bashiir Ciise Cali si wax looga weydiiyo sida ay ku dhacday in Bankiga Dhexe laga xado lacag gaareysa $ 530,000.

Xidlhibaan Maxamed Nuuraani Bakar  oo ka mid ah Xildhibaanada Baarlamaanka Soomaaliya oo la hadlay Warbaahinta  ayaa sheegay in aysan suurtagal aheyn in lacag cadadaas dhan in Bankiga laga xado.

Wuxuu sheegay in dhowaan Gudoomiyaha Bankiga Dhexe uu hor imaan doono Xildhibaanada Baarlamaanka si loola yeesho la xisaabtan dhab ah.

Siyaasiyiinta qaar ayaa horey u soo jeediyay in Dowladda Soomaaliya ay waajib ku tahay in ay xil ka qaadis ku sameyso Gudoomiyaha Bankiga Dhexe iyo dadka ka hoos shaqeeya.

Dhowaan ayay aheyd markii Gudoomiyaha Bankiga Dhexe ee Soomaaliya Bashiir Ciise Cali uu shaaciyay in Bankiga Dhexe ay ka maqan tahay lacag dhan $ 530,000, taasina uu ku eedeeyay in uu la baxay Qasnajiga Bankiga.

Muqdisho Agoosto 29, 2016 Waxaa maanta magaalada Muqdisho lagu qabtay Munaasabad tababar loogu soo xirayey cutubyo katirsan ciidamada xooga dalka Soomaaliyeed, gaar ahaan ciidanka Danab, waxaana Munaasabadaasi ka qeyb galay saraakiil katirsan ciidamada xooga dalka Soomaaliyeed oo uu ugu horeeyey taliyaha ciidamada Xooga Dalka Soomaaliyeed, General Maxamed Aadan Axmed iyo saraakiil kale oo ka tirsan ciidanka Militeriga.

Ciidamadan oo uu tababar uga socday mudo dugsiga tababarka ciidamada ee General Dhaga-badan ee magaalada Muqdisho ayaa goobta kusoo bandhigay gaada kacayaar iyo xirfado kale oo muujinayey sida ay ugu diyaar garoobeen difaaca dalka.

Taliyaha-xooga-dalka1Taliyaha ciidamada xooga dalka Soomaaliyeed General, Maxamed Aadan Axmed oo halkaasi qudbad uu ka jeediyay kula hadlay ciidanka, waxa uuna sheegay in ciidankan oo kamid ah kuwa Danab ay u diyaarsan yihiin sidii cadowga ay uga difaaci lahaayeen dalka, isagoo ciidankana kula dar daarmay in si daacad ah ugu adeegaan dalkooda. https://www.youtube.com/watch?v=qyemfcgcrWo

Jubbaland State Agoosto 29, 2016 Iyadoo Qaxootigii ugu badnaa ay kasoo laabanayaan xeryaha Qaxootiga dalka Kenya ee Dhadhaab , islamarkaana ay soo gaarayaan gobolka Jubbada Hoose ayaa arimahaasi waxaa ka hadlay maamulka Jubbaland.

Gudoomiyaha gobolka Jubbada Hoose Cabdirashiid Cali Gooni ayaa sheegay in Qaxootiga kasoo laabtay xeryaha dalka Kenya ay dhibaatooyin kala duwan ku heystaan gobolka Jubbada Hoose.

Gudoomiyaha ayaa sheegay in Qaxootiga ay ku keenikaraan xaalad amni daro deegaanada maamulka Jubbaland .

Waxa uu sheegay in Qaxootiga ay heystaan dhibaatooyin kala duwan , islamarkaana dhalinyaradu aysan haysan waxbarasho iyo shaqo midna.

Waxa uu ku baaqay gudoomiyaha gobolka Jubbada Hoose in laga taageero sidii dhalinyarada kasoo laabatay Dhadhaab ay ku heli lahaayeen waxbarasho iyo sidoo kale daryeel .

Muqdisho Agoosto 29, 2016 Iyadoo shalay Ra’iiusul Wasaaraha Soomaaliya Cumar C/rashiid Cali Sharmaarke uu la kulmay Qaar ka mid Haweenka Soomaaliyeed ayaa waxa ay ka wada hadleen sidii ay ku heli lhaayeen Haweenka Qoondada ay ku leeyihiin Dowladda cusub.

Wasiirka Haweenka Xukuumada Soomaaliya Marwo Sahra Maxamed Cali Samatar ayaa sheegtay in muhiim ay tahay Haweenka in ay helaan Qoondada ay ku leeyihiin Dowladda soo socota, si ay u soo bandhigaan waxqabadkooda.

Waxa ay sheegtay Go’aanka ugu dambeeya ee ku aadan Qoondada Haweenka in lagu go’aamin doono shirka Madasha Wadatashiga Qaran ee Bisha September ka furmi doona magaalada Muqdisho.

Madaxweynaha Soomaaliya Xasan Sheekh Maxamuud ayaa horey u sheegay in Haweenka Soomaaliyeed ay heli doonaan Qoondada ay ku leeyhiin Dowladda cusub, hadii mida ay dhici weydana ay heli doonaan meel u dhow Qoondadooda ah Boqolkiiba Soddon.

Muqdisho Agoosto 29, 2016 Ciidanka Sirdoonka Qaranka iyo Nabad Sugida Soomaaliya ayaa Magaalada Muqdisho xalay ku qabtay Gaari Carib ah oo nuuca Qalinka ah kaas oo ay saarnaayeen Walxaha Qarxa.

Gaariga ay qabteen ciidanka NISA ayaa lagu qabtay afaafka hore ee iskuulka Xaawo-taako oo ku yaalla meel u dhow Afar Irdoodka Degmada Xamar Weyne ee Gobolka Banaadir.

Ciidanka NISA ayaa Gaariga ka fur furay Waxyaabihii Qaraxa ka sameysnaa ee saarnaa sida uu sheegay Afhayeenka Maamulka Gobolka Banaadir C/fataax Cumar Xalane.

Wuxuu sheegay in Gaarigan xogtiisa la hayay sidoo kalena ay ku daba jireen ciidanka NISA taasina ay keentay in Gaariga gacanta lagu dhigo.

Maalmo ka hor ayay aheyd markii Gaari Walxaha Qarxa ay saarnaayeen lagu weeraray Maqaaxida Banaadir Beach ee ku taalla Xeebta Liido, halkaas oo ay ku dhinteen 9 Ruux halka 3 Qof oo kalena ay ku dhaawacmeen.

Muqdisho Agoosto 29, 2016 Wasiirka kaluumeysiga iyo Kheyraadka Bada ee Xukuunada Federaalka Soomaaliya Maxamed Cumar Caymooy oo ku sugan magaalada Jowhar ee Gobolka SHabeelaha Dhexe ayaa booqasho ku tagay meelaha uu saameeyay fatahaada Wabiga Shabeele iyo dhibaatada uu dadka u geystay.

Wuxuu sheegay Wasiirka kaluumeysiga iyo Kheyraadka Bada in dhibaato badan uu u geystay Wabiga Dalaga iyo sidoo kale Guryaha qaar ee ay leeyihiin shacabka.

Wasiirka ayaa sidoo kale sheegay in kulanka ugu soo horeeya ee ay yeelanayaan Golaha Wasiirada Soomaaliya uu horgeyn doono si wax looga qabto dhibaatada uu geysanayo Wabiga Shabeele.

Wabiga Shabeele ayaa inta badan waxa uu fatahaad ka geystaa Deegaano ka tirsan Gobolka Shabeelaha Dhexe, waxaana shacabka halkaasi ku dhaqan ay ku baaqeen in wax laga qabto fatahaada uu geysanayo Wabiga

Muqdisho Agoosto 29, 2016 Taliyaha Ciidanka Xoogga Dalka General Maxamed Aadan Axmed oo shalay Tababar u soo xiray ciidamo ka tirsan Dowladda Soomaaliya gaar ahaan kuwa Danab ayaa sheegay in dhowaan ay bilaaban doonaan Howlgallo ka dhan ah Shabaab.

Taliyaha Ciidamada Xoogga Dalka Soomaaliyeed ayaa sheegay in ciidanka Danab ay u diyaarsan yihiin sidii Shabaab ay uga difaaci lahaayeen Dalka, isagoo ciidankana kula dar daarmay in si daacad ah ay ugu adeegaan Dalka.

Wuxuu sheegay in la joogo waqtigii Al-shabaab laga saari lahaa Dalka taasina ay hada bilaabi doonaan Ciidanka Xoogga Dalka Howlgalka Shabaab looga xoreynayo Dalka.

Taliyaha ayaa shacabka Soomaaliyeed kula dar daarmay in ay mar walba la shaqeeyaan Ciidanka Xoogga si looga guuleysto Al-shabaab.

WARARKA MAANTA AGOOSTO 28, 2016

Nairobi Agoosto 28, 2016 Shirka Wadamada Afrika iyo Japan ayaa Maanta lagu wadaa in lagu soo gabagabeeyay Magaalada Nairobi ee Dalka Kenya.

Shirka ayaa waxaa loogu hadlay Maalgashiga Wadamada Afrika iyo sidii loo sii Xoojin lahaa Xiriirka taariikhiga ah ee ka dhaxeeya Wadamada Afrika iyo Japan.

Sidoo kale Shirka ayaa waxaa Maanta laga soo saarayaa War murtiyeed ay ku wada heshiiyeen wadamadii shirka ka qeyb galay iyo Japan.

Sidoo kale waxaa Maanta lagu wadaa in ay Magaalada Nairobi ay ku kulmaan Madaxweynaha Dowladda Federaalka Soomaaliya iyo Ra’isal Wasaaraha Dalka Japan.

Muqdisho Agoosto 28, 2016 Ciidamada Nabad Sugida ayaa magaalada Muqdisho waxa ay ku qabteen Haweeney la sheegay in ay katirsaneed Kooxda Al-Shabaab una qarin jirtay hubka ay xiliyada qaar ay dilalka uga fuliyaan magaalada Muqdisho.

Gabadhan ay qabteen Ciidamada Nabad Sugida ayaa lagu magacaabaa Sumayo Maxamed Geeddi , waxaana xiliga la qabanayay ay boorso ku wadatay qorayga loo yaqaan AK-47 oo la sheegay in ay u waday dagaalyahan katirsan Al-Shabaab.

Sumayo oo la hadashay Warbaahinta ayaa sheegtay in mudo kooban la shaqeeneysay xubno katirsan Al-Shabaab uuna howshaasi kusoo xiray nin katirsan Al-Shabaab oo ay sheegtay in uusan Muqdisho joogin uuna jiro meel gobol ah.

Gabadhan katirsan Al-Shabaab ee qabteen ciidamada Nabad Sugida ayaa sheegtay in ay dagneed labo guri oo ku kala yaalay Bakaaraha iyo Suuq Bacaad, waxa ayna tilmaantay in qorayga lagu qabtay ay waday nin kale oo katirsan Al-Shabaab.

Ciidamada Nabad Sugida ayaa maalmihii lasoo dhaafay ka waday magaalo Muqdisho howlgalo balaaran oo amaanka lagu xaqiijinayay , waxa ayna ciidamada xireen dhalinyaro lagu tuhmayo in ay katirsan yihiin Al-Shabaab.

sumayo_1 

Muqdisho Agoosto 28, 2016 Kulankii Todobaadlaha ee Mas’uuliyiinta maamulka Gobolka Banaadir ay maanta yeesheen ayaa waxaa looga hadlay amaanka guud ee Degmooyinka Gobolka Banaadir.

Kulanka ayaa sidoo kale waxaa looga hadlay sidii Gudoomiyeyaasha Degmooyinka ay u xoojin lahaayeen amaanka guud ee Degmooyinka ay Mas’uulka ka yihiin.

Afhayeenka maamulka Gobolka Banaadir C/fataax Cumar Xalane oo la hadlay warbaahinta ayaa sheegay in kulanka maanta si weyn looga hadlay sugida amniga Degmooyinka Gobolka Banaadir

Sidoo kale Afhayeenka maamulka Gobolka Banaadir ayaa sheegay in Gudoomiyaha Gobolka Banaadir uu si adag ula dar daarmay Gudoomiyeyaasha Degmooyinka Gobolka Banaadir.

Kulanka Mas’uuliyiinta maamulka Gobolka Banaadir ayaa sidoo kale looga hadlay dar dar gelinta qaadista Canshuuraha iyo Dhismaha Wadooyinka Muqdisho.

Baraawe Agoosto 28, 2016 Hoggaamiyaha mucaaradka Koofurta Sudan Riek Machar ayaa ka baxay isbitaal lagu daweynayay magaalada Khartoum caasimada dalka Sudan hase yeeshee waxaa la sheegay inuu sii joogi doono magaalada Khartoum.

Wasiirka warfaafinta Sudan ayaa sheegay August 23 in Machar oo ka soo cararay dagaalo u dhexeeya ciidamadiisa iyo kuwa dowlada uu u yimid Khartoum sababo cafimaad awgeed.

Mid kamid ah kaaliyaasha wehelinaya Machar Sabt Makkouk ayaa sheegay in xaalada caafimaad ee Machar ay wanaagsan tahay balse uu sii joogi doono Khartoum.

Madaxweynaha Koofurta Sudan Silva Kiir ayaa shaqada ka eryey madaxweyne ku xigeenkiisii hore kadib markii uu dib ugaga soo cusboonaaday dagaalo magaalada Juba bishii la soo dhaafay.

Machar ayaa ka soo baxay keynta kadib markii uu ka soo baxsaday dagaalada Juba, waxaana soo gelbiyay ciidamo ka tirsan Qaramada Midoobay ee ku sugan dalka Congo isagoo dhaawac ka qaba lug.

Makkouk ayaa sheegay in dhowaan uu shir jaraa’id qaban doono hogaamiyaha mucaaradka Koofurta Sudan kaasoo uu ku sharixi doono waxyaabihii ugu dambeeyay ee dalka Koofurta Sudan uuna lakulmi doono madaxweynaha dalka Sudan Omar Al-Bashir.

Baraawe Agoosto 28, 2016 Waxaa Maanta lagu wadaa in Madaxweynaha maamulka Koonfur Galbeed uu xariga ka jaro Madaxtooyada maamulka Koonfur Galbeed iyo sidoo kale Garoonka diyaaradaha ee magaalada Baraawe ee Caasimada maamulka Koonfur Galbeed.

Magaalada Baraawe ayaa ah Caasimada maamulka Koonfur Galbeed waxaana hada uu maamul Koonfur Galbeed Si KMG ah ugu shaqeeya magaalada Baydhabo ee xarunta gobolka Baay.

Magaalada Baraawe ayaa sanadyadii la soo dhaafay waxaa ka socday dhismaha garoonka diyaaradaha iyo Sidoo Dhismaha xarunta Madaxtooyada maamulka Koonfur Galbeed.

Maanta waxaa lagu wadaa in Madaxweynaha maamulka Koonfur Galbeed Shariif Xasan Sheekh Aadan uu xariga ka jaro xarunta Madaxtooyada iyo sidoo kale Garoonka Diyaaradaha.

Magaalada Baraawe ayaa lagu wadaa in ay noqoto halka uu sida Rasmiga ah ugu shaqeyn doono maamulka Koonfur Galbeed.

Warsheekh Agoosto 28, 2016 9 Saddex ruux ayaa ku dhaawacantay Rasaas ciidamada Dowladda ay ku fureen Gaari ay saarnaayeen dad shacab ah oo marayay Degmada Warsheekh ee Gobolka Shabeelaha Dhexe.

Maxamed Cali Yuusuf oo ah Xoghayaha Degmada Warsheekh ee Gobolka Shabeelaha Dhexe oo la hadlay Warbaahinta ee magaalada Muqdisho ayaa sheegay in ciidamo ka tirsan dowladda ay Rasaas ku fureen Gaari ay saarnaayeen dad shacab ah oo marayay Degmada Warsheekh.

Wuxuu sheegay in halkaasi ay ku dhaawacmeen 3 ruux oo ka mid ahaa dadkii saarnaa Gaarigaasi, isagoo intaa ku daray in dadkii dhaawacmay loo soo qaaday isbitaalka Kaysaney.

Xoghayaha Degmada Warsheekh ee Gobolka Shabeelaha Dhexe Maxamed Cali Yuusuf ayaa sidoo kale sheegay in ciidamadaasi ay ka hayaan cadeymo sidoo kalena lagu raad joogo oo sharciga la keeni doono.

WARARKA MAANTA AGOOSTO 27, 2016

Muqdisho Agoosto 27, 2016 Siyaasiga Maxamuud Axmed Nuur Tarsan oo hadlay Idaacada Simba ayaa Walwal ka muujiyay Qabsoomida Doorashooyinka Dadban ee Dabayaaqada Sanadkaan lagu wado inay soomaaliya ka dhacaan.

Tarsan ayaa Dowlada uu Hogaamiyo Madaxweyne Xasan Shekh ku Eedeyey in aysan u Bislayn Hirgalinta Hanaanka Doorashooyinka Dadban ee Hogaamiyaasha Madasha wada tashaga Qaranka ay ku heshiiyeen in ay Dhacaana Bilaha September iyo October ee Dhamaadka Sanadkaan sida ku Cad War-mutiyeedkii ka soo baxay Shirkii ugu Danbeeyey ee Muqdisho.

Siyaasiga ayaa Sheegay in Shaki Badan laga qabo Qaabka ay u Shaqeynayaan Gudiga Doorashooyin loo Xilsaaray waxaana intaa hadalkiisa sii raaciyey in Dowlada ay Wali ka caga jiidayso Hirgalinta Doorashooyinka Islamarkaana uu Dayac ka muuqdo Dhinacyo badan oo saamayn ku hel Arimaha Doorashooyinka Sida Amaanka Dalka oo uu Xusay in Mas’uuliyad daro ay ku jirto.

Kismaayo Agoosto 27, 2016 Wararka naga soo gaaraya ilo wareedyadeena sida aadka ah ugu dhaw Villa Somalia, Maxamed Ugaas Xaashi Iyo Axmed Madoobe ayaa waxa ay sheegayaan in Xasan Sheekh Maxamuud uu dhex dhexaadin ka dhex wado Maxamed Ugaas Xaashi iyo Hogaamiyaha Jubbaland Axmed Madoobe.

Warkan ayaa intaasi waxa uu ku darayaa in Xasan Sheekh Maxamuud uu wado dhex dhexaadin u dhaxeysa Maxamed Ugaas Xaashi iyo Axmed Madoobe lana filayo in dhawaan ay soo gabagaboowdo Maxamed Ugaas Xaashina uu ka dago magaalada Kismaayo.

Maxamed Ugaas Xaashi ayaa iminka ku sugan magaalada Muqdisho oo sida la sheegay uu uga qaybgalayo Siminaar soconaya hal usbuuc kaas oo ay bar bar socdaan dhex dhexaadinta isaga iyo Axmed Madoobe.

Dhawaan ayaa lagu wadaa inuu Maxamed Ugaas Xaashi iyo xubno la socda inay gaaraan magaalada Kismaayo.

Dhinaca kale Ma ay ahan markii ugu horeysay oo la dhex dhexaadiyo Maxamed Ugaas Xaashi iyo Axmed Madoobe balse horey ayaa loo dhex dhexaadiyay islamarkaana uu Maxamed Ugaas Xaashi ka dagay magaalada Kismaayo, waloow markii dambe uu isga soo haluulay magaaladaasi isagoo Warbaahinta ka sheegay in magaaladaas uu ka socdo Xasuuq lala beegsanayo beel kamid ah beelaha daga Jubbooyinka.

Isku soo wada duuboo waxaan dhoowrnaba waa safarka Maxamed Ugaas Xaashi uu ku tagayo Magalaada Kismaayo iyo natiijada kama dambeysta ah ee kasoo baxda safarkiisa iyo heshiiska isaga iyo Axmed Madoobe.

Turkiga Agoosto 27, 2016 C/wali Gaas oo kulamo kala duwan la qaatay Madaxda dalka Turkiga ayaa waxa ay kawada hadleen arrimaha la xiriira Siyaasada, Dhismaha Ciidamada, Mashaariicda iyo Taabagalinta Horumarada ka socda deegaanada Puntland.

Mas’uuliyiinta uu C/wali Gaas la kulmay ayaa waxaa kamid ah Ra’isul wasaare ku-xigeenka dawladda Turkiga Versi Kaynak, Xildhibaan Kani Turum iyo Masuuliyiin kale oo ka kala tirsan Hay’adda u qaabilsan dalkaasi arrimaha Afrika iyo Wasaaradda Arrimaha Dibadda ee Dalkaasi.

Madaxweyne Gaas, ayaa Ra’isul wasaare ku-xigeenka Turkiga Versi Kaynak, ka dalbaday in mashaariicda Turkiga uu ka wado magaalada Muqdisho qeybo kamid ah loosoo weeciyo magaalada Garoowe, si Puntland ay qeyb uga noqoto dhinacyada ka faa’iideysanaaya Mashaariicda.

Gaas waxa uu Mr Versi Kaynak u sheegay in deegaanada Puntland ay ka jirto amaan, balse ay u baahan yihiin keliya in dowlada Turkiga ay suuragaliso sara u qaadista ganacsiga iyo bilicda Puntland.

Gaas-iyo-Turkiga Gaas-iyo-Turkiga-2 Gaas-iyo-Turkiga-3

Muqdisho Agoosto 27, 2016 Madaxda madasha Wada-tashiga Qaran ayaa la filayaa inay dhimaan tirada ergooyinka soo xuleysa xildhibaanada, iyadoo wali la isku afgaran la’yahay qarashka ku baxaya doorashooyinka.

Kulamo xiriir ahaa oo Madaxda dowladda iyo xubno ka tirsan Beesha Caalamka iyo Hey’adaha deeq bixiyeyaasha ku yeesheen magaalada Muqdisho ayaa looga hadlay dhaqaalaha ku baxaya doorashooyinka.

Arrimaha la isku haayo ayaa waxaa ka mid ah qaabka loo maamulayo dhaqaalaha ku baxaya doorashooyinka, iyadoo xubnaha Beesha Caalamka ay dalbanayaan in la cadeeyo dhaqaalaha ku baxaya hanaanka doorashooyinka dadban.

Sidoo kale waxaa ay dood ka taan tahay xareynta ergada 14025 iyo dhaqaalaha ku baxaya, waxaa la isku hayaa cida bixineysa dhaqaalaha intaas la eg ee ku baxeysa xareynta ergooyinka.

Madaxweynaha iyo Ra’iisul Wasaaraha ayaa maalmo ka hor la kulma Madaxa UNDP Helen Clark oo booqasho ku timid magaalada Muqdisho, iyagoo ka wada hadlay arrimaha doorashooyinka iyo dhaqaalaha ku baxaya.

Ergeyga Qaramada Midoobey u qaabilsan Soomaaliya Danjire Keatin ayaa sidoo kale la kulmay Madaxda dowladda iyo Guddiga hirgelinta doorashooyinka heer federaal, kuwaasoo uu kala hadlay qorshayaasha doorashooyinka iyo dhaqaalaha ku baxaya.

Ilo wareedyo ayaa u xaqiijiyay Jowhar.com in Caga-jiidka Beesha Caalamka ee dhaqaalaha ku baxaya doorashooyinka ayaa laga yaabaa inay keento in wax badan laga bedelo go’aanadii horay loo gaaray, waxaana ay u badan tahay in la dhimo tirada ergada soo xuleysa Xildhibaanada.

Shirkii Madasha ee ugu dambeeyay ayay xubnaha Beesha Caalamka ku soo bandhigeen in maamul goboleedyada iyo dowladda Federaalka ay bixiyaan qeyb ka mid ah dhaqaalaha ku baxaya doorashooyinka, taasoo ay diideen xubnaha dowlad goboleedyada.

UNChR Agoosto 27, 2016 Afhayeen u hadlay hay’adda Q,M u qaabilsan arrimaha Qaxootiga ee UNHCR ayaa sheegay inay been abuur tahay wararka sheegaya in qaxootiga Soomaaliyeed ee Kenya ku nool lagu qasbayo inay dalkooda dib ugu soo laabtaan.

Afhayeenkaan oo la yiraahdo Duke Mwencha ayaa wariyaasha ugu sheegay magaalada Nairobi inay jirin xaalad ku qasbaysa qaxootiga ku nool xerada Dhadhaab lagu qasbo inay isku diwaan galiyaan sidoo dalkooda loogu soo celin lahaa.

“Eeda ah in qaxootiga Soomaalida ah la qasbayo wax jira ma aha mana hayno wax xaqiijin kara qaxootiga ayaga ayaa iskood u noqonaya oo doonaya inay dalkooda ku laabtaan” ayuu yiri Duke Mwencha oo afhayeen u ah hay’adda UNHCR.

Afhayeen Duke waxaa uu ku amaanay dawlada Kenya inay si wanaagansan ula shaqaynayso hay’adaha Q,M ee ku hawlan dib usoo celinta qaxootiga waxaana uu intaa ku daray in awood iyo qasab loo adeegsado rarista qaxootiga ah meel ka dhac ku tahay xeerka caalamiga ah ee dhawrista xaquuqda qaxootiga sida uu yiri.

Qiyaastii 19,kun 346 ruux ayuu afhayeenku sheegay inay sanadkaan kusoo laabteen Soomaaliya si iskood ah haddana ay in badan oo kale is diwaan galiyeen.

Qaar ka mid ah qaxootiga ah ee ku jira xerada Dhadhaab ayaa idaacadda VOA,da u sheegay Khamiistii in qaxootiga Soomaalida ah lagu qasbayo inay is diwaan galiyaan si dalkooda loogu soo celsho waxaana jira cago jugleyn toos ah oo kaga timaada mas’uuliyiinta dhanka amaanka gobolka u qaabilsan.

Muqdisho Agoosto 26, 2016 Ganacsatada Muqdisho ayaa si weyn uga carooday hanjabaad iyo aflagaado kasoo gaaray xeer ilaaliyaha Qaranka Axmed Cali Daahir.

Xeer ilaaliyaha ayaa khudbad uu ka jeediyay Dekadda Muqdisho xilli lasoo bandhigay Daawo iyo Bagaash dhacay oo Konteenar ay ku jiraan lagu qabtay dekadda ku canaantay Ganacsatada haddalo qayaxan isagoo amar ku bixiyay in tallaabo laga qaado.

Midowga Ganacsatada Muqdisho ayaa ku doodaya in Xeer ilaaliyuhu raaligelin ka bixiyo qadafka uu kula kacay ganacsatada iyagoo sheegay in dadka leh daawada iyo bagaashka lagu qabtay Dekadda ee waqtigoodu dhacay aanay ahayn ganacsato.

Waanwaan laga dhex waday labada dhinac ayaa lagu hakiyay shir jaraa’id oo ay doonayaan inay ganacsatadu ku caddeeyeen arrintan, waxaana Xereeilaaliyaha lagu eedeeyay inuusan waxba hubsan.

Muqdisho Agoosto 27, 2016 Wararka naga soo gaaraya magaalada Gaalkacyo ee gobalka Mudug ayaa sheegaya in meelaha qaarkood rasaas laga maqlay goor dhaw, balse xaaladdu ay ka degan tahay sidii ay saakadii hore ahayd, maadaama ay Maleeshiyada Galmudug ka baxeen mid ka mid ah guryihii ay dhisayeen labadii maalmood ee lasoo dhaafay.

Odayaal iyo Waxgarad ku howlanaa joojinta colaad cusub oo ka dhalata magaalada Gaalkacyo ayaa guuldareystay, inkastoo ay warar soo baxaya sheegayaan in gudoomiyaha gobalka Mudug ee dhinaca Puntland uu tagey Xaafadda Baraxley meel ku dhaw si uu ula kulmo dhigiisa Galmudug laakiin ay fashilantay waan-waantaas.

Ciidamada Amniga ayaa gacanta ku dhigey baabuur dadka ka qaxinayey, kuwaas oo hadda lagu hayo Saldhiga booliska ee magaalada Gaalkacyo.

Hub culus ayaa laga maqlayaa dhinaca Koonfurta magaalada Gaalkacyo, iyadoo sida muuqata ay kooxdaas u diyaar garowday dagaal buuxa oo ka dhaca magaalada Gaalkacyo.

Waajid Agoosto 27, 2016 Ciidanka dowladda Soomaaliya iyo Kuwa maamulka Koonfur Galbeed ayaa howlgallo waxa ay ka bilaabeen degmada Waajid ee gobolka Bakool , halkaasi oo ay gu’doomiyeen uruka Al-Shabaab.

Howgalka oo ah mid xoogan ayaa ciidanka dowladda Soomaaliya , waxa ay ku xaqiijinayaan amniga deegaanada hoos yimaada degmada Waajid ee gobolka Bakool.

Gudoomiyaha degmada Waajid Cabdullaahi Yariisoow oo la hadlay xafiis wareedka Warbaahinta ee magaalada Baydhabo ayaa sheegay in xilligaan dhibaatooyin xoogan ay haystaan dadka shacabka ah ee kunool degmada Waajid ee gobolka Bakool.

Gudoomiyaha degmada Waajid Cabdullaahi Yariisoow ayaa sidoo kale sheegay in ay isku diyaarinaayeen sidii ay u furi lahaayeen wadooyinka soo gala degmada ee gobolka Bakool.

Al-Shabaab ayaa go’doomiyay degmada Waajid ee gobolka Bakool , waxaana lagu wadaa in dadka kunool degmada Waajid la gaarsiiyo gar gaar deg deg ah.

Madaxweynaha Dowladda Federaalka ee Soomaaliya, Mudane Xasan Sheekh Maxamuud iyo wafdi uu hoggaaminayo ayaa maanta gaarey magaalada Nairobi ee dalka Kenya.

Madaxweynaha Soomaaliya ayaa Magaalada Nairobi kaga qaybgalaya Shir Madaxeedka 6-aad ee dhexmaraya Wadamada Afrika iyo Japan ee TICAD (Tokyo International Cooperation with Africa Development).

Madaxweynaha-Soomaaliya-1

Dowladda Japan ayaa shirkii ugu horeeyay ee TICAD waxay ku qabatey magaalada Tokyo, sannadkii 1993-kii, waxaana ujeedka shirkani uu ahaa kobcinta horumarka qaaradda Afrika, nabadda iyo amniga, iyadoo diiradda la saarayo xoojinta xiriirka labada dhinac.

Shirkan ayaa waxaa ka soo qeybgalaya dhamaan madaxda qaaradda Afrika iyo Dowladda dalka Japan, waxaana labada maalmood ee uu soconayo shirkani diiradda lagu saari doonaa maalgashiga qaaradda Afrika, fursadaha ganacsi ee labada dhinac dhexmaraya iyo ka faa’ideysiga kheyraadka labada dhinac.

Madaxweynaha-Soomaaliya-2

Dalka Soomaaliya ayaa horey uga qeybgalay shirkii TICAD ee 2013-kii, waxaana sannadkan la filayaa in Madaxweynaha iyo wafdigiisa ay kulamo gaar ah la yeeshaan madaxda Japan iyo kuwa kale ee qaaradda Afrika ka socda.

Waa markii ugu horeysay ee shirkan lagu qabto qaaradda Afrika, iyadoo shirkii kan ka horeeyay ee ka dhacay magaalada Tokyo oo lagu heshiiyey in shir madaxeedka TICAD martigelintiisa ay is weydaarsadaan dalalka Afrika iyo JapanMadaxweynaha-Soomaaliya-3

WARARKA MAANTA AGOOSTO 25, 2016
Muqdisho Agoosto 25, 2016 Maqaayada Baandir oo ay weerareen Ururka Argagixisada Shabaab ee loo yaqaano UGUS kuwaasoo dad aan waxba galabsan ku xasuuqay balse Ciidamada Amniga ayaa kawada taqalusay argagixisada Shabaab ee soo weerartay maqaayadaas.

Maamulka Ahlusunna Agoosto 25, 2016 ee gobolada Dhexe ayaa beeniyay in sarkaal ka tirsan ciidanka maamulka Ahlusunna uu isku dhiibay maamulka Galmudug.

Taliyaha Hay’adda Nabad suggida maamulka Ahlusunna Cabdulaahi Cabdi Raage oo  la hadlay Warbaahinta ayaa sheegay in ay yihiin wax kama jiraan wararka sheegaya in sargaal ka tirsan maamulka Ahlusunna uu isku dhiibay maamulka Galmudug.

Cabdulaahi Cabdi Raage ayaa sidoo kale dafiray in sarkaalkaasi uu ka tirsanaa maamulka Gobolada Dhexe.

Waxa uu sheegay in uu ka tirsanaan jiray maamulka hore Ahlusunna ee qaarkood ay ku biireen maamulka Galmudug.

Sarkaalka Isdhiibay ayaa lagu magacaabaa  C/risaaq Cali Tubaako , waxaana la sheegaya in uu wato koox ciidamo ah oo ka soo goostay maamulka Ahlusuna sida ay inoo sheegeen saraakiil ka tirsan maamulka Galmudug.

C/risaaq Cali Tubaako ayaa si weyn loogu soo dhaweeyay magaalada Cadaado ee xarunta KMG ah ee maamulka Galmudug.

Maamulka Ahlusuna ayaa ka taliya qaar ka mid ah magaalooyinka gobolka Galgaduud , waxaana ay  kasoo horjeedaan maamulka Galmudug.

Muqdisho Agoosto 25, 2016 Madaxweynaha Dowlada Federaalka Soomaaliya Xasan Xasan Sheekh Maxamuud ayaa sheegay in maadaama uu General Samatar Halyeey ahaa ay Madaxda Dowladda Waajib ku noqotay in ay ka qeyb galaan Aaska Qaran ee loo sameeyay.

Waxa uu sidoo kale Madaxweynaha ka Sheekeeyay Taariikhda Alle ha u naxariistee General Maxamed Cali Samatar,waxa uu xusay in shacabka Soomaaliyeed aysan ilaabi doonin halgankii Samatar.

Alle ha u naxariistee General Maxamed Cali Samatar waxa uu horay usoo noqdar Madaxweyne ku Xigeen, Ra’isal Wasaare ku Xigeen, waxa uuna sido kale ka mid ahaa Saraakiishii ugu horeysay ee Ciidanka.

Khaatumo State Agoosto 25, 2016 Cali Khaliif  Galleyr Madaxweynaha Maamulka Khaatumo Muqdisho ayaa sheegay in sida ay wax ku socdan marka loo eego aysan dalka Doorasho ka dhici Karin, iska daa in ay Doorasho Dhacdee waxa uu yiri Madaxweyne Gelleyr waxaa laga yaabaa in Ammaanka uu faraha ka sii baxo sida uu hadalka u dhigay.

Madaxweynaha Khaatumo ayaa sheegay in Rajo xumo weyn ay gelisay weeraradii Bilihii u dambeeyay ka dhacayay Hoteelada Magaalada Muqdisho , ee lagu beegsaday Xildhibaanno iyo Wasiiro isagoo carabka ku adkeyay in weeraradaas aysan Al Shabaab kaliya geysan sida uu hadalka u dhigay.

Sidoo kale Cali Khaliif Galleyr ayaa ku nuux nuuxsaday in meelaha ay wax ka dhacaan iyadoo baaris iyo  dabagal  lagu helo cadeymo dadku ay ku qancaan aan la soo bandhigin meesha looga tago.

Dhinaca kale Mr Cali Khaliif Galleyr ayaa cod dheer ku sheegay in marxaladda haddda dalku marayo tahay markii ugu darneed abid isagoo hoosta ka xariiqay in Soomaaliya mudada uu  Madaxweyne Xasan Sheekh Majaraha u hayo mar ay ka liidato aysan soo marin sida uu yiri.

Muqdisho Agoosto 25, 2016 Guddiga Hirgalinta Doorashooyinka  dalka ayaa sheegay in ay diyaarinayaan Ergooyinkii Soo xulilahaa xildhibaanada Baarlamaanka dowladda Soomaaliya.

Gudoomiye Guddiga Hirgalinta doorashooyinka dadban ayaa sheegay in ay guddigu ku jiraan qaban qaabadii ugu dambeeysay ee soo xulista Ergooyinka Soo dooranaya xildhibaanada Baarlamaanka Soomaaliya.

Abukaato Cumar Maxamed Cabdulle ayaa sidoo kale Meesha ka saaray wararka sheegaya in xildhibaanada Baarlamaanka aysan soo dooran doonin 51 xubnood , waxa uuna sheegay in 51 xubnood ay soo dooran doonaan Xildhibaan kaste xildhibaanada Aqalka sare.

Waxa uu sheegay in qaban qaabada ay sidoo kale ka socoto qaar ka mid ah gobolada dalka .

Doorashada xubnaha Aqalka sare ee dalka waxa ay  dhacayso 25 September sidoo kale Doorashada Xildhibaannada waxay dhacaysaa 24 September-10 October ee Sanadkaan 2016

Doorashada Gudoomiyaha Barlamaanka   waxa ay dhici  doonta 25 October , Sidoo kale Doorashada Madaxweynaha JFS   Waxa ay dhacayso 30 October ee Sandkan.

Muqdisho Agoosto 25, 2016 Dowladda Federaalka Soomaaliya ayaa goor dhaw shaacisay in lacag badan laga xaday Bangiga dhexe ee Dowladda.

Gudoomiyaha Bangiga Dhexe ee Soomaaliya Bashiir Ciise Cali ayaa shaaciyay in lacag gaareysa Shan Boqol iyo Sodon kun oo dollar ah laga xaday Bangiga Dhexe ee Soomaaliya.

Gudoomiyaha ayaa sidoo kale sheegay in ay wadaan Baaritaano ku aadan cidii lacagtaasi Xaday iyo qaabkii lagu xaday.

Waxa uu sheegay in aysan ka hari doonin baaritaanka ilaa ay ka soo ogaadaan cida lacagtaasi Xaday iyo sidoo kale sababta keenta in Bangiga laga baxsado lacagta.

Arrintaan ayaa ku soo aadeyso Xilli dalka uu ku jiro Xaalad kala guur ah o ay Madaxda Dowladda u Sharaxan yihiin xilal kala duwan.

Maalmihii dambe ayaa waxaa Taagneyd hadal haynta ah in Lacag laga Xaday Bangiga dhexe, balse Maanta uu Guddoomiyuhu Qiray oo warkaasi sax noqday.

Puntland Agoosto 25, 2016 War goor dhaw ka soo baxay dawladda Puntland uuna Saxaafada u akhriyey Afhayeenka dawladda ayaa lagu soo saaray amaro cusub oo ku saleysan xaalada magaalada Gaalkacyo oo ay 21 August 2016 ka dhaceen weeraro Argagixiso.

Dawladda ayaa joojisey dhamaan baabuurtii horey uga gudbi jiray magaalada Gaalkacyo ee aadi jiray Koonfurta Soomaaliya, sidaas oo kale waxaa la mamnuucay in wax baabuur ah oo ka yimid Koonfurta Soomaaliya ay gudaha u soo galaan magaalada.

Dawladdu waxay kaloo joojisey in guud ahaanba Qaad uu baabuur ku soo galo deegaanada Puntland, iyadoo la fasaxay qaadka in uu ka dago madaarada Gaalkacyo & Qardho.

Go’aankan cusub ayaa sheegaya in baabuurta ka timaada Koonfurta & Waqooyigaba ay ku kala wareegi karaan magaalada Gaalkacyo oo kaliya, ayna go’aamadan noqonayaan kuwa kor looga qaadayo Nabadda magaalada Gaalkacyo.

Muqdisho Agoosto 25, 2016 Alle ha u naxariistee Marxuum S/Guud Maxamed Cali Samatar oo ahaa Madaxweyne Ku Xigeenkii Hore ee Soomaaliya, xilal kala dawana ka soo qabtay dowladdii Milatariga Soomaaliya ee General Maxamed Siyaad Barre ayaa maanta Aas Qaran Loogu Sammeeyay, dhismaha Wasaaradda Gaashaandhiga Soomaaliya ee magaalada Muqdisho.

Aaska Marxuumka ayaa waxaa ka qeybgalay Madaxweynaha Dowladda Federaalka Soomaaliya Xasan Sheekh Maxamuud, Guddoomiyaha Baarlamaanka Maxamed Sheekh Cismaan Jawaari, Ra’isal Wasaaraha Soomaaliya Cumar Cabdirashiid, Qaar ka mid ah Madaxweyneyaasha Dowlad gobaleedyada ka dhisan dalka, Xubno ka tirsan labada gole ee dowladda, Saraakiil Ciidan iyo dadweyne Soomaaliyeed oo aad u fara badan.

Ka hor inta aan la aasin Marxuumka ayaa Madaxda iyo Dadweynaha ay Salaad Janaaso ah kula tukadeen Xarunta Wasaaradda gaashaandhigga, halkaas oo marxuumka loogu duceeyay, laguna aasay.

Hoos ka Daawo Sawirada:-

1-A 2-A

WARARKA MAANTA AGOOSTO 24, 2016

Su'aasha Maanta: Haddii ay Damu-Jadiid ku fashilantay siyaasadda dalka ee ku dhisay dhacay iyo argagaxa, diyaar ma u yihiin 4 sanno kadib iinay iska-casilaan? Ummadda Soomaaliyeed way soo jeedaan marka Ururka Damu-Jadiid waxaa u dhiman maalmo yar marka waxaan Ummadda Soomaaliyeed ugu bishaaraynaynaa haddii Alle Idmo! Madaxweyne cusub oo ay ku farxaan kaasoo dadka iyo dalkaba aan dembi ka gelin Insha Allaah!

Muqdisho Agoosto 24, 2016 Ayeeyo Iyo Awoowe ka dacwoonaya Wasiir ka tirsan Maamul Gobaleedka Somaliland loo layiraahdo Cali Mareexaan kaasoo la sheegay inuu afduubtay gabadh yar si uu ugala baxo xunaha jirkeeda: Dhegaysta filinkan:_

https://www.youtube.com/watch?v=x05h0NPW7mk

Muqdisho Agoosto 24, 2016 Wasiirka Arrimaha dibadda Soomaaliya C/Salaan Hadliye Cumar ayaa sheegay in ay meel Wanaagsan mareyso qaban qaabada Marti gelinta Shirka Urur goboleedka IGAD oo bilowga Bisha soo socota lagu wado in Muqdisho lagu qabto.

Sidoo kale waxa uu sheegay in Dowladda Federaalka Soomaaliya ay u diyaar garowday Marti gelinta Shirka isla markaana la diyaariyay wax walbo oo la xiriira shirka.

Waxa uu tilmaamay in shacabka iyo Dowladda Soomaaliya ay farxad gaar ah u tahay in mar kale Muqdisho lagu qabto Shirka Wadamada ku bahoobay Urur goboleedka IGAD.

Xudur Agoosto 24, 2016 Gudoomiyaha Degmada Xudur Axmed Macalin ayaa sheegay in aysan heysan dhaqaalo ay ku dagaalamaan Al-Shabaabka ku sugan deegaanadooda.

Gudoomiyaha ayaa sidoo kale sheegay in ay aysan sidoo kale heysan Ciidamada dhiira gelin ku filan oo ay kula dagaalamaan Al-Shabaab.

Waxa uu tilmaamay in ay muhiim tahay in Dowladda ay ilgaar ah ku eegto xaalada Ciidanka ku sugan degmada Xudur si Al-Shabaab loogu guuleysto.

Jowhar Agoosto 24, 2016 Xildhibaano ka tirsan Baarlamaanka Federaalka Soomaaliya ayaa Magaalada Jowhar kula kulmay qeybaha kala duwan ee bulshada iyo Masuuliyiinta gobolka Sh/Dhexe.

Xildhibaanadaan oo uu hogaaminaayay Xildhibaan C/qaadir Cosob ayaa waxa ay dhamaantood ahaayeen kuwa ka soo jeedaa gobolka Sh/Dhexe.

Masuuliyiinta gobolka Sh/Dhexe ayaa waxa ay ku soo dhaweeyeen Xildhibaanadaan Magaalada Jowhar, waxayna Xildhibanaasi la kulmeen qeybaha kala duwan ee Bulshada.

Ujeedka Xildhibaanadaan ay u tageen gobolka Sh/Dhexe aya lagu sheegay sidii loo sii wadi lahaa dhismaha Maamulka Hiiraan iyo Sh/Dhexe.

Hiiraan Agoosto 24, 2016 War goor dhaweyd nasoo gaaray ayaa sheegaya in dagaal xoogan uu haatan ka socdo Deegaanka Luuq Jeeloow Ee Gobolka Hiiraan iyadoo dagaalku yahay mid la isku adeegsanayo hubka kala duwan.

Waxa uu udhaxeeyaa dagaalkaasi Ciidanka Huwanta ah Ee AMISOM iyo Dawlada Soomaaliya oo isku dhinac ah iyo Ciidanka Ururka Al Shabaab.

Dagaalka ayaa ka dambeeyey markii Ciidanka iskaabaya ay weerar ku Ekeeyeen Deegaankaasi Al Shabaabna ay iska cabin kala hor yimaadeen.

Warar is khilaafsan ayaa sheegaya in Shabaabka laga saaray Luuq jeeloow inkastoo weli xabadu socoto oo la ogeyn faah faahino intaasi ka badan.

Ethiopia Agoosto 24, 2016 Masu’ul ka tirsan Dawladda Ethiopia ayaa maanta sheegay in meel gabagaba ah uu marayo biya xireen weyn,lana furi doono waqtigii loo xadiday oo ah bisha Jun ee Sanadka 2017ka.

Masuulku wuxuu intaa raaciyay in hawsha dhsimaha biya xireenkaasi ayan wax saameyn ah ku yeelan dooni wada hadalada Sddex geesoodka ah ee u socoda dalkiisa iyo wadamada Masar iyo Sudan,wuxuuna wax kama jiraan ku tilmaamay warar uu sheegay inay isla dhex marayaan waarbaahinada qaarkood oo ah inay istaagtay hawsha dhismaha biya xireenkaasi.

Dhanka kale Agaasimaha cilaaqaadka guud ee Wasaaradda Biyaha iyo korontada ee Ethiopia ayaa Wakaaladda wararka Turkiga ANADOL u sheegay inay xukuumadiisu ka go’antahay dhameystirka mashruuca dhismaha biya xireenkaasi.

Mashruucan ayaa waxaa ku baxaysa lacag gaadhaysa 4.7 billion oo doolaar, waxaana lagu wadaa in uu noqdo biya-xireenka ugu tamar dhalinta badan Africa.

Biya-xireenkan ayaa laga dhisyaa Gobolka Benishangul-Gumuz oo ku yalla xuuduudda Ethiopia iyo Sudan.
Talaabadan ayaa walaac badan ku abuuraysa wadamada uu sii maro wabiga Niil gaar ahaan kuwa sida wayn ugu tiirsan oo kala ah Masar iyo Sudan.

Dawladda Ethiopia ayaa sheegtay in biya xireenkan cusub uu dhalin doono tamarta korontada oo awooddeeda gaadhayso 6 kun oo megawatt, taasi oo ay Ethiopia sheegtay in ay u dhigmayso tamarta ay dhalin karaan lix warshadood oo Nukliyeer ah.

Ethiopia ayaa ka mid ah wadamada uu soo maro wabiga Nile oo ka soo bilaabma bartamaha Africa, kuna dhamaada badda cad ee Mediterraneanka, waxaana si wayn ugu tiirsan wadamada Masar iyo Sudan.

Nageria Agoosto 24, 2016 Meleteriga dalka Nigeria, ayaa maanta shaaciyay in Hogaamiyiha Kooxda xagjirka ah ee Boko Haram Abubakar Shekau Duqeyn Cirka ah lagu gaarsiyay Dhaawac halis ah,halka qaar kale  oo ka mid ah kooxdaasi mayalka adagna lagu dilay duqeyntaasi ka dhacday  waqooyiga Nigeria.

Afhayeen u hadlay Mileteriga Nigeria  oo lagu magacabo Sani Cusmaan ayaa bayaan uu gaarsiyay Wakaaladda Wararka fransiiska  ku sheegay in Abubakar Shekau uu dhaawiciisu halis yahay,halka Saddex kale oo  horjoogayaasha kooxdaasi ka mid ahna lagu dilay Duqeyn lagu fuliyay hawdka halka lgu mgacaabo Sambiza.

Dhaawaca la gaarsiyay Hogaamiyaha kooxda Boko Haram, ayaa ku soo beegantay xilli Xoghayaha Arrimaha Dibadda Mareykanka uu booqasho ku marayo dalka Nigeria, isagoo masuulyiinta dalkaasi kala hadlayo kordhinta la dagaalanka kooxda Boko Haram.

Mileterig Nigeria ayaa  marar badan waxa ay sheegeen in la dilay Abubakar Shekau, balse uu shaashadaha Caalamaka uu ku soo muuqday.

WARARKA MAANTA AGOOSTO 19, 2016

Muqdisho Agoosto 19, 2016 Wasiirka Wasaarada Arimaha Gudaha Soomaaliya C/raxmaan Maxamed Xuseen (Odowaa) oo haatan ku sugan magaalada Cadaado ee gobolka Galgaduud ayaa halkaasi ka wada dadaalo la doonayo in la isugu keeno maamulada Galmudug iyo Ahlu Sunna.

Muqdisho Agoosto 19, 2016 Gaari ay wateen kooxo hubeysan oo ay cayrsanaayeen ciidanka dowladda Soomaaliya ayaa ku qarxay isgoyska Siinay oo  u dhexeeya degmooyinka Yaaqshid iyo Warta Nabadda ee gobolka Banaadir.

Warbaahinta dowladda ayaa baahisay in ciidamo ka tirsan dowladda Soomaaliya oo baacsanaayay kooxo hubeysan oo watay gaari ay gaarigii ka carareen ka dibna uu gaarigii sidaasi ku qarxay.

Sidoo kale Warbaahinta dowladda ayaa sheegtay Ciidanka Ammaanka ayaa fashiliyeen  Gaarigaasi oo ay saran yahiin waxyaabaha Qarxa ,Al-Shabaab  ay doonayeen in ay ku dhibaateeyaan Umadda Soomaaliyeed.

Mid ka mid ah dadka deegaanka ayaa Warbaahinta u sheegay ” Waxaan arkaayay gaariga oo ku qarxay isgoyska Siinaay , Qarax xoogan ayuu ahaa kaalin shidaalna waxyeelo ayuu soo gaarsiiyay dadna way ku dhaawacmeen aniga intaas ayaa arkay ” waxaa sidaasi Yiri mid ka mid ah dadka deegaanka.

Khaatumo State Agoosto 19, 2016 Wasiirka wasaarada Arimaha debeda iyo Federaalka maamulka Khaatumo Maxamuud Ismaaciil Shabac, oo waraysi Siiyey Tv-ga Somali Cable ayaa wuxuu ka hadlay Xaaladaha ugu danbeeyay ee kasoo Cusboonaaday deegaanka.

Sidoo kale wasiirka oo kamid ahaa Xubnihii Tegay magaalada Caynaba, ayaa wuxuu ka hadlay sababta keentay in wada hadal ay la furaan maamulka S.land, iyo waxyaabihii la isla meel dhigay Shirkii Caynaba.

Hadalka wasiirka arrimaha dibeda maamulka khaatumo ayaa kusoo beegmaya xili xaalada degaanku ay tahay mid xasaasi ah,isla markaana maanta uu lascaanod siilaanyo kusoo wajahan yahay,diiwaangalintii oo la bilaabayo,ciidanka khaatumo oo heegan la galiyey iyo arrimo kale oo xasaasi ah.

Jubbaland State Agoosto 19, 2016 Warar dheeraad ah ayaa ka soo baxaya weerar ka dhacay deegaanka Cabdalla Biroole oo qiyaastii 60 -km u jira magaalada Kismaayo ee xarunta gobolka Jubbada Hoose.

Weerarkaan oo dhacay shalay ayaa wararka waxa ay sheegayaan in la beegsaday Saldhig ciidamada Shabaabka ay ku lahaayeen deegaanka Cabdala Biroole ee duleedka Kismaayo.

Afhayeenka Ciidamada AMISOM  ayaa sheegay in ay dileen dagaalyahano ka tirsan ururka Al-Shabaab.

Afhayeenka AMISOM ayaa sheegay in ay dileen dagaalyahano ka tirsan Al-Shabaab kuwaa soo tiradooda lagu sheegay 3 dagaalyahan.

“Howlgalka oo ay si wadajir ah u fuliyeen ciidanka dowladda Soomaaliya iyo AMISOM waxaan ku dilnay saddex ka tirsan Al-shabaab” ayuu yir Joe Kibate afhayeenka AMISOM.

Dhanka kale war lagu daabacay warbaahinta Al-Shabaab ayaa looga hadlay dagaalka ka dhacay deegaanka Cabdalla Biroole ee duleedka magaalada Kismaayo.

Al-Shabaab ayaa sheegay ay in jidka u galeen ciidamo ka tirsan dowladda Kenya iyo sidoo kale ciidamo Mareykan ah  , islamarkaana ay la galeen dagaal xooggan.

Maamulka Jubbaland wali faahfaahin kama bixin weerarka ka dhacay duleedka magaalada Kismaayo.

Ciidanka dowladda Soomaaliya ayaa maalmihii lasoo dhaafay howlgallo qorsheysan waxay ka fuliyeen deegaano iyo degmooyin ka tirsan dalka Soomaaliya.

Sudan Agoosto 19, 2016 Iyadoo shalay Mas’uuliyiin ka socota dowladda Soomaaliya ay gaareen dalka Suudaan ayaa waxaa la filayaa in uu dallkaasi ka furmo shir loo ga hadlayo arimaha xagjirnimada.

Wafdiga shalay dalka Suudaan gaaray ee ka socda dowladda Soomaaliya ayaa waxaa hogaaminayay Wasiiru dowlaha wasaarada warfaafinta xukuumada Soomaaliya Maxamuud Cabdi Xasan (Bekos).

Shirkan ka furmaya dalka Suudaan ayaa waxaa shir Gudoomin doona ku xigeenka xoghaya guud ee jaamacada carabta, waxaana looga hadli doonaa sidii loola dagaalami lahaa xagjiriinta ama loo wacyi gelin lahaa.

Wasiiru dowlaha wasaarada warfaafinta xukuumada Soomaaliya oo warbaahinta kula hadlay dalka Suudaan ayaa sharaxay shirka iyo waxyaabaha looga hadlayo.

WARARKA MAANTA AGOOSTO 18, 2016
Muqdisho Agoosto 18, 2016 Madaxweynha Soomaaliya Xasan Sheekh Maxamuud, ayaa baaq ku aaddan doorashooyinka 2016-ka dhacaya u diray qeybaha kala duwan ee bulshadda iyo beesha caalamka.

Madaxweynaha ayaa sheegay in waddanku uu ku jiro marxalad kala guur ah, loona baahan yahay shaqaalaha laamaha kala duwan ee dowladda inay dardar-geliyaan fulinta waajibaadkooda.

“Waxaan u mahad-naqayaa dhammaan shaqaalaha dowladda oo iyagoo ku shaqeynaya duruufo adag, haddana aan marnaba ka daalin inay qarankooda si daacad ah ugu adeegaan. Waddanku doorashooyin ayuu dhowaan gelayaa, guddiyo iyo hay’ado mucayin ah ayaana hawsha qaban doona. Sidaa darted waxaan shaqaalaha ka codsanayaa inaaney siyaasadda iyo arrimahan doorashooyinka ku mashquulin, balse ay waqtigooda geliyaan dhismaha dalka iyo u adeegidda shacabka’’, ayuu yiri Madaxweynaha.

Madaxweynaha ayaa sidoo kale mas’uuliyiinta iyo shaqaalaha dowladda farey inay ilaaliyaan hantida qaranka.

Madaxweyne Xasan Sheekh Maxamuud ayaa dhanka kale waxaa uu ugu baaqey hay’adaha amniga inay si buuxda kaalintooda uga qaataan sugidda amniga ee marxaladda kala guurka iyo amniga doorashooyinka ee goobaha kala duwan ee dalka.

‘’Marka laga soo tago waajibaadka laamaha amniga, waxaa kale oo hirgelinta doorashadan kaalin ku leh odayaasha dhaqanka. Waxaa odayaasha dhaqanka laga doonayaa inay maskaxda ku hayaan in sannadkan doorashada dhacaysa ay ka yara sareyso tii hore, maadaama wax la kala dooranyo, tiro mucayin ah oo shacabka ka mid ahna ay codkooda dhiiban doonaan. Odayaasha waxaan ugu baaqayaa inay hannaankan fududeeyaan, guddiyada kala duwan la shaqeeyaan, isla markaana ay si caddaalad ah waajibaadkooda u gutaan’’.

Waxaa uu Madaxweynaha dhanka kale dardaaran u diray guddiyada doorashada ee heer federaal, heel maamul goboleed iyo dhammaan maamulada dalka ka jira.

“Guddiyada doorashada dadban ee heer federaal iyo heer dowlad goboleed waa inay la shaqeeyaan odayaasha dhaqanka, madaxda dowlad goboleedyada iyo shacabka iyagoo caddaalad iyo sinnaan kula dhaqmaya mushaxiriinta. Soomaaliya waajibaad ayay idin saartey, waxayna idinka sugeysaa inaad waajibaadkaasi sida ay tahay aad u gudataan. Madaxda dowlad goboleedyada, iyaguna waxan farayaa inay amniga iyo tas-hiilaadka kale ee suuragelinaya qabsoomidda doorashada gacan buuxda ka geystaan’’.

Madaxweynaha ayaa ugu dambeyn ku ammaaney beesha caalamka doorkeeda ay ku taageerayso doorashooyinka, isagoo ka codsadey inay waqtiga ugu habboon ku soo dhameystiraan tas-hiilaadka ay horay u ballanqaadeen ee doorashooyinka taariikhiga ah ee Soomaaliya.

Khaatumo State Agoosto 18, 2016 Garabkan oo uu hogaaminayay wasiirka Arimaha gudaha khaatumo ayna kamid yihiin xildhibaano ka tirsan golaha baarlamanka khaatumo ayaa maanta shir jaraaid ay ku qabteen magaalada buuhoodle ugu digeen maamulka somaliland inay degaano ka tirsan gobolka sool laga qabto diwaangalin ku sheega maamulka hargeysa. Xildhibaanada iyo xubnahan uu hogaaminayo wasiirka arimaha gudaha maamulka khaatumo ayaa waxaa ay ku dhawaaqeen in ay la baxeen Garabka Badbadaada khaatumo xubnahan ayaa si xogan waxaa ay uga soo hrjedaan wada hadalka maamulka soomaaliland iyo maamulka khaatumo oo dhawaan la shasaciyey. https://www.youtube.com/watch?v=0_tBb2jCWWQ

Kampala Agoosto 18, 2016 Madaxweynaha Maamulka Gal-Mudug Cabdi kariin Xuseen Guuleed Ayaa Magaalada Kampala hooyga uu ka dagnayahyahay madaxweynihii hore ee Somalia Sh.Shariif Sh.Axmed ku booqday.

Labada Masuul Ayaa ka wada hadlay arimo kala duwan oo ku aadan halka dalka uu marayo iyo siyaada Cusub ee Soo socoto.

Cabdi kariin Xuseen Guuleed Ayaa la sheegay in uu taageero weeyn u muujiyay Sh.Shariif Sh.Axmed Madaxweynihii hore ee Somalia.

Kulankaan oo ilaa iyo iminka aan si rasmi ah loogu soo bandhigin Warbaahinta u jeedkiisa hase ahaatee wararka qaar ayaa sheegaya in uu jiro is xulufeysi dhexmaraya Cabdi Kariin Guuleed iyo Sh.Shariif.

Cabdi Kariin oo Ay Saaxiibo dhow ahaayeen Xasan Sheekh Ayaa Dhowaan waxaa soo kala dhaxgalay qilaaf iyo mad madoow siyaasadeed.

Muqdisho Agoosto 18, 2016 Ciidanka Booliska Soomaaliyeed sareeya Gaas Maxamed Sheekh Xasan Xaamud ayaa sheegay in ay jiraan dad soo xiranaya dareeska Askarta ciidanka Booliska Soomaaliyeed.

Xaamud ayaa shaaca ka qaaday in ay dadkaasi ay lacag canshur ah ka qaataan Bajaajta Magaalada ka shaqeysa.

Taliyaha Ciidanka Booliska Soomaaliya ayaa intaa ku daray in Talaabo laga qaadi doono Dadka isku ekeysiiya Ciidanka Booliska Soomaaliyeed islamarkaana Wadayaasha Booto-Bajaajka ka qaata Lacag Canshuur ah.

Hadalka Taliyaha Ciidanka Booliska Soomaaliyeed ayaa imaanaya xilli Wadayaasha Mootooyinka loo yaqaano Bajaajka ay dhowr jeer Cabasho ka keeneen Lacago Canshuur ah oo weliba Xad dhaaf ah in looga qaado Gudaha Magaalada Muqdisho.

Muqdisho Agoosto 18, 2016 Banaanbax lagu Taageerayo Go’aan Shalay ka soo baxay Wasiirka Arrimaha Gudaha Soomaaliya oo ahaa in aan Dadka Degan Dhulka u dhexeeya Tarabuunka iyo Dugsigii Sare Banaadir ayaa ka dhacay Degmada Hodan.

Boqolaal Ruux oo isugu jira Bulshada Qeybaheeda kala duwan ayaa ka soo qeyb galay Banaanbax,waxaana ay sheegeen in ay soo dhaweynayaan Go’aankii Wasiirka Arrimaha Gudaha,iyagoo sheegay in ay jiraan Shaqsiyaad u Hanqal taagaya in Dhulkaasi ay gataan.

Sidoo kale Dadka isku soo baxay ayaa sheegay in Dhulka la doonayo in laga kiciyo la doonayo in lagu Fushado dano Shaqsiyadeed sida ay hadalka u dhigeen.

Masar Agoosto 18, 2016 Guddomiyaha   Guddiga arrimaha Afrika ee baarlamaanka  masar Major general Xaatim baashaat, ayaa sheegay in iskaasiga ka dhexeeya  dalalka  masar iyo Soomaliya  uu dib u dhac weyni gaaray,  marka loo  eego  daruufihii adkaa ee soomaaliya  ka jiray muddooyinkii  la soo dhaafay, laakiin hadda ay soomaaliya  ka jirto  fursad  dib loogu furayo  iskaashiga  qar kamid ah  hay’ada dowliga ah .

Generaal  Xaatim bashaat , waxaa uu tilmaamay in in ay jiraan 5  wasaaradood  oo masuul ka ah iskaashiga u dhaxeeya  masar iyo Somalia, sida wasaaradda caafimaadka, warbarashada   waraabka beerha  ,korontada iyo duulista rayidka,  sidaasi darteedna ay la meel dhigeen ra’isa wasaaraha dalka in uu la kulmo mid kasta oo kamid ah wasiirada wasaarada la soo tilmaamay.

Arrintani ayuu ku sheegay in looga gol leeyahay, siddii  si degdeg loogu bilaabi lahaa hirgelinta  mashaariicdaani, si loo hubiyo loona daaraaseeyo  qorshaha ay wasaarad kasta oo ay masar  mataleysa uga faa’iideyn karto  soomaliya.

Madaxa guddiga  arrimaha afrika ee baarlamaanka masar waxaa uu tilmaamay in  mashaariicda ay masar  ka fulineso soomliya ay ugu waaweynihiin  hirgelintta xarun koronto   tababarida  dhaqaatiir soomali ah.  hirgelinta isbitaal milateri iyo labada dugsi hoose horanata sisha soo socta ee  September.

sidoo kale waxaa uu xusay in  ay dhawdahay  furitaanka qadka duulimaadka tooska ah ee Mogadishu  iyo qaahira.

general Xaatim ayaa caddeeyay in ay  jiraan  arriimo  badan oo ay masar dadaal ugu jirto  siddii in ay  soomaliya ku xajisan  lahayd aqoonsigeedii    carbeed ,loogana soo dajin doono soomaliya barashutdka ay la kortay qadar iyo turkiga ee mashaaciida ay soomaliya ka wadaan ka taasi badalkeedana ay masar ay wax ka qaban doono dhamaan si qaanuuni ah .

soomaliya iyo masar ayuu xiriirkooda  iskaashigoodu uusan  caga  badan ku taagneyn, tan iyo wixii ka danbeeyay bur-burkii dowladdi dhex ee Soomaaliya .

Muqdisho Agoosto 18, 2016 Iyadoo Taliska Hay’adda  Nabad Suggida Soomaaliya dhawaan amar ay ku bixiyeen in Bulshada ku nool Magaalada Muqdisho looga baahan yahay inay qaataan Kaarka Dowladda hoose ee loo yaqaan Teesare Minashiibiyo islamarkaana dadka arintaasi micno kala duwan u sameeyeen, ayaa Duqa Muqdisho wuxuu ka hadlay waxa isku soo beegay amarka qaadashada kaarka Dowladda hoose iyo xilliga doorashada.

Gudoomiyaha Gobolka Banaadir ayaa sheegay in lacagta laga qaado bulshada Soomaaliyeed ee lagu sameynaayo Teesare Minashiibiyo inaan lagu gali doonin in doorashada lagu wado in ay dalka ka dhacdo.

Gudomiyaha gobolka Banaadir Sheekh Xuseen Jimcaale ayaa sheegay in doorashada Soomaaliya iyo sidoo kale qaadashada kaarka Minishiibiya aysan waxba iska quseyn.

Dad badan oo waxaa jira aanan awood u laheyn bixinta Qarashka lagu qaadanaayo Kaarka Aqoonsiga Dowladda hoose, kuwaasi oo ku nool dalka inkastoo maamulka gobolka Banaadir uu sheegay in ay si gaara ula maacaamili doonaan.

Turkey Agoosto 18, 2016 Laba Qarax baabuur Loo adeegsaday ayaa lagu weeraray saldhigyo boliis ee magaalooyin Turkiga, iyadoo ay ku dhinteen lix qof, ayna dhaawacmeen ugu yaraan 219 oo kale.

Weerarkii koowaad ayaa la beegsaday saldhig booliis oo ku yaala magaalada Van, iyadoo ay ku dhinteen hal boliis iyo laba rayid ah. 73 qof ayaa ku dhaawacmay.

Saacado ka dib, saldhig boliis oo ku yaala Elazig ayaa la weeraray, iyadoo ay ku dhinteen ugu yaraan saddex boliis kuna dhaawacmeen 146 qof.

Masuuliyiinta Turkiga ayaa ku eedeeyay weerarka kooxda Kurdishka ee PKK .

PKK ayaa qaada weeraro lagu beegsanaya boliiska meelaha ay degan yihiin Kurdiyiinta ee koonfur bari waddanka , tan iyo intii ay burburtay xabad joojinta u dhaxaysay dowladda iyo PKK sanadkii hore

WARARKA MAANTA AGOOSTO 17, 2016

Madaxweynaha Soomaaliya Mudane Xassan Shiikh Maxamuud oo sheeko cusub la yimid asagoo dhulka ku jiiday Maamulka Somaliland iyo odayaal ka dhex qayliyey idaacadaha gudaha dalka kadib booqashadii Dowladda Ismaamulka Soomaalida ku hoos nool jabhadda TPLF ee xoogga ku haysata xukunka dalka Ethiopia taasoo ayaantan dembe ay ku kaceen qabaa'ilada Oromadda Iyo Amxaarada kuwaasoo diidan xaq-darrada ay wado jabhadda TPLF. Dhegayste hee sida uu u hadlay Madaxweyne Xassan Shiikh Maxamuud: https://www.youtube.com/watch?time_continue=197&v=G3LWU3nHV_A

Dhusamareeb Agoosto 17, 2016 Maamulka Ahlu Sunah ayaa sheegay inuu san jirin wada hadalka la sheegay in lagu dhameenayo khilaafka u dhaxeeya Maamulkooda iyo Maamulka Galmudug.

Wasiirka Wasaarada Arimaha Gudaha dowladda federaalka Soomaaliya C/raxmaan Maxamed Xuseen Odowaa oo maalin ka hor gaaray magaalada Cadaado ee gobolka Galgaduud ayaa ujeedka socdaalkiisa wuxuu yahay sidii uu usoo hadal qaadi lahaa dadaalada nabadeed ee u dhaxeeya ururka Ahlu Sunah iyo maamulka Galmudug.

Madaxweyne ku xigeenka ururkaasi Ahlu Sunah C/laahi Xirsi Diirshe Daacad oo la hadlay Warbaahinta ayaa sheegay inuu san jirin wada hadal u dhaxeeya Maamulkooda iyo Galmudug.

Dhinaca kale Madaxweyne ku xigeenka ayaa soo hadal qaaday kaarka Aqoonsiga ee Minishiibiyo ee ay dhowaan dowladda Soomaaliya ku dhawaaqday in waajib ay ku tahay Qof kasta oo qaan gaar ah inuu kaarkan qaato, balse Ahlu Sunah ayaa sheegtay in arintaasi hada aysan aheyn mid suuragal ah.
Muqdisho Agoosto 17, 2016 Ciidamo cusub oo ka tirsan Booliska Somaliya ayaa loo sameeyay inay sugaan xarunta Golaha shacabka ee Magaalada Muqdisho, ciidankaasi oo shalay Taliyaha Booliska uu ku soo bandhigay isla Xarunta Golaha shacabka.

Muqdisho Agoosto 17, 2016 Xildhibaanada Baarlamaanka federaalka Soomaaliya ayaa maanta waxaa lagu wadaa in ay kulan ku yeeshaan xarunta Golaha Shacabka ee magaalada Muqdisho.

Hab dhowraha Baarlamaanka Xildhibaan Maxamed Cumar Maxamuud oo la hadlay Warbaahinta ayaa sheegay in kulanka Baarlamaanka ee maanta uu hor-yaallo ajandayaal dhowr ah.

Xildhibaan Maxamed Cumar ayaa sidoo kale wuxuu sheegay in warbixin laga dhageysan doono Guddiga Dastuurka Baarlamaanka Soomaaliya oo maalmahan ku mashquulsanaa kulamo ay ku yeelanayeen Gudaha dalka iyo Dibadiisa.

Kulanka ay maanta yeelanayaan Xildhibaanada Baarlamaanka Soomaaliya ayaa noqonaya kii ugu horeeyay kadib fasax dheer oo ay galeen Bilowgii Bishii Ramadan markaas oo fasax la siiyay.

Jubbaland Agoosto 17, 2016 Iyadoo shalay maamulka Jubbaland lagu wareejiyay Qalab isgaarsiineed oo ay ku wada xiriiraan ciidanka Booliska Soomaaliyeed ayaa wuxuu Madaxweynaha Jubbaland sheegay in muhiim ay tahay tayeynta iyo mideynta ciidanka Booliska Soomaaliyeed.

Axmed Maxamed Islaaam Madaxweynaha maamulka Jubbaland ayaa sheegay in ciidanka Booliska ay yihiin laf dhabarta iyo jiritaanka dowladnimada Soomaaliyeed loona baahan yahay in mar walba ay helaan qalab casri oo ay ku xiriiraan, isagoo si gaar ah uga dalbaday dowladda in ay hormariyaan ciidanka Booliska ee Dowlada Goboleedyada.

Wuxuu sheegay Madaxweynaha Jubbaland hadii ciidanka Booliska ay helaan tababaro joogto iyo jadwal sax ah oo ay ku shaqeeyaan in hormar wanaagsan la gaari doono.

Shalay ayay aheyd markii Taliyaha ciidanka xoogga dalka Soomaaliyeed Maxamed Sheekh Xasan Xaamud uu qalab Raadiye ah uu ku wareejiyay Madaxweynaha Jubbaland oo u sahlaya in ay si fudud ula xiriiraan ciidanka Booliska Soomaaliyeed meel walba oo ay dalka ka joogaan.

Diinsoor Agoosto 17, 2016 Iyadoo shalay Mas’uuliyiin ka tirsan maamulka Koonfur Galbeed iyo saraakiil ka tirsan xoogga dalka ay gaareen degmada Diinsoor ee gobolka Baay ayaa waxa ay sheegeen in dhowaan uu bilaaban doono howlgal ka dhan ah Shabaab oo lagu furayo wadooyinka soo gala degmada Diinsoor ee go’doonka ku jira.

Taliyaha Ciidamada Miltariga qeybta 60-aad Ibraahim Aadan Yarow ayaa sheegay in ay bilaabi doonaan howlgal lagu furayo wadooyinka go’doonsan ee ka tirsan deegaanada Koonfur Galbeed.

Taliyaha ayaa sidoo kale wuxuu sheegay in ciidanka ku sugan degmada Diinsoor dhowaan ay bilaabi doonaan howlgallo looga Shabaab looga saarayo deegaanada ay ka joogaan degmada Diinsoor, isagoo dhanka kale shacabka kula dardaarmay in ay garab siiyaan ciidanka xoogga si ay uga guuleystaan Shabaab.

Wuxuu sheegay in Al-shabaab ay dhibaato badan ku hayaan shacabka ku dhaqan halkaasi isagoo intaa ku daray in koonfur Galbeed ay diyaarisay ciidankii Shabaab ka saari lahaa deegaanada ay ka joogaan Koonfur Galbeed.

Madaxweynaha maamulka Koonfur Galbeed Shariif Xasan Sheekh Aadan ayaa horey usheegay inuu bilaaban doono howlgal qorshihiisa uu yahay in Shabaab looga saaro deegaanada Koonfur Galbeed , inkastoo howlgalkaasi weli aan la shaacin waqtiga rasmiga ah ee uu bilaabanayo.

AMISOM Agoosto 17, 2016 Waxaa faah faahin dheeraad ah ay ka soo baxeysaa Madaafiic ciidanka AMISOM ay xalay ku garaaceen Duleedka magaalada Marko ee gobolka Shabeelaha Hoose.

Madaafiicda ciidanka AMISOM ay ku garaaceen Duleedka magaalada Marko ayaa yimid kadib markii sida la sheegay ay ka war heleen in Dagaalyahano ka tirsan Shabaab ay dhaq dhaqaaqyo ciidan ka wadaan duleedka magaalada Marko.

Warar madax banaan ayaa sheegaya in Madaafiicda ay ciidanka AMISOM ku garaaceen xaafado ka tirsan duleedka Marko ay geysteen khasaare isugu jira dhimasho iyo dhaawac inkastoo ilaa iyo hada aan la ogeyn khasaaraha rasmiga ah ee ka dhashay Duqeyntaasi.

Mid ka mid ah Dadka deegaanka oo la hadlay Warbaahinta ee magaalada Muqdisho ayaa sheegay in Madaafiicda ay ahaayeen kuwo culus sidoo kalena ay ku abuurtay cabsi badan.

Midowga Afrika ee AMISOM weli kama aysan hadlin Madaafiicda ciidankooda ay ku garaaceen magaalada Marko ee gobolka Shabeelaha Hoose.

Brazil Agoosto 17, 2016 Maxamed Daa’uud Maxamed oo Soomaaliya u matalaya ciyaaraha Olompic-da Aduunka ayaa maanta ka qeyb qaadanaya isreeb reebka orodka 5,000M.

Maxamed ayaa tartan adag kala kulmi doona qaar ka mid ah ciyartoyda u ordi doonta wadamada ka qeyb galaya tartankan.

Maxamed ayaa maanta Orodkiisa ku balansan, waxaana uu qiray in uusan wax cabsi ah dareemeyn hadda.

“Waxaan ahay mid u yimid halkaan sidii uu ku guuleysan lahaa tartankaa ayuu yiri “Maxamed Daud Mohamed.

Wiilka Kenya ku dhashay ee Maxamed, ayaa ahaan jiray ciyaaryahan kubadda cagta ciyaara. tan iyo markii uu uga gudbay ciyaaraha fudud ayuuse ka fariistay kubadda cagta, isagoo xooga saaray orodka.

Maryan Nuux Muuse oo iyana ka mid ah ciyaartoyda Soomaaliya ugu mataleysa Orodka Rio 2016-ka ayaa 13-kii Bishan oroday waxaana ay tartankan ka gashay kaalinta ugu hooseysa iyadoo la oroday 7 Gabdhood oo wadamo kala duwan u tartamayay.

Magaalooyinka dalka Brazil ayaa waxaa weli si xiiso badan uga soconaya Ciyaaraha Olympic-da Aduunka Rio 2016, waxaana ka qeyb galaaya in ka badan Toban Kun oo ciyaartoy kuwaas oo ka kala socda 207 Dal oo caalamka ah.

Soomaliya ayaa leh laba ciyaartooy oo caan ku ah tartanka orodada inkastoo dhalashooyin kale ay heystaan, waxaana ay kala yihiin, Mo Farah, iyo wiilka Canadian-ka ah ee Mohamed Ahmed, waxaana aad loogu qiimeeyaa ciyaaraha Orodada.

Baydhabo Agoosto 17, 2016 Maamulka Koonfur Galbeed ayaa wuxuu sheegay in dhowaan ciidamo ka tirsan kuwa Koonfur Galbeed uu geyn doono gobolka Shabeelaha Hoose, gaar ahaan deegaanada mararka qaar ay ka dhacaan dagaal beeleedyada.

Wasiirka Hubka dhigista iyo dhaqan celinta Maleeshiyaadka maamulka Kooinfur Galbeed Xasan Xuseen Maxamed oo wareysi gaar ah siiyay Warbaahinta ee magaalada Muqdisho ayaa wuxuu sheegay in ciidamo ka tirsan Koonfur Galbeed uu u diyaariyay gobolka Shabeelaha Hoose oo mudooyinkii dambe ay ka dhacayeen Dagaal beeleedyo geystay khasaare isugu jira dhimasho iyo dhaawac.

Wuxuu sheegay Wasiirka Deegaanada Koonfur Galbeed uu ka taliyo dhowaan ay ka bilaaban doonaan Howlgallo ka dhan ah Shabaab kuwaas oo looga saarayo deegaanada Koonfur Galbeed.

Dhowaan ayay aheyd markii ciidamo ka tirsan maamulka Koonfur Galbeed oo gaaraya 300 Tababar loogu soo xiray magaalada Beydhabo, kuwaas oo la sheegay in loo diyaarayay Howlgal ka dhan ah Shabaab oo dhowaan bilaaban doona.

WARARKA MAANTA AGOOSTO 16, 2016

Puntland Agoosto 16, 2016 Madaxweynaha dawladda Puntland Dr Cabdiweli Maxamed Cali Gaas ayaa shir gaar ah oo uu saaka la yeeshay Saraakiisha ciidamada dalka, oo ay kaga wada hadleen arrimaha Amniga ee gudaha gobalka.

Madaxweynaha Puntland ayaa bogaadiyey howlgalkaas oo lagu ciribtiriyey kooxaha nabadda iyo daganaanshaha ka soo horjeeda e Al- Shabaab, wuxuuna sheegay in lasii wadi doono dagaalka ka dhan ah Argagixisada.

Madaxweynuhu wuxuu ku amray Saraakiisha Nabadgalyada ee gobalada Puntland oo dhan in ay ku jiraan taxadar iyo feejignaan ka dhan ah qorshayaasha ay cadowgu u doonayaan in ay kufuliyaan falal amaan darro.

Howlgal culus oo ay iska kaashanayaan ciidamada Difaaca Puntland sida gaarka ah u tababaran loona yaqaano PSF iyo kuwa DANAB ee dawladda Soomaaliya ayaa magaalada Gaalkacyo, gaar ahaana Xaafadda Baraxley ku soo qabqabtay qaar ka mid ah dhagarqabaaasha Al- Shabaab.

Kulankan oo si khaas ah u dhexmaray Madaxweynaha, Kuxigeenkiisa & Saraakiisha Amniga ayaa si gaar ah loogu soo qaaday sidii kor loogu qaadi lahaa sugida amaanka guud ee gobalada Puntland.

AMISOM Agoosto 16, 2016 Sagaal ka mid ah Askarta Uganda ee ka tirsan howlgalka AMISOM ayaa xabsi lagu xukumay sababo la xiriira, si xun u dhaqankooda sida lagu sheegay war kasoo baxay AMISOM.

Askartan ayaa waxaa lagu xiray dambi ah inay ku lug lahaayeen ceersashada dano shaqsiyeed oo halis ku ah wax ku oolnimada ciidamada difaaca Uganda.

Sagaalka askari ee xabsiga lagu xukumay ayaa ka mid ahaa saraakiil ka tirsan AMISOM oo bishii June lagu xiray Muqdisho, xilli ay ku guda jireen iibsashada shidaalka ciidamada AMISOM

Maxkamad milatari oo ciidamada Uganda ay ku leeyihiin Muqdisho ayaa askartan ku ridday xukunka xabsi oo u dhaxeeya hal illaa saddex sano.

Ka sokow askarta xabsiga lagu xukumay, saddex askari oo kale ayaa sidoo kale laga eryey ciidanka, ayaga oo aan heli doonin wax lacag ah oo ku saabsan muddadii ay ciidanka u shaqeynayeen.

Askarta loo xiray falkan dambiga ah bishii June ayaa ahaa shan askari, hase yeeshee baaritaan kadib ayaa la ogaaday in tirada guud ee Askarta ku lugta leh falkan ay ahaayeen 18 askari, ayada oo lix ka mid ah dambiga lagu waayey.

Nigeria Agoosto 16, 2016 Dowladda Nigeria oo ka mid ah dalalka Qaarada Afrika ayaa Soomaaliya u soo dirtay ciidan boolis ah , ku waasoo la sheegay in ay la shaqeyn doonaan ciidamada Booliska AMISOM ee ku sugan ee gudaha Dalka Soomaaliya.

Saraakiil ka tirsan dowladda Nigeria ayaa sheegay in ciidamada loo soo diray Soomaaliya yihiin ciidamo qibarad badan leh oo wax badan ka badeli doono ciidanka Booliska AMISOM iyo sidoo kale Ciidanka Booliska Soomaaliyeed tababaradooda.

Ciidanka dowladda Nigeria u soo dirtay Soomaaliya ayaa tiradooda lagu qiyaasay 17 Askari oo boolis ah sida ay sheegtay dowladda Nigeria.

Kuxigeenka Booliska AMISOM Charisnie Alalo ayaa sheegay in ciidankaan ay waxbadan kusoo kordhin doonaan howgalka AMISOM ,waxuuna sheegay in ay qaateen sida ay loo la dhaqmo dadka Soomaaliyeed iyo sidoo kale Maalmoo ku saabsan Jawiga Soomaaliya.

Ciidamadaan ayaa la sheegay in ay  bedel u noqon doonaan saaxiibadooda joogan Soomaaliya, ku waa soo muddo la soo shaqeeyay ciidanka AMISOM.

Soomaaliya waxaa jooga ciidamo Boolis kuwaa soo oo qeyb  ah howlgalka Midowga Afrika ee AMISOM .

Jubbaland Agoosto 16, 2016 Madaxweynaha Dowlad Goboleedka Soomaaliyeed ee Jubbaland Mudane Axmed Maxamed Islaam oo uu wehelinayo Taliyaha Ciidadamada Booliska Soomaaliya Maxamed Sh, Xasan Xaamud ayaa Maanta Talaado 16-8-2016 kormeer ku tagay Saldhiga Ciidamada Booliska Jubbaland ee Magaalada Kismaayo.

Madaxweynaha iyo Taliyaha ayaa kormeeray qaybaha kala duwan ee Saldhiga Magaalada Kismaayo oo hada Talis guud u ah Ciiidamada Booliska Jubbaland.

Madaxweynaha Jubbaland iyo Taliyaha ayaa booqday qaybta isgaarsiinta Ciidamada Booliska iyadoo Madaxweynahu uu si toos ah ula hadlay Saldhigyada Ciidamada Booliska ee Muqdisho Baladweyne Jowhar Carmo iyo Baydhabo isagoo ka xog waraystay sida ay saaka ku waabariisteen iyo xaaladaha guud ee Magaaloyinkaas.

Madaxweyne Axmed Maxamed Islaam waxaa uu sarakiisha ku sugnaa Saldhigyada kala duwan ee Soomaaliya uu kula dardaarmay in ay laba jibaaran hawlaha Qaran ee ay hayaan isla markana ay ku dadaalan sidii qalabka ay isticmaalayaan uu u noqon lahaa mid xafidan oo aan cadawga u gudbin.

Intaas kadib Madaxweyne Axmed Maxamed Islaam iyo Taliyaha Ciidanka Booliska Soomaaliyeed waxaa ay kormeereen qaybaha Tababarka waaxda dambi barista iyo qaybta mando musiko iyadoo uu Madaxweynahu uu dhamaan warbixino ka dhagaystay Sarakiisha iyo hogaanada kala duwan oo qaybaha Ciidamada Booliska Jubbaland.

j j1 j3

Muqdisho Agoosto 16, 2016 Madaxweynaha Dowladda Federaalka Soomaaliya Xasan Sheekh Maxamuud ayaa ka hadlay waxyaabihii u qabsoomay dowladiisa mudada Afarta sano ay jirtay iyo waxyaabaha aysan weli ku guuleysan.

Madaxweynaha ayaa sheegay in wax badan oo ay shacabka ka sugaayeen dowladiisa aysan qaban balse waxa uu sheegay in ay hormar balaaran ka gaareen dhinacyo badan.

Waxa uu sheegay in shacabka Soomaaliyeed loogu baahan yahay in ay u dulqaataan dowlada isla markaana Dowladda uu hogaamiyo lagu amaano hormarada ay dalka gaarsiisay ayuu yiri Madaxweynaha.

Madaxweynaha ayaa sidoo kale sheegay in inta dhiman la dhameystiri doono.

Siyaasiyiinta iyo shacabka Soomaaliyeed qaarkood ayaa Madaxweyne Xasan Sheekh Maxamuud horay ugu dhaliilay in uusan fulin balan qaadyadii horay uu u sameeyay.

Muqdisho Agoosto 16, 2016 Wasaarada Amniga gudaha ee Dowladda Federaalka Soomaaliya ayaa faah faahin ka bixisay howlgal gaar ah oo ay Ciidamada Dowladda ka sameeyay deegaano ka tirsan gobolka Jubbada Dhexe iyo degmooyin ka tirsan gobolka Banaadir.

Afhayeenka Wasaarada amniga gudaha C/kaamil Shukri Macalin oo Maanta shir Jaraa’id ku qabtay Muqdisho ayaa sheegay in shaqsiyaad lala xiriirinayo iney ka tirsan yihiin Al-Shabaab lagu dilay duqeyn iyo howlgal gaar ah oo ka dhacay degmada Saakoow.

Waxa uu sheegay in weli hay’ada amaanka ay wadaan baaritaano lagu xaqiijinayo Magacyada Saraakiisha la dilay, waxa uuna xaqiijiyay in 3 sarkaal lagu dilay degmada Saakoow.

Afhayeenka Wasaarada amniga gudaha C/kaamil Shukri Macalin ayaa sidoo kale sheegay in howlgalo maalmihii dambe laga sameeyay degmooyinka kala ah Xamar Jajab, Shibis iyo Degmada Deyniile lagu soo qabtay 11 qof oo la xiriirinayo iney ka tirsan yihiin Al-Shabaab.

Waxa uu sheegay in baaritaano lagu wado ragaasi la soo qabtay isla markaana warbaahinta loo so bandhigi doono.

Mudooyinkii dambe ayaa Ciidamada amaanka ee Dowladda waxa ay howlgalo joogto ah ka wadeen qaar ka mid ah gobolada Dalka iyo degmooyinka gobolka Banaadir, waxa uuna Afhayeenka Wasaarada Amniga sheegay in la sii wadayo howlgaladaasi.

Muqdisho Agoosto 16, 2016 Shir ku saabsan xiriirka Ganacsatada Soomaaliyeed iyo kuwa Dalka Masar ayaa maanta ka furmay Magaalada Muqdisho,waxaana ay is weydaaranayaan aragtiha Ganacsi iyo sida lagu horumarin karo ganacsiga labada dal.

Shirkan waxaa ka qeyb galaya Ganacsato iyo mas’uuliyiin ka socda dhanka Soomaaliya,sida Madaxda Rugta Gacansiga Soomaaliyeed iyo qaar ka mid ah Mas’uuliyiinta Dowladda Soomaaliya gaar ahaan Wasaaradda Ganacsiga waxaana ka mid ah Wasiirka Wasaaradda Ganacsiga Soomaaliya,sidoo kale dhanka Masaarida ka socda Safiirkooda Soomaaliya iyo xubno ka socda Wasaaradda Ganacsiga Dalka Masar iyo qaar ka mid ah Ganacsatada dalkaasi.

Ganacsatada Masaarida ah ayaa soo bandhigaya fikradaha Ganacsi ee ay hayaan,oo ay doonayaan in ay ka hirgeliyaan Soomaaliya haddii la isku afgarto fulintiisa.

Shirikado Ganacsi oo Soomaaliyeed ayaa iyana ka qeyb galaya Shirkaasi,kuwaas oo iyana bandhigaya waxyaabaha ay qabtaan islamarkaana tusinaya Ganacsatada ka socota Dalka Masar.

Muqdisho Agoosto 16, 2016 Waxaa gelinkii dambe ee maanta Wadada Buundooyinka ee u dhaxeysa degmooyinka Waaberi iyo Xamar Jajab ka dhacay iska hor imaad sababay khasaare isugu jira dhimasho iyo dhaawac.

Iska hor imaadkan ayaa yimid kadib markii ciidamo ka tirsan dowladda iyo koox burcad ah ay halkaasi isku rasaaseeyeen, waxaana iska hor imaadkaas uu ahaa mid kooban.

Inta la xaqiijiyay iska hor imaadkan ayaa waxaa ku dhintay 2 Qof Halka 1 Qof oo kalena uu ku dhaawacmay, iyadoo kooxdii burcadka aheyd ay halkaasi markii dambe ka baxsadeen.

Goobjooge la hadlay Warbaahinta  oo lagu magacaabo Ismaaciil ayaa wuxuu sheegay in iska hor imaadkaas ay ku geeryoodeen Labo wiil oo dhalinyaro ah sidoo kalena Qof kale uu dhaawac ka soo gaaray.

Maamulada Degmooyinka Waaberi iyo Xamara Jajab ayaa waxa ay soo gaareen goobtii uu ka dhacay iska hor imaadka, waxaana ay halkaasi ka sameeyeen baaritaano ku aadan sida ay wax u dhaceen.

Puntland Agoosto 16, 2016 Madaxweynaha  Puntland Dr. Cabdiweli Maxamed Cali Gaas ayaa Qareen Yuusuf Xaaji Nuur u magacaabay gudoomiyaha maxkamada sare ee Puntland, sida lagu shaaciyay degreeto kasoo baxday xafiiska madaxweynaha.

Qareen Yuusuf Xaaji Nuur ayaa horey usoo noqday gudoomiyihii maxkamada sare ee Puntland xilligii madaxweyne Cabdullaahi Yuusuf, wuxuuna intaas wixii ka damabeeyay ahaa gudoomiyaha xafiiska gargaarka sharciga ee Puntland.

Dhinaca kale, gollaha wasiirada  Puntland ayaa u fadhiyay kulan degdeg ah oo madaxtooyada ka socday, kaasoo ay kumeel mariyeen guddigaan uu madaxweynuhu magacaabay oo maanta lagusoo saaridoono warsaxaafadeed.

WARARKA MAANTA AGOOSTO 15, 2016

Djibouti Agoosto 15, 2016 Tomomi Inada oo ah Wasiirka Gaashaandhiga Japan ayaa booqasho rasmi ah oo ah tii ugu horeysay  ku tagtay magaalada jabuuti, iyadoo indha indheyn doonto xaaladda Ciidamada Japan ka jooga dalka jabuuti.

Ciidamada Japan ee Saldhiga ku leh jabuuti, ayaa la sheegay inay qeyb ka yihiin Ciidamada wadajirka ah ee la dagaalanka Burcad Badeedda khatarta weyn ku haysa nabadgelyada Marakiibta Badda  ee  marta  Gacanka Khaliijka iyo Badweynta Hindiya.

Bayaan laga soo saaray Safaaradda dalka japan ee Jabuuti, ayaa lagu sheegay inay wasiiradu la kulmi doonto Madaxweynaha jabuuti Mudane Ismaciil Cumar Gelle iyo Wassiirka Difaaca Jabuuti Cali Xasan Bahdoon, kalana hadli doonto Cilaaqaadka Caasimadaha Tookiyo iyo Jabuuti ay wadaagaan ee dhanka la dagaalanka Bucad Badeedda

Germany Agoosto 15, 2016 Mas’uuliyiinta dalka Germany ayaa sheegay in ay xireen nin Soomaali ah oo lagu tuhmayo in uu ka mid ahaa koox Burcad badeed ah oo 4 sano ka hor qabsaday markab laga lee yahay dalkaas.

Markabka MV Susan K, oo ay ka howl gasho shirkad Jarmal ah, ayaa xeebaha Cumaan laga afduubtay sanaddii 2011, Kooxda burcad badeedda Soomaalida ah ee markabaas afduubtay, ayaa shaqaalahii saarnaa haystay muddo ka badan 2 Bil, ilaa laga siiyey lacag madax furasho ah oo dhan 3.5 Milyan oo Dollar.

Wakaaladda wararka Germany ee DBA, ayaa ka soo xigatay dacwad oogaha magaalada Osnabrueck Alexander Retemeyer in ninkan Soomaaliga ah oo aan magaciisa la sheegin uu qirtay in uu ku lug lahaa afduubka.

Ninkan Soomaaliga ah ayaa waxaa la xiray saddex toddobaad kahor isaga oo magan galyo ka raadinaya magaalada Koonfureed ee Reutlingen.

Muqdisho Agoosto 15, 2016 Wakiilka Qaramada Midoobay ee arimaha Somaliya Danjire Michael Keating, ayaa ka hadlay Sharciga Madaxweynaha Somaliya Xasan Sheekh Maxamuud uu shalay ku saxiixay Magaalada Muqdisho.

Sharciga uu Madaxweynaha saxiixay ayaa ahaa mid lagu dhisaayo Guddiga Madaxa Banaan ee Xuquuqul Insaanka, kaasi oo ay soo diyaarisay Wasaarada Arimaha Haweenka iyo Xuquuqul Insaanka, Baarlamaankana ay soo ansixiyeen.

Waxa uu sheegay Keating Sharcigaan inuu awood u siinaayo Dowladda Somaliya ilaalinta xuquuqda Aadanaha iyo ka hortagga tacadiyada lagu la kaco qaybaha Bulshada.

“Waa war ay ku farxaan Somalida, waxaan ugu hambalyeynaa dowladda iyo hey’adaha bulshada rayidka ah halkan ay gaareen si loo xushmeeyo xuquuqda aadanaha.” sidaa waxaa yiri Michael Keating.

Danjiraha Qaramada Midoobay ee arimaha Somaliya ayaa ku ammaanay Wasaarada Haweenka dadaalka dheeriga ah ee ay ku bixisay sidii Madaxweynaha Somaliya uu ku saxiixi lahaa sharcigaan.

Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud ayaa axaddii si rasmi ah qalinka ugu duugay sharciga lagu dhisayo Guddiga Madaxa Banaan ee Xuquuqul Insaanka.

Somaliya ayaa lagu tiriyaa dalalka ugu horeeya ee ay ka dhacaan tacadiyada ku aadan dhanka xuquuqda Aadanaha.

Muqdisho Agoosto 15, 2016 Wasiirka Wasaarada Haweenka dowladda federaalka Soomaaliya Sahra Cali Samatar ayaa waxa ay sheegtay dowladda Soomaaliyeed ee la dhisayo hadii Haweenka Soomaaliyeed ay ka helaan Qoondadooda ku aadan Boqolkiiba Soddon in ay la imaan doonaan isbedel.

Waxa ay sheegtay in ay aad uga mahadcelinayaan dhamaanba dadkii ka shaqeeyay in ay helaan xuquuqda Haweenka ay ku lahaan doonan dowladda cusub ee soo socota.

Madaxda dowladda federaalka Soomaaliya iyo kuwa maamul goboleedyada oo ku mideysan Madasha Wadatashiga Qaran ayaa waxa ay isku raaceen in Haweenka Soomaaliyeed Qoondadooda xaga siyaasada ee Boqolkiiba Soddon ay helaan.

Shalay ayay aheyd markii Madaxweynaha Jamhuuriyada federaalka Soomaaliya Xasan Sheekh Maxamuud uu sheegay in dowladdiisa ay ka go’an tahay hirgelinta sidii Haweenka Soomaaliyeed ay ku heli lahaayeen kaalintooda xaga siyaasada.

Uganda Agoosto 15, 2016 Dowladda Uganda ayaa sheegtay in ciidamo dheeraad ah oo Boolis ah ay u soo diri doonto Soomaaliya si ay u caawiyaan ciidanka Booliska Soomaaliyeed.

Taliye ku xigeenka ciidanka Booliska dalka Uganda ayaa Commissioner Christine Alalo ayaa sheegay in dowladda Uganda ay dhowaan ciidamo ka tirsan kuwa Booliska ay u diri doonaan Soomaaliya oo Bilaha soo socda la filayo in ay ka dhacaan Doorashooyin.

Taliyaha ayaa sidoo kale sheegay in dhowaan ciidankan Tababar loo soo xiray, waxaana uu tilmaamay in ay ka qeyb qadanayaan sugida amniga Goobaha ay ka dhacayaan Doorashooyinka Soomaaliya si ay u caawiyaan ciidanka Booliska Soomaaliyeed.

Dowladda Ugand ayaa waxa ay ka mid tahay dowladaha ay ciidamada Midowga Afrika ee AMISOM ka joogaan Soomaaliya, kuwaas oo dagaal kula jira ururka Al-shabaab.

 

Buhoodle Agoosto 15, 2016 Waxgaradka iyo Odayaasha ku dhaqan magaalada Buuhoodle ayaa waxa ay ka soo horjeesteen wada hadalka u dhaxeeya maamulada Khaatuma iyo Soomaaliland.

Magaalada ceynaba ayaa waxaa ku sugan Mas’uuliyiin ka socota Khaatuma kuwaas oo halkaasi u jooga wadalka lagu soo afjarao khilaafka ka dhextaagan maamulada Khaatuama iyo Soomaaliland.

Waxgaradka ayaa waxa ay sheegeen in gabi ahaan ay ka soo horjeedaan siyaasada Madaxweynaha Khaatuma uu wada hadalka kula galayo maamulka Soomaaliland.

Puntland iyo Soomaaliland ayaa labaduba sheegta Gobolada Sool iyo Sanaag in ay ka arrmiyaan halka maamulka Khaatumo dhankiisa uu sheegto in labada dhinacba ay ka madax banaan yihiin.

WARARKA MAANTA AGOOSTO 14, 2016

Muqdisho Agoosto 14, 2016 Madaxweynaha Soomaaliya Xasan Sheekh Maxamuud,ayaa maanta saxiixay  Xeerka Guddiga Madaxabanaan ee Xuquuqul Insaanka,kadib markii xeerkaas uu Baarlamaanka meel mariyay Bishii Juune ee la soo dhaafay.

Xeerkan ayaa sugayay in uu ansixiyo Madaxweynaha,maaddaama uu meel mariyay Baarlamaanka Soomaaliya,waxaana markii uu Baarlamaanka meel mariyay bogaadiyay Hay’adaha u dooda Xuquuqda Aadanaha,iyaga oo ugu baaqay Madaxweynaha in uu saxiixo.

Shirka lagu saxiixayay Xeerkan ayaa k dhacay Hotelka SYL ee Magaalada Muqdisho,halkaas oo ay tageen madax ka socotay Dowladda Soomaaliya Ururrada Bulshada Rayidka ah.

Shirkan,waxaa ka qeyb galay Xeer Ilaaliyaha guud ee Qaranka,Taliyaha Ciidanka Asluubta,Madaxweynaha Soomaaliya oo xeerka qalinka ku duugay ,Wasiirro, Xildhibaanno iyo Ururrada Bulshada Rayidka ah .

Guddigan ayaa la filayaa in ay waxbadan ka qabtaan Gabood fallada ka dhaka ah Bani’adamka ee ka dhaca dalka,waxaana horay Ansixinta Baarlamaanka u bogaadiyaya Hay’adaha u dooda Xuquuqda aadanaha.

Khaatumo State Agoosto 14, 2016 Wasiirka warfaafinta dawlada khaatumo axmed xaaji cali ayaa ka hadlay dhaqdhaqaaqa diiwangalineed oo snm ka bilowdo deegaanka khaatumo gaar ahaan sool. https://www.youtube.com/watch?v=ck1sd_1ZG8M

Muqdisho Agoosto 14, 2016 Dowladda Soomaaliya ayaa ugu baaqday qurba joogta Soomaaliyeed meel walba oo ay joogaan in ay maalgeshi ku sameystaan dalkooda.

Wasiirka Wasaarada arimaha dibada Soomaaliya Cabdisalaan Cumar Hadliye ayaa sheegay in qurba joogta Soomaaliyeed ay ugu baaqayaan ina y maalgashi ku sameystaan dalkooda.

Wasiirka ayaa sidoo kale sheegay in qurba joogta uu u baahan yahay dalka , madaam ay yihiin dad Soomaaliyeed oo aan laga maarmin aqoontooda iyo waayo aragnimadooda.

Wasiirka ayaa sheegay in ay muhiim tahay in umada Soomaaliyeed ay isku tashadaan ayna ciidankooda dhistaan arintaas laga rabo in ay hormuud ka noqdaan qurba joogta.

Shabeelle Agoosto 14, 2016 Iyadoo maalmaha soo socda lagu wado in magaalada Jowhar ee xarunta gobolka Shabeelaha Dhexe uu ka furmo shirka maamul u sameynta Hiiraan iyo Shabeelaha Dhexe ayaa maamulka gobolka Shabeelaha Dhexe waxa ay kulan la qaaday saraakiisha ciidanka AMISOM ee ku sugan gobolka Shabeelaha Dhexe.

Gudoomiyaha gobolka Shabeelaha Dhexe Cali Guudlawe Xuseen ayaa sheegay in maamulka gobolka Shabeelaha Dhexe iyo AMISOM ay ka wada hadleen xaqiijinta amniga magaalada Jowhar iyo sidoo kale la dagaalanka ururka Al-Shabaab.

Cali Guudlaawe ayaa sidoo kale sheegay in amniga magaalada Jowhar si weyn loo adkeeyay, madaam lagu qaban doono shirka  maamul u sameynta Hiiraan iyo Shabeelaha Dhexe.

Ciidanka dowladda Soomaaliya iyo kuwa AMISOM ayaa la sheegay in ay hakad geliyeen  howlgaladii ka dhan ka ahaa ururka Al-Shabaab, waxaana hada maamulka uu sheegaya in howlgaladaasi dib loo bilaabayo.

Brazil Agoosto 14, 2016 Orodyahan Mo Farah ayaa noqday ciyaaryahankii ugu horreeyay ee British ah ee markii saddexaad ku guulaysta billadaha dahabka Olympic-ada.

Orodyahankan oo Soomaaliya ka soo jeeda ayaa difaacday horyaalka 10-ka kun ee mitir ee uu horay ugu guulaystay Olympicadii 2012-kii.

33-jirkan ayaa dhulka ku dhacay balse si degdeg ah uga soo kabsaday isagoo awoodda orodkiisa soo bandhigay 100-kii mitir ee ugu dambeysay iskana reebay orodyahanka reer Kenya ee Paul Tanui oo muddaba ka horreeyay oo sidaana uu billadii dahabka ugu guulaystay kaddib markii uu ordayay 27 daqiiqo iyo 5 ilbiriqsi.

Kaalinta labaad waxaa soo galay Paul Tanui oo Kenya u dhashay halka kaalinta saddexaadna uu ku guulaystay Tamirat Tola oo Itoobiya u dhashay.

Muqdisho Agoosto 14, 2016 Dowladda Soomaaliya ayaa Dekedda Weyn ee Magaalada Muqdisho Maanta Ku soo bandhigtay  Raashin ay Sheegtay inuu yahay mid waqtigiisa uu dhacsanyahay.

Raashinkan waxaa Dalka  keenay markab Weyn ,oo Wuxuuna Siday 7 Kunteenar Sida Saxaafadda Horay ugu Sheegeen masuuliyiin katirsan Dowlada Soomaaliya.

Shir Jaraa’id uu ku qabtay Maanta Dekeda Muqdisho Wasiiru Dowlaha Arimaha Gudaha iyo federalka Soomaaliya ayuu kaga hadlay Markabka dhacsan iyo sida Dowlada Soomaaliya ay ka yeeleyso.

Cabdi Rashiid Maxamed Xidig ayaa Amaanay Taageerada Masar ay siiso Soomaaliya wuxuuse Su’aal galiyay sida loogu dhiiraday in Dalkan loo soo diro Markab ay saaranyihiin Raashin Waqtigiisu Dhacsanyahay.

Xidig ayaa Sheegay in Markii ay isku dayeen iney Raashinka ka daabulaan Markabkii uu saarnaa ay arkeen iyadoo Raashinka yahay mid aan hagaagsaneyn.

Soomaaliya Malaha Xiligan Sheybaar lagu Baaro raashinka Dalka la keeno iyo tayadiisa,waxaana dhowr jeer ooh ore la arkay raashin waqtigiisu dhacsanyahay oo Dalka lasoo galiyay.

Kenya Agoosto 14, 2016 Booliska Kenya ayaa gacanta ku Dhigay Xarrummo Ganacsi oo lala Xiriirinayo in uu Maal-galinayay sargaal sare oo ka Tirsan Al-Shabaab una Dhashay Wadanka Kenya.

Laamaha Amaanka Kenya Ayaa Sheegay in Axmed imaan Cali oo loo Yaqaanno Abu Zinira uu yahay baxsad aay Baadi Goobayaan Ciidamadda Amaanka Kenya, waxaayna Sheegeen in uu Kaqalin Jabiyay kuliyadda Engineer-riyadda ee Jamacadda jomo Kenya Kahor in uusan ku Biirin Al-shabaab, Sidoo kalena uu maal galiyay Ganacsiyo ku Yaalla Magaladda Nairobi Si uu Dhinaca Maaliyadda Ugataageerro Dhaq-dhaqaaqa Al-shabaab.

Sida uu Qoray wargeeyska Daily Nation  Ganacsiyadda aay Gacanta ku Dhigeen Ciidamadda Amaanka Kenya waxaa ka mid ah Dukaamo waaweeyn oo lagu Gaddo Dharka, iyo School-llo loogu Tala galay Bar-baarinta Caruurta.

Sidookale Ciidamadda Kenya ayaa Sheegay in Ganacsigaan uu lacagta ka Aruuri jiray Musa Mutevi oo Ah Wakiilka Axmed iimaan Cali u Qaabilsan Aruurinta Lacagaha Qarsoodiga ah ee loo Dirro Al-shabaab.

Lamaaha Amaanka Kenya Ayaa sidoo kale Shaaciyay Magacyadda Rag kale oo  Somaali iyo Kenyan isugu jira  oo aay sheegeen in aay magaaladda Nairobi ku leeyihiin Ganacsiyo Waaweeyn, waxaanna  Kamid ah Ragga boolisku aay magacyadooda  Soo Bandhigeen Ramadaan Kioko, Maxamed Tajir Cali iyo JUma Ayuub.

Ciidamadda Amaanku waxaa aay Tilmaameen in aay Sidhow ula Socdaan Dhaq-dhaqaaqa Ragkale oo la sheeegay In aay Iibiyaan Badeecoyinka yar-yar-ka ah islamarkaanka Taageeero Ufidiya Al-shaaba

Waxaa lagu Qiyaasay lacagta laga Aruuriyo Ganacsiyadda Axmed Iimaan Cali  50,000 oo la cagta Kenya ah Bil kasta, waxaana loo soo Diraa Soomalia Iyadoo La Adeegsanayo Xawaaladdo aan Rasmi ahayn iyo Nidaamka Taleefanadda lacagaha la isugu Gudbiyo, sida aay Xaqiijiyeen Sirdoonka Kenya

Laamaha Amaanka Kenya ayaa  Marwalba Fuliya Hoowlagallo aayku  Baadi goobayaan dadka Lalaxiriirinayao al shabaab, Boliiska Kenya ayaanna Horayna u shaaciyay in ay Jiraan Dhalinyarro u Dhalatay Kenya oo ku Biiraya Alshabaab islamarkaana kadaagaalama Gudaha dalka Kenya

Agoosto 14, 2016 Warar aan la Xaqiijin ayaa sheegaya in Duqeyn Diyaaradeed oo Khamiistii la soo dhaafay ka dhacday Degmada Saakoow  Ee Gobolka Jubbada dhexe islamarkaana ay Fuliyeen Ciidamada Kumaandooska Soomaaliya iyo Ciidan Mareykan ah lagu dilay Saraakiil uu ka mid yahay Hogaamiyaha Al-shabaab Axmed Diiriye Abuu Cubeyda.

Wararka ayaa sheegaya in Duqeynta oo lala bartilmaameedsaday Guri uu ku sugnaa Hogaamiyaha Al-shabaab,waxaana soo baxaya Wararka ah in Duqeynta uu ku dhintay Hogaamiye Axmed Diiriye Abuu Cubeyda.

Dowladda Federaalka Soomaaliya iyo Mareykanka midna weli wax war ah kama soo bixin oo ku aadan Duqeynta ka dhacday Degmada Saakoow.

Sidoo kale Xarakada Al-shabaab kama hadlin waxa ka jira Duqeynta la sheegay in lagu dilay Hogaamiyahoodii.

Mareykanka ayaa Sanadkii 2014 Duqeyn Diyaaradeed ku dilay Hogaamiyihii Al-shabaab Axmed Cabdi Godane.

Agoosto 14, 2016  Dagaal u dhexeeya Ciidanka Nabad Sugidda ee Galmudug ka Howlgala iyo Maleeshiyaad ay Isbaaro u tiilay ayaa ka socda Duleedka Degaanka Godinlabe ee Gobolka Galgaduud.

Dagaalka ayaa yimid ka dib markii Ciidanka NISA ee Galmudug ka Howlgala ay Weerar ku qaadeen Maleeshiyada Isbaarada dhigatay oo la sheegay in Dadka Safarka ah ay Lacago Baad ah ka qaadi jireen.

Goobjoogeyaal ayaa sheegay in Dagaalka uu hadda Xoog u socdo,iyadoo aan weli la Ogeyn Khasaaraha Dhimasho iyo midka dhaawac ee Dagaalka ka dhashay.

Galmudug ayaa horay ugu dhawaaqday in ay dagaal la gali doonto Maleeshiyaadka ka soo jeeda Galmudug ee Isbaarooyinka dhigtay Degaamada Maamulku uu ka taliyo.

WARARKA MAANTA AGOOSTO 13, 2016

Puntland Agoosto 13, 2016 Golaha Ammaanka ee Qaramada Midoobay ayaa meelmariyay in la geeyo dalka South Sudan ciidamo nabad ilaalineed oo dheeraad ah oo ka socda waddamada gobolka oo gaaraya ilaa 4000 oo askari.

Bishii la soo dhaafay ayaa maalmo lagu dagaalamay gudaha magaalada caasimadda u ah South Sudan ayaa waxaa ka dhashay dil baahsan, tacaddiyo galmo iyo dhibaatada xaaladda bini’aadamnimo oo sii darsatay.

Waxaa xooga la saaray intii uu socday shirkii Golaha Ammaanka ee Qaramda Midoobay mas’uuliyadda aasaasiga ah ee ilaalinta dadka rayidka .

Balse milateriga dalkaasi South Sudan ayaa lagu eedeyay inay ka qeybqaateen dilalkii iyo tacadiyadii loo geeystay dad rayid ah intii dagaalada ay socdeen.

Qarmada Midoobay ayaa ciidan dheerad ah dalkaasi u dirayso iyadoo xaaladana ay kacsantahay.

Ciidammadan dheeradka ah oo gaaraya ilaa 4000 ayaa qeyb libaax leh ka qaadan doona sugidda amniga caasimadda Juba, si ay u ilaaliyan gegida diyaaradaha iyo xaruumo kale oo muhiim ah.
Khaatumo State Agoosto 13, 2016 Maamulka  khaatumo ayaa ka hadlay dhawaaqi maanta ka soo baxay qaar kamid ah isimada deegaanka khaatumo kuwaasi oo sheegay in ay jirin wax wadahadal ah oo khaatumo snm gali karaan.

Puntland Agoosto 13, 2016 C/raxmaan Maxamed C/dulle Wasiirka Dhalinyarada ee Maamulka Puntland ayaa sheegay in Puntland ay shaqo abuur u sameyneyso dhalinyarada ku nool deegaanadeeda.

Wasiirka ayaa sidoo kale sheegay in 60 dhalinyaro ay shaqo u abuurayaan, sidoo kalena ay rajeynayaan in sanad walbo ay shaqo abuur u sameynayaan dhalinyarada.

Waxa uu xusay in ay muhiim tahay in meel loogu soo wada jeesto hormarinta iyo shaqo siinta dhalinyarada Soomaaliyeed.

Shalay ayaa waxaa magaalooyin ka tirsan Soomaaliya laga xusay maalinta Dhalinyarada aduunka, waxaana Xaflad ka dhacday Magaalada Garoowe ka qeyb galay Masuuliyiin ka tirsan Puntland.

Japan Agoosto 13, 2016 Dowladda Japan ayaa sheegay in ay xoojinayso howlgalka la dagaalanta burcad badeeda ee ka socda xeebaha Soomaaliya.

Dowladda Japan ayaa sheegay in ciidamadeeda qeybta ka ah howlgalka la dagaalanka burcad badeeda ay shaqo badan ka qabteen xeebaha Soomaaliyeed , islamarkaan ay yareeyeen khatarta burcad badeeda oo hada ay sheegtay Japan in ay marayso meeshii ugu hooseeysay.

Waxaa lagu wadaa in xubno ka socda dalka Japan ayaa booqdaan dalka Jabuuti si ay u dhiirageliyaan howlgalka la dagaalanka burcad badeeda ee ka socda  Xeebaha Soomaaliya.

Wasiirka Cusub ee dowladda Japan u qaabilsan difaaca Tomomi Inada ayaa sheegtay in ay dhawaan booqandoono dalka Jabuuti si ay u dhiirageliso ciidamada ka socda dalka Japan ee la dagaalama kooxaha burcadbadeeda Soomaalida.

” Waxaan dhawaan booqan doona dalka Jabuuti si aan u dhiiragelino ciidamadeena shaqada badan ka haya xeebaha  Soomaaliya iyo biyaha caalamiga ah ee dagaalka kula jira kooxaha burcadbadeeda” Waxaa sidaas tiri wasiirada difaaca dalka Japan Tomomi Inada.

Dowladda Japan ayaa qeyb ka ah howlgalka la dagaalanka burcadbadeeda , waxaana saldhig ay kuleedahay dalka Jabuuti , halkaas oo ciidamadeeda ay ka qaadaan weerarada ka dhan ka ah burcadbadeeda

Kenya Agoosto 13, 2016 Maamulka degmada Mandera ee gobolka Waqooyi Bari ee dalka Kenya ayaa sheegay in ay xireen wadooyin badan oo ku yaala deegaanada hoos yimaada degmada Mandeera ka dib markii ay sare u kaceen weerarada ay geysanayaan uruka Al-Shabaab.

Taliyaha qeybta Booliska degmada Mandera iyo sidoo kale gudoomiyaha degmada Mandera ayaa si wadajir ah u sheegay in ay jirto cabsi xoogan oo ay qabaan dadka ku safaraya wadooyinka gobolka Waqooyi Bari ee dalka Kenya.

“Waxaan xirnay Wadooyinka Wajeer, Mandera, Lafeey maaxaayeelay Al-Shabaab waxay weerarayaan dadka rakaabka ah ” sidaas waxaa yiri Shisia taliyaha qeybta Booliska Mandera.

Maamulka degmada Mandera ayaa sidoo kale sheegay  in ay ka feejigan yihiin weeraro ka yimaada Al-Shabaab ,islamarkaana si weyn loo adkeeyay ammaanka deegaanada Hoos yimaada degmada Mandera.

Al-Shabaab ayaa la sheegay in ay laba jibaareen weerarada ay ku qaadayaan ciidamada dowladda Kenya ee ku safraya wadooyinka gobolka Waqooyi Bari ee dalka Kenya.

Afganistan Agoosto 13, 2016 Hogaamiyihii kooxda Daacish Hafiz Saeed Khan ee dalka Afgaanistaan iyo Pakistaan ayaa la sheegay in lagu dilay duqeyn diyaaradaha aan waddaha lahayn ka geysteen dalka Afgaanistaan.

Difaaca dalka Maraykanka ee Pentagonka ayaa xaqiijiyey in hogaamiyaha lagu dilay degmada Kot ee dalka Afgaanistaan.

Kooxda Daacish ayaa dalka Afgaanistaan ka askummay 2015kii, xiligaasi oo ay samaysteen gobol ay ugu yeereen inuu yahay Khorasan, kaasi oo lagu xukumi doono shareecada islaamka waa sida ay iyagu qabaane.

Dilka hogaamiyahan ayaa dhabar jab weyn ku noqon doonta kooxda ISIL. Waxaana la filayaa inay kooxdu kala tafaraaruq xoogan soo kala dhex gali doono, kaasi oo ku salaysan cida hogaanka qaban lahayd.

Sarkaal u hadlay NATO ayaa sheegay in 25% maleeshiyaadka Daacish lagu laayey howlgalada cirka ee ka socda dalka Afgaanistaan.

Muqdisho Agoosto 13, 2016 Ciidamada nabad sugida Soomaaliya oo watay gaadiid dagaal iyo shabaqlayaal ayaa howlgal ballaaran ka sameeyey xaafado ka tirsan degmooyinka Waaberi iyo Xamar jajab ee magaalada Muqdisho.

Howlgalkan oo laga sameeyey xaafadaha ku teedsan wadada Buundooyinka gaar ahaan inta u dhexeysa Suuqa beerta illaa buundada Ceelgaab ayaa waxa lagu soo qabqabtay boqolaal dhalinyaro ah oo lagu guray gaadiidka waaweyn ee shabaqlayaasha, waxaana loo daad gureeyey xarumaha ciidanka NISA.

Ciidamada ayaa galayey guryaha iyo goobaha ganacsiga ee hareeraha ka xiga wadada buundooyinka, iyagoo beegsanayey raga dhalinyarada ah, waxaana xaalada xaafadaha uu howlgalkan saameeyey ay aheyd caawa mid kacsan.

Saraakiisha ciidamada nabad sugida faahfaahin kama bixin howlgalkan balse waxaa uu ku soo aadayaa xili shalay agagaarka buundadaa Ansalooti lagu dilay haweeney shaqaale ka aheyd hoyga taliyaha ciidanka nabad sugida Somalia Jen. Gaafow, waxaana ka horeeyey dilal kale oo isla goobahaas loogu geystay dhowaan askar ka tirsan ciidanka dowlada.

WARARKA MAANTA AGOOSTO 12, 2016

Muqdisho Agoosto 12, 2016 Telefishinka Universal Ee Afka Soomaaliga wax ku tebiya ayaa waxa xalay ka baxay dood wadaag aad u xamaasad badnaa iyadoona Xalaadu ay noqotay in la isku sigtay gacanta la iskula tago.

Wasiiru dowlaha Wasaarada Arimaha Gudaha Soomaaliya C/rashiid Maxamed Xidig iyo Xoghayaha Xisbiga Daljir Dnjire Axmed Macalin Fiqi ayaana dood culus oo dagaal inay sababto gaari rabtay dhexmartay. https://www.youtube.com/watch?v=kyKy4v2n5cs

Axmed Macalin Fiqi ayaa goobta kasoo bandhigay waxyaabo Sir ah oo qarsoon isagoo tibaaxay in Dawlada Soomaaliya ay af qabasho ku heyso dadka Soomaaliyeed. Wasiir Xidig ayaa si maldahan usheegay inay Axzaabta weli aan la aqoonsan isa soo diin waan geliyaan sharcigana soo maraan taasi oo si kulul uga xanaajisey Axmed Fiqi kuna tilmaamay warkaasi mid uu Wasiirku Hanjabaad Xisbiyada ugu jeediyey.
Beledweyne Agoosto 12, 2016 Ugaas Xasan Ugaas Khaliif ayaa wuxuu ka hadlay Go’aanada kasoo baxay Shirkii madaasha, Wuxuuna sheegay in laga filayey wax bulshada Soomaaliyeed dan u ahay inay kasoo baxdo.

Afgooye Agoosto 12, 2016 Taliyaha Booliska degmada Afgooye ee gobolka Shabeelaha Hoose Dhame Amiin Maxamed Xuseen oo la hadlay Warbaahinta ayaa waxa uu ka warbixiyay xaalada amni degmadaasi.

Taliyaha ayaa waxa uu sheegay in dhowaan ay weerar ku soo qaadeen Dagaalyahano ka tirsan Shabaab balse ciidanka dowladda ay iska difaaceen sidoo kalena ay baacsadeen Dagaalyahanadii weerarka ku soo qaaday waa sida uu sheegay Taliyaha.

Waxa uu sheegay in ciidanka dowladda iyo sidoo kuwa AMISOM ay howlgallo ka dhan ah Shabaab ka sameeyeen degmada Afgooye iyo duleedkeeda.

Dhame Amiin Maxamed Xuseen Taliyaha Booliska degmada Afgooye ee gobolka Shabeelaha Hoose ayaa sidoo kale sheegay in ciidanka dowladda ay ka go’antahay in Shabaab ay ka saaraan guud ahaan gobolka Shabeelaha Hoose, isagoo dhanka kale shacabka ugu baaqay in ay garab istaagaan ciidanka dowladda.

Dhowaan ayay aheyd markii Dagaalyahano ka tirsan Shabaab iyo ciidanka dowladda ay ku dagaalameen duleedka Afgooye, waxaana dagaalkaas uu geystay khasaare soo kala gaaray labada dhinac.

Jigjiga Agoosto 12, 2016 Madaxweynaha dowladda federaalka Soomaaliya Mudane Xasan Sheekh Maxamuud oo safar booqasho ku jooga magaalada Jigjiga ee caasimadda Dowlad Degaanka Soomaalida Ethiopia ayaa waxa uu kulamo la qaatay Odayaasha Dhaqanka iyo qeybaha kala duwan ee bulshada.

Madaxweyne Xasan Sheekh Maxamuud ayaa sheegay in shucuubta labada dal ee Soomaaliya iyo Ethiopia ay dhinacyo badan iska kaashan karaan, loona baahan yahay in la dedejiyo barnaamijyada suuragelinaya iskaashi dhaqaale oo dadyowga gobolka oo dhan ay ka faa’iideysan karaan.

Xasan Sheekh Maxamuud ayaa sidoo kale sheegay in uu ku faraxsan yahay horumarka ka muuqda deegaanka, isagoo intaa ku darey in uu aaminsan yahay in guulaha la gaarey ay sabab u tahay wadashaqeynta iyo isku duubnida shacabka iyo Dowlad Degaanka Soomaalida Ethiopia.

Odayaasha dhaqanka oo iyaguna halkaasi hadalo ka jeediyay ayaa ku ammaanay Madaxweyne Xasan Sheekh Maxamuud iyo shacabka Soomaaliyeed dadaalka ay ugu jiraan dib u dhiska Soomaaliya.

Madaxweynaha Soomaaliya ayaa markii ugu horeysay booqasho ku tagay magaalada Jigjiga ee caasimadda Dowlad Degaanka Soomaalida Ethiopia, waxaana weli uu halkaasi kulamo kula qaadanayaa Odayaasha dhaqanka iyo qeybaha kale ee bulshada.

Muqdisho Agoosto 12, 2016

Ra’iisul Wasaarha Soomaaliya Cumar C/rashiid Cali Sharmaarke ayaa Golaha Wasiirada Xukuumada Soomaaliya waxa uu kula dar daarmay in ay ilaaliyaan Hantida dowladda inta lagu guda jiro Doorshooyinka dalka ka dhacaya.

Ra’iisul Wasaare Cumar C/rashiid Cali Sharmaarke ayaa sidoo kale sheegay in Golaha Wasiirada Soomaaliya looga baahan yahay in ay si adag u shaqeeyaan mudada Doorashada lagu guda jiro.

Afhayeenka Xukuumada Soomaaliya C/Casiis Cabdi Xaaji Goobdoon ayaa warbaahinta u aqriyay hadalka Ra’iisul Wasaaraha.

Bilaha September iyo October ayaa dalka waxaa ka dhacaya Doorashooyin iyadoo la soo dooranayo xubanaha Baarlamaanka Aqalka Sare, xubnaha Aqalka Hoose iyo 30-ka October oo la soo dooran doono Madaxweynaha cusub ee Soomaaliya ay yeelaneyso sida la go’aamiyay.

WARARKA MAANTA AGOOSTO 11, 2016
Jigjiga Agoosto 11, 2016 Waxaanu halkan idiin ku soo bandhigayna muqaalka kulankii xalay ka dhacay Jig-jiga oo Mudane Xasan Shiikh lagu marti qaaday isagoona lagu ciyaar siiyay dhaanto yaab leh. https://www.youtube.com/watch?v=x3FSH2kIdso
Ethiopia Agoosto 11, 2016 Ethiopia Tirada dadkii ku dhintay dibad baxyo toddobaadkii hore ka billowday dalka Ethiopia ayaa la sheegayaa inay gaareyso ku dhawaad 100 qof.
Boqolaal qof ayaa lagu soo waramayaa in la xiray kuwo kale oo badanna ay ku dhaawacmeen.Wariyaha VOAda ee Bariga Africa Jill Craig ayaa la hadashay qaar ka mid ah dadka ka faallooda arrimaha gobolka, iyadoo wax ka weydiisay dhibaatooyinka ay dadkan mudaaharaadaya tirsanayaan iyo waxa ay uga dhigan yihiin Mustaqbalka Siyaasadda Ethiopia.Jigjiga Agoosto 11, 2016 Waxaanu halkan idiin ku soo bandhigayna muqaalka kulankii xalay ka dhacay Jig-jiga oo Mudane Xasan Shiikh lagu marti qaaday isagoona lagu ciyaar siiyay dhaanto yaab leh. https://www.youtube.com/watch?v=x3FSH2kIdso
Baydhabo Agoosto 11, 2016  Xildhibaan Xasan Black oo kamid ah Baarlamanka maamulka koonfur Galbeed Soomaliya oo lahadlay Warbahinta simba ayaa sheegay in qaar kamid ah Xildhibaanadii mooshinka kawaday Gudoonka sare ee Barlamaanka Maamulkaas in ay ka Tanasuleen kadib markii u cadaadis kaga yimid Guddoonka sare iyo laaluush ay ka heleen Madaxweyne Shariif Xasan Shiikh aadan.Waxa uu Tilmaamay in Hanjabaad joogto ah ay kala kulmaan Gudoomiyaha Baarlamanka Maamulka Koonfur Galbeed Soomaliya Gudoomiye C/qaadir Shariif Sheekunaa Maye oo ah Mas’uulka laga wado Mooshinka.Xildhibaan black oo si hadlayay ayaa xusay in wali ay jiran Xildhibaano badan oo wada mooshinka waxa uu ku adkeystay in mooshinka halkiisa kasii socon doono 14 bari ee soo socota ay ka doodi doonaan Arrimaha Mooshinka.Madaxweynaha Maamulka Koonfur Galbeed Soomaliy Mudane Shariif Xasan Shiikh aadan ayaa dhawaan soo Faragaliyay arrimaha Mooshinka qaar kamid ah xildhibaanada ayaa la sheegayaa in loo balan qaaday lacago si ay meesha ugu saaraan mooshinka laga wado Gudoomiye C/qaadir Shariif Sheekunaa Maye.Afgooye Agoosto 11, 2016  Dagaal u dhexeeya Ciidanka Milatariga Soomaaliya iyo Al-shabaab ayaa Xalay Saqdii dhexe ka dhacay Saldhig Ciidamadu ay ku leeyihiin Duleedka Degmada Afgooye ee Gobolka Shabellaha Hoose.Dagaalka ayaa yimid ka dib markii Shabaab ay Weerar ku soo qaadeen Saldhig Ciidamada Dowladda ay ku leeyihiin Duleedka Afgooye,waxaana Ciidanka Milatariga iyo Shabaab dhexmaray Dagaal mudo Socday.Inta la Xaqiijiyay Dagaalka waxaa ku dhintay Labo Qof oo Shacab ah,kuwaas oo Rasaastu ay ugu tagtay Guryihii ay degenaayeen,halka ay ku dhaawacmeen illaaa Afar kale oo Shacab ah.Ma jirto Illo Madax banaan oo Xaqiijin kara Khasaaraha Dhimashada iyo dhaawac leh ee kala gaaray Ciidanka Xoogga iyo Shabaabkii soo weeraray.Al-shabaab ayaa Dhowr jeer Weeraro la mid ah midkii Xalay ku soo qaaday Fariisimaha Ciidamada Dowladda ee ku yaalla Degmada Afgooye.Puntland Agoosto 11, 2016  Warsidaha Puntlandtimes ayaa heshay xogo dheeraad ah oo ku saabsan sida ay Puntland ku heshay labo xubnood oo dheerad ah, kuwas oo hadda kamid noqonaya Aqalka sare ee dawladda Faderaalka ee Soomaaliya.

Madasha Wadatashiga ee Soomaaliyeed ayaa mudo 7 maalmood ah, dood adag ka lahaa arrimaha Siyaasada ee dalka, gaar ahaana doorashada 2016-ka, waxaana ugu dambeyn lla go’aansaday in Puntland ay hesho xubnahan dheeraadka ah.

Labadan xubnood waxay ka dhigaysaa tirada guud ee Aqalka sare Puntand 13 xubnood, halka dawlad gobaleedyada kale leeyihiin min 8 xubnood, marka laga reebo maamulka Somaliland oo leh 11 xubnood oo dheeraad ah.

Galmudug & Somaliland waxay diideen labadaan xubnood ee ay heshay Puntland, waxay sheegaan in aysan aqbaleyn dhamaan dheeraadkan, iyagoo dalbaday oo kaliya in ay la mid noqoto.

M/weynaha Galmudug wuxuu shalay muujiyey Neceybka u qabo Puntland, isagoo sheegay in aysan aqbaleyn, laakiin taas waxay u muuqatay mid aan marnaba suuragal noqon doonin.

PTIMES ayaa ogaatay in aysan waxba ka jirin warar sheegaya in xubnahan laga soo jarayo Somaliland & Galmudug, waxaana la xaqiijiyey in ay yihiin kuwa rasmi ah oo ay heshay Puntland, maadaama ay tahay Hooyadda Faderaalka Soomaaliya.

UNSCR Agoosto 11, 2016 Ha’yadda UNHCR ayaa sheegtay in qaxootiga Soomaaliyeed ee ku sugan dalalka Kenya iyo Yemen in ay wali u baahan yihiin in ay helaan taageero dheeri ah si loo gaabo noolashooda.

UNCHR ayaa sheegtay in wali jirto xaalad nolol xumo ee heysta qaxootiga Soomaaliyeed ee ku sugan dalka Dibadiisa iyo sidoo kale kuwa ku barakacay gudaha dalka Soomaaliyeed.

Waxay sheegtay in ay haboon tahay in dalalka caalamka  ay bixiyaan jawaab ku aadan taageerada qaxootiga Soomaaliyeed ee ku sugan dalka iyo dibadiisa.

UNHCR ayaa sheegtay in tiro ka mid ah qaxootiga Soomaaliyeed ee ku sugan xerada Alkharas ee dalka Yemen ay kunool yihiin xaalad adag oo saameyn weyn ku yeelatay noolashooda , sidaas darteedna deeqbixiyaasha caalamka looga baahan yahay in ay taageeraan qaxootiga Soomaaliyeed ee ku sugan dalka Yemen.

Sidoo kale UNHCR ayaa sidoo kale codsatay taageero dheeri oo loogu talagalay qaxootiga Soomaaliyeed ee ku sugan dalka Kenya gaar ahaan xeryaha Dhadhaab.


WARARKA MAANTA AGOOSTO 10, 2016
Muqdisho Agoost 10, 2016 Ra’iisul Wasaaraha Xukuumadda Federaalka ah ee Soomaaliya Mudane Cumar Cabdirashiid Cali Sharmaarke ayaa magacaabay Guddiga Hirgelinta Doorashooyinka Dadban ee Heer Dawlad Gobolleed (GHDDDG) ee Sanadka 201610-1 FacebookTwitterGoogle+ShareMuqdisho Agoost 10, 2016 Iyadoo mudooyinkii dambe uu muran ka dhextaagnaa halka lagu soo xulayo xubanaha baarlamaanka ee ka soo jeeda deegaanada Sool iyo Sanaag oo ay maamulkiisa ku muransan yihiin Soomaaliland, Khaatuma iyo Maamulka Puntland ayaa waxaa arintaasi ka hadlay Madaxweynaha Puntland.Madaxweynaha maamulka Puntland C/wali Maxamed Cali Gaas ayaa waxa uu sheegay in maamulkooda Puntland uusan aqoonsaneyn wax la yiraahdo maamulka Khaatuma oo ka jira Deegaanadaas.Waxa uu sidoo kale sheegay xildhibaanada laga soo xulayo deegaanada Sool iyo Sanaag soo xulitaankooda ay mas’uul ka tahay Puntland.Maamulka Khaatuma ayaa horey dowladda federaalka ugu eedeeyay in xaquuqda dadka ka soo jeeda gobolada Sool iyo Sanaag ay duudsiineyso.Moscow Agoost 10, 2016 Madaxweynaha Turkiga, Recep Tayyip Erdoğan oo booqasho ku joogga dalka Ruushka, ayaa kula kulmay Madaxweyne Vladimir Putin, waana safarkii ugu horeeyay oo dibadda uu ugu amba baxo, tan iyo afgambigii fashilmay ee 15-kii bishii July ka dhacay Turkiga.Labada dhinac oo ku kulmay Magaalada St Petersburg, ayaa waxay si dhow uga wada hadleen, sidii dib loogu soo celin lahaa xiriirkii labada dal oo xumaaday bishii November, ka dib markii uu Turkigu soo riday diyaarad dagaal oo Ruushku uu lahaa, xilli sida uu Turkigu sheegay ay ku soo  xadgudubtay hawadooda.Intii uu kulanku u socday, ayaa waxay isla soo hadalqaadeen xaaladda murugsan ee dalka Suuriya, waxayna isu mowqif ka qaateen arrimaha dalkaasi, inkastoo ay isu qabteen qaabkii loo wejihi lahaa.Gaba gabadii kulankoodaan, ayay si wada jira Saxaafadda ula hadleen. Madaxweynaha Ruushka oo hadalka ku horeeyay, ayaa sheegay in booqashada Madaxweynaha Turkiga ay muujinayso, sida ay kaga go’an tahay in la hagaajiyo xiriirka labada dal. S1 S2
WARARKA MAANTA AGOOSTO 09, 2016

Su'aasha Maanta: Hadii ay Damu-Jadiid ku fashilantay muddo 4 sanno ah jah-wareerinta hoggaanka dalka maxay u rabaan in muddo kale loogu daro? Maxayse tahay xiriirka ka dhexeeya Ururka Damu-Jadiid iyo argagixisada Shabaab? Yaase siinaya dhaqaalaha iyo hubka? Ummadda Soomaaliyeed waxay rabaan hoggan cusub 99.9% marka beesha caalamka waydiiday inay dhaqallo ku bixiso doorasho kale oo Ururka Damu-Jadiid dib ugu soo laabtaan.Muqdisho Agoost 09, 2016 Deg Deg:- Shirkii Madasha Qaran oo Goor dhaw Muqdisho lagu soo xiray:

Waxaa Goor dhaw Madaxtooyada Soomaaliya lagu soo geba gebeeyay Shirkii Hogaamiyaasha Madasha wada-tashiga Qaran oo Mudo Todobaad ah uga soconayay Muqdisho Madaxda Dowladda Soomaaliya iyo kuwa Maamul Goboleedyada.

Hogaamiyaasha Madasha ayaa Shirka ka soo saaray War-murtiyeed ay isku raaceen intuu soconayay Shirka.

Ma jirto wax laga badalay Go’aankii ay horay u soo saareen Guddiga Doorashooyinka Dadban ee shaaciyay Xiliga ay dhaceyso Doorashada Soomaaliya oo ay tilmaameen in Doorshada Madaxweynaha ay qabsoomi doonto 30 OCT.
Muqdisho Agoost 09, 2016Wasiirka arrimaha gudaha soomaalia odawaa ayaa markan ka hadlay wadahadalkii snm iyo xukumada fadaraalka soomaaliya meeshu ku danbeeyay.

Addis Ababa Agoost 09, 2016 Dadka degaanka iyo mucaradka ayaa sheegay in in kabadan 90-qof ay rasaas ku dileen ciidamada amaanka Ethiopia dibad baxyada hareeyay wadankaasi waxana dadka la dilay ay yihiin qoomiyadaha Oromiya iyo Amhara.

Dibad baxyadaasi oo bishaan xoogeysatay ayaa soo bilaabmay horaantii sanadkaan waxana salka uu ku haya dhul beered,waxaana dhacday in masuuliyiin mucarad ah oo ka horyimid qorshaha dhul beeredkaasi ay dowladda xabsiga dhigtay.

Wali wadanka meelo kamid ah waxaa ka socda dibad baxayadaasi.

Falanqeyeyaasha ayaa sheegaya in Ethiopia ay cagta saartay wadadii Suuriya iyo Libya

Nairobi Agoost 09, 2016  Sida ay ku warameyaan warbaahinta gudaha ee dalka Kenya waxaa laga deyrinayaa xaalada cafimaad ee ay ku nool yihiin Qaxootiga Soomaaliyeed ee ku jira xerada Dhadhaab.

Warbaahinta gudaha ee dalka Kenya ayaa sheegtay in goobaha Caafimaad, Waxbarasho iyo sidoo kale nolosha Qaxootiga Soomaaliyeed ay hoos u dhacday.

Kumanaan Qaxooti Soomaliyeed ah ayaa hada dalka dib ugu soo laabtay tan iyo markii dowladda Kenya ay shaacisay in ay xireyso xerada Dhadhaab oo ah xerada ugu weyn ee ay ku nool yihiin Qaxootiga Aduunka.

Qaar ka mid ah waalidiinta ku nool xerada Dhdhaab ayaa warbaahinta u sheegay in caruurooda aysan heysan Waxbarsho ku filan sidoo kalena xaaladooda caafimaad ay aad u liidato.

Dowladda Kenya ayaa horey u sheegtay weerarada Shabaab ay ka geystaan dalka Kenya in laga soo abaabulo xerada Dhadhaab, waxaana arintaasi ay keentay in Qaxootiga laga soo raro xerada Dhadhaab.

Muqdisho Agoost 09, 2016 War qoraal ah oo ka soo baxay xafiiska arimaha dibada ee dowladda Soomaaliya ayaa lagu sheegay in dowladaha Soomaaliya iyo Mareykanka ay ka wada hadleen xiriirka labada dal.

Wasiirka arimaha dowladda federaalka Soomaaliya C/salaan Hadliye  iyo danjiraha dowladda Mareykanka u qaabilsan Soomaaliya ayaa kulan yeeshay waxaana looga hadlay xiriirka labada dal.

Kulanka ayaa sidoo kale waxaa looga hadlay sidii Mareykanka Soomaaliya uu kaga taageeri lahaa xaga dib udhiska ciidanka, dhaqaalaha iyo arimo kale.

Danjiraha dowladda Mareykanka u qaabilsan Soomaaliya ayaa markii uu soo idlaaday kulanka waxa uu sheegay in Soomaaliya iyo shacabkeeda ay yihiin kuwo isku xiran sidoo kalena Mareykanka uu mar walba diyaar u yahay in uu taageero dowladda Soomaaliya.

Muqdisho Agoost 09, 2016 Madasha Hoggaanka Qaran (MHQ) ayaa kulan ku yeelatay magaalada Muqdisho 02 – 09 Agoosto 2016ka. Kulanka waxaa shir-guddoominayay Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, waxaana ka soo qayb galay Guddoomiyaha Baarlamaanka Federaalka, Mudane Maxamed Cusmaan Jawaari; Ra’iisal Wasaaraha Xukuumadda Federaalka, Mudane Cumar Cabdirashiid Cali Sharmaarke; Ra’iisul Wasaare Ku-Xigeenka Xukuumadda Federaalka, Mudane Maxamed Cumar Carte; Madaxweynaha Puntland, Mudane Cabdiweli Maxamed Cali-Gaas; Madaxweynaha Jubbaland, Mudane Axmed Maxamed Islaan; Madaxweynaha Koonfur Galbeed, Mudane Shariif Xasan Sheekh Aadan; iyo Madaxweyne ku-Xigeenka Galmudug, Mudane Maxamed Xaashi Cabdi.

Kulankani wuxuu daba socday kulankii madasha ee lagu qabtay magaalada Baydhabo 22-25 June, kaasoo lagu gaaray go’aamo khuseeya doorashada 2016ka.

Ujeeddada shirkani waxay ahayd in la dhammeystiro arrimaha qabyada ka ah hirgelinta hannaanka doorashooyinka qaran ee 2016ka.

1. Muddada Xil-heynta laamaha Dowladda ee Jamhuuriyadda Federaalka Soomaliya.

Madasha Hoggaanka Qaran ka dib markii ay aragtay jedwalka hirgelinta doorashada 2016 ee ay soo gudbiyeen Guddiga Federaalka Hirgelinta Doorashooyinka Dadban (GFHDD), isla markaana arkeen Qodobka 91-aad ee Dastuurka Federaalka ee qeexaya in laamaha dowladda Federaalka ee Jamhuuriyaddu ay ku kooban tahay afar (4) sano oo ka bilaabanta maalinta xilka loo dhaariyey, maankana ku haya in duruufaha jira awgeed ayan suuragal ahayn in doorasho la qabto inta ka harsan muddada xilheynta ee laamaha dawladda ee hadda jira (Baarlamaanka Federaalka iyo Madaxweynaha). Madashu waxa ay tixgeliyeen in ay lagama-maarmaan tahay in muddada gaaban ee kala guurka ah looga gudbo si huwan nabaadiino iyo xasillooni, aysan dhicin firaaq hay’adeed ku yimaada jiritaanka laamaha dastuuriga ah ee Dowladda Federaalka. Madashu waxay guddoomisay in laga billaabo taariikhda ay ku dhammaaneyso muddada xil-heynta laamaha dawladda, ay xilka u sii hayn doonaan ilaa iyo inta natiijada cusub ee doorashada ee laamaha dastuuriga ah lagu dhawaaqo, sida ku cad jadwelka ay soo saareen (GFHDD).

1. Dhammeystirka Dib-u-Eegista Dastuurka

Madashu waxaa ay si wadjir ah u bogaadinayaan Guddiga dib u eegista dastuurka ee Baarlamaanka federaalka, Guddiga Madaxa Bannaan ee dib u eegista dastuurka iyo Wasaaradda dastuurka shaqada wanaagsan ee ka soo qabteen dib u eegista dastuurka , waxa ay soo jeedineysaa in ay lagama-maarmaan tahay in howlaha dib-u-eegista dastuurka ee qabyada ah uu dhameystiro Baarlamaanka 10naad ee Jamhuuriyadda Federaalka Soomaaliya ee dhawaan la dooran doono, isla markaana uu tixgelin iyo mudnaanta koowaadba siiyo Qaraarka iyo lifaaqyada uu Baarlamaanka 9aad ku ansaxiyey kalfadhigiisa 8aad ee 2016.

1. Adeegsiga Nidaamka Awood-qaybsiga 4.5 oo looga Gudbo Dhisidda iyo Hirgelinta Axsaabta Siyaasadeed

Madashu waxaa ay soo dhaweynayaan mabda’a dimoqraadiga ah ee suurtogalinaya in shacbigu helo fursad uu madaxdiisa si caadil ah ugu kala doorto barnaamijyo siyaasadeed oo ay ku kala tartamayaan axsaab siyaasadeed taasoo ah dariiqa ugu habboon ay Soomaaliya uga bixi karto nidaamka doorashooyinka ku saleysan 4.5 ee lagu soo meelgaaray. Sidaa darteed, Madaxda Madasha Qaranku waxaa ay isku raaceen in la horumariyo dhisidda iyo diiwaangelinta axsaabta siyaasadeed muddo labo sano gudahood ah, ka bilaabata taariikhda la doorto Baarlamaanka 10aad. Haddaba si arrintan loo hirgeliyo qof kasta oo Musharrax ah, oo u tartamaya kuraasta labada aqal ee Baarlamaanka Federaalka midkood waxaa laga doonayaa inuu saxiixo afti qoraal ah oo uu ku caddeynayo in uu labo (2) sano gudahood, ka bilaabata maalinta la dhaariyo Baarlamaanka 10aad uu xubin ka noqonayo mid ka mid ah axsaabta siyaasadeed ee sharci ahaan dalka ugu sameysmay, Baarlamaankana ku matali doono xisbigiisa. Xildhibaanada ku guuleysta doorashooyinka ee aqalada Baarlamaanka ee Soomaaliya ay ka mid noqon doonaan axsaabta siyaasadeed ugu dambeyn 20ka Oktoober 2018. waxaa laga doonayaa in xafiiska Guddoonka Baarlamaanka geeyo caddeyn xisbiga siyaasadeed uu xildhibaanku xubinta ka yahay, Golahana ku matalaayo. Xildhibaankii ku biiri waaya xisbi siyaasadeed muddadaas ka dib waxey sababeysaa xil-waayid xubinimada golaha Xildhibaanku ka tirsan yahay, kursigaasna doorasho loo diro.

1. Arrimaha khuseeya Guddiyada Doorashada:

a. Madashu waxay dhameystirtay, magacyada xubnaha Guddiyada Doorashada ee heer Dawlad Goboleed (GDHGDG).

b. Madashu waxay soo saartay tirada iyo magacayada xubnaha guddiga khilaafaadka, waxayna ka dhigtay tirada 21 xubnood halka ay markii hore ka aheyd 11 xubnood. Sagaal (9) ka mid ah guddiga waxaa soo magacaabeysa Dowladda federaalka ah, halka ay min laba (2) xubnood soo magacaabayaan Dowladaha xubnaha ka ah ama ka mid noqon doona Dowladda Federaalka ah.

c. Madashu waxaa ay go’aamisay in xarun walba oo doorasho la geeyo 3 xubnood oo guddiga xallinta khilaafaadka ah waxayna ku go’aan qaadanayaan cod hal dheeri ah.

d. Madashu waxa ay go’aamisay in ciddi cabasha qabta oo u gudbaya guddiga xallinta khilaafaadka la furi karo oo kaliya marka qofka cabashada qaba bixiyo khidmadda furidda gal-dacwadeedka $1,000 (kun oo doolar).

1. Arrimaha Haweenka Musharixiinta ah ee u Tartamaya Labada Aaqal

a. Sidoo kale, waxay madashu ku adkeynaysaa odayaasha dhaqanka iyo guddiyada doorashada inay xaqiijiyaan arrimaha soo socda:

b. Xubnaha Xildhibaanada Golaha Shacabka ee la doortay, 30% waa in ay ahaadaan haween .

c. Afarta beelood, beeshiiba haweenka la doortay waa in ay noqdaan 18 xubnood (4X18=72).

d. Beesha shanaad, haweenka la doortay waa in ay noqdaan sagaal (9) xubnood.

e. Si sare loogu qaado fursadaha haweenka ee doorashada 2016, madashu waxa ay go’aansatay in khidmadaha murashaxnimo ee haweenka hoos loo dhigo 50%, si loo dhiirrigeliyo taabbagelinta qoondada haweenka ee Baarlamaanka Federaalka

f. Ergada doorashada ee beel walba oo ah 51 xubnood, ugu yaraan 30% waa in ay noqdaan haween.

g. Xubnaha loo soo sharaxayo aqalka sare, 50% waa in ay noqdaan haween.
2. Arrimaha Beesha Banaadiriga

a. Ra’iisal Wasaaraha Xukuumadda Federalka, isagoo la tashanaaya odey dhaqameedyada beelaha Banaadiriga ee ku jira liiska 135ta oday dhaqameed iyo nabad-doonnada beesha, waxaa uu soo magacaabayaa afarta (4) xubnood oo ah guddiga doorashada ee beesha Banaadiriga

b. Seddexda (3) Oday dhaqameedyada Banaadiriga ee ku jira liiska 135ta oday, iyagoo la tashanaaya Raisul Wasaaraha Xukuumadda iyo Guddiga Doorashada beesha Banaadiriga, waxa ay soo xulaayaan 21 Ergo-doorasho oo ku saleysan toddobo beel hoosaad oo min saddex xubnood ah (7X3=21).

c. Ergada-doorasho ee ah 21 xubnood ayaa u codeynaaya musharixiinta u tartamaaya in ay ka mid noqdaan Aqalka Sare.

d. Odayaasha dhaqanka Beesha Banaadiriga ee ku jira liiska 135ta xubnood oo la tashanaya nabadoonnada beelaha Banaadiriga ah ayaa soo magaacabaya musharixiinta u tartameysa Aqalka Sare.

e. Ugu dambeyn waxaa Odayaasha dhaqanka loo xilsaaray inay qaybinta kuraastaasi ka soo wadatashadaan meelmarinta kama dambeysta ahna ku soo wargeliyaan R/Wasaaraha Xukuumadda Federaalka Soomaaliya.

1. Shuruudaha Codeynta

a. Doorashada halkii kursi ee Golaha Shacabka waxaa ay ansaxeysaa marka ugu yaraan labo musharax ay u tartamaan.

b. Madasha waxaa ay go’aamisay in 51 ergada u codeyneysa halkii kursi ee Golaha Shacabka ay dhammaantood goobjoog ku noqdaan xarunta doorashada ka dhaceyso si ay u codeeyaan.

c. Haddii beesha kursiga leh ay tirada 51 ergo ay buuxin weydo, dib baa loo dhigayaa kursigaas, waxaana la siinayaa fursad ay ku soo dhammeystiraan tirada 51 ergo muddada doorashadu socoto,

d. Haddii aysan buuxin tirada ergada 51 ee u codeyneysa kursiga xubinimada golaha shacabka muddada doorashadu socoto, kursigaas waa la laalayaa.

1. Arrimaha Shabeelaha Dhexe iyo Hiiraan

a) Madashu waxey xakuumadda Federaalka ah ku adkeyneysaa in la xaqiijiyo dhismaha maamulka gobollada Hiiraan iyo Shabeelaha Dhexe inta ka horreysa xilliga doorashada.

1. Kuraasta Aqalka Sare ee Beelaha Somaaliland

Madasha Madaxda Qaranka oo tixgalineysa go’aanadii ka soo baxay kulankii Baydhabo kuna saabsanaa xalinta saami-qeybsiga iyo hannaanka doorashada xubnaha Aqalka Sare ee Somaliland iyo sidoo kale heshiiskii 12 Abriil 2016 doorashooyinka dadban ee 2016 iyo hannaanka dhismaha Aqalka Sare ee Baarlamaanka oo qeexaysa“Dawlad goboleedyada hadda jira ama dhismaya waxay samaysanayaan qaab ay kuraasta ugu qaybiyaan beelaha/dadyowga ama deegaanada, qaabkaas oo ah mid isku dheelitiran oo loo wada dhan yahay, iyadoo la hubinayo in dadka laga tirada badanyahay ay helaan metelaad ku filan”. Madashu waxay go’aamisay in qoondada 3-da kursi ay qoonda ahaan u leeyihiin beelaha Sool, Bariga Sanaag iyo Buuhoodle oo hal kursi ka mid ah ay leeyihiin beelaha laga tira badan yahay ee deggan degaannadaas.

Waxay sidoo kale Madashu go’aamisay in 2 xubnood lagu kordhiyo tirada kuraasta ay qoonda ahaan beelaha Soomaaliland ku leeyihiin Aqalka Sare ee Baarlammaanka Federaalka.

Ugu dambeyn waxaa Odayaasha dhaqanka loo xilsaaray inay qaybinta kuraastaasi ka soo wadatashadaan meelmarinta kama dambeysta ahna ku soo wargeliyaan Xafiiska Madaxweynaha Jumhuuriyadda Federaalka Soomaaliya, Xafiiska Guddoomiyaha

Baarlamaanka Federaalka Soomaaliya iyo Xafiiska R/Wasaaraha Xukuumadda Federaalka Soomaaliya

1. Arrimaha Jadwelka Doorashada

Madashu waxay ay ansaxiyeen jadwalkan wakhtiyeysan ee doorashada 2016ka ee ay soo gudbiyeen GFHDD:

a. Doorashada xubnaha Aqalka Sare in ay dhacdo 25ka September

b. Doorashada xubnaha Golaha Shacabka in ay dhacdo September 24-10ka Oktoobar

c. In xildhibaanada la dhaariyo 20ka Oktoobar

d. In la doorto Guddoonka Baarlamaanka 25ka Oktoobar

e. Doorashada Madaxweynahana in ay dhacdo 30ka Oktoobar

1. Mahadcelin

Madashu waxaa ay u mahadcelineysaa Safiirada idman ee haweenka Somaaliyeed oo runtii muujiyey howlkarnimo iyo in ay ka go’an tahay ka gun gaaridda qoondada haweenka ee 30%.

Madashu waxaa sidoo kale u mahadcelineyaan Guddiga Federaalka ee Hirgelinta

Doorashooyinka Dadban (GFHDD) shaqadii wanaagsaneyd ee ay qabteen muddadii yareyd ee ay jireen.

Madashu waa ay u mahadcelineysaa beesha caalamka oo had iyo goor la garab taagan taageero dowladda federaalka ee Soomaaliya.

Madashu waxaa ay isku raacday in shirka Madasha ee soo socda lagu qabto Muqdishu bisha 07- 09- 2016.

——————————DHAMMAAD———————-——-

1-3 2-3 3-3 4-3 5-2 w1-1 w2-1 w3-1 w4-1 w5-2 w7-1 w8 w9  w20

MAANTA AGOOSTO 08, 2016

Muqdisho Agoost 08, 2016 Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa Xarunta Madaxtooyada ku qaabilay wafdi uu horkacayay Agaasimaha Guud ee Wasaaradda Arrimaha Dibedda ee Jamhuuriyadda Federaalka Jarmalka ugu qaabilsan arrimaha dalalka Afrika ee Saxaraha ka hooseeya, Danjire Georg Schmidt.

Madaxweynaha iyo wafdiga ayaa ka wadahadley xiriirka labada dal, arrimaha doorashada Soomaaliya, dib u dhiska Ciidanka Xoogga Dalka Soomaaliyeed, amniga gobolka, qaxootiga Soomaalida ee la doonayo in dib dalka loogu soo celiyo, iyo sidii loo soo nooleyn lahaa iskaashiga machadyada mihnadaha laga barto si ay uga faa’iideystaan dhalinyarada Soomaaliyeed.

Madaxweyne Xasan Sheekh Maxamuud ayaa wafdiga ka codsadey inay salaam ka gaarsiiyaan Ra’iisul Wasaaraha Jarmalka, Angela Merkel, dowladda iyo shacabka Jarmalka.

Danjire Schmidt oo isna soo dhoweeyay horumarka Soomaaliya ay ku tallaabsatey, isagoo sheegay inuu aaminsan yahay in Soomaaliya ay dib cagaheeda isku taagi doonto, beesha caalamkuna oo Jarmalka ay ka mid tahay ay doorkooda ka cayaari doonaan.

Kulankan waxaa goobjoog ka ahaa mas’uuliyiin ka tirsan labada dhinac.

chinafalag

China Agoost 08, 2016 Tiantong-01 satellite ayaa samayn doona qad telefoonada mobile-ka oo u adeega Shiinaha, Bariga dhexe, Afrika iyo meelo kale ayay sheegtay wakaaladda wararka ee waddanka ee Xinhua.
Waxaa hawada loo diray saqdii dhexe waqtiga Beijing habeenimadii Axada.

Waxaa dhulka ka maamuli doona China Telecom, oo ay leedahay dowladda Shiinaha.

Waddanka ayaa sidoo kale diyaarinayo barnaamijkiisii labaad ee hawadda.

Sabtidii gantaalaha hawada xarunta laga diro ee waqooyi galbeed Shiinaha. Waxay qaadi doonaan qaybtii labaad ee saldhiga hawada, isagoo lagu badalayo Tiangong1 oo soo dhamaystay hawshiisii iyo dayax gacmeedka Shenzou-11.

Shiinaha ayaa hawada u diray dayax gacmeedkii ugu horeeyay ee qof wada 2003-dii, tan iyo markaa waxay gaartay horumar wayn.

Madaxa naqshadaynta barnaamijka lunar ee Shiinaha, ayaa BBC u sheegay in shiinaha uu qorshaynayo ay degto dayaxa si ay u baarto Mars.

Barnaamijka hawada ee waddanka waxaa hogaamimaya milatariga.

Jubbaland Agoost 08, 2016 Maxamed Cabdi Kaliil oo ah Wasiiru dowlada Wasaarada Amniga maamulka Jubbaland oo warbahinta kula hadlay degmada Luuq ee gobolka Gedo ayaa waxa uu sheegay in qorshe uu wado maamulka Jubbaland kaas oo ah in dib u ahabeyn lagu sameyn doono ciidamada Jubbaland ee ku sugan Jubbooyinka.

Waxa uu sheegay Wasiiru dowlaha in ciidanka Qalabka Sida loo kala saari doono ciidanka Daraawiisha, Nabad sugida iyo kuwa Booliska ee maamulka Jubbaland.

Waxaa jira ciidamo badan oo ka tirsan maamulka Jubbaland kuwaas oo ku sugan deegaano ka tirsan gobolka Gedo, inkastoo mudooyinkii dambe uu gobolkaas khilaaf uu ka jiray kaas oo hareeyay mamulka gobolka iyo waliba kan degmooyinka.


WARARKA MAANTA AGOOSTO 08, 2016
Muqdisho Agoost 08, 2016 Wasiirka Dhallinyarada iyo Cayaaraha Xukuumadda Fedaraalka Soomaaliya Maxamed Xasan Nuux oo la hadlay VOA ayaa sheegay in aysan wax dhibaato ah ka soo gaarin Qarax xalay ka dhacay Banaanka Carwo uu ka adeeganayay oo ku taala wadada Maka Al-mukarama ee Magaalada Muqdisho.Wasiir Nuux ayaa sheegay markii uu ka degay Gaariga in lagu soo tuuray Walxaha Qarxa, sidoo kalena uu dhaawac ka soo gaaray mid ka mid ah dadkii la socday.

Waxa uu sheegay in lagu raad joogo raggii ku lugta lahaa Qaraxan, waxaana uu sheegay in ujeedka Qaraxa uu ahaa in lagu qalqal galiyo hormarka iyo ganacsiga magaalada Muqdisho.

Ciidamada dowladda Soomaaliya ee gaaray goobta uu xalay Qaraxa ka dhacay ayaa Howlgal ay sameeyeen waxa ay ku soo qab qabteen dad tiradooda ay kor u dhaafeyso 10 Qof, kuwaas oo looga shakiyay in ay ka dambeeyeen Qaraxan, sidoo kalena baaritaano lagu sameyn doono.

DC Agoost 08, 2016 Wasaarada arimaha dibada dowladda mareykanka ayaa markale sheegtay in ay taageereyso Doorashada sanadkan la filayo in ay dalka ka dhacdo.

War ka soo baxay xafiiska xoghaya wasaaradda arrimaha dibadda Mareykanka John Kerry, ayaa waxa uu lagu sheegay in dowladda Mareykanka ay ka qeyb qaadaneyso Doorashada 2016-ka Soomaaliya ka dhaceysa.

Xog-haye Kerry ayaa intaas ku daray in dowladda Mareykanka ay ka taageereyso Soomaaliya dadaalka ay ugu jirto sidii loo dhisi lahaa dumuqraaddiyad fadhida.

Warka Xoghayaha ayaa sidoo kale lagu sheegay in Mareykanku uu ku rajo weyn yahay in Doorashada sanadkan ay noqoto mid dhabbaha u xaarta dimuqraddiyadda, ammaanka iyo in barwaaqo la gaaro.

Shalay waxaa magaalada Muqdisho Gudoomiyaha Gudidga Hirgelinta Doorashada dadban ee dalka waxaana uu sheegay qaabka ay u dhacayso doorashada iyo xiliga doorashada.

Cumar Maxamed Cabdulle Dhegey ayaa sheegay in Doorashada xubnaha Aqalka sare ee dalka ay dhacayso 25-ka September sidoo kale Doorashada Xildhibaannada waxa uu sheegay in ay dhacayso 24-ka September ilaa iyo 10-ka October.

Sidoo kale Doorashada Guddoomnka Baarlamaanka ayaa la shaaciyay in dhacayso 25-ka October.

Ugu dambeyntii Gudoomiyaha Gudidga Hirgelinta Doorashada dadban ee dalka Cumar Maxamed Cabdulle Dhegey ayaa cadeeyay in Doorashada Madaxweynaha ay dhacayso 30 October.

Dowladda Mareykanka ayaa ka mid ah dowladaha taageera Soomaaliya ,waxaana dowladda Mareykanku ay dhawaan u soo magacowday Soomaaliya safiir cusub.

WARARKA MAANTA AGOOSTO 07, 2016
Muqdisho Agoost 07, 2016 Gudoomiyaha Gudidga Hirgelinta Doorashada dadban ee dalka oo maanta shir jaraa’id ku qabtay magaalada Muqdisho,ayaa sheegay qaabka ay u dhacayso doorashada iyo xiliga doorashada.Cumar Maxamed Cabdulle Dhegey ayaa sheegay in Doorashada xubnaha Aqalka sare ee dalka ay dhacayso 25-ka September sidoo kale Doorashada Xildhibaannada waxa uu sheegay in ay dhacayso 24-ka September ilaa iyo 10-ka October.Sidoo kale Doorashada Guddoomnka Baarlamaanka ayaa la shaaciyay in dhacayso 25-ka October.Ugu danbeyntii Gudoomiyaha Gudidga Hirgelinta Doorashada dadban ee dalka Cumar Maxamed Cabdulle Dhegey ayaa cadeeyay in Doorashada Madaxweynaha ay dhacayso 30 October.Muqdisho Agoost 07, 2016 Madaxweynaha Soomaaliya Xasan Sheekh Maxamuud oo Kulan la qaatay Saraakiisha Ciidamada Soomaaliya iyo kuwa AMISOM ayaa sheegay in Al-shabaab ay Qorsheynayaa Carqaladeynta Doorashada ka dhacaysa Dalka Dabayaaqada Sanadkaan,waxaana uu ku baaqay in laga Feejignaado.Madaxweyne Xasan ayaa Ciidamada AMISOM ugu baaqay in ay ka hortagaan Weeraro Shabaab ay ku soo qaadaan Xarumaha Dowladda iyo Goobaha lagu qaban doono Doorashooyinka Soomaaliya.“Waxaan Ognahay in Shabaab ay qorsheynayaan in ay Weeraro ay ku qaadaan Doorshada Soomaaliya goobaha lagu qabanayo iyo u diyaar Garoowga Doorashada intaba ay Caqabad ku yihiin Ciidamada Soomaaliya iyo kuwa AMISOM waxaa laga doonayaa in ay ka hortagaan”ayuu yiri Xasan Sheekh .Soomaaliya ayaa la filayaa in Doorashooyin ay ka dhacaan Biaha OCT iyo NOV ee Sanadkaan,iyadoo Go’aanka ugu dambeeya maanta laga sugayo Hogaamiyaasha Madasha Qaran.Muqdisho Agoost 07, 2016Qorshe Hawleedka WaqtiyeysanWaqtiga, Geeddi socodka, MasuuliyaddaAgoosto4 Agoosto – 6 Agoosto
  • Dhammeystirka iyo howlgelinta Guddiga Doorashada Dadban ee heer gobol (SIEIT)
  • Ansaxinta tirada oday-dhaqameedyada tagaya goobaha  dorashooyinka ay ka dhacayaan (tusmaynta madax dhaqameedyada )
  • Musharaxiinta hadii kursi hal qof keliya u soo tartamo maxaa laga yeelaayaa?
  • Ansaxinta waajibaadka shaqo (TOR) Guddiga xallinta Khilaafaadka iyo Magacaabida  xubnaha guddiga
  • Go’aan ka gaaridda hannaanka iyo goobta lagu soo dooranayo xubnaha labada aqal ee Somaliland; Shabellaha-dhexe & Hiiraan (hadii aysan dhisnayn ka hor xiliga doorashada);
  • Guddiga matalaadda xubnaha Aqalka Sare ee gobolka Banadir iyo howl-galintooda
  • Dhammeystirka iyo howlgelinta Guddiga (Task Force-ka) ka shaqayn doono amniga dorashooyinka;
  • Habraac lagu xaqiijinaayo qoondada Haweenka ee 30% ee labada aqal ee Barlamaanka;
  • Ansaxinta iyo Go’aan ka gaarista iyo soo bandhigidda Qorshe howleedka waqtiyeeysan iyo Miisaaniyadda  Doorashooyinka 2016

7-13 Agoosto

Diyaarinta Xafiisyada GDGDD ee Xarumaha Doorashada

MHQ

MHQ

14 Agoosto -20 Agoosto

  • Tababarka Guddiyada doorashooyinka

federal iyo heer maamul Goboleed (GDGDD)

(Mudadan waxay isugu jirtaa Imaanshaha iyo Noqoshada)

GFHDD/QM

21 Agoosto – 24 Agoosto

  • Tababarada 135 Madax dhaqameedyada
  • Qaadashada warqadaha Aqoonsiga .

GDGDD/GFHDD

iteembar 2016

25 Agoosto- 10 Siteembar

  • 135 ta Madax dhaqameed ayaa soo gudbinaya  liiska magacyada ergada
  • Xalinta Khilaafaadka ee Ergooyinka
  • Shaqaalaynta iyo tababarada howlwadeenada doorashooyinka

Madax Dhaqameedka /GDGDD/GFHDD

25 Siteembar

Dhisida iyo soo gudbinta  xildhibanada Aqalka Sare ee Dowlad Goboledyada dhisan ugu dambayn bisha Siteembar 25-da, 2016

MHQ

11-30 Siteembar

  • Baahinta Waqtiga  Diiwaangalinta Musharixiinta
  • Hubinta shuruudaha Musharaxa iyo Diiwaangalintooda
  • Diiwaangalinta Korjoogtada.

GFHDD

Oktoobar 2016

Oktoobar 2016

01-14 Oktoobar

  • Doorashada Golaha shacabka

GDGDD/GFHDD

15- 17 Oktoobar

  • Hubinta iyo ku dhawaaqidda natiijada kama dambaysta ah

GFHDD

18 Oktoobar

  • Dhaarinta Golaha Shacabka

Maxkamadda Sare

28 Oktoobar

  • Doorashada Guddomiyaha Baarlamaanka

Baarlamaanka

07 Nofeembar

  • Doorashada Madaxweynaha Jamuuriyadda Federalka Soomaliya

UK Agoost 07, 2016 Dowladda Britain ayaa shaaca ka qaaday in ay sii laba jibaari doono howlgalada ay ka wado qaar ka mid ah dalalka Qaarada Afrika oo ay Soomaaliya ka mid tahay.

Dowladda Uk ayaa sheegtay in ay qeyb qaadan doono xasilinta iyo nabad kusoo dabaalida dalalka Soomaaliya iyo Nageria.

Waxa ay sheegtay in ay muhiim tahay in dowladda Soomaaliya laga caawiyo la dagaalanka Argagixisada iyo sidoo kale horumarinta ciidanka dowladda Soomaaliya si ay ula dagaalamaan ururada argagixisada sida ay shaacisay wasaasada difaaca UK.

Dowladda UK  iyo Qaramada Midoobey oo iskaashanaya ayaa la sheegay in sare u qaadeen sanadkii la soo dhaafay tababarida iyo sidoo kale horumarinta ciidamada dalalka Nigeria iyo Soomaaliya sida lagu sheegay  war kasoo baxay wasaasarada difaaca UK.

” Waxaan diyaar u nahay inaan sii laba jibaarno jabinta iyo la dagaalanka ururada argagixisada , waxaan ka shaqeyn doonaa horumarinta iyo tababarida ciidamada dalalka Nigeria iyo Soomaaliya ” sidaasi waxaa yiri Xoghayaha gaashaandhiga ee Ingiriiska Micheal fallon.

Dowlada Ingiriiska , ayaa sheegtay in ujeedka ciidamadeeda ay u joogaan Soomaaliya iyo Nigeria in  ay tahay in ay ka caawiyaan  dhinaca loojistikada,Caafimaadka  iyo tababarida ciidanka xoogga dalka Soomaaliyeed.

Dowladda UK ayaa horay ciidamada ugu soo dirtay dalka Soomaaliya , kuwaa soo ay sheegtay in ay qeyb qaadan doonaan caawinta ciidamada dowladda Soomaaliya.

Muqdisho Agoost 07, 2016 Gudoomiyaha Gudidga Hirgelinta Doorashada dadban ee dalka oo maanta shir jaraa’id ku qabtay magaalada Muqdisho,ayaa sheegay qaabka ay u dhacayso doorashada iyo xiliga doorashada.

Cumar Maxamed Cabdulle Dhegey ayaa sheegay in Doorashada xubnaha Aqalka sare ee dalka ay dhacayso 25-ka September sidoo kale Doorashada Xildhibaannada waxa uu sheegay in ay dhacayso 24-ka September ilaa iyo 10-ka October.

Sidoo kale Doorashada Guddoomnka Baarlamaanka ayaa la shaaciyay in dhacayso 25-ka October.

Ugu danbeyntii Gudoomiyaha Gudidga Hirgelinta Doorashada dadban ee dalka Cumar Maxamed Cabdulle Dhegey ayaa cadeeyay in Doorashada Madaxweynaha ay dhacayso 30 October.

Lamu Agoost 07, 2016 Afar ka tirsan Saraakiisha Boliska Gaarka Kenya ee    GSU ayaa xalay lagu dhaawacay weerar ay Dagaalyahanno ka tirsan Alshabaab  xalay ku qaadeen Xeradda Basuba GSU Camp oo ku taalla Degmadda Laamu ee Kenya.

Taliyaha Boliska Laamu, Joseph Kanyiri ayaa sheegay inay Saraakiishaasi ddhaawaca noqotay loo duuliyey magaalladda Nairobi si loogu soo daaweeyo.

Waxa uu tilmaamay in ku-dhawaad 20 Dagaalyahan oo Alshabaab xalay soo weerareen Xeradaasi, waxaana ka hor tegay Ciiddanka GSU ee ku sugnaa Xeradaasi.

Iska horimaadkaasi ayuu sheegay inuu socday  in ka badan 30-daqiiqo, isla markaana ay Ciiddanka GUS iska caabiyeen weerarkii Alshabaab.

Ma cadda khasaaraha labada dhinac ka soo gaaray iska horiaadkaasi.

Amaanka Degmadda Laamu ayaa aad loo adkeeyey kadib makii ay Alshabaab dhowr jeer weerareen Xarumaha Hay’addaha Amaanka ku leeyihiin W/bari ee dalka Kenya.

Shabeele Hoose Agoost 07, 2016 Ciidamada Dowladda Soomaaliya iyo kuwa AMISOM ayaa howlgallo Burcad sifeyn ah waxa ay ka wadaan wadada xiriirisa Degmada Afgooye iyo Degmada Wanlaweyn ee Gobolka Shabeellaha Hoose.

Howlgalkan ayaa waxa uu yahay mid ciidamada ay ku baadigoobayaan kooxo Burcad ah oo muddooyinkaan dambe dhac ka geysanaayay deegaanada u dhaxeeya Afgooye iyo Wanlanweyn.

Sarkaal ka tirsan ciidamada Dowladda ayaa sheegay howlgalka in uu weli socdo, ciidamadana ay gacanta ku soo dhigeen xubno ka tirsan Kooxaha Burcada.

Waxa uu sheegay Sarkaalkaasi ragga ay soo qabteen in ay u gudbin doonaan maxkamada ciidamada Qalabka sida si loogu qaado tallaabo sharciga waafaqsan.

Gaadiidleyda isticmaasha wadada xiriirisa Magaalada Muqdisho iyo Magaalada Baydhabo ayaa muddooyinkii dambe ka cabanaayay dhac ay kala kulmaan Kooxo Burcad ah

Muqdisho Agoost 07, 2016 Madaxweynaha Jamhuuriyadda Federaalka Soomaaliya Mudane Xasan Sheekh Maxamuud, iyo madaxda xubnaha ka ah Madasha Hoggaamiyeyaasha DFS iyo Dowlad Goboleedyada ayaa maanta kulamo la qaatey guddiyo kala duwan oo ay ka wadahadleen arrimaha doorashada iyo amniga qaranka.

Madasha ayaa ugu horeyn kulan la yeeshay Guddiga Diyaarinta Doorashada ee Heer Federaal oo uu horkacayay Guddoomiyaha guddigaasi Cumar Maxamed Cabdulle.

Madaxda madasha ayaa warbixin ku saabsan jadwalka doorashada ka dhegeystey guddiga, waxaana ay guddiga ku bogaadiyeen hawsha ay hayaan.

Waxaa sidoo kale madaxda madashu ay kulan la yeesheen Guddiga Xaqiijinta Qoondada Haweenka ee goleyaasha qaranka, iyagoo ka wadaxaajooday sidii qoondada haweenka loo meel marin lahaa.

Hoggaanka madasha ayaa sidoo kale kulan muhiim ah la qaatey Guddiga Amniga Qaranka oo ka warbixinayey xaaladda amniga dalka iyo diyaargarowga doorashada.

Shirka Madasha Hoggaamiyeyaasha DFS iyo Dowlad Goboleedyada oo toddobaadkii hore furmay ayaa galey maalintiisii afraad, iyadoo ay ka qeybgalayaan Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, Ra’iisul Wasaare Cumar Cabdirashiid Sharma’arke, Guddoomiyaha Baarlamaanka, Mudane Maxamed Cusmaan Jawaari, Ra’iisul Wasaare Ku-Xigeenka, Maxamed Cumar Carte, iyo madaxda dowlad goboleedyada Puntland, Koonfuur Galbeed, Jubbaland iyo Galmudug.

WARARKA  MAANTA AGOOSTO 06, 2016
Adis Ababa Agoost 06, 2016  Shacabka Ethiopia ee nacay Xisbiga tlada dalka haya ayaa si weyn waxay uga soo hor-jeesteen dhibka iyo khiyaanooyinka ay Xisbigan. Qoomiyadaha Oromo Iyo Amhaara ayaa diidan dhiig-miirashadaa Xisbiga dalka xukumo ee qoomiyada Tigrayga.

Adis Ababa Agoost 06, 2016  Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud ayaa magaalada Addis Ababa kaga qeybgaley Shir Madaxeed deg-deg ah oo waddamada xubnaha ka ah urur goboleedka IGAD, iyo wakiilada dalalka iyo ururrada kale ee caalamiga ah ay kaga arrinsanayeen xasaradda ka aloosan Jamhuuriyadda Koonfuurta Suudaan.

Jamhuuriyadda Koonfuurta Suudaan ayaa waxaa ka taagan colaad u dhexeysa dowladda Madaxweyne Salva Kiir Mayardit iyo hoggaamiyaha mucaaradka Riek Machar, waxaana madaxda IGAD ay ka shaqeynayaan sidii dagaalka loo joojin lahaa, nabadda looga shaqeyn lahaa, loona fulin lahaa heshiisyadii hore ee nabadda ee dhinacyada is haya ay ku heshiiyeen.

Madaxweynaha iyo wafdigiisa oo gaaray magaalada Addis Ababa, ayaa shirka ka sheegay muhimadda in xal deg-deg ah loo helo mashaakilka ka taagan Koonfuurta Suudaan, oo uu sheegay in ay tahay mid dhaawacaysa dibna u dhigeysa riyada shacabka dalkaasi oo ahaa inay xornimo, nabad iyo barwaaqo ku naaloodaan.

Shirkan halka maalin socday ayaa waxaa madaxdu ay ku muujiyeen walaacooda ku saabsan colaadda dalkaasi ka jirta, iyagoo ku baaqey in colaadda la joojiyo, in xurgufta taagan lagu dhammeeyo wadahadal, badbaadinta dadka maatada ah iyo gargaar loo fidiyo dadka ku barakacaya dagaalka halkaasi ka socda.

Waxaa Madaxweynaha uu sidoo kale sheegay in laga faa’ideysto casharadii laga bartey dagaalada sokeeye, oo uu xusay in dib u dhac weyn ku keeneen qaaradda.

unnamed-1-2 unnamed-2-2 unnamed-3-2 unnamed-4-2 unnamed-5-1 unnamed-8

Jubbland Agoost 06, 2016  Xilli weli dadku sugayaan sida ay noqon doonto doorashada Soomaaliya ka dhici doonto indhahana lagu hayo qaabka loo qabto ayaa hadana waxa Jira saluug laga qabo doorashada inay noqoto mid sidii la rabay udhacda.

Hadda Muqdisho waxa ka socda Shir looga arinsanayo Nidaamka Doorashada iyo Xilliga ay dhici laheyd iyadoo laga cabsi qabo Waqti kororsi inay Dawlada Hadda shaqeysa ay sameysato

UAE Agoost 06, 2016  Wasaaradda Arrimaha Dibedda iyo Iskaashiga Caalamiga ee dalka Imaaraadka Carabta ayaa uga digtay Muwaadiniintooda (UAE Citizens) inay safar ku tegin 10 Waddan oo ka tirsan Dalalka Caalamka.

Wargeyska Almasdar Sabca ee ka soo baxa magaalladda Dubai ayaa qoray in sababo dhinaca Ammaanka looga mamnuucay Dadka Imaaraadka inay booqasho iyo Tamashlayn ku tagaan dalalka kala ah: Somalia, Yemen, South Sudan, Afghanistan, Somalia , Ukraine, Syria, Nigeria, Iraq, Libya iyo dalka Pakistan, gaar ahaan magaalladda Karachi.

Qoraalka ka soo baxay Wasaaradda Arrimaha Dibedda iyo Iskaashiga Caalamiga ee dalka Imaaraadka Carabta waxaa lagu qeexay inay mamnuucistaasi u sabab tahay Xaalladda Ammaanka ee ka jira dalalkaasi.

Ma aha markii ugu horreysay oo ay Dowladda Imaaraadka  uga digaan Muwaadiniintooda  inay  socdaal ku tagaan Tobanka Waddan ee haatan la cayimay, waxayna horey u soo saareen digniino sannadihii 2012-kii, 2013-kii iyo 2014-kii.

Websaytka Wasaaradda Arrimaha Dibedda  ee dalka Imaaraadka Carabta eewww.mofa.gov.ae  ayaa lagu daabacay Faahfaahinta Digniintaas.

Dhinaca  kale, Dowladda  Imaaraadka Carabta waxay cusbooneysiisay Digniinta dhinaca Safarka ee ay dadkooda looga mamnuucay inay ku tagaan dalka Lubnaan sababo dhinaca Ammaanka.

Baydhabo Agoost 06, 2016  Ugu yaraan hal qof ayaa ku dhintay 4 kalena dhaawac ayaa soo gaaray ka dib markii madaafiic xalay lagu garaacay magaalada Baydhabo ee xarunta gobolka Baay.

Madaxda Ammaanka  Maamulka Koonfur Galbeed  weli kama hadlin Madaafiicda xalay lagu garaacay Magaalada Baydhabo.

UN Agoost 06, 2016 Diblomaasiyiin ku sugan Qaramada Midoobay ayaa sheegay in ra’iisul wasaarihii hore ee Bortaqiiska, ahaana madaxa hay’adda Qaramada Midoobay u qaabilsan qaxootiga, Antonio Guterres, uu markale kaalinta koobaad ka galay codbixin aan rasmi ahayn oo uu sameeyay Golaha Ammaanka.

Waxa ay sheegeen in Mr Guterres uu sii xajistay hogaanka tartanka cidda bedelaysa xoghayaha guud ee ay hadda leedahay Qaramada Midoobay, Ban Ki-moon.

Madaxweynihii hore ee Slovenia, Danilo Turk, oo tartankii bishii hore kaalinta labaad galay ayaa hadda hoos u dhacay, waxaana booskiisa galay Vuk Jeremic, oo mar ahaa wasiirka arrimaha dibedda ee Serbia.

Musharraxa kama dambeysta ah ayaa la filayaa in la ogaado bisha October, ka dibna waxaa u coddeyno kulanka golaha guud ee Qaramada Midoobay. Waxa uu xilka la wareegi doonaa 1-da Janaayo 2017-ka.

Galkacyo Agoost 06, 2016  Garoonka Diyaaradaha Magaalada Gaalkacyo Ee Xarunta Gobolka Mudug oo tan iyo waxii ka dambeeyay markii la dhisay Maamulka Puntland uu Gacanta ku hayay Maamulka Puntland ayaa waxaa la wareegay Ciidamada Milatariga  Soomaaliya gaar ahaan kuwa sida gaarka ah u Tababaran ee loo yaqaanno Dannab sida ay sheegayaan Warar aan ka helnay Gaalkacyo.

Garoonka Gaalkacyo ayaan shaqeyn Bilihii ugu dambeeyay ka dib Khilaaf soo kala dhexgalay Maamulka Puntland iyo Maareeyihii Garoonka Gaalkacyo Mudane Dhagaweyne.

Wararka ayaa sheegaya in Ciidanka Dannab oo tiro ahaan lagu qiyaasay ilaa 100  Askari ay la wareegeen Guud ahaan Garoonka,kuwaas oo si toos ah u badalay Fariisimihii Ciidanka Puntland Ee Garoonka joogay.

Ciidanka Dannab ayaa waxaa Tababara Dowladda Mareykanka,kuwaas oo Howlgallo gaar ah ka fuliya Gobolada Koofureed ee Soomaaliya kaas oo ka dhan ah Xarakadda Al-shabaab.

Dadka qaar ayaa qaba in Sababta Ciidanka Xoogga Dalka gaar ahaan kuwa Kumaandooska ay Garoonka Gaalkacyo ula wareegeen ay tahay in ay halkaa Fariisimo ka sameystaan si ay Weeraro ugu qaadaan Al-shababka ku sugan Gobolka Mudug iyo Galgaduud intaba islamarkaana Qorshahaas ay leedahay Dowladda Mareykanka.

Mareykanka oo Saldhigyo uu ka Weeraro Shabaab ku leh Koofurta Soomaaliya halkaas oo ay ka Kacaan Diyaaradaha Duqeeya Shabaab

Puntland weli kama hadlin in Garoonka Diyaaradaha Magaalada Gaalkacyo ay la Wareegeen Ciidamada Kumaandooska Soomaaliya.

Jubbland Agoost 06, 2016  Madax ka kala tairsan maamulka Jubbaland iyo Dowladda Kenya oo ku shiray Magaalada Nairobi ee xarunta Dalka Kenya ayaa ka isku arraacay heshiis ganacsi oo dhexmara Kenya iyo Maamulka Jubbaland.

Guddoomiyaha rugta Ganacsiga Maamulka Ubbaland,Shaafi  Kaahin oo dhanka Jubbaland u saxiixay heshiiskan ayaa sheegay in ujeedada laga leeyahay ay tahay in Fiisaha ay soo saarto Soomaaliya ee Ganacsi ay Dadka Soomaalida ah kula ganacsan karaan meel kasta oo ka mid ah Dalka Kenya six or ah oo aan cadaadis ku jirin.

Waxaa la isku afgartay in la sameeyo suuq xor ah,ganacsiga oo laga daayo Caqabadaha,in xadka LabadDal ee Soomaaliya iyo Kenya uusan ganacsiga hakad ku gelin,lagana gudbo caqabadaha heysta Ganacsatada labada dhinac ee Soomaaliya iyo Kenya gaar ahaan Xadka labada dal.

Dhanka Kenya,waxaa heshiiska u saxiixay Guddoomiyah Rugta Ganacsiga Dalka Kenya, Kiprono Kittony,waxaana uu sheegay in heshiiskan ay u saxiixeen in si uun looga gudbo caqabadaha dhanka Aniga ah ee ka jira Sohdinta Soomaaliya iyo Kenya,ganacsiguna uu noqdo mid ka badaxbanaan xaaladaha amni darrada ah ee ka jira Xadka labada Dal.

Kigal Agoost 06, 2016  Dalka Rwanda,waxaa maanta lagu soo gabagabeeyay Shirka ka hortagga Tahriibka Dhallinyarada Afrika,waxaana uu halkaasi ka socday Muddo Todobaad ah.

Gabagabasha Shirka ayaa waxaa laga soo saaray Qodobo Lix ah iyo talooyin loo jeediyay midowga AFrika,waxaana sidoo kale la sameeyay Guddi fuliya Qodobadaas oo laga soo xulay Dhallinayaro ka socday 9dal oo ay Soomaaliya ka mid tahay.

Shirka ayaa looga hadlayay sida lagu yareyn karo Tahriibka Dhallinyarada Qaaradda Afrika ee u tahriibaya Yurub,halkaas oo dhallinayaro badan oo Afrikaan ah ay Sanad waliba ku dhintaan.

                                                                           Qodobada:

1. Kahortagga Tahriibka dhalinyarada Wadamada Afrika.

2. Shaqo abuurista dhalinyarada.

3-Isku xirka Dhalinyarada Afrika si ay isu waydaarsadan aqoonta iyo ka hortagga dhibaatooyinka Tahriibka.

4- Isdhaxgalka Dhalinyarada Africa iyadoo loogu baaqay Midowga Afrika in ay soo dedejiyaan hirgalinta Baasaboorka   Ka dhaxayn doona wadamada Afrika.

5-waxaa la sameeyay Guddi ka kooban 9 xubnood “9 wadaan oo ay Soomaaliya ku jirto.

6-si loo xaqiijiiyo xuquuqda Muhaajiriinta iyo ka hortagga xadgudubyada ka dhanka ah Bani’adamka ee ay la kulmaan.

Ugu dambeyn,waxaa Qodobadan lagu dhameystirayaa Shirkan kan xiga ee ka dhacaya Dalka Talyaaniga Dhamaadka Sanadkan 2016ka.

Muqdisho Agoost 06, 2016 Sheekh Bashiir Axmed Axmed Salaad Gudoomiyaha Hay’ada Culimada Soomaaliyeed ayaa ka hadlay Aasaaska Hay’adooda iyo Muhiimada keentay in la dhiso Hay’ad ay kumideysanyihiin sida uu yiri Dhamaan Culimada Soomaaliyeed.

Gudoomiyaha ayaa Sheegay in la dhisay Hay’ada Bishii 2aad ee Sanadii 2009kii,xiligaas ayuu Shiikhu sheegay in dalka dhibaatooyin xoogan ka jireen gaar ahaan mid la xiriirta arimaha Diinta,dagaalana ay Dalka kajireeen.

Waxa uu sheegay Sheekh Bashiir in dhismihii Hay’adooda ay ka qeybgaleen Culimo Farabadan oo ka kala timid Guud ahaan Gobolada Dalka,isagoo sii hadlaya ayaa sheegay in wali ay socoto gaarista waxyaabaha uu hiigsanayo Ururkooda.

Mar uu ka hadlayay Xiriirka ay la leeyihiin Hay’adaha islaamiga ah ee Caalamka waxa uu yiri,” waxaan xubin kanahay raabidada Caalamka islaamka,Midowga culimada Caalamka islaamka iyo Dalado kale ayaan Xiriir Xoogan la leenahay,waan tagnaa shirarkooda waxaana ka Gudbinaa Xaalda Guud ee Dalka aad beyna noola dhacsanyihiin”.

Shirkoodii ugu Danbeeyay ee yeesheen ayuu Sheekh Bashiir ku Sheegay inuu ahaa mid lagu Qabtay Hotelka Jazeera ee Magaalada Muqdisho ayna isugu yimaadeen Culimo ka kala timid Gobolada Dalka.

Waxa uu Sheekh Bashiir Wareysiga uu Siiyay Warbaahinta  kusoo hadal qaaday Dhaliilaha loo jeediyo Hay’ada oo ay qeyb ka tahay iney kumilmeen Dowlada Soomaaliya,waxaana uu sheegay in xitaa Dowlada ay kaga horyimaadaan mararka qaar Sharciyada ay Soo Saarto kii ugu danbeeyayna ahaa Go’aanka ay ka qaateen Sharcigii Jinsiga.

Mustaqbal ayaa Sheekh Bashiir Hordhigtay waxa Hay’ada ku koobay Muqdisho, waxaana uu sheegay in dhowr jeer ay tageen Gobolada Dalka ayna kaga soo qeybgaleen Shirar Looga hadlayay Arimahooda.

Sheekh Bashiir ayaa dhinaca Kale meesha ka saaray in Hay’ada ku koobantahay isaga iyo kuxigeenkiisa Sheekh Nuur Baaruud Gurxan wuxuuna Yiri “Aniga waxaan Hay’ada ka ahay Gudoomiye Sheekh Nuurna Kuxigeen waxaase Jira Gudi Fulin oo Hay’adu leedahay Todobaadkiina mar baan Shirnaa Hadalka unban qaadanaaye Howsha Xoogeeda Culimadaa leh”

Ugu Danbeyn Sheekh Bashiir ayaa ka hadlay Farqiga udhexeeya Hay’ada Culimada Soomaaliya,Majmaca Culimada iyo Golaha Culimada Wuxuuna Sheegay iney Kala Duwanyihiin Balse Hadafkoodu yahay in la Difaaco Diinta Islaamka.

Suuth Sudan Agoost 06, 2016 Dowladda South Sudan ayaa aqbashay in dalkeeda la geeyo ciidan gobolka ka socda oo gacan ka geysta sidii lagu badbaadin lahaa heshiiska nabadeed ee colaadda dalkaasi laga gaaray.

Madaxda dalalka IGAD oo shalay arrinta South Sudan uga shiray caasimadda Addis Ababa, ayaa ku heshiiyay in haddii uu Riek Machar dib ugu laabto caasimadda Juba, uu dib ula wareegi doono xilka madaxweyne ku xigeenka koobaad, kaasoo dhawaan loo magacaabay Taban Deng.

Balse madaxda IGAD ayaan shaacin xilliga uu howlgalayo ciidanka ay u dirayaan South Sudan, tiradiisa iyo dalalka uu ka imanayo.

Xukuumadda Juba ayaa horay u diiday ciidan dheeraad ah oo dalkaasi la geeyo, balse cadaadis kaga yimid beesha caalamka ayaa la rumeysan yahay in ay ku aqbashay.

Dagaal dhawaan ciidanka madaxweyne Salva Kiir iyo xooggaga taabacsan Riek Machar ku dhexmaray caasimadda Juba, ayaa dhaliyay walaac ah in uu dib u qarxo dagaalkii sokeeye ee dalkaasi ka bilowday sanadkii 2013.

WARARKA MAANTA Agoosto 05, 2016
Su'aasha maanta: Meeqo Musharaxa Madaxweyne ayaa u taagan jaggadda madaxweynaha Soomaaliya 2016? Wax ma ka taqaana musharaxa beddeli doona Madaxweynaha haatan jooga ee muddada 4 sanno waxba ugu qaban waayey Ummadda Soomaaliyeed? Haddaba wax ka ogoow sawiradda Musharaxiinta Jaggadda Madaxweynaha Soomaaliya 2016. Ummadda Soomaaliyeed iyo beesha caalamka waxay isku-raaceen inay la doorto madaxweyne cusub ayadoo aan xataa lagu dari doonin muddo kororsi isla-markaasna ay dhici doonto doorashadda dalka Soomaaliya 2016.
Khaatumo State Agoosto 05, 2016 Wasiirka Warfaafinta Maaamulka Khaatumo State Axmed Xaaji Cali ayaa sheegay in aysan raali ka ahayn Shirka Madasha Wadatashiga Qaran ee Muqdisho ka soconayo.
Wasiirka ayaa sheegay in Maamulka Khaatmu uu ka soo horjeedo shirka Muqdisho ka soconayo isla markaana aysan aqbali doonin wixii ka soo baxa.Waxa uu tilmaamay in Maamulka Khaatumo aan laga tala gelin wada hadalka iyo goobta go’aan lagu gaarayo.Waxaa jira dood adag oo ka taagan qaabka lagu soo xulayo Xildhibaanada ka imaanaya gobolada Sanaag iyo Sool.
Muqdisho Agoosto 05, 2016 Cabdiweli Maxamed Cali Gaas ayaa ka hadlay sida Dalalka Deriska ay caqabad uga yihiin Nabad ka islaaxda Soomaaliya.Cabdiweli Cali Gaas waxa uu sheegay in Waddamada Saaxibada la ah Soomaaliya ee Deriska ay ka faa’iideysanayaan dhibka iyo dawlad la’aanta jirta.Madaxweynaha Puntland waxa uu hoosta ka xariiqay in Dawladnimo Adag oo loo dhan yahay ay ku xiran tahay Soomaalida oo isku tashataa islamarkaana usoo jeesato inay noqoto Waddan isku xiran oo Nabad doonaya. Cabdiweli Gaas ayaa sidoo kale mar la weydiiyey inuu murashax yahay Sanadkaan waxa uu sheegay inuusan ka qeyb geli doonin doorasada Soomaaliya maadama uu yahay Hogaamiyaha PuntlandBeledweyne Agoosto 05, 2016 Odayaasha Dhaqanka Gobolka Hiiraan oo  kulan ku yeeshay Magaalada Baledweyne ee Xarunta Gobolka ayaa sheegay inay kasoo horjeedaan Shirka Hogaamiyaasha Madasha Wada-tashiga uga furmay Magaalada Muqdisho.
Duubabka dhaqanka Gobolka Hiiraan ayaa sheegay in Dadka ku nool Gobolka Hiiraan aysan Taageersaneyn Shirka Hogaamiyaasha islamarkaana uu yahay mid aan dan ugu jirin Shacabka Reer Hiiraan.Sidoo kale Ugaas Xasan Ugaas Khaliif oo Goobta ka hadlay ayaa sheegay in Bulshada Reer Hiiraan ay weli taagan yihiin Mowqifka ah in ay diidan yihiin Maamulka loo sameynayo Gobolada Hiiraan iyo Shabellaha Dhexe ee Gogoshiisu ay taallo Magaalada Jowhar, Wuxuuna sheegay in la abaabulayo in dagaalo ay qarxaan, Wuxuuna  sheegay in hadii Dawladii Soomaaliya ay Xaqoodii ku tumatay.Muqdisho Agoosto 05, 2016 Qaar kamid Xisbiyada Mucaaradka dalka oo maanta  Magaalada Muqdisho  ku shiray ayaa soo jeediyay in Guddoomiyaha Baarlamaanka Soomaaliya Prof Maxamed Sheekh Cismaan Jawaari uu siihayo Xilka Madaxweyne Ee Dalka  marka Waqtigu uu ka dhamaado Madaxweynaha Soomaaliya Mudane Xasan Sheekh Maxamuud oo ku Eg 10 September ee Sanadkaan.Xisbiyada ayaa sheegay in ay doonayaan in  Guddoomiyaha Barlamaanka Maxamed Sheekh Cusman Jawaari inuu  si KMG ah u sii haayo Xilka Madaxweyne ee Soomaaliya inta Madaxweyne Cusub la soo dooranayo.Shirka Xisbiyada ay ku leeyihiin Muqdisho ayaa wali soconaya,waxaana uu ku soo aadayaa Xilli Hogaamiyaasha Madasha Wada-tashiga ay ku shirsan yihiin Muqdisho islamarkaana laga sugayo in ay ku dhawaaqaan Waqtiga ay dhacayso Doorashada Soomaaliya.Muqdisho Agoosto 05, 2016 Beesha Caalamka ayaa si adag u diidey in mudo dheeraad ah lagu daro waqtiga doorashada Soomaaliya, waxayna sheegeen in aysan ogolaan doonin in maalmo dheeraad ah uu dibu dhac yimaado.
Ergayga gaarka ah ee QM u qaabilsan Soomaaliya Micheal Keating wuxuu sheegay in la gaaray waqtigii doorashada, aysana Beesha Caalamku qeyb ka aheyn mudo kororsi, wuxuu sheegay in ay kala shaqeynayaan guddiga doorashada & Hoggaamiyaasha in waqtiga laga faa’iideysto.Mar la weydiiyey sida ay suuragal u noqon karto doorasho hadda, wuxuu cadeeyey in haddii laga faa’iideysto waqtiga hadda haray la qaban karo doorashada, wuxuu cadeeyey in aan loo baahneyn waqti kale oo dheeraad ah.Guddiga doorashooyinka Dad-ban ayuu sheegay in looga baahan yahay in ay dadajiyaan wax kasta oo doorashadan la xariirta, ayna muhiim tahay in la dhawro rajada Ummadda Soomaaliyeed ay ka qabaan in doorasho dhacdo.
WARARKA MAANTA Agoosto 03, 2016
Muqdisho Agoosto 03, 2016 Wasiirka Dowladda Ingiriiska  u qaabilsan Arrimaha Afrika ayaa Galabta Madaxtooyada Soomaaliya kula Kulmay Madaxweynaha Dowladda Federaalka Xasan Sheekh Maxamuud,waxaana ay ka wada hadleen Arrimo Dhowr ah oo ay ka mid tahay Doorashada Soomaaliya.Wasiirka Dowladda Ingiriiska u Qaabilsan  Afrika ayaa Madaxweynaha Soomaaliya u sheegay in Doorashada Soomaaliya aysan ka dib dhicin waqtigii loogu talo galay sida aan ka soo xiganay Illo ku dhaw dhaw Madaxtooyada Soomaaliya.Beri ayaa la filayaa in Hogaamiyaasha Madasha Wada-tashiga Qaran ay ka shiraan Waqtiga kama dambeynta ah ee ay dhacayso Doorashada Soomaaliya.Muqdisho Agoosto 03, 2016 Waqti yar ka hor ayaa waxaa garoonka diyaaradaha ee dalka Imaaraadka Carabta ku burburtay Diyaarad ay leedahay Shirkadda Diyaaradaha ee Emirates, kadib markii ay isku dayday inay caga dhigato. Waxaana la badbaadiyay 275 rakaab ah iyo shaqaalaha diyaarada ee saarnaa, ka hor inta aanu baahin dabka ka kacay diyaaradaasi.
Muqdisho Agoosto 03, 2016 Mid kamid ah Gabdhaha Soomaaliyeed ayaa daaha ka qaaday Sababta General Gabre uu u caadataysay cadaadinta Beesha Sade oo kamid ah Beelaha. dagan gobolka Gedo,iyadoo Weerar afka ah ku qaaday Mas’uuliyiinta Maamulka Jubbaland,iyo Kuwa DF Soomaaliya.
https://www.youtube.com/watch?v=hDSbPcf_AKo
Muqdisho Agoosto 03, 2016 Magaalada Muqdisho waxaa weli ka socota Maxkamadeynta 17 Askari oo ka tirsan ciidanka AMISOM kuwaas oo loo heysto eedeymo la xiriira in ay si sharci doro ah u iibaneyeen Sahnadda ciidanka kuwaas oo iyagoo fal dambiyeedkaasi ku dhex jira ay qabteen ciidanka Booliska Soomaaliyeed.Maxkamadda Ciidamada Qalabka Sida ee dalka Uganda ayaa shalay magaalada Muqdisho ka furtay edeeymahan loo heesto 17-ka Askari ee ka tirsan ciidanka nabad ilaalinta Midowga Afrika ee AMISOM.Askartii ay ciidanka Boliiska Soomaaliya ay gacanta ku soo dhigeen iyagoo iibinayo shidaal iyo qalab AMISOM ay leedahay 5-tii Bishii June ee sanadkan tiradooda waxa ay aheyd 5 Askari oo kaliya laakiin kiiskan waxa uu lugaha la galay tiro intaa Saddex laab ka badan sida uu sheegayo Brig Dick Olum oo ah Guddoomiyaha Maxkamadda Ciidamada Uganda.Maxkamadda ayaa shalay dhageysatay eedeynta loo soo jeediyay iyadoo sidoo kalana su’aalo la weydiiyay marqaatiyaal maxkamadda la horkeenay.Brig Dick Olum Guddoomiyaha Maxkamadda Ciidamada Uganda ayaa sheegay in Major Bob Francis Aring oo ahaa taliyihii Ciidamadaas Heysta lagu Xakumay hal sano oo Xariga ah iyo hoos loo dhigo darajadii Ciidan ee uu lahaa, kadib markii ay ku cadaadeen eedeymihii loo heystay.Maxkamadeynta Ciidamada ayaa sii socon doonto, iyadoo Garsoorka Maxkamadda Ciidamada Uganda uu balanqaaday in Cadaaladda la marsiin doono Askarigii ku xadgudba qawaaniinta ciidanka, dhamaana dib loogu celin doono dalka Uganda.Muqdisho Agoosto 03, 2016 Waxaa goor dhaw Magaalada Muqdisho si rasmi ah kaga furmay Shirka Madasha Wadatashiga Qaran ee u dhaxeeya Madaxda Dowladda Federalka Somaliya iyo kuwa Maamul Goboledyada dalka ka jira.Shirkaan ayaa looga hadlayaa arimo badan oo ku aadan xaalada dalka, haba ugu cuslaatee arimaha ku aadan Doorashooyinka.Qodobada hor yaala Madaxda ee maanta Shirka ay uga hadli doonaan ayaa ah:-Go’aan ka gaaridda iyo howlgelinta guddiyada doorashooyinka 2016:Dhammeystirka iyo howlgelinta Guddiga Doorashada Dadban ee heer gobol (SIEIT)Ansaxinta tirada oday-dhaqameedyada tagaya goobaha  dorashooyinka aay ka dhacayaan (elder Mapping by State)Musharaxiinta haddi kursi hal qof keliya u soo tartamo maxaa laga yeelaayaa?Ansaxinta waajibaadka shaqo (TOR) Guddiga xallinta Khilaafaadka iyo Magacaabida xubnaha guddiga.Dhisida iyo soo gudbinta Aqalka Sare ee Dowlad Goboledyada dhisan ugu dambayn. Tusaale bisha September 1-da, 2016Go’aan ka gaaridda hannaanka iyo goobta lagu soo dooranayo xubnaha labada aqal ee Somaliland; Shabellaha-dhexe & Hiiraan.Guddiga matalaadda xubnaha Aqalka Sare gobolka Banadir iyo howl-galintoodaDhammeystirka iyo howlgelinta Guddiga (Task Force-ka) ka shaqayn doono amniga dorashooyinka

Habraac lagu xaqiijinaayo qoondada Haweenka ee 30% ee laba aqal ee Barlamaanka. Waxaa Madasha u soo bandhigaya farsamada lagu hubin karo qoondada dumarka Guddiga Safiirada Idman (Good will Ambassadors)

Go’aan ka gaarista iyo soo bandhigidda Qorshe howleedka waqtiyeeysan iyo Miisaaniyadda  Doorashooyinka 2016.

Madaxda dowladda iyo kuwa Maamul goboleedyada ayaa horey waxa ay ugu heshiiyeen in ay qabsoonto Doorashada sanadkan xilligeeda, dowladdana wax muddo kordhin ah aan loo sameyn doonin.

 IB0A2475 IB0A2478 IB0A2483 IB0A2487 IB0A2489 IB0A2499 IB0A2504Muqdisho Agoosto 03, 2016 Madaxweynaha Soomaaliya Xasan Sheekh Maxamuud ayaa si rasmi ah u furay shirka Madasha Wadatashiga Qaran, waxaana shirkan looga hadlayaa arimo fara badan oo muhiim ah kuwaas oo ay ka mid yihiin hanaanka geeddi socodka doorashooyinka iyo sidoo kale waqtiga ay dhaceyso Doorashada.

Waxaa shirkan goob joog ka ah oo ku sugan Madasha Madaxda dowladda federaalka, Madaxda Maamul Goboleedyada dalka iyo xubno ka socda Beesha caalamka.

Madaxda dowladda iyo kuwa Maamul goboleedyada ayaa horey waxa ay ugu heshiiyeen in ay qabsoonto Doorashada sanadkan xilligeeda, dowladdana wax muddo kordhin ah aan loo sameyn doonin.

Muqdisho Agoosto 03, 2016 Hubanti la’aan sharciyeed iyo xaalad cakiran ayaa hareysay xaaladda Soomaaliya iyadoo lagu wado in dib loo dhigo xilliga doorashada 2016 oo lagu waday inay soo dhammaato horaanta bisha September.

Arrinta ugu weyn ee la isku hayo ayaa ah xilka madaxweynaha oo ku eg 10 September iyo cidda markaas kadib madaxweyne ka noqon doonta dalka.

Baarlamaanka Soomaaliya ayaa dhowaan wax ka bedel ku sameeyay Baarlamaanka iyadoo sharciyeystay in xilkoodu sii jirto inta laga dooranayo Baarlamaankii bedeli lahaa Baarlamaanka Federaalka ee hadda jira oo la dhisay Ogost 2012.

Madaxweyne Xasan Sheekh ayaa marka xilkiisu dhamaado oo ku beegan 10 Septembar 2016 oo ay ka harsan tahay iminka wax ka yar 40 casho, laga doonayaa inuu talada wareejiyo, isagoo aan ku jirin hay’daha xilka sii wadi doona, waxaana sharciyaqaanada qaarkood ay qabaan inuu madaxweyne KMG ah noqon doono Guddoomiyaha Baarlamaanka Prof. Maxamed Sheekh Cusmaan Jawaari inta laga soo dooranayo madaxweyne cusub.

Dastuurka KMG ah ee Soomaaliya ayaa ka hadlaya haddii ay dhacdo inuu bannaanaado xilka Madaxweynaha in Guddoomiyaha Baarlamaanka uu madaxweyne KMG ah noqonayo oo muddo 30 casho ah lagu qabanayo doorasho.

Ma muuqato in Baarlamaanka Federaalka ee shaqadii laga joojiyay uu xilka u kordhinayo madaxweyne Xasan Sheekh sida ay iyagu sameysteen, sidoo kale Dastuurka KMG ah si cad uma sheegayo haddii ay dhacdo in xilka Madaxweynaha la dooran waayo xilligii loogu talogalay, waxaase ku jira qodob muujinaya sida xaalku noqonayo haddii xilka Madaxweynaha bannaanaado sabab kastaba.

Ma jirto sabab uu madaxweyne Xasan Sheekh Madaxweyne ku sii ahaan karo kadib marka uu dhammaado xilkiisa hortaanka bisha soo socota ee Seprember, waxaana cabsi laga qabaa in dalku galo xiisad sharci iyo xasilooni la’aan siyaassadeed haddii uu isku dayo inuu xilka madaxweyne sii wado Xasan Sheekh Maxamuud.

Muqdisho Agoosto 03, 2016 Ra’iisal wasaaraha xukuumadda Federaalka ah ee Soomaaliya Mudane Cumar Cabdirashiid Cali Sharmaarke ayaa maanta safaaradda UK ee Muqdisho kulan kula qaatay Wasiirka arrimaha Afrika ee UK Tobias Ellwood iyagoo ka wadahadlay arrimo ay ka mid yihiin xiriirka Soomaliya iyo UK, arrimaha amniga, xasilinta, iyo doorashooyinka dalka ka dhici doona sanadkan 2016.

Ra’iisal wasaare Sharmaarke ayaa warbaxin ka siiyay xaalada dalka uumarayo wasiirka arrimaha Afrika ee UK, waxa uunan sidoo kale uga mahadceliyay muuhimada UK ay siineyso dib u dhiska Soomaaliya iyo taageerida dowladda.

“Xukuumadda Soomaaliya waxey diiradda saartay arrimaha amniga iyo xasilinta dalka si loo suurtageliyo doorasho dalka ka dhacda sannadkan 2016, waxaan UK uga mahadcelinayaa in ay hormuud ka tahay dadaalka Soomaaliya lagu xasilinayo; xukuumadda waxaa ka go’an in dalka ay ka dhacdo doorasho xur ah islamaarkaan dadka Soomaaliyeed gaarsiisa xasilooni siyaasadeed iyo dimuqraadiyad waarta” ayuu yiri R.wasaaraha oo ka hadlayay kulanka.

Ra’iisal Wasaaraha ayaa sheegay in qorshaha dowladda ay ka mid tahay dib u heshiisiinta si amniga dalka uu u sugnaado, Sidoo kale Wasiirka arrimaha Afrika ee UK Tobias Ellwood ayaa bogaadiyay dadaalka Xukuumadda ay ugu jirto xasilinta dalka islamarkaana UK ay dooneyso in horumarka ballaaran ee laga sameeyay amniga iyo xasilinta ay noqdaan kuwa sii socda oo kooxaha argagaxisada loo diido fursad ay dhib ugu geystaan shacabka Soomaaliyeed.

WARARKA MAANTA Agoosto 02, 2016
Shabeelle Hoose Agoosto 02, 2016 Taliyihii ciidamada Uganda ee lagu weeraray bishii September ee sanadkii hore ayaa lagu maxkamadeeyay dalkaas Uganda kadib markii lagu eedeeyay inuu dayacay nolosha askartii weerarkaas lagu dilayDacwad oogayaasha ayaa Col Bosco Mutumbi, oo 50 sanno jir ah ku eedeeyay inuu dhayalsaday digniin uu helay oo sheegaysay in Al-Shabab ay weerarayaan xerada Jaanaale taasoo markii dambe keentay inay geeriyoodaan toboneeyo askari oo dalka Uganda u dhashay.Wargeyska New Vision ayaa sheegaya in sargaalkaan lagu eedeeyay inuu fududeystay digniinta uu helay oo uusan diyaar garaw sameyn sida lagu eedeeyay.Dacwad oogaha la yiraahdo Maj. Raphael Mugisha ayaa sheegay in sargaalkaan uu wajahayo labo kiis oo kala ah inuu fududeystay digniinta uu helay iyo inuu difaacan waayay xerada uu maamulayay.Dacwad oogahaan waxaa uu maxkamada ka hor sheegay in Col Bosco Mutumbi uu digniintii ugu horeysay helay bishii June sanadkii hore ee 2015,kii.Al-Shabab ayaa xerada Janaale weeraray bilowgii bishii September ee sanadkii 2015 halkaasoo ay Shabab sheegeen inay ku dileen  askar badan hase ahaatee dawlada Uganda waxay qiratay in looga dilay 19 askari.Nairobi Agoosto 02, 2016 Madaxweynaha dowladda Kenya Uhuru Kenyatta ayaa dowladda Faranciiska kala hadlay dhibaatooyin ka jira dalal badan oo ku yaala qaarada Afrika , sida Soomaaliya , South Sudan iyo Burundi.Uhuru Kenyatta ayaa qiray in ay muhiim tahay in dowladda Faranciiska ay garab istaagto dalalkaasi si gobolka xaaladiisa loo dejiyo.Uhuru Kenyatta  ayaa dowladda Faranciiska kala hadlay la dagaalanka Al-Shabaab , waxa uuna sheegay in dowladda Faranciiska ay dowladda Kenya ay ka taageeri doono suggitaanka amniga iyo sidoo kale la dagaalanka Al-Shabaab.Uhuru Kenyatta ayaa dowlada Faranciiska u sheegay sida ay dowladda Kenya uga xuntahay dhaaqalo dhimista lagu sameeyay howlgalka AMISOM , waxuuna sheegay in taasi ay saameyn ku yeelatay ammaanka Soomaaliya.Ururka Midowga Yurub ayuu  ku dhaliilay in ay gaabiyeen taageerida AMISOM , ayna dhaqaalaha yareeyeen xili loo baahnaa taageero dheeri ah.Wasiirka Arrimaha Dibadda ee Dalka France Jean-Marc Ayrault ayaa dhankiisa sheegay in ay dowladda Kenya ay ka taageeri doonaan nabadeynta dalalka dariska la ah Kenya iyo sidoo kale suggida amniga.Jean-Marc Ayrault ayaa sidoo kale sheegay in dowladda Faranciiska ay sare u qaadi doono taageerada ay siiso dalalka ku yaala geeska Afrika.Jubbaland Agoosto 02, 2016 Maamulka Jubbaland ayaa iska fogeeyay eedeeyn ka ka timid maamulka gobolka Gedo , taasoo aheyd in raashin deeq ah oo loogu tala galay shacabka kunool gobolka Gedo lagu musuq maasuqay magaalada Kismaayo ee xarunta gobolka Jubbada Hoose.Maxamuud Sayid Aadan madaxweyne ku xigeenka maamulka Jubbaland ayaa sheegay in wararkaasi ay yihiin kuwo been abuur ah ,raashinkii loogu tala galay shacabka gobolka Gedo qeybo ka mid ahna qeybintiisa ay ka bilaabatay degmada Dooloow ee gobolka Gedo.Maxamuud Sayid Aadan madaxweyne ku xigeenka maamulka Jubbaland ayaa sidoo kale sheegay in dhawaan degmooyinka kale ee gobolka Gedo laga qeybin doono deeqdaasi.Gudoomiyaha gobolka Gedo oo la hadlay warbaahinta qaar ayaa dhawaan maamulka Jubbaland ku eedeeyay in ay musuq maasuqeen raashin deeq ah oo loogu talagalay shacabka gobolka Gedo.AMISOM Agoosto 02, 2016 Maxkamada ciidamada qalabka sida ee dalka Uganda ayaa maanta magaalada Muqdisho Maxkamad ku saartay saraakiil iyo askar katirsan Ciidamada AMISOM gaar ahaan kuwa kasoo jeeda dalka Uganda ,kuwaa oo loo heestay dambiyo kala duwan.Ciidamada Maxkamada maanta lasoo taagay oo gaaraay 17-askari ayaa qaarkood loo heestay in ay iibsadeen raashin, Shidaal iyo agabyo kale ay Ciidamada AMISOM lahaayeen, askartan ayaana qaarkood waxaa horey u xiray booliiska Soomaaliya iyaga oo falkan gacanta kula jiray.Maxkamada ayaa dhageesatay dacwadaha lagu soo oogay askartan katirsaneed AMISOM, waxa ayna maxakamada sidoo kale dhageesatay marqaatilaan kiiskan wax ka ogaa, iyadoona ugu dambeyn maxkamada Xukun ku riday sargaalkii Madaxda u ahaa ciidankan.Guddoomiyaha Maxkamadda Ciidamada Qalabka sida ee dalka Uganda Brig Dick Olum, ayaa ka dhaawjiyay in Maxkamada hal sano oo xabsi ah ku riday taliyihii heestay ciidankan Major Bob Francis Aring, waxaa sidoo kale sargaalkan hoos loo dhigay darajadiisa.Maxkamadeynta askarta kale ee kiiskan ku lugta lahaa ayaa la sheegay in ay sii socon doonto, Waxa ayna garsoorka Maxkamada sheegeen in cadaalada la marsiin doono askarigii uu ku cadaado dambiyada loo heesyo, waxaan maxkamadeynta askartan kadib la flayaa in dalka laga musaafuriyo.Muqdisho Agoosto 02, 2016 Madaxweynaha dawladda Puntland Dr Cabdiweli Maxamed Cali Gaas ayaa goor dhaw ka dhoofay garoonka diyaaradaha ee caasumada Puntland, isagoo ku sii jeeda magaalada Muqdisho ee caasumada dalka, halkaas oo uu ka furmayo berri shirkii Madasha Wadatashiga ee Soomaalida.Madaxweynaha oo Warbaahinta la hadlay ayaa sheegay in ay shirkan diirada ku saarayaan arimaha ku saabsan doorashada, siiba sidii ay wax uga qaban lahaayeen arrimaha ku hareersan Hanaanka doorashada.

Madaxweyne Gaas wuxuu cadeeyey in Puntland ay diyaar u tahay sidii Soomaaliya ay gaari lahayd himiladeeda doorasho, isagoo rajo wanaagsan ka muujiyey in ay shirarkan ka soo baxaan go’aamo wanaagsan.

Hoggaamiyaasha Madasha Wadatashiga ayaa shir gaar ah uga furmi doona magaalada Muqdisho, waxayna diirada saari doonaan arrimaha la xariira Doorashada iyo waqtiga oo aad dib ugu dhacay sida laga yeeli doono. https://www.youtube.com/watch?time_continue=29&v=gs4OpEb7V1Q

Puntland Agoosto 02, 2016 Madaxweynaha dawladda Puntland Cabdiweli Maxamed Cali Gaas ayaa khudbad gaar ah oo dhinacyo badan taabanaysa ka jeediyey Aqalka Madaxtooyada, taas oo uu diirada ku saaray arrimo badan oo ay ka mid yihiin Amniga, Dhaqaalaha, Dimuquraadiyada, Siyaasada iyo Hiigsiga 2016.

Islaam Ciise Islaam Maxamed iyo xubno kale oo ay ku jiraan qaar kamid ah aas-aasayaashii Puntland ayaa madasha ka sheegay in muqadas tahay sidii meel looga wada istaagi lahaa waxyaabaha dhaawacaya midnimada iyagoo shacabka iyo xukuumadda ugu baaqay inay ilaaliyaan halgankii dhibka adag laga soo maray.

Khudbada madaxweyne Gaas wuxuu ku sheegay in muddo dheer ku dadaalayeen sidii loo heli lahaa dowlad matasha umadda Somaliyeed islamarkaana ka shaqaysa midnimo iyo wadajir taasoo u istaagta cadaalad taasoo uu tilmaamay inay ahayd ujeedkii loo yagleelay Puntland.

Wuxuu xusay in dalka Somalia soo kabasho ku jiro islamarkaana rajaynayaan in dalku ka baxo dhibka uu ku jiro.

Madaxweynaha Puntland ayaa sheegay in dalka ka jirto nabad buuxda taasoo uu ku baaqay in loo istaago sidii loo adkayn lahaa islamarkaana looga xafidi lahaa wuxuu ugu yeeray; Al Shabaab, Jirri, Kiraalayaal, Maamullo u hanqal taagaya dhul iyo dad aysan lahayn.

Cabdiwali Maxamed Cali Madaxweynaha Puntland ayaa sheegay in hormar weyn laga sameeyay dhinaca dhaqaalaha isagoo ku baaqay in la dhiso kaabayaasha dhaqaalaha, balse ma xusin doorka iyo waxqabadka xukuumaddiisa ee ku aadan arrintaasi.

Madaxweyne Gaas, wuxuu sheegay inay dowladdiisu muhiimadda siisay sidii loo heli lahaa adeegyada asaasiga ee bulshadu u baahantahay inkastoo uusan si faah faahsan uga warbixin.

Madaxweynaha ayaa mar uu ka hadlayay nidaamka dimuqradiyaynta ayuu sheegay inay wadaan qorshayaal looga guurayo nidaamka qabaliga, wuxuuna sheegay in sannadka gudahiisa laguda gali doono doorashada dowladaha hoose, halka tan guud uu xusay inay qabsoomi doonto 2019.

Madaxweyne Gaas ayaa sheegay in dalka Somalia u baahanyahay isbadal damaanad qaada in laga baxo dhibaatada lagu jiro isagoo sheegay in loo baahanyahay dad matali kara umadda Somaliyeed oo xaladdan adag ku jihayn kara meel wanaagsan.

Madaxweyne Cabdiwali Maxamed Cali ayaa ugu dambayn hambalyo u diray dhammaan umadda Reer Puntland isagoo u rajeeyay inay ku waaraan amni kala dambayn iyo hormar.

WARARKA MAANTA Agoosto 01, 2016
Su'aasha Maanta: Argagixisadda Shabaab ee weerartay xarunta CID meeqo ayaa katirsanaa ciidanka CID? Meeqo Sarkaal ayaa lagu dilay qaraxan? Meeqo Shacab ah ayaa ku dhintay qaraxan? Sheekadii Ururka Damu-Jadiid iyo fashiloodii ayey waxay hadda keeneen inay been ka sheegaan dadkii ku dhintay qaraxii ay Shabaab ku qaadeen Xarunta CID rr Muqdisho. Maxay tahay wada-shaqaynta ka dhexaysa Ururka Damu-Jadiid Iyo Ururka Argagixisadda Al-Shabaab mise Madaxweynaha Soomaaliya Mudane Xassan Shiikh Maxamuud waaba la hayste ay si dadban iyo toos ah u maamulaan, una hoggaamiyaan
Ururka Damu-Jadiid Iyo Ururka Argagixisadda Al-Shabaab. https://www.youtube.com/watch?v=TkGKelvn1hM&feature=share
Muqdisho Agoosto 01, 2016
Wasaarada Amniga Dowladda Federalka Soomaaliya ayaa sheegtay ragga weerarka ku soo qaaday Xarunta CID ee Magaalada Muqidsho inay gaarayeen 7 ruux oo Al Shabaab ka tirsan.
Afhayeenka Wasaarada Amniga gudaha C/kaamil Macalin Shukri ayaa Warbaahinta, wuxuu u sheegay todobada nin ee weerarka soo qaaday Shan ka mid ah ciidamada ammaanka inay toogteen.
Wuxuu tilmaamay labo ka mid ah raggaasi inay kaxeynayeen labo gaari oo ku qaraxday meel ku dhaw Xarunta CID, gaadiidka raggaasi ay kaxeynayeen ayaa kala ahaa gaari NOHA ah iyo gaari SURF ah oo labadoodaba ay qaraxyo ka buuxeen.
Tirada guud dadka ku dhintay qaraxyada ayaa gaaraya 13 ruux oo todobo ka mid ah yihiin Raggii Shabaabka ka tirsanaa, maadaama labo ay isqarxisay, halka Shanta kalena la toogtay, sidoo kale lixda ruux ee kale ayaa kala ahaa hal Askari iyo Shan ruux oo shacab ah.
Sidoo kale ciidamo Boolis ah oo tiradooda ay Muqdishaarayso Shan Askari ayaa dhaawac uu ka soo gaaray labadaasi qarax ee maanta Barqadii lagu weeraray Xarunta CID.

Agoosto 01, 2016  Luke Aikins ayaa noqday ninkii ugu horeeyay ee taariikhda dunida oo diyaarad si iskiis ah uga soo booday isaga oo aanan isticmaalin wax baarashuut ah, arintani ayaa xalay ka dhacday magaalada California ee dalka Maraykanka.
Ninkani ayaa ga’aansaday inuusan isticmaalin baarashuut badbaadiya hadii ay wax qaldamaan, laakiin waxaa lagu qasbay inuu baarashuut xirto, maadaama diyaarada loo diiday inuu raaco isaga oo aan baarashuut wadan.Si uu uga hortago in dadku ay yiraahdaan waxaad xirnayd baarashuut ku badbaadiya, ayaa waxa uu baarashuutkii uu watay ka dul xirtay funaanad oo aan u suurto galinayn inuu isticmaalo hadii uu u baahdo. Aikins ayaa la sheegay inuu yahay nin qibrad dheer u leh ka soo booditaanka diyaaradaha (skydive), waxa uuna ilaa 18000 (sideed iyo toban kun) oo jeer ka soo booday diyaarado kala duwanMuqdisho Agoosto 01, 2016  Madaxweynaha Soomaaliya Xasan Sheekh Maxamuud ayaa dhowaan kulan la yeelan doona odayaal ka mid ah beesha Habar-gidir oo sida la sheegay magaca beesha kula shiri doono. Madaxweynaha ayaa waxa uu qorshihiisu yahay inuu odayaashaas weydiisto inay taaageeraan ololihiisa in dib loo soo doorto, isaga oo taa beddelkeedna lacag ku farqi doono.Wararka ayaa sheegaya in madaxweynaha uu lacag boqolaal kun oo dollar ah doonayo inuu ku bixiyo inuu helo taageerada beesha Habar-gidir, si la mid ah sidii uu odayaal magac Mudullood sheegtay uu taageero horey uga helay.Inta badan xubnaha sare ee siyaasadda beesha Habar-gidir ayaa iska diiday la kulanka Xasan Sheekh, ayaga oo u sheegay in afar sano oo gabood fal ka dhan beelaha Hawiye aan lagu beddeli karin hal kulan oo Xasan lala yeesho.Si kastaba, si uu warbaahinta ugu sheego in beesha Habar-gidir ay taageertay ayuu Xasan lacag badan u ballan qaaday xubno magaca beesha ku taageeri doona oo calooshood u shaqeystayaal ah.Xasan ayaa sidan oo kale magaca beelaha Mudullood uga iibsaday dhowr shaqsi kadib markii xubnaha sare ee beesha ay diideen inay la kulmaan. Halkan ka aqri.Beesha Habar-gidir ayaa u muuqata inay raacday waddadii beesha Mudullood, taasi oo mar kale muujineysa isku duubnida beelaha Hawiye ee ku aadan inaan mar dambe dib loo soo dooran Xasan Sheekh.
Turkey Agoosto 01, 2016 Madaxweynaha dalka Turkiga Rajab Dayib Erdogan ayaa lagu wadaa in isbedel uu ku sameyn doono Hay’adda Sirdoonka dalkiisa.
Erdogan ayaa sheegay in muhiim ay tahay in isbedel lagu sameeyo Taliyayaasha Sirdoonka iyo Saraakiisha ka hoos shaqeysa.Erdogan waxa uu sheegay in su’aashu ay tahay mid ka taagan sababta ka danbeysay in Sirdoonka ay xogaha afganbiga u heli waayeen.Waxa uu si gaar ah farta ugu fiiqay dhowr taliyayaal oo uu sheegay in wax laga weydiin doono sababta ay ula socon waayen afganbiga fashilmay waxa uuna ku goodiyay isbedel degdeg ah.Sidoo kale, Erdogan ayaa sheegay in isbedelka uu saameyn doono Talisyada Milliteriga, Booliska, Taliyeyaasha ciidamada dhulka, cirka iyo badda.Erdogan ayaa horay shaqada uga eryay Taliyayaal iyo Saraakiil lagu tuhmaayo inay wax ka maleegen afganbiga.Ma uusan sheegin tiradda guud ee uu shaqada ka fadhiisin doono, balse waxa uu sheegay in Hay’addaha amaanka ay u harsan tahay keliya Sirdoonka, halka Hay’adaha kale uu kala sifeeyay.Muqdisho Agoosto 01, 2016 Madaxweynaha Soomaaliya Xasan Sheekh Maxamuud ayaa dhowaan kulan la yeelan doona odayaal ka mid ah beesha Habar-gidir oo sida la sheegay magaca beesha kula shiri doono. Madaxweynaha ayaa waxa uu qorshihiisu yahay inuu odayaashaas weydiisto inay taaageeraan ololihiisa in dib loo soo doorto, isaga oo taa beddelkeedna lacag ku farqi doono.Wararka ayaa sheegaya in madaxweynaha uu lacag boqolaal kun oo dollar ah doonayo inuu ku bixiyo inuu helo taageerada beesha Habar-gidir, si la mid ah sidii uu odayaal magac Mudullood sheegtay uu taageero horey uga helay.Inta badan xubnaha sare ee siyaasadda beesha Habar-gidir ayaa iska diiday la kulanka Xasan Sheekh, ayaga oo u sheegay in afar sano oo gabood fal ka dhan beelaha Hawiye aan lagu beddeli karin hal kulan oo Xasan lala yeesho.Si kastaba, si uu warbaahinta ugu sheego in beesha Habar-gidir ay taageertay ayuu Xasan lacag badan u ballan qaaday xubno magaca beesha ku taageeri doona oo calooshood u shaqeystayaal ah.Xasan ayaa sidan oo kale magaca beelaha Mudullood uga iibsaday dhowr shaqsi kadib markii xubnaha sare ee beesha ay diideen inay la kulmaan. Halkan ka aqri.Beesha Habar-gidir ayaa u muuqata inay raacday waddadii beesha Mudullood, taasi oo mar kale muujineysa isku duubnida beelaha Hawiye ee ku aadan inaan mar dambe dib loo soo dooran Xasan Sheekh.

Muqdisho Agoosto 01, 2016 Waxaa lagu arkaa inta badan goobaha ay ka dhacaan qaraxyada ee is-miidaamiyeyaashu Shabaabka naftooda ku haligaan waa saraakiil ajnabi ah oo si weyn u qalabeysan, waxaa loogu yeeraa khabiiro qaraxyada ku takhasusay, mid waliba wuxuu ku raran yahay qalab ciidan iyo jaakado rasaastu karin. Dan kama gelin dadka dhintay, naxariis uma hayaan, mana gargaaraan dadka dhaawacmay, haddana iyagaa ugu horeeya goobta, shaqadoodu maaha ammaanka iyo nabadgelyada dadka iyo dalka Soomaaliyeed, mana aha Soomaali laakiin shaqo weyn ayaa ka soo gashay qaraxyada iyo is-qarxiyeyaasha ay ugaarsadaan jirkooda.

Waxay leeyihiin ciidamo sirdoon Soomaali ah oo la shaqeeya oo mararka qaarkood howshaas ay dowladahooda u soo dirsadeen gacan ka siiya ama u qabta, siiba meelaha halistooda badan tahay, ciidamadaasi Soomaalida ah waxaa mushaarka siiya dalalka ay ka socdaan saraakiishaas ajnabiga ah ee ugaarsata jirka is-miidaamiyeyaasha.

Dadka aan ka hadlayo waa saraakiil caddaan ah oo kaliya lagu arko meeshii uu Muqdisho qarax ka dhaco ee la isku miidaamiyo, waxaana la keenaa isla marki qaraxyadu dhacaan, waxayna qaataan qeybo ka mida jirka is-miidaamiyeyaasha Alshabaab ee is qarxiya si ay baaritaan ugu diraan, una aqoonsadaan.

Waxay ka socdaan hay’adaha sirdoonka iyo dembi baarista dalalka reer galbeedka, waxaana ugu badan Mareykanka, Ingiriiska, Holland iyo dalal kale oo Yurub ah, dhexdooda xiriir wada shaqeyn ayay leeyihiin waxayna dalalkooda u hayaan howl adag oo ah inay aqoonsadaan qof waliba oo is qarxiyay si loo hubiyo inuu ka mid yahay liiska xubnaha dalalkooda ku tuhunsan yihiin argagixisada ay baadi goobayaan.

Liiska ay hayaan Hay’adaha Sirdoonka dowladaha reer Galbeedka waxaa marba laga saaraa qofkii ay aqoonsadaan saraakhiishan meydadka la daba dhigay ee qaabilsan hubinta jirka meydadka ay baaritaanka u qaataan kadibna ka hubiyaan hide sidaha DNA-da ee dadka lagu aqoonsado.

Waxay dalalkooda u hayaan howl qaran, waxayna ammaanka dalalkooda ka sugayaan gudaha Soomaaliya, halka ciidamadeena ay saraakiishaasi waardiye ka yihiin oo howshooda u fududeeyaan si ka badan gudashada xilkooda ahaa inay ka shaqeeyaan nabadgelyada dadkooda.

Marka aad aragto qaabka loo ilaaliyo saraakiisha danahooda qaran iyo ammaankooda dadkooda u jooga Muqdisho, waxaa cad inay ka muhiimsan yihiin muwaadiniinta dalka ay joogaan, waana dhibaato weyn oo marka aad ogaato ay kuu soo baxeyso heerka qiimaha qofka Soomaalida ahi taagan yahay.

Muqdisho Agoosto 01, 2016 Wasaarada Amniga Dowladda Federalka Soomaaliya ayaa sheegtay ragga weerarka ku soo qaaday Xarunta CID ee Magaalada Muqidsho inay gaarayeen 7 ruux oo Al Shabaab ka tirsan.
 
Afhayeenka Wasaarada Amniga gudaha C/kaamil Macalin Shukri ayaa Warbaahinta, wuxuu u sheegay todobada nin ee weerarka soo qaaday Shan ka mid ah ciidamada ammaanka inay toogteen.
 
Wuxuu tilmaamay labo ka mid ah raggaasi inay kaxeynayeen labo gaari oo ku qaraxday meel ku dhaw Xarunta CID, gaadiidka raggaasi ay kaxeynayeen ayaa kala ahaa gaari NOHA ah iyo gaari SURF ah oo labadoodaba ay qaraxyo ka buuxeen.
 
Tirada guud dadka ku dhintay qaraxyada ayaa gaaraya 13 ruux oo todobo ka mid ah yihiin Raggii Shabaabka ka tirsanaa, maadaama labo ay isqarxisay, halka Shanta kalena la toogtay, sidoo kale lixda ruux ee kale ayaa kala ahaa hal Askari iyo Shan ruux oo shacab ah.
 
Sidoo kale ciidamo Boolis ah oo tiradooda ay gMuqdishaarayso Shan Askari ayaa dhaawac uu ka soo gaaray labadaasi qarax ee maanta Barqadii lagu weeraray Xarunta CID.

WARARKA MAANTA Luulyo 31, 2016
Muqdisho Luulyo 31, 2016Wararka naga soo gaaray dhanka Hay’ada Socdaalka iyo Jinsiyadaha Soomaaliya, ayaa sheegaya in khilaaf adag uu ka dhextaagan yahay Taliyihii hore ee Hay’ada Socdaalka iyo Jinsiyadaha Soomaaliya ahna Taliyaha NISA Jeneraal Gaafow iyo Taliyaha cusub ee loo magacaabay Hay’ada Socdaalka Maxamed Aadan Jimcaale (Koofi).

Khilaafka Jeneraal Gaafow iyo Koofi oo gaaray Madaxweynaha Soomaaliya, Xassan Sheekh ayaa waxaa loo sababeynayaa kadib markii Gaafow uu muran ka keenay xilka Hay’ada Socdaalka iyo Jinsiyadaha Soomaaliya ee lagu wareejiyay Koofi.

Jeneraal Gaafow, ayaa isaga ku doodaaya in Madaxweynaha dalka uu la dheelay khiyaano, islamarkaana go’aankiisa uu ahaa inta xal laga gaaraayo uu sii hayo Hay’ada Socdaalka iyo Jinsiyadaha maadaama uusan ku qanacsaneyn xilka loo magacaabay ee NISA.

Sidoo kale, Khilaafka ayaa laba kacleeyay kadib markii Taliyaha NISA Jeneraal Gaafow uu dalbaday in Hay’ada Socdaalka iyo Jinsiyadaha Soomaaliya la hoosgeeyo Taliska Hay’adda Sirdoonka iyo Nabadsugida Qaranka, sida aan wararka ku helnay.

Sidoo kale, Maxamed Aadan Jimcaale (Koofi), ayaa ka biya diidan in Hay’adda loo magacaabay la hoosgeeyo Taliska NISA si loo koontaroolo dhaqdhaqaaqa Hay’adaasi.

Dacwadaani oo gaartay Xafiiska Madaxweynaha Somalia, ayaa waxan jirin wax jawaab ah oo kasoo baxday Xassan Sheekh.

Marka la eego sharciga Hay’ada Socdaalka iyo Jinsiyadaha Somalia ayaa si toos ah u hoostagta Taliska Sirdoonka Somalia.

Khilaafka ayaa la sheegayaa inuu gaaray heer qabiil, waxa ayna xalinta khilaafka uu yahay mid u xaniban Madaxweynaha Somalia.

Muqdisho Luulyo 31, 2016 Safiirka Turkiga ee Soomaaliya Amb. Olgan Bekar ayaa goor dhow shir jaraa’id ku qabtay Xarunta Safaaradda Turkiga ay ku leedahay magaalada Muqdisho, isagoo kaga hadlay qaababkii dowladda Turkiga uga fal celisay isku daygii afgambiga ee fashilmay.

Amb. Olgan Bekar ayaa ugu horeyn ka warbixiyay isku daygii afgambi ee ka dhacay Turkiga 15-kii bishan iyo qaababkii uu u abaabulnaa, isagoo tilmaamay inay ka dambeysay isku daygaas Koox argagixiso ah oo uu magaceeda ku sheegay FETO.

Safiirka Turkiga ayaa uga mahad celiyay dowladda Soomaaliya tallaabada ay qaaday ee ay ku cambaareysay isku daygaas afgambi, sidoo kale waxaa uga mahad celiyay shacabka Soomaaliyeed sidii ay garab istaaga ugu muujiyeen, ugana muragoodeen wixii dhacay 15-kii July.

“Waxaan dowladda Soomaaliya uga mahad celinayaa tallaabadii ay ku cambaareysay isku daygii afgambiga ee ay maleegayeen koox argagixiso oo lagu magacaabo FETO, isku daygaas wuxuu u abaabulnaa qaabab kala duwan”ayuu yiri Amb. Olgan Bekar.

Mar Safiirka wax laga weydiiyay sida laga yeelayo howlihii ay dalka ka heysay Hey’adda Nile Organization ee dalka laga ceyriyay waxaa uu sheegay in dowladda Soomaaliya iyo Turkiga ka wada shaqeynayaan sidii howlahii ay heysay loo sii wadi lahaa.

“Anaga iyo dowladda Soomaaliya ayaa ka wada shaqeyneyna sidii howlaha u sii socon lahaayeen, gaar ahaan Isbitaaladii iyo Iskuuladii ay gacanta ku heysayna anaga la wareegi doono, waxaa u sheegayaa Ardaydii dhiganeysay Iskuulada in waxbarashadooda inay dib u bilaaban doonto, bisha soo socota ee Agosto dib loo furi doono”ayuu yiri Safiirka Turkiga u fadhiya Soomaaliya.

Sidoo kale waxaa uu sheegay maalmaha soo socda ay soo saari doonaan xilliga dib loo furi doono Iskuuladii ay gacanta ku heysay Hey’adda Nile ee dalka laga ceyriyay, waxaana uu u cadeeyay ardaydii dhiganeysay in waxbarashadooda ay sidooda u wadan doonaan.

Amb. Olgan Bekar ayaa sheegay in Isbitaalka Deva dib loo furi doono 2-da bisha Agosto, isagoo intaa ku daray in howlihii uu hayay Isbitaalka uu halkiisa ka sii socon doono.

Waxaa uu sheegay in Bukaanadii horay ugu jiray Isbitaalka Deva ay ku wareejiyeen Isbitaalka Recep Tayyib Erdogan (Ex Digfeer).

Safiirka ayaa mar wax laga weydiiyay arrinta Somaliland ee ku aadan inay aqoonsadeen Baasaboorkooda, maadaama ay wada hadalo u socdaan oo ku saabsan inay deegaanadooda ka ceyriyaan Hey’adda Nile ayuu sheegay in arrintaas aanay waxba ka jirin.

“Ma aqbalin Baasaboorkooda, mana aqoonsan wax xiriir ah lama lahan arrintaas, sida la socotaan waxaa wadnaa Heshiiskii Soomaaliya iyo Somaliland, anaga Soomaaliya hal waji ayaa ku fiirinaa, waxaa ka shaqeyneynaa Soomaaliya inay wanaagsanaato oo ay mid ahaato, Somaliland dadka ku nool iyo Soomaaliya dadka ku nool waxay noola mid yihiin hal, waxaa rabnaa inay noqdaan hal dal oo xooggan”ayuu yiri Danjire Olgan Bekar.

Sidoo kale waxaa uu xusay in Baasaboorka Somaliland ay u aqoonsan yihiin sida kaararka aqoonsiga oo kale ee ID CARD, isagoo xusay in qunsuliyadooda Hargeysa ay ku bixiso Viisaha Warqad sida uu hadalka u dhigay.

Mar wax laga weydiiyay dhibaatada Ardayda Soomaaliyeed ku heysato dalka Turkiga, markii uu afgambiga dhacay, gaar ahaan Ardayda Soomaaliyeed ee dhiganeysay Jaamacadaha ay maamulayeen Hey’addaha taageera Fethullah Gulen ayuu kaga jawaabay in ardaydaas aysan wax dhib ah arki doonin, isla markaana loo gudbinayo jaamacado kale oo dowladda hoos-taga.

“Jaamacadaha Gullen waa xirnay, dowladda ayaa go’aan ka gaartay, ardaydaas waa la wareejinayaa jaamacado kale ayaa loo wareejinaya wax dhib ah ma arkin doonaan, waxaa arintan si dhow ugala shaqeyneynaa Safaaradda Soomaaliya ee Ankara”ayuu yiri Amb. Olgan Bekar.

Shirkan jaraa’id ayaa ahaa kii u horeeyay ee uu Safiirka ku qabtay Xarunta Safaaradda Cusub ee Turkiga ku leeyahay magaalada Muqdisho, taasoo uu bishii la soo dhaafay xariga ka jaray Madaxweynaha Turkiga Recep Tayyib Erdogan

Muqdisho Luulyo 31, 2016 Reer AwQudub oo shir balaran ku yeshay magaalada Muqdisho aya si adag uga hor yimid qorshaha Abdirhamaan Kulmiye oo loo yaqaanno Abdirahmaan Dheere, Faarax Cabdiqaadir iyo Xasan Sheikh iska kaashadeen oo beesha AwQudub Suldaankoodii soo jireenka ahaa looga tiray liiska suldaamada soo xuli doona ergada dooranaysa Xildhibaannada Barlamaanka cusub.

Dhamaan odayaasha beesha waxay wacad ku mareen in Abdirahman Dheere usan dib dambe ugu soo noqonin baarlamaanka cusub oo ay soo dooran doonaan xildhibaan kale oo ku matala beesha golaha baarlamaanka cusub. Beesha Reer AwQudub oo isku duuban waxay dacwad ka dhan ah Abdirahman Dheere iyo Dam-Jadiid u direen Dhamaan madaxda DFS, madaxda Dowlad-Goboleedyada, IGAD, UN iyo Beesha Caalamka ayaga oo ka codsaday in Suldaankooda Suldaan CabdiCaafi Suldaan Cabdullahi Suldaan Mohamed Khalif lagu daro liiska suldaamada soo xuleysa ergada dooran doonta xildhibaanada barlamaanka cusub. https://www.youtube.com/watch?v=epKxGwagi4M

Muqdisho Luulyo 31, 2016 Ra’iisal wasaaraha xukuumadda Soomaalida Cumar C/rashid ayaa 26-kii Bishan u magacaabay Agaasimaha Hay’adda Socdaalka iyo Jinsiyadaha inuu noqdo Gaashaanle Maxamed Aadan Jimcaale (Koofi), taasoo keentay su’aalo badan oo ku saabsan inuu xilkaasi ka soo dhallaali karo.

Xog cusub oo aan helnay ayaa sheegeysa in arrintan ay ka dambeysay qorshe madaxweyne Xasan Sheekh ugu talogalay inuu ku khaarijiyo Beesha Habargidir oo dooneysay inay helaan xilka Taliyaha Agaasimaha Hay’adda Nabadsugidda, oo loo magacaabay Gaafow.

Sidaas darteed, Xasan Sheekh ayaa beesha Habar-Gidir oo uu taageero ka rabo doorashada 2016 ku qanciyey xilkan.

Wasiirka Madaxtooyada Mahad Maxamed Salaad ayaa la sheegay inuu yahay ninka keensaday Gaashaanle Koofi in xilkaasi loo magacaabo iyadoo beesha inteeda kale ay diidan tahay.

Madaxweyne Xasan Sheekh ayaa magacaabidda xilalka uu sharci ahaan u lahaa isaga wareejiyay xukuumadda iyo Ra’iisal wasaaraha, inkastoo uu yahay mas’uuuulka rasmi ahaan oo dhan go’aankeeda gaara.

Xasan Sheekh aya maalmahan wada dadaal uu ku iibsanayo beelo badan, hase yeeshee intooda bada way diideen marka laga reebo xubno yar oo dhuuntooda u shaqeynaya.

Baydhabo Luulyo 31, 2016 Xildhibaano ka tirsan baarlamaanka maamulka koofur Galbeed ayaa kulan ay ku yeesheen magaalada Baydhabo waxay ku sheegeen iney mooshin ka gudbiyeen gudoomiyaha baarlamaanka maamulka Koofur Galbeed C/qaadir Shariif Sheekhunaa Maya.

Xildhibaanada ayaa sheegay in gudoomiyaha baarlamaanka maamulka Koofur Galbeed uu jibiyay qodobo dastuuri ah ayna diyaariyeen mooshin ka dhan ah oo uu xilka ku weyn karo afhayeenka baarlamaanka maamulka Koofur galbeed.

Xasan Macalin Yuusuf oo kamid ah xildhibaanada kulanka ku yeeshay magaalada Baydhabo ayaa sheegay in gudoomiye C/qadir Shariif Sheekhunaa uu ku xad gudbtay qodobo Dastuuri ah oo uu kamid yahay qodobka 41 oo dhigaya in xildhibaanada koofur Galbeed sanadkii ay yeeshaan 2 kalfadhi.

“Waxaa kulan isugu yimid Xildhibaannada baarlamaanka Koonfur Galbeed xubno ka mid ah, islamarkaana ajendahooda yahay inay ka wada hadlaan waxa ka dhacaya baarlamaanka Koonfur Galbeed taas oo sababtay in xubno ka mid ah xildhibaannada ay soo gudbiyaan mooshin ka dhan ah guddoomiyaha baarlamaanka Koonfur Galbeed taas oo ay xildhibaannadan u cuskadeen markii uu jabiyey qodob Dastuuri ah”ayuu yiri xildhibaanka.

“odobka 41-aad islamarkaana sheegayey in baarlamaanka sanadkii uu yeelanayo 2 fadhi oo midkii uu soconayo muddo Afar bil ah sida aan la wada soconno baarlamaanka Koonfur Galbeed waxa uu dhisnaa 8 bil, mana jirto wax kalfadhi ah oo uu yeeshay, sidoo kale aan la sameyn guddi hoosaadyadii baarlamaanka, markii aan aragnay in shaqadii loo idmaday guddoomiyaha, sidaa darteed waxaan go’aansannay inaan keenno mooshinkaan oo ay nala ogaadaan shacabka ku nool deegaankan Koonfur Galbeed” ayuu hadalkiisa kusii daray.

Baarlamaanka Koofur Galbeed ayaa dhisan inka badan 8 bilood, waxaana xildhibaanada ay sheegayaan ineysan jirin wali kulamo toos ah oo xildhibaanada ay yeesheen.

Garasweyne Luulyo 31, 2016 Ciidamada Dowladda Soomaaliya kuwa Maamulka Koofur Galbeed iyo AMISOM ayaa dib ula Wareegay Degaanka Garasweyne ee Gobolka Bakool,kaas oo 50KM u jira Degmada Xudur Ee Gobolka Bakool.

Ciidamada Huwanta ah ayaa hadda Maamulaya Degaanka Garasweyne,kaas oo Todobaadkii hore ay la wareegeen Al-shabaab markii ay iskaga baxeen Ciidamada Dowladda Itoobiya.

Ciidamada Dowladda Soomaaliya iyo kuwa AMISOM ayaa Dhaqdhaqaaqyo ka wada Gobolka Bakool,kuwaas oo doonaya in ay Al-shabaab ka Saaraan qeybo ka mid ah Gobolka Bakool.

Degaanka Garasweyne ee Gobolka Bakool ayaa Ciidamada AMISOM ay iskaga baxeen ,inkastoo ay hadda dib u la wareegeen

WARARKA MAANTA LUULYO 30, 2016
Baydhabo Luulyo 30, 2016
dayaasha Dhaqanka Maamulka Koofur Galbeed ayaa Madaxweynaha Maamulkaasi Shariif Xasan Sheekh Aadan uga digay inuu Faragalinta ka daayo Xildhibaanada la soo xulayo ee Baarlamaanka Federaalka Soomaaliya ee 2016.

Kulan ay Odayaasha  Dhaqanka Koofur Galbeed ku yeesheen Magaalada Baydhabo ayey sheegeen in ay arkayaan Faragalin uu Madaxweynaha Maamulka Koofur Galbeed ku hayo Xildhibaanada la soo Xulayo islamarkaana ay jiraan Ugaasyo iyo Salaadiin ay Madaxda Koofur Galbeed kala hadleen soo xulista Xildhibaanada soo socda.

Odayaasha  ayaa intaa ku daray  in iyaga ay Gacanta ku hayaan Soo Xulista Xildhibaana Soo socda Ee Baarlamaanka Federaalka Soomaaliya ,waxaana ay intaa ku dareen in Madaxweynaha laga doonayo inuu Faragalinta Joojiyo.

Muqdisho Luulyo 30, 2016Wararka aan ka helayno Degmada Afgooye Ee Gobolka Shabellaha Hoose waxay sheegayaan in halkaasi la geeyey gaari buuxa oo shixnad badan siday.

Gaarigaasi ayaa Wasaarada Arimaha Gudaha waxay uGu talo gashay mucaawimada uu wado inay ka faa’iideystaan dadka danta yar ee ku dhaqan Xaafadaha Afgooye.

Inkastoo gaarigaasi Mucaawimada sida la geeyey Afgooye hadana waxa saluugay in dadka degmadaasi ku dhaqan oo tira badan awgeed gaarigaasi keliya ku filneyn.

Waxa arintaasi kasoo horjeestay diidayna inay mucaawimo intaasi la eg lasiiyo dadka Afgooye ku dhaqan Gudoomiye Kuxigeenka Gobolka Sh.Hoose dhinaca Arimaha Bulshada Cumar Carabeey islamarkaana dhaliilay WasaaradaArimaha Gudaha Soomaaliya oo barnaamijkaan uxilsaartay Dawlada Soomaaliya.

Cumar Carabeey ayaa Wasaarada ku Eedeeyey inay musuq maasuqday raashinkii loogu talo galay dadka Sh/Hoose ee colaada Beelaha saameynta ku yeelatay.

Sanaag Luulyo 30, 2016 Sida ay sheegayaan ilo wareed lagu kalsoon yahay waxaa waayahan dambe intiina badan Akhristayaal aad la socoteen inuu socday Kulamo looga arinsanayey dhameynta xiisadii ka dhalatay dagaalkii ka dhacay Gobolka Sanaag.

Odayaal iyo waxgarad kasoo kala jeeda Puntland iyo Soomaaliland ayaa waxay dhexda uxirteen inay ukala dab qaadaan maamulada dagaalamay ee dhiiga iska daadiyey isbuucyo ka hor.

Dagaalkii ka dhacay Deegaanka Booda cade Ee Gobolka Sanaag dhawaan ayaa waxa maamulada Puntland iyo Soomaaliland mid kasta waxa uu sheegtay in laga khaldanaa deegaankaasina uu isaga maamulo.

Wararka hadda soo baxaya waxay sheegayaan in uu fashil ku dhamaaday waan waantii la doonayey in lagu heshiisiiyo dhinacyadii dagaalamay maadama Puntland ay si qayaxan usheegtay in dhul ay maamusho xoog kusoo galeen S/land.

Muqdisho Luulyo 30, 2016 Warar lagu kalsoon yahay oo wakaalada Dowladda  heshay waxay sheegayaan in kulan qarsoodi ah uu ku dhexmaray Magaalada Nairobi Ee Caasimada Dalka Kenya Mas’uulka Q/M uqaabilsan Arimaha Soomaaliya Micheal Keating iyo Siyaasiyiin Soomaaliyeed.

Kulanka ayaa ahaa mid albaabada uxiran islamarkaana looga arinsanayey Doorasada Soomaaliya ka dhici doonta Dhawaan waxaana jirtay baaq lasoo saaray.

Micheal Keating oo ah Wakiilka Xoghayaha Guud Qaramada Midoobeey Uqaabilsan Arimaha Soomaaliya ayaa sheegay in Siyaasiyiinta Soomaaliyeed ee qaar murashaxiinta Madaxtinimo yihiin ay ashtako ka qabaan qaabka loo marayo doorashada Bilo kadib la qorsheeyey inay Soomaaliya ka dhacdo.

Kulanka Siyaasiyiintii ka qeyb gashay waxaa ka mid ahaa Maxamed Cabdullaahi Farmaajo iyo Cali Xaaji Warsame oo labaduba xilal kasoo qabtay Xukuumadii KMG Soomaaliya iyo Dawlad Gobolleedka Puntland hadana utaagan xilka Madaxtinimada Soomaaliya.

Inkastoo faah faahin badan laga helin kulankaasi ayaa waxa nuxurkiisa lagu soo koobay inuu ahaa baqdin Murashaxiinta ay ka qabaan Dawlada Xasan Sheekh inay ku shubato doorashada dhawaan dhici doonta taasi oo la sheegay in ay Q/M ugu baaqeen inay la socoto doorashada iyo sida ay udhaceyso.

Muqdisho Luulyo 30, 2016 Amb. Olgan Bekar Safiirka Turkiga ee Soomaaliya ayaa maanta shir jaraa’id ku qabtay Xarunta Safaaradda Turkiga ay ku leedahay magaalada Muqdisho, wuxuuna ka hadlay arrimo fara badan oo ku saabsan howlihii Hay’adda NILE ka heysay labada dal sida adeegyada caafimaadka iyo waxqabarashada.

Safiirka ayaa ugu horeyn uga mahad celiyay shacabka Soomaaliyeed sidii ay garab istaaga ugu muujiyeen, ugana muragoodeen wixii dhacay 15-kii July ee lagu doonayay in lagu afgembiyo xukuumadda Turkiga ee ay soo doorteen shacabka dalkaas.

Mar Safiirka wax laga weydiiyay sida laga yeelayo howlihii ay dalka ka heysay Hey’adda Nile Organization ee dalka laga ceyriyay waxaa uu sheegay in dowladda Soomaaliya iyo Turkiga ka wada shaqeynayaan sidii howlahii ay heysay loo sii wadi lahaa.

“Anaga iyo dowladda Soomaaliya ayaa ka wada shaqeyneyna sidii howlaha u sii socon lahaayeen, gaar ahaan Isbitaaladii iyo Iskuuladii ay gacanta ku heysayna anaga la wareegi doono, waxaa u sheegayaa Ardaydii dhiganeysay Iskuulada in waxbarashadooda inay dib u bilaaban doonto, bisha soo socota ee Agosto dib loo furi doono”ayuu yiri Safiirka Turkiga u fadhiya Soomaaliya.

Sidoo kale waxaa uu sheegay maalmaha soo socda ay soo saari doonaan xilliga dib loo furi doono Iskuuladii ay gacanta ku heysay Hey’adda Nile ee dalka laga ceyriyay, waxaana uu u cadeeyay ardaydii dhiganeysay in waxbarashadooda ay sidooda u wadan doonaan.

Amb. Olgan Bekar ayaa sheegay in Isbitaalka Deva dib loo furi doono 2-da bisha Agosto, isagoo intaa ku daray in howlihii uu hayay Isbitaalka uu halkiisa ka sii socon doono.

Waxaa uu sheegay in Bukaanadii horay ugu jiray Isbitaalka Deva ay ku wareejiyeen Isbitaalka Recep Tayyib Erdogan (Ex Digfeer).

Safiirka ayaa mar wax laga weydiiyay arrinta Somaliland ee ku aadan inay aqoonsadeen Baasaboorkooda, maadaama ay wada hadalo u socdaan oo ku saabsan inay deegaanadooda ka ceyriyaan Hey’adda Nile ayuu sheegay in arrintaas aanay waxba ka jirin.

“Ma aqbalin Baasaboorkooda, mana aqoonsan wax xiriir ah lama lahan arrintaas, sida la socotaan waxaa wadnaa Heshiiskii Soomaaliya iyo Somaliland, anaga Soomaaliya hal waji ayaa ku fiirinaa, waxaa ka shaqeyneynaa Soomaaliya inay wanaagsanaato oo ay mid ahaato, Somaliland dadka ku nool iyo Soomaaliya dadka ku nool waxay noola mid yihiin hal, waxaa rabnaa inay noqdaan hal dal oo xooggan”ayuu yiri Danjire Olgan Bekar.

Sidoo kale waxaa uu xusay in Baasaboorka Somaliland ay u aqoonsan yihiin sida kaararka aqoonsiga oo kale ee ID CARD, isagoo xusay in qunsuliyadooda Hargeysa ay ku bixiso Viisaha Warqad sida uu hadalka u dhigay.

Mar wax laga weydiiyay dhibaatada Ardayda Soomaaliyeed ku heysato dalka Turkiga, markii uu afgambiga dhacay, gaar ahaan Ardayda Soomaaliyeed ee dhiganeysay Jaamacadaha ay maamulayeen Hey’addaha taageera Fethullah Gulen ayuu kaga jawaabay in ardaydaas aysan wax dhib ah arki doonin, isla markaana loo gudbinayo jaamacado kale oo dowladda hoos-taga.

“Jaamacadaha Gullen waa xirnay, dowladda ayaa go’aan ka gaartay, ardaydaas waa la wareejinayaa jaamacado kale ayaa loo wareejinaya wax dhib ah ma arkin doonaan, waxaa arintan si dhow ugala shaqeyneynaa Safaaradda Soomaaliya ee Ankara”ayuu yiri Amb. Olgan Bekar.

Muqdisho Luulyo 30, 2016 Qaramada Midoobey ayaa ka digtay in xaaladda bani’aadanimo ee Soomaaliya ay sii xumaan karto sababo la xiriiro marxaladda cunto ee qeybo kamid ah gobollada bartamaha iyo kuwa koonfureed.

Warbixin cusub oo uu soo saaray xafiiska isku dubdaridka gargaarka ee Qaramada Midoobey (OCHA) ayaa lagu sheegay in inta u dhexeysa bilaha July iyo December la filayo in heerka beerashada iyo dallagga beeraha uu  ka hooseeyo 30 ilaa 50% celceliska guud ee Soomaaliya.

OCHA waxay sheegtay in arrintan ugu wacan tahay xilli roobaadkii oo aan si wanaagsan u di’in iyo saameynta ay yeesheen fatahaadii dhawaan ku dhuftay gobollada Hiiraan iyo Shabeellaha dhexe.

Warbixintu waxay kaloo xustay in labada gobol ee Bay iyo Shabeellaha hoose uu sidoo kale aad u hooseeyo wax beerashadooda xilligan, goboladaas oo lagu tiriyo in wax soo saarkooda dhinaca beeraha uu gaarsiisan yahay 80% marka loo eego kuwa koonfureed.

Puntland iyo Somaliland, ayey warbixintu sheegtay inqiyaastii 385,000 oo qof ay wajahayaan cunno yari.

Qaramada Midoobey waxay sheegtay in loo baahan yahay lacag gaareyso 127-milyan oo doolar, oo 49-milyan oo kamid ah la helay, lacagtaas oo wax looga qabanayo xaaladda bani’aadanimo ee Soomaaliya

Muqdisho Luulyo 30, 2016 Beesha Habar gidir ayaa weli dood ka qabta Siyaasada uu dheelaayo Madaxweynaha Somalia Xassan Sheekh Maxamuud.

Xubno ka tirsan Beesha ayaa sheegay in cararooda ay wali tahay mid halkeeda taagan, waxa ayna xaqiijiyeen in Xassan Sheekh uu ku tuntay xuquuqda Beesha Habar gidir.

Waxa ay sheegen inaanu ku qanacsaneyn keliya Taliyaha Hay’adda Socdaalka iyo Jinsiyadaha ee dhawaan loo magacaabay Taliyihii hore ee Nabadsugida ugu magacawnaa Gobolka Banaadir Koofi.

Xubnaha Beesha waxa ay tilmaamen in Madaxweynaha Somalia uu xili hore meel uga dhacay Beesha sidaa aawgeedna uusan mudneyn in lala shaqeeyo inta uu kasoo saxaayo khaladaadkiisa muuqda, sida ay hadalka u dhigeen.

Xasan Sheekh oo isku dayaya inuu iska qanciyo beeshaan ayaa wuxuu u magacaabay Taliyaha Hay’dda Socdaalka iyo Jinsiyadaha, waxaana haatan muuqata wali inaysan ku qanacsanayn beeshaan qorshahaas uu keenay Madaxweynaha.

Xubno ka socda Beesha oo kulan hordhac ah la qaatay Xassan Sheekh, ayaa sheegay in Madaxweynaha ay u cadeeyen mowqifkooda, waxa ayna ku wargaliyeen in wada shaqeyntooda ay ka maqan tahay xuquuqdooda.

Dhanka kale, Madaxweynaha ayaa lagu wadaa in mar kale uu jawaab ka baxsho dooda ay wadaan odayaasha Beesha Habar gidir

Garoowe Luulyo 39, 2016 Qaar kamid ah xildhibaanada golllaha deegaanka Garowe ee mooshinka ka keenay duqa Garowe ayaa maanta saxaafada la hadlay, waxayna sheegeen inaan loo dulqaadan karin boobka ka socda wadooyinka iyo go’aan la aanta duqa Garowe xasan Goodir.

Xildhibaan Maxamed Xamari oo ah gudoomiye ku xigeenkii hore ee Garowe ayaa kamid ah dadka sida aadka ugasoo horjeeda duqa Garowe, wuxuuna sheegay in isbedel degdeg ah loo baahan yahay.

Golaha Degaanka Puntland ayaa sheegay in Duqa Degmada Garowe looga baahan yahay isbadal muuqda oo dhan kasta leh,iyadoo Maalmahaan ay socdeen Mooshin ka dhan ah Duqa Degmada Garowe

Kenya Luulyo 30, 2016 Wargeyska The Star ee kasoo baxa dalka Kenya ayaa sheegay inuu ogaaday in ciidamada militryga ay iskaga baxeen inta badan sarakiisha iyo ciidamada Muslimiinta ah kadib markii ay ku bateen cadaadiska ay saaraan saraakiisha kale ee aan Islamka aheyn.

Warbixin wargeysku qoray ayuu ku sheegay inay shaqada ka tageen boqolaal askari oo Muslmiin ah shantii sano ee lasoo dhaafay kuwa kalena ay hadda wadaan qorshe ay shaqada uga ruqsaysanayaan waxaana ay saraakiisha iyo ciidamada shaqada ka tagay u sababeynayaan markii ay arkeen in cadaadisku ku badan yahay.

Sargaal magaciisa la qariyay oo ka mid ah saraakiisha ciidamada Kenya iskaga baxay ee Muslimiinta ah ayaa u sheegay wargayska The Star in mar kasta oo wax dhacaan ayaga si gaar ah loo handado oo lagu xagliyo in iyagu taageeraan Xarakadda Al-Shabab ayagoo diintooda lagu faqooqayo sida uu yiri.

Sargaalkaan waxaa uu sheegay in hay’adaha sirdoonka iyo xataa saraakiisha militryga ugu sar sareysa ay aad u qod qodaan ciidamada Muslimiinta ah aadna u daba galaan taasoo keentay ayuu yiri inay shaqadaba ka tagaan

“Nalama aamino si kasta oo aan dalka ugu shaqayno cadawga ayay na xajiyaan aad baana naloo baraa marka aan shaqo ku jirno” ayuu yiri sargaalkaan la waraystay waxaana uu intaa ku daray in xataa qaar ka mid ah saraakiisha ciidamada ee Muslmiinta ah lagu eedeeyay inay xogaha u gudbiyaan dhanka Al-Shabab.

Sargaalkaan waxaa uu xusay in xataa aad loola socdo xilliyada ay illaalada ka yihiin xaduuda dhanka Soomaaliya iyo xabsida ay ku jiraan maxaabiista Muslimiinta ah.

Culeyska ugu badan inay dareemeen ayay saraakiisha qaar sheegeen inuu ku bilowday wixii ka dambeeyay weerarkii Al-Shabab ku qaadeen xerada Ceel Cadde ee G/Gedo horaantii sanadkaan oo lagu laayay askar badan oo Kenyan ah.

Taliska ciidamada Kenya oo uu wargeysku sheegay inay la xariireen kama ayaan jawaabin wicitaanka sida wargeysku yiri.

Marka loo eego sharciga Kenya saraakiisha Militrygu shaqada kama tagi karaan illaa ay ciidamada u shaqeeyaan muddo 10 sanno ah waxaase ay shaqada ku waayi karaan go’aan maxkamadeed.

WARARKA MAANTA LUULYO 29, 2016
The Question or Today: Is Somalia's failed Damu-Jadid Linked President H.E. Hassan Sheikh Mohamud wants tenure extension after 4 years of political failures in #Somalia? Well, 98.3% Somalis wants Somalia's failed Damu-Jadid Linked President H.E. Hassan Sheikh Mohamud to step down urgently and leave Somalia in peace before he starts new tribal in-fighting tactics in order to run for re-election in 2016 as to drag on Somalia into more chaotic and anarchic crisis. Somalia's failed Damu-Jadid Linked President H.E. Hassan Sheikh Mohamud stole public funds, sold public properties for political gains and he is trying to deny the representation rights of Banadir Region in the forthcoming Lower and Upper Houses in the Republlic of Somalia.
Khaatumo Luulyo 29, 2016 Maamulka Khaatumo ayaa si kulul uga hadlay colaada u dhaxeeysa maamulada Puntland iyo Somaliland ee ka taagan deegaanada iyo iyo degmooyinka ka tirsan gobolada Sool iyo Sanaag. asiirka wasaarada warfaafinta maamulka Khaatuma oo la hadlay warbaahinta  ayaa sheegay in maamulada Puntland iyo sidoo kale Somaliland ay kusoo xad gudbeen dhulka Maamulka Khaatuma ayna bilaabeen in ay ku dul dagaalamaan shacabka kunool gobolada Sool iyo Sanaag.
Puntland Luulyo 29, 2016
Shirka golaha wasiirada ee Puntland-Soomaaliya oo uu shir gudoominayey madaxweyne ku xigeenka Injineer Cabdixakiin Xaaji Cumar Camey ayaa waxaa looga hadlay arrimo ay ka mid yihiin xaaladda amniga, dib u eegista qorshaha hormarineed ee Puntland, wax ka bedel lagu sameeyey xeerka doorashooyinka deegaanada Puntland, sharciga ururada xisbiyada, xuska kowda Agoosto ee asaaskii Puntland iyo soo dhaweynta xulka kubadda cagta Puntland.

Xaaladda amniga Puntland.

Golaha xukuumadda Puntland ayaa ku dheeraaday ka hortaga waxyeelada Al-shabaab oo doonaysa in ay qal-qal geliso xasiloonida iyo amniga ka jirta Puntland iyo daan-daasiga maamulka Somaliland uu ka wado gobolada Sool iyo sanaag.

Sidoo kale goluhu waxa uu cadeeyey in aysan Puntland marnaba u dul qaadan doonin daan-dansiga iyo khal-khal gelinta uu maamulka Somalilan ka wado deegaanada Puntland, iyadoo Puntland aysan ogolaan doonin in mamaulka Somalilan uu tiro koob ka sameeyo gobolada sool iyo Sanaag isla markaana wixii ka yimaada ay mas’uuliyadeeda qaadi doonto maamulka Somaliland.

Dib u eegista qorshaha hormarineed ee Puntland.

Golaha xukuumadda Puntland waxa ay sheegeen in qorshaha hormarineed lagu sameenayo dib u eegis si loo ogaado in uu socdo, isla markaana u socdo sidii loogu tala galay, waxay cadeenaysaa Puntland in qorshaha looga dhawaaqay magaalada Muqdisho uu noqdo mid waafaqsan hannaanka federaalka, haddii taasi suura gelin uu noqonayo mid Puntland qayb k ahayn.

Wax ka bedela lagu sameeyey xeerka doorashooyinka golayaasha deegaanka ee Puntland iyo sharciga ururada xisbiyada Puntland.

Golaha xukuumadda Puntland ayaa ka dooday sidii wax ka bedel loogu sameyn lahaa xeerka doorashooyinka deeganaada Puntland iyo sharciga ururada xisbiyada siyaasadda dalka oo horey golayaasha u meel mariyeen maadaama ay jirto baahi loo qabo dib u eegis shuruucda doorashoyinka dalka. si dalk ugu dhaqaaqo hannaanka xisbiyada badan oo ka mid ahayd balan qaadkii madaxweynaha Puntland.

Xuska kowda Agoosto.

Golaha xukuumadda Puntland ayaa caddeeyey in ay Puntland si weyn ugu diyaar garoobeen xuska 18- guuradii ka soo wareegatay markii la dhisay Puntland.

Xuska kowda Agoosto ayaa ah maalin ku weyn shacabka Puntland, loona baahan yahay in shacabka si weyn uga qeyb qaataan.

Soo dhaweynta xulka kubadda cagta Puntland.

Golaha xukuumadda Puntland ayaa sheegay in si weyn loo soo dhaweenayo xulka kubadda cagta Puntland oo 26-kii bishan luulyo ku guuleystay goobkii maamulada dalka, madaxweynaha ayaa magacaabay guddi heer wasiiro ah oo qaabilsan soo dhaweynta, abaal marinta iyo dejinta xulka kubadda cagta Puntland.

Ugu dambeyn Golaha wasiirada Puntland ayaa warbixin ka dhegeystay wasaaradda caafimaadka oo shaqo ka soo qabatay degmooyinta Jariiban, godob-jiiraan iyo Eyl.

South Africa Luulyo 29, 2016 Dukaamo ganacsi oo ay la haayeen muwaadiniin Soomaali ah ayaa lagu gubay dalka South Africa, kuwa Kalena waa lagu boobay xilli la isku diyaarinayo doorashada dowladaha hoose ee dalka South Africa.

Xilli todobaad kaliya ay ka harsan tahay doorashooyinka dowladaha hoose ee dalka Koofur Afrika ayaa magaalooyinka iyo gobolada kala duwan ee dalkaan South Africa waxaa ka dhacaya dambiyo kala duwan oo lala xariirinayo arimaha doorashooyinka ee diyaar garowka loogu jira.

Falalka laamaha amniga laga diiwaan galiyay waxaa ay isugu jiraan dilal,dhac ,iyo waliba rabshado lagu boobayo goobaha ganacsiga ee dadka ajaanibta ah iyo kuwa South Africaanka ah.

Gedo Luulyo 29, 2016 Axmed Cabdulle Canjeex Guddoomiyaha Gobolka Gedo, ayaa Wasiiro ka tirsan Maamul Goboleedka Jubaland waxuu ku eedeeyay in ay musuq maasuqeen Raashiin loogu talagalay Shacabka ku dhaqan Gobolka Gedo ee Galbeedka Dalka Soomaaliya.

Guddoomiye Canjeex waxuu sheegay in Raashiinkaasi si suuq madoow ah loogu kala iibsanayo Magaalada Kismaayo ee Xarunta Gobolka Jubada Hoose.

Waxuu tilmaamay in Wasiirka Arimaha Gudaha iyo Mas’uuliyiin kale loogu soo dhiibay Raashiinkaasi Maamulka Gedo balse ay suuq madoow ku iibsadeen, sida uu hadalka u dhigay Guddoomiyaha Gobolka Gedo.

Ugu dambeyn, Shacabka ku dhaqan Gobolada qaar ee Dalka Soomaaliya ayaa maalmahan dambe waxaa ka soo yeereysay qeylo dhaan ama cabasho ku aadan in aan la siin raashiin gargaar oo loogu talagalay iyadoona xusid mudan in Raashiinkaasi musuq muusuqa lagu sameeyo lagu eedeeyo Mas’uuliyiinta Maamulada ka jira Goboladaasi.

Muqdisho Luulyo 29, 2016 Madaxweynaha Dowladda Federaalka Soomaaliya Mudane Xasan Sheekh Maxamuud ayaa sheegay in Dowladda Soomaaliya ay Wax badan ka qabatay Amniga iyo Dhanka Arrimaha Bulshada balse aysan ku guuleysan in ay Hagaajiso Dhanka Siyaasadda.

Madaxweyne Xasan Sheekh ayaa Xusay in Caqabadda Koowaad ee Soomaaliya hortaala ay tahay Siyaasadda islamarkaana loo baahan yahay in la hormariyo Siyaasadda si waxa dhiman looga Guul gaaro.

“Soomaaliya waxa halkaan dhigay waa Siyaasad Xumo oo waxaa nagala rabaa in aan anagu Hagaajino Siyaasadeena oo aan la imaano qodobo Cad cad,cid noo Hagaajineysa ma leh “ayuu yiri Madaxweyne Xasan Sheekh Maxamuud.

001 002

Wararka Maanta Luulyo 28, 2016 
Khaatumo State Luulyo 28, 2016
Maamulka Khaatumo ayaa si kulul uga hadlay colaada u dhaxeeysa maamulada Puntland iyo Somaliland ee ka taagan deegaanada iyo iyo degmooyinka ka tirsan gobolada Sool iyo Sanaag.

Wasiirka wasaarada warfaafinta maamulka Khaatuma oo la hadlay Warbaahinta  ayaa sheegay in maamulada Puntland iyo sidoo kale Somaliland ay kusoo xad gudbeen dhulka Maamulka Khaatuma ayna bilaabeen in ay ku dul dagaalamaan shacabka kunool gobolada Sool iyo Sanaag.

Axmed Xaaji Wasiirka Warfaafinta maamulka Khaatumo ayaa sheegay in maamulada Puntland iyo Somaliland looga baahanyahay in ay iska ka baxaan dhulka hoos yimaada deegaanka maamulka Khaatumo , hadii kale maamulka Khaatuma uu qaadi doono tilaabo ku haboon.

Maalmihii la soo dhaafay ayaa xiisad colaadeed oo u dhaxeeysa maamulada Puntland iyo Somaaliland , waxa ay ka taagneyd deegaano iyo degmooyin ka tirsan gobolada Sool iyo Sanaag.

Muqdisho Luulyo 28, 2016 R/wasaaraha Dalka Mudane Cumar C/rashiid Cali Sharma’arke ayaa waxa uu sheegay inay ku dhegi doonaan Gudoomiyaha Baarlamaanka Soomaaliya Maxamed Cusmaan Jawaari oo hadda Safar dibada ah ugu maqan Dalka Canada.

Cumar C/rashiid oo ka hadlay Kulan ka dhacay Muqdisho ayaa sheegay inay Baarlamaanka ku cadaadin doonaan sidii loo meel marin lahaa hindise sharciyeedka Doorashada.

R/wasaare Sharma’arke ayaa sheegay in qaabka Hindise Sharciyeedka ay uga doodaan Baarlamaanka iyo Aqrinta uu maro ay tahay mid waqti badan qaadata ayuu hadana ka hadlay sida ay lagama maarmaanka utahay Arinta meel marinta Sharciga Doorashooyinka waqtiga harsan inta laga gaari karo.

Doorashada bilo kadib ka dhici doonta Soomaaliya ayaalagu Saleeyey Nidaamka Afar beel iyo bar islamarkaana Sanadka 2020 doorashada dhici doonta la odorasayo inay noqoto mid ah qof iyo Cod.

Muqdisho Luulyo 28, 2016 Warar lagu kalsoon yahay oo aan ka helnay xubno ku dhow dhow wakiilada Beesha Caalamka ka jooga Somalia, ayaa sheegaya in Warqado sir ah oo laga qaaday Villa Somalia la gaarsiiyay Danjiraha QM u fadhiya Somalia Michel Keating.

Warqadahaani sirta ah ayaa la sheegay inay yihiin kuwo lagu diyaariyay qorshaha lagu dib dhigaayo doorashada Somalia, sida aan xogta ku helnay.

Warqadahaani ayaa la sheegayaa in laga sameeyay Copy isla markaana nuqulo kamid ah la geeyay Xafiiska Mr Keating si Madaxtooyada Somalia loogu marqaati furo qorshaha cusub oo ay ku dooneyso in doorashada lagu gaarsiiyo bilaha ugu danbeeya ee sanadkaani.

Ilo wareedka aan xogtaani la wadaagnay ayaa sheegaya in warqadahaasi ay yihiin kuwo aan khuseyn Hoggaamiyayaasha maamulada dalka, balse ay yihiin kuwo u gaar ah Madaxweynaha dalka Xassan Sheekh Maxamuud iyo Ra’isul wasaaraha, waxa ayna xogtu intaa kusii dareysaa in xogtaani aysan dhaafsiisneyn ilaa lix mas’uul oo ay ku jiraan Xassan iyo Sharmaarke.

Madaxweynaha dalka Xassan Sheekh Maxamuud ayaa xoogiisa isugu geeyay sida uu ku hergalin lahaa wakhti kororsi, waxa uuna arrintaani la kaashanayaa keliya xubno isaga ku dhow dhow si qorshihiisa uu u hirgaliyo.

Beesha Caalamka ayaa iyana kasoo horjeeda in dib u dhac lagu sameeyo xiliga lagu ballamay in la qabto doorashada dalka.

Geesta kale, waxaa adag in wax laga ogaado talaabada ay qaadi doonaan dowladaha fangareeya Siyaasada DFS, waxaana suuragal ah in qorshaha Xassan Sheekh uu fashilmo.

Muqdisho Luulyo 28, 2016 Xog ay heshay Warbaahinta ayaa sheegeysa in duqii hore iyo Guddoomiyihii Gobolka Banaadir Xasan Maxamed Xuseen (Muungaab)

la filayo in xil wasiiru dowle loo magacaabo dhowaan.

Qorshahan ayaa waxaa wada madaxweyne Xasan Sheekh, waxayna wararku sheegayaan in Generaal Muungaab uu heysto balanqaad markii ay arrintaasi ka wadahadaleen labada dhinac, rajadiisuna tahay in loo magacaabo Wasiiru dowlaha Wasaaradda Cadaaladda ee xukuumadda Soomaaliya.

Xasan Muungaab oo la sheego inuu hanti badan ka urursaday intii hayay xilka guddoomiyaha Gobolka Banaadir ayaa u sharxan xildhibaan iyo jagada madaxweynaha, taasoo u muuqata inuu Xasan Sheekh doonayo inuu ka hor tago.

Xasan Maxamed Xuseen Muungaab ayaa isaguna rajo ka qaba in xilkan cusub u saamaxayo inuu ka mid noqdo Golaha Wasiirada, halkaasoo uu ku dhex wadan karo ololihiisa musharaxnimo ee labada jago.

Muqdisho Luulyo 28, 2016 Magaalada Muqdisho ayaa waxa weli ka jira dhibaatooyin lagu qabo dadka isku heysta Dhulka iyadoona Maamulada halkaasi ka jira ay qaarkood ku lug yeeshaan.

Maxkamadaha Dawlada Soomaaliya waxa ugu badan ee dadka loo garsooro ayaa noqotay 8-deedii sano ee udambeysay dacwadaha dhulka kuwa isku heysta.

Gudoomiyaha Maamulka  Gobolka Banaadir ahna Duqa Magaalada Muqdisho Yuusuf Xuseen Jimcaale ayaa warbaahinta mar uu la hadlay waxa uu sheegay inay caqabad ka heysto kala xukminta dacwadaha dhulka.

Yuusuf Jimcaale ayaa sheegay inay jirto dhibaato weyn oo mar kasta soo food saarto Hogaanada loo magacaabo Maamulka Gobolka Banaadir isagoo dadka qaar sheegay inta ay sharci ku iibsadaan Dhulkooda hadana ay si kale dacwo ahaan ufurtaan iyagoo lacag hore looga iibsaday dhulkooda.

Shabeele Hoose Luulyo 28, 2016 Wararka ka imaanaya Gobolka Shabellaha Hoose ayaa waxaa ay sheegayaan in ururka Al-Shabaab ay weerar ka qaadeen Saldhig weyn oo ku yaala Deegaanka NO 60 oo fadhisin u ah Ciidamada AMISOM & Kuwa mareykan ah.

Al-Shabaab waxaa ay war baahintooda ku sheegeen in ay Madaafiic ku garaaceen kadibna Dagaal yahanadooda ay weerar qorsheysan ku qaadeen halkaasi iyagoo sheegay in ay guul ka gaareen.

Maamulka Gobolka iyo Saraakiisha Labada dhinac ee AMISOM iyo Kuwa Dowladda Federalku weli kama hadlin weerarkan Shabaabsheegeen in ay ku qaadeen Deegaanka Number 60 ee Gobolka Shabellaha Hoose.

Muqdisho Luulyo 28, 2016 Ra’iisul Wasaaraha Xukumadda Soomaaliya Cumar C/rashiid Cali Sharmaake oo Shalay ka qeyb galay Munaasabad lagu Maamuusayay Sanad Guuradii Koowaad ee ka soo Wareegatay markii la sameeyay Guddiga Doorashooyinka Soomaaliya ayaa sheegay in Guddoomiyaha Baarlamaanka Soomaaliya Prof. Maxamed Sheekh Cismaan Jawaari uu kala hadlayo in Baarlamaanka uu meelmariyo Sharciga Doorashooyinka Dalka.

R/wasaare Sharmaake ayaa Xusay in inta uusan dhamaan Kalfadhiga Siddeedaad Ee Baarlamaanka Soomaaliya ay Xukumaddu dooneyso in la meelmariyo Heshiiska Doorashooyinka Dalka si Doorasho Xalaal ah ay Dalka uga dhacdo.

Madaxweynaha Soomaaliya ayaa Xeer uu soo saaray 22-kii Bishii May ee Sanadkaan waxaa uu Baarlamaanka Soomaaliya ka Wareejiyay Go’aan ka gaaridda Doorashooyinka Dalka,iyadoo uu u wareejiyay Madasha Wada-tashiga Qaran in ay Go’aanka Doorashada gaarayaan.

Waxii Xilligaas ka dambeeyay Baarlamaanka Soomaaliya ma yeelan wax kulan ah oo,Maadaama uu Baarlamaanku ku doodayo in Sharciyaddoodii aan la tixgalin.

Smaliland & Puntland  Luulyo 28, 2016 Wasiirka Wasaaradda Warfaafinta Maamulka Somaliland Saxardiid Caddaani oo la hadlay Idaacadda VOA ayaa sheegay in Maamulka Somaliland uu Heshiis la gaaray Odayaal ka soo jeeda Degaanada Puntland islamarkaana wada-hadaladu ay ka dhaceen Qeybo ka mid ah Gobolka Sanaag.

Wasiir Saxardiid ayaa intaa ku daray in Odayaasha ay la kulmeen iyo Mas’uuliyiinta Somaliland intuba ay isla qaateen in laga wada shaqeeyo Nabad Galyada Gobolka islamarkaana la ilaaliyo Daris wanaaga iyo wada noolaanshaha.

Dhanka kale waxaa Warkaasi been abuur ku tilmaamay Wasiirka wasaaradda warfaafinta Puntland  Maxamuud Xasan Soocadde oo sheegay in aysan jirin wax wada hadallo ah oo ka dhacay Gobolka Sanaag oo ay Og tahay Puntland.

USA Luulyo 28, 2016 Obama ayaa ugu horreyn tageero aan la soo koobi karin waxa uu u muujiyay haweeneyda u sharaxan xilka madaxweynaha Mareykanka ee xisbigiisa Dimuquraaddiga  Hillary Clinton taas oo uu ku sheegay mid aan la heli karin cid la mid ah.

Madaxweynaha Mareykanka Barack Obama ayaa sharaxay sababta uu u maleynayo in Hillary Clinton ay mudan tahay inay xafiiska kala wareegto bisha January, isaga oo sheegay inuusan jirin nin ama haweeney uga diyaarsan Hillary xilka madaxtinimada.

“Sanadkan waxaan idin weydiisanayaa inaad igula soo biirtaan inaan iska diidno cabsi gelinta, oo aan doorano waxa noo wanaagsan oo ah in Hillary ay noqoto madaxweynaha xiga ee Mareykanka” ayuu yiri Obama.

Waxa uu sheegay in Hillary ay haysato khibrad ku filan inay dalka ku hogaamiso, si ka duwan musharaxa xisbiga Jamhuuriga Donald Trump.

be be1 be2

Wararka Maanta Luulyo 27, 2016

Maamulka Soomaaliland Iyo Maamulka Puntland  Luulyo 27, 2016 Xiisad u dhexeysa maamulada Puntland iyo Soomaaliland ayaa ka taagan deegaano iyo degmooyin ka tirsan gobolka Sool.

Wararka ayaa sheegaya in ay ciidamada maamulka Puntland ay gaareen meel ku dhow magaalada Laascaanood ee xarunta gobolka Sool.

Dad goobjoogaal ah ayaa Warbaahinta  u sheegeen in ciidamo farabadan oo ka tirsan maamulka Somaliland ay ka soo baxeen magaalada Burco ee xarunta gobolka Togdheer, kuwaa soo la sheegay in ay soo gaareen magaalada Laascanood , si ay iska difaacaan ciidamada Puntland oo ku soo dhawaaday magaalada Laascaanood.

Dadka kunool deegaanada gobolka Sool qaarkood ayaa ka cabsi qaba in maamulada Puntland iyo Somaliland ay ku dul dagaalamaan, waxayna bilaabeen deegaanada qaar in ay ka barakacaan sida Xudun oo kale.

Ciidamada Maamulka Puntland ayaa sheegay in ay joogaan deegaanka Xudun oo ka tirsan gobolka Sool.

Dhawaan ayaa ciidamada Maamulada Puntland iyo Somaliland dagaal khasaare geystay ku dhex maray deegaano ku yaala bari gobolka Sanaag.

Gudoomiyaha Gobolka Banaadir Sheekh Yuusuf Xuseen Jimcaale oo wareysi Gaar ah siiyay Warbaahinta  ayaa waxa uu ka hadlay Tartankii Maamul Goboleedyada dalka ee shalay lagu soo gaba gabeeyay magaalada Muqdisho.

Muqdisho Luulyo 27, 2016 Taliska Booliska dowladda Soomaaliya ayaa sheegay in ay sare u qaadeen xiriirka ay la leeyihiin Dowladaha caalamka si loo tayeeyo Booliska Soomaaliya.

Taliyaha Ciidanka Booliska Soomaaliyeed oo ka hadlayay soo gabashada Booliska Soomaaliyeed ayaa sheegay in uu xiriir wanaagsan kala dhaxeeyo dowladdaha taageera ciidanka Booliska Soomaaliyeed.

Maxamed Sheekh Xasan Xaamud ayaa sheegay in tababaro ay siiyeen saraakiil ka tirsan ciidanka Booliska in ay ka caawiyeen dowladdaha taageera ciidanka Booliska.

Waxa uu sheegay in ay muhiim tahay dhismaha ciidanka Booliska Soomaaliya , si loo adkeeyo amniga guud ee dalka.

Muqdisho Luulyo 27, 2016 .Ra’iisul Wasaare ku xigeenka Xukuumadda F. Soomaaliya Mudane Maxamed Cumar Carteh, ayaa ka tacsiyeeyey dadkii ay wax yeeladu ka soo gaartay Qaraxii ka dhacay irida hore ee Madina Gate ee Garoonka Diyaaradaha Muqdisho, Waxana uu tacsi u direy ehellada dadkii ku dhintay Qaraxa, gaar ahaan Shacabka Soomaaliyeed iyo Ciidamadda AMISOM

Ra’iisul Wasaare ku-xigeenka ayaa ku tilmaamay weerarkaas mid ka baxsan dhaqanka Islaamka isla markaana ay nabad-diidku ku doonayeen in lagu carqadaladeeyo hannaanka dawlad dhisidda Soomaaliya, waxana uu R/wasaare ku xigeenku tacsi u direy ehellada dadkii ku dhintay weerarka, isagoo alle uga baryay inta dhaawaca ahna in uu caafimaad deg deg ah siiyo.

“Falkaas Argagixiso ee waxashnimada ah waxaa loogu talagalay in lagu cabsi galiyo shacabka Soomaaliyeed, ee adeeg sada garoonka Aaden Cadde iyo walaalaheena Nabad ilaaliyaasha ah ee AMISOM, waxaana ka xumahay oo xanuunka an la dareemayaa intii ku dhimatay iyo intii ku dhaawacantayba”ayuu yiri R/Wasaare ku xigeenka.

Dhanka kale, Ra’iisul Wasaare ku xigeenka dalka Mudane Carteh ayaa kormeer ku tagey Garoonka diyaaradaha Muqdisho oo weerarka lala damacsanaa.

----DHAMMAAD----

Muqdisho Luulyo 27, 2016  Maamul goboleedka Puntland ayaa ku guuleysatay Koobka maamul goboleedyada dalka ka jira, taasi oo ka dhigeysa maamul goboledkii ugu horeysay ee ku guuleysta koobka maamul goboleedka dalka.

Ciyaarta ayaa waxaa ay 90-kii daqiiqo ugu horeysay waxaa ay ku dhamaatay 1-1 oo ay ku kala baxeen ciyaartoyda Jubbaland iyo Puntland.

Ciyaarta waxaa lagu daray 30 daqiiqo, 15-kii daqiiqo ugu horeesay waxaa ay ciyaarta ku dhamaatay barbar dhac halka 15-kii kale aaney waxba iska badalin oo 120 daqiiqo waxaa ay ku dhamaatay 1-1.

Ugu dambeyntii ciyaarta waxaa la isla aaday gool-Laad ama Rigore, 5-4 waxaa u badisay maamul goboleedka Puntland oo ku fiicnaa dhanka gool-laadka.

Madaxweynaha Soomaaliya Xasan Sheekh, Ra’isul wasaare Cumar Cabdirashid, wasiirka arrimaha gudaha Cabdiraxmaan Odowaa, wasiirka dhalinyarada Maxamed Cabdulahi Nuux, safiirka Turkiga iyo madax kale ayaa ka qeyb gashay ciyaarta final ah oo dhex martay Jubbaland iyo Puntland.

Muqdisho Luulyo 27, 2016 Idaacadda Andalus ee ku hadasha afka Al-shabaab ayaa Xalay baahisay codadka raggii fuliyay weerarkii Shalay ka dhacay xerada Xalane ee Magaalada Muqdisho.

Saalax Badbaado oo horey uga tirsanaan jiray barlamaankii kumeel gaarka ahaa ee xilligii dowladdii Sheikh Shariif ayey sheegeen Shabaab inuu Fuliyay mid kamida weeraraadaas oo ay Alshabaab ugu yeeraan camaliyaatkii laguna beegsaday saldhigga Ciidanka AMISOM ee Magaalada Muqdisho.

Wareysi dheer oo lagasii duubay  ka hor intii uusan fulin weerarka Saalax Badbaado oo lagasii daayay Idaacadda Andalus ayuu dardaaran ugu diray umadda Soomaaliyeed iyo Al-shabaab

Saalax Badbaado ayaa sidoo kale Fariin gaar ah u diray shacabka Soomaaliyeed ee ku dhaqan deegaanada Waqooyi Galbeed Soomaaliya ee Somaliland loo yaqaan.

Muqdisho Luulyo 27, 2016 Al-shabaab ayaa Xalay Madaafiic ku Garaacay Saldhiga Ciidamada Midawga Afrika ee AMISOM ay ku leeyihiin Degaanka Ceelsha Biyaha Ee Duleedka Magaalada Muqdisho.

Goobjoogeyaal ayaa sheegay in ilaa Dhowr Madfac lagu tuuray Xerada Ciidamada AMISOM ee Degaanka Ceelsha Biya,waxaana sidoo kale jirtay in Ciidanka AMISOM ay Madaafiic uga Jawaabeen Duqeynta lagu soo qaaday.

Khasaaraha ka dhashay Madaafiicda illaa hadda lama Oga,iyadoo sidoo kale aysan jirin wax war ah oo ka soo baxay Ciidanka AMISOM iyo Shabaab midna.

Muqdisho Luulyo 27, 2016 Gudoomiyaha gobolka Banaadir ayaa sheegay in si wanaagsan uu ku soo dhamaaday Tartankii Maamul Goboleedyada dalka, sidoo kalena waxa uu sheegay in Tartamada nuucaan oo kale ah maamulka gobolka Banadir hada kadib uu marti gelin doono.

Waxa uu sheegay Tartankii Maamul Goboleedyada dalka ee lagu soo gaba gabeeyay Garoonka Banaadir Stadium in uu ahaa fariin nabadeed taas oo muujineysa hormarka uu ku socda dalka.

Shalay ayay aheyd markii Madaxweynaha Soomaaliya Xasan Sheekh Maxamuud uu koob gudoonsiiyay kooxda Puntland kadib markii ay ku guuleysatay Tartankii maamul goboleedyada dalka, waxaana Rigooreyaal 5 iyo 3 ah ay kaga adkaatay kooxda Jubbaland.

Muqdisho Luulyo 27, 2016 Taliyihii hore ee Hay’adda Nabad Sugidda iyo Sirdoonka Qaranka Soomaaliya  Ee Gobolka Banaadir Gaashaanle Maxamed Aadan Jimcaale Koofi ayaa loo Magacaabay Taliyaha Cusub Ee Hay’adda Socdaalka iyo Jinsiyadaha Soomaaliya.

Gaashaanle Koofi ayaa badalay Taliyihii hore ee Hay’adda Socdaalka iyo Jinsiyadaha Gen. C/llaahi Gaafoow Maxamuud oo si rasmi ah loogu Magacaabay Taliyaha Hay’adda NISA.

Gaashaanle Maxamed Aadan Jimcaale Koofi ayaa si weyn looga yaqaanaa Magaalada Muqdisho,iyadoo lagu Xasuusto Shaqooyinkii uu ka qabtay Gobolka Banaadir markii uu ahaa Taliyaha NISA ee Gobolka Banaadir.

Muqdisho Luulyo 27, 2016 Ciidamada Hay’adda Sirdoonka iyo Nabad sugidda Soomaaliya ayaa xalay Howlgal ka sameeyay Suuqa Bakaaraha, halkaas oo ay ka soo qabteen Gaari Walxaha Qarxa iyo Hub ay saaranyihiin.

Gaariga iyo Hubka ayaa laga soo qabtay Hotel lagu Magacaabo Al-Cimraan oo ku yaalla Suuqa Bakaaraha ee magaalada Muqdisho.

Afhayeenka Wasaarada Amniga C/kaamil Macalin Shukri oo Warbaahinta  la hadlay ayaa sheegay in sidoo kale la soo qab qabtay dadkii lahaa Gaariga iyo kuwo kale oo la tuhumay.

Hay’adda NISA ayaa sheegtay in ay heleen xogta ku saabsan Hubka iyo Gaariga walxaha qarxa ay saaranyihiin kadibna baaris ay halkaasi ka sameeyeen, gacantana lagu soo dhigay.

Wararka Maanta Luulyo 26, 2016

Muqdisho Luulyo 26, 2016 Al-shabaab oo Shegtey Wararkii Qaraxyada loo adeegsadey ee ka Dhacay Meel ku Dhow Garoonka Diyaaradaha Muqdisho(Sawirro)

Inta la xaqiijiyay 14-ruux ayaa ku dhimatay oo isugu jira Ciidamo ka Tirsan Qaramada Midoobbe, kuwa Hay’adda Nabad Sugida iyo Sirdoonka qaranka Soomaliya iyo dad shacab ahaa kadib markii labo qarax oo gaari loo adeegsaday ay ka dhaceen meel ku dhaw Garoonka Diyaaradaha ee Magaalada Muqdisho.

Qarax Hore oo loo adeegsaday gaari waxyaabaha Qarxa laga soo buuxiyay ayaa ka dhacay meel ku dhaw Irida Ciidamada Amisom ee Xalane, waxay waxyeelo kasoo gaartay Ciidamada ka Tirsan kuwa Amisom iyo kuwa Qaramada Midoobe oo goobta ku sugnaa.

Sidoo kale Qaraxa isagana ka dhacay Koontaroolka ciidamada Nabad Suggida ee Isgoyska Danwadaagta oo aanan wax badan ka Fogeyn Garoonka, ayaa la sheegay in loo adeegsaday gaari yar oo nooca raaxada ah.

Mas’uuliyadda qaraxyada ka dhacay meel ku Dhow Garoonka Diyaaradaha Magaalada Muqdisho waxaa sheegtay Xarakada Al-shabaab.

Sida uu baahiyay Telefeshinka Al Jazeera ee Afka carabiga ku hadla in Xarakada Al Shabaab ay sheegatay Mas’uuliyadda labada qarax ee lagu weeraray Xerada Xalane.

Dhanka kale Ilaa hada ma jiro wax war ah oo kasoo baxay dhanka Hay’adaha amniga oo loogu hadlaayo qaraxyada ka dhacay meel ku Dhow Garoonka Diyaaradaha Magaalada Muqdisho.

Afhayeenka Maamulka gobolka Banaadir oo ka hadlay Qaraxyadii ka dhacay Muqdisho

  Muqdisho Luulyo 26, 2016 Sida uu sheegay Afhayeenku waxaa ku geriyoodey Ugu yaraan 13-ruux oo dad shacab ah iyo Askar ayaa ku geeriyootay Labada qarax oo loo adeegsaday gawaari, kuwaas oo ka dhacay meel ku dhow Irida Ciidamada AMISOM ay ka galaan Garoonka Aadan Cadde ee Madina Gate.

Labada gaari ayaa la sheegay in ay ku qarxeen afaafta hore ee dhismo ay degan yihiin Hay’ado hoos yimaada Qaramada Midoobe.

Afhayeenka maamulka gobolka Banaadir ayaa sheegay in Qaraxyada la la doonaayay xarunta ciidanka AMISOM ee Xalane ,laakiin ciidanka dowladda Soomaaliya iyo kuwa AMISOM ay fashiliyeen.

Afhayeenka ayaa sheegay in 13 qof ay dhinteen 5 kalena uu dhaawac soo gaaray .

Ciidamo Soomaali ah oo Ilaalo u ahaa Xubno UN-ka ka tirsan iyo ciidamo ka tirsan Nabad Suggida iyo Dad shacab ah ayaa ku geeriyooday Qaraxaasi, kuwaasi oo ku dhintay Qaraxa ka dhacay Agagaarka Irida Ciidamada AMISOM ay ka galaan Garoonka ee Madiina Gate.

Su'aasha Maanta: Ceenta maanta Ummadda Soomaaliyeed haysta waxaa u keenaya madaxda dalka kuwaasoo haatana u wada sharaxan jaggooyinkii ay muddo 4 sanno waxba ugu qaban waayeen Ummadda Soomaaliyeed, marka xaggee lagu arkay Madaxweyne, Ra'iisal Wasaare Iyo Guddoomiye Golaha Shacabka oo u wada sharaxan jaggooyin mise Damu-Jadiid ayey umalaynayaan inay mar kale shacabka Soomaaliyeed ku khaldi doonaan/

Khaatumo State Luulyo 26, 2016 Madaxweynaha Dowlad Gobaleedka Khaatumo State Mudane Dr. Cali Khaliif Galeyr oo si cad uga hadlay beenta maamulka Somaliland  Madaxweynaha Dowladda Khaatumo oo dhulka lagooyey Madaxweynaha Soomaaliya Mudane Xassan Shiikh Maxamuud iyo Ururka Damu-Jadiid

Madaxwaynaha dawlada khaatumo prof. Cali Khaliif Galaydh ayaa Jeediyey Khudbad dhinacyo badan taabanaysa, Wuxuuna xooga ku saaray arimaha siyaasadda ee Soomaaliya iyo doorashooyinka sanadkan la qorshaynayo inay ka dhacaan Soomaaliya,

Wuxuuna eedayn usoo Jeediyey Madaxwaynaha Soomaaliya isagoo sheegay inuu deegaankii uu ku dhashay maamul u dhisi kari waayey.

 

 

Soomaaliya Luulyo 26, 2016 Soomaaliya ayaa haadaan iyo buur dheer inay kusii dhaceyso la odorasayaa hadii aan laga qaban xilligaan oo doorashada hogaaminta dalka ay waqtigeedu wax yar ka dhiman yihiin.

Dawlada Federaalka Soomaaliya ee waqtigeedu dhamaadka yahay waxa la sheeegay inay mar kale dooneyso si awood ku jirto xukunka ay uqabato taasi oo siyaasiyiintuna ay ka biyo diidsan yihiin badankood.

Axmed Macalin Fiqi oo aad udhaliilsan siyaasada afartii sano ee dalka soo hayey madaxweyne Xasan Sheekh Maxamuud ayaa Shacabka Soomaaliyeed ugu baaqay Mudaaharaad dalka lagu xoreenayo.

Waxa uu Siyaasiga Axmed Fiqi sheegay in Soomaalida looga baahan yahay Awoodii Shacabka Turkiga soo bandhigeen oo kale bartamihii Bishaan ay iyaguna lasoo baxaan si dalka qaab darada loo horseedayo looga leexiyo.

Siyaasiyiinta waxay sheegeen in seddexda Mas’uul ee hadda dalka ugu sareysa waa:

Madaxweyne Xasan Sheekh,R/wasaaraha Cumar C/rashiid Sharma’arke iyo Gudoomiyaha Baarlamaanka Maxamed Cusmaan Jawaari ay intuba yihiin murashaxiin xilka doonaya inay kusoo laabtaan.

South Sudan Luulyo 26, 2016 Hogaamiyaha mucaaradka dalka South Sudan, Riek Machar, oo horay u saxiixay heshiiskii nabadda ee uu la galay Madaxweyne Salva Kiir, ayaa xilkii uu hayay ee ahaa madaxweyne kuxigeenka koobaad laga qaaday oo lagu badalay siyaasi kale, kaddib markii uu kala jabay xisbigiisa.

Riek Machar, waxaa lagu badelay, Taban Deng Guy, oo ahaa madaxii wefdigii mucaaradka uga qayb galay wada xaajoodyadii nabadda, kaasi oo loo caleema saarayba inuu yahay gudoomiyaha xisbiga.

Riek Machar ayaa isaga baxay magaalada caasimadda ah ee Juba, kaddib dagaal culus oo dhexmaray ciidammadiisa iyo kuwa taageersan madaxweynaha.

Wuu diiday inuu ku soo noqdo caasimadda ilaa inta ciidan nabad ilaalineed oo dhexdhexaad ah oo nabadgalyadiisa damaanad qaada la keenayo magaalada.

Taageerayaashiisa ayaa tallaabada Machar lagu badelay ku tilmaamay mid “sharci-darra ah”, iyagoo sheegay in arrintaasi aanay go’aansan inta badan hoggaanka mucaaradka.

Laakiin baaqaasi ma hakinin in si rasmi ah xilkii madaxweyne xigeennimo loogaga qaado digreeto madaxweyne.

Haatan cabsida jirtaa waxa weeye in taageerayaasha Machar yiraahdaan heshiiskii nabadeed wuu burburay oo mar labaad dalku galo dagaal sokeeye, waa hadii aqlabiyadda mucaardku taageeraan magacaaabidda cusub, sidoo kalena waxa aan ilaa haatan caddayn labada nin ka daacadda loo yahay.

Shabeele Dhexe  Luulyo 26, 2016 Wafddi sare oo ka socda howlgalka Midowga Afrika ee AMISOM ayaa gaaray magaalada Jowhar ee xarunta Gobolka Sh/dhexe, iyagoo Muqdisho ka raacay dayuurad Helicopter ah.

1 2 3 4 5 6 7 8 9 10 11 12

Wakiilka Midowga Afrika u qaabilsan Soomaaliya danjire Francisco Madeira ayaa hogaaminaya wafdigan, waxaana ka mid ah Taliyaha cusub ee Ciidanka AMISOM Jen. Cismaan Nuur Subagle.

Ujeedada booqashada Wafddiga ayaa lagu sheegay in ciidanka Burundi ee jooga Sh/dhexe ka howlgala la baro Taliyaha cusub ee Ciidanka AMISOM Jen. Subagle.

Waxaa sidoo kale wafdigan la socday Taliye oo loo magacaabay ciidanka Burundi ee gobolka Sh/dhexe Ndiwayo Venaste.

Masuuliyiintan ayaa u kuurgalaya amniga Gobolka iyo kaalinta ciidamada Burundi, waxayna sidoo kale kormeerayaan Magaalooyinka Jowhar, Aadan Yabaal iyo Cadale.

Wafdiga waxay kulan la qaateen saraakiisha Ciidanka AMISOM ee Shabeellaha dhexe oo ay uga mahad celiyeen sida amaanka gobolka ay uga shaqeeyeen, waxayna kula dardaarmeen iney xoojiyaan nabada iyo la dagaalanka xoogaga Al-Shabaab.

Aw-Dheegle Luulyo 26, 2016 Ciidamada sida gaarka ah u tababaran ee kunadooska Somalia ayaa caawa la wareegay degmada Aw-dheegle iyo degaano kale oo ka tirsan gobolka Sh/hoose, kuwaasoo ay gacanta ku hayeen xoogaga Al-shabaab.

Weerarkan ayaa ciidamada kumandosku oo ka dhaqaaqay saldhiga Bali-doogle waxay ka bilaabeen galabta degaanka Bariire.

Taliyaha hogaaminaya ciidamada kumandoska ee fulinaya howlgalkan Xasan C/qaadir Abuukar ayaa sheegay in howlgalku uu bilowday galabta, ayna Al-shabaab kala wareegeen Degmada Aw-Dheegle, tuulooyinka Bariire, Mubaarak iyo deegaano kale.

“Galabta saacadu markii ay aheyd 4:00am ayuu howlgalku bilowday, waxaan la wareegnay Saldhigyo muhiim ah oo Maleeshiyada Al-shabaab lahaayeen, laga soo billaabo Bariire illaa Aw-dheegle, mana jirin wax iska caabin ah oo ciidamadu ay la kulmeen” ayuu yiri Xasan Cabdulqadir.

Mar la weydiiyey Taliyaha haddii uu jiro qasaare Ka dhashay howlgalka ayuu sheegay in haba yaraatee aanu jirin wax soo kala gaaray Ciidamada kumandoska iyo Al-shabaab, maadaama aysan jirin wax dagaal ah oo dhacay.

Waxaa uu intaa ku daray taliyuhu in degaanada ay la wareegeen ay Al-shabaab ka soo abaabuli jireen weerarada ay soo qaadaan, isagoo xusay in howlgalku uu weli socdo ayna ku wajahan yihiin degaano kale.

Ciidamada kumandoska dowlada Somalia oo ay tababareen saraakiil ka tirsan ciidamada Maraykanka ayaa horey degaanada Al-shabaab uga fuin jiray howlgalo gaar ah, waxaana howlgalkan uu noqonayaa kii ugu horeeyey ee si buuxda ay ula wareegaan degaano ay maamulayeen Al-shabaab.

Waxaa Maanta Garoonka Laqanyo ee Magaalada Baledweyne lagu Caleemasaaray Ugaas Xasan Ugaas Khaliif oo ah Ugaaskii Badalay Ugaas C/raxmaan Ugaas Khaliif horaantii Sanadkaan ku Geeriyooday Magaalada Baledweyene.

2-1 3-1 4-1 5 6 7 8-1 9 10 11-1 12-3 13 14 15 16 17 18 19 20 21 22-1 23 24 27 29 30 258

Wararka Maanta Luulyo 24, 2016

Beledweyne Luulyo 24, 2016 Siyaasiin iyo sidoo kale xildhibaano ayaa Maanta ku wahajan  magaalada Beledweyne ee xarunta gobolka Hiiraan.

Ujeedka ay ugu wajahan yihiin magaalada Beledweyne ayaa lagu sheegay in ay tahay caleema saarka Ugaas Xasan Ugaas Khaliif.

Xildhibaan Xasan Ibraahim oo ka mid ah xildhibaanada dowladda Soomaaliya oo la hadlay Warbaahinta  ayaa sheegay in ay maanta gaari doonaan magaalada Beledweyne si ay uga qeyb galaan caleema saarka Ugaas Xasan Ugaas Khaliif .

Waxaa uu sheegay in caleema saarka ay ka qeybgalayaan gudoomiye ku xigeenada baarlamaanka Soomaaliya, wasiiro ka tirsan dowladda Soomaaliya, iyo sidoo kale siyaasiin si weyn looga yaqaano dalka Mareykanka.

Muqdisho  Luulyo 24, 2016 Ra’iisul Wasaaraha Xukuumada Federaalka Soomaaliya Mudane Cumar Cabdirashiid Sharmarke ayaa tacsi tiiraanyo leh u diray qoyska, qaraabada iyo shacabka Soomaaliyeed, isaga oo uga tacsiyadeeyey geerida ku timid Janaraal Cabdiraxmaan Warsame Cilmi (Caare), oo maanta ku geeriyooday magaalada Muqdisho.

Janaraalka ayaa ka mid ahaa saraakiishii sar sare ee Xooga dalka, waxaana muddooyinkan uu ku xanuunsanayay magaalada Muqdisho.

“Janaraal Caare waxa uu ahaa shaqsi naftiisa, waqtigiisa iyo cilmigiisaba u huray sidii loo horumarin lahaa Ciidanka xooga dalka Soomaaliyeed, dib u dhisna loogu sameyn lahaa” ayuu yiri Ra’iisul Wasaare Cumar Cabdirashiid Sharmarke.

Ugu dambeyntiina, Ra’iisul Wasaaraha ayaa si gaar ah tacsi ugu diray qoyska marxuumka, isaga oo dhanka kale alle uga baryay marxuum Caarel inuu janadiisa geeyo.

Hargeisa  Luulyo 43, 2016 Maxkamadda Ciidamada Ee Maamulka Somaliland ayaa Maanta Dil Toogasho ah ku Xukuntay Siddeed Nin oo loo haysto Dilkii Allaha u naxariistee Taliyihii Qeybta Booliska Magaalada Berbera Gaashaanle C/risaaq Maxamuud Yuusuf.

Guddoomiyaha Maxkamadda Ciidamada Somaliland Yuusuf Faarax Sharmake ayaa Warbaahinta u sheegay in Maanta Dil Toogasho ah lagu Xukumay Siddeeda Nin  loo haysto Kiiska Dilkii Gaashaanle C/risaaq Maxamuud Taliyihii Booliska Magaalada Berbera islamarkaana ay Qirteen Dambiga sida uu yiri.

Guddoomiyaha Maxkamadda Ciidamada Somaliland ayaa sidoo kale sheegay in maanta Sidoo kale Siddeed nin oo kale lagu Xukumay Todoba Sano oo Xabsi Ciidan ah,kuwaas oo Sanadkaan Gudihiisa Weerar ku qaaday Tuulada Ceel-garde oo hoostagta Magaalada Berbera.

Dhanka kale Qareenada Difaacayay Raggaan Maanta Xukunka lagu riday ayaa sheegay in ay ka soo horjeedaan Xukunka islamarkaana Dadka la xukumay ay ku jiraan Dad rayid ah oo aysan Sharci aheyn in ay Xukunto Maxkamadda Ciidamada.

Muqdisho  Luulyo 24, 2016 Madaxweynaha Somalia Xassan Sheekh Maxamuud, ayaa la sheegay inuu is hortaag ku sameeyay goobjoogayaal caalami ah oo la doonaayay inay soo gaaran magaalada Muqdisho.

Goobjoogayaashaani oo ka kala socda ilaa seddex dal, ayaa waxaa loogu tallo galay inay si gaar ah ula socdaan doorashada dalka, gaar ahaan tan heerka madaxtinimo.

Goobjoogayaashaani oo ka koobnaa lix xubnood ayaa lagu soo wargaliyay madaxweyne Xassan iyaga oo jooga magaalada Nairobi ee xarunta dalka Kenya, waxa uuna amar ku baxshay inaanu dalka imaankarin ilaa laga gaaro wakhtiga ay dhaceyso doorashada.

Madaxweynaha waxa uu xubnahaasi ku wargaliyay inaan la joogin xiligooda, balse ay u furan tahay inay imaadan Somalia, maalmo un ka hor xiliga la qoondeeyay doorashada.

Xubnahaani oo ka socday dalalka Yurubta ayaa waxaa loo soo xilsaaray in si gaar ah ay ula socdaan doorashada Madaxweyninimo ee dalka.

Xubnahaani ayaa qeyb ka ah xubnaha ay Beesha Caalamka usoo xilsaarteen la socodka arrimaha doorashada Somalia, waxa uuna is hortaagooda imaanayaa iyadoo Madaxweyne Xassan Sheekh lagu xamanaayo inuu kasoo horjeedo doorasho ka dhacda Somalia.

Ma jirto wax jawaab ah oo kasoo baxay dhanka wakiilada Beesha Caalamka oo ku aadan is hortaaga uu ku kacay Xassan Sheekh.

Muqdisho  Luulyo 24, 2016 Maamulka gobolka Banaadir ayaa sheegay in ay tilaabo qaadi doonaan askarta wadooyinka Muqdisho  dhigta isbaarooyinka.

Afhayeenka Maamulka Gobolka Banaadir oo la hadlay Warbaahinta  ayaa sheegay in maamulada degmooyinka looga baahanyahay in ay wax ka qabtaan askarta dhigta isbaarooyinka wadooyinka Muqdisho.

Cabdifitaax Cumar Xalane ayaa sheegay in duqa Muqdisho uu amar ku bixiyay in xilka laga qaado gudoomiyihii isbaaro la dhigto degmada uu maamulaha ka yahay.

Askar badan oo ka tirsan ciidanka xoogga dalka Soomaaliyeed ayaa lagu eedeeyay in ay isbaaro dhigtaan wadooyinka Muqdisho.

Muqdisho  Luulyo 24, 2016 Madaxweynayaasha Dowladda Puntland & Jubbaland ayaa la xaqiijiyey in ay berri gaari doonaan magaalada Muqdisho ee caasumada Soomaaliya, si ay uga qeybgalaan Ciyaar xiiso badan oo dhexmari doonta Xulalka labada dhinac.

Xogtan oo goor dhaw soo gaartay PTIMES ayaa sheegaysa in ay labada Madaxweyne si wadajir ah u dalbadeen in dib loo dhigo ciyaartan oo xiiso badan, lagana dhigo Talaadada todobaadkan, sida aan ka soo xiganay Xariirka Kubbadda Cagta ee Soomaaliya.

Xariirka Kubadda Cagta ee Soomaaliyeed ayaa si rasmi ah u sheegay in dib loo-dhigey ciyaartan, oo laga dhigay Talaadada ka dib codsi ay ka heleen Madaxweynayaasha Jubbaland & Puntland oo codsaday in ay labada dhinac arki doonaan.

Ciyaar xiiso leh ayay noqon doontaa ciyaarta sida tooska ah looga soo tabin doono Garoonka Ciyaaraha ee KOONIS Muqdisho, oo ay Koobka isku haystaan Jubbaland & Puntland.

Kulankan oo ay ku ballansanaayeen Maamul gobolleedyada Jubalabnd iyo Puntland ayaa qorsheysnaaa in la ciyaari maalinta Isniinta 25 July, waxuuna xiriirka sheegay in la ciyaari doono talaadada oo ay taariikhda ku beegan tahay 26 July saacada kulanka la ciyaari doono 3:30 PM.

Wararka Maanta Luulyo 23, 2016
Yaaqshiid  Luulyo 23, 2016
Biyo la’aan ka taagan qeybo ka mid ah Degmada Yaaqshiid, kadib mrkii lashgy in lumeeyey celkii ay ....

Biyo la’aan xoogan ayaa Saaka la soo sheegayaa in ay ka jirto Xaafada Juungal ee Degmada Yaaqshiid ee Magaalada Muqdisho kadib markii la sumeeyay Ceel biyood inta badan ay Dadkaasi biyaha ka cabi jireen.

Dadka Degaanka qaarkood oo hadlay ayaa sheegay in Mas’uuliyiinta Ceelka Ramadaan Water Supply ay ku soo wargeliyeen in biyaha ceelka aysan isticmaalin maadaama ay sheegeen in uu jiro tuhuno ku aadan in biyaha la sumeeyay.

Maamulka Ceelka Ramadaan ayan a hadlin ,waxaana xusid mudan in ay socdaan baaritaano arintaasi ku aadan.

Horaanta Sanadii la soo dhaafay ayey aheyd markii in ka badan 20 Ruux ay dhinteen, tiro intaasi ka badanna ay mxunuunsaden kadib markii ay cabeen biyaha Ceelkaasi oo la sumeeyay.

Sanaag Luulyo 23, 2016 Xiisado dagaal oo wali ka taagan gobolka Sanaag iyo Taliyaha ciidamada Puntland Jeneraal Saciid Maxamed Xirsi (Siciid Dheere) oo k ahadlay

Taliyaha ciidamada Puntland Jeneraal Saciid Maxamed Xirsi “Siciid Dheere” ayaa la kulmay saraakiisha Ciidamada Puntland ee ku sugan gobolka Sanaag gaar ahaan goobihii ay ku dagaalameen Ciidamada Puntland iyo Somaliland.

Taliyaha ayaa sheegay in ciidamada Puntland ay inta badan gacanta ku hayaan goobihii lagu dagalamay isla markana aysan jirin wax dagaal ah oo ka taagan deegaanadaasi.

Waxa uu sheegay in ay wadaan howlgaladii ugu dambeeyay oo ay ku soo afjarayaan xiisadaha ka taagan gobolka sanaag.

Taliye Saciid dheere oo la hadlay Warbaahinta deegaanada Puntland ayaa ka warbixiyay qaabka ay ugu diyaar garooween howlgalada uu sheegay iney qaadayaan.

Shalay ayay ahayd markii Taliyaha ciidamada Puntland iyo saraakiil iyo ciidamo badan ay gaareen gobolka Sanaag gaar ahaan deegaanadii lagu dagaalamay.

Cadale Luulyo 23, 2016 Ku simaha Guddoomiyaha Degmada Cadale oo sheegay in Al-Shabaab ay Carabka ka jareen Gabar yar

Maamulka Degmada Cadale ee Gobolka Shabeellaha dhexe ayaa sheegay in Xarakada Al-shabaab ay dhibaatooyin ka wadaan Gobolka gaar ahaan Tuulooyinka hoos yimaada Cadale.

Ku simaha Guddoomiyaha Degmada Cadale Cali Cabdulle ayaa sheegay in Al-shabaab ay Gabar ka jareen Carrabka,sidoo kalena dab qabadsiiyeen tuulooyin badab oo ka tirsan Degmadaasi.

Ciidamada Dowladda ayaa Khamiistii isaga baxay degaanka Masaajid Cali Guduud,waxaana la wareegay Al-shabaab,waxaana kadib ay billaabeen sida uu sheegay in ay Tuulooyinka dab qabadsiiyaan.

Xarakada Al-shabaab ayuu ku eedeeyay in ay dadka ula dhaqmayaan sida in aysan degaanka wax ku lahayn oo kale oo ay dab qabadsiinayaan guryaha degaannadaasi.

Ciidamada Dowladda ayuu sheegay in aysan ka fogeyn cadale laakiin ay adag tahay in ay ka hortagaan Ciidamada Al-shaab ee dhaq dhaqaaqa xooggan ka wada Gobolka Shabeellaha dhexe.

Dolwadda Federaalka ayuu ka dalbaday in ay Ciidamo dheeraad ah u dirto Gobolka si ay wax uga qabtaan Al-shabaab oo uu sheegay in ay ku sii xoogeysanayaan degaannadaasi tuulooyinna gubayaan.

Kismaayo Luulyo 23, 2016 Madaxweynaha maamulka Jubbaland Axmed Maxamed Islaam Axmed Madoobe ayaa hambalyo u diray kooxda Jubbaland oo u soo gudubtay finaalka tartanka maamul goboleedyada dalka.

Madaxweynaha maamulka Jubbaland ayaa sheegay in uu ku faraxsanyahay in ay heerkaas ay soo gaarto kooxda jubbaland oo shalay guul ka gaartay kooxda Banaadir.

Madaxweynaha maamulka Jubbaland ayaa ugu baaqay kooxda Jubbaland in ay ilaaliyaan anshaxa ayna yareeyaan khaladaadka.

Ciyaar aheyd mid la isku daalay ayaa gaba gabadii waxa ay ku soo idlaatay Rigoorayaal 7 iyo 8 oo ay ku soo gudubtay kooxda Jubbaland.

Kismaayo Luulyo 23, 2016 Ciidanka amaanka dawlada goboleedka Jubbaland oo taageero ka helayo kuwa AMISOM ayaan  kala wareegay Al-Shabaab deegaanka Beer-Xaano oo u dhaw Magaalada Kismayo ee xarunta gobalka Jubbada hoose.

Bayaan ka soo baxay maamulka Jubbaland ayaa lagu sheegay in Beer-Xaano ay Al-Shabaab u ahayd meel ay ku kaydsadaan hubka, isla markaana u eheed gabaadna, balse kusoo dhacday Maanta gacanta ciidanka huwanta ah ee hawl-kaas fuliyey.

Qabashada deegaanka ka dib, saraakiisha hogaaminaysay hawl-galka, waxaa ay kullan la qaataan odayaasha dhaqanka iyo bulshada ku nool halkaasi, waxaana ay u xaqiijiyeen in ay ka shaqeeynayaa nabbadda iyo bedqabkooda.


Wararka Maanta Luulyo 22, 2016
Xildhibaan katirsan Baarlamaaka Soomaaliya ayaa waxa uu sheegay inay baaritaan ku hayaan qaabkii loo dilay dadkii kusugnaa Todobaadkaan Tuulada War diile Ee Gobolka Bay.khaatumo State Luulyo 22, 2016 Wasiir abshir cabdicasiis oo xukumada khaatumo ka tirsan ahna wasiir ku xigeenka arrimaha gudaha ayaa si ba an u weeraray wasiiro dhawaan snm u soo dirtay deegaanka awrbogays ee gobolka sool sidoo kalana taageeray go aankii garaad saleebaan. Difaaca baarlamaanka Soomaaliya Xuseen Carab Ciise oo warbaahinta Muqdisho qaarkood la hadlay waxa uu sheegay inaysan ka hari doonin ilaa ay ka ogaanayaan sida ay wax udhaceen.


Xasuuqii Ciidanka Itoobiya Isniintii ka geysteen Deegaanka War Diinle ayaa lagu dilay dad badan oo qaarkood Culimo ahaayeen kadib markii ciidanka Itoobiya ee halkaasi kusugnaa dagaal ay la galeen Al Shabaab kadibna Askarta ay ku ciil baxeen Shacab kusugnaa deegaankaasi.

Sidoo kale waxa uu Xuseen Carab Ciise ka hadlay dhibaatooyinka hor taagan Ciidan qalabeysan oo Soomaaliya yeelato isagoo sheegay inay Kumaandoosta Dalka ay noqon karaan kuwii badeli lahaa AMISOM hadii agabkood iyo mushaarkooda loo kaamil yeelo

Muqdisho Luulyo 22, 2016  Madaxweynaha Jamhuuriyadda Federaalka Soomaaliya, ahna Taliyaha Guud ee Ciidammada Qalabka Sida, Xasan Sheekh Maxamuud, oo shalay kormeeray xerada ciidammada gaarka ee Xoogga Dalka Soomaaliyeed ee deegaanka Balli Doogle ee gobolka Shabeellaha Hoose ayaa sheegay in dhamaan shacabka Soomaaliyeed looga baahan yahay in ay difaacaan Diinta, dalka, dadka iyo dowladda.

Madaxweynaha ayaa ku bogaadiyey ciidankan iyo taliyeyaashooda sida hufan ee ay uga soo dhalaalaan waajibaadkooda difaaca dalka iyo dagaalka ay kula jiraan Shabaab.

Madaxweynaha ayaa sheegay in ciidanka sida gaarka ah u tababaran ee Xoogga Dalka Soomaaliyeed ay yihiin rajada iyo tusaalaha dib u dhiska ciidammada dalka iyo dib u soo celinta dowladnidamada, sharciga iyo kala dambeynta.

Madaxweyne Xasan Sheekh Maxamuud ayaa sidoo kale xusay in Soomaaliya ay leedahay kheyraad fara badan, isla markaana loo baahan yahay in laga faa’iideysto iyadoo loo marayo dowladnimo hufan oo cadaalad ku dhisan.

Madaxweynaha ayaa ugudambeyn ayaa si gaar gaar ah mid mid ula hadley ciidanka gaarka ah ee kumandooska, isagoo u ballanqaaday in dowladdu ay ku dadaali doonto sidii ay u dabooli lahayd caqabadaha ka haysta dhanka gudashada waajibaadkooda.

Nairobi Luulyo 22, 2016 Wasiirka arrimaha dibadda Soomaaliya mudane Cabdisalaan Hadliye Cumar, ayaa kulan uu la qaatay dhiggiisa dalka Kenya Aamina Maxamed Jibriil kaasoo ka dhacay safaarada Soomaaliya ku leedahay magaalada Nairobi.
1 2 3 4 5 6 7
Kulankan oo diirada lagu saaray arrimaha maalgeshiga ka qeyb galay qaar ka mid ah danjirayaasha caalamka u fadhiya magaalada Nairobi ee dalka Kenya.

Kulankan waxaa si gaar ah looga hadlay xiriirka iskaashiga ganacsi ee Soomaaliya iyo Kenya.

Waxaa sidoo kale ka qeyb galay Wasiirka warshadaha Kenya, Wasiirka Ganagsiga Soomaaliya, Wasiir ku xigeenka qorsheynta Soomaaliya iyo masuuiyiin kale.

Wasiir Hadliye oo la hadlayay diblomaasiyiinta iyo wasiirrada ka socda Kenya ayaa sheegay in Soomaaliya ay diyaarisay dhammaan waxyaabihii suurta galin lahaa in ay maalgashi ku dhiirradaan dowladaha iyo ganacsatada dibadda, sidoo kale ay jiraan suuqyo badan oo la maalgashan karo.

Wasiirka arrimaha dibadda ee Kenya Danjire Aamina Maxamed Jibriil, ayaa sheegtay in Soomaaliya iyo Kenya uu ka dhaxeeyo xiriir wanaagsan isla markaana ay ganacsatada labada dhinac u fududeynayaan inay maalgashi ku samaystaan labada waddan.

Munisch Jllulyo 22, 2016 Mid ka mid ah Saddexdii nin ee weerarka ka geystay caawa magaalada München ee dalka Jarmalka ayaa la sheegay inuu gacantiisa isku toogtay.

1 2 3 4

Heavily armed police forces operate at Karlsplatz (Stachus) square after a shooting in the Olympia shopping centre was reported in Munich, southern Germany, Friday, July 22, 2016. (Andreas Gebert/dpa via AP)

Heavily armed police forces operate at Karlsplatz (Stachus) square after a shooting in the Olympia shopping centre was reported in Munich, southern Germany, Friday, July 22, 2016. (Andreas Gebert/dpa via AP)

Saraakiisha amaanka ayaa goor dhow warkan u xaqiijiyey wakaaladaha wararka, iyagoo intaas ku daray in ninkan ay rasaastu gabaabsi ka noqotay,ayna isku dayayeen iney qabtaan balse uu madaxa xabad isaga dhuftay.

Booliska ayaa weli baacsanaya labo kale oo hubeysan kuwaasoo weli rasaas ka soo ridaya meelo ay ku dhuumanayaan.

Weerarka ayaa billowday kaddib markii rag hubeysan ay tacshiirad ku fureen maqaaxida ku dhex taala goob laga dukaameysto.

Howlgalka lagu soo afjarayo kooxda weerarkan geysatay ayaa weli ka socda magaalada München, waxaana illaa hadda la xaqiijyey geerida sideed ruux oo shacab ah iyo dhaawaca tiro kale.

 

WARARKA MAANTA Luulyo 19, 2016

Su'aasha Maanta: Ummadda Soomaaliyeed waxay ka daaleen beenta iyo khiyaanadda Ururka Damu-Jadiid ee tallada dalka khiyaaano iyo musuqmaasuq ku hantay marka maxay Ururka Damu-Jadiid is-leeyihiin awooda dalka waad ku soo laaban kartaan si ay 4 sanno oo kale u sii lugooyaan? Maxayse tahay sababta uu Ra'iisal Wasaaraha Mudane Cumar Cabdirashiid Cali u beddelay afhayeenkii xukuummadda Mr. Cabdisalaan Caato? Waxaa soo socoda siro badan oo muddo laga duubayey khaa'imiinta Damu-Jadiid in muddo ah marka la socda waxyaabaha soo socda.

Bay 18 July 2016 Meydadka shacab ciidamada Itoobiya ku xasuuqeen degaan ka tirsan gobolka Bay gelinkii dambe ee Axadii ina dhaaftay ayaa la soo sheegayaa in la aasay.

Xasuuqan aya ka dhacay degaan lagu magacabo Wardiinle oo qiyaastii 33km u jira magaalada Baydhabo.

Wararka ayaa sheegaya in ciidamo Itoobiyaan ah oo baacsanaya xoogag taabacsan Al-Shabaab ay gaareen degaankaas ayna laayeen 14 ruux oo ahaa shacab halkaas ku noolaa, iyagoo ku eedeynaya iney ka qarinayaan xoogaga Al-Shabaab.

Xildhibaan Ibraahim Isaaq Yarow oo ka tirsan Baarlamaanka Somalia iyo masuuliyiin kale ayaa degaankaas gaaray, iyadoo xildhibaanku sheegay in ciidamada Itoobiya aysan dadkaas si bareer ah u leynin balse ay ka jawaabayeen rasaas ay ka soo dhex rideen al-Shabaab.

Dadka la laayey oo ay ku jireen dad da’ ah ayaa la soo sheegaya in labo ka mid ah ay gowraceen ciidamada Itoobiya halka inta kalena ay rasaas ooda kaga qaadeen, waxaana falkan uu argagax ku beeray shacabka degaanka.

Magacyada dadka la laayey waxay kala yihiin sidatan:

Puntland Iyo Somaliland 18 July 2016 Xaalada deegaanadii ay shalay ku dagaalameen ee Gobolka Sanaag ayaa degenaansho laga soo sheegayaa, iyadoo dhaq dhaqaaqyo ciidan oo iska soo hor-jeedo ay wadaan Ciidamada Somaliland iyo kuwa Puntland ee ku dagaalam ay deegaanka Booda-cad ee u dhaxeeya degmooyinka Xiingalool iyo Dhahar.

Dagaaladan ayaa ka dambeeyay markii Somaliland ay ka bilaabeen deegaanada Gobolka Sanaag diiwaan gelinta cod bixiyeyaasha doorashada sanadka 2017 ka dhici doonta Gobolada Somaliland.

Wararka ayaa sheegaya in dagaaladii dhex maray labada dhinac uu ka soo gaaray khasaare kala duwan, balse waxaa adag in la helo warar rasmi ah oo ku aadan khasaaraha ka dhashay dagaalka.

Maamulada Somaliland iyo Puntland ayaa labada dhinac kala sheegtay guulo, waxaana mid walba uu sheeganaa inuu gaadiid ka qabsaday, kana gubay dhinaca kale.

Taliyaha Ciidamada Milateriga Somaliland Jen. Ismaaciil Shaqalle ayaa sheegay inay gacanta ku dhigeen illaa lix maxbuus oo uu ku jiro Xildhibaan ka tirsan Baarlamaanka Puntland.

Kulamo ku aadan xiisada dagaal ee labada dhinac ka soo cusboonaatay ayaa ka kala dhacay Hargeysa iyo Garowe, waxaana dhinac walba uu wadaa guluf dagaal.

Puntland ayaa sheegtay inuu ka dhamaaday dulqaadka, ayna difaaceyso deegaanadeeda, iyadoo Xildhibaanada Baarlamaanka Puntland ay dhaliil u jeediyeen Madaxweynaha Puntland C/wali Gaas.

Si kastaba ha ahaatee Maamulada Puntland iyo Somaliland ayaa horay ugu dagaalamay deegaano lagu muransan yahay oo ku yaalla Gobolada Sool iyo Sanaag.

Puntland 18 July 2016 Xildhibaano ka tirsan Baarlamaanka Puntland oo Warbaahinta la hadlay ayaa waxa ay Madaxweynaha Puntland ku eedeeyn in uu dacay masuuliyada dadka shacabka ah ee Reer puntland eek u nool deegaanada gobolka Sool.

Xildhibaanada ayaa sidoo kale kale waxa ay sheegeen in aysan marnaba ogolaan doonin in la xasuuqo dadka shacabka ah ee ku nool gobolka Sanaag.

Xildhibaanada ayaa sidoo kale ka soo horjeestay in dagaalka uu ka sii socdo deegaanada gobolka Sanaag isla markaana lagu sii kor dagaalamo dadka shacabka ah.

Muqdisho, 18 July 2016 Dowladda Masar ayaa maanta Wasaaradda Difaaca Soomaaliya ku wareejisay Gaadiid iyo Sahnad Ciidan oo loogu talagalay in ay ku howlgalaan Ciidanka Sida Gaarka ah u tababaran ee Danab.

Danjiraha dowladda Masar u fidhiya Soomaaliya Waliid Maxamed Ismaaciil ayaa munaasabadda ka sheegay in sahnadda Ciidan ay isugu jirto Gaadiid Ciidan, Gaadiidka Gurmadka degdegga ah, iyo Qoryo loogu talagalay in ay ku howlgalaan ciidanka Kummaandooska Soomaaliya.

“waxaanu taageereynaa walaalaheena Soomaaliyeed, Hubkaan iyo Gaadiidka Ciidanka oo ay ku jiraan kuwa gurmadka deg degga ah waxaan maanta ku wareejineynaa dowladda Soomaaliya, si gaar ah waxaan uga qeybqaadaneynaa howlaha dib u dhishka ciidamada Soomaaliya”ayuu yiri Mudane Waliid.

Wasiirka Difaaca Soomaaliya Cabdulqaadir Sh Cali Diini ayaa u mahadceliyay dowladda Masar isagoo xusay in Dowladda iyo Shacabka Masar ay soomaaliya ka caawiyeen dhinacayada Waxbarashada, Caafimaadka iyo tababarka Ciidamada.

“Danab ayaa isticmaalaya, aad baan uga mahad celinaynaa dawlada Masaarida oo weligeed ka taageeri jirtay Shacbiga iyo dawlada Soomaaliya dhanka Waxbarashada, Tababarada Ciidanka iyo caafimaadka”, ayuu yiri Gen Diini

Safiirka Masar wuxuu sidoo kale sheegay in taageerada masar aysan intaa ku ekaandoonin, ayna xigi doonaan barnaamijyo kale oo loogu talagalay hormarinta Soomaaliya https://www.youtube.com/watch?v=m73N0geH5oE

Muqdisho, 18 July 2016 (Villa Somalia) Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud ayaa galabta dib ugu soo laabtey magaalada Muqdisho, kadib markii uu ka soo qeybgaley Shir Madaxeedkii 27-aad ee Midowga Afrika oo July, 19 ka socday magaalada Kigali ee dalka Jamhuuriyadda Rwanda.

Shir Madaxeedka ayaa intaanu soo xirmin waxaa uu isku raacay in dib loo dhigo doorashada hoggaanka cusub ee Guddiga Sare ee Midowga Afrika. Madaxda Afrika ayaa isku afgartey in doorashada ay bisha January ka dhacdo magaalada Addis Ababa.

Ajendaha kale ee doorashada looga hadley waxaa ka mid ah miisaaniyadda Midowga Afrika, xasaradda dalka Jamhuuriyadda Suudaan iyo arrimo kale.

Madaxweynaha ayaa intii uu joogay magaalada Kigali waxaa uu kula kulmey hoggaamiyeyaasha dalalka Suudaan, Masar, Djibouti, Kenya iyo Ethiopia.
Wafdiga Madaxweynaha waxaa Garoonka Diyaaradaha ee magaalada Muqdisho ku soo dhoweeyay xubno ka tirsan labada gole.

WARARKA MAANTA Luulyo 10, 2016

Su:aasha Maanta: Soomaalida ma soo dooran doontaa xildhibaano cusub? Mise waxaa u soo xulli doona bakhtiga jaajuska weyn ee Dowladda Ethiopia General Gebra? Ummadda Soomaaliyeed waa inay soo doortaan dad aqoon u qalanta leh oo aan daba-dhilif u ahayn waddanna iyo shirkaddo shisheeye ah kuwaasoo raba inay ciribtiraan jiraanka Ummadda Soomaaliyeed si ay uga faa'iidaystaan khayraadka dabbeeciga ee Ilaahay ku mannaystay Ummadda Soomaaliyeed. Ururka Damu-Jadiid iyo khiyaanooyinkiisa way fashilantay ee Ummadda Soomaaliyeed ha doortaan hoggaan cusub oo nadiif ka ah musuqmaasuq iyo siyaasadd ku salausan waxashnimo sida tan ay haatan Damu-Jadiid dalka ku sii lugooynayaan.
London Luulyo 13, 2016 R/Wasaare David Cameron oo maanta xilka ka degaya

Ra’iisul wasaaraha Britain ayaa maanta shaqada si rasmi ah uga tagaya kadib markii lix sano uu xilkaasi hayay.

Waxa uu wajahayaa maanta su’aalaha ugu dambeeyo ee la weydiinayo inta xilkaasi uu hayo, ka hor inta uusan istiqaaladiisa u gudbin boqoradda UK.
Waxa uu shalay shirgudoomiyay kullankiisii ugu dambeeyay ee Wasiirada uu la yeesho.

Theresa May ayaa la filayaa inay xilka kala wareegto Mr Cameron, oo ayna noqoto ra’iisul wasaaraha cusub.

Waxa uu ra'iisul wasaaraha Britain ahaa tan iyo 2010kii, wuxuuna go'aansaday inuu iscasilo ,arkii aftidii Britain looga guuleystay oo dadka ay u codeeyeen inay EU ka baxaan.

Waxyaabaha lagu xasuusto waxaa kamid ah inuu ahaa maskaxdii ka dambeysay shirkii ballaarnaa ee Soomaaliya iyo beesha caalamka loo qabtay sanadkii 2012kii, kaas oo uu ka dhashay waxa hadda loo yaqaano 'New Deal'

Muqdisho Luulyo 13, 2016 War goordhow nasoo gaaray ayaa sheegaya in ciidamo ka tirsan milliteriga dowlada Somalia ay jir dil xoogan u geysteen Taliyaha Saldhiga Afar-irdood ee Degmada Xamar-weyne.

Ciidamada jir dilka geystay ayaa kamid ah Ilaalada Taliyaha Ciidanka Milatariga Soomaaliyeed, waxaana lasoo warinayaa in Taliyaha jugta gaartay lala dhigay Isbitaal Madiina ee magaalada Muqdisho.

Taliyaha Saldhigga Afar Irdood ayaa Xiliga la jir dilaayay howlgal ka waday Isgooyska SYL ee Magaalada Muqdisho.

Jir dilka Taliyaha ayaa waxaa loo adeegsaday qoray caaradiisa, waxaana halkaasi laga qaaday isaga oo miir daboolmay.

Goobjoogayaal ayaa sheegay in Taliyaha ay isugu tageen ilaa lix askari oo min qoray ku garaacay, waxaana sidoo kale la sheegay in qeyb kamid ah oogada Taliyaha uu dhiig ka socday xiliga Isbitaalka loo qaadaayay.

Goobjoogayaashu waxa ay sidoo kale sheegen in xiliga la jir dilaayay Taliyaha Saldhigga Afar Irdood uu ciidanka la socday Taliyaha Ciidanka Milatariga Soomaaliyeed, balse nasiib darro ay halkaasi uga dhaqaajiyeen dhaawaca Taliyaha.

Ma jirto wax war ah oo kasoo baxay guud ahaan dowlada Federaalka, gaar ahaan Taliska ciidamada Milliteriga dowlada.

Hiiraan Luulyo 13, 2016 Waxaa magaalada Beledweyne ee xarunta Gobolka Hiiraan ka dhacay kulamo qaatay saacado oo u dhexeeyay wafdiga IGAD oo uu hogaaminaayey Danjire Afey kuwaasi oo Odayaasha Hiiraan kala hadlaayay ka qeybgalka shirka maamulka loogu shisaayo Goboladda Hiiraan iyo Sh/Dhexe.

Wafdiga oo dhameystiraayay wada hadalkii hore oo ay la fureen Odayaasha Hiiraan ayaa waxa ay iminka ku dhiiradeen in amaro adag ay duldhigaan Odayaasha Hiiraan, garabka kasoo horjeeda shirka qabyada ah ee ka socda magaalada Jowhar.

Gen. Gebra oo kamid ahaa wafdiga ayaa lasoo warinayaa in Odayaasha uu ugu goodiyay in waxbadan ay weyn doonaan waa haddii ay dayacaan fursada iminka hortaal, waxaana lasoo sheegayaa in Odayaasha ay doonayaan in lasiiyo ballamo dheeri ah, hayeeshee IGAD ay ka biyo diiday in wakhti intaa kasii badan lasiiyo.

Afey iyo Gebra ayaa Odayaasha usoo bandhigay in marka hore ay qaatan in labada Gobol loo dhiso maamul mideeya kadibna ay dib isaga soo laabtaan waxyaabaha dhaliisha ay kamid tahay.

Afey iyo Gebra oo iyagu ku shaqeynaaya amaro lasoo siiyay ayaa Odayaasha u cadeeyay in Gobollada Hiiraan iyo Sh/Dhexe aysan ka hari doonin maamulada Federaalka raacsan ee ka dhisan Somalia, sidaa aawgeedna ay u furan tahay inay raacaan maamulka uu dhismihiisa socdo haddii ay ka caga jiidaana uu arrinku noqon doono mid ka duwan kan iminka taagan.

Odayaasha ayaa dhankooda la sheegay inay dalbadeen muddo shan cisho ah si ay usoo tashtaan islamarkaana usoo gaaran go’aan cad oo looga tashankaro.

Xubnaha IGAD ayaa sidoo kale la sheegay in Odayaasha ay ka qabaleen codsiga ah in lasiiyo muddo Shan cisho ah.

Sidoo kale, Afey iyo Gebra ayaa Odayaasha u cadeeyay mowqifka IGAD inuu yahay inaan loo istaagi doonin diidmada ay muujinayaan, balse waxa ay u ballanqaaden in wax waliba dhexda loogu dhufan doono labada Gobolka islamarkaana nidaamkii uu jideeyay Madaxweyne Xassan Sheekh wax laga bedeli doono.

Ma cadda go’aanka cusub oo ay la imaan doonaan Odayaasha balse waxaa lasoo warinayaa in IGAD ay odayaasha uga dhex tagtay xubno iyaga matalla oo odayaasha kala shaqeeya qaadashada go’aan hididiilo leh.

Baydhabo Luulyo 13, 2016 Ciidanka dowladda oo sheegay in Habeenkii Xalay ay dileen 15 ka tirsan Al-Shabaab deegaanka Goof Gaduud ee Gobolka Bay

Dgaal ka dhacey Dagaal u dhaxeeyay ciidamo ka tirsan Ururka Al Shabaab iyo ciidamada Xooga dalka Soomaaliya oo ay wehliyaan ciidamada Koonfur Galbeed, ayaa xalay ka dhacay deegaanka Goof-gaduud oo ku dhow magaalada Baydhabo ee xarunta gobolka Bay. Saraakiisha ciidanka dowladda Soomaaliya ayaa sheegtay in ay dileen 15 ka mid ah ururka Al-Shabaab.

Abaanduulaha Ciidamada qaybta 60-aad ee Gobolka Baay Ismaaciil Khaliif Jire, ayaa sheegay dagaalkaasi in Khasaare ay ku gaarsiiyeen Shabaabka.

Saraakiisha ciidanka dowladda Soomaaliya ayaa sheegay in ay jab xoogan gaarsiiyeen Al-Shabaab.

Muqdisho Luulyo 13, 2016 Xalay Fiidkii ayaa Miino la geliyay agagaarka Saldhigga Degmada Waabari ay ku qaraxday Saldhigga halkaas oo uu ku dhaawacmay Askari ka mid ahaa ilaalada Saldhigga Degmada Waabari.

Taliyaha qeybta Guud ee Booliska Gobolka Banaadir ,Gaashaanle Sare Bishaar Abshir Geeddi, ayaa warbaahinta u sheegay in qaraxyada lagu dhex qariyay Goob uu Yaallay Qashin.

Waxaa uu sheegay in hal Qof oo ka mid ah Askarta Saldhigga uu dhaawac ka soo gaaray islamarkaana aysan jirin khasaare kale oo ka dhashay weerarkaasi.

Muqdisho Luulyo 13, 2016 Xildhibaan C/llaahi Goodax Barre oo ka mid ah Xildhibaanada Baarlamaanka Soomaaliya ayaa sheegay in odayaasha dhaqanka gobolka Hiiraan ay diidan yahay qaabka ay Dowladdu u wado dhismaha Maamulka Hiiraan iyo Sh/Dhexe.

Waxa uu sidoo kale sheegay in odayaasha ay dowlada ka tabanaya in qaladaad fara badan oo ay muhiim tahay in laga qancyo si loo amba qaado dhismaha Maamulka ayuu yiri Xildhibaan C/llaahi Goodax Barre.

Xildhibaanka ayaa tilmaamay in ay muhiim tahay in meel loogu soo wada jeesto dhismaha Maamulka Hiiraan iyo Sh/Dhexe.

Xildhibaan C/llaahi goodax barre ayaa dowlada ugu baaqay iney ka shaqeyso qancinta odayaasha wax tabanaya si loo afjato caqabadaha hortaagan dhismaha Maamulka.

Shalay ayay ahayd markii wafdi ka socday Urur goboleedka IGAD ay gaareen Magaalada Baladweyne ee gobolka Hiiraan.

Kismaayo Luulyo 13, 2016 Madaxweynaha maamulka Jubbaland Axmed Madoobe ayaa mar kale ka hadlay arrimo badan oo ay kamid yihiin mowqifka Jubbaland ee doorashada la filaayo inay ka dhacdo Somalia dabayaaqada 2016-ka iyo dardar galinta howlaha la xiriira amniga dalka.

Axmed Madoobe ayaa sheegay in Jubbaland aysan aqbali doonin in dib loo dhigo doorashada, waxa uuna sheegay in mowqifkooda uu yahay inaan saacad laga dib dhicin xiliga doorashada.

Axmed Madoobe ayaa hadalkaani ka sheegay shirka ka furmay magaalada Kismaayo, waxa uuna sidoo kale sheegay in Jubbaland ay diyaar u tahay inay ka qeybqaadato talaabo waliba oo lagu xaqiijinaayo amaanka dalka, gaar ahaan Gobolada maamulka khuseeya.

Madoobe waxa uu sheegay in Jubbaland ay u taagan tahay ilaalinta sharciga iyo shacabka, sidaa aawgeedna ay diyaar u yihiin is hortaaga wax waliba oo dhib ku ah shacabka iyo sharciga dalka.

Waxa uu sidoo kale, ballanqaaday in Jubbaland loogu imaan doono wax waliba oo lagu heshiiyo waxa uuna meesha ka saaray inay la imaan doonaan isbedel ka dhan ah wixii lagu heshiiyay.

Axmed Madoobe waxa uu amaanay garashada dowlada Somalia ee ku aadan shirka in shirka amniga qaranka lagu qabto magaalada Kismaayo, waxa uuna taa ku tilmaamay mid dhiirigalineysa dhammaan maamulada.

Dhanka kale, waxa uu Ra’isul wasaare ku xigeenka dalka ka dalbaday in dowlada Somalia ay qorsho amni ka duwan shirka ka furmay magaalada Kismaayo la imaado, ka hor inta aanu dhicin doorashada.

Uganda Luulyo 12, 2016 Sawir Madaxweynaha dalka Uganda Yoweri Museveni oo taleefon ku hadlaya isaga oo fadhiya jid weyn oo meel magaalada ka baxsan ah baabuurtiisan ay taagan yihiin halkaasi ayaa wuxuu noqday mid aad loogu hadal hayo warbaahinta bulshada.

Dadweynaha reer Uganda ayaa internet-ka soo galiyay sawirro ay iska qaadeen oo ay ku matalayaan qaabkii uu u fadhiyay iyo koofida uu xirto Museveni.

Waxay ahayd wax aan looga baran in Madaxweynuhu inta istaago meel jidka qarkiisa ah in uu telefon qabsado, halkaasi oo markii dambena ay isugu soo baxeen dadkii tuuladaasi ee ka ag dhawaa halkaasi.

Kismaayo Luulyo 12, 2016 Ra’iisul Wasaare ku xigeenka Somalia oo booqday xeryaha ciidanka Jubbaland

Magaalada Kismaayo ee xarunta gobolka Jubbada Hoose waxaa ku sugan Mas’uuliyiin ka tirsan dowladda Soomaaliya, kuwaas oo halkaasi kulamo kula qaadanaya Madaxda maamulka Jubbaland.

Wafdiga dowladda Soomaaliya ka socday ee magaalada Kismaayo kulamada kula qaadanaya Madaxda maamulka Jubbaland waxaa ka mid ah Ra’iisul Wasaare ku xigeenka dalka Maxamed Cumar Carte Qaalib, Wasiirka Warfaafinta Maxamed Cabdi Xayir Maareeye, Taliyaha NISA iyo Xildhibaano, waxaana ay maanta booqasho ku tageen xarumaha ciidanka xoogga dalka ee maaalada Kismaayo halkaas oo ay ciidamadu kula hadleen.

Ra’iisul Wasaare ku xigeenka dalka Maxamed Cumar Carte Qaalib ayaa ciidamada dowladda iyo kuwa maamulka Jubbaland u sheegay in ay isku diyaariyaan howlgal ka dhan ah Al-shabaab, kaas oo ka bilaaban doona gobolka Jubbada Hoose.

Maraykanka Luulyo 12, 2016 IMusharixiinta Dimoradiga Mareykanka ee Bernie Sanders iyo Hillary Clinton oo hal dhinac isku raacey si looga guuleysto Donald Trump
Bernie Sanders ayaa si rasmi ah u taageeay Hillary Clinton oo uu la tartamayay musharaxnimada madaxweynaha ee xisbiga Dimoqraadiga ee Maraykanka.

Olole ay ku qabanayeen qabanayay New Hampshire, Mr Sanders ayaa shegay inuu wax walba samayn doono, si ay ugu guulaysato doorashada madaxweynenimada bisha November.

Wuxuu sheegay inay muhiim tahay in la joojiyo Donald Trump inuu guulaysto. Waa markii ugu horaysay ee labada senator ay isla wada ololeeyaan.

WARARKA MAANTA Luulyo 10, 2016

Su'aasha Maanta: 4 Sanno Kadib Soomaaliya ma lahan Ciidan Qaran basle weli waxaa jira maleeshiyaad qabiil oo dadka iyo dalkaba ka galay dembiyo culculus ayadoo kuwa maanta sheegaynaya inay ahaan jiraan Ciidanka Xoogga Dalka Soomaaliyeed ay leeyihiin dembiga ugu weyn iyo aafooyinka dalk ku habsatay waayo Ciidanka Xoogga Dalka waxay iska-dhigeen hubkii iyo qalabkii loogu tallogalay inay waddanka Soomaaliya ku difaacaan ayagoo ogolaaday inay siiyaan kuna wareejiyaan jabhadihii qabiilka ee ka dembeeye burburka iyo dagaalkii sokeeye ee billaawday 1991 ulaa iyo haddan aan la xallin. Qofkasta oo gaaray darajadda Gaashaanle ilaa Sareeye Guud/Sareeye Guuto ka hor 1991 iyo wixii ka dembeeyey.

Luulyo 10, 2016 Ilo wareedyo ka tirsan madaxtooyada Somalia, ayaa kusoo waramaaya in Madaxweynaha Somalia Xassan Sheekh Maxamuud laga soo celshay Xarunta xalane ee magaalada Muqdisho.

Wararku waxa ay intaa ku darayaan in Madaxweynaha uu doonaayay in xarunta uu kula kulmo wafdi cadaan ah oo u socday la socodka howlaha doorashada kuwaasi oo ka socday dalalka Brirain iyo Mareykanka.

Xubnaha uu u socday Madaxweyne Xassan ayaa la sheegay in ilaalada guud ee xarunta ay ku amreen inaan lasoo deyn karin kadib markii ay cudur daar ka dhigteen inaanu ballan gaar ah kala dhexey Xassan Sheekh.

Qorshaha Madaxweyne Xassan ayaa ahaa in wafdigaasi uu qaabilo si uu kala hadlo arrimo dhowr ah, hayeeshee waxaa lasoo warinayaa inuu degdegay isaga oo aan heysan wax ballan ah.

Diblumaasiyiinta reer Galbeedka ayaa inta badan dhowra balamaha waxa ayna tani keentay in Xassan Sheekh laga celsho xarunta bacdamaa aanu qabsan wax wakhti ah.

Magaalada Muqdisho ayaa waxaa ku sugan diblumaasiyiin reer Galbeed ah kuwaasi oo ka amar sareeya Madaxweynaha Somalia, waxaana xusid mudan in wakhtiyada ay u baahdaan ay uga yeeraan Xarunta Xalane, halkii laga doonaayay in iyaga ay u martiyaan Villa Somalia.

Maaha markii ugu horeysay oo Mas’uul ka tirsan Villa Somalia laga soo celsho Xarunta xalane ee magaalada Muqdidho.

Washington DC Luulyo 10, 2016 Madaxweynaha dalka Mareykanka Mr Obama ayaa beeniyay in dadka dalkiisa ay kala qeybsameen kadib toogasho daran oo dexmartay booliska iyo dadka asalkooda Afrikanka yahay.

Waxa uu sheegay inaysan run ahayn in farqiga jinsiyadda uu gaaray heerkii 1960-meeyadii meeshii ay joogtay.

Shan askero oo cadaan ah ayaa waxaa toogtay nin madow ah, intii ay socdeen isu soo baxyo ka dhacay Dallas.

Ninkaasi waxa uu sheegay inuu ka carooday wax uu ku tilmaamay daandaansiga ciidamada oo gacantooda ay ku dhinteen laba qof oo madow ah isbuuc gudihiisa.

Madaxweyne Obama ayaa sheegay in inkastoo ay waajib ku tahay qofkastoo Mareykan ah uu u istaago cadaaladda, hadana looga baahan yahay inuu booliska taageero.

Daacish Luulyo 10, 2016 Kooxda Khilaafada islaamiga ee Daacish ayaa soo riday diyaarad Helikobtar ah oo Ruushku leeyahay xilli ay duqeyn ka waday magaalada Palmyra, waxaana ku dhintay labadii duuliye ee diyaaradaasi.

Xilliga la soo riday Helikobtarka ayaa la sheegay inay ku duuleysay joog hoose kadib weerar ay ku qaaday xubno Daacish ka tirsan oo dagaal ku qaaday daafaha magaaladaasi, markii ay codsadeen ciidamada Suuriya ee aaggaasi ku sugan.

Wasaaradda Difaaca Raashiya ayaa sheegtay in diyaaradda ay dib u celisay dagaalyahanadda balse lasoo riday markii ay dooneysay inay soo laabato.

Video ay baahisay wakaalada Wararka ee raacsan Daacish ayaa laga daawan karaa diyaaradda oo si toos ah loo soo ridayo kadib markii lala helay gantaal uu Mareykanku sameeyay, waxaana dirqi ay uga baxsaday diyaarad kale oo helikobtar ah inay isku dhacaan.

Labada duuliye ee Raashiya u dhashay oo ku dhintay diyaaradda la riday ayaa magacyadooda lagu sheegay Evgeny Dolgin iyo Ryafagat Khabibulin, sida ay sheegtay wasaaradda difaaca Ruushka.


Sareeye gaas maxamed aadan axmed buud taliyah aciidamada qaranka soomaaliya ayaa ku dhawaaqay isku filnaanshaha ciidamada qaranka soomaaliya gaadhen xiligan.

Waxaana taliye buud sheegay in ciidamada qaranka somalia awood u leeyihiin inay dalka difaacan oo guud ahaan dalka gacanta ku hayan marka ay ka baxan ciidamada amisom,

 Muqdisho Luulyo 10, 2016 Intaasi waxaa uu raaciyay in  shirar uu uga qeyb galay itoobiya kenya iyo ugandha ay beesha caalamku cadeeyen in haatan diyaar ay yihin ciidamo hanan kara amaanka dalka somalia.

widhwidh online https://www.youtube.com/watch?v=zFZ7P-NS_qs

Puntland Luulyo 10, 2016 Taliyaha guud ee Ciidamada Maamulka Puntland C/qaadir Shirre Faarax oo la hadlay Warbaahinta ayaa sheegay in amni darada ka jirta Magaalada Gaalkacyo aysan ka dambeyn Al-Shabaab oo keliya.

Taliyaha ayaa sheegay in ay ka dambeeyaan dhinacyo iyo shaqsiyaad gaar ah oo diidan nabada iyo hormarka shacabka Magaalada Gaalkacyo.

Taliyaha ayaa sidoo kale sheegay in la doonayo in la Barakiciyo shacabka Puntland ee Gaalkacyo ku sugan.

Taliyaha ayaa ugu baaqay shacabka iney muujiyaan dadaalkooda ku aadan ka qeyb qaadashada sugida amniga Magaalada Gaalkacyo.

Bilihii ugu dambeeyay ayaa waxaa Magaalada Gaalkacyo ka dhacaayay dilal qorsheyn oo loo geysanaayay Masuuliyiin ka tirsan Maamulada Puntland iyo Galmudug eek ala maamulka Waqooyiga iyo Koofurta Magaalada Gaalkacyo.

Beledweyne Luulyo 10, 2016 Wararka ka imaanaya Magaalada Baledweyne ee Xarunta Gobolka Hiiraan ayaa sheegaya in maanta Wafdi ka socda Urur Goboleedka IGAD ay tagayaan Magaaladaasi Baledweyne.

Wafdiga ayaa Baledweyne u tagaya sidii loo dardar galin lahaa Shirka Maamulka loogu sameynayo Gobolada Hiiraan iyo Shabellaha Dhexe.

Qaar kamid ah Beelaha Dega Gobolka Hiiraan ayaa ka soo horjeestay Shirka Maamulka loogu sameynayo Gobolada Hiiraan iyo Shabellaha Dhexe ee Gogoshiisu ay taalo Magaalada Jowhar.

Wafdiga IGAD ee Baledweyne ku wajahan ayaa la filayaa in ay Xal ka gaaraan Arrinta Maamulka loogu sameynayo Labada Gobol.

Amin Arts Luulyo 10, 2016 Iyadoo la filayo in dhowaan dalka ay ka dhacdo doorashada Madaxtinimada Soomaaliya ayaa waxa soo badanaya Musharaxiinta doonaya inay Qabtaan Xilka Madaxweynaha Soomaaliya.

Haddaba iyadoo arrintaasi jirto ayaa waxa Sawir dad badan ka yaabiyey soo bandhigay Farshaxaniistaha Caanka ah ee AMIN ARTS kaas oo kashifay Sirta Musharaxiinta oo mid waliba dowlad gaar ah u adeegaya.

doorashada-2

WARARKA MAANTA Luulyo 06, 2016
Ciid Wannaagsan! Ciid Mubaarak! #EID Mubarak #Somalis in #Somalia & #Muslims around the #world. Madaxweynaha mustaqbala dhow Mudane Cismaan Shiikh Cumar oo Shacabka Soomaaliyeed u soo diraya fariinta Ciida ee nala dhageysta: https://www.facebook.com/osmanomar2016/posts/10208588794490154
 
Madaxweynaha Somaaliya oo hambalyada Ciidul fidriga u diray Shacabka Somaaliyeed
Madaxweynaha Jamhuuriyadda Soomaaliya Mudane Xasan Sh Maxamuud ayaa Qalabka Warbaahinta Qaranka u marsiiyay Hambalyada Ciidda Dadweynaha Soomaaliyeed isagoo u rajeeyay in sanadkan kiisa kale ay ku gaaraan nabad, horumar iyo cadaalad. Madaxweyne Xasan Sh Maxamuud ayaa khudbaddiisa uga hadlay Arrimaha Siyaasadda, Amniga iyo Horumarka Dowladda Soomaaliya ay kula jirto dagaalka Ka dhanka ah l-Shabaab.
 
Mudane Xasan Sh Maxamuud ayaa guud ahaan umadda Soomaaliyeed uga tacsiyeeyay dadkii sida qardarrada aheyd sanadkaan gudihiisa ay ugu dileen kooxaha argagixisada Al-Shabaab, isagoo kuwa ku dhaawacmayna u rajeeyay in ay si dag dag ah u bogsoodaan.
 
Madaxweyanaha ayaa soo hadlay qaaday doorashada Sanadkan la filayo in ay ka dhacdo Dalka, waxaana uu Xusay in ay noqon doonto 47 Sano kadib in markii ugu horreysay ay doorasho Cod dadweyne ah ay ka dhaceyso Soomaaliya.
 
Madaxweynaha ayaa ku boorriyay shacabka Soomaaliyeed in ay si wadajir ah uga qeybqaataan doorashada ka dhici doonto Soomaaliya.
 
Mar uu madaxweynaha Jamhuuriyadda Soomaaliya Mudane Xasan Sh Maxamuud Soo hadalqaaday Dagaalka Dowladda ay kula jirto Al-shabaab, waxa uu xusay in Soomaaliya ay kamid tahay dalalka ku guuleystay la dagaallanka Argagixisada, Isagoo tusaale u soo qaatay weerarada sanadkaan ka dhacay dalal badan oo kamid ah wadamada uu daganaanshaha ugu wanaagsan ee calamku ku jira.
 
Ugu dambeyntii Madaxweynaha Soomaaliya ayaa shacabka iyo qarankaba u rajeeyay nabad iyo horumar, isagoo kula dardaarmay dhammaan qeybaha kala duwan ee bulshada in ay ka wada qeybqaataan horumarka dalka iyo dib uga soo kabashada coladda Sokeysa ee uu dalku soo maray.
 
Uganda Luulyo 06, 2016 Ra’iisul Wasaaraha Israel Benyamin Netanyahu ayaa booqasho taariikhi ah ku tagay dalka Uganda, halkaasoo ay uga bilaabatay booqasho uu ku marayo dalalka Geeska Afrika.
 
Mr Netanyahu ayaa ka degay garoonka diyaaradaha Entebbe, iyadoo booqashadiisa ay ku soo aaday 40-sano kadib markii la heystayaal u dhashay Israel oo diyaarad ay saarnaayeen la qafaashay sanadkii 1976.
 
Ciidamada Kumaandooska Israel ee xilligaas bad baadiyay illaa 102 la heystayaal ah ayaa waxaa hogaaminayay walaalkiis ka weyn Jonathan Netanyahu oo ku dhintay howl galkaas.
 
Kooxo u hubeysan oo u kala dhashay Falastiin iyo Jarmal ayaa afduubtay 102 ruux u dhalatay Israel, kuwaasoo muddo todobaad ah afduub loogu heystay garoonka diyaaradaha Entebbe.
 
Booqashadiisa geeska Afrika ayaa loo arkaa mid muhiim ah oo uu isbaheysi uga raadsanayo qaar ka mid ah dalalka Afrika, si uu uga helo taageero.
 
Netanyahu ayaa noqonaya Ra’iisul Wasaarihii u horeeyay oo Israel ah oo booqda dalalka ka hooseeya Saxaraha tan iyo sanadkii 1987.
 
Ra’iisul Wasaaraha Israel ayaa sidoo kale booqasho ku tagi doona dalalka Kenya, Itoobiya iyo Rwanda, isagoo kala hadlay doono xiriirka ganacsi.
 
Netanyahu ayaa ka raadinaya wadamada Afrika qaarkood taageero ku aadan qorshaha Israel ku dooneyso inay isku ballaariso daanta galbeed, iyadoo Qaramada Midoobey iyo Midowga Yurub ay cambaareeyeen Tallaabada Israel ku dooneyo inay guryo uga dhisto dhulka ay xoogga ku heysato ee reer Falastiin.
Washingtn DC Luulyo 06, 2016 FBI-da “Kuma Talineyso in Dacwado Lagu soo Oogo Clinton”
 
Agaasimaha hay’addaa dambi baarista Mareykanka ee FBI-da James Comey ayaa sheegay inaysan ku talineyn in dacwado lagu soo oogo Hillary Clinton oo ah musharaxa madaxweynaha Mareykanka ee xisbiga Dimoqraadiga, sababo la xiriria isticmaalkeeda email-ka. Waxa uu sheegay in baarayaashu aysan hayn wax caddeymo ah oo muujinaya in Clinton ay si ula kac ah u tirtay emailo la xiriira shaqadeeda, intii ay ahayd xoghayaha arrimaha dibedda Mareykanka.
 
Si kastaba waxa uu sheegay in Clinton iyo shaqaalaha Waaxda Arrimaha dibedda Mareykanka ay si taxadar la’aan ah u dhaqmeen.
 
Comey waxa uu sheegay inay suurto gal tahay in quwado shisheeye ay heleen xogtii ku jirtay qaar ka mid ah emailadii ay Clinton isticmaashay, ayada oo adeegsaneysa email-keeda shaqsiga ah.
 
Waxa uu sheegay in 110 ka mid ah in ka badan 30,000 oo email oo ay dirtay Clinton ama heshay ay ku jireen sir xasaasi ah waqtigaas.
 
Natiijada baaritaankooda ayaa loo gudbin doonaa waaxda caddaalada Mareykanka oo go’aan ka gaari doonta, hase yeeshee Comey waxa uu sheegay inuusan arkin sabab dacwad ooge uu kiis ugu furi karo Clinton.
 
Puntland Luulyo 06, 2016 Ganacsatada Gaalkacyo oo fariin u diray Hoggaamiyaha Puntland ay kaga cabanayaan Boosas ay doonayaan in la siiyo
 
Qaar kamid ah Ganacsatada yar ayr ee ku nool magalada Gaalkacyo ee xarunta gobolka Mudug ayaa waxay sheegeen in ay cabasho ka yihiin gudi maamulay boosas laga qeybiyay Suuqa Cusub ee Dayx.
 
Ganacsatadaas ayaa waxay sheegeen in ay ad uga xun yihiin in laga tago islamarkaana ay doonayan in boosaska banaan lagu wareejiyo si ay ugu ganacsadaan.
 
Qaar kamid ah hooyiinka muruq maalka ah ayaa sheegay inay madaxwaynaha Puntland ka codsanayaan inuu kulan la yeesho ganacsatada yar yar.
 
Puntland Luulyo 06, 2016 Madaxweynaha Puntland Dr. Cabdiweli Maxamed Cali Gaas ayaa caawa 05-July-2016 hambalyada ciidul fidriga u diray dhammaan muslimiinta caalamka gaar ahaan shacab-weynaha reer Puntland.
 
Madaxweynaha ayaa guud ahaan ummadda Soomaaliyeed Eebbe uga baryey in ay ku ciidaan farxad iyo nabad gelyo isla markaana ay is cafiyaan isuguna hambalyeeyaan farxadda maalinta barakaysan ee ciidul firiga.
 
“ciid mubaarak ciid mubaarak ciid mubaarak, waxaan idiin rajeynayaa indinka, xaasaskiina, carruurtiina iyo eheladiina meel walba oo aad joogtaan in aad ku ciidaan ciid wanaagsan oo nabadgelyo leh.
 
Waxaan sidoo kale Eebbe idiinka rajeynayaa in sannadkaan sannadkiisa kale aynu ku gaarno nabad gelyo, naxariisa, wadajir, horumar, midnimo iyo dawladnimo”ayuu yiri Madaxweyne Dr. Cabdiweli Maxamed Cali.
 
Madaxweynaha ayaa sidoo kale Eebbe uga baryey guud ahaan ummadda Soomaaliyeed in ka aqbalo Soonkii ay Soomeen, intii dhimatayna uu ugu naxariisto fadliga Soonka awgii, sannakaan sannadkiisana uu ku gaadhsiiyo bash-bash iyo barwaaqo.
 
Muqdisho Luulyo 06, 2016 Duqa Muqdisho oo sheegay in 10$ ka badan aan guryaha canshuur ahaan looga qaadi karin iyo iyadoo guriga ugu yar 50 $ laga qaado ay ka socoto xaafadaha magaalada
 
Guddoomiyaha Gobolka Banaadir ahna Duqa Magaalada Muqdisho Yuusuf Xuseen Jimcaale, ayaa sheegay howlaha deriseynta ee ka socda Magaalada Muqdisho.
 
Guddoomiyaha Gobolka Banaadir ahna Duqa Magaalada Muqdisho Yuusuf Xuseen Jimcaale, ayaa sheegay howlaha deriseynta ee ka socda Magaalada Muqdisho in guri kasta looga qaado lacag dhan 10 doolar.
 
Yuusuf Xuseen Jimcaale ayaa sheegay Mashruucaasi inuu si wanaagsan ku socdo, islamarkaana uusan ka warqabin hadii ay jiraan dad lacago dheeraad ah ka qaada Xaafadaha Muqdisho.
 
Guddoomiyaha ayaa tilmaamay hadii ay jirto arintaasi in Maamulka Gobolka Banaadir uu baaritaan rasmi ah ku sameynaayo arintaasi.
 
“Lacag yar oo dadka laga qaado ayaa jirta guriga ayaana laga qaadaa, waa lacag cayiman oo 10 doolar ah, annaga ma ogin meel lacag ka badan 10 lagu qaado, haddii ay jirtana waan la xisaabtameenaa, dadka qaar ma awoodaan lacagtaan, dad masaakiin ah ayaa jira oo dabkooda shidan karin, waxaan dhahnay dadkaas hala dhaafo kuwa awoodana halaga qaado, haddii dadka lacag intaasi ka badan laga qaado hanoo soo sheegaan” ayuu yiri Guddoomiyaha Gobolka Banaadir.
 
Guddoomiye Waaxeedyada qaar ee ka howlgala Degmooyinka Gobolka Banadir ayaa lacago dheerad ah ka qaada Xaafadaha qaar, lacagahaasi oo ay ku sheegeen inay tahay Mashruuca Deriseynta.
 
Warkan ayaa soo baxaya iyadoo dadka muqdisho ay ka yaabeen markii guryaha loogu canshuurey mitir tas oo ah acag ad u badan ku so saareysa oo mida ugu yar ay gareyso 50$.
 
Waxaa kale oo jira in waraaqda lcag qabshada ee invoce-ka dadka lasiiyolagu qoro oo kaliya 200,000 oo kun iyadoo laga qaadey 300 $ taasna dadku ay fahmiwaayeen uajedka kdanbeysa markii ay weydiyaan Sarakiisha dowlada Hoosana ay ku yiraahdaan iska dhaf waxaas ee qaado hadi kale waa lagu xirayaa.
 
Jubbaland Luulyo 06, 2016 Madaxweynaha Maamulka Jubbaland Axmed Maxamed Islaam “ Axmed Madoobe” ayaa shacabka Soomaaliyeed gaar ahaan shacabka gobolada Jubooyinka iyo Gedo u diray Hambalyo ku aadan Maalinta koowaad ee Ciida.
 
Madaxweynaha Maamulka Jubbaland ayaa sheegay in Ciidaan ay ku soo aadeyso xilli shacabka Soomaaliyeed ay u diyaar garoobayaan isbedel iyo doorasho ka dhacdo Soomaaliya.
 
Waxa uu shacabka Soomaaliyeed ugu baaqay in ay isku gurmadaan oo ay is gargaaraan maalmaha Ciida inta lagu guda jir

The Question of Today: How can current ruling Somali President H.E. Hassan Sheikh appoint his Somali electoral commission? Somalia's politically failed President H.E. Hassan Sheikh Mohamud has once again appointed today the Somali Electoral Commission so, is this  a kind of a dictatorial democracy for appointing your own electoral commission for presidency? Wake up Somali now to stop such illegal move which disables parliamentary mandate and its policies to govern and make laws.

Muqdishu Juun 30, 2016 Wasaaradda Awqaafta iyo arrimaha Diinta Xukuumadda Soomaaliya ayaa ka hor timid Xeerka Jinsiga ee ay meel mariyeen Golaha Wasiirrada Dowladda Soomaaliya,kaas oo ay Hay’adda Culimada Soomaaliyeed ku tilmaantay mid Diinta ka hor imanaya.

Agaasimaha Waaxda Diinta Sheekh Cali Maxamuud Cali Dheere ayaa wareysi uu siiyay Warbaahinta,waxaa uu ku sheegay in Bayaanka ay soo saareen Hay’adda Culimada Soomaaliyeed ee ku saabsanaa Xeerka ay Wasaaradda Haweenka u gudbisay Golaha Wasiirrada ee Khilaafsan Diinta ay Wasaaradda la qabto Culimada Bayaan kooda.

Sheekh Cali Dheere ayaa yiri “Wasiirradda Xeerka meel mariyay,kuwa gudbiyay iyo Baarlamaankaba ay Diinta ku dhasheen iyadana ka weyn tahay oo ay Sharciga hortagi doonaan haddii ay meelkaga dhacaan”.

C/Risaaq Max’ed Qeyloow Xog-hayaha joogtada ah ee Wasaaradda Diinta iyo Awqaafta ayaa waxaa uu sidoo kale Warbaahinta u sheegay in Bayaanka ay Culimada soo saareen ay ayidayaan,waxaana uu ku baaqay in aan dalka lagu faafin waxyaabaha dhaawacaya Diinta Islaamka.

Muqdishu Juun 30, 2016 shacab ku dhaqan magaalada laascaanood oo kamarada lala dhex qaaday gudaha magaalada laaacaanood ayaa waxay ka cabanayaan maamul xumo dhan kasta leh oo xitaa ay kamid tahay wadooyinka oo loo waayay taraafiko kala hagta,Waaxana ay hosta ka xariiqeen in ay doonayaan in ay ka degal rogtaan maleeshiyaadka taagta daran ee snm.

Shacabka reer laascaanood ayaa la daala dhacaya maamul xumo fara ba an ku haysa taasoo ay sabab u tahay maamulka wakiilka u jooga laascaanood oo aan hab aqoon leh ula dhaqmin bulshada balse guna lacageed uun ka  qaata.

Muqdishu Juun 30, 2016 Wasiir ka tirsan Khaatumo oo Maamulka Somaliland oo ku eedeeyay hurinta colaada ka socda Laascaanood

Wsiir ku xigeenka Wasarada Arimaha Gudaha ee Maamulka Khaatumo, Abshir C/casiis Sheekh ayaa Maamulka Somaaliland ku eedeeyay hurinta Dagaallo ka socda Degaano hoostaga Magaalada Laascaanood ee Gobolka Sool.

Wasiir Abshir ayaa shaaca ka qaaday in Maamulka Soomaaliland ay Ciidamo u soo direen Degaanada lagu kala magacaabo Dharkeen-Geenyo iyo Dhumay oo hoostaga Magaalada Laascaanood.

Isagoo hadalkiisa sii wata ayaa waxuu tilmaamay in colaada ka aloosan Degaanadaasi ay ku dhinteen in ka badan 80 Ruux, waxuuna carabka ku adkeeyay in colaadaasi ay u dhaxeysa Beelo Walaalo ah oo Soomaaliland gadaal ka soo riixeyso.

Dagaalkan oo dhawaan ka qarxay Degaanada hoostaga Magaalada Laascaanood ayaa waxaa Mas’uuliyiinta Maamulka Khaatumo waxey dusha kaga tuureen Maamulka Soomaliland.

Gaalkacyo Juun 30, 2016 Madaxweynaha Puntland, C/weli Maxamed Cali (Gaas) iyo wefdi balaaran oo uu hogaaminayo ayaa Maanta oo khamiis ah ku wajahan Magaalada Gaalkacyo ee xarunta Gobalka Mudug.

Safarka madaxweynaha oo aad loo hadal hayay ayaa la filayaa inuu ku saabsan yahay arrimaha ammaanka iyo isbadalo uu ku sameyndoonan masuuliyiinta maamulka iyo kuwo amniga oo qaarkood qirtay inay ku fashilmeen wax ka qabashada aminga Gaalkacyo.

Wasiirka amniga Puntland Cabdi Xirsi Cali Qarjab iyo saraakiil ciidan ayaa madaxweynaha ugasii hormaray magaalada Gaalkacyo, si ay ugusii gogol xaaraan safarka madaxweynaha. waxaana magaalada ka socda howlgallo amniga lagusii xaqiijinayo.

Madaxweyne Gaas oo sanadkii hore wax badan kasoo qabtay  kaabayaasha dhaqaalaha ee magaalada Gaalkacyo ayaa laga sugayaa inuu qaado tilaabooyin badan oo lagu xoojinayo ammaanka gobolka, kadib markii dilal isdaba joog ah oo lagu qaarijiyay masuuliyiin dowladdeed iyo shacab ay ka dhaceen Gaalkacyo muddo saddex bilood gudaheed ah.

Muqdishu Juun 30, 2016 Madaxweynahan Soomaaliya Xasan Sheekh Maxamuud ayaa Wareegto ku Magacaabay Guddiga Doorashooyinka Soomaaliya ee 2016.

Guddiga ayaa waxaa uu ka Kooban yahay 22 Xubnood,iyadoo laga saaray Wasiiraddii Xukumadda ku jiray ee Muranka uu ka dhashay.

HALKAN HOOSE KA AKHRISO MAGACYADA

  1. Cumar Maxamed Cabdulle
  2. Burhaan Cilmi Xirsi
  3. Mustiim Wayd
  4. Maxamed Keynaan
  5. Saciid Jaamac Cali (Qorsheel)
  6. Nafisa Geeddi Santuur
  7. Maxamed Cali Diiriye
  8. C/raxmaan Sheekh Mucaawiye
  9. Deeqa Yaasiin Xaaji Yuusuf
  10. Saciido Maxamed Mausciid
  11. Aweys Abuukar Sokorow
  12. Sahra Cabdi Xuseen Jaamac
  13. C/casiis Sheekh Xuseen Dayib
  14. Salaad Cali Ibraahim Catoos
  15. Aadan C/naasir Maxamed
  16. Cabdullaahi Salaad Yarow
  17. Yaasiin Cabdi Jaamac
  18. Axmed Maxamed Saciid
  19. Fardowsa Maxamed Ducaale
  20. Aamina Cabdullaahi Dheerow
  21. Raaxo Maxamed Janaqow

Beled Xaawo Juun 30, 2016 Ciidamada Kenya ayaa lagu soo waramayaa in ay Duqeyn dhanka Dhulka ah ay ka geysteen Degaano hoostaga Degmada Baled-xaawo ee Gobolka Gedo.

Guddoomiye Kuxigeenka Degmada Baled-xaawo ayaa sheegay in Ciidamada Kenya ay Duqeyn ka Fuliyeen Deegaano hoostimaada Baled-xaawo islamarkaana ay ku nool yihiin Dad Shacab ah,waxaana Duqeynta ay Sababtay Khasaaro kala duwan.

Kenya ayaa sheegtay in ay Bartilmaameydsatay Xeryo ay ku jiraan Dagaalameyaasha Xarakada Al-shabaab.

Khaatumo Juun 30, 2016 Madaxweynaha Maamulka Khaatumo State Dr. Cali Khalif Galeyr oo ka hadlay arrimo badan.

https://www.youtube.com/watch?v=NxrY0KmRkEw

Lafoole Juun 30, 2016 Gaari nooca dadweynaha ah oo ay saarnaayeen shacab badan ayaa saakay ku qarxay deegaanka Lafoole ee gobolka Shabellaha Hoose, waxaana la helayaa faah faahino dheeraad ah.

Dhimasha 20 ayeey kor usii dhaaftay, waxaana muuqaal laga soo qaaday gaariga qaraxu haleelay muujinayaa mid gabi ahaanba burburiyey gaarigii halkaasi marayey.

Muqdishu Juun 30, 2016 Madaxtooyada Soomaaliya ayaa sheegaya in Madaxweynaha Soomaaliya Xasan Sheekh Maxamuud uu Magacaabay Guddiyadda Doorashada Soomaaliya ee 2016.

Tirada Guddiyada uu Madaxweynaha Soomaaliya Magacaabay oo aan weli la helin ayaa imaaneysa Xilli muran Xoogan uu ka dhashay Guddiyadii uu horey u Magacaabay Madaxweyne Xasan Sheekh Ee ay ku jireen Wasiiradda Xukumadda ka midka ah.

Shirkii ugu dambeeyay ee Hogaamiyaasha Madasha Qaran ay ku yeesheen Magaalada Baydhabo ayaa la isku raacay in wax ka badal lagu sameeyo Guddiyada Doorashooyinka,maadaama ay Cabasho ka daba timid.

Soomaaliya ayaa sida Qorshuhu yahay waxaa la filayaa in Doorasho ay ka dhacdo Bisha August Ee Sanadkaan.

Washington DC Juun 30, 2016 Madaxweyne Obama ayaa sheegay inuu jiro walaac la xiriira kkoboca wakhtiga dheer ee dhaqaalaha dunida, ka dib ka bixitaankii Britain ay u codaysay inay ka baxayso midowga Yurub.

Obama wuxuu sheegay in fursadaha koboca iyo maalgashiga ee Britain iyo dunida inteeda kale uu mushaakil soo wajihi karo.

Wuxuu ka codsaday Ra’iisalwasaaraha Britain David Cameron iyo hoggaamiyayaasha kale ee Yurub inay xaqiijiyaan hanaan hufan oo Britain ay ku baxdo.

Goor sii horreysay, ayay madaxda Yurub waxay Britain ugu baaqeen inay oggolaato in dadka reer Yurub ay si xor ah u tegi karaan dalkooda, haddii ay doonayaan inay qeyb ka sii ahaadaan suuqa mideysan ee Yurub.

Madaxweynaha maamulka Puntland C/wali Gaas ayaa tallo gacantiisa ka baxday kadib markii Beesha Cali Saleebaan ay taageertay Gudoomiyihii hore ee Gobolka Bari Cabdisamad Maxamed Gallan.

Muqdisho Juun 27, 2016 Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa maanta Xarunta Madaxtooyada warqadaha aqoonsiga kaga guddoomay Danjiraha cusub ee Boqortooyada Belgium wakiilka uga noqon doonta Soomaaliya, Roxane de Bilderling.

Madaxweynaha ayaa Danjiraha u ballanqaaday in si buuxda ay Dowladda Soomaaliya ula shaqeyn doonto, uuna ku faraxsan yahay doorka Belgium-ka ee arrimaha Soomaaliya.

Danjire de Bilderling ayaa sheegtay in dalkeeda oo xubin ka ah Midowga Yurub uu diyaar u yahay xoojinta xiriirka iyo iskaashiga labada dal.

Dowladda Belgium waxay ballanqaadday inay Soomaaliya kala shaqeyn doonaan arrimo badan sida amniga, dhaqaalaha iyo horumarinta bulshada.

Wasaaradda Arrimaha Dibadda Ee Dalka Soomaaliya's photo.
Wasaaradda Arrimaha Dibadda Ee Dalka Soomaaliya's photo.

The Question of Today: Somali Government started to appoint bogus list of Somali Traditional Leaders so, that the Currennt failed leaders determined to use and change the true Somali traditional eleders with bogus Somali Traditional elders. Listen to some of the complaining Somali clans such as Hawadle Tribe https://www.youtube.com/watch?time_continue=43&v=JZGyCgfy5Xk

Muqdisho juun 27, 2016 Ayadoo dhawaan lasoo saray odayaasha dhaqanka ee Soomaaliyeed ee soo xuli doono xildhibanada soomaaliya oo dhawaan badali doono xildhibaanada haatan jooga oo waqtigooda sii dhamanaayo.

Qaar katirsan nabadoonada kasoo jeedo beel weynta Xawaadle yaa sheegay in aan aqbali doonin qoraalka kasoo baxay dowlada kasoo ku aadan odayaasha soo xuli doono barlamaanka soomaaliya oo laga tagay ugaaska Guud ee beesha Xawaadle.

Ma aqoonsanin dowlada Xasan sheekh waana cadowga Gobolka hiiraan ayuu yiri mid kamid ah odayaasha halkaasi kushiray waxaana oo sii raaciyay in dowlada soomaaliya si toos ah iyo si maskixiyan ula dagaalantay gobolka Hiiraan.https://www.youtube.com/watch?time_continue=43&v=JZGyCgfy5Xk
Muqdisho juun 27, 2016 Ururka Midowga Yurub ayaa xil ka qaadis ku sameeyay wakiilkooda Soomaaliya kadib markii horey loosoo bandhigay baaritaano caalami ah oo fadeexad ku ah midowga Yurub.

Warbaahinta Dalsoor ayaa  baahisey in Shaqadii laga ceyriyey Ergaygii Midowga Yurub u joogay Soomaaliya & qaar kamid ah Shaqaalihiisii, ka dib markii ay Warbaahinta Dalsoor horey u soo bandhigtay qoraalo ay diyaarisay Xaruntas oo Soomaaliya Sumcadeeda iy Qaranimadeeda xadgudub weyn ku ahaa.
Muqdisho juun 27, 2016 Madaxweyne Xasan Sheekh ayaa ku dhaqaaqay tallaabo aan hore loo arag kadib markii uu faragelin ku sameeyay liiska odayaasha dhaqanka dalka ugu sareeya ee leh saxiixa xildhibaanada labada aqal ee baarlamaanka, waxaana markii ugu horeysay uu ka reebay liiska Duubab caan ah oo isaga aysan isku fiicneyn.

Duubabka uu madaxweyne Xasan Sheekh ka reebay liiska odayaasha gaaraya 135-ta ee rasmiga ah oo fara badan waxaan kasoo qaadaneynaa saddex ka mida oo kala ah:

Duubabka-Xasan-Sheekh-diday

1 – Malaaq Cali Maxamed Wehiye – Malaaqan oo ah malaaqa Xamar iyo Xamardaye – waa duubka ugu weyn beelaha dega Muqdisho illaa Balcad, waxaana Madaxweynaha la sheegay inaysan isku wanaagsaneyn, taasoo keentay inuu booskiisa ku qoro oday dhaqameed hore uga mid ahaa liiskii hore, isla markaana uu Malaaqa guud ka reebo odayaasha.

2 – Ugaas Xasan Ugaas Khaliif – Ugaaska Beesha Xawaadle waxa uu ka mid yahay Duubabka waaweyn ee Xasan Sheekh uu ka reebay liiska odayaasha dhaqanka ee soo xulaya xildhibaanada Baarlamaanka 2016, waxaana tani loo aaneynayaa xurguf labada nin dhex martay, isagoo Ugaas Xasan si weyn uga hor yimid qorshihii Damjadiid ee dhismaha maamul u sameynta Hiiraan iyo Shabeelaha Dhexe. Inkastoo Ugaas Xasan uu xilka dhowaan la wareegay kadib geeridii walaalkiis Ugaas C/raxmaan, lana helin xilli lagu caleemo saaro, Beesha Xawaadle ma jirto cid kale oo ay isku raaci karaan, Ninka Booskaas uu Xasan Sheekh ku qorayna waxay u arkaan kala qeybin.

3 – Boqor C/llaahi Geedi Shadoor – Waa duub kale oo la caleemo saaray muddo dheerna ahaa Oday dhaqameed caan ah iyo siyaasi, laakiin waxaa liiskan looga reebay inuu aad uga horjeedo siyaasadda Madaxweyne Xasan Sheekh kana hor yimid dhismihii maamulka Galmudug. Waxaana booskiisa ku jira Oday dhaqameed kale oo madaxweynaha raacsan.

Arrintan waxay si cad u muujineysaa in Madaxweyne Xasan Sheekh oo doonaya inuu mar kale xilka ku soo laabto ujeedkiisu yahay inuu isagu sameysto dadkii dib u soo dooran lahaa. Waxaa sidoo kale ay caddeyn u tahay aargudasho ka dhan odayaasha diiday siyaasadda Xasan Sheekh ee ka dhanka ah beelaha Muqdisho iyo Koonfurta Soomaaliya.

Muqdisho juun 27, 2016 Hoggaamiyayaash Xisbiyada Mucaaradka Dalka Kenya ayaa Madaxweynaha Waddankaasi Uhur Kenyatta  ugu baaqay in ay Kenya ku dayato Uganda,Qorshe ay Ciidankeedana ugala baxeyso Soomalaiyana keento.

Hoggaamiyaha Xisbiga Mucaaridka ah ee ANC, Musalia Mudavadi iyo Mudane ka tirsan Baarlamaanka Kenya oo lagu magacaabo Bonny Khalwale, ayaa madaxweynaha Dalka Kenya in Ciidankooda ay ka baxaan Soomaaliya 2017ka sida ay qorsheysatay Uganda oo kale.

Hoggaamiyayaashan ayaa weydiiyay Uhur sababta ay Ciidanka Kenya u siijoogayaan Soomaaliya haddii la xirayo Xerada Dhadhaab oo ay ku sheegeen in ay Al-shabaab weerarro ka soo qaadaan.

Musalia Mudavadi,ayaa sheegay in Kenya uusan hadda xil ka saarneyn Xasiloonida Soomaaliya hase yeeshee uu xil ka saaranyahay dalkeeda,loona baahan yahay in ay isaga xoogga saarto.

Khalwale, ayaa yiri “ma garaneyno waxa aan ka difaaceyno Soomaaliya ee aan annaga iska difaaci la’nahay,ma garanayo Sababta Ciidanka Difaaca Kenya  ay ka qabanayaan gudaha Soomaaliya,Hadii lal heshiiyay Dowladda Soomaaliya Qaxootigana ay laabanayaan Kenyana waa in Ciidankeeda ay kala soo baxdaa Soomaaliya”.

Madaxweynaha Kenya ayaa wali ku adkeysanaya in Ciidanka Kenya ee  ku jira Soomaaliya ay sii joogaan Soomaaliya,halka ay Hoggaamiyayaasha Mucaaridka Kenya ay ku doodayaan in Ciidanka Kenya ay ka baxaan Soomaaliya.

Muqdisho juun 27, 2016 Ra’isal Wasaaraha Xukuumada Soomaaliya Cumar C/rashiid Cali Sharmaake ayaa shacabka Soomaaliyeed ugu baaqay in meel loogu soo wada jeesto dagaalka ay Dowlada kula jirto Al-Shabaab.

Ra’isal wasaaraha ayaa sidoo kale shacabka ugu baaqay iney si dhaw ula shaqeeyaan Hay’adaha amaanka ee Dowlada.

Waxa uu tilmaamay in Xukuumada Soomaaliya ay ku dagaaleyso in la soo afjaro dagaalka Al-Shabaab isla markaana laga saaro guud ahaan dalka.

Ra’isal Wasaaraha Xukuumada Soomaaliya Cumar C/rashiid Cali Sharmaake ayaa xusay in ay muhiim tahay in meel loogu soo wada jeesto dagaalka Al-Shabaab.

Al-Shabaab ayaa dagaal kula jira Ciidamada Dowlada iyo Dowladaha Ciidamadooda ay ka joogaan Soomaaliya, Waxaana weeraro ismiidaamin ah ay ka geystaan Xarumaha Dowlada iyo Hotel ku yaalla Muqdisho.

Muqdisho juun 27, 2016 Idaacadda Shabelle ayaa Siyaasiga Salaad Cali Jeelle waxuu ka hadlay hadal heyn ku aadan in uu ku sugnaa Hoteelka Naasa-Hablood ee Magaalada Muqdisho markii Al Shabaab ay weerarka ku qaadayeen.

Siyaasiga ayaa waxuu tilmaamay in hoteelka uu afur ku la haa xiliga uu ka dhacay Weerarka ismiidaaminta ee lagu qaaday Hoteelka, halkaasi oo ay ku dhinteen in ka badan 15 Ruux.

Salaad Cali Jeelle ayaa shaaca ka qaaday in xiriir uu ka dhaxeeyo Laamaha amaanka ee Dowladd Soomaaliya iyo Xarakada Al Shabaab.

Waxuu qeexay tan iyo markii la doortay Madaxweyne Xasan Sheekh Maxamuud in Magaalada Muqdisho ay ku soo bateen weerarada halka nuuc ee ah Gaari lagu qarxiyo Hoteel kadib ay Koox hubeysan ay gudaha u gasho.

Sikastaba, Siyaasiga Salaad Cali Jeelle ayaa ka dalbaday Madaxda Dowladda Federaalka Soomaaliya in ay mas’uuliyada iska saaraan sugida amaanka Shacabaka ama ay xilka iska-casilaan.

Muqdisho, 27 June 2016 (Villa Somalia) - Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud ayaa dhambaal hambalyo oo ku saabsan xuska sannad-guuradii 39-aad ee ka soo wareegtay maalinta xornimada Djibouti u diray Madaxweyne Ismaaciil Cumar Geelle.

“Anigoo ku hadlaya magaca Jamhuuriyadda Federaalka Soomaaliya iyo keygaba waxaa sharaf weyn ii ah inaan idin la qeybsado farxadda xuska maalinta xornimada dalkiina. Djibouti waa dal aanu walaalo nahay, mar walbana garab iyo taageero inoo ah, horumarka aad gaarteenna muddadii aad xornimada haysateen waa horumar ay Soomaaliyana ku faanto’, ayuu dhambaalkiisa ku yiri Madaxweynaha.

Waxaa uu Madaxweyne Xasan Sheekh Maxamuud sidoo kale dhambaalkiisa uu ku ammaanay hoggaanka Madaxweyne Geelle oo uu sheegay inuu reer Djibouti u horseeday horumar, nabad iyo xasilooni.

“Waxaan kugu bogaadinayaa hoggaankaaga toosan ee ku dayashada mudan ee aad shacabkaaga ugu horseedday horumarka iyo nabadda Djibouti ka jirta. Hufnaanta hoggaankaaga waxaa sidoo kale ka faa’ideystey shacabka Soomaaliyeed oo aad wax badan u hurtay. Soomaaliya waxay mar walba doonaysaa inuu sii jiro lana sii xoojiyo xiriirka ka dhexeeya labada dal ee walaalaha ah’’.

Madaxweyne Xasan Sheekh Maxamuud ayaa hoggaanka iyo shacabka reer Djibouti u rajeeyay horumar, nabad iyo barwaaqo, sannadkan kiisa xigana ay ku gaaraan horumar ka ballaaran kan waqtigan ay haystaan.

Muqdisho, 27 June 2016 Dowladda Soomaaliya ayaa ku dhawaaqday in dib loo dhigay Aaska Allah u naxariistee Marxuum Burci Maxamed Xamza oo ahaa Wasiiru dowlaha Xafiiska Ra’iisul wasaaraha ee Arrimaha Deegaanka, oo kamid ahaa Marxuumiintii ku geeriyooday Weerarkii Hotel Naasa Hablood 1 ee magaalada Muqdisho.

Wasiirka Warfaafinta Dhaqanka iyo Dalxiiska Xukuumadda Soomaaliya Mudane Maxamed Cabdi Xayir Maareeye ayaa sheegay in illaa Maalinka Talaadada dib loo dhigay Aaska Marxuumka, si loo sugo Ehellada Qaarkood oo dalka dibaddiisa ka Imaanaya.

Wasiirka, ayaa sheegay Maalinta Talaadada Salaad Janaaso ah lagu tukan doono Marxuumka, kadibna Aas Qaran loogu Sameyn doono Magaalada Muqdisho.

Wasiir Maareeye, ayaa dhammaan Shacabka Soomaaliyeed gaar ahaan Ehellada Dadkii ku dhintay weerarkii shalay uga tacsiyeeyay, isagoo Xusay in dowladda Soomaaliya ay murugada iyo Xanuunka la qeysaneyso.

Muqdisho, 27 June 2016 (Villa Somalia) -Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa maanta Xarunta Madaxtooyada ku qaabilay Wasiirka Arrimaha Dibedda ee Jamhuuriyadda Islaamiga ee Mauritania, Mudane Isselkou Ould Ahmed Izid Bih, oo dalka booqasho ku jooga.

Wasiirka ayaa Madaxweynaha soo gaarsiiyay martiqaad uu ka siday Madaxweynaha Jamhuuriyadda Islaamiga ee Mauritania, Mohamed Ould Abdel Aziz, kuna saabsan ka qeybgalka Shir Madaxeedka Jaamacadda Carabta oo dhammaadka bisha dambe ka dhici doona magaalada Nouakchott.

Madaxweyne Xasan Sheekh Maxamuud ayaa aqbaley martiqaadkaasi isagoo sheegay in Soomaaliya uu shirkaasi muhiim u yahay, ayna ka qeybgeli doonto. Waxaa uu Madaxweyne Xasan Sheekh Maxamuud ka codsadey Wasiirka inuu salaan qiimo badan ka gaarsiiyo Madaxweyne Ould Abdel Aziz.

Wasiirka Arrimaha Dibedda ee Mauritaniam Mudane Ahmed Izid Bih, ayaa sheegay in dalkiisu oo markii ugu horeysay martigelinayaa shir madaxeedkan uu xoogga saarayo in ajendayaasha ugu waaweyn ee laga doodi doono ay arrimaha Soomaaliya ka mid noqoto, isla markaana ku boorrin doonaan waddamada Carabta inay gacan weyn ka geystaan taageerada ay Soomaaliya u baahan tahay.

Kulankan waxaa goobjoog ka ahaa Wasiiru Dowlaha Arrimaha Dibedda ee Dowladda Federaalka Soomaaliya, Mudane Khaalid Cumar Cali iyo mas’uuliyiin kale oo labada dhinac ka socotey.

Jubbaland 27 June 2016 Madaxweynaha maamulka Jubbaland Axmed Maxamed Islaam ayaa dadaal xooggan waxa u uga jiraa inuu xildhibaanno ka tirsan BFS ka dhigo siyaasiyiin caan ah.

Maadaama saxiixa ugu dambeeya ee xildhibaannada ka imaanaya Jubbaland uu isaga leeyahay ayaa hadda waxa uu olole ballaaran ugu jiraan in xildhibaanno ay noqdaan Hiwlowle Aadan iyo Jeneraal Fartaag oo beesha Mareexaan ah.

Siyaasiyiintan ayaa dhan walbo ka taageeray Axmed Madoobe markii ay xaajadu ku xumeyd, xitaa waxay uga hiiliyeen Barre Aadan Shire Hiiraale, waxa uu isna doonayaa inuu u abaal gudo.

Sidoo kal siyaasiyiin kale ayuu doonayaa inuu kusoo daro xildhibaannada soo aadan, waxaana ulajeedkiisa tahay in uu kala mashquuliyo dhammaan siyaasiyiinta Jubbaland.

WARARKA MAANTA Juun 26 2016

Muqdisho Juun 26, 2016 Masuuliyiin katirsan Dowlada Soomaaliya ayaa xaqiijiyay in weerarkii shalay lagu qaaday Hotelka Naaso Hablood ee magaalada Muqdisho uu ku geeriyooday Burci Maxamed Xamse oo ahaa Wasiiru Dowlihii Xafiika R/Wasaaraha ee Arimaha Bay’adda.

Wasiirka ayaa la sheegay in uu kamid ahaa dadka degan Hotelka Naaso Hablood, waxaana Wararka aan helnay sheegayaan in Wasiirka uu kusoo dumay qolkii uu ka degnaa nHotelka sidaasna uu ku geeryooday.

Xukuumada Soomaaliya ayaan wal war rasmi ah kasoo saarin Geerida Wasiirkan katirsanaa, sidoo kale wali lama oga in weerarkii shalay ay ku geeriyoodeen masuuliyiin kale oo katirsan Dowlada Federaalka Soomaaliya.

Puntland Juun 26, 2016 Madaxweynaha Maamulka Puntland Dr. Cabdiweli Maxamed Cali Gaas iyo wafdigii uu hoggaaminayey ee magaalada Baydhabo kaga qayb galay shirkii madasha wadatashiga hoggaamiyayaasha qaran ayaa Shalay 25-Jun-2016 kusoo laabtay magaalada Garoowe.

Madaxweynaha iyo wafdigiisa ayaa waxaa garoonka diyaaradaha ee Kanooko ee duleedka Garoowe kusoo dhoweeyey Madaxweyne ku-xigeenka Puntland Eng. Cabdixakiim Cabdullaahi Xaaji Cumar Camey, Wasiiro Xildhibaano, saraakiil Ciidan iyo saraakiil ka tirsan Madaxtooyada dawladda Puntland.

Soo dhoweyn kadib Madaxweynaha iyo wafdigiisa waxaa loosoo gudbiyey Madaxtooyada Puntland ee Garoowe halkaas oo uu kula hadlay qaybaha kala duwan ee saxaafadda isla markaana uga warbixiyey safarkiisii magaalada Baydhabo.

Dr. Cabdiweli Maxamed Cali ayaa sheegay in uu magaalada Baydhabo kaga qayb galay shirkii madasha wadatashiga qaranka kaas oo lagu dhammaystirayey hawlaha qaybyada ah ee la xiriira arrimaha doorashooyinka.

Sidoo kale Gaas waxa uu sheegay in shirkaasi uu guul kusoo dhammaaday isla markaana uu rajeynayo in waqtiga yare ee dhiman wax waliba sidii loogu talo galay ay kusoo dhammaadaan iyadoo la filayo in ay Puntland qabsoonto doorasho ka wanaagsan middii qabsoontay 2012-kii.

Dhinaca kale Madaxweynaha Puntland ayaa ka tacsiyeeyey geeridii naxdinta lahayd ee ku timi shacabkii Soomaaliyeed ee Shaly galabta lagu gumaaday Hotel Naaso Hablood ee magaaalada Muqdisho waxaana uu falkaasi ku tilmaamay mid ay ka dambeeyaan kooxaha sharwadayaasha Alshabaab.

Kismaayo Juun 26, 2016 Madaxweynaga Dowladda Jubbaland Mudane Axmed Maxamed Islaam ayaa waxuu ugu baaqay Dowladda Gobaleedka Somaliland inay u soo hoyato walaalahood isla-markaasna ay iska dhaafaan waxyaabaha beenta ah.

https://www.youtube.com/watch?time_continue=59&v=Ex44tHuNkXw

Muqdisho Juun 26, 2016 Aroornimadii hore ee saakay ayaa waxaa Hoteelka Naasahablood ee Magaalada Muqdisho ka bilaabatay hawlo burburka Hotelka looga raadinayo dadkii ku waxyeeloobay qaraxii iyo weerarkii tooska ahaa ee shalay lagu qaaday Hoteelka.

Ciidamada Dowladda iyo shaqaalaha gurmadka deg-degga ayaa waxay halkaasi ka soo saareen meydadka saddex qof oo loo malaynayo inay ku geeriyoodeen qaraxii ka dhacay Hoteelka.

Dhanka kale weerarkan ayaa sidoo kale sababay gubashada kaalin shidaal oo dacalka ku haysay Hotelka Naasahablood, waxaana iska laheyd Shirkadda SOMOIL.

Qarax-Hotel-Naasahablood-65

Kismaayo Juun 26, 2016 Madaxwaynaha maamul goboleedka maamulka Jubba Land mudane Axmed Madoobe ayaa si wayn uga hadlay maalinta 26-June qiimaha iyo muhiimada ay u leedahay ummada Soomaaliyeed dhamaan si gaar ahna maamulka Hargaysa fariin adag ugu diray.

Muqdisho Juun 26, 2016 Munaasabad lagu xusayay 56 guurada ka soo wareegatay markii calanka Soomaaliyeed laga taagay gobolada waqooyiga ee hada la magacbaxay Somaliland ayna xornimada ka qaateen gumeystihii Ingiriiska ayaa xalay lagu qabtay magaalada Muqdisho ee Caasimada Soomaaliya.

Munaasabada ayaa waxaa kasoo qeyb galay madaxweynaha Soomaaliya Xasan Sheekh Maxamuud ,wasiiro ka tirsan dowladda Soomaaliya ,xilidhibaano iyo sidoo kale dad u soo joogay xiligii xoriyadda.

Ugu horeyn munaasabada waxaa ka hadlay gudoomiyaha gobolka Banaadir Sheekh Yuusuf Xuseen Jimcaale iyo sidoo kale wasiirka wasaarada warfaafinta ee dowladda Soomaaliya Maxamed Cabdi Xayir waxayna si kooban ugu hadleen muhiimada ay bulshada Soomaaliyeed u leedahay xuska 56 guuradii kasoo wareegtay markii calanka laga taagay gobolada waqooyi Soomaaliya.

Madaxweynaha Soomaaliya Xasan Sheekh Maxamuud ayaa hambalyo u diray dhammaan shacabka Soomaaliyeed meelo walba oo ay joogaan.

Madaxweynaha ayaa sheegay in loo baahaynayay in bulshada Soomaaliyeed ay la yimaadaan garowshiyo ku aadan dhibta walaalaha waqooyi gaaray, xoogana la saaro ka shaqeynta midnimada Ummadda Soomaaliyeed.

211716

Su'aasha Maanta: Maxaa keenay fashilka Uruurka Damu-Jadiid Iyo lacag la'aanta soo wajahday billahan dembe? Khaa'inimadii Ururka Damu-Jadidi oo dhulka ku jeeday hoggaankii dalka.



 

WARARKA MAANTA Juun 25 2016

Su'aasha Maanta: Maxaa keenay fashilka Uruurka Damu-Jadiid Iyo lacag la'aanta soo wajahday billahan dembe? Khaa'inimadii Ururka Damu-Jadidi oo dhulka ku jeeday hoggaankii dalka.

Muqdisho Juun 25, 2016 Waxaa laga deyrinayaa shaqooyinka ka dhex socda Wasaarada boostada iyo isgaarsiinta Xukuumadda Somalia, kadib markii halkaasi ay saldhig u noqotay dhallinyaro iyo odayaal asal ahaan kasoo jeeda dalka Ethiopia.

Wasiirka boostada iyo isgaarsiinta Maxamed Jaamac Mursal (Geelle) oo xilkaasi la wareegay May 10, 2016, ayaa waxaa lagu dhaliilay in shaqaalaha Wasaarada uu kala eryay isaga oo shaqaale cusub kala imaaday magaalada Jigjiga, halka qaarna uu ka dhex qortay magaalada Muqdisho.

Shaqaalaha qaar ee wali ku harsan Wasaarada ayaa sheegay in Geelle uu gabi ahaan Wasaarada ka dhigay mid dhaxal u ah, waxa ayna carab dhabeen in Wasaarada uu ka dhigay Kafateeriyo uu ku qaabilo diblumaasiyiinta Ethiopia ka jooga Somalia.

Mid kamid ah xubnaha iminka ka howlgala Wasaarada ee aan xogtaani ka helnay ayaa sheegay in Wasiir Geelle uu ilaa iyo iminka qaban wax howl ah islamarkaana uu yahay mid ku mashquulsan safaro uu u kala gooshaayo Muqdisho, Jigjiga iyo Addis Ababa.

Wasaarada boostada iyo isgaarsiinta Xukuumadda DF oo xili hore aheyd Wasaaradaha ugu howsha badan, ayaa iminka u muuqata mid aad u liidata ka dib markii lagala weecday haabkii ay ku shaqeyneysay.

Howlwadeenada Wasaarada ayaa la soo warinayaa in dhowr jeer ay cabasho u gudbiyeen Xukuumada Somalia, hayeeshee waxaan jirin jawaab laga baxshay cabashadooda.

Wasiirka boostada iyo isgaarsiinta Xukuumadda DF Maxamed Jaamac Mursal (Geelle), ayaa waxaa xilkaasi Xukuumada Somalia uga dhameyay Dowlada Ethiopia, waxa uuna waligii ahaan jiray gacanyarihii Gen. Gebra.

Dhanka kale, Wasaarada Boostada Somalia, ayaa si rasmi ah ugu gacangashay Dowlada ethiopia waxaana mar waliba suuragal ah in Sirta Dowlada ay u wada gacan gasho Dowlada ethiopia.

Muqdisho Juun 25, 2016 Ciidamada Hay’adda Sirdoonka iyo Nabadsugidda Soomaaliya ayaa Xalay gacanta ku dhigay gaari Kaarib ah oo lagu diyaarinayay walxaha Qarxa, kadib howlgal ay ka sameeyeen Qabuuraha Gen Da’uud Degmada Wartanabadda ee Magaalada Mudisho.

Afhayeenka Maamulka Gobalka Banaadir Cabdifataax Cumar Xalane ayaa  sheegay in wali ay baaritaan wadaan ciidamada, sidoo kalana la ogaanayo in ay jiraan walxo kale oo qarxa oo lagu diyaarinayay goobta laga qabtay gaariga.

Ciidamada ayaa gudaha gaariga kasoo saaray Rasaasta Qoriga RPG-ga, Boolal iyo waxyaabo kale oo loo adeegsado Qaraxyada Baabuurta.

Dhinaca kale, Wasaaradda Amniga Xukuumadda Soomaaliya  ayaa Wakaaladda Wararka Soomaaliyeed Ee SONNA u sheegtay in Qaraxyo Xalay Laga Maqlay Muqdisho ay ahaayeen Baaruud lasoo galiyay Baco, oo aan gaysan Waxyeello.

Afhayeenka Wasaaradda Amniga Cabdikaamil Macalin Xirsi, ayaa xusay in Ciidamada Ammaanka ay Baaris Wadaan, si rasmi ahna loo soo bandhigi doono waxyaabaha macmalka ah la doonayay in Ammaanka lagu qalqalgaliyo.

Gedo Juun 25, 2016 Faah faahino kala duwan ayaa ka soo baxaya khasaaraha dhimasho ee ka dhashay Weerar Xalay lagu qaaday fariisin Ciidamada Itoobiya ee qeybta ka ah howlgalka AMISOM ay ku leeyihiin Gobolka Gedo. Weerarkan ayaa Dagaal yahano hubeysan oo ka mid ah Xarakada Al Shabaab waxey ku qaadeen Degaanka Yarkud oo qiyaas ahaan 40Km u jirta Degmada Luuq ee Gobolka Gedo.

Weerarka kadib ayaa Ciidamada Itoobiya iyo kuwa Xarakada Al Shabaab waxaa halkaasi ku dhexmaray Dagaal Culus.

Dadka Degaanka qaarkood ayaa sheegay in Dagaalkaasi ay ku dhinteen ugu yaraan 5 Ruux oo ka mid ahaa Xoolo dhaqato halkaasi ku sugnaa maadaama rasaasta wiifto ay ugu tagtay hooygooda.

Wararka ayaa sidoo kale sheegaya in uu jiro khasaaro kala duwan oo weerarkaasi lagu gaarsiiyay Ciidamada Itoobiya.

Dhinaca kale, Ciidamada Itoobiya ayaa saaka howlgallo kala duwan waxey ka wadaan Xaafadaha ku teedsan Degaanka Yarkud ee Gobolka Gedo.

Weli lama soo sheegin hadii ay jiraan Ciidamadu Dad ay ku soo qab qabteen howlgalladooda.

Ilaa iyo hada lama khasaaraha dhabta ah ee kala gaaray Xoogaga Itoobiya iyo Dagaal yahanada Xarakada Al Shabaab ee ku Dagaalamay Gobolka Gedo.

Washington D Juun 25, 2016 Madaxweyne Obama ayaa sheegay in Maraykanka iyo Britain ay ka wada shaqeyn doonaan, sidii loo xaqiijin lahaa in ka bixitaankeeda Midowga Yurub aanu sababin dhibaato weyn oo dhanka dhaqaalaha ah.

Madaxweynaha ayaa telefoonka kula hadlay ra’iisul wasaaraha xilka kasii degaya, David Cameron, iyo hogaamiyaha Jarmalka, Angela Merkel, asaga oo u xaqiijiyan in Britain iyo ay Maraykanka la leeyihiin xiriir aad u adag.

Aqalka cad ee Maraykanka looga arrimiyo ayaa sheegay in Mr Obama uu weli rumeysan yahay, in Britain ay dhibaato badan kala kulmi doonto heshiisyada ganacsiga ee mustaqbalka, maadaama ay go’aansatay ka bixida Midowga Yurub.

Wasaaradda maaliyadda ee Maraykanka ayaa sheegtay in ay dejineyso xaalka suuqyada dhaqaalaha ee caalamka, ka dib walaacii ka dhashay natiijada aftidii ka dhacday Britain.

Puntland Juun 25, 2016 Guddoomiyihii hore ee Maamulka Gobolka Bari ee Puntland C/samada Maxamed Cali Gallan, ayaa ku goodiyay inuu dhulka dhigi doono daaraha ku yaala Gaalkacyo iyo xarumaha maamulka hadii ay ciidamada C/wali Gaas kusii dhiiradaan weerarada ay ku hayaan.

Gallan, ayaa sheegay in isaga iyo ciidamadiisa ay ka go’an tahay inay la xisaabtamaan C/wali Gaas oo uu ku sifeeyay inuu yahya mid la degay maamulka, cadaalada iyo dhaqaalaha Puntland.

Gallan, waxa uu sheegay in isaga iyo ciidamadiisa ay duulaan ku yihiin Degaanada uu ka arimiyo Maamulka Puntland.

C/samada waxuu tilmaamay in Maamulka Madaxweyne C/weli Maxamed Cali Gaas uu dhibaato ku hayo Shacabka ku dhaqan Degaanka Puntland, isagoo qeexay in dhac, boob iyo jirdil la isugu daray Shacabka reer Puntland.

C/wali Gaas ayuu sheegay inuu u bareeray Boobka waxa uuna tusaale usoo qaatay warshad uu sheegay in Gaas uu kala imaaday dalka dibadiisa si loogu sameeyo lacago been abuur ah oo lagu dhaco Shacabka, sida uu hadalka u dhigay

Muqdisho Juun 25, 2016 Waxaa magaalada Kismaayo ee gobolka Jubada Hoose laga dareemayaa dhaqdhaqaaqyo ciidan oo ay wadaan ciidamada Jubbaland iyo kuwa AMISOM.

Madaxweynaha Jubbaland Axmed Maxamed Islaam Madoobe ayaa bishan billowgeeda mar uu saxaafadda la hadlay waxay uu sheegay in duulaanka ay qaadi doonaan bisha soo adan.

Bisha 7-aad ayaa la filayaa in dagaalkaan uu billowdo, waxaana si wadajir ah u qaadi doona ciidanka DF, Jubbaland iyo kuwa AMISOM ee Kenya iyo Itoobiya.

Guud ahaan deegaannada Jubbaland ee hadda aanay joogin Al-shabaab waxaa laga dareemayaa dhaq dhaqaaqyada ciidan ee lagu doonayo in Jubbaland lagu xoreeyo.

Muqdisho Juun 25, 2016 Qaraxyo is-daba-joog ah ayaa fiidnimadii Xalay waxey ku dhaceen qeybo ka mid ah Magaalada Muqdisho, sida xaafado ka tirsan Degmooyinka Warta-Nabadda, Hodan iyo Deyniile, waxaana xusid mudan in Qaraxyada badankooda ay ku dhaceen nawaaxiga Wasaarada Gaashaandhiga ee Degmada Hodan.

Darawal ka badbaaday madaafiicdii Xalay oo la hadlay Idaacadda Shabelle ayaa sheegay in duqeyntaasi ay saameysay gaarigii uu watay.

Dhinaca kale, mid ka mid ah hoobiyeyaashaasi oo ku dhacay Nawaaxiga Wasaarada Gaashaandhiga ayaa waxaa ku dhintay 1 Ruux halka labo kalana ay ku dhaawacmeen kadib markii uu haleelay Mooto ay la socdeen Gabar iyo Hooyadeed halkaasina ay ku dhimatay Gabadha islamarkaana ay ku dhaawacmeen Hooyadii iyo Wadihii Mootadaasi, sida uu goobjooge u xaqiijiyay Idaacadda Shabelle.

Geesta kale Afhayeenka Wasaarada Amniga, Cabdi Kaamil Macalin Shukri oo la hadlay Idaacadda Shabelle ayaa Madafiicdii Xalay ku dhaceyso qeybo ka mid ah Magaalada Muqdisho ku tilmaamay baaruud aan waxba Dadka u dhimeyn.

Cabdi Kaamil Macalin Shukri ayaa sidoo kale tilmaamay in Gaari waxyaabaha Qarxa laga soo buuxiyay ay Ciidamada amaanka ku qabteen Degmada Warta-Nabada ee Gobolka Banaadir, isagoona qeexay in talaabadaasi ay muujineyso sugida amaanka Caasimada.

Weli ma jiro cid sheegatay mas’uuliyada madaafiicdii Xalay lagu gaaracay Degmooyinka Magaalada Muqdisho.

Muqdisho Juun 25, 2016 Guddoomiyaha Maxkamadda Racfaanka Saalax Sheekh Ibraahim Dhiblaawe ayaa si rasmi xilka ugala wareegay Guddoomiyihii hore Xasan Maxamed Cali Wariiri. Xafladda Xilwareejinta oo ka dhacday xarunta Maxkamadda ayaa waxaa ka qeybgalay mas’uuliyiin kala duwan, iyadoo gudoomiyaha cusub ee maxkamadda Racfaanka uu si rasmi ah xilkaasi ugala wareegay gudoomiyihii hore Saalax Sheekh Ibraahim gudoomiyaha maxkamada Racfaanka oo ka hadlay munaasabaddaasi ayaa rajo wanaagsan ka muujiyay in uu xilkiisa u gudan doono si hufan oo caddaalad leh isagoo ka codsaday howlwadeennada maxkamadda iney ula shaqeeyaan si wanaagsan

Baydhabo Juun 25, 2016 Wariyaasha ka howlgala magalada Baydhabo ayaa goordhow waxaa lagu wargeliyay in ay tagaan xarunta uu ka socdo shirka Madasha wada tashiga Qaran halkaas oo goordhow lagu wado in shirka lagusoo gaba gabeeyo.

Xarunta uu ka socdo shirka ayaa waxaa kusii qulqulaya Wariyasha ku sugan magalada Baydhabo waxaana Shirka uu qaatay wax ka badan 4 Maalmood waxana lagu wadaa in saacadaha soo socdo lasoo gaba gabeeyo Warmurtiyeedna lagasoo saaro.

Warar hordhac ah ayaa waxay sheegayaan in Ergada ka qeyb galeysa shirka ay isku afgarteen waxyaabo dhowr ah lana filayo in ay soo saaraan.

Maamulka Goballada Dhexe Juun 25, 2016 Guriceel Maamulka ahlu sunna  ayaa xaflad balaadhan u qabtay saraakiishii iyo ciidamadii kaga dhintay dagaalkii ay kula jiren alshabab. Waxaana xuskan  uu ahaa mid loogu magac daray xuska maalinta Shuhadada ahlu sunna wal jamaca waxaana ka soo qeyb galay madaxweynaha maamulka ahlu sunna sh axmed shaakir.

 

 

WARARKA MAANTA Juun 24 2016

Muqdisho Jimco Juun 24, 2016 Madaxweynaha Damu-Jadiid Mudane Xassan Shiikh Maxamuud oo xilkii ka qaaday labadii wasiir ee dumarka uhu jiray golaha wasiiradda si sharci-darro ah. Xubnaha xilalka laga qaaday ayaa kala ah Marwo Khadra Bashiir Cali oo ahayd Wasiirka Waxbarashada iyo Tacliinta Sare iyo Marwo Xaawo Xasan Maxamed oo ahayd Wasiirka Caafimaadka.

Waxaa sidoo kale uu Madaxweynaha aqbaley magacaabista laba wasiir oo cusub oo xilalkaasi la wareegaya.

Labada qof ee la magacaabay ayaa ah kuwo ka soo kala shaqeeyey Maamulada dalka ayagoo midkood iclaamiyey inay Puntland State ka go'do Soomaaliya sida aanu soo bandhigi doono cajaladdo laga duubay asagoo ka hadlaaya Minneapolis, MN

Aqbalaadda xil ka qaadista iyo magacaabista xubnahan Golaha Wasiirada ka tirsan ayaa dhaqangaleysa maanta oo taariikhdu tahay 24 June, 2016.

Su'aasha Maanta: Madaxweyne Mudane Damu-Jadid Xassan Shiikh oo beesha caalamka ay u soo jeedisay inuu is-casilo maadaamo oo muddo 4 sanno waxba ugy qaban waatet Ummadda Soomaaliyeed asgaoo Guddiggii Doorashadda Damu-Jadiid la kala diray waayo ma waafaqsana sharciga dalka iyo xeerarka caalamiga. Beeni raad ma leh ee Mudane Madaxweyne Xassan Ilaahay u toobadkeen oo cafsi weydiiso Ummadda Soomaaliyeed ee aad muddada ku soo lugooynaysay siyaasadda ma dhalaysa ah.

Baydhabo Juun 24, 2016 Madaxweynaha dowladda Federaalka Soomaaliya Xasan Sheekh Maxamuud ayaa hanjabaad aan caadi ahayn kala kulmay beesha caalamka kadib markii shalay isku dayey in khilaaf ka dhex abuuro shirka madasha Wadatashiga Qaran.

Shalay ayaa markii madashu diidday guddiga doorashada waxaa la sheegay in Xasan Sheekh ay xaaladda ku xumaatay, iskuna dayey sidii caadada ahayd in khilaf meesha uu ka abuuro.

Hase ahaatee waxaa Baydhabo degdeg ku tagay Beesha caalamka oo uu hoggaaminayey ergayga qaramada Midoobay u qaabilsan Soomaaliya Michel Keating.

Keating ayaa u sheegay Xasan Sheekh in marnaba aan laga aqbali doonin inuu khilaaf keeno, waxaana lagu qasbay in deg deg uu ku raco go’aankooda.

Xasan oo arrinkaasi aad ugu xun waxay qasab ku noqotay inuu qaato go’aanka xubnaha beesha caalamka, sidaasi ayuuna wax walbo ku aqbalay.

Garowe Juun 24, 2016 Qoraal kasoo baxay MAP ayaa lagu sheegay wasiirka warfaafinta inuu si bareer ah ugu hanjabay wariyaasha Puntland tilaabadaasina aysan ahayn mid sharci ah.

”wasiirku si bareer ah ayuu xilliga uu hanjabayay waxa uu ku sheegat in Puntland aysan ka jirin wax dastuur ah iyo sharci isa markaasna ay dowladdu dilayso wariyeyaasha isagoo intaas ku daray inaysan jirin Dastuur ay dowladdu eegayso taas bedelkeedana ay adeegsanayso dowladdu hub iyo ciidan” qoraalka MAP kasoo baxay ayaa sidaasi lagu yiri.

Burhaan Axmed Daahir oo madax kasoo noqday MAP iyo NUSOJ ayaa sheegay inay naxdin tahay in wasiirka warfaafinta ku goodiyo inuu xabad u addeegsanayo wariyaasha, wuxuuna saxaafadda ugu baaqay inay is ilaaliyaan maadama wasiirku ku hanjabay inuu laynayo saxaafadda.

Agaasimaha guud ee Radio Daljir Axmed Shiikh Maxamed Tolman ayaa sheegay inay hubin u baahan tahay cida dishay wariyaashii, wax kale uu sheegay wariyaasha inay taxadar muujiyaan.

Cabdiqani Cabdilaahi Irbad ayaa sheegay wixii soo gaaraya wariyaasha in loo raaxayo wasiirka warfaafinta Puntland.

Hadalka kasoo baxay wariyaasha iyo ururka MAP ayaa kusoo aadaya xilli wasiirka warfaafinta Puntland uu shalay soo saaray qoraal uu ku cadaynayo in warbaahinta ka howl gasha Puntland waraysiyo la yeelan karin dad uu ku tilmaamay inay Nabad-diid yihiin isla markasna xiriir la lee yihiin Daacish iyo Burcad badeed.

Maanta ayay ahayd markii wasiirku ku hanjabay inuu dilayo wariyaasha isla markasna wax sharci la yiraahdo u addeegsan doonin.

Washington Juun 24, 2016 Madaxweynaha Dowlada Mareykanka, Barack Obama ayaa ugu baaqay Madaxda Kenya in aysan ku fududaan xeritaanka Xeryaha Qaxootiga Dhadhaab, sida lagu sheegay Warsaxaafadeed ka soo baxay Aqalka Cad ee Mareykanka.

Isagoo qadka taleefanka kula hadlayay Madaxweynaha Kenya, Uhuru Kenyatta ayaa Madaxweyne Obama waxuu sheegay in Kenya looga baahan yahay taageerida Qaxootiga Soomaaliyeed.

Madaxweyne Obama iyo dhigiisa Dalka Kenya, Uhuru Kenyatta ayaa isku raacay in labada Dowladood ay iska kaashadaan arimaha ku qotoma Qaxootiga ku nool Xerada ugu weyn Aduunka ee Dhadhaab.

Isagoo dhawaan Xubno ka socday Golaha Amaanka ee QM kula kulmayay Magaalada Nairobi ayaa Madaxweyne Uhuru Kenyatta waxuu sheegay in go’aanka lagu xirayo Dhadhaab uu yahay mid horey loo gaaray.

Dowladda Kenya ayaa qorsheeneysa dib u celinta 600,000 oo Qaxooti kuwaasi oo siyaabo kala duwan ugu nool Xeryaha Qaxootiga Dhadhaab iyo Kaakuma oo ku yaalla Dalkaasi Kenya.

Briian Juun 24, 2016 Warbaahinta UK ayaa sheegtay in aftidii la qaaday shalay ay dadku ku codeeyeen in UK ay ka baxdo Midowga Yurub. Natiijooyinka hordhaca ah ayaa muujinaysa in kuwa taageersan in UK baxdo ay heleen 54% halka kuwa arrintaasi diidana ay heleen 48%.

Wali waxaa jira goobo la tirinayo codadka.

Natiijada aftida ayaa isla markiiba saameyn ku yeellatay suuqyada caalamka, gaar ahaa suuqyada Asia, waxaa hoos u dhacay qiimaha lacagta Pound-ka ee Britain isticmaasho.

Codeynta aftida waxaa ka qeybgalay 70%, waxaana ay u muuqataa in dadka intooda badan ay ka soo horjeedaan habka ay Midowga Yurub wax u maamusho oo ay aaminsan yihiin in awood badan ay ka qaadatay dadka Britain u dhashay.

Nigel Farage, oo madax u ah xisbiga madaxbannaanida UK, kana mid ah hoggaamiyayaasha ololaha ka dhanka ah Midowga Yurub waday ayaa sheegay in "23 June ay noqoto maalin taariikhi ah oo la mid ah maalinta xornimadeena"

Jubbaland State Juun 24, 2016 Madexweynaha Jubbaland State Mudane Axmed Maxamed Islam oo kashifay arrimo badan oo runta taabanayso ee bal dhegayso: https://www.youtube.com/watch?v=XqXgwpar_pA&feature=youtu.be

Baydhabo Juun 24, 2016 Madasha Hogaamiyaasha Qaran iyo dowlad gobaleedyada ayaa isku raacay in labo 2-xubnood oo ka socda Beelaha Banaadiriga lagu daro Aqalka Sare ee dalka Soomaaliya yeelanayo Sanadkan 2016.

Xubnaha Aqalka Sare ayaa horay u ahaa 54-xubnood waxaana haatan go’aankaan cusub xubnaha Aqalkaas la dhisayo uu ka dhigayaa 56-xubnood.

Warar hordhac ah oo ka soo baxaya shirarkii 22 ilaa 23 Bishan ayaa sheegaya in laysku raacay in lagu daro labadaasi xubnood sidaasi waxaa sheegay gudoomiye ku xigeenka koowaad ee Baarlamaanka Soomaaliya Jaylaani Nuur Ikar.

Madasha Hogaamiyaasha Qaran iyo Dowlad gobaleedyada ayaa haatan ku shirsan magaalada Baydhabo waxaana la filayaa in bari la soo gaba gabeeyo shirkaas iyadoo gabagabada laga soo saari doono qodobo ay ku heshiiyeen madaxda dalka.

Puntland Juun 24, 2016 Taliska Ciidanka Booliska Puntland, ayaa soo saaray awaamiir si deg deg ah loogu xirayo Xarumaha Idaacadda Daljir ku leedahay Magaalooyinka Puntland.

Talisyada Booliska Gobolada Mudug, Nugaal, Bari, Karkaar iyo Xeer Ilaaliyaha Guud Puntland, ayaa waxaa lagu wargeliyay inay albaabada isugu laabaan dhammaan Xarumaha Radio Daljir.

Taliska Booliska Puntland, ayaa soo saaray warqad digniin ah oo lagu xiro karo Xarumaha Radio Daljir, hawadana looga saarayo barnaamijyadii ka baxaayay Xarumaha Radiyahaasi.

Booliska Gobolka Mudug oo ka jawaabaya amarkaasi, ayaa la soo sheegaya in albaabada uu isugu laabay Xaruntii Radio Daljir ee Magaalada Gaalkacyo.

Booliska Gobolka Bari, ayaa sidoo kale la soo sheegaya in ay xireen Xaruntii Radio Daljir ee Magaalada Boosaaso, si ay u fuliyan amarka la siiyay.

Ku Simaha Taliyaha Ciidanka Booliska Puntland, General C/qaadir Shire Faarax (Erag), ayaa saxiixay amarka lagu xiraayo Xarumaha Radio Daljir ee Puntland.

Radio Daljir, ayaa waxaa lagu haystaa wareysi uu la yeeshay C/samad Maxamed Gallan, Gudoomiyihii hore ee Gobolka Bari oo hadda dagaal jabhadayn ah kula jira Maamulka Madaxweyne C/weli Maxamed Cali Gaas.

Puntland-1

WARARKA MAANTA Juun 23 2016

Baydhabo Juun 23, 2016 Xubnaha madasha wadatashiga Qaran ayaa waxaa u cuntami weyday guddiga doorasho ee dhawaan uu magacaabay madaxweynaha dowladda Federaalka Soomaaliya Xasan Sheekh Maxamuud.

Dood iyo falan qeyn kadib waxaa madaxweyne Xasan Sheekh loo soo bandhigay inuu qaato Labo arrin oo kala ah in guddiga doorashada uu ka saaro xubnaha wasiirada ama in in wasiirada uu ka qaado xilalka ay hayaan.

Xasan Sheekh oo Albaabada ay kasoo xirmeen ayaa ku qasbanaaday inuu aqbalo in xubnaha wasiirada laga saaro guddiga doorashada iyo sidoo kale xubnaha kale ee Federaalka ka tirsan.

Xasan Sheekh ayaa saxaafadda u cadeeyay in la isku raacay in wasiirada laga saaro xubnaha guddiga doorashada.

“Doorashadan muhiim ayay u tahay dhismaha Soomaaliyada cusub ee dimoqaadiga ah.Sidaa darteed waxa alagama maarmaan ah inaan wax walba oo fiican u hurno. Sidaa daraadeed guddiyada doorashada ee heer gobol iyo heer federal, waxaan isku raacney in siyaasiyiinta laga reebo, hawlahaasina loo daayo guddiyo farsamo si aan u kasbano kalsoonida shacabka, una abuurno xaalad horseedi karta doorashooyin xalaal iyo xor ah oo dalka ka dhaca. Waxaa dhammaanteen naga go’an in doorashada ay qabsoonto waqtiga loogu talagaley’’, ayuu yiri Madaxweynaha.

Waa guul ay maamul goboleedyada ka gaareen madaxweyne Xasan Sheekh oo maalmahan ciyaaraya siyaasado heer sare ku socda,

Muqdisho Juun 23, 2016 Faah faahino dheeraad ah ayaa kasoo baxaya hoobiyaal caawa xiligii afurki ku dhacay Guri kuyaalo Xafada Xero ruushka oo ka tirsan degmada Hodan.

Inta la xaqiijiyay hal Ruux ayaa geeriyooday halka 5 kalen ay ku dhaawacmeen hoobiyaalkaas caawa Saraha Xero riuush ku dhacay.

Goobta ay hoobiyssah ku dhaceen ayaa waxaa gaaray qar kamid ah dadka xaafdaas iyagoo bilaabay in ay u gurmadaan dadkii ku dhaawacmay hoobiyasha oo loo qaaday isbitaalada ku yaalo magalada Muqdisho.

Cabdiraxmaan Suudi oo kamid ah Wariyashja Madax banaan ee ku nool magalada Muqdisho ayaa Danan uga Warbixyay hoobiyashaas ku dhacay Guri ku yaalo Xero ruush.

Baydhabo Juun 23, 2016 Madaxweynaha Maamulka Jubbaland Axmed Maxamed Islaam Axmed Madoobe oo Wareysi siiyay Warbaahinta Dowladda ayaa Weysigiisa uga hadlay Arrimo kala duwan.

Axmed Madoobe oo soo hadal qaaday dagaalka lagula jiro Xarakada Al-shabaab ayaa sheegay in Wadamada Taageera Dowladda Soomaaliya aysan raali ka aheyn in laga adkaado Al-shabaab islamarkaana la soo Afjaro.

“Beesha Caalamka Raali kama ahan in la soo Afjaro Al-shabaab oo wey caddahay Sababtu waxaa ay tahay Ciidamada AMISOM iyo kuwa Soomaaliya marka la isku geeyo 50 Kun oo Askari wey ka badan yihiin Al-shabaab Afar Jiraab ayey ka yar yihiin marka Caalamka Daacad kama ahan la dagaalanka Al-shabaab”ayuu yiri Axmed Madoobe.

Sidoo kale Madaxweynaha Maamulka Jubbaland ayaa ugu baaqay Dowladda Federaalka Soomaaliya iyo Maamul Goboleedyada in ay u istaagaan sidii ay Shabaab uga saari lahaayeen Soomaaliya.

Puntland Juun 23, 2016 Wararka ka imaanaya gobolka Bari ayaa sheegaya in maanta dagaal xoogan oo u dhaxeeyay Ciidamada maamulka Puntland iyo ciidamo beeleed daacad u ah Gudoomiyihii hore ee gobolka Bari uu ka dhacay deegaan hoostaga Degmada Carmo.

Dagaalka ayaa la sheegay in ay qaadeen ciidamo katirsan Maamulka Puntland oo ku hubeesnaa gaadiidka dagaalka oo aad u badan , kuwaa oo weerar ku qaaday fariisimo ay lahaayeen ciidamada uu hogaaminayo Cabdi Samad Maxamed Galan .

Sida aan Wararka ku heleyno dagaalka ayaa hada joogsaday waxaana goobihii lagu dagaalamay dib uga laabtay ciidamadii Puntland ee iyagu weerarka qaaday, walina lama oga qasaaraha dhimasho iyo midka dhaawac ee ka dhashay dagaalka maanta dhacay.

Guddoomiyihii hore ee Gobolka Bari Cabdi Samad Maxamed Galan, oo la hadlay Idaacad kutaala magaalada Muqdisho ayaa sheegay in ay iska difaaceen weerar uga yimid ciidamo uu hogaamiyo Cabdiweli Gaas, waxa uuna tilmaamay in dagaalka ku jabiyeen ciidamadii soo weeraray qasaarana ay gaarsiiyeen.

Xiisad dagaal ayaa wali laga dareemayaa degmada Carmo iyo deegaano kale, waxaana laga cabsi qabaa in mar kale ay dagaalamaan Ciidamada maamulka Puntland iyo ciidamada kale ee mucaardsan maamulka Cabdiweli Gaas.

Maamulka Puntland ayaana wali ka hadlin dagaalka maanta ka dhacay deegaan hoostaga Degmada Carmo , waxaana adag in la helo warar labada dhinac ka madax banaan oo ku aadan dagaalka maanta ka dhacay deegaan hoostaga Degmada Carmo.

Puntland Juun 23, 2016 Wasiirka Wasaarada Warfaafinta maamulka Puntland Maxamuud Xasan Soocade oo u waramaayay mid kamid ah Idaacadaha ka howlgala deegaanada Puntland ayaa digniin kasoo saaray Idaacadaha wareysta Siyaasiyiinta hubeysan ee mucaaradka ah.

Soocade, ayaa sheegay in wasaaradiisu aysan aqbali doonin in Idaacadaha maxaliga ah ay arrimaha kacsan kala hadlaan misna ka wareystaan shakhsiyaadka hubeysan ee ku taamaya inay carqaladeeyan amniga iyo xasiloonida ka jirta deegaanada Puntland.

Soocade waxa uu Idaacadaha faray inay wareystaan Siyaasiyiinta mucaaradka ah ee aan hubeysneen waxa uuna cod dheer ku sheegay in kuwaasi laga qaadan karo wixii dhaliil ama taageero Siyaasadeed ah.

Soocade ayaa sheegay in qof hubaysan ay khalad tahay waraysigiisu, waxaana intaas uu raaciyay in warbaahintii lagu helo sharciga la marsiin doono sida uu hadalka u dhigay Wasiirka Soocade oo u waramaayay Idaacada Daljir oo ka howlgasho deegaanada maamulka Puntland.

Amarka Wasiir Soocade ayaa u muuqanaaya mid lagu cadaadinaayo warbaahinta ka howlgasha deegaanada Puntland, waxaana maamulkaasi uu kaalinta koowaad Afartii sano ee lasoo dhaafay ka galay cadaadinta Saxaafada, marka loo eego maamulada kale.

Geesta kale, Puntland ayaa waxaa kusoo badanaaya Siyaasiyiinta hubeysan ee kasoo horjeeda maamulka iminka talada Puntland gacanta ku hayo.

Pentagon Juun 23, 2016 Wasaarada Difaaca Mareykanka ayaa ka warbixisay hawlgalo ciidamada khaaska ee Mareykanku ka fuliyeen gudaha Somalia.

Qoraal kasoo baxay wasaarada difaaca Mareykanka ayaa lagu sheegay in ciidanka Mareykanka oo taageeraya dowlada Somalia,ciidanka SNA iyo ciidanka AMISOM ay bishii May fuliyeen afar hawlgal oo lagu difaacayay Mareykanka,SNA iyo AMISOM loogana hortagayay khatarta ka imaanaysa ALshabaab.

Wasaaradu waxay sheegtay in ciidanka Mareykanku 13-kii May, 3 Alshabaab ah ku dileen koonfurta Somalia,waxay sidoo kale wasaaradu xustay in sadax hawlgal oo kale isla bishaas ciidamadu fuliyeen.

Ujeedada hawlgaladan ayaa lagu sheegay inay tahay sidii gacanta dowlada loogu soo celin lahaa goobaha shabaabku gacanta ku hayaan iyo in la kala dhantaalo  qorshaynta weerarada Alshabaab ee ka dhanka ah dowlada Somali iyo ciidamada AMISOM.

Ugu danbayn, waxaa qoraalka lagu xusay in dowlada Mareykanka ka go’antahay taageerida ciidamada Somalia iyo kuwa AMISOM dagaalka  ay kula jiraan Alshabaab iyo inay kala shaqeyso sidii loo xasilin lahaa gobolka.

Muqdisho Juun 23, 2016 Golaha Wasiirada ee Xukuumada Federaalka Soomaaliya ayaa maanta yeeshay kulankoodii joogtada ahaa, waxaana kulankan shir guddoominayay Wasiirka Caddaaladda Mudane C/laahi Axmed Jaamac “Ilka-Jiir, iyadoo kulankan qodobada looga hadlay ay ka mid ahaayeen, Amniga guud ee dalka.

Wasiirka Amniga Gudaha Mudane Cabdirisaaq Cumar Maxamed, ayaa Golaha uga warbixiyay Amniga guud ee dalka, isagoo xusay in todobaadkii la soo dhaafay xaaladda guud ee dalka ay daganayd isla markaana ay yaraayeen falalka ay nabaddiidku geysanayaan, wuxuna sheegay Wasiirku in la qaaday tallaabooyin looga hortagayo falalka argagixisada.

Muqdisho Juun 23, 2016 Ciidamada dowladda Soomaaliya ayaa Qarax khasaare geystay waxaa lagula eegtay xaafada Waxar-cade ee degmada Hiliwaa.

Qaraxa ayaa la sheegay in uu ahaa Mid lagu aasay fariisin ciidamada dowladda ay ku lahaayeen xaafada Waxar-cade.

Inta la ogyahay qaraxa ayaa waxaa ku dhintay Askari ka tirsan ciidamada dowladda halka 2 qof oo shacab ahna uu dhaawac ka soo gaaray.

Gudoomiye ku xigeenka dhanka amniga degmada Hiliwaa Abshir Maxamed Maxamuud  ayaa sheegay in Hal Askari oo ciidanka dowladda ka tirsan uu ku dhintay Qaraxa khasaare kalena uusan soo gaarin ciidanka.

Waxa uu sheegay in ciidamada amaanka ay soo gaareen goobta sidoo kalena ay wadaan howlgallo lagu xaqiijinayo amniga sidoo kalena lagu baadi goobayo kooxihii Qaraxan ka dambeeyay.

Maalmihii dambe magaalada Muqdisho waxaa ka dhacayay dilal iyo Qaraxyo kuwaas oo lala beegsanayay xubnaha dowladda iyo dad shacab ah.

Baydhabo Juun 23, 2016 Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud iyo madaxda xubnaha ka ah Madasha Hoggaamiyeyaasha Dowladda Federaalka iyo Dowlad Goboleedyada ayaa maanta kulan ku yeeshay magaalada Baydhabo oo maalintii labaad uu shirka madasha ka socdo.

Qodobada shirka looga hadley ayaa waxaa ka mid ah hannaanka doorashada 2016, guddiyada doorashada, maalgelinta iyo saadka doorashada, qoondada 30% ee haweenka ay ka helayaan goleyaasha qaranka, amniga iyo waxyaabaha kale ee lagama maarmaanka u ah qabsoomidda doorashada.

Madaxweyne Xasan Sheekh Maxamuud oo shir guddoominayay kulanka ayaa sheegay in wax walba ay si habsami ah u socdaan, isla markaana ay madaxda si adag uga hadlayaan wax kasta oo fududeyn kara doorashadan taariikhiga ah ee dalka ka dhacaysa bisha August.

“Doorashadan muhiim ayay u tahay dhismaha Soomaaliyada cusub ee dimoqaadiga ah.Sidaa darteed waxa alagama maarmaan ah inaan wax walba oo fiican u hurno. Sidaa daraadeed guddiyada doorashada ee heer gobol iyo heer federal, waxaan isku raacney in siyaasiyiinta laga reebo, hawlahaasina loo daayo guddiyo farsamo si aan u kasbano kalsoonida shacabka, una abuurno xaalad horseedi karta doorashooyin xalaal iyo xor ah oo dalka ka dhaca. Waxaa dhammaanteen naga go’an in doorashada ay qabsoonto waqtiga loogu talagaley’’, ayuu yiri Madaxweynaha.

Waxaa sidoo kale uu Madaxweynaha xusay in xoogga la saari doono sidii haweenka ay u heli lahaayeen qoondada 30% ee lagu heshiiyey in laga siiyo goleyaasha qaranka, isagoo haweenka ku booriyay inay ka shaqeeyaan inaanay farahooda ka bixin 14% kuraasta ay haatan ku leeyihiin Baarlamaanka, 16% ee ka dhimanna ay u ololeeyaan sidii ay ku heli lahaayeen.

Waxaa sidoo kale kulankaasi lagu lafaguray fududeynta maalgelinta iyo saadka doorashada iyo diyaarinta qorshe hufan oo dhinaca amniga ah.

Danjire Michael Keating, Wakiilka Gaarka ah ee Qaramada Midoobay ugu qaabilsan arrimaha Soomaaliya, oo ku hadlayey magaca wakiilada beesha caalamka ayaa sheegay inay soo dhoweynayaan horumarka ay sameeyeen hoggaamiyeyaasha siyaasadda, isagoo ku dhiirigeliyey inay ka dhabeeyaan riyada shacabka Soomaaliyeed ee ah in doorashooyin ay dalka ka dhacaan.
Waxaa uu Mr Keating intaa ku daray in beesha caalamka ay si buuxda u taakuleyn doonto hawlaha doorashada, ayna diyaar u yihiin inay Soomaalida arrimahaas kala shaqeeyaan.

Kulankaasi kadib ayaa Madaxweynaha Jamhuuriyadda Federaalka Soomaaliya, madaxda madasha iyo wakiillada beesha caalamka waxay kulan la yeesheen guddiga u qaabilsan qoondada haweenka ee matalaadda goleyaasha qaranka oo ay iska soo qaadeen xaqiijinta kuraasta ay haweenka helayaan doorashada dhaceysa sannadkan 2016-ka.

Madaxda kulamadan ka qeybgashey ayaa waxaa ka mid ah Guddoomiyha Baarlamaanka Federaalka, Mudane Maxamed Cusmaan Jawaari, Ra’iisul Wasaare Cumar Cabdirashiid Sharma’arke, Ra’iisul Wasaare Ku-Xigeenka, Mudane Maxamed Cumar Carte, madaxda dowlad goboleedyada, halka dhanka wakiilada beesha caalamka ay ka joogeen wakiilka Mareykanka ee arrimaha Soomaaliya, Donald Yamamoto, wakiillada Midowga Afrika, Talyaaniga, Sweden, Kenya, Ethiopia, Uganda, Britain iyo kuwo kale.

WARARKA MAANTA Juun 22 2016

Su'aasha Maanta: Madaxweyne Damu-Jadiid Mudane Xassan Shiikh, 4 sanno iyo 6daadii qodob ee been-abuurka ahaa soo dhammaatay marka Ummadda Soomaaliyeed kuma rabto khaa'inul-waddan aan Illaahy aqoon oo la shaqaysta khaa'inul waddan kale baad tahay ee xaggee bay ku dembaysay dacwadii badda Soomaaliya? Nasiub-darro waxaan soo daabacaynaa waraaqihii aad laaluushka ka qaadatay in aad u saxiixdo wax sharci-darro ah.

Maamul Gobaleedka Somaliland iyo Maamulgo baleedka Khaatumo oo dagaal ku dhexmarey deeganka Widhwidh iyo Khasaaro ka dhashay

Degmada Widhwidh ee gobalka Sool ayaa laga soo sheegayaa in dagaal xoogan uu ku dhexmaray ciidanka Soomaaliland iyo kuwa maamulka Khaatumo. Dagaalkaan ayaa waxaa ka dhashay khasaaro badan sida ay ku waramayaan dadka deegaanka oo la hadlay warbaahinata.

Ninka Sheegta Wasiirka amniga khaatumo Kayse Cabdi Yuusuf oo ku sugan Jiidaha Hore, ayaa ka warbixiyey dagaalka oo ka bilowday bartamaha magaalada widhwidh.

Wuxuu kale oo sheegay in Ciidamada khaatumo ay Khasaare kala duwan soo gaarsiiyeen Soomaaliland, wuxuu sheegay in ciidamada khaatumo dhanka bari ee Balliga magaalada ay kaga dileen ciidamo ilaa 3 askari halka dhaawac gaadhaya ilaa 6 ay qaaten maamulka Somaliland.

Soomaaliland ayaa dhankeeda wali wax war ah ka soo saarin dagaalkaan xoogan ee ka dhacay gobalka Sool.

Kuuriya Waqooyi Juun 22, 2016 Wararka ayaa sheegaya in gantaaladaasi oo loo maleynayo in ay yihiin kuwa riddada dheer ay tijaabintooda kala dambeysay muddo labo saacadood ah.

Kuuriya Koonfurta ayaa kal hore sheegtay in tijaabada gantaalkii ugu horreeyay lagu fashilmay.

Ra’iisalwasaaraha Japan, Shinzo Abe, ayaa cambaareeyay tijaabada gantaaladaasi ee woqooyiga, tallaabadaasi oo uu ku tilmaamay mid aan loo dul qaadan karin.

Xayiraado caalami ah oo saarnaa xukuumadda Pyongyang ayaa kal hore sanadkan la sii adkeeyay kaddib markii ay tijaabisay hubkeeda niyuukleerka iyo gantaalada riddada dheer.

JOWHAR Juun 22, 2016 Shirkii Hiiraan iyo Shabeelaha Dhexe oo la isku hysto in Muqdisho loo soo wareejiyo iyo in jowhar lagu dhameeyo

Cabdiqaadir Cabdulle Maxamed ( Burfuulo ) Guddoomiyaha Jowhar oo Shir Jara’id ku qabtay Magaaladaasi Jowhar ayaa ku dhawaaqay in shirka maamul u sameynta labada Gobol Gogoshiisa loo wareejiyay Muqdisho.

Guddoomiyaha ayaa sheegay in dowladda Federaalka ay ku soo war geliyeen in shirka loo wareejinyo Magaalada Muqdisho.

Arrintaan ayaa ka dambeysay sida Guddoomiyaha Jowhar uu xaqiijiyay kadib markii Odayaasha ay socodsiin kari waayeen Shirkaasi sida uu hadalka u dhigay.

Hase ahaatee Masuuliyiin kale oo ka tirsan maamulka Gobolka Shabeelaha Dhexe ayaa arrintaas ku sheegay mid waxbo kama jiraan ah.

Shabeelle Dhexee Juun 22, 2016 Askarigii Dilay Taliyaha Nabad Sugida Gobolka Shabeelaha Dhexe oo Lasoo Qabtay

Wararka ka imaanaya Gobolka Shabeelaha Dhexe ayaa ku waramaya in Ciidamada amaanka dowlada Soomaliya ay gacanta kusoo dhigeen askarigii ka dambeeyay dilka Taliyihii Hay’ada Nabad sugida iyo sirdoonka qaranka Gobolkaas C/wali Ibraahin Nuur. Howlgal ay sameeyeen Ciidamada amaanka Gobolka Shabeelaha Dhexe ayaa la sheegay in ay ugu suurta gashay soo qabashada askariga ka dambeeyey Dilka Taliyihii Nabad sugida Gobolkaas islamarkaana ahaa ilaalada gaarka ee Taliyaha.

Dhanka kale Mas’uuliyiin ka Tirsan Maamulka Gobolka Shabeelaha Dhexe ee Dowlada Soomaliya aynu la hadalnay ayaa inoo xaqiijiyay in gacanta lagu soo dhigay askariga islamarkaana ay u gudbin doonaan Maxkamada Ciidamada qalabka sida.

Baydhabo Juun 22, 2016 Waxaa si wayn loo adkeeyay ammaanka guud ee Magaalada Baydhabo, xilli maanta lagu wado in uu ka furmo Shirka Madasha Wadatashiga Qaran, oo ay ku leeyihiin Madaxda Somalida.

Shirkan, ayaa waxaa uu qayb ka yahay shirar kala duwan oo Madaxda Dowladda Somaliya iyo kuwa Maamul Goboleedyada, ay ku yeesheen Magaalooyinka Kismaayo, Muqdisho iyo Garoowe, si ay mowqif mideysan uga qaataan doorashooyinka sanadkan ka qabsoomaya dalka.

Ciidamada Booliska, Nabad Suggida iyo Militariga Somaliya, ayaa waxaa saakay lagu arkayaa wadooyinka muhiimka ah ee ku yaala Bartamaha Magaalada Baydhabo.

Suxufiyiinta, ayaa soo sheegaya in hakad la geliyay isu socodkii dadka iyo gaadiidka, inkastoo dadka loo ogol yahay in ay adeegsadaan meelaha ka baxsan halka uu shirku ka qabsoomayo.

Ciidanka Nabad Ilaalinta Midowga Afrika, ayaa Ciidamada Somalida ka caawinaya xaqiijinta amniga guud ee Xarunta Gobolka Baay.

Madaxda Dowladda Somaliya iyo Maamul Goboleedyada, ayaa saacadaha soo socda la fillaya in ay gaaraan Baydhabo, haddii aanu waxba iska bedelin sida uu qorshuhu yahay.

Talaadadii shalay, ayay ahayd markii uu Magaaladaasi dib ugu laabtay Madaxweynaha Maamulka Koonfur Galbeed, Shariif Xasan Sheekh Aadan.
Khaatumo State Juun 22, 2016 Waxaa goordhaaweyd jiida hore degmada widhwidh shir jaraa id ku qabtay wasiirka amniga dawlada khaatumo kayse cabdi yuusuf.. https://www.youtube.com/watch?v=5xuvXwEgA8g

Pretoria Juun 22, 2016 Degaano ku yaalla duleedka Magaalada Pretoria ee dalka Koonfur Afrika ayaa waxa ka socday maanta illaa caawa rabshado iyo boob xoogan oo loo geystay goobo ganacsi oo ay leeyihiin Soomaali iyo ajaaniib kale oo ka shaqeysta wadankaas.

Wararka ayaa sheegaya in boobkan uu bilowday markii banaanbax cabasho ah ay dhigeen dad shacab ah kaasoo markii dambe isu rogay rabshado sababay in la boobo dukaamo fara badan oo ay lahaayeen ganacsato ka soo kala jeeda Soomaali iyo dalal kale.

Goob-jooge lagu magacabo C/llaahi Nuur Xasan ayaa sheegay degaanada Atvell & Shashankuva ay yihiin meelaha ugu daran ee boobku ka socday illaa caawa.

Qaar ka mid ah ganacsatadii laheyd dukaamada la boobay ayaa la garaacay, halka kuwo kalena ay lafahooda la baxsadeen markii ay arkeen boqolaal shacab ah oo ku soo jabay dukaamadooda.

Ciidamo ka tirsan Booliska dalka Koonfur Afrika oo goobta soo gaaray ayaa halkii lag filayey iney ka hortagaan dadka rabshadaha sameynayey waxay ka qeyb qaateen boobka halkaas ka socday, waxaana la arkayey askar dareyska Booliska xiran oo gacanta ku wata waxyaabo ay ka soo qaateen dukaamada la boobay.

Lama oga illaa hadda khasaaraha nafeed ee ka dhashay Rabshadahan u dambeeyey oo qeyb ka ah dilal, boob iyo rabshado ka dhan ah ganacsatada ajaaniibta ah oo sanadahan dambe ka jiray wadanka Koonfur Afrika.

WARARKA MAANTA Juun 20, 2016

Su'aasha Maanta: Maxay Ururka Damu-Jadiid ee Taladda Dalka Xoogga Xeeladaysan ku qabsaday iyo Xisbiyadda Dalka Ka jira ay isku-maandhaafsan yihiin? Xisbiyadda Soomaaliya oo si weyn u diiday sharci-darrada uu ururka Damu-Jadiid ay ku magacaabeen Guddigga Doorashooyinka kaasoo ka kooban 22 qof oo aan shacabka iyo xisbiyadda dalka ka jira laga la tashan

https://www.youtube.com/watch?v=HP8We6BtHEU

Muqdisho Juun 20, 2016 Madaxweynaha Dowlada Federaalka Soomaaliya Xasan Sheekh Maxamuud ayaa sheegay in Dowlada Soomaaliya ay dhiira gelinayaan ganacsiga gaarka loo leeyahay.

Madaxweynaha ayaa sheegay

in ay muhiim tahay in ganacsatada Soomaaliya ay qeyb ka yihiin hormarinta dhaqaalaha dalka.

Madaxweynaha ayaa tilmaamay in gacansatada ay yihiin kuwa u diyaarsan hormarinta dhaqaalaha Dalka isla markaana Dowlada Soomaaliya ay dhiira gelineyso.

Madaxweynaha ayaa sheegay in Siyaasada Dowlada Federaalka Soomaaliya ay qeyb ka tahay hormarinta iyo dhiira gelinta ganacsiyada gaarka loo leeyahay.

Madaxweynaha Dowlada Federaalka Soomaaliya Xasan Sheekh Maxamuud ayaa hadalkaani ka sheegay ka dib markii uu Xariga ka jaray Terminaal Cusub oo loo sameeyay Dekeda Muqdisho.

Muqdisho Juun 20, 2016 Madaxweynaha Soomaaliya Xasan Sheekh Maxamuud ayaa maanta xarigga ka jarey Dhisme cusub (terminal) oo loo sameeyey Dekedda Caalamiga ee magaalada Muqdisho, kaas oo loogu talagaley fududeynta adeegga dekedda.

Terminalkan cusub oo ah nooca loo yaqaan “Dry Port” oo ku yaalla meel ka yara baxsan dekedda ayaa loo adeegsan doonaa in la dhigo dhammaan konteenarada laga soo dejiyo Dekedda Muqdisho, halkaasina lagu marsiin doono nidaamka dejinta ee isugu jirta baarista, sugidda iyo canshuuraha badeecadaha kala duwan.

Waxaa dhismaha cusub uu culeyska ka qaadi doona Dekedda Muqdisho, iyadoo la filayo in sidoo kale ay fududaan doonto muddada dejinta badeecadaha, Madaxweyne Xasan Sheekh Maxamuud ayaa u mahad celiyay shirkaddamaalgelisay hirgelinta mashruucan muhiimka ah.

Muqdisho Juun 20, 2016 Ciidamada Booliska Soomaaliyeed ayaa gacant ku soo dhigay saddex nin oo laba ka mid ah la sheegay inay ka tirsan yihiin Ciidanka Militariga ee Xooga dalka Soomaaliyeed, ka dib markii lagu eedeeyay inay dhac gaysanayeen dadkii ay difaaci la haayeen.

Afhayeenka Maamulka Gobolka Banaadir C/fitaax Cumar Xalane ayaa waxaa uu sharaxaad ka bixiyay qaabka lagu soo qabtay eedeysanayaasha.

Saddexdan nin aad u jeedaan laba ka mid ah waxay ka tirsn yihiin Ciidanka Xoogga Dalka, midka kalana wuxuu darawal ka ahaa mooto bajaaj.” Ayuu yiri Afhayeenka Maamulka Gobolka Banaadir.

Ciidamada Booliska ee ka hawlgala Degmada Hawlwadaag ayaa soo qabtay ragani iyagoo moobilo ku dhacaya Degmada Hawlwadaag, waxayna markii hore isku dayeen inay cararaan, iyagoona u cararay dhanka Degmada Xamar Weyne, halkaas ayaana laga soo qabtay.” Ayuu yiri Afhayeenka.

Baydhabo Juun 20, 2016 Wararka naga soo gaaraya magaalada Baydhabo ayaa sheegaya in halkaasi uu kulan aan caadi aheyn ku dhexmaray Madaxweynaha maamulka Koonfur Galbeed Shariif Xassan Sheekh Aadan iyo Guddoomiyaha BFS Maxamed Sheekh Cusmaan Jawaari.

Labada mas’uul ayaa si gaar ah uga wada hadlay arrimaha la xiriira soo xulista Xildhibaanada cusub ee ka imaan doona dhanka Koonfur Galbeed, waxaana lasoo sheegayaa in Shariif Xassan uu si cad u sheegay in Xildhibaanada imaan doona uusan kala tashan doonin shaqsi kale islamarkaana waxba ka khuseyn musharaxnimada Xassan Sheekh.

Shariif Xassan waxa uu Jawaari u sheegay in Xildhibaanada uu kusoo xuli doono maslaxada Koonfur Galbeed, waxa uuna iska fogeeyay in Siyaasada maamulkiisa uu ku raali galiyo Xassan Sheekh.

Jawaari ayaa isku dayay in Shariif Xassan uu ku qanciyo in la taageero Madaxweyne Xassan oo kamid ah Musharaxiinta u taagan xilka Qaran, hayeeshee waxaa arrintaasi ka biya diiday Shariif.

Ujeedka ugu weyn booqashada Jawaari ee magaalada Baydho ayaa ah in waxbadan uu ka ogaado xildhibaanada cusub ee ka imaan doona dhanka Koonfur Galbeed, ka sokow howlaha shirka madasha ee ka furmi doona magaalada Baydhabo.

Asbuucyadii ugu danbeeyay ayaa waxaa khilaaf kala geeyay Madaxweyne Xassan Sheekh iyo Shariif Xassan kaasi oo ka dhashay arrimaha doorashada dalka.

Geesta kale, Shariif Xassan qudhiisa ayaan wali Xassan Sheekh u cadeyn mowqifkiisa ku aadan taageeridiisa ama ka gaabintiisa.

Baydhabo Juun 20, 2016 Shalay waxaa magaalada Baydhabo ee gobolka Baay gaaray guddoomiyaha baarlamaanka Federaalka Soomaaliya Maxamed Sheekh Cismaan Jawaari iyo xildhibaanno reer Baay iyo Bakool ah.

Xog ay heshay Warkii.Com waxay sheegaysaa in halkaasi uu ka soconayo qorshe aan caadi ahayn islamarkaan ay wadaan Shariif Xasan iyo Jawaari, waana muhiimadda halkaasi u tagay Guddoomiyaha.

Jawaari ayaa doonaya in mowqif mideysan ay yeeshaan shacabka ku dhaqan Koonfur Galbeed, islamarkaana musharraxa guddoomiyaha baarlamaanka soo socda uu noqdo isaga oo kaliya.

Xogtu waxay sheegaysaa in Jawaari oo afka kasoo cubi doono dhammaan siyaasiyiinta kale ee laga yaabo inay noqdaan musharraxa guddoomiyaha baarlamaanka soo aadan.

Shariif Xasan ayaa arrintaasi kaalin aad iyo aad u weyn ka qaadan doono, waxaana la doonayaa in qorshaha cusub uu noqdo mid dhaqan gala oo u taabo gala sidii loogu talo galay.

Findland Juun 20, 2016 Kulan ay yeesheen golaha wasiirada dowladda Finland ayaa lagu sheegay in dowladda Finland ay soo afjari doono howlgalka la dagaalanka Burcad badeeda ee ka socda gudaha dalka Soomaaliya.

Dowladda Finland ayaa sheegay in guud ahaanba finland ay jooji doono howlgalka la dagaalanka burcad badeeda ee ka socda Soomaaliya,islamarkaana ay diyaar u tahay in howlgalkaas loo wareejiyo meelo kale madam ay yaraatay khatartii kooxaha burcad badeeda ee ay ku hayeen xeebaha Soomaaliya.

Dowladda Finland ayaa qeyb ka aheyd howlgalka la dagaalanka Burcad badeeda ee Atlaanta waxaana muddo sanado ah ku sugnaa xeebaha Soomaaliya ciidamo ka socda dowladda Finland.

Dowladda Finland ma shaacin sababta rasmiga  ah ee ay uga baxayso howlgalka Atlaanta ee la dagaalanka Burcadbadeeda.

Howlgalka la dagaalanta Burcad badeed ayaa dowladda Finland waxay kusoo biirtay sanadkii 2008 ka dib markii ay afduubteen kooxaha burcad badeeda maraakiib laga leeyahay dalka Finland iyo sidoo kale muwaadiniin u dhashay dalkaasi.

Dhusamareeb Juun 20, 2016 Maamulka Ahlusunna Waljamaaca uu xabsiga ka siidaayay ilaa 20 Askari oo ka mid ahaa Ciidamadii Sargaalka lagu Magacaabo Liibaan Madaxweyne ee Ahlusunna Dagaalka kula galay Magaalada Dhuusamareeb.

Labadankaan Askari ee Ahlusunna ay Xabsiga ka fasaxday ayaa horay waxaa Ahlusunna ugu riday Xukuno kala duwan oo u badnaa ilaa Afar Sano.

Talaabada lagu siidaayay ayaa la sheegay in ay ka qeyb qaateen Odayaal Degaanka ah oo Damaanad ku siidaayay,iyadoo Ahlusnna ay Aqbashay.

Wararka ayaa intaa ku daraya in Maxaabiista ay ku jiraan kuwo Xaaladdooda Caafimaaf ay aad u liidato islamarkaana Xabsiga intii ay ku jireen ku Cuuryaamay.

Ahlusunna ayaa Dagaal kula gashay Magaalada Dhuusamareeb sargaal horay uga soo goostay Dowladda Federaalka oo iyaga ka mid noqday,balse markii dambe ka soo horjeestay.

Hargaysa Juun 20, 2016 Maamulka Soomaaliland ayaa magaalada Hargeysa ku qabtay saddex qof oo looga shakisan yahay inay katirsan Alshabab.

Ciidamada sida gaarka u tababaran ee loo yaqaano RRU ee uu maalgeliyo Ingiriiska ayaa hogaaminayay howgal lagusoo qabtay saddexdaan qof, waxayna saraakiishooda ka gaabsadeen inay saxaafada warbixin ka siiyaan.

Qabashada raggaan ayaa ka dambeysay kadib markii sirdoonka Soomaaliland macluumaad lagu siiyay in saddexdaan qof oo looga shakisan yahay Alshabab ay dhuumasho ku joogeen mid kamid xaafadaha Hargeysa.

Ciidamada ayaa la sheeegay inay la wareegeen qasnado hubka fudud ah oo laga helay deegaanka lagu qabtay saddexda nin.

Soomaaliland ayaa ammaankeeda si weyn u adkaysay kadib markii ciidankeeda la dagaalanka argigixisada ay sheegeen inay fashiliyeen iskuday argigixiso oo lala maleegayay Hargeysa.

Muqdisho Juun 20, 2016 Wasiirka Wasaaradda Ganacsiga Dowladda Soomaaliya C/Rashiid Max’ed Axmed ayaa sheegay in Wasaaradda Ganacsiga ay qaadeyso tallaabooyin lagu hubinayo tayada Badeecaha ay Dalka keenaan Ganacsatada Soomaaliyeed.

Wasiirka Ganacsiga Xukuumadda Soomaaliya ayaa ka hadlayay munaasibad xarigga looga jarayay Terminaal cusub oo loo sameeyay Dekadda Magaalada Muqdisho.

Wasiirka ayaa sheegay in badeecadaha laga dhooifiyo Dalka iyo kuwa loo soo dhoofiyaba ay ku wareejiyeen hubintooda Sharikad lagu Xarun ku leh gudaha Dekadda Muqdisho taas oo uu sheegay in ay la socon doonto Badeecadaha imanaya iyo kuwa ka baxaya Dalka Soomaaliya.

Dowladda Soomaaliya ayaa dhawaan ku qabatay Muqdisho Raashin dhacay oo ay lahayd Barnaamijka Cunnada Adduunka ee Qaramada Midoobey WFP,kaas oo loo waday Gobolka Gedo ee Soomaaliya.

Muqdisho Juun 20, 2016 Ciidamada ammaanka, ayaa Axadii Magaalada Muqdisho ku xiray saddex nin, oo laba ka midda ay ka tirsan yihiin Ciidanka Militariga Somaliya, ka dib markii lagu eedeeyay inay dhac gaysteen.

Afhayeenka Maamulka Gobolka Banaadir, C/fitaax Cumar Xalane, ayaa waxaa uu sharaxaad ka bixiyay qaabka lagu soo qabtay eedeysanayaasha.

Dadka qaarkii, ayaa cudurdaar u yeela falalka dhaca ee ay gaysanayan Ciidamada Dowladda, sababo ku aadan askarta oo aan si joogto ah loo siin lacagaha mushaarka.

Waxyaabaha layaabka leh aad la kulmeyso waxaa laga xusi karaa, askari inta badan waqtigiisa ku qaata wadooyinka, si uu u suggo nabadgelyada, misena ay carruurtiisu baahan tahay.

Dowladda Madaxweyne Xasan Sheekh Maxamuud waxaa lagu eedeeyaa inaanay ku wanaagsanayn bixinta mushaaraadka ay xaqa u leeyihiin Ciidamada Qalabka Sida.

Ceelbuur Juun 20, 2016 Ciidamadii ugu badnaa oo Itoobiyaan ah ayaa saakay ka dhaqaaqay Degmada Ceel-buur ee Bariga Gobolka Galgaduud kuwaas oo wata Dabaabaad kala duwan.

Ciidanka ayaa la sheegay in ay u dhaqaaqeen Degmada Xarardheere oo mudo aad u dheer ay gacanta ku hayaan Kooxda  Al-shabaab.

Inksatoo Saraakiisha Itoobiyaanka ah aysan shaacin Dhaqdhaqaaqa Ciidan iyo Ciidamada faraha badan ee ka baxay Ceel-buur ayaa Saraakiil ka DF  waxaa ay sheegeen in Ciidanku ay u jahaysteen dhanka Degmada Xarardheere .

Sidoo kale Ciidamada Itoobiyaanka ah ayaa waxaa weheliya Ciidan tiro yar oo ka mid ah kuwa Xoogga dalka Soomaaliya oo u raacay Dal Aqoon sida naloo Xaqiijiyay.

Wararka ayaa intaa ku daraya in Ciidanka Itoobiyaanka ah ee ka baxay Ceel-buur ay wataan Diyaaradaha Qumaatiga u kac oo qeyb ka ah Howlgalka.

WARARKA MAANTA Juun 19 2016

Su'aasha Maanta: Waa imiso qof/ruux Ururka Damu-Jadiiid ee uu hoggaamiyo Madaxweyne Mudane Xassan Shiikh oo fashil muddo 4 sanno ku dhammaysan rabo? Meeqo lacag iyo hanti ah ayey ka dhaceen Ummadda soomaaliyeed? Yaa siiya lacag Damu-Jadiid ay waddanka ku maamusho? Waa sidee xiriir ka dhexeeya ururka Damu-Jadiid Iyo Ururka Al-Islaax?

Muqdisho Juun 19, 2016 Ra’isul wasaaraha Xukuumada Somalia Cumar C/rashiid Cali Sharmaarke ayaa ka hadlay heerka uu iminka maraayo u diyaar garoowga doorashada Somalia ee dhawaan la filaayo.

Sharmaarke waxa uu sheegay in 85% ay soo gunaanadeen howlaha doorashada marka laga reebo liiska Odayaasha oo ubaahan in shirka Baydhabo lagu dhameystiro.

Sharmaarke waxa uu tilmaamay in inta badan dadku ay dhaliilsan yihiin Dowlada, balse aysan la socon howlaha ay gacanta kula jirto dowlada.

Waxa uu cod dheer ku sheegay in wax waliba oo qasan ay kala fududaan doonaan marka lasoo afjaro shirka la filaayo inuu ka furmi doono magaalada Baydhabo.

Howlaha u harsan ayuu sheegay inay yihiin kaliya kuwo farakutirisa ah oo lagu soo dhameyn karo muddo asbuucyo ah, halka inta soo hartayna ay yihiin kuwo isku soo dhamaaday.

Sharmaarke waxa uu sheegay in marka arinta Odayaasha meel la saaro la guda geli doono arrimaha dhanka farsamada, loojistikada iyo Amniga ee ku xiran qabsoomida doorashada.

Waxa uu meesha ka saaray inay dhici karto dib u dhac ku imaada doorashada.

Haddalka Ra’isul wasaare Cumar ayaa imaanaya xili inta badan dalka laga hadal hayo in doorashada aysan qabsoomi doonin wakhtigeeda.

Muqdisho Juun 19, 2016 Waxaa xalay magaalada Muqdisho ka da’ay Roobab xooggan oo sababay in wadooyinka waaweyn iyo kuwa xaafadaha ah qaarkood ay xirmaan.

Roobabkii da’ay xalay ayaa dhinaca kale waxa nolol adag wajahaya dadka  Nolosha hoose  ku jira  ee ku nool xeryaha barakacayaasha ee ku yaala duleedka magaalada Muqdisho, kuwaasi oo qaati ka taagan Biyaha Roobka iyo qaboobaha uu wato Roobka, maadaama ay ku jiraan Cowshado.

Xerada badbaado ee ay ku jiraan Barkacayaasha kuna taala dagmada dharkenley ayaa ka mid ah meelaha uu roobku saameeyay, waxayna Barakacaayaashu dalbanayaan Gurmad deg deg ah.

Washington DC Juun 19, 2016 10 Xubnood oo ka mid ah Xubnaha Kongareeska Dalka Mareykanka ayaa Warqad furan u qoray Xoghayaha arrimaha dibadda Mareykanka John kerry,waxaana ay ka codsadeen in uu gacan ka geysto in aan la xirin Xerada Dhadhaab ee Waqooyi Bari Kenya.

Xubnahan oo ka kooban Labada Xisbi ee Jamhuuriga iyo Dimuqraadiga ayaa waxaa ay warqad furan u direen Xoghaye Kerry.

Xubnahan ayaa ku dooday in Dalka Mareykanka uu marti gelinayo Kumanaan Qaxooti Soomaali ah,kuwaas oo ay sheegeen in ay xaq u leeyihiin  in ay Nabad ku noolaadaan halkii ay tagan sida uu Mareykanka u soo dhaweeyayna laga doonayo in ay Kenya u marti geliso.

Gobolka Minnesota, ee Dalka Mareykanka kaliya waxaa ku nool 125,000 oo Soomaali ah,waxaa kale oo ay si la mid ah ugu noolyihiin Gobollada kale ee Mareykanka.

Madaxweynaha Kenya ayaa ku dhawaaqay  in Bisha November ay xiri doonaan Xerada Dhadhaab inkasta oo Dowladda Soomaaliya ay arrintaasi kaga jawaabtay in aysan jirin Qaxooti qasab lagu celinayo.

Muqdisho Juun 19, 2016 Rag hubeysan oo saakay degmada Dharkinley ku dilay qof shacab ahaaa xili uu kasoo baxay Masaajid ku yaala degmadaas oo lagu magacaabo Cusmaan Binu Cafaan oo ku yaala xaafadda Mac-Macaanka.

Laba nin oo bistoolado ku hubeysnaa, ayaa waxay ninkaasi ku weerareen afafka hore ee Masaajidka, wax yar uun kadib markii uu dibadda uga soo baxay Masaajidkaasi Cusmaan Binu Cafaan.

Kooxda dilka ka dambeysay ayaa goobta ka baxsatay waxaa durbadiiba goobta soo gaaray Ciidamo ka Tirsan kuwa Dowlada Soomaliya oo goobta ka sameeyay baaritaano lagu baadi-goobayay ragii ka dambeeyay dilka ninka.

Arbacadii, ayay ahayd markii xaafadda Salaam ee isla Degmada Dharkiinley ee Gobolka Banaadir lagu dilay Gudoomiye Ku Xigeenkii hore ee dhinaca ammaanka ee Maamulka Degmadaasi, intaan la dilin kahorna ahaa Madaxa Kormeerka degmooyinka C/laahi Ibraahim Liibaan (Isbiimo).

 Gudoomiyihii Hore ee Gobolka Banaadir ahaana duqa Magaalada Muqdisho Maxamuud Axmed Nuur (Tarsan) ayaa Madaxda Dowlada Soomaliya ku eedeeyay in ay ku fashilmeen dhisida Maamulka Hiiraan iyo Shabeelaha Dhexe.

Siyaasiga Maxamuud Axmed Nuur (Tarsan) oo ka hadlay kulan ay isugu yimaadeen isbahaysiga Xisbiyada Soomaliyeed ayaa ku tilmaamay qaar kamid ah Madaxda Dowlada Soomaliya kuwa aan dooneenin In la dhiso Maamulka Hiiraan iyo Shabeelaha Dhexe.

“Madaxda Dowlada waxa ay doonayaan in umada Soomaliyeed la kala qeybiyo anaga waxaan doonaynaa in aan isku keeno, Dowlada Soomaliya way ku fashilmatay dhismaha maamul u sameynta Hiiraan iyo Shabeelaha waa wax laga xumaado in Madaxda dowlada Soomaliya ay dhahaan waxaan ku wareejinay dhismaha shirka Hiiraan iyo Shabeelaha Dhexe Urur Goboleedka IGAD” ayuu yiri Siyaasiga Maxamuud Axmed Nuur (Tarsan).

Wasaaradda Arrimaha Gudaha Xukuumada Federaalka Soomaliya ayaa marar badan ku celcelisay in meel wanaagsan ay marayaan arrimaha Shirka Maamul u sameynta Hiiraan iyo Shabeelaha Dhexe.

Bhaatumo Juun 19, 2016 Madaxweyne ku xigeenka dawlada khaatumo mudane Cabdul Cagalule ayaa maanta si weyn loogu soo dhaweeyay magaalada buuhoodle ee xarunta gobolka cayn iyadoo soo dhawaynta madaxweyne kuxigeenka ay ka qeyb qaateen golayaasha xukumada khaatumo,

Sida golaha wasiirada golaha baarlamanka golaha deegaanka degmada buuhoodle iyo qeybaha kala duwan ee bulshada gobolka cayn.

Madaxweyne kuxigeenka khaatumo oo ka soo kictimay magaalada boocame ee gobolka sool oo bilihii u dambeeyay ay ku sugnaayeen ayaa socdaalkiisa ku wehelinaya qaar kamid ah golaha wasiiro ka tirsan khaatumo waxaana maalintii shalay si weyn loogu soo dhaweeyay magaalada Dandan ee gobolka cayn

Baydhabo Juun 19, 2016 Waxaa muddo kooban dib loo dhigay shirkii madasha wada tashiga Qaran ee 20-ka bishan lagu balansanaa inuu ka furmo magaalada Baydhabo ee gobolka Bay sida uu sheegay gudoomiyaha Baarlamanka Somalia oo maanta gaaray isla magaalada Baydhabo.

Gudoomiye Jawaari oo shir jaraaid ku qabtay xarunta madaxtooyada maamulka koonfur galbeed ee magaalada Baydhabo ayaa xusay in arrimo farsamo awgood aanu shirkaas u qabsoomi Karin xiligii loogu talo galay.

“Dib u dhac ku yimid shirka maahan mid weyn, waxay aheyd inuu furmo laguna balansanaa 20-ka bisha, waxaana dib loo dhigay shan cisho, isagoo furmi doona 25-ka isla bishan” ayuu yiri gudoomiye Jawaari.

Waxaa uu intaa ku daray inuu u yimid magaalada Baydhabo sidii uu ugu kuurgeli lahaa diyaar garowga loogu jiro shirkaas wuxuuna xusay inuu sidoo kale kulamo la qaadan doono waxgaradka iyo qeybaha bulshada magaalada Baydhabo.

Shirka madasha wada tashiga qaran oo ay ku kulmaan madaxda dowlada iyo maamul goboleedyada dalka ayaa waxaa looga hadlaa arrimo ku saabsan doorashooyinka la filayo iney dabayaqaada sanadkan ka dhacaan Somalia.

Muqdisho Juun 19, 2016 Ciidamada Booliska, Nabadsugidda iyo AMISOM oo wada socda ayaa howlgal xalay ka sammeeyay Xaafadda Suuqa Xoolaha ee degmada Heliwaa, halkaas oo lagu soo qabqabtay illaa Shan Dhanllinyaro ah oo lala xiriiriyay in ay ka tirsany0ihiin Maleeshiyaadka Al-shabaab.

Howlgalkaasi waxaa intii uu socday Xaafadda Suuqa Xoolaha kormeer ku tagay Taliyaha K.M.G ee Hay’adda NISA Janaraal C.laahi Gaafoow Maxamuud iyo Wasiirka Wasaaradda Amniga Gudaha Mudane C.rasaaq Cumar, iyagoo Lacag dhiirri galin u qeybiyay Ciidamada Ammaanka ee howlgalka ka qeybqaadanayay.

Puntland Juun 19, 2016 Maamulka Puntland ayaa kasoo horjeestay guddigii saxaafada ee ay dhawaan meelmariyeen golaha wasiirada dowladda Soomaaliya.,

Wasiirka Wasaarada warfaahinta maamulka Puntland Maxamuud Xasan Soocade ayaa sheegay in maamulka Puntland ay kasoo horjeedaan go’aanka ay qaateen golaha wasiirada.

Wasiirka Soocade ayaa sidoo kale sheegay in puntland ay xubin leedahay guddigaas laakiin aysan ahayn shaqsidii puntland ay usoo dirtay in loo magacaabo.

Dhawaan golaha Wasiirada dowladda Soomaaliya ayaa meelmariyey guddiga Saxaafada qaranka oo uu u soo gudbiyey wasiirka warfaafinta dowladda Soomaaliya Maxamed Cabdi Xayir

Hargaysa Juun 19, 2016 Wararka ka imaanaya Soomaaliland ayaa sheegaya in Xalay  Nin Hubeysan uu Weerar ku qaaday Guriga Wasiirka Arrimaha Gudaha Maamulka Soomaaliland  Maxamed Cali Warancadde.

Weerarka ayaa ka dhacay Guriga Wasiirka oo ku yaalla Magaalada Hargeysa ee Caasimadda Soomaaliland.

Goobjoogeyaal ku sugan Hargeysa ayaa noo sheegay in Ninka Hubeysan iyo Ilaalada wasiirka uu dagaal ku dhexmaray Beer Wasiirku uu leeyahay oo lagu xanaaneeyo Libaaxyada oo ku taalla Magaalada Hargeysa.

Iska hor imaadka dhexmaray Ciidanka Ilaalada u ah Wasiirka Arrimaha Gudaha Soomaaliland iyo Ninka Hubeysan ayaan la ogeyn inta uu le eg yahay,iyadoo Ninkii Hubeysnaa uu Goobta ka baxsaday,

Warar soo baxaya ayaa sheegaya in Ninka Weerarka ku soo qaaday Wasiirka ay isku hayb yihiin Lamana Oga Ujeedka uu u soo Weeraray.

WARARKA MAANTA Juun 18 2016

The Question of the Today: Mr. President Hassan Sheikh, after 4 years of endless political derailment and swindling funds on behalf of Somalia then you decided to appoint your own personal Somali Electoral Commission which most are your Damu-Jadid Camp Members who have done nothing but to fire two previous Innocement Somali Prime Ministers & appointing 3rd Prime Minister whom you control him like a baby. 99.7% of Somalis wants President H.E. Hassan Sheikh Mohamud to step down and Somalia in peace because what he could not do in his 4 years term can not do it even in 4 more years of more political derailment and swindling funds as well as selling public assets without knowledge of Somali Parliament and the entire Cabinet.

Muqdisho Juun 18, 2016 Haddal heynta ugu baan magaalada Muqdisho iyo Gobolada dalka ayaa saacadihii ugu danbeeyay noqotay qaab dhismeedka Guddiga Doorasahada ee 2016-ka oo ay ku dhawaaqday Dowlada Somalia.

Guddiga Doorasahada ee lagu dhawaaqay oo laga doonaayo inay u sinaadan dhamaan dhinacyada u tartami doona Baarlamaanka iyo Madaxweynaha, ayaa waxaa hadana jirta cabsi laga qabo inay u bataan dhinacyada iyaga soo xushay ee u tartami doona Baarlamaanka iyo Madaxweyninimada dalka.

Inta badan dadka ku dhaqan Magaalada Muqdisho iyo Gobolada dalka, Siyaasiyiinta iyo qeybaha kala duwan ayaa qaba in gudigaasi aan lagu soo xulin cadaalad, daacadnimo, waayo aragnimo iyo aqoon.

Qaar koow waxa ay qabaan in Gudigaasi uu soo xushay Madaxweynaha dalka islamarkaana meel kusoo hubsaday si ay ugu sahlaan dhammaan Sifooyinka uu kusoo laaban lahaa, halka qaarna ay qabaan in Gudiga uu yahay mid lagu soo dhisay Heshiis hoos iska taabat ah oo u dhexeeya Xassan Sheekh iyo Hogaamiyayaasha maamulada dalka.

Shakiga ugu weyn ayaa ah sida Gudigaasi ay dhexdhexaadka uga noqon lahaayen doorashada, waxa ayna cabsida ka taagan tahay inay u hiiliyaan Xassan Sheekh oo isaga ah mas’uulka soo xushay.

Sidoo kale, waxaa shaki laga muujinayaa in Gudigaasi ka kooban 22-ka xubnood ay aqbalaan Beesha Caalamka oo iyagu dareen gaar ah ka qaba Siyaasada uu dheelaayo Xassan Sheekh.

Lama saadaalin karo sida uu xaalku noqon doono, walow laga dhowr sugaayo go’aanka kasoo bixi doona Beesha Caalamka oo noqon doona laba arrin midkood oo kala ah ogolaansho ama diidmo.

Muqdisho Juun 18, 2016 Bayaan kasoo baxay ururka Alshabaab ayaa lagu xaqiijiyay in duqeyn dhanka cirka ah lagu dilay Sheikh Maxamed Maxamuud Dulyadeyn oo Alshabaab u qaabilsanaa weerarada ka dhaca waqooyi bari dalka Kenya, kana mid ahaa saraakiisha sar sare ee Alshabaab.

Qoraalka kasoo baxay Alshabaab oo luqada carabiga ku qornaa ayaa waxaa cinwaan looga dhigay tacsi ku socoto ummada islaam loogana tacsiyeynayo Sheikh Maxamed Maxamuud Cali Dulyadeyn.

Bayaanka Alshabaab ayaa lagu sheegay in bishii Shacbaan la dilay Dulyadeyn, islamarkaana uu helay waxii muddo 20 sano uu raadinayay, sida bayaanka lagu sheegay.

Al-shabaab waxay bayaankooda ku xaqiijiyeen in dagaalada Soomaaliya aysan joogsan doonin, haddii la dilo hogaamiye ama xubin iyaga kamid ah, ayna sii wadi doonaan fikradooda dagaalka.

Weerarka lagu dilay Dulyadeyn ayaa dhacay 31 May sanadkaan 2016 waxaana lagu dilay deegaanka Buulo gaduud oo qiyaastii 30 km u jira magaalada Kismaayo ee gobolka Jubbada Hoose.

Bayaan uu 9-kii bishan soo saaray Taliska Ciidamada Mareykanka ee Afrika, fadhigiisuna uu yahay Magaalada Stuttgart ee dalka Jarmalka, ayaa lagu sheegay in hawlgalka lagu dilay Dulyadeyn uu horkacaayay cutub ka tirsan Militariga Somaliya.

Nairobi Juun 18, 2016 Dowlada Kenya ayaa ku dhawaaqday in Kenya iyo Qaramada Midoobay isla garteen in  Kenya laga taageero dib u celinta qaxootiga Soomaaliyeed ee ku sugan xeryaha Dhadhaab ee dalka Kenya.

Dowlada kenya ayaa shaacisay in Qaramada Midoobay ay la wadaageen dhibaatada ka heysata Qaxootiga badan ee ku jira Xeryaha Dhadhaab, islamarkaana qaramada Midoobay ay aqbashay sidii loo celin lahaa qaxootiga Soomaaliyeed.

Aamina Xaaji Maxamed Wasiirka arimaha dibada dowlada Kenya ayaa sheegtay in qaramada midoobay ay si cad ugu sheegtay iney ka taageereyso sidii loo celin lahaa qaxootiga Soomaaliyeed ee ku sugan Dhadhaab, kadib markii ay ka dhaadhiciyeen fikirkooda, kadib kulan dhex maray madaxweynaha Kenya iyo xoghayaha Qaramada Midoobay.

Kenya ayaa horey u sheegtay in bisha November ee sanadkaan iney xireyso xeryaha Dhadhaab ee dalka Kenya, waxaana arintaasi kasoo horjeestay dad badan.

Hayada UNHCR ee Qaramada Midoobay u qaabilsan qaxootiga ayaa horey kaga soo horjeestay go’aanka Kenya, balse haatan lama oga siday wax isku badaleen.

Garoowe Juun 18, 2016 inta badan Siyaasiyiinta Soomaaliyeed ayaa aad u dhaliilsan qaabka ay DFS u diyaarineyso doorashada la filaayo in dhawaan ay ka dhacdo dalka.

Siyaasiyiinta qaar ayaa qaba in doorashada aysan ka marnaan doonin cadaala darri iyo in la musuqo codadka la filaayo in lagu shubo sanduuqa cod bixinta.

Cali Xaaji Warsame oo kasoo jeeda deegaanada Puntland horayna xil uga soo qabtay Xukuumadii Madaxweyne Gaas ee Puntland, ayaa shaki ka muujiyay qaabka loo qaban doono doorashada waxa uuna is weydiyay in cadaalada lala baal-mari doono doorashada iyo in ay u dhici doonto hanaan ku saleysan cadaalada la baadi-goobaaya.

Siyaasi Cali Xaaji ayaa sheegay in Doorashada ay muhiim tahay in wakhtigeeda la qabto islamarkaana lagu saleeyo sharciga iyo cadaalada.

Siyaasiga ayaa sheegay in Madaxda DFS iyo kuwa Maamul Goboleedyada dalka looga baahan yahay in ay u istaagaan Doorashada la filayo in dalka ay ka dhacdo, waxa uuna ka digay in la baal-maro cadaalada lagu heshiiyay.

Cali Xaaji waxa uu tilmaamay inay dhici karto khaladaad balse loo baahan yahay in wakhti hore laga taxadaro waxa uuna intaa raaciyay hadalkiisa in wax waliba ay wanaagsanaan doonaan waa haddii lagu saleeyo nidaamka iyo cadaalada.

Siyaasi Cali Xaaji oo hada ku sugan magaalada Nairobi ee xarunta dalka Kenya ayaa sheegay in hadii ay suuragal tahay uu ka qeyb qaato Doorashada dalka ka dhaceysa isaga iyo siyaasiyiinta la midka ah.

Dhanka kale, Cali Xaaji ayaa ugu baaqay DFS iyo Maamulada dalka inaan dalka dib loogu celin dhowrkii sano ee burburka waxa uuna ku taliyay in laga feejignaado khilaaf iyo muran.

Muqdisho Juun 18, 2016 Xog cusub ayaa sheegeysa in qorshihii maamul u sameynta Gobollada Hiiraan iyo Shabeelaha Dhexe oo ay wadeen madaxweyne Xasan Sheekh iyo kooxdiisa u dhow ee Damjadiid uu gebi ahaan fashilmay kadin muddo 7 bilood ah oo olole ugu jireen arrintan.

Wasaaradda Arrimaha Gudaha oo ahayd tii ugu dambeysay oo ku jirtay dhismaha maamulkaasi ayaa la xaqiijiyay inay gacanta ka taagtay isla markaana ka tanaasushay sii wadida shirkaasi, iyadoo qaar kamida odayaashii ay isugu geytay Jowhar ay awoodi waayeen inay qeybsadeen ergada.

Wasiirka arrimaha gudaha C/raxmaan Odowaa, Wasiiru dowlaha Madaxtooyada iyo kooxda taageersan Xildhibaan C/qaadir Cosoble oo madaxweynaha iyo kooxdiia u wadeen inuu madax ka noqdo maamulkaasi ayaa soo afjaray rajadoodii ahayd inay dhisaan maamulkaasi.

Madaxweyne Xasan Sheekh oo hore ugu guuleystay inuu maamulka Galmudug dhiso, isagoo madax uga dhigay mid ka mida saaxiibadiisii ugu dhowaa ayaa damacsanaa in sidoo kale Maamulka gobollada Hiiraan iyo Shabeelaha Dhexe uu sidoo kale u dhaco, taasoo hadda lagu fashilmay xilli waqtiga u haray dowladiisa aad u kooban yahay.

Nairobi Juun 18, 2016 Ra’isul wasaaraha dalka Cumar C/rashiid Cali Sharmaarke oo wareysi siinaayay Wargeyska Dailynation ee dalka Kenya, ayaa Madaxweynaha dalkaasi Uhurro Kenyatta ugu baaqay inuu ka fiirsado go’aanka uu ku xiraayo Xerada dhadhaab ee dalka Kenya.

Sharmaarke ayaa Kenyatta ugu baaqay inuu ka laabto go’aanka uu albaabada isugu dhufanaayo Xerada Dhadhaab, waxa uuna sheegay in go’aankaasi uu caburinaayo Dowlada Somalia oo iminka la daala-dhaceyso u diyaar garowga doorashada 2016-ka.

Sharmaarke waxa uu Madaxweynaha Kenya Uhurro Kenyatta iyo Xukuumadiisa ugu baaqay inay qaatan go’aan geesinimo leh, islamarkaana ay muddo Seddex sano ah dib u dhigaan go’aanka ay ku xerayaan xerada.

Sharmaarke waxa uu wareysiga wargeyska The Washington Post ku sheegay iney doonayan in qaxootiga Soomaalida ay dib ugu soo laabtan dalkooda, balse ay Kenya ka doonayan in fursad loo siiyo qaxootiga ilaa iyo 2019 iney ku soo laabtan.

Waxa uu sheegay in qaxootiga aan la iska soo celin karin iyaga oo aysan wax kale jirin balse loo baahan yahay wadada lagu soo celiyo inay noqoto mid laga fiirsado oo aan degdeg ku jirin.

Ra’isul wasaare Sharmaarke waxa uu sidoo kale sheegay in DFS ay mar waliba ka go’an tahay inay lasoo baxdo Qaxootigeeda balse ay dooneyso keliya in meesha laga saaro degdegta iyo caburinta lagu hayo qaxootiga.

Sidoo kale, waxa uu sheegay in DFS ay iminka isku dayayso iney Kenya ku qanciso in muddo ku darto wakhtiga la xirayo xerooyinka Dhadhaab iyo Kakuma.

Haddalka Ra’isul wasaaraha ayaa u muuqda mid aysan DFS ku xamili karin mas’uuliyada qaxootigaasi waxa uuna ku celcelshay in dib loo dhigo muddo Seddex sanno ah.

UNSOM Juun 18, 2016 Wakiilka QM u qaabilsan Soomaaliya Amp Michael Keating oo waraysi xiiso badan siiyey Tv-ga Universal ayaa sheegay inay jiraan sadex qaybood oo waaweyn oo uu ku hawlgalo xafiiska QM ee Soomaaliya kuwaasoo kala ah geedi socodka Dawladnimadda gaar ahaana doorashooyinka sanadka qorshaysan inay ka dhacaan dalka, Xaqijinta amaanka wadanka iyadoo la taageerayo ciidanka Qaranka Soomaaliya iyo kuwa Amisom, iyo iyo Horumarinta dhaqaalaha oo ay kamid tahay ka hortaga dhibaatooyinka bini’aadanimo.

Iyadoo la waydiiyey waxyaabaha lataaban karo ee ay ka gaareen barnaamijyadooda ka socda Soomaaliya ayuu sheegay in wax badan u qabsoomeen mudadii uu xafiisku ka furaa Muqdisho, Wuxuuna intaa ku daray in QM qorshaynayso inay Soomaaliya ka taageerto isku filaansho Amaan hawlgalka AMISOM kadib.

Waraysiga Wariye C.xafiid Maxamuud Jaamac uu la yeeshay Michael Keating waxyaabaha uu kusoo qaaday waxaa kamid ah, qabyo qoraalka Dastuurka Soomaaliya, doorashadda madaxtinimadda Soomaaliya oo uu ka walaacsan yahay musharaxnimada labada masuul ee u sareeya dalka, ciidamada Ethiopia ee kusugan dalka iyo arimo kale oo dhawr ah. https://www.youtube.com/watch?v=pnCR-lsc_Yk



August 2016

 

WARARKA MAANTA AGOOSTO 10, 2016

Muqdisho Agoost 09, 2016 Ra’iisul Wasaaraha Xukuumadda Federaalka ah ee Soomaaliya Mudane Cumar Cabdirashiid Cali Sharmaarke ayaa magacaabay Guddiga Hirgelinta Doorashooyinka Dadban ee Heer Dawlad Gobolleed (GHDDDG) ee Sanadka 2016

10-1

FacebookTwitterGoogle+Share

Muqdisho Agoost 10, 2016 Iyadoo mudooyinkii dambe uu muran ka dhextaagnaa halka lagu soo xulayo xubanaha baarlamaanka ee ka soo jeeda deegaanada Sool iyo Sanaag oo ay maamulkiisa ku muransan yihiin Soomaaliland, Khaatuma iyo Maamulka Puntland ayaa waxaa arintaasi ka hadlay Madaxweynaha Puntland.

Madaxweynaha maamulka Puntland C/wali Maxamed Cali Gaas ayaa waxa uu sheegay in maamulkooda Puntland uusan aqoonsaneyn wax la yiraahdo maamulka Khaatuma oo ka jira Deegaanadaas.

Waxa uu sidoo kale sheegay xildhibaanada laga soo xulayo deegaanada Sool iyo Sanaag soo xulitaankooda ay mas’uul ka tahay Puntland.

Maamulka Khaatuma ayaa horey dowladda federaalka ugu eedeeyay in xaquuqda dadka ka soo jeeda gobolada Sool iyo Sanaag ay duudsiineyso.

Moscow Agoost 10, 2016 Madaxweynaha Turkiga, Recep Tayyip Erdoğan oo booqasho ku joogga dalka Ruushka, ayaa kula kulmay Madaxweyne Vladimir Putin, waana safarkii ugu horeeyay oo dibadda uu ugu amba baxo, tan iyo afgambigii fashilmay ee 15-kii bishii July ka dhacay Turkiga.

Labada dhinac oo ku kulmay Magaalada St Petersburg, ayaa waxay si dhow uga wada hadleen, sidii dib loogu soo celin lahaa xiriirkii labada dal oo xumaaday bishii November, ka dib markii uu Turkigu soo riday diyaarad dagaal oo Ruushku uu lahaa, xilli sida uu Turkigu sheegay ay ku soo  xadgudubtay hawadooda.

Intii uu kulanku u socday, ayaa waxay isla soo hadalqaadeen xaaladda murugsan ee dalka Suuriya, waxayna isu mowqif ka qaateen arrimaha dalkaasi, inkastoo ay isu qabteen qaabkii loo wejihi lahaa.

Gaba gabadii kulankoodaan, ayay si wada jira Saxaafadda ula hadleen. Madaxweynaha Ruushka oo hadalka ku horeeyay, ayaa sheegay in booqashada Madaxweynaha Turkiga ay muujinayso, sida ay kaga go’an tahay in la hagaajiyo xiriirka labada dal.

S1 S2
WARARKA MAANTA AGOOSTO 09, 2016

Su'aasha Maanta: Hadii ay Damu-Jadiid ku fashilantay muddo 4 sanno ah jah-wareerinta hoggaanka dalka maxay u rabaan in muddo kale loogu daro? Maxayse tahay xiriirka ka dhexeeya Ururka Damu-Jadiid iyo argagixisada Shabaab? Yaase siinaya dhaqaalaha iyo hubka? Ummadda Soomaaliyeed waxay rabaan hoggan cusub 99.9% marka beesha caalamka waydiiday inay dhaqallo ku bixiso doorasho kale oo Ururka Damu-Jadiid dib ugu soo laabtaan.

Muqdisho Agoost 09, 2016 Deg Deg:- Shirkii Madasha Qaran oo Goor dhaw Muqdisho lagu soo xiray:

Waxaa Goor dhaw Madaxtooyada Soomaaliya lagu soo geba gebeeyay Shirkii Hogaamiyaasha Madasha wada-tashiga Qaran oo Mudo Todobaad ah uga soconayay Muqdisho Madaxda Dowladda Soomaaliya iyo kuwa Maamul Goboleedyada.

Hogaamiyaasha Madasha ayaa Shirka ka soo saaray War-murtiyeed ay isku raaceen intuu soconayay Shirka.

Ma jirto wax laga badalay Go’aankii ay horay u soo saareen Guddiga Doorashooyinka Dadban ee shaaciyay Xiliga ay dhaceyso Doorashada Soomaaliya oo ay tilmaameen in Doorshada Madaxweynaha ay qabsoomi doonto 30 OCT.
Muqdisho Agoost 09, 2016Wasiirka arrimaha gudaha soomaalia odawaa ayaa markan ka hadlay wadahadalkii snm iyo xukumada fadaraalka soomaaliya meeshu ku danbeeyay.

Addis Ababa Agoost 09, 2016 Dadka degaanka iyo mucaradka ayaa sheegay in in kabadan 90-qof ay rasaas ku dileen ciidamada amaanka Ethiopia dibad baxyada hareeyay wadankaasi waxana dadka la dilay ay yihiin qoomiyadaha Oromiya iyo Amhara.

Dibad baxyadaasi oo bishaan xoogeysatay ayaa soo bilaabmay horaantii sanadkaan waxana salka uu ku haya dhul beered,waxaana dhacday in masuuliyiin mucarad ah oo ka horyimid qorshaha dhul beeredkaasi ay dowladda xabsiga dhigtay.

Wali wadanka meelo kamid ah waxaa ka socda dibad baxayadaasi.

Falanqeyeyaasha ayaa sheegaya in Ethiopia ay cagta saartay wadadii Suuriya iyo Libya

Nairobi Agoost 09, 2016  Sida ay ku warameyaan warbaahinta gudaha ee dalka Kenya waxaa laga deyrinayaa xaalada cafimaad ee ay ku nool yihiin Qaxootiga Soomaaliyeed ee ku jira xerada Dhadhaab.

Warbaahinta gudaha ee dalka Kenya ayaa sheegtay in goobaha Caafimaad, Waxbarasho iyo sidoo kale nolosha Qaxootiga Soomaaliyeed ay hoos u dhacday.

Kumanaan Qaxooti Soomaliyeed ah ayaa hada dalka dib ugu soo laabtay tan iyo markii dowladda Kenya ay shaacisay in ay xireyso xerada Dhadhaab oo ah xerada ugu weyn ee ay ku nool yihiin Qaxootiga Aduunka.

Qaar ka mid ah waalidiinta ku nool xerada Dhdhaab ayaa warbaahinta u sheegay in caruurooda aysan heysan Waxbarsho ku filan sidoo kalena xaaladooda caafimaad ay aad u liidato.

Dowladda Kenya ayaa horey u sheegtay weerarada Shabaab ay ka geystaan dalka Kenya in laga soo abaabulo xerada Dhadhaab, waxaana arintaasi ay keentay in Qaxootiga laga soo raro xerada Dhadhaab.

Muqdisho Agoost 09, 2016 War qoraal ah oo ka soo baxay xafiiska arimaha dibada ee dowladda Soomaaliya ayaa lagu sheegay in dowladaha Soomaaliya iyo Mareykanka ay ka wada hadleen xiriirka labada dal.

Wasiirka arimaha dowladda federaalka Soomaaliya C/salaan Hadliye  iyo danjiraha dowladda Mareykanka u qaabilsan Soomaaliya ayaa kulan yeeshay waxaana looga hadlay xiriirka labada dal.

Kulanka ayaa sidoo kale waxaa looga hadlay sidii Mareykanka Soomaaliya uu kaga taageeri lahaa xaga dib udhiska ciidanka, dhaqaalaha iyo arimo kale.

Danjiraha dowladda Mareykanka u qaabilsan Soomaaliya ayaa markii uu soo idlaaday kulanka waxa uu sheegay in Soomaaliya iyo shacabkeeda ay yihiin kuwo isku xiran sidoo kalena Mareykanka uu mar walba diyaar u yahay in uu taageero dowladda Soomaaliya.

Muqdisho Agoost 09, 2016 Madasha Hoggaanka Qaran (MHQ) ayaa kulan ku yeelatay magaalada Muqdisho 02 – 09 Agoosto 2016ka. Kulanka waxaa shir-guddoominayay Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, waxaana ka soo qayb galay Guddoomiyaha Baarlamaanka Federaalka, Mudane Maxamed Cusmaan Jawaari; Ra’iisal Wasaaraha Xukuumadda Federaalka, Mudane Cumar Cabdirashiid Cali Sharmaarke; Ra’iisul Wasaare Ku-Xigeenka Xukuumadda Federaalka, Mudane Maxamed Cumar Carte; Madaxweynaha Puntland, Mudane Cabdiweli Maxamed Cali-Gaas; Madaxweynaha Jubbaland, Mudane Axmed Maxamed Islaan; Madaxweynaha Koonfur Galbeed, Mudane Shariif Xasan Sheekh Aadan; iyo Madaxweyne ku-Xigeenka Galmudug, Mudane Maxamed Xaashi Cabdi.

Kulankani wuxuu daba socday kulankii madasha ee lagu qabtay magaalada Baydhabo 22-25 June, kaasoo lagu gaaray go’aamo khuseeya doorashada 2016ka.

Ujeeddada shirkani waxay ahayd in la dhammeystiro arrimaha qabyada ka ah hirgelinta hannaanka doorashooyinka qaran ee 2016ka.

1. Muddada Xil-heynta laamaha Dowladda ee Jamhuuriyadda Federaalka Soomaliya.

Madasha Hoggaanka Qaran ka dib markii ay aragtay jedwalka hirgelinta doorashada 2016 ee ay soo gudbiyeen Guddiga Federaalka Hirgelinta Doorashooyinka Dadban (GFHDD), isla markaana arkeen Qodobka 91-aad ee Dastuurka Federaalka ee qeexaya in laamaha dowladda Federaalka ee Jamhuuriyaddu ay ku kooban tahay afar (4) sano oo ka bilaabanta maalinta xilka loo dhaariyey, maankana ku haya in duruufaha jira awgeed ayan suuragal ahayn in doorasho la qabto inta ka harsan muddada xilheynta ee laamaha dawladda ee hadda jira (Baarlamaanka Federaalka iyo Madaxweynaha). Madashu waxa ay tixgeliyeen in ay lagama-maarmaan tahay in muddada gaaban ee kala guurka ah looga gudbo si huwan nabaadiino iyo xasillooni, aysan dhicin firaaq hay’adeed ku yimaada jiritaanka laamaha dastuuriga ah ee Dowladda Federaalka. Madashu waxay guddoomisay in laga billaabo taariikhda ay ku dhammaaneyso muddada xil-heynta laamaha dawladda, ay xilka u sii hayn doonaan ilaa iyo inta natiijada cusub ee doorashada ee laamaha dastuuriga ah lagu dhawaaqo, sida ku cad jadwelka ay soo saareen (GFHDD).

1. Dhammeystirka Dib-u-Eegista Dastuurka

Madashu waxaa ay si wadjir ah u bogaadinayaan Guddiga dib u eegista dastuurka ee Baarlamaanka federaalka, Guddiga Madaxa Bannaan ee dib u eegista dastuurka iyo Wasaaradda dastuurka shaqada wanaagsan ee ka soo qabteen dib u eegista dastuurka , waxa ay soo jeedineysaa in ay lagama-maarmaan tahay in howlaha dib-u-eegista dastuurka ee qabyada ah uu dhameystiro Baarlamaanka 10naad ee Jamhuuriyadda Federaalka Soomaaliya ee dhawaan la dooran doono, isla markaana uu tixgelin iyo mudnaanta koowaadba siiyo Qaraarka iyo lifaaqyada uu Baarlamaanka 9aad ku ansaxiyey kalfadhigiisa 8aad ee 2016.

1. Adeegsiga Nidaamka Awood-qaybsiga 4.5 oo looga Gudbo Dhisidda iyo Hirgelinta Axsaabta Siyaasadeed

Madashu waxaa ay soo dhaweynayaan mabda’a dimoqraadiga ah ee suurtogalinaya in shacbigu helo fursad uu madaxdiisa si caadil ah ugu kala doorto barnaamijyo siyaasadeed oo ay ku kala tartamayaan axsaab siyaasadeed taasoo ah dariiqa ugu habboon ay Soomaaliya uga bixi karto nidaamka doorashooyinka ku saleysan 4.5 ee lagu soo meelgaaray. Sidaa darteed, Madaxda Madasha Qaranku waxaa ay isku raaceen in la horumariyo dhisidda iyo diiwaangelinta axsaabta siyaasadeed muddo labo sano gudahood ah, ka bilaabata taariikhda la doorto Baarlamaanka 10aad. Haddaba si arrintan loo hirgeliyo qof kasta oo Musharrax ah, oo u tartamaya kuraasta labada aqal ee Baarlamaanka Federaalka midkood waxaa laga doonayaa inuu saxiixo afti qoraal ah oo uu ku caddeynayo in uu labo (2) sano gudahood, ka bilaabata maalinta la dhaariyo Baarlamaanka 10aad uu xubin ka noqonayo mid ka mid ah axsaabta siyaasadeed ee sharci ahaan dalka ugu sameysmay, Baarlamaankana ku matali doono xisbigiisa. Xildhibaanada ku guuleysta doorashooyinka ee aqalada Baarlamaanka ee Soomaaliya ay ka mid noqon doonaan axsaabta siyaasadeed ugu dambeyn 20ka Oktoober 2018. waxaa laga doonayaa in xafiiska Guddoonka Baarlamaanka geeyo caddeyn xisbiga siyaasadeed uu xildhibaanku xubinta ka yahay, Golahana ku matalaayo. Xildhibaankii ku biiri waaya xisbi siyaasadeed muddadaas ka dib waxey sababeysaa xil-waayid xubinimada golaha Xildhibaanku ka tirsan yahay, kursigaasna doorasho loo diro.

1. Arrimaha khuseeya Guddiyada Doorashada:

a. Madashu waxay dhameystirtay, magacyada xubnaha Guddiyada Doorashada ee heer Dawlad Goboleed (GDHGDG).

b. Madashu waxay soo saartay tirada iyo magacayada xubnaha guddiga khilaafaadka, waxayna ka dhigtay tirada 21 xubnood halka ay markii hore ka aheyd 11 xubnood. Sagaal (9) ka mid ah guddiga waxaa soo magacaabeysa Dowladda federaalka ah, halka ay min laba (2) xubnood soo magacaabayaan Dowladaha xubnaha ka ah ama ka mid noqon doona Dowladda Federaalka ah.

c. Madashu waxaa ay go’aamisay in xarun walba oo doorasho la geeyo 3 xubnood oo guddiga xallinta khilaafaadka ah waxayna ku go’aan qaadanayaan cod hal dheeri ah.

d. Madashu waxa ay go’aamisay in ciddi cabasha qabta oo u gudbaya guddiga xallinta khilaafaadka la furi karo oo kaliya marka qofka cabashada qaba bixiyo khidmadda furidda gal-dacwadeedka $1,000 (kun oo doolar).

1. Arrimaha Haweenka Musharixiinta ah ee u Tartamaya Labada Aaqal

a. Sidoo kale, waxay madashu ku adkeynaysaa odayaasha dhaqanka iyo guddiyada doorashada inay xaqiijiyaan arrimaha soo socda:

b. Xubnaha Xildhibaanada Golaha Shacabka ee la doortay, 30% waa in ay ahaadaan haween .

c. Afarta beelood, beeshiiba haweenka la doortay waa in ay noqdaan 18 xubnood (4X18=72).

d. Beesha shanaad, haweenka la doortay waa in ay noqdaan sagaal (9) xubnood.

e. Si sare loogu qaado fursadaha haweenka ee doorashada 2016, madashu waxa ay go’aansatay in khidmadaha murashaxnimo ee haweenka hoos loo dhigo 50%, si loo dhiirrigeliyo taabbagelinta qoondada haweenka ee Baarlamaanka Federaalka

f. Ergada doorashada ee beel walba oo ah 51 xubnood, ugu yaraan 30% waa in ay noqdaan haween.

g. Xubnaha loo soo sharaxayo aqalka sare, 50% waa in ay noqdaan haween.
2. Arrimaha Beesha Banaadiriga

a. Ra’iisal Wasaaraha Xukuumadda Federalka, isagoo la tashanaaya odey dhaqameedyada beelaha Banaadiriga ee ku jira liiska 135ta oday dhaqameed iyo nabad-doonnada beesha, waxaa uu soo magacaabayaa afarta (4) xubnood oo ah guddiga doorashada ee beesha Banaadiriga

b. Seddexda (3) Oday dhaqameedyada Banaadiriga ee ku jira liiska 135ta oday, iyagoo la tashanaaya Raisul Wasaaraha Xukuumadda iyo Guddiga Doorashada beesha Banaadiriga, waxa ay soo xulaayaan 21 Ergo-doorasho oo ku saleysan toddobo beel hoosaad oo min saddex xubnood ah (7X3=21).

c. Ergada-doorasho ee ah 21 xubnood ayaa u codeynaaya musharixiinta u tartamaaya in ay ka mid noqdaan Aqalka Sare.

d. Odayaasha dhaqanka Beesha Banaadiriga ee ku jira liiska 135ta xubnood oo la tashanaya nabadoonnada beelaha Banaadiriga ah ayaa soo magaacabaya musharixiinta u tartameysa Aqalka Sare.

e. Ugu dambeyn waxaa Odayaasha dhaqanka loo xilsaaray inay qaybinta kuraastaasi ka soo wadatashadaan meelmarinta kama dambeysta ahna ku soo wargeliyaan R/Wasaaraha Xukuumadda Federaalka Soomaaliya.

1. Shuruudaha Codeynta

a. Doorashada halkii kursi ee Golaha Shacabka waxaa ay ansaxeysaa marka ugu yaraan labo musharax ay u tartamaan.

b. Madasha waxaa ay go’aamisay in 51 ergada u codeyneysa halkii kursi ee Golaha Shacabka ay dhammaantood goobjoog ku noqdaan xarunta doorashada ka dhaceyso si ay u codeeyaan.

c. Haddii beesha kursiga leh ay tirada 51 ergo ay buuxin weydo, dib baa loo dhigayaa kursigaas, waxaana la siinayaa fursad ay ku soo dhammeystiraan tirada 51 ergo muddada doorashadu socoto,

d. Haddii aysan buuxin tirada ergada 51 ee u codeyneysa kursiga xubinimada golaha shacabka muddada doorashadu socoto, kursigaas waa la laalayaa.

1. Arrimaha Shabeelaha Dhexe iyo Hiiraan

a) Madashu waxey xakuumadda Federaalka ah ku adkeyneysaa in la xaqiijiyo dhismaha maamulka gobollada Hiiraan iyo Shabeelaha Dhexe inta ka horreysa xilliga doorashada.

1. Kuraasta Aqalka Sare ee Beelaha Somaaliland

Madasha Madaxda Qaranka oo tixgalineysa go’aanadii ka soo baxay kulankii Baydhabo kuna saabsanaa xalinta saami-qeybsiga iyo hannaanka doorashada xubnaha Aqalka Sare ee Somaliland iyo sidoo kale heshiiskii 12 Abriil 2016 doorashooyinka dadban ee 2016 iyo hannaanka dhismaha Aqalka Sare ee Baarlamaanka oo qeexaysa“Dawlad goboleedyada hadda jira ama dhismaya waxay samaysanayaan qaab ay kuraasta ugu qaybiyaan beelaha/dadyowga ama deegaanada, qaabkaas oo ah mid isku dheelitiran oo loo wada dhan yahay, iyadoo la hubinayo in dadka laga tirada badanyahay ay helaan metelaad ku filan”. Madashu waxay go’aamisay in qoondada 3-da kursi ay qoonda ahaan u leeyihiin beelaha Sool, Bariga Sanaag iyo Buuhoodle oo hal kursi ka mid ah ay leeyihiin beelaha laga tira badan yahay ee deggan degaannadaas.

Waxay sidoo kale Madashu go’aamisay in 2 xubnood lagu kordhiyo tirada kuraasta ay qoonda ahaan beelaha Soomaaliland ku leeyihiin Aqalka Sare ee Baarlammaanka Federaalka.

Ugu dambeyn waxaa Odayaasha dhaqanka loo xilsaaray inay qaybinta kuraastaasi ka soo wadatashadaan meelmarinta kama dambeysta ahna ku soo wargeliyaan Xafiiska Madaxweynaha Jumhuuriyadda Federaalka Soomaaliya, Xafiiska Guddoomiyaha

Baarlamaanka Federaalka Soomaaliya iyo Xafiiska R/Wasaaraha Xukuumadda Federaalka Soomaaliya

1. Arrimaha Jadwelka Doorashada

Madashu waxay ay ansaxiyeen jadwalkan wakhtiyeysan ee doorashada 2016ka ee ay soo gudbiyeen GFHDD:

a. Doorashada xubnaha Aqalka Sare in ay dhacdo 25ka September

b. Doorashada xubnaha Golaha Shacabka in ay dhacdo September 24-10ka Oktoobar

c. In xildhibaanada la dhaariyo 20ka Oktoobar

d. In la doorto Guddoonka Baarlamaanka 25ka Oktoobar

e. Doorashada Madaxweynahana in ay dhacdo 30ka Oktoobar

1. Mahadcelin

Madashu waxaa ay u mahadcelineysaa Safiirada idman ee haweenka Somaaliyeed oo runtii muujiyey howlkarnimo iyo in ay ka go’an tahay ka gun gaaridda qoondada haweenka ee 30%.

Madashu waxaa sidoo kale u mahadcelineyaan Guddiga Federaalka ee Hirgelinta

Doorashooyinka Dadban (GFHDD) shaqadii wanaagsaneyd ee ay qabteen muddadii yareyd ee ay jireen.

Madashu waa ay u mahadcelineysaa beesha caalamka oo had iyo goor la garab taagan taageero dowladda federaalka ee Soomaaliya.

Madashu waxaa ay isku raacday in shirka Madasha ee soo socda lagu qabto Muqdishu bisha 07- 09- 2016.

——————————DHAMMAAD———————-——-

1-3 2-3 3-3 4-3 5-2 w1-1 w2-1 w3-1 w4-1 w5-2 w7-1 w8 w9  w20

Muqdisho Agoost 08, 2016 Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa Xarunta Madaxtooyada ku qaabilay wafdi uu horkacayay Agaasimaha Guud ee Wasaaradda Arrimaha Dibedda ee Jamhuuriyadda Federaalka Jarmalka ugu qaabilsan arrimaha dalalka Afrika ee Saxaraha ka hooseeya, Danjire Georg Schmidt.

Madaxweynaha iyo wafdiga ayaa ka wadahadley xiriirka labada dal, arrimaha doorashada Soomaaliya, dib u dhiska Ciidanka Xoogga Dalka Soomaaliyeed, amniga gobolka, qaxootiga Soomaalida ee la doonayo in dib dalka loogu soo celiyo, iyo sidii loo soo nooleyn lahaa iskaashiga machadyada mihnadaha laga barto si ay uga faa’iideystaan dhalinyarada Soomaaliyeed.

Madaxweyne Xasan Sheekh Maxamuud ayaa wafdiga ka codsadey inay salaam ka gaarsiiyaan Ra’iisul Wasaaraha Jarmalka, Angela Merkel, dowladda iyo shacabka Jarmalka.

Danjire Schmidt oo isna soo dhoweeyay horumarka Soomaaliya ay ku tallaabsatey, isagoo sheegay inuu aaminsan yahay in Soomaaliya ay dib cagaheeda isku taagi doonto, beesha caalamkuna oo Jarmalka ay ka mid tahay ay doorkooda ka cayaari doonaan.

Kulankan waxaa goobjoog ka ahaa mas’uuliyiin ka tirsan labada dhinac.

chinafalag

China Agoost 08, 2016 Tiantong-01 satellite ayaa samayn doona qad telefoonada mobile-ka oo u adeega Shiinaha, Bariga dhexe, Afrika iyo meelo kale ayay sheegtay wakaaladda wararka ee waddanka ee Xinhua.
Waxaa hawada loo diray saqdii dhexe waqtiga Beijing habeenimadii Axada.

Waxaa dhulka ka maamuli doona China Telecom, oo ay leedahay dowladda Shiinaha.

Waddanka ayaa sidoo kale diyaarinayo barnaamijkiisii labaad ee hawadda.

Sabtidii gantaalaha hawada xarunta laga diro ee waqooyi galbeed Shiinaha. Waxay qaadi doonaan qaybtii labaad ee saldhiga hawada, isagoo lagu badalayo Tiangong1 oo soo dhamaystay hawshiisii iyo dayax gacmeedka Shenzou-11.

Shiinaha ayaa hawada u diray dayax gacmeedkii ugu horeeyay ee qof wada 2003-dii, tan iyo markaa waxay gaartay horumar wayn.

Madaxa naqshadaynta barnaamijka lunar ee Shiinaha, ayaa BBC u sheegay in shiinaha uu qorshaynayo ay degto dayaxa si ay u baarto Mars.

Barnaamijka hawada ee waddanka waxaa hogaamimaya milatariga.

Jubbaland Agoost 08, 2016 Maxamed Cabdi Kaliil oo ah Wasiiru dowlada Wasaarada Amniga maamulka Jubbaland oo warbahinta kula hadlay degmada Luuq ee gobolka Gedo ayaa waxa uu sheegay in qorshe uu wado maamulka Jubbaland kaas oo ah in dib u ahabeyn lagu sameyn doono ciidamada Jubbaland ee ku sugan Jubbooyinka.

Waxa uu sheegay Wasiiru dowlaha in ciidanka Qalabka Sida loo kala saari doono ciidanka Daraawiisha, Nabad sugida iyo kuwa Booliska ee maamulka Jubbaland.

Waxaa jira ciidamo badan oo ka tirsan maamulka Jubbaland kuwaas oo ku sugan deegaano ka tirsan gobolka Gedo, inkastoo mudooyinkii dambe uu gobolkaas khilaaf uu ka jiray kaas oo hareeyay mamulka gobolka iyo waliba kan degmooyinka.

Muqdisho Agoost 08, 2016 Wasiirka Dhallinyarada iyo Cayaaraha Xukuumadda Fedaraalka Soomaaliya Maxamed Xasan Nuux oo la hadlay VOA ayaa sheegay in aysan wax dhibaato ah ka soo gaarin Qarax xalay ka dhacay Banaanka Carwo uu ka adeeganayay oo ku taala wadada Maka Al-mukarama ee Magaalada Muqdisho.

Wasiir Nuux ayaa sheegay markii uu ka degay Gaariga in lagu soo tuuray Walxaha Qarxa, sidoo kalena uu dhaawac ka soo gaaray mid ka mid ah dadkii la socday.

Waxa uu sheegay in lagu raad joogo raggii ku lugta lahaa Qaraxan, waxaana uu sheegay in ujeedka Qaraxa uu ahaa in lagu qalqal galiyo hormarka iyo ganacsiga magaalada Muqdisho.

Ciidamada dowladda Soomaaliya ee gaaray goobta uu xalay Qaraxa ka dhacay ayaa Howlgal ay sameeyeen waxa ay ku soo qab qabteen dad tiradooda ay kor u dhaafeyso 10 Qof, kuwaas oo looga shakiyay in ay ka dambeeyeen Qaraxan, sidoo kalena baaritaano lagu sameyn doono.

DC Agoost 08, 2016 Wasaarada arimaha dibada dowladda mareykanka ayaa markale sheegtay in ay taageereyso Doorashada sanadkan la filayo in ay dalka ka dhacdo.

War ka soo baxay xafiiska xoghaya wasaaradda arrimaha dibadda Mareykanka John Kerry, ayaa waxa uu lagu sheegay in dowladda Mareykanka ay ka qeyb qaadaneyso Doorashada 2016-ka Soomaaliya ka dhaceysa.

Xog-haye Kerry ayaa intaas ku daray in dowladda Mareykanka ay ka taageereyso Soomaaliya dadaalka ay ugu jirto sidii loo dhisi lahaa dumuqraaddiyad fadhida.

Warka Xoghayaha ayaa sidoo kale lagu sheegay in Mareykanku uu ku rajo weyn yahay in Doorashada sanadkan ay noqoto mid dhabbaha u xaarta dimuqraddiyadda, ammaanka iyo in barwaaqo la gaaro.

Shalay waxaa magaalada Muqdisho Gudoomiyaha Gudidga Hirgelinta Doorashada dadban ee dalka waxaana uu sheegay qaabka ay u dhacayso doorashada iyo xiliga doorashada.

Cumar Maxamed Cabdulle Dhegey ayaa sheegay in Doorashada xubnaha Aqalka sare ee dalka ay dhacayso 25-ka September sidoo kale Doorashada Xildhibaannada waxa uu sheegay in ay dhacayso 24-ka September ilaa iyo 10-ka October.

Sidoo kale Doorashada Guddoomnka Baarlamaanka ayaa la shaaciyay in dhacayso 25-ka October.

Ugu dambeyntii Gudoomiyaha Gudidga Hirgelinta Doorashada dadban ee dalka Cumar Maxamed Cabdulle Dhegey ayaa cadeeyay in Doorashada Madaxweynaha ay dhacayso 30 October.

Dowladda Mareykanka ayaa ka mid ah dowladaha taageera Soomaaliya ,waxaana dowladda Mareykanku ay dhawaan u soo magacowday Soomaaliya safiir cusub.

WARARKA MAANTA AGOOSTO 07, 2016

Muqdisho Agoost 07, 2016 Gudoomiyaha Gudidga Hirgelinta Doorashada dadban ee dalka oo maanta shir jaraa’id ku qabtay magaalada Muqdisho,ayaa sheegay qaabka ay u dhacayso doorashada iyo xiliga doorashada.

Cumar Maxamed Cabdulle Dhegey ayaa sheegay in Doorashada xubnaha Aqalka sare ee dalka ay dhacayso 25-ka September sidoo kale Doorashada Xildhibaannada waxa uu sheegay in ay dhacayso 24-ka September ilaa iyo 10-ka October.

Sidoo kale Doorashada Guddoomnka Baarlamaanka ayaa la shaaciyay in dhacayso 25-ka October.

Ugu danbeyntii Gudoomiyaha Gudidga Hirgelinta Doorashada dadban ee dalka Cumar Maxamed Cabdulle Dhegey ayaa cadeeyay in Doorashada Madaxweynaha ay dhacayso 30 October.

Muqdisho Agoost 07, 2016 Madaxweynaha Soomaaliya Xasan Sheekh Maxamuud oo Kulan la qaatay Saraakiisha Ciidamada Soomaaliya iyo kuwa AMISOM ayaa sheegay in Al-shabaab ay Qorsheynayaa Carqaladeynta Doorashada ka dhacaysa Dalka Dabayaaqada Sanadkaan,waxaana uu ku baaqay in laga Feejignaado.

Madaxweyne Xasan ayaa Ciidamada AMISOM ugu baaqay in ay ka hortagaan Weeraro Shabaab ay ku soo qaadaan Xarumaha Dowladda iyo Goobaha lagu qaban doono Doorashooyinka Soomaaliya.

“Waxaan Ognahay in Shabaab ay qorsheynayaan in ay Weeraro ay ku qaadaan Doorshada Soomaaliya goobaha lagu qabanayo iyo u diyaar Garoowga Doorashada intaba ay Caqabad ku yihiin Ciidamada Soomaaliya iyo kuwa AMISOM waxaa laga doonayaa in ay ka hortagaan”ayuu yiri Xasan Sheekh .

Soomaaliya ayaa la filayaa in Doorashooyin ay ka dhacaan Biaha OCT iyo NOV ee Sanadkaan,iyadoo Go’aanka ugu dambeeya maanta laga sugayo Hogaamiyaasha Madasha Qaran.

Muqdisho Agoost 07, 2016

Qorshe Hawleedka Waqtiyeysan

Waqtiga, Geeddi socodka, Masuuliyadda

Agoosto

4 Agoosto – 6 Agoosto

  • Dhammeystirka iyo howlgelinta Guddiga Doorashada Dadban ee heer gobol (SIEIT)
  • Ansaxinta tirada oday-dhaqameedyada tagaya goobaha  dorashooyinka ay ka dhacayaan (tusmaynta madax dhaqameedyada )
  • Musharaxiinta hadii kursi hal qof keliya u soo tartamo maxaa laga yeelaayaa?
  • Ansaxinta waajibaadka shaqo (TOR) Guddiga xallinta Khilaafaadka iyo Magacaabida  xubnaha guddiga
  • Go’aan ka gaaridda hannaanka iyo goobta lagu soo dooranayo xubnaha labada aqal ee Somaliland; Shabellaha-dhexe & Hiiraan (hadii aysan dhisnayn ka hor xiliga doorashada);
  • Guddiga matalaadda xubnaha Aqalka Sare ee gobolka Banadir iyo howl-galintooda
  • Dhammeystirka iyo howlgelinta Guddiga (Task Force-ka) ka shaqayn doono amniga dorashooyinka;
  • Habraac lagu xaqiijinaayo qoondada Haweenka ee 30% ee labada aqal ee Barlamaanka;
  • Ansaxinta iyo Go’aan ka gaarista iyo soo bandhigidda Qorshe howleedka waqtiyeeysan iyo Miisaaniyadda  Doorashooyinka 2016

7-13 Agoosto

Diyaarinta Xafiisyada GDGDD ee Xarumaha Doorashada

MHQ

MHQ

14 Agoosto -20 Agoosto

  • Tababarka Guddiyada doorashooyinka

federal iyo heer maamul Goboleed (GDGDD)

(Mudadan waxay isugu jirtaa Imaanshaha iyo Noqoshada)

GFHDD/QM

21 Agoosto – 24 Agoosto

  • Tababarada 135 Madax dhaqameedyada
  • Qaadashada warqadaha Aqoonsiga .

GDGDD/GFHDD

iteembar 2016

25 Agoosto- 10 Siteembar

  • 135 ta Madax dhaqameed ayaa soo gudbinaya  liiska magacyada ergada
  • Xalinta Khilaafaadka ee Ergooyinka
  • Shaqaalaynta iyo tababarada howlwadeenada doorashooyinka

Madax Dhaqameedka /GDGDD/GFHDD

25 Siteembar

Dhisida iyo soo gudbinta  xildhibanada Aqalka Sare ee Dowlad Goboledyada dhisan ugu dambayn bisha Siteembar 25-da, 2016

MHQ

11-30 Siteembar

  • Baahinta Waqtiga  Diiwaangalinta Musharixiinta
  • Hubinta shuruudaha Musharaxa iyo Diiwaangalintooda
  • Diiwaangalinta Korjoogtada.

GFHDD

Oktoobar 2016

Oktoobar 2016

01-14 Oktoobar

  • Doorashada Golaha shacabka

GDGDD/GFHDD

15- 17 Oktoobar

  • Hubinta iyo ku dhawaaqidda natiijada kama dambaysta ah

GFHDD

18 Oktoobar

  • Dhaarinta Golaha Shacabka

Maxkamadda Sare

28 Oktoobar

  • Doorashada Guddomiyaha Baarlamaanka

Baarlamaanka

07 Nofeembar

  • Doorashada Madaxweynaha Jamuuriyadda Federalka Soomaliya

UK Agoost 07, 2016 Dowladda Britain ayaa shaaca ka qaaday in ay sii laba jibaari doono howlgalada ay ka wado qaar ka mid ah dalalka Qaarada Afrika oo ay Soomaaliya ka mid tahay.

Dowladda Uk ayaa sheegtay in ay qeyb qaadan doono xasilinta iyo nabad kusoo dabaalida dalalka Soomaaliya iyo Nageria.

Waxa ay sheegtay in ay muhiim tahay in dowladda Soomaaliya laga caawiyo la dagaalanka Argagixisada iyo sidoo kale horumarinta ciidanka dowladda Soomaaliya si ay ula dagaalamaan ururada argagixisada sida ay shaacisay wasaasada difaaca UK.

Dowladda UK  iyo Qaramada Midoobey oo iskaashanaya ayaa la sheegay in sare u qaadeen sanadkii la soo dhaafay tababarida iyo sidoo kale horumarinta ciidamada dalalka Nigeria iyo Soomaaliya sida lagu sheegay  war kasoo baxay wasaasarada difaaca UK.

” Waxaan diyaar u nahay inaan sii laba jibaarno jabinta iyo la dagaalanka ururada argagixisada , waxaan ka shaqeyn doonaa horumarinta iyo tababarida ciidamada dalalka Nigeria iyo Soomaaliya ” sidaasi waxaa yiri Xoghayaha gaashaandhiga ee Ingiriiska Micheal fallon.

Dowlada Ingiriiska , ayaa sheegtay in ujeedka ciidamadeeda ay u joogaan Soomaaliya iyo Nigeria in  ay tahay in ay ka caawiyaan  dhinaca loojistikada,Caafimaadka  iyo tababarida ciidanka xoogga dalka Soomaaliyeed.

Dowladda UK ayaa horay ciidamada ugu soo dirtay dalka Soomaaliya , kuwaa soo ay sheegtay in ay qeyb qaadan doonaan caawinta ciidamada dowladda Soomaaliya.

Muqdisho Agoost 07, 2016 Gudoomiyaha Gudidga Hirgelinta Doorashada dadban ee dalka oo maanta shir jaraa’id ku qabtay magaalada Muqdisho,ayaa sheegay qaabka ay u dhacayso doorashada iyo xiliga doorashada.

Cumar Maxamed Cabdulle Dhegey ayaa sheegay in Doorashada xubnaha Aqalka sare ee dalka ay dhacayso 25-ka September sidoo kale Doorashada Xildhibaannada waxa uu sheegay in ay dhacayso 24-ka September ilaa iyo 10-ka October.

Sidoo kale Doorashada Guddoomnka Baarlamaanka ayaa la shaaciyay in dhacayso 25-ka October.

Ugu danbeyntii Gudoomiyaha Gudidga Hirgelinta Doorashada dadban ee dalka Cumar Maxamed Cabdulle Dhegey ayaa cadeeyay in Doorashada Madaxweynaha ay dhacayso 30 October.

Lamu Agoost 07, 2016 Afar ka tirsan Saraakiisha Boliska Gaarka Kenya ee    GSU ayaa xalay lagu dhaawacay weerar ay Dagaalyahanno ka tirsan Alshabaab  xalay ku qaadeen Xeradda Basuba GSU Camp oo ku taalla Degmadda Laamu ee Kenya.

Taliyaha Boliska Laamu, Joseph Kanyiri ayaa sheegay inay Saraakiishaasi ddhaawaca noqotay loo duuliyey magaalladda Nairobi si loogu soo daaweeyo.

Waxa uu tilmaamay in ku-dhawaad 20 Dagaalyahan oo Alshabaab xalay soo weerareen Xeradaasi, waxaana ka hor tegay Ciiddanka GSU ee ku sugnaa Xeradaasi.

Iska horimaadkaasi ayuu sheegay inuu socday  in ka badan 30-daqiiqo, isla markaana ay Ciiddanka GUS iska caabiyeen weerarkii Alshabaab.

Ma cadda khasaaraha labada dhinac ka soo gaaray iska horiaadkaasi.

Amaanka Degmadda Laamu ayaa aad loo adkeeyey kadib makii ay Alshabaab dhowr jeer weerareen Xarumaha Hay’addaha Amaanka ku leeyihiin W/bari ee dalka Kenya.

Shabeele Hoose Agoost 07, 2016 Ciidamada Dowladda Soomaaliya iyo kuwa AMISOM ayaa howlgallo Burcad sifeyn ah waxa ay ka wadaan wadada xiriirisa Degmada Afgooye iyo Degmada Wanlaweyn ee Gobolka Shabeellaha Hoose.

Howlgalkan ayaa waxa uu yahay mid ciidamada ay ku baadigoobayaan kooxo Burcad ah oo muddooyinkaan dambe dhac ka geysanaayay deegaanada u dhaxeeya Afgooye iyo Wanlanweyn.

Sarkaal ka tirsan ciidamada Dowladda ayaa sheegay howlgalka in uu weli socdo, ciidamadana ay gacanta ku soo dhigeen xubno ka tirsan Kooxaha Burcada.

Waxa uu sheegay Sarkaalkaasi ragga ay soo qabteen in ay u gudbin doonaan maxkamada ciidamada Qalabka sida si loogu qaado tallaabo sharciga waafaqsan.

Gaadiidleyda isticmaasha wadada xiriirisa Magaalada Muqdisho iyo Magaalada Baydhabo ayaa muddooyinkii dambe ka cabanaayay dhac ay kala kulmaan Kooxo Burcad ah

Muqdisho Agoost 07, 2016 Madaxweynaha Jamhuuriyadda Federaalka Soomaaliya Mudane Xasan Sheekh Maxamuud, iyo madaxda xubnaha ka ah Madasha Hoggaamiyeyaasha DFS iyo Dowlad Goboleedyada ayaa maanta kulamo la qaatey guddiyo kala duwan oo ay ka wadahadleen arrimaha doorashada iyo amniga qaranka.

Madasha ayaa ugu horeyn kulan la yeeshay Guddiga Diyaarinta Doorashada ee Heer Federaal oo uu horkacayay Guddoomiyaha guddigaasi Cumar Maxamed Cabdulle.

Madaxda madasha ayaa warbixin ku saabsan jadwalka doorashada ka dhegeystey guddiga, waxaana ay guddiga ku bogaadiyeen hawsha ay hayaan.

Waxaa sidoo kale madaxda madashu ay kulan la yeesheen Guddiga Xaqiijinta Qoondada Haweenka ee goleyaasha qaranka, iyagoo ka wadaxaajooday sidii qoondada haweenka loo meel marin lahaa.

Hoggaanka madasha ayaa sidoo kale kulan muhiim ah la qaatey Guddiga Amniga Qaranka oo ka warbixinayey xaaladda amniga dalka iyo diyaargarowga doorashada.

Shirka Madasha Hoggaamiyeyaasha DFS iyo Dowlad Goboleedyada oo toddobaadkii hore furmay ayaa galey maalintiisii afraad, iyadoo ay ka qeybgalayaan Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, Ra’iisul Wasaare Cumar Cabdirashiid Sharma’arke, Guddoomiyaha Baarlamaanka, Mudane Maxamed Cusmaan Jawaari, Ra’iisul Wasaare Ku-Xigeenka, Maxamed Cumar Carte, iyo madaxda dowlad goboleedyada Puntland, Koonfuur Galbeed, Jubbaland iyo Galmudug.

WARARKA MAANTA AGOOSTO 06, 2016

Adis Ababa Agoost 06, 2016  Shacabka Ethiopia ee nacay Xisbiga tlada dalka haya ayaa si weyn waxay uga soo hor-jeesteen dhibka iyo khiyaanooyinka ay Xisbigan. Qoomiyadaha Oromo Iyo Amhaara ayaa diidan dhiig-miirashadaa Xisbiga dalka xukumo ee qoomiyada Tigrayga.

Adis Ababa Agoost 06, 2016  Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud ayaa magaalada Addis Ababa kaga qeybgaley Shir Madaxeed deg-deg ah oo waddamada xubnaha ka ah urur goboleedka IGAD, iyo wakiilada dalalka iyo ururrada kale ee caalamiga ah ay kaga arrinsanayeen xasaradda ka aloosan Jamhuuriyadda Koonfuurta Suudaan.

Jamhuuriyadda Koonfuurta Suudaan ayaa waxaa ka taagan colaad u dhexeysa dowladda Madaxweyne Salva Kiir Mayardit iyo hoggaamiyaha mucaaradka Riek Machar, waxaana madaxda IGAD ay ka shaqeynayaan sidii dagaalka loo joojin lahaa, nabadda looga shaqeyn lahaa, loona fulin lahaa heshiisyadii hore ee nabadda ee dhinacyada is haya ay ku heshiiyeen.

Madaxweynaha iyo wafdigiisa oo gaaray magaalada Addis Ababa, ayaa shirka ka sheegay muhimadda in xal deg-deg ah loo helo mashaakilka ka taagan Koonfuurta Suudaan, oo uu sheegay in ay tahay mid dhaawacaysa dibna u dhigeysa riyada shacabka dalkaasi oo ahaa inay xornimo, nabad iyo barwaaqo ku naaloodaan.

Shirkan halka maalin socday ayaa waxaa madaxdu ay ku muujiyeen walaacooda ku saabsan colaadda dalkaasi ka jirta, iyagoo ku baaqey in colaadda la joojiyo, in xurgufta taagan lagu dhammeeyo wadahadal, badbaadinta dadka maatada ah iyo gargaar loo fidiyo dadka ku barakacaya dagaalka halkaasi ka socda.

Waxaa Madaxweynaha uu sidoo kale sheegay in laga faa’ideysto casharadii laga bartey dagaalada sokeeye, oo uu xusay in dib u dhac weyn ku keeneen qaaradda.

unnamed-1-2 unnamed-2-2 unnamed-3-2 unnamed-4-2 unnamed-5-1 unnamed-8

Jubbland Agoost 06, 2016  Xilli weli dadku sugayaan sida ay noqon doonto doorashada Soomaaliya ka dhici doonto indhahana lagu hayo qaabka loo qabto ayaa hadana waxa Jira saluug laga qabo doorashada inay noqoto mid sidii la rabay udhacda.

Hadda Muqdisho waxa ka socda Shir looga arinsanayo Nidaamka Doorashada iyo Xilliga ay dhici laheyd iyadoo laga cabsi qabo Waqti kororsi inay Dawlada Hadda shaqeysa ay sameysato

UAE Agoost 06, 2016  Wasaaradda Arrimaha Dibedda iyo Iskaashiga Caalamiga ee dalka Imaaraadka Carabta ayaa uga digtay Muwaadiniintooda (UAE Citizens) inay safar ku tegin 10 Waddan oo ka tirsan Dalalka Caalamka.

Wargeyska Almasdar Sabca ee ka soo baxa magaalladda Dubai ayaa qoray in sababo dhinaca Ammaanka looga mamnuucay Dadka Imaaraadka inay booqasho iyo Tamashlayn ku tagaan dalalka kala ah: Somalia, Yemen, South Sudan, Afghanistan, Somalia , Ukraine, Syria, Nigeria, Iraq, Libya iyo dalka Pakistan, gaar ahaan magaalladda Karachi.

Qoraalka ka soo baxay Wasaaradda Arrimaha Dibedda iyo Iskaashiga Caalamiga ee dalka Imaaraadka Carabta waxaa lagu qeexay inay mamnuucistaasi u sabab tahay Xaalladda Ammaanka ee ka jira dalalkaasi.

Ma aha markii ugu horreysay oo ay Dowladda Imaaraadka  uga digaan Muwaadiniintooda  inay  socdaal ku tagaan Tobanka Waddan ee haatan la cayimay, waxayna horey u soo saareen digniino sannadihii 2012-kii, 2013-kii iyo 2014-kii.

Websaytka Wasaaradda Arrimaha Dibedda  ee dalka Imaaraadka Carabta eewww.mofa.gov.ae  ayaa lagu daabacay Faahfaahinta Digniintaas.

Dhinaca  kale, Dowladda  Imaaraadka Carabta waxay cusbooneysiisay Digniinta dhinaca Safarka ee ay dadkooda looga mamnuucay inay ku tagaan dalka Lubnaan sababo dhinaca Ammaanka.

Baydhabo Agoost 06, 2016  Ugu yaraan hal qof ayaa ku dhintay 4 kalena dhaawac ayaa soo gaaray ka dib markii madaafiic xalay lagu garaacay magaalada Baydhabo ee xarunta gobolka Baay.
Madaxda Ammaanka  Maamulka Koonfur Galbeed  weli kama hadlin Madaafiicda xalay lagu garaacay Magaalada Baydhabo.

UN Agoost 06, 2016 Diblomaasiyiin ku sugan Qaramada Midoobay ayaa sheegay in ra’iisul wasaarihii hore ee Bortaqiiska, ahaana madaxa hay’adda Qaramada Midoobay u qaabilsan qaxootiga, Antonio Guterres, uu markale kaalinta koobaad ka galay codbixin aan rasmi ahayn oo uu sameeyay Golaha Ammaanka.

Waxa ay sheegeen in Mr Guterres uu sii xajistay hogaanka tartanka cidda bedelaysa xoghayaha guud ee ay hadda leedahay Qaramada Midoobay, Ban Ki-moon.

Madaxweynihii hore ee Slovenia, Danilo Turk, oo tartankii bishii hore kaalinta labaad galay ayaa hadda hoos u dhacay, waxaana booskiisa galay Vuk Jeremic, oo mar ahaa wasiirka arrimaha dibedda ee Serbia.

Musharraxa kama dambeysta ah ayaa la filayaa in la ogaado bisha October, ka dibna waxaa u coddeyno kulanka golaha guud ee Qaramada Midoobay. Waxa uu xilka la wareegi doonaa 1-da Janaayo 2017-ka.

Galkacyo Agoost 06, 2016  Garoonka Diyaaradaha Magaalada Gaalkacyo Ee Xarunta Gobolka Mudug oo tan iyo waxii ka dambeeyay markii la dhisay Maamulka Puntland uu Gacanta ku hayay Maamulka Puntland ayaa waxaa la wareegay Ciidamada Milatariga  Soomaaliya gaar ahaan kuwa sida gaarka ah u Tababaran ee loo yaqaanno Dannab sida ay sheegayaan Warar aan ka helnay Gaalkacyo.

Garoonka Gaalkacyo ayaan shaqeyn Bilihii ugu dambeeyay ka dib Khilaaf soo kala dhexgalay Maamulka Puntland iyo Maareeyihii Garoonka Gaalkacyo Mudane Dhagaweyne.

Wararka ayaa sheegaya in Ciidanka Dannab oo tiro ahaan lagu qiyaasay ilaa 100  Askari ay la wareegeen Guud ahaan Garoonka,kuwaas oo si toos ah u badalay Fariisimihii Ciidanka Puntland Ee Garoonka joogay.

Ciidanka Dannab ayaa waxaa Tababara Dowladda Mareykanka,kuwaas oo Howlgallo gaar ah ka fuliya Gobolada Koofureed ee Soomaaliya kaas oo ka dhan ah Xarakadda Al-shabaab.

Dadka qaar ayaa qaba in Sababta Ciidanka Xoogga Dalka gaar ahaan kuwa Kumaandooska ay Garoonka Gaalkacyo ula wareegeen ay tahay in ay halkaa Fariisimo ka sameystaan si ay Weeraro ugu qaadaan Al-shababka ku sugan Gobolka Mudug iyo Galgaduud intaba islamarkaana Qorshahaas ay leedahay Dowladda Mareykanka.

Mareykanka oo Saldhigyo uu ka Weeraro Shabaab ku leh Koofurta Soomaaliya halkaas oo ay ka Kacaan Diyaaradaha Duqeeya Shabaab

Puntland weli kama hadlin in Garoonka Diyaaradaha Magaalada Gaalkacyo ay la Wareegeen Ciidamada Kumaandooska Soomaaliya.

Jubbland Agoost 06, 2016  Madax ka kala tairsan maamulka Jubbaland iyo Dowladda Kenya oo ku shiray Magaalada Nairobi ee xarunta Dalka Kenya ayaa ka isku arraacay heshiis ganacsi oo dhexmara Kenya iyo Maamulka Jubbaland.

Guddoomiyaha rugta Ganacsiga Maamulka Ubbaland,Shaafi  Kaahin oo dhanka Jubbaland u saxiixay heshiiskan ayaa sheegay in ujeedada laga leeyahay ay tahay in Fiisaha ay soo saarto Soomaaliya ee Ganacsi ay Dadka Soomaalida ah kula ganacsan karaan meel kasta oo ka mid ah Dalka Kenya six or ah oo aan cadaadis ku jirin.

Waxaa la isku afgartay in la sameeyo suuq xor ah,ganacsiga oo laga daayo Caqabadaha,in xadka LabadDal ee Soomaaliya iyo Kenya uusan ganacsiga hakad ku gelin,lagana gudbo caqabadaha heysta Ganacsatada labada dhinac ee Soomaaliya iyo Kenya gaar ahaan Xadka labada dal.

Dhanka Kenya,waxaa heshiiska u saxiixay Guddoomiyah Rugta Ganacsiga Dalka Kenya, Kiprono Kittony,waxaana uu sheegay in heshiiskan ay u saxiixeen in si uun looga gudbo caqabadaha dhanka Aniga ah ee ka jira Sohdinta Soomaaliya iyo Kenya,ganacsiguna uu noqdo mid ka badaxbanaan xaaladaha amni darrada ah ee ka jira Xadka labada Dal.

Kigal Agoost 06, 2016  Dalka Rwanda,waxaa maanta lagu soo gabagabeeyay Shirka ka hortagga Tahriibka Dhallinyarada Afrika,waxaana uu halkaasi ka socday Muddo Todobaad ah.

Gabagabasha Shirka ayaa waxaa laga soo saaray Qodobo Lix ah iyo talooyin loo jeediyay midowga AFrika,waxaana sidoo kale la sameeyay Guddi fuliya Qodobadaas oo laga soo xulay Dhallinayaro ka socday 9dal oo ay Soomaaliya ka mid tahay.

Shirka ayaa looga hadlayay sida lagu yareyn karo Tahriibka Dhallinyarada Qaaradda Afrika ee u tahriibaya Yurub,halkaas oo dhallinayaro badan oo Afrikaan ah ay Sanad waliba ku dhintaan.

                                                                           Qodobada:

1. Kahortagga Tahriibka dhalinyarada Wadamada Afrika.

2. Shaqo abuurista dhalinyarada.

3-Isku xirka Dhalinyarada Afrika si ay isu waydaarsadan aqoonta iyo ka hortagga dhibaatooyinka Tahriibka.

4- Isdhaxgalka Dhalinyarada Africa iyadoo loogu baaqay Midowga Afrika in ay soo dedejiyaan hirgalinta Baasaboorka   Ka dhaxayn doona wadamada Afrika.

5-waxaa la sameeyay Guddi ka kooban 9 xubnood “9 wadaan oo ay Soomaaliya ku jirto.

6-si loo xaqiijiiyo xuquuqda Muhaajiriinta iyo ka hortagga xadgudubyada ka dhanka ah Bani’adamka ee ay la kulmaan.

Ugu dambeyn,waxaa Qodobadan lagu dhameystirayaa Shirkan kan xiga ee ka dhacaya Dalka Talyaaniga Dhamaadka Sanadkan 2016ka.

Muqdisho Agoost 06, 2016 Sheekh Bashiir Axmed Axmed Salaad Gudoomiyaha Hay’ada Culimada Soomaaliyeed ayaa ka hadlay Aasaaska Hay’adooda iyo Muhiimada keentay in la dhiso Hay’ad ay kumideysanyihiin sida uu yiri Dhamaan Culimada Soomaaliyeed.

Gudoomiyaha ayaa Sheegay in la dhisay Hay’ada Bishii 2aad ee Sanadii 2009kii,xiligaas ayuu Shiikhu sheegay in dalka dhibaatooyin xoogan ka jireen gaar ahaan mid la xiriirta arimaha Diinta,dagaalana ay Dalka kajireeen.

Waxa uu sheegay Sheekh Bashiir in dhismihii Hay’adooda ay ka qeybgaleen Culimo Farabadan oo ka kala timid Guud ahaan Gobolada Dalka,isagoo sii hadlaya ayaa sheegay in wali ay socoto gaarista waxyaabaha uu hiigsanayo Ururkooda.

Mar uu ka hadlayay Xiriirka ay la leeyihiin Hay’adaha islaamiga ah ee Caalamka waxa uu yiri,” waxaan xubin kanahay raabidada Caalamka islaamka,Midowga culimada Caalamka islaamka iyo Dalado kale ayaan Xiriir Xoogan la leenahay,waan tagnaa shirarkooda waxaana ka Gudbinaa Xaalda Guud ee Dalka aad beyna noola dhacsanyihiin”.

Shirkoodii ugu Danbeeyay ee yeesheen ayuu Sheekh Bashiir ku Sheegay inuu ahaa mid lagu Qabtay Hotelka Jazeera ee Magaalada Muqdisho ayna isugu yimaadeen Culimo ka kala timid Gobolada Dalka.

Waxa uu Sheekh Bashiir Wareysiga uu Siiyay Warbaahinta  kusoo hadal qaaday Dhaliilaha loo jeediyo Hay’ada oo ay qeyb ka tahay iney kumilmeen Dowlada Soomaaliya,waxaana uu sheegay in xitaa Dowlada ay kaga horyimaadaan mararka qaar Sharciyada ay Soo Saarto kii ugu danbeeyayna ahaa Go’aanka ay ka qaateen Sharcigii Jinsiga.

Mustaqbal ayaa Sheekh Bashiir Hordhigtay waxa Hay’ada ku koobay Muqdisho, waxaana uu sheegay in dhowr jeer ay tageen Gobolada Dalka ayna kaga soo qeybgaleen Shirar Looga hadlayay Arimahooda.

Sheekh Bashiir ayaa dhinaca Kale meesha ka saaray in Hay’ada ku koobantahay isaga iyo kuxigeenkiisa Sheekh Nuur Baaruud Gurxan wuxuuna Yiri “Aniga waxaan Hay’ada ka ahay Gudoomiye Sheekh Nuurna Kuxigeen waxaase Jira Gudi Fulin oo Hay’adu leedahay Todobaadkiina mar baan Shirnaa Hadalka unban qaadanaaye Howsha Xoogeeda Culimadaa leh”

Ugu Danbeyn Sheekh Bashiir ayaa ka hadlay Farqiga udhexeeya Hay’ada Culimada Soomaaliya,Majmaca Culimada iyo Golaha Culimada Wuxuuna Sheegay iney Kala Duwanyihiin Balse Hadafkoodu yahay in la Difaaco Diinta Islaamka.

Suuth Sudan Agoost 06, 2016 Dowladda South Sudan ayaa aqbashay in dalkeeda la geeyo ciidan gobolka ka socda oo gacan ka geysta sidii lagu badbaadin lahaa heshiiska nabadeed ee colaadda dalkaasi laga gaaray.

Madaxda dalalka IGAD oo shalay arrinta South Sudan uga shiray caasimadda Addis Ababa, ayaa ku heshiiyay in haddii uu Riek Machar dib ugu laabto caasimadda Juba, uu dib ula wareegi doono xilka madaxweyne ku xigeenka koobaad, kaasoo dhawaan loo magacaabay Taban Deng.

Balse madaxda IGAD ayaan shaacin xilliga uu howlgalayo ciidanka ay u dirayaan South Sudan, tiradiisa iyo dalalka uu ka imanayo.

Xukuumadda Juba ayaa horay u diiday ciidan dheeraad ah oo dalkaasi la geeyo, balse cadaadis kaga yimid beesha caalamka ayaa la rumeysan yahay in ay ku aqbashay.

Dagaal dhawaan ciidanka madaxweyne Salva Kiir iyo xooggaga taabacsan Riek Machar ku dhexmaray caasimadda Juba, ayaa dhaliyay walaac ah in uu dib u qarxo dagaalkii sokeeye ee dalkaasi ka bilowday sanadkii 2013.


August 2016

 

WARARKA MAANTA Agoosto 05, 2016

Su'aasha maanta: Meeqo Musharaxa Madaxweyne ayaa u taagan jaggadda madaxweynaha Soomaaliya 2016? Wax ma ka taqaana musharaxa beddeli doona Madaxweynaha haatan jooga ee muddada 4 sanno waxba ugu qaban waayey Ummadda Soomaaliyeed? Haddaba wax ka ogoow sawiradda Musharaxiinta Jaggadda Madaxweynaha Soomaaliya 2016. Ummad


July 2016

 

Wararka Maanta Luulyo 28, 2016 
Khaatumo State Luulyo 28, 2016
Maamulka Khaatumo ayaa si kulul uga hadlay colaada u dhaxeeysa maamulada Puntland iyo Somaliland ee ka taagan deegaanada iyo iyo degmooyinka ka tirsan gobolada Sool iyo Sanaag.

Wasiirka wasaarada warfaafinta maamulka Khaatuma oo la hadlay Warbaahinta  ayaa sheegay in maamulada Puntland iyo sidoo kale Somaliland ay kusoo xad gudbeen dhulka Maamulka Khaatuma ayna bilaabeen in ay ku dul dagaalamaan shacabka kunool gobolada Sool iyo Sanaag.

Axmed Xaaji Wasiirka Warfaafinta maamulka Khaatumo ayaa sheegay in maamulada Puntland iyo Somaliland looga baahanyahay in ay iska ka baxaan dhulka hoos yimaada deegaanka maamulka Khaatumo , hadii kale maamulka Khaatuma uu qaadi doono tilaabo ku haboon.

Maalmihii la soo dhaafay ayaa xiisad colaadeed oo u dhaxeeysa maamulada Puntland iyo Somaaliland , waxa ay ka taagneyd deegaano iyo degmooyin ka tirsan gobolada Sool iyo Sanaag.

Muqdisho Luulyo 28, 2016 R/wasaaraha Dalka Mudane Cumar C/rashiid Cali Sharma’arke ayaa waxa uu sheegay inay ku dhegi doonaan Gudoomiyaha Baarlamaanka Soomaaliya Maxamed Cusmaan Jawaari oo hadda Safar dibada ah ugu maqan Dalka Canada.

Cumar C/rashiid oo ka hadlay Kulan ka dhacay Muqdisho ayaa sheegay inay Baarlamaanka ku cadaadin doonaan sidii loo meel marin lahaa hindise sharciyeedka Doorashada.

R/wasaare Sharma’arke ayaa sheegay in qaabka Hindise Sharciyeedka ay uga doodaan Baarlamaanka iyo Aqrinta uu maro ay tahay mid waqti badan qaadata ayuu hadana ka hadlay sida ay lagama maarmaanka utahay Arinta meel marinta Sharciga Doorashooyinka waqtiga harsan inta laga gaari karo.

Doorashada bilo kadib ka dhici doonta Soomaaliya ayaalagu Saleeyey Nidaamka Afar beel iyo bar islamarkaana Sanadka 2020 doorashada dhici doonta la odorasayo inay noqoto mid ah qof iyo Cod.

Muqdisho Luulyo 28, 2016 Warar lagu kalsoon yahay oo aan ka helnay xubno ku dhow dhow wakiilada Beesha Caalamka ka jooga Somalia, ayaa sheegaya in Warqado sir ah oo laga qaaday Villa Somalia la gaarsiiyay Danjiraha QM u fadhiya Somalia Michel Keating.

Warqadahaani sirta ah ayaa la sheegay inay yihiin kuwo lagu diyaariyay qorshaha lagu dib dhigaayo doorashada Somalia, sida aan xogta ku helnay.

Warqadahaani ayaa la sheegayaa in laga sameeyay Copy isla markaana nuqulo kamid ah la geeyay Xafiiska Mr Keating si Madaxtooyada Somalia loogu marqaati furo qorshaha cusub oo ay ku dooneyso in doorashada lagu gaarsiiyo bilaha ugu danbeeya ee sanadkaani.

Ilo wareedka aan xogtaani la wadaagnay ayaa sheegaya in warqadahaasi ay yihiin kuwo aan khuseyn Hoggaamiyayaasha maamulada dalka, balse ay yihiin kuwo u gaar ah Madaxweynaha dalka Xassan Sheekh Maxamuud iyo Ra’isul wasaaraha, waxa ayna xogtu intaa kusii dareysaa in xogtaani aysan dhaafsiisneyn ilaa lix mas’uul oo ay ku jiraan Xassan iyo Sharmaarke.

Madaxweynaha dalka Xassan Sheekh Maxamuud ayaa xoogiisa isugu geeyay sida uu ku hergalin lahaa wakhti kororsi, waxa uuna arrintaani la kaashanayaa keliya xubno isaga ku dhow dhow si qorshihiisa uu u hirgaliyo.

Beesha Caalamka ayaa iyana kasoo horjeeda in dib u dhac lagu sameeyo xiliga lagu ballamay in la qabto doorashada dalka.

Geesta kale, waxaa adag in wax laga ogaado talaabada ay qaadi doonaan dowladaha fangareeya Siyaasada DFS, waxaana suuragal ah in qorshaha Xassan Sheekh uu fashilmo.

Muqdisho Luulyo 28, 2016 Xog ay heshay Warbaahinta ayaa sheegeysa in duqii hore iyo Guddoomiyihii Gobolka Banaadir Xasan Maxamed Xuseen (Muungaab)

la filayo in xil wasiiru dowle loo magacaabo dhowaan.

Qorshahan ayaa waxaa wada madaxweyne Xasan Sheekh, waxayna wararku sheegayaan in Generaal Muungaab uu heysto balanqaad markii ay arrintaasi ka wadahadaleen labada dhinac, rajadiisuna tahay in loo magacaabo Wasiiru dowlaha Wasaaradda Cadaaladda ee xukuumadda Soomaaliya.

Xasan Muungaab oo la sheego inuu hanti badan ka urursaday intii hayay xilka guddoomiyaha Gobolka Banaadir ayaa u sharxan xildhibaan iyo jagada madaxweynaha, taasoo u muuqata inuu Xasan Sheekh doonayo inuu ka hor tago.

Xasan Maxamed Xuseen Muungaab ayaa isaguna rajo ka qaba in xilkan cusub u saamaxayo inuu ka mid noqdo Golaha Wasiirada, halkaasoo uu ku dhex wadan karo ololihiisa musharaxnimo ee labada jago.

Muqdisho Luulyo 28, 2016 Magaalada Muqdisho ayaa waxa weli ka jira dhibaatooyin lagu qabo dadka isku heysta Dhulka iyadoona Maamulada halkaasi ka jira ay qaarkood ku lug yeeshaan.

Maxkamadaha Dawlada Soomaaliya waxa ugu badan ee dadka loo garsooro ayaa noqotay 8-deedii sano ee udambeysay dacwadaha dhulka kuwa isku heysta.

Gudoomiyaha Maamulka  Gobolka Banaadir ahna Duqa Magaalada Muqdisho Yuusuf Xuseen Jimcaale ayaa warbaahinta mar uu la hadlay waxa uu sheegay inay caqabad ka heysto kala xukminta dacwadaha dhulka.

Yuusuf Jimcaale ayaa sheegay inay jirto dhibaato weyn oo mar kasta soo food saarto Hogaanada loo magacaabo Maamulka Gobolka Banaadir isagoo dadka qaar sheegay inta ay sharci ku iibsadaan Dhulkooda hadana ay si kale dacwo ahaan ufurtaan iyagoo lacag hore looga iibsaday dhulkooda.

Shabeele Hoose Luulyo 28, 2016 Wararka ka imaanaya Gobolka Shabellaha Hoose ayaa waxaa ay sheegayaan in ururka Al-Shabaab ay weerar ka qaadeen Saldhig weyn oo ku yaala Deegaanka NO 60 oo fadhisin u ah Ciidamada AMISOM & Kuwa mareykan ah.

Al-Shabaab waxaa ay war baahintooda ku sheegeen in ay Madaafiic ku garaaceen kadibna Dagaal yahanadooda ay weerar qorsheysan ku qaadeen halkaasi iyagoo sheegay in ay guul ka gaareen.

Maamulka Gobolka iyo Saraakiisha Labada dhinac ee AMISOM iyo Kuwa Dowladda Federalku weli kama hadlin weerarkan Shabaabsheegeen in ay ku qaadeen Deegaanka Number 60 ee Gobolka Shabellaha Hoose.

Muqdisho Luulyo 28, 2016 Ra’iisul Wasaaraha Xukumadda Soomaaliya Cumar C/rashiid Cali Sharmaake oo Shalay ka qeyb galay Munaasabad lagu Maamuusayay Sanad Guuradii Koowaad ee ka soo Wareegatay markii la sameeyay Guddiga Doorashooyinka Soomaaliya ayaa sheegay in Guddoomiyaha Baarlamaanka Soomaaliya Prof. Maxamed Sheekh Cismaan Jawaari uu kala hadlayo in Baarlamaanka uu meelmariyo Sharciga Doorashooyinka Dalka.

R/wasaare Sharmaake ayaa Xusay in inta uusan dhamaan Kalfadhiga Siddeedaad Ee Baarlamaanka Soomaaliya ay Xukumaddu dooneyso in la meelmariyo Heshiiska Doorashooyinka Dalka si Doorasho Xalaal ah ay Dalka uga dhacdo.

Madaxweynaha Soomaaliya ayaa Xeer uu soo saaray 22-kii Bishii May ee Sanadkaan waxaa uu Baarlamaanka Soomaaliya ka Wareejiyay Go’aan ka gaaridda Doorashooyinka Dalka,iyadoo uu u wareejiyay Madasha Wada-tashiga Qaran in ay Go’aanka Doorashada gaarayaan.

Waxii Xilligaas ka dambeeyay Baarlamaanka Soomaaliya ma yeelan wax kulan ah oo,Maadaama uu Baarlamaanku ku doodayo in Sharciyaddoodii aan la tixgalin.

Smaliland & Puntland  Luulyo 28, 2016 Wasiirka Wasaaradda Warfaafinta Maamulka Somaliland Saxardiid Caddaani oo la hadlay Idaacadda VOA ayaa sheegay in Maamulka Somaliland uu Heshiis la gaaray Odayaal ka soo jeeda Degaanada Puntland islamarkaana wada-hadaladu ay ka dhaceen Qeybo ka mid ah Gobolka Sanaag.

Wasiir Saxardiid ayaa intaa ku daray in Odayaasha ay la kulmeen iyo Mas’uuliyiinta Somaliland intuba ay isla qaateen in laga wada shaqeeyo Nabad Galyada Gobolka islamarkaana la ilaaliyo Daris wanaaga iyo wada noolaanshaha.

Dhanka kale waxaa Warkaasi been abuur ku tilmaamay Wasiirka wasaaradda warfaafinta Puntland  Maxamuud Xasan Soocadde oo sheegay in aysan jirin wax wada hadallo ah oo ka dhacay Gobolka Sanaag oo ay Og tahay Puntland.

USA Luulyo 28, 2016 Obama ayaa ugu horreyn tageero aan la soo koobi karin waxa uu u muujiyay haweeneyda u sharaxan xilka madaxweynaha Mareykanka ee xisbigiisa Dimuquraaddiga  Hillary Clinton taas oo uu ku sheegay mid aan la heli karin cid la mid ah.

Madaxweynaha Mareykanka Barack Obama ayaa sharaxay sababta uu u maleynayo in Hillary Clinton ay mudan tahay inay xafiiska kala wareegto bisha January, isaga oo sheegay inuusan jirin nin ama haweeney uga diyaarsan Hillary xilka madaxtinimada.

“Sanadkan waxaan idin weydiisanayaa inaad igula soo biirtaan inaan iska diidno cabsi gelinta, oo aan doorano waxa noo wanaagsan oo ah in Hillary ay noqoto madaxweynaha xiga ee Mareykanka” ayuu yiri Obama.

Waxa uu sheegay in Hillary ay haysato khibrad ku filan inay dalka ku hogaamiso, si ka duwan musharaxa xisbiga Jamhuuriga Donald Trump.

be be1 be2

Su'aasha Maanta: Ceenta maanta Ummadda Soomaaliyeed haysta waxaa u keenaya madaxda dalka kuwaasoo haatana u wada sharaxan jaggooyinkii ay muddo 4 sanno waxba ugu qaban waayeen Ummadda Soomaaliyeed, marka xaggee lagu arkay Madaxweyne, Ra'iisal Wasaare Iyo Guddoomiye Golaha Shacabka oo u wada sharaxan jaggooyin mise Damu-Jadiid ayey umalaynayaan inay mar kale shacabka Soomaaliyeed ku khaldi doonaan/

Khaatumo State Luulyo 26, 2016 Madaxweynaha Dowlad Gobaleedka Khaatumo State Mudane Dr. Cali Khaliif Galeyr oo si cad uga hadlay beenta maamulka Somaliland  Madaxweynaha Dowladda Khaatumo oo dhulka lagooyey Madaxweynaha Soomaaliya Mudane Xassan Shiikh Maxamuud iyo Ururka Damu-Jadiid

Madaxwaynaha dawlada khaatumo prof. Cali Khaliif Galaydh ayaa Jeediyey Khudbad dhinacyo badan taabanaysa, Wuxuuna xooga ku saaray arimaha siyaasadda ee Soomaaliya iyo doorashooyinka sanadkan la qorshaynayo inay ka dhacaan Soomaaliya,

Wuxuuna eedayn usoo Jeediyey Madaxwaynaha Soomaaliya isagoo sheegay inuu deegaankii uu ku dhashay maamul u dhisi kari waayey.

https://www.youtube.com/watch?v=N2KcwvDgmd0

Soomaaliya Luulyo 26, 2016 Soomaaliya ayaa haadaan iyo buur dheer inay kusii dhaceyso la odorasayaa hadii aan laga qaban xilligaan oo doorashada hogaaminta dalka ay waqtigeedu wax yar ka dhiman yihiin.

Dawlada Federaalka Soomaaliya ee waqtigeedu dhamaadka yahay waxa la sheeegay inay mar kale dooneyso si awood ku jirto xukunka ay uqabato taasi oo siyaasiyiintuna ay ka biyo diidsan yihiin badankood.

Axmed Macalin Fiqi oo aad udhaliilsan siyaasada afartii sano ee dalka soo hayey madaxweyne Xasan Sheekh Maxamuud ayaa Shacabka Soomaaliyeed ugu baaqay Mudaaharaad dalka lagu xoreenayo.

Waxa uu Siyaasiga Axmed Fiqi sheegay in Soomaalida looga baahan yahay Awoodii Shacabka Turkiga soo bandhigeen oo kale bartamihii Bishaan ay iyaguna lasoo baxaan si dalka qaab darada loo horseedayo looga leexiyo.

Siyaasiyiinta waxay sheegeen in seddexda Mas’uul ee hadda dalka ugu sareysa waa:

Madaxweyne Xasan Sheekh,R/wasaaraha Cumar C/rashiid Sharma’arke iyo Gudoomiyaha Baarlamaanka Maxamed Cusmaan Jawaari ay intuba yihiin murashaxiin xilka doonaya inay kusoo laabtaan.

South Sudan Luulyo 26, 2016 Hogaamiyaha mucaaradka dalka South Sudan, Riek Machar, oo horay u saxiixay heshiiskii nabadda ee uu la galay Madaxweyne Salva Kiir, ayaa xilkii uu hayay ee ahaa madaxweyne kuxigeenka koobaad laga qaaday oo lagu badalay siyaasi kale, kaddib markii uu kala jabay xisbigiisa.

Riek Machar, waxaa lagu badelay, Taban Deng Guy, oo ahaa madaxii wefdigii mucaaradka uga qayb galay wada xaajoodyadii nabadda, kaasi oo loo caleema saarayba inuu yahay gudoomiyaha xisbiga.

Riek Machar ayaa isaga baxay magaalada caasimadda ah ee Juba, kaddib dagaal culus oo dhexmaray ciidammadiisa iyo kuwa taageersan madaxweynaha.

Wuu diiday inuu ku soo noqdo caasimadda ilaa inta ciidan nabad ilaalineed oo dhexdhexaad ah oo nabadgalyadiisa damaanad qaada la keenayo magaalada.

Taageerayaashiisa ayaa tallaabada Machar lagu badelay ku tilmaamay mid “sharci-darra ah”, iyagoo sheegay in arrintaasi aanay go’aansan inta badan hoggaanka mucaaradka.

Laakiin baaqaasi ma hakinin in si rasmi ah xilkii madaxweyne xigeennimo loogaga qaado digreeto madaxweyne.

Haatan cabsida jirtaa waxa weeye in taageerayaasha Machar yiraahdaan heshiiskii nabadeed wuu burburay oo mar labaad dalku galo dagaal sokeeye, waa hadii aqlabiyadda mucaardku taageeraan magacaaabidda cusub, sidoo kalena waxa aan ilaa haatan caddayn labada nin ka daacadda loo yahay.

Shabeele Dhexe  Luulyo 26, 2016 Wafddi sare oo ka socda howlgalka Midowga Afrika ee AMISOM ayaa gaaray magaalada Jowhar ee xarunta Gobolka Sh/dhexe, iyagoo Muqdisho ka raacay dayuurad Helicopter ah.

1 2 3 4 5 6 7 8 9 10 11 12

Wakiilka Midowga Afrika u qaabilsan Soomaaliya danjire Francisco Madeira ayaa hogaaminaya wafdigan, waxaana ka mid ah Taliyaha cusub ee Ciidanka AMISOM Jen. Cismaan Nuur Subagle.

Ujeedada booqashada Wafddiga ayaa lagu sheegay in ciidanka Burundi ee jooga Sh/dhexe ka howlgala la baro Taliyaha cusub ee Ciidanka AMISOM Jen. Subagle.

Waxaa sidoo kale wafdigan la socday Taliye oo loo magacaabay ciidanka Burundi ee gobolka Sh/dhexe Ndiwayo Venaste.

Masuuliyiintan ayaa u kuurgalaya amniga Gobolka iyo kaalinta ciidamada Burundi, waxayna sidoo kale kormeerayaan Magaalooyinka Jowhar, Aadan Yabaal iyo Cadale.

Wafdiga waxay kulan la qaateen saraakiisha Ciidanka AMISOM ee Shabeellaha dhexe oo ay uga mahad celiyeen sida amaanka gobolka ay uga shaqeeyeen, waxayna kula dardaarmeen iney xoojiyaan nabada iyo la dagaalanka xoogaga Al-Shabaab.

Aw-Dheegle Luulyo 26, 2016 Ciidamada sida gaarka ah u tababaran ee kunadooska Somalia ayaa caawa la wareegay degmada Aw-dheegle iyo degaano kale oo ka tirsan gobolka Sh/hoose, kuwaasoo ay gacanta ku hayeen xoogaga Al-shabaab.

Weerarkan ayaa ciidamada kumandosku oo ka dhaqaaqay saldhiga Bali-doogle waxay ka bilaabeen galabta degaanka Bariire.

Taliyaha hogaaminaya ciidamada kumandoska ee fulinaya howlgalkan Xasan C/qaadir Abuukar ayaa sheegay in howlgalku uu bilowday galabta, ayna Al-shabaab kala wareegeen Degmada Aw-Dheegle, tuulooyinka Bariire, Mubaarak iyo deegaano kale.

“Galabta saacadu markii ay aheyd 4:00am ayuu howlgalku bilowday, waxaan la wareegnay Saldhigyo muhiim ah oo Maleeshiyada Al-shabaab lahaayeen, laga soo billaabo Bariire illaa Aw-dheegle, mana jirin wax iska caabin ah oo ciidamadu ay la kulmeen” ayuu yiri Xasan Cabdulqadir.

Mar la weydiiyey Taliyaha haddii uu jiro qasaare Ka dhashay howlgalka ayuu sheegay in haba yaraatee aanu jirin wax soo kala gaaray Ciidamada kumandoska iyo Al-shabaab, maadaama aysan jirin wax dagaal ah oo dhacay.

Waxaa uu intaa ku daray taliyuhu in degaanada ay la wareegeen ay Al-shabaab ka soo abaabuli jireen weerarada ay soo qaadaan, isagoo xusay in howlgalku uu weli socdo ayna ku wajahan yihiin degaano kale.

Ciidamada kumandoska dowlada Somalia oo ay tababareen saraakiil ka tirsan ciidamada Maraykanka ayaa horey degaanada Al-shabaab uga fuin jiray howlgalo gaar ah, waxaana howlgalkan uu noqonayaa kii ugu horeeyey ee si buuxda ay ula wareegaan degaano ay maamulayeen Al-shabaab.


Waxaa Maanta Garoonka Laqanyo ee Magaalada Baledweyne lagu Caleemasaaray Ugaas Xasan Ugaas Khaliif oo ah Ugaaskii Badalay Ugaas C/raxmaan Ugaas Khaliif horaantii Sanadkaan ku Geeriyooday Magaalada Baledweyene.

2-1 3-1 4-1 5 6 7 8-1 9 10 11-1 12-3 13 14 15 16 17 18 19 20 21 22-1 23 24 27 29 30 258


Wararka Maanta Luulyo 24, 2016

Beledweyne Luulyo 24, 2016 Siyaasiin iyo sidoo kale xildhibaano ayaa Maanta ku wahajan  magaalada Beledweyne ee xarunta gobolka Hiiraan.

Ujeedka ay ugu wajahan yihiin magaalada Beledweyne ayaa lagu sheegay in ay tahay caleema saarka Ugaas Xasan Ugaas Khaliif.

Xildhibaan Xasan Ibraahim oo ka mid ah xildhibaanada dowladda Soomaaliya oo la hadlay Warbaahinta  ayaa sheegay in ay maanta gaari doonaan magaalada Beledweyne si ay uga qeyb galaan caleema saarka Ugaas Xasan Ugaas Khaliif .

Waxaa uu sheegay in caleema saarka ay ka qeybgalayaan gudoomiye ku xigeenada baarlamaanka Soomaaliya, wasiiro ka tirsan dowladda Soomaaliya, iyo sidoo kale siyaasiin si weyn looga yaqaano dalka Mareykanka.

Muqdisho  Luulyo 24, 2016 Ra’iisul Wasaaraha Xukuumada Federaalka Soomaaliya Mudane Cumar Cabdirashiid Sharmarke ayaa tacsi tiiraanyo leh u diray qoyska, qaraabada iyo shacabka Soomaaliyeed, isaga oo uga tacsiyadeeyey geerida ku timid Janaraal Cabdiraxmaan Warsame Cilmi (Caare), oo maanta ku geeriyooday magaalada Muqdisho.

Janaraalka ayaa ka mid ahaa saraakiishii sar sare ee Xooga dalka, waxaana muddooyinkan uu ku xanuunsanayay magaalada Muqdisho.

“Janaraal Caare waxa uu ahaa shaqsi naftiisa, waqtigiisa iyo cilmigiisaba u huray sidii loo horumarin lahaa Ciidanka xooga dalka Soomaaliyeed, dib u dhisna loogu sameyn lahaa” ayuu yiri Ra’iisul Wasaare Cumar Cabdirashiid Sharmarke.

Ugu dambeyntiina, Ra’iisul Wasaaraha ayaa si gaar ah tacsi ugu diray qoyska marxuumka, isaga oo dhanka kale alle uga baryay marxuum Caarel inuu janadiisa geeyo.

Hargeisa  Luulyo 43, 2016 Maxkamadda Ciidamada Ee Maamulka Somaliland ayaa Maanta Dil Toogasho ah ku Xukuntay Siddeed Nin oo loo haysto Dilkii Allaha u naxariistee Taliyihii Qeybta Booliska Magaalada Berbera Gaashaanle C/risaaq Maxamuud Yuusuf.

Guddoomiyaha Maxkamadda Ciidamada Somaliland Yuusuf Faarax Sharmake ayaa Warbaahinta u sheegay in Maanta Dil Toogasho ah lagu Xukumay Siddeeda Nin  loo haysto Kiiska Dilkii Gaashaanle C/risaaq Maxamuud Taliyihii Booliska Magaalada Berbera islamarkaana ay Qirteen Dambiga sida uu yiri.

Guddoomiyaha Maxkamadda Ciidamada Somaliland ayaa sidoo kale sheegay in maanta Sidoo kale Siddeed nin oo kale lagu Xukumay Todoba Sano oo Xabsi Ciidan ah,kuwaas oo Sanadkaan Gudihiisa Weerar ku qaaday Tuulada Ceel-garde oo hoostagta Magaalada Berbera.

Dhanka kale Qareenada Difaacayay Raggaan Maanta Xukunka lagu riday ayaa sheegay in ay ka soo horjeedaan Xukunka islamarkaana Dadka la xukumay ay ku jiraan Dad rayid ah oo aysan Sharci aheyn in ay Xukunto Maxkamadda Ciidamada.

Muqdisho  Luulyo 24, 2016 Madaxweynaha Somalia Xassan Sheekh Maxamuud, ayaa la sheegay inuu is hortaag ku sameeyay goobjoogayaal caalami ah oo la doonaayay inay soo gaaran magaalada Muqdisho.

Goobjoogayaashaani oo ka kala socda ilaa seddex dal, ayaa waxaa loogu tallo galay inay si gaar ah ula socdaan doorashada dalka, gaar ahaan tan heerka madaxtinimo.

Goobjoogayaashaani oo ka koobnaa lix xubnood ayaa lagu soo wargaliyay madaxweyne Xassan iyaga oo jooga magaalada Nairobi ee xarunta dalka Kenya, waxa uuna amar ku baxshay inaanu dalka imaankarin ilaa laga gaaro wakhtiga ay dhaceyso doorashada.

Madaxweynaha waxa uu xubnahaasi ku wargaliyay inaan la joogin xiligooda, balse ay u furan tahay inay imaadan Somalia, maalmo un ka hor xiliga la qoondeeyay doorashada.

Xubnahaani oo ka socday dalalka Yurubta ayaa waxaa loo soo xilsaaray in si gaar ah ay ula socdaan doorashada Madaxweyninimo ee dalka.

Xubnahaani ayaa qeyb ka ah xubnaha ay Beesha Caalamka usoo xilsaarteen la socodka arrimaha doorashada Somalia, waxa uuna is hortaagooda imaanayaa iyadoo Madaxweyne Xassan Sheekh lagu xamanaayo inuu kasoo horjeedo doorasho ka dhacda Somalia.

Ma jirto wax jawaab ah oo kasoo baxay dhanka wakiilada Beesha Caalamka oo ku aadan is hortaaga uu ku kacay Xassan Sheekh.

Muqdisho  Luulyo 24, 2016 Maamulka gobolka Banaadir ayaa sheegay in ay tilaabo qaadi doonaan askarta wadooyinka Muqdisho  dhigta isbaarooyinka.

Afhayeenka Maamulka Gobolka Banaadir oo la hadlay Warbaahinta  ayaa sheegay in maamulada degmooyinka looga baahanyahay in ay wax ka qabtaan askarta dhigta isbaarooyinka wadooyinka Muqdisho.

Cabdifitaax Cumar Xalane ayaa sheegay in duqa Muqdisho uu amar ku bixiyay in xilka laga qaado gudoomiyihii isbaaro la dhigto degmada uu maamulaha ka yahay.

Askar badan oo ka tirsan ciidanka xoogga dalka Soomaaliyeed ayaa lagu eedeeyay in ay isbaaro dhigtaan wadooyinka Muqdisho.

Muqdisho  Luulyo 24, 2016 Madaxweynayaasha Dowladda Puntland & Jubbaland ayaa la xaqiijiyey in ay berri gaari doonaan magaalada Muqdisho ee caasumada Soomaaliya, si ay uga qeybgalaan Ciyaar xiiso badan oo dhexmari doonta Xulalka labada dhinac.

Xogtan oo goor dhaw soo gaartay PTIMES ayaa sheegaysa in ay labada Madaxweyne si wadajir ah u dalbadeen in dib loo dhigo ciyaartan oo xiiso badan, lagana dhigo Talaadada todobaadkan, sida aan ka soo xiganay Xariirka Kubbadda Cagta ee Soomaaliya.

Xariirka Kubadda Cagta ee Soomaaliyeed ayaa si rasmi ah u sheegay in dib loo-dhigey ciyaartan, oo laga dhigay Talaadada ka dib codsi ay ka heleen Madaxweynayaasha Jubbaland & Puntland oo codsaday in ay labada dhinac arki doonaan.

Ciyaar xiiso leh ayay noqon doontaa ciyaarta sida tooska ah looga soo tabin doono Garoonka Ciyaaraha ee KOONIS Muqdisho, oo ay Koobka isku haystaan Jubbaland & Puntland.

Kulankan oo ay ku ballansanaayeen Maamul gobolleedyada Jubalabnd iyo Puntland ayaa qorsheysnaaa in la ciyaari maalinta Isniinta 25 July, waxuuna xiriirka sheegay in la ciyaari doono talaadada oo ay taariikhda ku beegan tahay 26 July saacada kulanka la ciyaari doono 3:30 PM.

Yaaqshiid  Luulyo 23, 2016 Biyo la’aan ka taagan qeybo ka mid ah Degmada Yaaqshiid, kadib mrkii lashgy in lumeeyey celkii ay ....

Biyo la’aan xoogan ayaa Saaka la soo sheegayaa in ay ka jirto Xaafada Juungal ee Degmada Yaaqshiid ee Magaalada Muqdisho kadib markii la sumeeyay Ceel biyood inta badan ay Dadkaasi biyaha ka cabi jireen.

Dadka Degaanka qaarkood oo hadlay ayaa sheegay in Mas’uuliyiinta Ceelka Ramadaan Water Supply ay ku soo wargeliyeen in biyaha ceelka aysan isticmaalin maadaama ay sheegeen in uu jiro tuhuno ku aadan in biyaha la sumeeyay.

Maamulka Ceelka Ramadaan ayan a hadlin ,waxaana xusid mudan in ay socdaan baaritaano arintaasi ku aadan.

Horaanta Sanadii la soo dhaafay ayey aheyd markii in ka badan 20 Ruux ay dhinteen, tiro intaasi ka badanna ay mxunuunsaden kadib markii ay cabeen biyaha Ceelkaasi oo la sumeeyay.

Sanaag Luulyo 23, 2016 Xiisado dagaal oo wali ka taagan gobolka Sanaag iyo Taliyaha ciidamada Puntland Jeneraal Saciid Maxamed Xirsi (Siciid Dheere) oo k ahadlay

Taliyaha ciidamada Puntland Jeneraal Saciid Maxamed Xirsi “Siciid Dheere” ayaa la kulmay saraakiisha Ciidamada Puntland ee ku sugan gobolka Sanaag gaar ahaan goobihii ay ku dagaalameen Ciidamada Puntland iyo Somaliland.

Taliyaha ayaa sheegay in ciidamada Puntland ay inta badan gacanta ku hayaan goobihii lagu dagalamay isla markana aysan jirin wax dagaal ah oo ka taagan deegaanadaasi.

Waxa uu sheegay in ay wadaan howlgaladii ugu dambeeyay oo ay ku soo afjarayaan xiisadaha ka taagan gobolka sanaag.

Taliye Saciid dheere oo la hadlay Warbaahinta deegaanada Puntland ayaa ka warbixiyay qaabka ay ugu diyaar garooween howlgalada uu sheegay iney qaadayaan.

Shalay ayay ahayd markii Taliyaha ciidamada Puntland iyo saraakiil iyo ciidamo badan ay gaareen gobolka Sanaag gaar ahaan deegaanadii lagu dagaalamay.

Cadale Luulyo 23, 2016 Ku simaha Guddoomiyaha Degmada Cadale oo sheegay in Al-Shabaab ay Carabka ka jareen Gabar yar

Maamulka Degmada Cadale ee Gobolka Shabeellaha dhexe ayaa sheegay in Xarakada Al-shabaab ay dhibaatooyin ka wadaan Gobolka gaar ahaan Tuulooyinka hoos yimaada Cadale.

Ku simaha Guddoomiyaha Degmada Cadale Cali Cabdulle ayaa sheegay in Al-shabaab ay Gabar ka jareen Carrabka,sidoo kalena dab qabadsiiyeen tuulooyin badab oo ka tirsan Degmadaasi.

Ciidamada Dowladda ayaa Khamiistii isaga baxay degaanka Masaajid Cali Guduud,waxaana la wareegay Al-shabaab,waxaana kadib ay billaabeen sida uu sheegay in ay Tuulooyinka dab qabadsiiyaan.

Xarakada Al-shabaab ayuu ku eedeeyay in ay dadka ula dhaqmayaan sida in aysan degaanka wax ku lahayn oo kale oo ay dab qabadsiinayaan guryaha degaannadaasi.

Ciidamada Dowladda ayuu sheegay in aysan ka fogeyn cadale laakiin ay adag tahay in ay ka hortagaan Ciidamada Al-shaab ee dhaq dhaqaaqa xooggan ka wada Gobolka Shabeellaha dhexe.

Dolwadda Federaalka ayuu ka dalbaday in ay Ciidamo dheeraad ah u dirto Gobolka si ay wax uga qabtaan Al-shabaab oo uu sheegay in ay ku sii xoogeysanayaan degaannadaasi tuulooyinna gubayaan.

Kismaayo Luulyo 23, 2016 Madaxweynaha maamulka Jubbaland Axmed Maxamed Islaam Axmed Madoobe ayaa hambalyo u diray kooxda Jubbaland oo u soo gudubtay finaalka tartanka maamul goboleedyada dalka.

Madaxweynaha maamulka Jubbaland ayaa sheegay in uu ku faraxsanyahay in ay heerkaas ay soo gaarto kooxda jubbaland oo shalay guul ka gaartay kooxda Banaadir.

Madaxweynaha maamulka Jubbaland ayaa ugu baaqay kooxda Jubbaland in ay ilaaliyaan anshaxa ayna yareeyaan khaladaadka.

Ciyaar aheyd mid la isku daalay ayaa gaba gabadii waxa ay ku soo idlaatay Rigoorayaal 7 iyo 8 oo ay ku soo gudubtay kooxda Jubbaland.

Kismaayo Luulyo 23, 2016 Ciidanka amaanka dawlada goboleedka Jubbaland oo taageero ka helayo kuwa AMISOM ayaan  kala wareegay Al-Shabaab deegaanka Beer-Xaano oo u dhaw Magaalada Kismayo ee xarunta gobalka Jubbada hoose.

Bayaan ka soo baxay maamulka Jubbaland ayaa lagu sheegay in Beer-Xaano ay Al-Shabaab u ahayd meel ay ku kaydsadaan hubka, isla markaana u eheed gabaadna, balse kusoo dhacday Maanta gacanta ciidanka huwanta ah ee hawl-kaas fuliyey.

Qabashada deegaanka ka dib, saraakiisha hogaaminaysay hawl-galka, waxaa ay kullan la qaataan odayaasha dhaqanka iyo bulshada ku nool halkaasi, waxaana ay u xaqiijiyeen in ay ka shaqeeynayaa nabbadda iyo bedqabkooda.

Wararka Maanta Luulyo 22, 2016
Xildhibaan katirsan Baarlamaaka Soomaaliya ayaa waxa uu sheegay inay baaritaan ku hayaan qaabkii loo dilay dadkii kusugnaa Todobaadkaan Tuulada War diile Ee Gobolka Bay.khaatumo State Luulyo 22, 2016 Wasiir abshir cabdicasiis oo xukumada khaatumo ka tirsan ahna wasiir ku xigeenka arrimaha gudaha ayaa si ba an u weeraray wasiiro dhawaan snm u soo dirtay deegaanka awrbogays ee gobolka sool sidoo kalana taageeray go aankii garaad saleebaan. Difaaca baarlamaanka Soomaaliya Xuseen Carab Ciise oo warbaahinta Muqdisho qaarkood la hadlay waxa uu sheegay inaysan ka hari doonin ilaa ay ka ogaanayaan sida ay wax udhaceen.


Xasuuqii Ciidanka Itoobiya Isniintii ka geysteen Deegaanka War Diinle ayaa lagu dilay dad badan oo qaarkood Culimo ahaayeen kadib markii ciidanka Itoobiya ee halkaasi kusugnaa dagaal ay la galeen Al Shabaab kadibna Askarta ay ku ciil baxeen Shacab kusugnaa deegaankaasi.

Sidoo kale waxa uu Xuseen Carab Ciise ka hadlay dhibaatooyinka hor taagan Ciidan qalabeysan oo Soomaaliya yeelato isagoo sheegay inay Kumaandoosta Dalka ay noqon karaan kuwii badeli lahaa AMISOM hadii agabkood iyo mushaarkooda loo kaamil yeelo

Muqdisho Luulyo 22, 2016  Madaxweynaha Jamhuuriyadda Federaalka Soomaaliya, ahna Taliyaha Guud ee Ciidammada Qalabka Sida, Xasan Sheekh Maxamuud, oo shalay kormeeray xerada ciidammada gaarka ee Xoogga Dalka Soomaaliyeed ee deegaanka Balli Doogle ee gobolka Shabeellaha Hoose ayaa sheegay in dhamaan shacabka Soomaaliyeed looga baahan yahay in ay difaacaan Diinta, dalka, dadka iyo dowladda.

Madaxweynaha ayaa ku bogaadiyey ciidankan iyo taliyeyaashooda sida hufan ee ay uga soo dhalaalaan waajibaadkooda difaaca dalka iyo dagaalka ay kula jiraan Shabaab.

Madaxweynaha ayaa sheegay in ciidanka sida gaarka ah u tababaran ee Xoogga Dalka Soomaaliyeed ay yihiin rajada iyo tusaalaha dib u dhiska ciidammada dalka iyo dib u soo celinta dowladnidamada, sharciga iyo kala dambeynta.

Madaxweyne Xasan Sheekh Maxamuud ayaa sidoo kale xusay in Soomaaliya ay leedahay kheyraad fara badan, isla markaana loo baahan yahay in laga faa’iideysto iyadoo loo marayo dowladnimo hufan oo cadaalad ku dhisan.

Madaxweynaha ayaa ugudambeyn ayaa si gaar gaar ah mid mid ula hadley ciidanka gaarka ah ee kumandooska, isagoo u ballanqaaday in dowladdu ay ku dadaali doonto sidii ay u dabooli lahayd caqabadaha ka haysta dhanka gudashada waajibaadkooda.

Nairobi Luulyo 22, 2016 Wasiirka arrimaha dibadda Soomaaliya mudane Cabdisalaan Hadliye Cumar, ayaa kulan uu la qaatay dhiggiisa dalka Kenya Aamina Maxamed Jibriil kaasoo ka dhacay safaarada Soomaaliya ku leedahay magaalada Nairobi.
1 2 3 4 5 6 7
Kulankan oo diirada lagu saaray arrimaha maalgeshiga ka qeyb galay qaar ka mid ah danjirayaasha caalamka u fadhiya magaalada Nairobi ee dalka Kenya.

Kulankan waxaa si gaar ah looga hadlay xiriirka iskaashiga ganacsi ee Soomaaliya iyo Kenya.

Waxaa sidoo kale ka qeyb galay Wasiirka warshadaha Kenya, Wasiirka Ganagsiga Soomaaliya, Wasiir ku xigeenka qorsheynta Soomaaliya iyo masuuiyiin kale.

Wasiir Hadliye oo la hadlayay diblomaasiyiinta iyo wasiirrada ka socda Kenya ayaa sheegay in Soomaaliya ay diyaarisay dhammaan waxyaabihii suurta galin lahaa in ay maalgashi ku dhiirradaan dowladaha iyo ganacsatada dibadda, sidoo kale ay jiraan suuqyo badan oo la maalgashan karo.

Wasiirka arrimaha dibadda ee Kenya Danjire Aamina Maxamed Jibriil, ayaa sheegtay in Soomaaliya iyo Kenya uu ka dhaxeeyo xiriir wanaagsan isla markaana ay ganacsatada labada dhinac u fududeynayaan inay maalgashi ku samaystaan labada waddan.

Munisch Jllulyo 22, 2016 Mid ka mid ah Saddexdii nin ee weerarka ka geystay caawa magaalada München ee dalka Jarmalka ayaa la sheegay inuu gacantiisa isku toogtay.

1 2 3 4

Heavily armed police forces operate at Karlsplatz (Stachus) square after a shooting in the Olympia shopping centre was reported in Munich, southern Germany, Friday, July 22, 2016. (Andreas Gebert/dpa via AP)

Heavily armed police forces operate at Karlsplatz (Stachus) square after a shooting in the Olympia shopping centre was reported in Munich, southern Germany, Friday, July 22, 2016. (Andreas Gebert/dpa via AP)

Saraakiisha amaanka ayaa goor dhow warkan u xaqiijiyey wakaaladaha wararka, iyagoo intaas ku daray in ninkan ay rasaastu gabaabsi ka noqotay,ayna isku dayayeen iney qabtaan balse uu madaxa xabad isaga dhuftay.

Booliska ayaa weli baacsanaya labo kale oo hubeysan kuwaasoo weli rasaas ka soo ridaya meelo ay ku dhuumanayaan.

Weerarka ayaa billowday kaddib markii rag hubeysan ay tacshiirad ku fureen maqaaxida ku dhex taala goob laga dukaameysto.

Howlgalka lagu soo afjarayo kooxda weerarkan geysatay ayaa weli ka socda magaalada München, waxaana illaa hadda la xaqiijyey geerida sideed ruux oo shacab ah iyo dhaawaca tiro kale.



July 2016 0

 

WARARKA MAANTA Luulyo 19, 2016

Su'aasha Maanta: Ummadda Soomaaliyeed waxay ka daaleen beenta iyo khiyaanadda Ururka Damu-Jadiid ee tallada dalka khiyaaano iyo musuqmaasuq ku hantay marka maxay Ururka Damu-Jadiid is-leeyihiin awooda dalka waad ku soo laaban kartaan si ay 4 sanno oo kale u sii lugooyaan? Maxayse tahay sababta uu Ra'iisa


July 2016

 

WARARKA MAANTA

Muqdisho Luulyo 3, 2016 Madaxweynaha Soomaaliya Xasan Sheekh Maxamuud ayaa sheegay in Caqabad lagu yahay horumarka dowladda Federaalka Soomaaliya .

Waxaana Madaxweynuhu carabka ku adkeeyay in waxqabadkiisa lagu aflagaadeeyo weliba been abuur looga sameeyo islamarkaana codkiisa si qaldan loo isticmaalo.

Dhinaca kale Madaxweyana ayaa qiray in mararka qaar uu qalad ka dhici karo dowladda Soomaaliya balse loo caqli celiyo.

Axsaabta siyaasadeed ee dalka iyo dadka dhaliila Madaxweyne Xasan Sheekh waxa ay ku eedeeyaan mudada uu xilka hayay in dib u dhac badan dalka laga dareemay  Iyadoo dadka qaar ay soo jeediyeen in Madaxweynaha uusan mar kale isku soo taagin doorashada Soomaaliya inkastoo uu sheegay in uu Musharrax yahay isbedelna uu la imaan doono.

Nairobi Luulyo 3, 2016 Dowladda Kenya ayaa bilowday qorshe ay dooneyso inay dib ugu celiso Qaxootiga Soomaaliyeed ee ku sugan xerada qaxootiga Dhadhaab, iyadoo qaxootiga ay si iskood ah u laabanayaan.

Waxaa bilowday is diiwaan gelinta qaxootiga, iyagoo u diyaar garoobaya sidii dalkodoa dib ugu laaban lahaayeen.

Hey’adda UNHCR ayaa sheegtay in qorshaha dib u celinta uu si rasmi ah u bilowday maalinimadii shalay, iyadoo la fulinayo heshiiskii saddex geesoodka ahaa, kaasoo dhigaya in si aan qasab aheyn loo celiyo qaxootiga.

Sidoo kale UNHCR ayaa sheegtay in qaxooti Soomaaliyeed oo gaadiid looga qaaday xerada qaxootiga Dhadhaab la geeyay degmada Dhoobley ee Gobolka Jubadda Hoose.

Dowladda Kenya ayaa sheegtay in qorshaha dib u celinta qaxootiga aanu aheyn mid qasab ah, isla markaana dib u celinta ay u dhici doonto qaab nabdoon.

Qaxootiga ayaa si iskood ah u go’aansaday inay dalkooda dib ugu laabteen, kadib muddo labaatan sano ah oo ay ku sugnaayeen xerada qaxootiga.

Dowladda Soomaaliya iyo Kenya ayaa dhowaan isku afgartay in dib u celinta qaxootiga loo maro heshiiskii saddex geesoodka ahaa, waxaana dowladda Kenya ay ka laabatay go’aankeeda ahaa inay xoog dadka qaxootiga loogu celiyo dalkooda.

Puntland Luulyo 3, 2016 Madaxweynaha maamulka Puntland Cabdiwali Maxamed Cali Gaas ayaa maanta magaalada Gaalkacyo ee xarunta gobolka Mudug kula kulmay waxgaradka iyo qeybaha kala duwan ee bulshada Kunool Gaalkacyo.

Kulanka ay wada qaateen madaxweynaha iyo sidoo kale bulshada Gaalkacyo ayaa looga hadlaayey amni darada ka jirta waqooyiga Gaalkcyo.

Madaxweynaha Puntland ayaa inta badan bulshadii kasoo qeyb gashay kulanka waxay si wey wax uga waydiinayeen amni darada magaalada iyo in maamulka Puntland ay ku guuldareystay suggida amniga Waqooyiga  Gaalkacyo.

Madaxweynaha maamulka Puntland ayaa lagu wadaa in uu isbedal ku sameeyo madaxda gobolka Mudug,sida taliyaasha ciidanka iyo sidoo kale laamaha amniga Waqooyiga Gaalkacyo.

Puntland ayaa ku guuldareysatay amniga Waqooyiga Gaalkacyo waxana bilihii la soo dhaafay lagu dilay dad muhiim u ahaa bulshada Gaalkacyo.

Muqdisho Luulyo 3, 2016Ciidamada Hay’adda Sirdoonka iyo Nabadsugidda Soomaaliya ayaa Xalay Xaafadda Saybiyaano Degmada Hodan Ee Magaalada Muqdisho ku Qabtay Gaari ay saaranyihiin Hub iyo Walxaha Qarxa, kaas oo ay sheegeen in Al-shabaab ay ku damacsanayen in Weeraro ay ku geystaan.

Wariyaha Warbaahinta Qaranka C.casiis Maxamuud Guuleed Afrika oo gaaray Goobta Gaariga lagu qabtay ayaa sheegay in uu arkay Gaariga oo ay saaranyihiin Garneelada Garabka laga Tuuro, Qoriga AK47, Boolal loogu talagalay marka uu gaarigu qarxo in uu dadka waxyeello baahsan gaarsiiyo.

Saraakiisha Hay’adda NISA, ayaa Sheegay in Qabashada Gaariga Hubka iyo Qaraxyadu saaranyihiin ay gacan ka siiyiin dadka deegaano oo wada shaqeyn wanaagsan la sammeeyay hay’adaha Amniga.

Ciidanka Miino Baarista ayaa hadda gacanta ku hayo, si looga fogaado in dadka shacabka ah goobta ka agdhay ay waxyeello uga soo gaarin haddii uu qarax ka dhasho gaariga inta baaristu socoto.

Muqdisho Luulyo 3, 2016 Xildhibaan Maxamed Cumar Dalxa oo ka mid ah Xildhibaanada Baarlamaanka Soomaaliya ayaa sheegay in Madaxda Dowlada Federaalka Soomaaliya loogu baahan yahay in ay il gaar ah ku eegaan dadka danyarta ah ee ku nool Kaamamka Barakacayaasha ah.

Waxa uu sidoo kale sheegay in Dowlada ay masuuliyad gaar ah ka saran tahay dadkaasi loona baahan yahay in loo diyaariyo dharkii ay ku ciidi lahaayeen.

Xildhibaanka ayaa sidoo kale sheegay in ay muhiim tahay in cid walbo oo wax heysta laga doonayo iney dadkaasi danyarta ah ay u gargaaraan.

Dhusamareeb Luulyo 3, 2016 Maamulka Ahlu Sunna ee gobolada Dhexe ayaa sheegay in Dowlada Federaalka Soomaaliya loogu baahan yahay in Maamulkooda ay ula dhaqmaan sida Maamulada kale ee Dalka ka jira.

Madaxweynaha Maamulka Ahlu Sunna ee gobolada Dhexe Sheekh Maxamed Shaakir  ayaa Waxa uu sheegay in Maamulka Ahlu Sunna muhiim ay tahay In la siiyo isla markaana uu helo xuquuqda ay leeyihiin Maamulada kale ee dalka ka jira.

Waxa uu sidoo kale faah faahin ka bixiyay Maxaabiis uu Maamulka Ahlu Sunna cafis u fidiyay kuwaasi oo ku jiray Xabsiyada Maamulka Ahlu Sunna.

Shalay ayay ahayd markii Madaxweynaha Maamulka Puntland uu cafis u fidiyay Maxaabiis ku jirtay Xabsiyada Magaalooyinka Puntland ay maamulaan.

Hargeisa Luulyo 3, 2016 Wararka laga helayo magaalada Hargeysa ayaa sheegaya in ciidamada maamulka Somaliland ay xabsiga dhigeen fanaanka lagu magacaabo Farxaan Muuse Cige (Farxaan Xidig) oo ku sugnaa magaalada Hargeysa.

Fannaankan oo muddo dheer hore u joogay magaalada Muqdisho, isla markaana ka soo jeeda dalka Jabuuti ayaa wararka laga helayo magaalada Hargeysa sheegayaan in ciidamo ay kaxeysteen iyadoo aan ogeyn sababta xarigiisa.

Farxaan Xiddig oo dhowaanahan ku sugnaa Magaalada Jabuuti, wuxuuna sheegay inuu yahay musharax xildhibaan Baarlamaanka cusub ee Soomaaliya 2016.

Weli wax faahfaahin ah lagama bixin xariga Farxaan Xiddig, waxaana socda dadaal loogu jiro sii deyntiisa.

Maydhabo Luulyo 02, 2016 Ugu yaraan 4 Qof ayaa ku dhimatay halka ay 20 kale ku dhaawacmeen kadib markii Xalay la duqeeyay Xaafadaha Magaalada Baydhaba ee Xarunta Gobolka Baay.

Dadka dhintay ayaa u badan Rayid,waxaana dhaawacyada la dhigay Isbitaallada kuwaas oo ay ku jiraan Dad ay xaaladdooda darantahay.

Maamulka Koofur Galbeed ayaa Weerarka Xalay lagu qaaday Magaalada Baydhaba ee Duqeynta ah ku eedeeyay Xarakada Al-shabaab.

Warbaahinta Al-shabaab ayaa qoray in Xalay Xarakada Al-shabaab ay weerar ku qaadday Magaalada Baydhaba gaar ahaan Xarumaha Maamulka Koofur Galbeed iyo Saldhigyada Ciidanka Itoobiya ku leeyihiin Magaaladaasi.

Goobaha Al-shabaab ay sheegeen in ay duqeeyeen waxaa ka mid ah Garoonka Diyaaradaha Magaalada Baydhaba,Madaxtooyada Maamulka Koofur Galbeed,Xerada Tababarka ee Cali Salaameey iyo Saldhigga Ciidanka Itoobiya ku leeyihiin magaalada Baydhaba

Maydhabo Luulyo 02, 2016 Raysal wasaare ku xigeenka Soomaaliya Maxamed Cumar Carte Qaalib ayaa wuxuu sheegay in dadka Kasoo jeeda Gobolada Waqooyi ee Soomaaliya ay u taagan yihiin Midnimada Soomaaliya.

“Anagu hadaanu nahay Reer Waqooyi waxaan u taaganahay Midnimo, Sidii Aabayaasheen u Keeneen Midnimada, Anigu Hargeisa oo gurigaygii ku yaalo ma Tagi karo, Waxaan rabaa inaad Fahamtaan Qiimaha ay Nagu Leedahay, Taasi ayaanu diyaar u nahay ee Idinkana waxaa la idinka rabaa inaad adkaysaan Midnimada” Ayuu yidhi.

Luulyo 02, 2016 Wasiirkii hore ee Gaashaandhiga C/xakiin Xaaji Fiqi oo hadalkiisa ku soo beegay Maalmaha farxada ee xoriyada ayaa sheegay in Soomaaliya ay ku socoto god dheer oo aan sahli doonin in carruurteena carruurtooda ay helaan dhul ay ku faanaan.

Wuxuu sheegay Mr Fiqi in Somalida loo kala qeybinayo qabiil,islamarkaana loo sameynayo madaxweynayaal ku saleysan qabaa’il.

Wasiirkii hore ee Gaashaandhiga Mudane C/xakiin Xaaji Fiqi oo hadalkiisa sii wata ayaa intaasi ku daray iney muhiim tahay in hogaanka Ummada Somaliyed ay ka shaqeyaan midnimo iyo sidii lagu helaa xasilooni.

Sidoo kale,Mudane Fiqi ayaa carab ku adkeeyay in dhibaatada ugu badan ee hada dalka ka jira ay tahay kala qob qobnaan iyo waliba Siyaasiyiintii oo u bisleyn

DJIbouti Luulyo 02, 2016  Mareykanka ayaa sheegtay Dhaqaalo badan inay ugu deeqday Urur Goboledka IGAD, kadib kulan ay wada qaateen masuuliyiin ka tirsan IGAD iyo Sarkaal ka tirsan Dowladda Mareykanka.

Dowladda Mareykanka ayaa sheegtay Dhaqaalo badan inay ugu deeqday Urur Goboledka IGAD, kadib kulan ay wada qaateen masuuliyiin ka tirsan IGAD iyo Sarkaal ka tirsan Dowladda Mareykanka.

Lacagtaan Mareykanka IGAD ugu deeqday ayaa gaareysa 17 Milyan oo Doollar ( $ 17 Million).

Xoghayaha fulinta iyo horumarinta ee IGAD iyo Wakiilka Mareykanka ee horumarinta Afrikada Bari ayaa magaalada Jabbuuti ku kala saxiixday, yabooha dhaqaalahaasi.

Mareykanka ayaa lacagtaas gacan uga geysanaya, horumarinta beeraha, dhaqaalaha, deegaanka, bulshada iyo nabadgalyada dalalka xubnaha ka ah urur-goboleedka IGAD.

Mas’uuliyiin ka kala tirsan dowladaha Jabbuuti yo Maraykanka ayaa goob-joog ka ahaa, kulanka lagu saxiixay yabooha deeqda ee ka dhacay magaalada Jabbuuti.
Maydhabo Luulyo 02, 2016 Dowladda Maraykanka ayaa shaacisay qiyaas rasmi ah oo ku aaddan khasaaraha dadka rayidka ah kasoo gaaray weerarrada ay fuliyaan diyaaradaha drones-ka, tan iyo intii uu xukunka hayay madaxweyne Obama.

Waxa ay sheegtay in tirada dhimashada rayidka ay u dhaxayso 64 ilaa 116 qof, balse aanay ku jirin dadka ku dhinta dalalka ay colaadda hadda ka taagan tahay sida Suuriya, Ciraaq iyo Afghanistan.

Tirakoobka ayaa la sheegay in laga sameeyay dalalka Pakistan, Yemen iyo Soomaaliya, halkaasi oo Maraykanka uu ku bartilmaameedsado kooxo mintidiin ah iyo weliba shakhsiyaad kale.

Kooxaha u dooda xuquuqda aadanaha ayaa sheegay in tirada dhimashada ay aad uga badantahay tan uu Maraykanka sheegay.

Maraykanka ayaa sidoo kale sheegay in ku dhawaad 2,500 oo dagaalyahan uu ku dilay qiyaastii shan kun oo weerar oo ay geysteen diyaaradaha aan duuliyaha la socon ee drones-ka loo yaqaano.


Maraykanka  Luulyo 02, 2016 
Wararka inaga soo gaaraya degmada Xamar Jajab ee maglada Muqdisho ayaa waxa ay sheegayaan in goor dhow Masjid ku yaala degmadaasi lagu dilay Sheekh Cumar Xuseen Xasan (Ceeydiid Duceysane) oo ka tirsanaa shaqaalaha Warbaahinta Qaranka Soomaaliyeed.

Kooxo ku hubeysan Bastoolado ayaa la sheegay in Sheekh Caamir isagoo ka soo baxay Masjidka in ay Rasaas ku fureen.

Kooxaha dilka geystay ayaa la sheegay in ay ka baxsadeen goobta uu dilka ka dhacay.

Ciidamada amaanka dowladda Soomaaliya ayaa waxa ay gaareen goobta uu dilka ka dhacay iyagoo halkaasi ka wada baaritaano ku aadan sida uu dilka u dhacay.

Magaalada Muqdisho Bishan Ramadaan gudaheeda waxaa ka dhacayay dilal qorsheysan kuwaas oo loo geysanayay Mas’uuliyiin ka tirsan dowladda Soomaaliya iyo dad shacab ah.


Maraykanka  Luulyo 02, 2016
Dowladda Mareykanka, ayaa shacabka Soomaaliyeed iyo dowladdooduba ugu hambalyeysay 56 sana guuradii ka soo wareegatay markii Soomaaliya ay xurnimada qaadatay, kowdii July ee 1960-kii.

War ka soo baxay xafiiska xoghaya wasaaradda arrimaha dibadda Mareykanka John Kerry, ayaa waxa uu lagu sheegay in Kerry uu hamblayadaasi u diraayo shacabka Soomaaliyeed isagoo ku hadlayo magaca madaxweyne Obama iyo midka shacabka Mareykankuba.

Xog-haye Kerry ayaa intaas ku daray in dowladda Mareykanka ay ka taageereyso Soomaaliya dadaalka ay ugu jirto sidii loo dhisi lahaa dumuqraaddiyad fadhida.

Warka Xog-haye Kerry, ayaa sidoo kale lagu sheegay in Mareykanku uu ku rajo weyn yahay in doorashada sanadkan ay noqoto mid dhabbaha u xaarta dimuqraddiyadda, ammaanka iyo in barwaaqo la gaaro.

Waxa uu intaasi ku daray in Mareykanku uu ku faraxsan yahay in si rasmi ah safaaraddii Soomaaliya ee Washington dib loo furey November-tii tagtay, iyadoo sidaasi si la mid ahina ay Mareykanku Soomaaliya u dirayaan danjirahoodii muddo 25 sano kadib.

Kerry ayaa sheegay in Soomaalida ay yihiin dad adag, sida uu kaga dhawaajiyay markii uu Muqdisho tagay bishii May. Waxa uu u rajeeyay

Muqdisho Luulyo 02, 2016 Wasiirka Wasaarada Haweenka iyo Horumarinta Xuquuqul Insaanka ee Xukuumadda Federaalka Soomaaliya, Sahro Cali Samatar ayaa sharaxaad ka bixisay erayga Gender halka uu naga soo galay iyo macnihiisa.

Warbaahinta ayaa weydiisay Wasiir Sahra Maxamed qodobada la sheegay in ay ka horimanaayaan Shareecada Islaamka sida Dadka isku jinsiga ah ee is-guursanaya iyo waxyaabaha kala buuqa badan ka dhex dhaliyay Bulshada Islaamka ee Soomaaliyeed.

Bishii May ee Sanadkan ayey Wasiirada Soomaaliya meelmariyeen Sharciga Siyaasada qaran ee Jinsiga iyadoo dhawaan Hay’adda Culimada Soomaaliyeed ay shaaciyeen in sharcigaasi la ansixiyay ay ku jiraan qodobo ka horimaanayaa shareecada Islaamka, taasi oo ay soo diyaarisay Wasaarada Haweenka.

Ugu dambeyn, Culimada Soomaaliyeed ayaa mowqifkooda badalay markii looga yeeray Kulankii khamiista ee Golaha Wasiirada ay ku yeesheen Magaalada Muqdisho.

Muqdisho Luulyo 02, 2016  Maamulka Puntland ayaa maanta xabsiga dhexe ee Garowe kasii daynaya 33 maxaabiis ah oo uu dhawaan cafis ufidiyay madaxweynaha Puntland Cabdiweli Maxamed Cali Gaas.

Qoraal madaxtooyada Puntland kasoo baxay oo loo gudbiyay taliska xabsiga dhexe ee Garowe ayaa lagu faray in maxaabiista lasii daayo labada bisha julay oo maanta ku beegan sida Wararku ay sheegayaan .

Maxaabiista cafiska loo fidiyay ayaa waxay isku diyaarinayaan inay xoriyadooda dib u helaan, iyagoo ka faa’idaysanaya cafiska uu madaxweynaha ufidiyay oo lagu weynayayo maalinta ciida awgeed.

Taliyaha ciidanka asluubta Puntland General Cali Nuur ayaa lagu wadaa inuu saxaafada la hadlo, si uu uga warbixiyo maxaabista la siidaynayo.

Luulyo 02, 2016 Agaasimaha Waaxda Xuquuqda Carruurta ee Hay’adda Xuquuqda Aadanaha ee HRW ,Jo Becker, Ayaa Dowladda Mareykanka   in aysan taageero Milatari siinin Waddamada Askareeya Carruurta ee ay ka mid tahay Soomaaliya,sida ay sheegtay Hay’adda.

30kii Juun ayey Dowladda Mareykanka soo saartay liista Waddamo 10 ah kuwaa soo Askareeya Carruurta Dowladda Mareykankana ka hela gargaar Milatari.

Waddamada uu Mareykanku shaaciyay in ay Askareeyaan Carruurta ayaa waxaa ay kjala yihiin: Myanmar, the Democratic Republic of Congo, Iraq, Nigeria, Rwanda, Somalia, South Sudan, Sudan, Syria, iyo  Yemen.

Xeerka mamnuucaya Askareynta Carruurta ayaa la meel mariyay 2008ddii,waxaana wali jirta in ay Waddamada qaar ka jirto Askareynta Carruurta sida Koofurta Sudan  oo ay aad ugu badan tahay.

2010kii Dowladda Mareykanka ayaa sheegtay in 26-33 Waddan ay Askareeyaan Carruurta,taas oo marka loo eego Xilligan hoos uga dhacday 10 Dalna ku sii koobantay.

Madaxweynaha Mareykanka Obama ayaa shaaciyay in Bisha September ee Sanadkan,waxaa aay sheegtay in ay soo saari doonto Waddamada ay ka jareyso taageerada Milatari ee lagu tuhmayo Askareynta Carruurta.

Nigeria ayaa Sanadkii 2aad oo Xiriir ah ka soo muuqatay Liiska Waddamada Askareeya Carruurta,waxaan alagu eedeeyay Boko Haram,sidoo kale Dowladda Soomaaliya iyo Al-shabaab ayaa lagu eedeeyay in ay ku lug leeyihiin Askareynta Carruurta.

Dalka Afghanistan ayaa laga waayay Liiskan oo ku jiray Sanadkii hore,inkasta oo ay jiraan Hoggaamiyo Kooxeedyo adeegsada Carruurta,gaar ahaan kuwa fadhigoodu yahay Waqooyiga ee dagaalka kula jira Daalibaan.

HWR,waxaa ay madaxweynaha Mareykanka ka dalbatay in uu qaado Tallaabo deg deg ah oo looga hortagayo Askareynta Carruurta,gaar ahaan Waddamada uu siiyo gar gaarka Milatari.



June 2016

 


Muqdishu Luulyo  01, 2016 Luulyo 1, 2016 Faraxad Wannaagsan #Ummadda #Soomaaliyeed, maanta waa sannad-guuraddii 56xaad ee Maalinta Xornimadda Qaranka Soomaaliyeed.

Madaxweynaha Soomaaliya iyo Madax kale oo ka tirsan Dowladda Federaalka Soomaaliya ayaa Xalay Magaalada Muqdisho uga qeyb galay Xuska Koowda Luuliyo oo ah Markii Gobolada Koofureed ay ka Xorooben Guumeystihii Talyaaniga islamarkaana ay is raaxeen Gobolada Waqooyi iyo Koofur.

IMG_3256 IMG_3267 IMG_3268 IMG_3272 IMG_3294 IMG_3344 IMG_3362 IMG_3364 IMG_3376

Muqdishu Luulyo  01, 2016 Maalmo ka hor Hay’adda Culimadda Soomaaliyeed waxaa ay sheegeen in Sharci Golaha Wasiiradda Soomaaliya ay Meelmariyeen oo Wasaaradda Haweenka ay u gudbisay uu Sharcigaasi ka hor imaanayo Shareexadda Islaamka.

Guddoomiyaha Hay’addaasi Sheekh Bashiir Axmed Salaad ayaa sheegay in Sharciga uu dhigayo in Labo Nin ay Qoys noqon karaan Labo habloodna ay Qoys noqon karaan islamarkaana Shareecadda Islaamka ay arrintasi ka hor imaaneyso.

Shalay Kulankii Golaha Wasiirada Soomaaliya ayaa lagu Casuumay Wadaadadii hadalkaas ka soo yeeray,waxaana ay Xukumadda ka hor sheegeen in si qalad ah wax loogu sheegay oo weliba Sheekh Bashiir ayaa hadalkaas Xukumadda ka hor yiri,iyadoo Codka soo socda aad ka dhageysan doontaan Codkii hore ee Sheekh Bashiir iyo kan dambe oo ah Shalay iyo Maanta.

Hayeeshee Shacabka Soomaaliyeed ayaa hadalkaa Jahwareer uu ku abuuray iyadoo Culimadda ay sheegaan Waxii Toosan oo Diinta islaamka Dadka fartay Waxii xuna ka reebta,balse Culimadda aan lagu Aqoon Dad ayaa si qalad ah wax noogu sheegay.

Hadalka Wadaadka Sheekh Bashiir la yiraado waxaa ku jira in Hay’adda iyo Xukumadda ay wada-hadal ka galayaan Qodobada la isku hayo,balse ma tahay Diinteena Islaamka mid wada hadal laga galo.

Dad badan ayaa u Arka Hadalka Sheekh Bashiir ee Shalay iyo maanta ah Mid NGO ah oo dhaqaale lagu raadinayo Balse Dadkii ay ku Jahwareereen.

The Question of Today: How can current ruling Somali President H.E. Hassan Sheikh appoint his Somali electoral commission? Somalia's politically failed President H.E. Hassan Sheikh Mohamud has once again appointed today the Somali Electoral Commission so, is this  a kind of a dictatorial democracy for appointing your own electoral commission for presidency? Wake up Somali now to stop such illegal move which disables parliamentary mandate and its policies to govern and make laws.

Muqdishu Juun 30, 2016 Wasaaradda Awqaafta iyo arrimaha Diinta Xukuumadda Soomaaliya ayaa ka hor timid Xeerka Jinsiga ee ay meel mariyeen Golaha Wasiirrada Dowladda Soomaaliya,kaas oo ay Hay’adda Culimada Soomaaliyeed ku tilmaantay mid Diinta ka hor imanaya.

Agaasimaha Waaxda Diinta Sheekh Cali Maxamuud Cali Dheere ayaa wareysi uu siiyay Warbaahinta,waxaa uu ku sheegay in Bayaanka ay soo saareen Hay’adda Culimada Soomaaliyeed ee ku saabsanaa Xeerka ay Wasaaradda Haweenka u gudbisay Golaha Wasiirrada ee Khilaafsan Diinta ay Wasaaradda la qabto Culimada Bayaan kooda.

Sheekh Cali Dheere ayaa yiri “Wasiirradda Xeerka meel mariyay,kuwa gudbiyay iyo Baarlamaankaba ay Diinta ku dhasheen iyadana ka weyn tahay oo ay Sharciga hortagi doonaan haddii ay meelkaga dhacaan”.

C/Risaaq Max’ed Qeyloow Xog-hayaha joogtada ah ee Wasaaradda Diinta iyo Awqaafta ayaa waxaa uu sidoo kale Warbaahinta u sheegay in Bayaanka ay Culimada soo saareen ay ayidayaan,waxaana uu ku baaqay in aan dalka lagu faafin waxyaabaha dhaawacaya Diinta Islaamka.

Muqdishu Juun 30, 2016 shacab ku dhaqan magaalada laascaanood oo kamarada lala dhex qaaday gudaha magaalada laaacaanood ayaa waxay ka cabanayaan maamul xumo dhan kasta leh oo xitaa ay kamid tahay wadooyinka oo loo waayay taraafiko kala hagta,Waaxana ay hosta ka xariiqeen in ay doonayaan in ay ka degal rogtaan maleeshiyaadka taagta daran ee snm.

Shacabka reer laascaanood ayaa la daala dhacaya maamul xumo fara ba an ku haysa taasoo ay sabab u tahay maamulka wakiilka u jooga laascaanood oo aan hab aqoon leh ula dhaqmin bulshada balse guna lacageed uun ka  qaata.

Muqdishu Juun 30, 2016 Wasiir ka tirsan Khaatumo oo Maamulka Somaliland oo ku eedeeyay hurinta colaada ka socda Laascaanood

Wsiir ku xigeenka Wasarada Arimaha Gudaha ee Maamulka Khaatumo, Abshir C/casiis Sheekh ayaa Maamulka Somaaliland ku eedeeyay hurinta Dagaallo ka socda Degaano hoostaga Magaalada Laascaanood ee Gobolka Sool.

Wasiir Abshir ayaa shaaca ka qaaday in Maamulka Soomaaliland ay Ciidamo u soo direen Degaanada lagu kala magacaabo Dharkeen-Geenyo iyo Dhumay oo hoostaga Magaalada Laascaanood.

Isagoo hadalkiisa sii wata ayaa waxuu tilmaamay in colaada ka aloosan Degaanadaasi ay ku dhinteen in ka badan 80 Ruux, waxuuna carabka ku adkeeyay in colaadaasi ay u dhaxeysa Beelo Walaalo ah oo Soomaaliland gadaal ka soo riixeyso.

Dagaalkan oo dhawaan ka qarxay Degaanada hoostaga Magaalada Laascaanood ayaa waxaa Mas’uuliyiinta Maamulka Khaatumo waxey dusha kaga tuureen Maamulka Soomaliland.

Gaalkacyo Juun 30, 2016 Madaxweynaha Puntland, C/weli Maxamed Cali (Gaas) iyo wefdi balaaran oo uu hogaaminayo ayaa Maanta oo khamiis ah ku wajahan Magaalada Gaalkacyo ee xarunta Gobalka Mudug.

Safarka madaxweynaha oo aad loo hadal hayay ayaa la filayaa inuu ku saabsan yahay arrimaha ammaanka iyo isbadalo uu ku sameyndoonan masuuliyiinta maamulka iyo kuwo amniga oo qaarkood qirtay inay ku fashilmeen wax ka qabashada aminga Gaalkacyo.

Wasiirka amniga Puntland Cabdi Xirsi Cali Qarjab iyo saraakiil ciidan ayaa madaxweynaha ugasii hormaray magaalada Gaalkacyo, si ay ugusii gogol xaaraan safarka madaxweynaha. waxaana magaalada ka socda howlgallo amniga lagusii xaqiijinayo.

Madaxweyne Gaas oo sanadkii hore wax badan kasoo qabtay  kaabayaasha dhaqaalaha ee magaalada Gaalkacyo ayaa laga sugayaa inuu qaado tilaabooyin badan oo lagu xoojinayo ammaanka gobolka, kadib markii dilal isdaba joog ah oo lagu qaarijiyay masuuliyiin dowladdeed iyo shacab ay ka dhaceen Gaalkacyo muddo saddex bilood gudaheed ah.

Muqdishu Juun 30, 2016 Madaxweynahan Soomaaliya Xasan Sheekh Maxamuud ayaa Wareegto ku Magacaabay Guddiga Doorashooyinka Soomaaliya ee 2016.

Guddiga ayaa waxaa uu ka Kooban yahay 22 Xubnood,iyadoo laga saaray Wasiiraddii Xukumadda ku jiray ee Muranka uu ka dhashay.

HALKAN HOOSE KA AKHRISO MAGACYADA

  1. Cumar Maxamed Cabdulle
  2. Burhaan Cilmi Xirsi
  3. Mustiim Wayd
  4. Maxamed Keynaan
  5. Saciid Jaamac Cali (Qorsheel)
  6. Nafisa Geeddi Santuur
  7. Maxamed Cali Diiriye
  8. C/raxmaan Sheekh Mucaawiye
  9. Deeqa Yaasiin Xaaji Yuusuf
  10. Saciido Maxamed Mausciid
  11. Aweys Abuukar Sokorow
  12. Sahra Cabdi Xuseen Jaamac
  13. C/casiis Sheekh Xuseen Dayib
  14. Salaad Cali Ibraahim Catoos
  15. Aadan C/naasir Maxamed
  16. Cabdullaahi Salaad Yarow
  17. Yaasiin Cabdi Jaamac
  18. Axmed Maxamed Saciid
  19. Fardowsa Maxamed Ducaale
  20. Aamina Cabdullaahi Dheerow
  21. Raaxo Maxamed Janaqow

Beled Xaawo Juun 30, 2016 Ciidamada Kenya ayaa lagu soo waramayaa in ay Duqeyn dhanka Dhulka ah ay ka geysteen Degaano hoostaga Degmada Baled-xaawo ee Gobolka Gedo.

Guddoomiye Kuxigeenka Degmada Baled-xaawo ayaa sheegay in Ciidamada Kenya ay Duqeyn ka Fuliyeen Deegaano hoostimaada Baled-xaawo islamarkaana ay ku nool yihiin Dad Shacab ah,waxaana Duqeynta ay Sababtay Khasaaro kala duwan.

Kenya ayaa sheegtay in ay Bartilmaameydsatay Xeryo ay ku jiraan Dagaalameyaasha Xarakada Al-shabaab.

Khaatumo Juun 30, 2016 Madaxweynaha Maamulka Khaatumo State Dr. Cali Khalif Galeyr oo ka hadlay arrimo badan.

https://www.youtube.com/watch?v=NxrY0KmRkEw

Lafoole Juun 30, 2016 Gaari nooca dadweynaha ah oo ay saarnaayeen shacab badan ayaa saakay ku qarxay deegaanka Lafoole ee gobolka Shabellaha Hoose, waxaana la helayaa faah faahino dheeraad ah.

Dhimasha 20 ayeey kor usii dhaaftay, waxaana muuqaal laga soo qaaday gaariga qaraxu haleelay muujinayaa mid gabi ahaanba burburiyey gaarigii halkaasi marayey.

Muqdishu Juun 30, 2016 Madaxtooyada Soomaaliya ayaa sheegaya in Madaxweynaha Soomaaliya Xasan Sheekh Maxamuud uu Magacaabay Guddiyadda Doorashada Soomaaliya ee 2016.

Tirada Guddiyada uu Madaxweynaha Soomaaliya Magacaabay oo aan weli la helin ayaa imaaneysa Xilli muran Xoogan uu ka dhashay Guddiyadii uu horey u Magacaabay Madaxweyne Xasan Sheekh Ee ay ku jireen Wasiiradda Xukumadda ka midka ah.

Shirkii ugu dambeeyay ee Hogaamiyaasha Madasha Qaran ay ku yeesheen Magaalada Baydhabo ayaa la isku raacay in wax ka badal lagu sameeyo Guddiyada Doorashooyinka,maadaama ay Cabasho ka daba timid.

Soomaaliya ayaa sida Qorshuhu yahay waxaa la filayaa in Doorasho ay ka dhacdo Bisha August Ee Sanadkaan.

Washington DC Juun 30, 2016 Madaxweyne Obama ayaa sheegay inuu jiro walaac la xiriira kkoboca wakhtiga dheer ee dhaqaalaha dunida, ka dib ka bixitaankii Britain ay u codaysay inay ka baxayso midowga Yurub.

Obama wuxuu sheegay in fursadaha koboca iyo maalgashiga ee Britain iyo dunida inteeda kale uu mushaakil soo wajihi karo.

Wuxuu ka codsaday Ra’iisalwasaaraha Britain David Cameron iyo hoggaamiyayaasha kale ee Yurub inay xaqiijiyaan hanaan hufan oo Britain ay ku baxdo.

Goor sii horreysay, ayay madaxda Yurub waxay Britain ugu baaqeen inay oggolaato in dadka reer Yurub ay si xor ah u tegi karaan dalkooda, haddii ay doonayaan inay qeyb ka sii ahaadaan suuqa mideysan ee Yurub.

Madaxweynaha maamulka Puntland C/wali Gaas ayaa tallo gacantiisa ka baxday kadib markii Beesha Cali Saleebaan ay taageertay Gudoomiyihii hore ee Gobolka Bari Cabdisamad Maxamed Gallan.

Muqdisho Juun 27, 2016 Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa maanta Xarunta Madaxtooyada warqadaha aqoonsiga kaga guddoomay Danjiraha cusub ee Boqortooyada Belgium wakiilka uga noqon doonta Soomaaliya, Roxane de Bilderling.

Madaxweynaha ayaa Danjiraha u ballanqaaday in si buuxda ay Dowladda Soomaaliya ula shaqeyn doonto, uuna ku faraxsan yahay doorka Belgium-ka ee arrimaha Soomaaliya.

Danjire de Bilderling ayaa sheegtay in dalkeeda oo xubin ka ah Midowga Yurub uu diyaar u yahay xoojinta xiriirka iyo iskaashiga labada dal.

Dowladda Belgium waxay ballanqaadday inay Soomaaliya kala shaqeyn doonaan arrimo badan sida amniga, dhaqaalaha iyo horumarinta bulshada.

Wasaaradda Arrimaha Dibadda Ee Dalka Soomaaliya's photo.
Wasaaradda Arrimaha Dibadda Ee Dalka Soomaaliya's photo.





The Question of Today: Somali Government started to appoint bogus list of Somali Traditional Leaders so, that the Currennt failed leaders determined to use and change the true Somali traditional eleders with bogus Somali Traditional elders. Listen to some of the complaining Somali clans such as Hawadle Tribe https://www.youtube.com/watch?time_continue=43&v=JZGyCgfy5Xk

Muqdisho juun 27, 2016 Ayadoo dhawaan lasoo saray odayaasha dhaqanka ee Soomaaliyeed ee soo xuli doono xildhibanada soomaaliya oo dhawaan badali doono xildhibaanada haatan jooga oo waqtigooda sii dhamanaayo.

Qaar katirsan nabadoonada kasoo jeedo beel weynta Xawaadle yaa sheegay in aan aqbali doonin qoraalka kasoo baxay dowlada kasoo ku aadan odayaasha soo xuli doono barlamaanka soomaaliya oo laga tagay ugaaska Guud ee beesha Xawaadle.

Ma aqoonsanin dowlada Xasan sheekh waana cadowga Gobolka hiiraan ayuu yiri mid kamid ah odayaasha halkaasi kushiray waxaana oo sii raaciyay in dowlada soomaaliya si toos ah iyo si maskixiyan ula dagaalantay gobolka Hiiraan.https://www.youtube.com/watch?time_continue=43&v=JZGyCgfy5Xk
Muqdisho juun 27, 2016 Ururka Midowga Yurub ayaa xil ka qaadis ku sameeyay wakiilkooda Soomaaliya kadib markii horey loosoo bandhigay baaritaano caalami ah oo fadeexad ku ah midowga Yurub.

Warbaahinta Dalsoor ayaa  baahisey in Shaqadii laga ceyriyey Ergaygii Midowga Yurub u joogay Soomaaliya & qaar kamid ah Shaqaalihiisii, ka dib markii ay Warbaahinta Dalsoor horey u soo bandhigtay qoraalo ay diyaarisay Xaruntas oo Soomaaliya Sumcadeeda iy Qaranimadeeda xadgudub weyn ku ahaa.
Muqdisho juun 27, 2016 Madaxweyne Xasan Sheekh ayaa ku dhaqaaqay tallaabo aan hore loo arag kadib markii uu faragelin ku sameeyay liiska odayaasha dhaqanka dalka ugu sareeya ee leh saxiixa xildhibaanada labada aqal ee baarlamaanka, waxaana markii ugu horeysay uu ka reebay liiska Duubab caan ah oo isaga aysan isku fiicneyn.

Duubabka uu madaxweyne Xasan Sheekh ka reebay liiska odayaasha gaaraya 135-ta ee rasmiga ah oo fara badan waxaan kasoo qaadaneynaa saddex ka mida oo kala ah:

Duubabka-Xasan-Sheekh-diday

1 – Malaaq Cali Maxamed Wehiye – Malaaqan oo ah malaaqa Xamar iyo Xamardaye – waa duubka ugu weyn beelaha dega Muqdisho illaa Balcad, waxaana Madaxweynaha la sheegay inaysan isku wanaagsaneyn, taasoo keentay inuu booskiisa ku qoro oday dhaqameed hore uga mid ahaa liiskii hore, isla markaana uu Malaaqa guud ka reebo odayaasha.

2 – Ugaas Xasan Ugaas Khaliif – Ugaaska Beesha Xawaadle waxa uu ka mid yahay Duubabka waaweyn ee Xasan Sheekh uu ka reebay liiska odayaasha dhaqanka ee soo xulaya xildhibaanada Baarlamaanka 2016, waxaana tani loo aaneynayaa xurguf labada nin dhex martay, isagoo Ugaas Xasan si weyn uga hor yimid qorshihii Damjadiid ee dhismaha maamul u sameynta Hiiraan iyo Shabeelaha Dhexe. Inkastoo Ugaas Xasan uu xilka dhowaan la wareegay kadib geeridii walaalkiis Ugaas C/raxmaan, lana helin xilli lagu caleemo saaro, Beesha Xawaadle ma jirto cid kale oo ay isku raaci karaan, Ninka Booskaas uu Xasan Sheekh ku qorayna waxay u arkaan kala qeybin.

3 – Boqor C/llaahi Geedi Shadoor – Waa duub kale oo la caleemo saaray muddo dheerna ahaa Oday dhaqameed caan ah iyo siyaasi, laakiin waxaa liiskan looga reebay inuu aad uga horjeedo siyaasadda Madaxweyne Xasan Sheekh kana hor yimid dhismihii maamulka Galmudug. Waxaana booskiisa ku jira Oday dhaqameed kale oo madaxweynaha raacsan.

Arrintan waxay si cad u muujineysaa in Madaxweyne Xasan Sheekh oo doonaya inuu mar kale xilka ku soo laabto ujeedkiisu yahay inuu isagu sameysto dadkii dib u soo dooran lahaa. Waxaa sidoo kale ay caddeyn u tahay aargudasho ka dhan odayaasha diiday siyaasadda Xasan Sheekh ee ka dhanka ah beelaha Muqdisho iyo Koonfurta Soomaaliya.

Muqdisho juun 27, 2016 Hoggaamiyayaash Xisbiyada Mucaaradka Dalka Kenya ayaa Madaxweynaha Waddankaasi Uhur Kenyatta  ugu baaqay in ay Kenya ku dayato Uganda,Qorshe ay Ciidankeedana ugala baxeyso Soomalaiyana keento.

Hoggaamiyaha Xisbiga Mucaaridka ah ee ANC, Musalia Mudavadi iyo Mudane ka tirsan Baarlamaanka Kenya oo lagu magacaabo Bonny Khalwale, ayaa madaxweynaha Dalka Kenya in Ciidankooda ay ka baxaan Soomaaliya 2017ka sida ay qorsheysatay Uganda oo kale.

Hoggaamiyayaashan ayaa weydiiyay Uhur sababta ay Ciidanka Kenya u siijoogayaan Soomaaliya haddii la xirayo Xerada Dhadhaab oo ay ku sheegeen in ay Al-shabaab weerarro ka soo qaadaan.

Musalia Mudavadi,ayaa sheegay in Kenya uusan hadda xil ka saarneyn Xasiloonida Soomaaliya hase yeeshee uu xil ka saaranyahay dalkeeda,loona baahan yahay in ay isaga xoogga saarto.

Khalwale, ayaa yiri “ma garaneyno waxa aan ka difaaceyno Soomaaliya ee aan annaga iska difaaci la’nahay,ma garanayo Sababta Ciidanka Difaaca Kenya  ay ka qabanayaan gudaha Soomaaliya,Hadii lal heshiiyay Dowladda Soomaaliya Qaxootigana ay laabanayaan Kenyana waa in Ciidankeeda ay kala soo baxdaa Soomaaliya”.

Madaxweynaha Kenya ayaa wali ku adkeysanaya in Ciidanka Kenya ee  ku jira Soomaaliya ay sii joogaan Soomaaliya,halka ay Hoggaamiyayaasha Mucaaridka Kenya ay ku doodayaan in Ciidanka Kenya ay ka baxaan Soomaaliya.

Muqdisho juun 27, 2016 Ra’isal Wasaaraha Xukuumada Soomaaliya Cumar C/rashiid Cali Sharmaake ayaa shacabka Soomaaliyeed ugu baaqay in meel loogu soo wada jeesto dagaalka ay Dowlada kula jirto Al-Shabaab.

Ra’isal wasaaraha ayaa sidoo kale shacabka ugu baaqay iney si dhaw ula shaqeeyaan Hay’adaha amaanka ee Dowlada.

Waxa uu tilmaamay in Xukuumada Soomaaliya ay ku dagaaleyso in la soo afjaro dagaalka Al-Shabaab isla markaana laga saaro guud ahaan dalka.

Ra’isal Wasaaraha Xukuumada Soomaaliya Cumar C/rashiid Cali Sharmaake ayaa xusay in ay muhiim tahay in meel loogu soo wada jeesto dagaalka Al-Shabaab.

Al-Shabaab ayaa dagaal kula jira Ciidamada Dowlada iyo Dowladaha Ciidamadooda ay ka joogaan Soomaaliya, Waxaana weeraro ismiidaamin ah ay ka geystaan Xarumaha Dowlada iyo Hotel ku yaalla Muqdisho.

Muqdisho juun 27, 2016 Idaacadda Shabelle ayaa Siyaasiga Salaad Cali Jeelle waxuu ka hadlay hadal heyn ku aadan in uu ku sugnaa Hoteelka Naasa-Hablood ee Magaalada Muqdisho markii Al Shabaab ay weerarka ku qaadayeen.

Siyaasiga ayaa waxuu tilmaamay in hoteelka uu afur ku la haa xiliga uu ka dhacay Weerarka ismiidaaminta ee lagu qaaday Hoteelka, halkaasi oo ay ku dhinteen in ka badan 15 Ruux.

Salaad Cali Jeelle ayaa shaaca ka qaaday in xiriir uu ka dhaxeeyo Laamaha amaanka ee Dowladd Soomaaliya iyo Xarakada Al Shabaab.

Waxuu qeexay tan iyo markii la doortay Madaxweyne Xasan Sheekh Maxamuud in Magaalada Muqdisho ay ku soo bateen weerarada halka nuuc ee ah Gaari lagu qarxiyo Hoteel kadib ay Koox hubeysan ay gudaha u gasho.

Sikastaba, Siyaasiga Salaad Cali Jeelle ayaa ka dalbaday Madaxda Dowladda Federaalka Soomaaliya in ay mas’uuliyada iska saaraan sugida amaanka Shacabaka ama ay xilka iska-casilaan.

Muqdisho, 27 June 2016 (Villa Somalia) - Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud ayaa dhambaal hambalyo oo ku saabsan xuska sannad-guuradii 39-aad ee ka soo wareegtay maalinta xornimada Djibouti u diray Madaxweyne Ismaaciil Cumar Geelle.

“Anigoo ku hadlaya magaca Jamhuuriyadda Federaalka Soomaaliya iyo keygaba waxaa sharaf weyn ii ah inaan idin la qeybsado farxadda xuska maalinta xornimada dalkiina. Djibouti waa dal aanu walaalo nahay, mar walbana garab iyo taageero inoo ah, horumarka aad gaarteenna muddadii aad xornimada haysateen waa horumar ay Soomaaliyana ku faanto’, ayuu dhambaalkiisa ku yiri Madaxweynaha.

Waxaa uu Madaxweyne Xasan Sheekh Maxamuud sidoo kale dhambaalkiisa uu ku ammaanay hoggaanka Madaxweyne Geelle oo uu sheegay inuu reer Djibouti u horseeday horumar, nabad iyo xasilooni.

“Waxaan kugu bogaadinayaa hoggaankaaga toosan ee ku dayashada mudan ee aad shacabkaaga ugu horseedday horumarka iyo nabadda Djibouti ka jirta. Hufnaanta hoggaankaaga waxaa sidoo kale ka faa’ideystey shacabka Soomaaliyeed oo aad wax badan u hurtay. Soomaaliya waxay mar walba doonaysaa inuu sii jiro lana sii xoojiyo xiriirka ka dhexeeya labada dal ee walaalaha ah’’.

Madaxweyne Xasan Sheekh Maxamuud ayaa hoggaanka iyo shacabka reer Djibouti u rajeeyay horumar, nabad iyo barwaaqo, sannadkan kiisa xigana ay ku gaaraan horumar ka ballaaran kan waqtigan ay haystaan.

Muqdisho, 27 June 2016 Dowladda Soomaaliya ayaa ku dhawaaqday in dib loo dhigay Aaska Allah u naxariistee Marxuum Burci Maxamed Xamza oo ahaa Wasiiru dowlaha Xafiiska Ra’iisul wasaaraha ee Arrimaha Deegaanka, oo kamid ahaa Marxuumiintii ku geeriyooday Weerarkii Hotel Naasa Hablood 1 ee magaalada Muqdisho.

Wasiirka Warfaafinta Dhaqanka iyo Dalxiiska Xukuumadda Soomaaliya Mudane Maxamed Cabdi Xayir Maareeye ayaa sheegay in illaa Maalinka Talaadada dib loo dhigay Aaska Marxuumka, si loo sugo Ehellada Qaarkood oo dalka dibaddiisa ka Imaanaya.

Wasiirka, ayaa sheegay Maalinta Talaadada Salaad Janaaso ah lagu tukan doono Marxuumka, kadibna Aas Qaran loogu Sameyn doono Magaalada Muqdisho.

Wasiir Maareeye, ayaa dhammaan Shacabka Soomaaliyeed gaar ahaan Ehellada Dadkii ku dhintay weerarkii shalay uga tacsiyeeyay, isagoo Xusay in dowladda Soomaaliya ay murugada iyo Xanuunka la qeysaneyso.

Muqdisho, 27 June 2016 (Villa Somalia) -Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa maanta Xarunta Madaxtooyada ku qaabilay Wasiirka Arrimaha Dibedda ee Jamhuuriyadda Islaamiga ee Mauritania, Mudane Isselkou Ould Ahmed Izid Bih, oo dalka booqasho ku jooga.

Wasiirka ayaa Madaxweynaha soo gaarsiiyay martiqaad uu ka siday Madaxweynaha Jamhuuriyadda Islaamiga ee Mauritania, Mohamed Ould Abdel Aziz, kuna saabsan ka qeybgalka Shir Madaxeedka Jaamacadda Carabta oo dhammaadka bisha dambe ka dhici doona magaalada Nouakchott.

Madaxweyne Xasan Sheekh Maxamuud ayaa aqbaley martiqaadkaasi isagoo sheegay in Soomaaliya uu shirkaasi muhiim u yahay, ayna ka qeybgeli doonto. Waxaa uu Madaxweyne Xasan Sheekh Maxamuud ka codsadey Wasiirka inuu salaan qiimo badan ka gaarsiiyo Madaxweyne Ould Abdel Aziz.

Wasiirka Arrimaha Dibedda ee Mauritaniam Mudane Ahmed Izid Bih, ayaa sheegay in dalkiisu oo markii ugu horeysay martigelinayaa shir madaxeedkan uu xoogga saarayo in ajendayaasha ugu waaweyn ee laga doodi doono ay arrimaha Soomaaliya ka mid noqoto, isla markaana ku boorrin doonaan waddamada Carabta inay gacan weyn ka geystaan taageerada ay Soomaaliya u baahan tahay.

Kulankan waxaa goobjoog ka ahaa Wasiiru Dowlaha Arrimaha Dibedda ee Dowladda Federaalka Soomaaliya, Mudane Khaalid Cumar Cali iyo mas’uuliyiin kale oo labada dhinac ka socotey.

Jubbaland 27 June 2016 Madaxweynaha maamulka Jubbaland Axmed Maxamed Islaam ayaa dadaal xooggan waxa u uga jiraa inuu xildhibaanno ka tirsan BFS ka dhigo siyaasiyiin caan ah.

Maadaama saxiixa ugu dambeeya ee xildhibaannada ka imaanaya Jubbaland uu isaga leeyahay ayaa hadda waxa uu olole ballaaran ugu jiraan in xildhibaanno ay noqdaan Hiwlowle Aadan iyo Jeneraal Fartaag oo beesha Mareexaan ah.

Siyaasiyiintan ayaa dhan walbo ka taageeray Axmed Madoobe markii ay xaajadu ku xumeyd, xitaa waxay uga hiiliyeen Barre Aadan Shire Hiiraale, waxa uu isna doonayaa inuu u abaal gudo.

Sidoo kal siyaasiyiin kale ayuu doonayaa inuu kusoo daro xildhibaannada soo aadan, waxaana ulajeedkiisa tahay in uu kala mashquuliyo dhammaan siyaasiyiinta Jubbaland.


Juun 2016

 


WARARKA MAANTA Juun 26 2016

Muqdisho Juun 26, 2016 Masuuliyiin katirsan Dowlada Soomaaliya ayaa xaqiijiyay in weerarkii shalay lagu qaaday Hotelka Naaso Hablood ee magaalada Muqdisho uu ku geeriyooday Burci Maxamed Xamse oo ahaa Wasiiru Dowlihii Xafiika R/Wasaaraha ee Arimaha Bay’adda.

Wasiirka ayaa la sheegay in uu kamid ahaa dadka degan Hotelka Naaso Hablood, waxaana Wararka aan helnay sheegayaan in Wasiirka uu kusoo dumay qolkii uu ka degnaa nHotelka sidaasna uu ku geeryooday.

Xukuumada Soomaaliya ayaan wal war rasmi ah kasoo saarin Geerida Wasiirkan katirsanaa, sidoo kale wali lama oga in weerarkii shalay ay ku geeriyoodeen masuuliyiin kale oo katirsan Dowlada Federaalka Soomaaliya.

Puntland Juun 26, 2016 Madaxweynaha Maamulka Puntland Dr. Cabdiweli Maxamed Cali Gaas iyo wafdigii uu hoggaaminayey ee magaalada Baydhabo kaga qayb galay shirkii madasha wadatashiga hoggaamiyayaasha qaran ayaa Shalay 25-Jun-2016 kusoo laabtay magaalada Garoowe.

Madaxweynaha iyo wafdigiisa ayaa waxaa garoonka diyaaradaha ee Kanooko ee duleedka Garoowe kusoo dhoweeyey Madaxweyne ku-xigeenka Puntland Eng. Cabdixakiim Cabdullaahi Xaaji Cumar Camey, Wasiiro Xildhibaano, saraakiil Ciidan iyo saraakiil ka tirsan Madaxtooyada dawladda Puntland.

Soo dhoweyn kadib Madaxweynaha iyo wafdigiisa waxaa loosoo gudbiyey Madaxtooyada Puntland ee Garoowe halkaas oo uu kula hadlay qaybaha kala duwan ee saxaafadda isla markaana uga warbixiyey safarkiisii magaalada Baydhabo.

Dr. Cabdiweli Maxamed Cali ayaa sheegay in uu magaalada Baydhabo kaga qayb galay shirkii madasha wadatashiga qaranka kaas oo lagu dhammaystirayey hawlaha qaybyada ah ee la xiriira arrimaha doorashooyinka.

Sidoo kale Gaas waxa uu sheegay in shirkaasi uu guul kusoo dhammaaday isla markaana uu rajeynayo in waqtiga yare ee dhiman wax waliba sidii loogu talo galay ay kusoo dhammaadaan iyadoo la filayo in ay Puntland qabsoonto doorasho ka wanaagsan middii qabsoontay 2012-kii.

Dhinaca kale Madaxweynaha Puntland ayaa ka tacsiyeeyey geeridii naxdinta lahayd ee ku timi shacabkii Soomaaliyeed ee Shaly galabta lagu gumaaday Hotel Naaso Hablood ee magaaalada Muqdisho waxaana uu falkaasi ku tilmaamay mid ay ka dambeeyaan kooxaha sharwadayaasha Alshabaab.

Kismaayo Juun 26, 2016 Madaxweynaga Dowladda Jubbaland Mudane Axmed Maxamed Islaam ayaa waxuu ugu baaqay Dowladda Gobaleedka Somaliland inay u soo hoyato walaalahood isla-markaasna ay iska dhaafaan waxyaabaha beenta ah.

https://www.youtube.com/watch?time_continue=59&v=Ex44tHuNkXw

Muqdisho Juun 26, 2016 Aroornimadii hore ee saakay ayaa waxaa Hoteelka Naasahablood ee Magaalada Muqdisho ka bilaabatay hawlo burburka Hotelka looga raadinayo dadkii ku waxyeeloobay qaraxii iyo weerarkii tooska ahaa ee shalay lagu qaaday Hoteelka.

Ciidamada Dowladda iyo shaqaalaha gurmadka deg-degga ayaa waxay halkaasi ka soo saareen meydadka saddex qof oo loo malaynayo inay ku geeriyoodeen qaraxii ka dhacay Hoteelka.

Dhanka kale weerarkan ayaa sidoo kale sababay gubashada kaalin shidaal oo dacalka ku haysay Hotelka Naasahablood, waxaana iska laheyd Shirkadda SOMOIL.

Qarax-Hotel-Naasahablood-65

Kismaayo Juun 26, 2016 Madaxwaynaha maamul goboleedka maamulka Jubba Land mudane Axmed Madoobe ayaa si wayn uga hadlay maalinta 26-June qiimaha iyo muhiimada ay u leedahay ummada Soomaaliyeed dhamaan si gaar ahna maamulka Hargaysa fariin adag ugu diray.

Muqdisho Juun 26, 2016 Munaasabad lagu xusayay 56 guurada ka soo wareegatay markii calanka Soomaaliyeed laga taagay gobolada waqooyiga ee hada la magacbaxay Somaliland ayna xornimada ka qaateen gumeystihii Ingiriiska ayaa xalay lagu qabtay magaalada Muqdisho ee Caasimada Soomaaliya.

Munaasabada ayaa waxaa kasoo qeyb galay madaxweynaha Soomaaliya Xasan Sheekh Maxamuud ,wasiiro ka tirsan dowladda Soomaaliya ,xilidhibaano iyo sidoo kale dad u soo joogay xiligii xoriyadda.

Ugu horeyn munaasabada waxaa ka hadlay gudoomiyaha gobolka Banaadir Sheekh Yuusuf Xuseen Jimcaale iyo sidoo kale wasiirka wasaarada warfaafinta ee dowladda Soomaaliya Maxamed Cabdi Xayir waxayna si kooban ugu hadleen muhiimada ay bulshada Soomaaliyeed u leedahay xuska 56 guuradii kasoo wareegtay markii calanka laga taagay gobolada waqooyi Soomaaliya.

Madaxweynaha Soomaaliya Xasan Sheekh Maxamuud ayaa hambalyo u diray dhammaan shacabka Soomaaliyeed meelo walba oo ay joogaan.

Madaxweynaha ayaa sheegay in loo baahaynayay in bulshada Soomaaliyeed ay la yimaadaan garowshiyo ku aadan dhibta walaalaha waqooyi gaaray, xoogana la saaro ka shaqeynta midnimada Ummadda Soomaaliyeed.

211716

Su'aasha Maanta: Maxaa keenay fashilka Uruurka Damu-Jadiid Iyo lacag la'aanta soo wajahday billahan dembe? Khaa'inimadii Ururka Damu-Jadidi oo dhulka ku jeeday hoggaankii dalka.




 

Muqdisho Juun 25, 2016 Waxaa laga deyrinayaa shaqooyinka ka dhex socda Wasaarada boostada iyo isgaarsiinta Xukuumadda Somalia, kadib markii halkaasi ay saldhig u noqotay dhallinyaro iyo odayaal asal ahaan kasoo jeeda dalka Ethiopia.

Wasiirka boostada iyo isgaarsiinta Maxamed Jaamac Mursal (Geelle) oo xilkaasi la wareegay May 10, 2016, ayaa waxaa lagu dhaliilay in shaqaalaha Wasaarada uu kala eryay isaga oo shaqaale cusub kala imaaday magaalada Jigjiga, halka qaarna uu ka dhex qortay magaalada Muqdisho.

Shaqaalaha qaar ee wali ku harsan Wasaarada ayaa sheegay in Geelle uu gabi ahaan Wasaarada ka dhigay mid dhaxal u ah, waxa ayna carab dhabeen in Wasaarada uu ka dhigay Kafateeriyo uu ku qaabilo diblumaasiyiinta Ethiopia ka jooga Somalia.

Mid kamid ah xubnaha iminka ka howlgala Wasaarada ee aan xogtaani ka helnay ayaa sheegay in Wasiir Geelle uu ilaa iyo iminka qaban wax howl ah islamarkaana uu yahay mid ku mashquulsan safaro uu u kala gooshaayo Muqdisho, Jigjiga iyo Addis Ababa.

Wasaarada boostada iyo isgaarsiinta Xukuumadda DF oo xili hore aheyd Wasaaradaha ugu howsha badan, ayaa iminka u muuqata mid aad u liidata ka dib markii lagala weecday haabkii ay ku shaqeyneysay.

Howlwadeenada Wasaarada ayaa la soo warinayaa in dhowr jeer ay cabasho u gudbiyeen Xukuumada Somalia, hayeeshee waxaan jirin jawaab laga baxshay cabashadooda.

Wasiirka boostada iyo isgaarsiinta Xukuumadda DF Maxamed Jaamac Mursal (Geelle), ayaa waxaa xilkaasi Xukuumada Somalia uga dhameyay Dowlada Ethiopia, waxa uuna waligii ahaan jiray gacanyarihii Gen. Gebra.

Dhanka kale, Wasaarada Boostada Somalia, ayaa si rasmi ah ugu gacangashay Dowlada ethiopia waxaana mar waliba suuragal ah in Sirta Dowlada ay u wada gacan gasho Dowlada Ethiopia

Maamulka Goballada Dhexe Juun 25, 2016 Guriceel Maamulka ahlu sunna  ayaa xaflad balaadhan u qabtay saraakiishii iyo ciidamadii kaga dhintay dagaalkii ay kula jiren alshabab. Waxaana xuskan  uu ahaa mid loogu magac daray xuska maalinta Shuhadada ahlu sunna wal jamaca waxaana ka soo qeyb galay madaxweynaha maamulka ahlu sunna sh axmed shaakir.

https://www.youtube.com/watch?v=4DskDYH8PBI

Muqdisho Juun 25, 2016 Ciidamada Hay’adda Sirdoonka iyo Nabadsugidda Soomaaliya ayaa Xalay gacanta ku dhigay gaari Kaarib ah oo lagu diyaarinayay walxaha Qarxa, kadib howlgal ay ka sameeyeen Qabuuraha Gen Da’uud Degmada Wartanabadda ee Magaalada Mudisho.

Afhayeenka Maamulka Gobalka Banaadir Cabdifataax Cumar Xalane ayaa  sheegay in wali ay baaritaan wadaan ciidamada, sidoo kalana la ogaanayo in ay jiraan walxo kale oo qarxa oo lagu diyaarinayay goobta laga qabtay gaariga.

Ciidamada ayaa gudaha gaariga kasoo saaray Rasaasta Qoriga RPG-ga, Boolal iyo waxyaabo kale oo loo adeegsado Qaraxyada Baabuurta.

Dhinaca kale, Wasaaradda Amniga Xukuumadda Soomaaliya  ayaa Wakaaladda Wararka Soomaaliyeed Ee SONNA u sheegtay in Qaraxyo Xalay Laga Maqlay Muqdisho ay ahaayeen Baaruud lasoo galiyay Baco, oo aan gaysan Waxyeello.

Afhayeenka Wasaaradda Amniga Cabdikaamil Macalin Xirsi, ayaa xusay in Ciidamada Ammaanka ay Baaris Wadaan, si rasmi ahna loo soo bandhigi doono waxyaabaha macmalka ah la doonayay in Ammaanka lagu qalqalgaliyo.

Gedo Juun 25, 2016 Faah faahino kala duwan ayaa ka soo baxaya khasaaraha dhimasho ee ka dhashay Weerar Xalay lagu qaaday fariisin Ciidamada Itoobiya ee qeybta ka ah howlgalka AMISOM ay ku leeyihiin Gobolka Gedo. Weerarkan ayaa Dagaal yahano hubeysan oo ka mid ah Xarakada Al Shabaab waxey ku qaadeen Degaanka Yarkud oo qiyaas ahaan 40Km u jirta Degmada Luuq ee Gobolka Gedo.

Weerarka kadib ayaa Ciidamada Itoobiya iyo kuwa Xarakada Al Shabaab waxaa halkaasi ku dhexmaray Dagaal Culus.

Dadka Degaanka qaarkood ayaa sheegay in Dagaalkaasi ay ku dhinteen ugu yaraan 5 Ruux oo ka mid ahaa Xoolo dhaqato halkaasi ku sugnaa maadaama rasaasta wiifto ay ugu tagtay hooygooda.

Wararka ayaa sidoo kale sheegaya in uu jiro khasaaro kala duwan oo weerarkaasi lagu gaarsiiyay Ciidamada Itoobiya.

Dhinaca kale, Ciidamada Itoobiya ayaa saaka howlgallo kala duwan waxey ka wadaan Xaafadaha ku teedsan Degaanka Yarkud ee Gobolka Gedo.

Weli lama soo sheegin hadii ay jiraan Ciidamadu Dad ay ku soo qab qabteen howlgalladooda.

Ilaa iyo hada lama khasaaraha dhabta ah ee kala gaaray Xoogaga Itoobiya iyo Dagaal yahanada Xarakada Al Shabaab ee ku Dagaalamay Gobolka Gedo.

Washington D Juun 25, 2016 Madaxweyne Obama ayaa sheegay in Maraykanka iyo Britain ay ka wada shaqeyn doonaan, sidii loo xaqiijin lahaa in ka bixitaankeeda Midowga Yurub aanu sababin dhibaato weyn oo dhanka dhaqaalaha ah.

Madaxweynaha ayaa telefoonka kula hadlay ra’iisul wasaaraha xilka kasii degaya, David Cameron, iyo hogaamiyaha Jarmalka, Angela Merkel, asaga oo u xaqiijiyan in Britain iyo ay Maraykanka la leeyihiin xiriir aad u adag.

Aqalka cad ee Maraykanka looga arrimiyo ayaa sheegay in Mr Obama uu weli rumeysan yahay, in Britain ay dhibaato badan kala kulmi doonto heshiisyada ganacsiga ee mustaqbalka, maadaama ay go’aansatay ka bixida Midowga Yurub.

Wasaaradda maaliyadda ee Maraykanka ayaa sheegtay in ay dejineyso xaalka suuqyada dhaqaalaha ee caalamka, ka dib walaacii ka dhashay natiijada aftidii ka dhacday Britain.

Puntland Juun 25, 2016 Guddoomiyihii hore ee Maamulka Gobolka Bari ee Puntland C/samada Maxamed Cali Gallan, ayaa ku goodiyay inuu dhulka dhigi doono daaraha ku yaala Gaalkacyo iyo xarumaha maamulka hadii ay ciidamada C/wali Gaas kusii dhiiradaan weerarada ay ku hayaan.

Gallan, ayaa sheegay in isaga iyo ciidamadiisa ay ka go’an tahay inay la xisaabtamaan C/wali Gaas oo uu ku sifeeyay inuu yahya mid la degay maamulka, cadaalada iyo dhaqaalaha Puntland.

Gallan, waxa uu sheegay in isaga iyo ciidamadiisa ay duulaan ku yihiin Degaanada uu ka arimiyo Maamulka Puntland.

C/samada waxuu tilmaamay in Maamulka Madaxweyne C/weli Maxamed Cali Gaas uu dhibaato ku hayo Shacabka ku dhaqan Degaanka Puntland, isagoo qeexay in dhac, boob iyo jirdil la isugu daray Shacabka reer Puntland.

C/wali Gaas ayuu sheegay inuu u bareeray Boobka waxa uuna tusaale usoo qaatay warshad uu sheegay in Gaas uu kala imaaday dalka dibadiisa si loogu sameeyo lacago been abuur ah oo lagu dhaco Shacabka, sida uu hadalka u dhigay

Muqdisho Juun 25, 2016 Waxaa magaalada Kismaayo ee gobolka Jubada Hoose laga dareemayaa dhaqdhaqaaqyo ciidan oo ay wadaan ciidamada Jubbaland iyo kuwa AMISOM.

Madaxweynaha Jubbaland Axmed Maxamed Islaam Madoobe ayaa bishan billowgeeda mar uu saxaafadda la hadlay waxay uu sheegay in duulaanka ay qaadi doonaan bisha soo adan.

Bisha 7-aad ayaa la filayaa in dagaalkaan uu billowdo, waxaana si wadajir ah u qaadi doona ciidanka DF, Jubbaland iyo kuwa AMISOM ee Kenya iyo Itoobiya.

Guud ahaan deegaannada Jubbaland ee hadda aanay joogin Al-shabaab waxaa laga dareemayaa dhaq dhaqaaqyada ciidan ee lagu doonayo in Jubbaland lagu xoreeyo.

Muqdisho Juun 25, 2016 Qaraxyo is-daba-joog ah ayaa fiidnimadii Xalay waxey ku dhaceen qeybo ka mid ah Magaalada Muqdisho, sida xaafado ka tirsan Degmooyinka Warta-Nabadda, Hodan iyo Deyniile, waxaana xusid mudan in Qaraxyada badankooda ay ku dhaceen nawaaxiga Wasaarada Gaashaandhiga ee Degmada Hodan.

Darawal ka badbaaday madaafiicdii Xalay oo la hadlay Idaacadda Shabelle ayaa sheegay in duqeyntaasi ay saameysay gaarigii uu watay.

Dhinaca kale, mid ka mid ah hoobiyeyaashaasi oo ku dhacay Nawaaxiga Wasaarada Gaashaandhiga ayaa waxaa ku dhintay 1 Ruux halka labo kalana ay ku dhaawacmeen kadib markii uu haleelay Mooto ay la socdeen Gabar iyo Hooyadeed halkaasina ay ku dhimatay Gabadha islamarkaana ay ku dhaawacmeen Hooyadii iyo Wadihii Mootadaasi, sida uu goobjooge u xaqiijiyay Idaacadda Shabelle.

Geesta kale Afhayeenka Wasaarada Amniga, Cabdi Kaamil Macalin Shukri oo la hadlay Idaacadda Shabelle ayaa Madafiicdii Xalay ku dhaceyso qeybo ka mid ah Magaalada Muqdisho ku tilmaamay baaruud aan waxba Dadka u dhimeyn.

Cabdi Kaamil Macalin Shukri ayaa sidoo kale tilmaamay in Gaari waxyaabaha Qarxa laga soo buuxiyay ay Ciidamada amaanka ku qabteen Degmada Warta-Nabada ee Gobolka Banaadir, isagoona qeexay in talaabadaasi ay muujineyso sugida amaanka Caasimada.

Weli ma jiro cid sheegatay mas’uuliyada madaafiicdii Xalay lagu gaaracay Degmooyinka Magaalada Muqdisho.

Muqdisho Juun 25, 2016 Guddoomiyaha Maxkamadda Racfaanka Saalax Sheekh Ibraahim Dhiblaawe ayaa si rasmi xilka ugala wareegay Guddoomiyihii hore Xasan Maxamed Cali Wariiri. Xafladda Xilwareejinta oo ka dhacday xarunta Maxkamadda ayaa waxaa ka qeybgalay mas’uuliyiin kala duwan, iyadoo gudoomiyaha cusub ee maxkamadda Racfaanka uu si rasmi ah xilkaasi ugala wareegay gudoomiyihii hore Saalax Sheekh Ibraahim gudoomiyaha maxkamada Racfaanka oo ka hadlay munaasabaddaasi ayaa rajo wanaagsan ka muujiyay in uu xilkiisa u gudan doono si hufan oo caddaalad leh isagoo ka codsaday howlwadeennada maxkamadda iney ula shaqeeyaan si wanaagsan

Baydhabo Juun 25, 2016 Wariyaasha ka howlgala magalada Baydhabo ayaa goordhow waxaa lagu wargeliyay in ay tagaan xarunta uu ka socdo shirka Madasha wada tashiga Qaran halkaas oo goordhow lagu wado in shirka lagusoo gaba gabeeyo.

Xarunta uu ka socdo shirka ayaa waxaa kusii qulqulaya Wariyasha ku sugan magalada Baydhabo waxaana Shirka uu qaatay wax ka badan 4 Maalmood waxana lagu wadaa in saacadaha soo socdo lasoo gaba gabeeyo Warmurtiyeedna lagasoo saaro.

Warar hordhac ah ayaa waxay sheegayaan in Ergada ka qeyb galeysa shirka ay isku afgarteen waxyaabo dhowr ah lana filayo in ay soo saaraan.


WARARKA MAANTA Juun 24 2016

Muqdisho Jimco Juun 24, 2016 Madaxweynaha Damu-Jadiid Mudane Xassan Shiikh Maxamuud oo xilkii ka qaaday labadii wasiir ee dumarka uhu jiray golaha wasiiradda si sharci-darro ah. Xubnaha xilalka laga qaaday ayaa kala ah Marwo Khadra Bashiir Cali oo ahayd Wasiirka Waxbarashada iyo Tacliinta Sare iyo Marwo Xaawo Xasan Maxamed oo ahayd Wasiirka Caafimaadka.

Waxaa sidoo kale uu Madaxweynaha aqbaley magacaabista laba wasiir oo cusub oo xilalkaasi la wareegaya.

Labada qof ee la magacaabay ayaa ah kuwo ka soo kala shaqeeyey Maamulada dalka ayagoo midkood iclaamiyey inay Puntland State ka go'do Soomaaliya sida aanu soo bandhigi doono cajaladdo laga duubay asagoo ka hadlaaya Minneapolis, MN

Aqbalaadda xil ka qaadista iyo magacaabista xubnahan Golaha Wasiirada ka tirsan ayaa dhaqangaleysa maanta oo taariikhdu tahay 24 June, 2016.

Su'aasha Maanta: Madaxweyne Mudane Damu-Jadid Xassan Shiikh oo beesha caalamka ay u soo jeedisay inuu is-casilo maadaamo oo muddo 4 sanno waxba ugy qaban waatet Ummadda Soomaaliyeed asgaoo Guddiggii Doorashadda Damu-Jadiid la kala diray waayo ma waafaqsana sharciga dalka iyo xeerarka caalamiga. Beeni raad ma leh ee Mudane Madaxweyne Xassan Ilaahay u toobadkeen oo cafsi weydiiso Ummadda Soomaaliyeed ee aad muddada ku soo lugooynaysay siyaasadda ma dhalaysa ah.

Baydhabo Juun 24, 2016 Madaxweynaha dowladda Federaalka Soomaaliya Xasan Sheekh Maxamuud ayaa hanjabaad aan caadi ahayn kala kulmay beesha caalamka kadib markii shalay isku dayey in khilaaf ka dhex abuuro shirka madasha Wadatashiga Qaran.

Shalay ayaa markii madashu diidday guddiga doorashada waxaa la sheegay in Xasan Sheekh ay xaaladda ku xumaatay, iskuna dayey sidii caadada ahayd in khilaf meesha uu ka abuuro.

Hase ahaatee waxaa Baydhabo degdeg ku tagay Beesha caalamka oo uu hoggaaminayey ergayga qaramada Midoobay u qaabilsan Soomaaliya Michel Keating.

Keating ayaa u sheegay Xasan Sheekh in marnaba aan laga aqbali doonin inuu khilaaf keeno, waxaana lagu qasbay in deg deg uu ku raco go’aankooda.

Xasan oo arrinkaasi aad ugu xun waxay qasab ku noqotay inuu qaato go’aanka xubnaha beesha caalamka, sidaasi ayuuna wax walbo ku aqbalay.

Garowe Juun 24, 2016 Qoraal kasoo baxay MAP ayaa lagu sheegay wasiirka warfaafinta inuu si bareer ah ugu hanjabay wariyaasha Puntland tilaabadaasina aysan ahayn mid sharci ah.

”wasiirku si bareer ah ayuu xilliga uu hanjabayay waxa uu ku sheegat in Puntland aysan ka jirin wax dastuur ah iyo sharci isa markaasna ay dowladdu dilayso wariyeyaasha isagoo intaas ku daray inaysan jirin Dastuur ay dowladdu eegayso taas bedelkeedana ay adeegsanayso dowladdu hub iyo ciidan” qoraalka MAP kasoo baxay ayaa sidaasi lagu yiri.

Burhaan Axmed Daahir oo madax kasoo noqday MAP iyo NUSOJ ayaa sheegay inay naxdin tahay in wasiirka warfaafinta ku goodiyo inuu xabad u addeegsanayo wariyaasha, wuxuuna saxaafadda ugu baaqay inay is ilaaliyaan maadama wasiirku ku hanjabay inuu laynayo saxaafadda.

Agaasimaha guud ee Radio Daljir Axmed Shiikh Maxamed Tolman ayaa sheegay inay hubin u baahan tahay cida dishay wariyaashii, wax kale uu sheegay wariyaasha inay taxadar muujiyaan.

Cabdiqani Cabdilaahi Irbad ayaa sheegay wixii soo gaaraya wariyaasha in loo raaxayo wasiirka warfaafinta Puntland.

Hadalka kasoo baxay wariyaasha iyo ururka MAP ayaa kusoo aadaya xilli wasiirka warfaafinta Puntland uu shalay soo saaray qoraal uu ku cadaynayo in warbaahinta ka howl gasha Puntland waraysiyo la yeelan karin dad uu ku tilmaamay inay Nabad-diid yihiin isla markasna xiriir la lee yihiin Daacish iyo Burcad badeed.

Maanta ayay ahayd markii wasiirku ku hanjabay inuu dilayo wariyaasha isla markasna wax sharci la yiraahdo u addeegsan doonin.

Washington Juun 24, 2016 Madaxweynaha Dowlada Mareykanka, Barack Obama ayaa ugu baaqay Madaxda Kenya in aysan ku fududaan xeritaanka Xeryaha Qaxootiga Dhadhaab, sida lagu sheegay Warsaxaafadeed ka soo baxay Aqalka Cad ee Mareykanka. 

Isagoo qadka taleefanka kula hadlayay Madaxweynaha Kenya, Uhuru Kenyatta ayaa Madaxweyne Obama waxuu sheegay in Kenya looga baahan yahay taageerida Qaxootiga Soomaaliyeed.

Madaxweyne Obama iyo dhigiisa Dalka Kenya, Uhuru Kenyatta ayaa isku raacay in labada Dowladood ay iska kaashadaan arimaha ku qotoma Qaxootiga ku nool Xerada ugu weyn Aduunka ee Dhadhaab.

Isagoo dhawaan Xubno ka socday Golaha Amaanka ee QM kula kulmayay Magaalada Nairobi ayaa Madaxweyne Uhuru Kenyatta waxuu sheegay in go’aanka lagu xirayo Dhadhaab uu yahay mid horey loo gaaray.

Dowladda Kenya ayaa qorsheeneysa dib u celinta 600,000 oo Qaxooti kuwaasi oo siyaabo kala duwan ugu nool Xeryaha Qaxootiga Dhadhaab iyo Kaakuma oo ku yaalla Dalkaasi Kenya.

Briian Juun 24, 2016 Warbaahinta UK ayaa sheegtay in aftidii la qaaday shalay ay dadku ku codeeyeen in UK ay ka baxdo Midowga Yurub. Natiijooyinka hordhaca ah ayaa muujinaysa in kuwa taageersan in UK baxdo ay heleen 54% halka kuwa arrintaasi diidana ay heleen 48%.

Wali waxaa jira goobo la tirinayo codadka.

Natiijada aftida ayaa isla markiiba saameyn ku yeellatay suuqyada caalamka, gaar ahaa suuqyada Asia, waxaa hoos u dhacay qiimaha lacagta Pound-ka ee Britain isticmaasho.

Codeynta aftida waxaa ka qeybgalay 70%, waxaana ay u muuqataa in dadka intooda badan ay ka soo horjeedaan habka ay Midowga Yurub wax u maamusho oo ay aaminsan yihiin in awood badan ay ka qaadatay dadka Britain u dhashay.

Nigel Farage, oo madax u ah xisbiga madaxbannaanida UK, kana mid ah hoggaamiyayaasha ololaha ka dhanka ah Midowga Yurub waday ayaa sheegay in "23 June ay noqoto maalin taariikhi ah oo la mid ah maalinta xornimadeena"

Jubbaland State Juun 24, 2016 Madexweynaha Jubbaland State Mudane Axmed Maxamed Islam oo kashifay arrimo badan oo runta taabanayso ee bal dhegayso: https://www.youtube.com/watch?v=XqXgwpar_pA&feature=youtu.be

Baydhabo Juun 24, 2016 Madasha Hogaamiyaasha Qaran iyo dowlad gobaleedyada ayaa isku raacay in labo 2-xubnood oo ka socda Beelaha Banaadiriga lagu daro Aqalka Sare ee dalka Soomaaliya yeelanayo Sanadkan 2016.

Xubnaha Aqalka Sare ayaa horay u ahaa 54-xubnood waxaana haatan go’aankaan cusub xubnaha Aqalkaas la dhisayo uu ka dhigayaa 56-xubnood.

Warar hordhac ah oo ka soo baxaya shirarkii 22 ilaa 23 Bishan ayaa sheegaya in laysku raacay in lagu daro labadaasi xubnood sidaasi waxaa sheegay gudoomiye ku xigeenka koowaad ee Baarlamaanka Soomaaliya Jaylaani Nuur Ikar.

Madasha Hogaamiyaasha Qaran iyo Dowlad gobaleedyada ayaa haatan ku shirsan magaalada Baydhabo waxaana la filayaa in bari la soo gaba gabeeyo shirkaas iyadoo gabagabada laga soo saari doono qodobo ay ku heshiiyeen madaxda dalka.

Puntland Juun 24, 2016 Taliska Ciidanka Booliska Puntland, ayaa soo saaray awaamiir si deg deg ah loogu xirayo Xarumaha Idaacadda Daljir ku leedahay Magaalooyinka Puntland.

Talisyada Booliska Gobolada Mudug, Nugaal, Bari, Karkaar iyo Xeer Ilaaliyaha Guud Puntland, ayaa waxaa lagu wargeliyay inay albaabada isugu laabaan dhammaan Xarumaha Radio Daljir.

Taliska Booliska Puntland, ayaa soo saaray warqad digniin ah oo lagu xiro karo Xarumaha Radio Daljir, hawadana looga saarayo barnaamijyadii ka baxaayay Xarumaha Radiyahaasi.

Booliska Gobolka Mudug oo ka jawaabaya amarkaasi, ayaa la soo sheegaya in albaabada uu isugu laabay Xaruntii Radio Daljir ee Magaalada Gaalkacyo.

Booliska Gobolka Bari, ayaa sidoo kale la soo sheegaya in ay xireen Xaruntii Radio Daljir ee Magaalada Boosaaso, si ay u fuliyan amarka la siiyay.

Ku Simaha Taliyaha Ciidanka Booliska Puntland, General C/qaadir Shire Faarax (Erag), ayaa saxiixay amarka lagu xiraayo Xarumaha Radio Daljir ee Puntland.

Radio Daljir, ayaa waxaa lagu haystaa wareysi uu la yeeshay C/samad Maxamed Gallan, Gudoomiyihii hore ee Gobolka Bari oo hadda dagaal jabhadayn ah kula jira Maamulka Madaxweyne C/weli Maxamed Cali Gaas.

Puntland-1

WARARKA MAANTA Juun 23 2016

Baydhabo Juun 23, 2016 Xubnaha madasha wadatashiga Qaran ayaa waxaa u cuntami weyday guddiga doorasho ee dhawaan uu magacaabay madaxweynaha dowladda Federaalka Soomaaliya Xasan Sheekh Maxamuud.

Dood iyo falan qeyn kadib waxaa madaxweyne Xasan Sheekh loo soo bandhigay inuu qaato Labo arrin oo kala ah in guddiga doorashada uu ka saaro xubnaha wasiirada ama in in wasiirada uu ka qaado xilalka ay hayaan.

Xasan Sheekh oo Albaabada ay kasoo xirmeen ayaa ku qasbanaaday inuu aqbalo in xubnaha wasiirada laga saaro guddiga doorashada iyo sidoo kale xubnaha kale ee Federaalka ka tirsan.

Xasan Sheekh ayaa saxaafadda u cadeeyay in la isku raacay in wasiirada laga saaro xubnaha guddiga doorashada.

“Doorashadan muhiim ayay u tahay dhismaha Soomaaliyada cusub ee dimoqaadiga ah.Sidaa darteed waxa alagama maarmaan ah inaan wax walba oo fiican u hurno. Sidaa daraadeed guddiyada doorashada ee heer gobol iyo heer federal, waxaan isku raacney in siyaasiyiinta laga reebo, hawlahaasina loo daayo guddiyo farsamo si aan u kasbano kalsoonida shacabka, una abuurno xaalad horseedi karta doorashooyin xalaal iyo xor ah oo dalka ka dhaca. Waxaa dhammaanteen naga go’an in doorashada ay qabsoonto waqtiga loogu talagaley’’, ayuu yiri Madaxweynaha.

Waa guul ay maamul goboleedyada ka gaareen madaxweyne Xasan Sheekh oo maalmahan ciyaaraya siyaasado heer sare ku socda,

Muqdisho Juun 23, 2016 Faah faahino dheeraad ah ayaa kasoo baxaya hoobiyaal caawa xiligii afurki ku dhacay Guri kuyaalo Xafada Xero ruushka oo ka tirsan degmada Hodan.

Inta la xaqiijiyay hal Ruux ayaa geeriyooday halka 5 kalen ay ku dhaawacmeen hoobiyaalkaas caawa Saraha Xero riuush ku dhacay.

Goobta ay hoobiyssah ku dhaceen ayaa waxaa gaaray qar kamid ah dadka xaafdaas iyagoo bilaabay in ay u gurmadaan dadkii ku dhaawacmay hoobiyasha oo loo qaaday isbitaalada ku yaalo magalada Muqdisho.

Cabdiraxmaan Suudi oo kamid ah Wariyashja Madax banaan ee ku nool magalada Muqdisho ayaa Danan uga Warbixyay hoobiyashaas ku dhacay Guri ku yaalo Xero ruush.

Baydhabo Juun 23, 2016 Madaxweynaha Maamulka Jubbaland Axmed Maxamed Islaam Axmed Madoobe oo Wareysi siiyay Warbaahinta Dowladda ayaa Weysigiisa uga hadlay Arrimo kala duwan.

Axmed Madoobe oo soo hadal qaaday dagaalka lagula jiro Xarakada Al-shabaab ayaa sheegay in Wadamada Taageera Dowladda Soomaaliya aysan raali ka aheyn in laga adkaado Al-shabaab islamarkaana la soo Afjaro.

“Beesha Caalamka Raali kama ahan in la soo Afjaro Al-shabaab oo wey caddahay Sababtu waxaa ay tahay Ciidamada AMISOM iyo kuwa Soomaaliya marka la isku geeyo 50 Kun oo Askari wey ka badan yihiin Al-shabaab Afar Jiraab ayey ka yar yihiin marka Caalamka Daacad kama ahan la dagaalanka Al-shabaab”ayuu yiri Axmed Madoobe.

Sidoo kale Madaxweynaha Maamulka Jubbaland ayaa ugu baaqay Dowladda Federaalka Soomaaliya iyo Maamul Goboleedyada in ay u istaagaan sidii ay Shabaab uga saari lahaayeen Soomaaliya.

Puntland Juun 23, 2016 Wararka ka imaanaya gobolka Bari ayaa sheegaya in maanta dagaal xoogan oo u dhaxeeyay Ciidamada maamulka Puntland iyo ciidamo beeleed daacad u ah Gudoomiyihii hore ee gobolka Bari uu ka dhacay deegaan hoostaga Degmada Carmo.

Dagaalka ayaa la sheegay in ay qaadeen ciidamo katirsan Maamulka Puntland oo ku hubeesnaa gaadiidka dagaalka oo aad u badan , kuwaa oo weerar ku qaaday fariisimo ay lahaayeen ciidamada uu hogaaminayo Cabdi Samad Maxamed Galan .

Sida aan Wararka ku heleyno dagaalka ayaa hada joogsaday waxaana goobihii lagu dagaalamay dib uga laabtay ciidamadii Puntland ee iyagu weerarka qaaday, walina lama oga qasaaraha dhimasho iyo midka dhaawac ee ka dhashay dagaalka maanta dhacay.

Guddoomiyihii hore ee Gobolka Bari Cabdi Samad Maxamed Galan, oo la hadlay Idaacad kutaala magaalada Muqdisho ayaa sheegay in ay iska difaaceen weerar uga yimid ciidamo uu hogaamiyo Cabdiweli Gaas, waxa uuna tilmaamay in dagaalka ku jabiyeen ciidamadii soo weeraray qasaarana ay gaarsiiyeen.

Xiisad dagaal ayaa wali laga dareemayaa degmada Carmo iyo deegaano kale, waxaana laga cabsi qabaa in mar kale ay dagaalamaan Ciidamada maamulka Puntland iyo ciidamada kale ee mucaardsan maamulka Cabdiweli Gaas.

Maamulka Puntland ayaana wali ka hadlin dagaalka maanta ka dhacay deegaan hoostaga Degmada Carmo , waxaana adag in la helo warar labada dhinac ka madax banaan oo ku aadan dagaalka maanta ka dhacay deegaan hoostaga Degmada Carmo.

Puntland Juun 23, 2016 Wasiirka Wasaarada Warfaafinta maamulka Puntland Maxamuud Xasan Soocade oo u waramaayay mid kamid ah Idaacadaha ka howlgala deegaanada Puntland ayaa digniin kasoo saaray Idaacadaha wareysta Siyaasiyiinta hubeysan ee mucaaradka ah.

Soocade, ayaa sheegay in wasaaradiisu aysan aqbali doonin in Idaacadaha maxaliga ah ay arrimaha kacsan kala hadlaan misna ka wareystaan shakhsiyaadka hubeysan ee ku taamaya inay carqaladeeyan amniga iyo xasiloonida ka jirta deegaanada Puntland.

Soocade waxa uu Idaacadaha faray inay wareystaan Siyaasiyiinta mucaaradka ah ee aan hubeysneen waxa uuna cod dheer ku sheegay in kuwaasi laga qaadan karo wixii dhaliil ama taageero Siyaasadeed ah.

Soocade ayaa sheegay in qof hubaysan ay khalad tahay waraysigiisu, waxaana intaas uu raaciyay in warbaahintii lagu helo sharciga la marsiin doono sida uu hadalka u dhigay Wasiirka Soocade oo u waramaayay Idaacada Daljir oo ka howlgasho deegaanada maamulka Puntland.

Amarka Wasiir Soocade ayaa u muuqanaaya mid lagu cadaadinaayo warbaahinta ka howlgasha deegaanada Puntland, waxaana maamulkaasi uu kaalinta koowaad Afartii sano ee lasoo dhaafay ka galay cadaadinta Saxaafada, marka loo eego maamulada kale.

Geesta kale, Puntland ayaa waxaa kusoo badanaaya Siyaasiyiinta hubeysan ee kasoo horjeeda maamulka iminka talada Puntland gacanta ku hayo.

Pentagon Juun 23, 2016 Wasaarada Difaaca Mareykanka ayaa ka warbixisay hawlgalo ciidamada khaaska ee Mareykanku ka fuliyeen gudaha Somalia.

Qoraal kasoo baxay wasaarada difaaca Mareykanka ayaa lagu sheegay in ciidanka Mareykanka oo taageeraya dowlada Somalia,ciidanka SNA iyo ciidanka AMISOM ay bishii May fuliyeen afar hawlgal oo lagu difaacayay Mareykanka,SNA iyo AMISOM loogana hortagayay khatarta ka imaanaysa ALshabaab.

Wasaaradu waxay sheegtay in ciidanka Mareykanku 13-kii May, 3 Alshabaab ah ku dileen koonfurta Somalia,waxay sidoo kale wasaaradu xustay in sadax hawlgal oo kale isla bishaas ciidamadu fuliyeen.

Ujeedada hawlgaladan ayaa lagu sheegay inay tahay sidii gacanta dowlada loogu soo celin lahaa goobaha shabaabku gacanta ku hayaan iyo in la kala dhantaalo  qorshaynta weerarada Alshabaab ee ka dhanka ah dowlada Somali iyo ciidamada AMISOM.

Ugu danbayn, waxaa qoraalka lagu xusay in dowlada Mareykanka ka go’antahay taageerida ciidamada Somalia iyo kuwa AMISOM dagaalka  ay kula jiraan Alshabaab iyo inay kala shaqeyso sidii loo xasilin lahaa gobolka.

Muqdisho Juun 23, 2016 Golaha Wasiirada ee Xukuumada Federaalka Soomaaliya ayaa maanta yeeshay kulankoodii joogtada ahaa, waxaana kulankan shir guddoominayay Wasiirka Caddaaladda Mudane C/laahi Axmed Jaamac “Ilka-Jiir, iyadoo kulankan qodobada looga hadlay ay ka mid ahaayeen, Amniga guud ee dalka.

Wasiirka Amniga Gudaha Mudane Cabdirisaaq Cumar Maxamed, ayaa Golaha uga warbixiyay Amniga guud ee dalka, isagoo xusay in todobaadkii la soo dhaafay xaaladda guud ee dalka ay daganayd isla markaana ay yaraayeen falalka ay nabaddiidku geysanayaan, wuxuna sheegay Wasiirku in la qaaday tallaabooyin looga hortagayo falalka argagixisada.

Muqdisho Juun 23, 2016 Ciidamada dowladda Soomaaliya ayaa Qarax khasaare geystay waxaa lagula eegtay xaafada Waxar-cade ee degmada Hiliwaa.

Qaraxa ayaa la sheegay in uu ahaa Mid lagu aasay fariisin ciidamada dowladda ay ku lahaayeen xaafada Waxar-cade.

Inta la ogyahay qaraxa ayaa waxaa ku dhintay Askari ka tirsan ciidamada dowladda halka 2 qof oo shacab ahna uu dhaawac ka soo gaaray.

Gudoomiye ku xigeenka dhanka amniga degmada Hiliwaa Abshir Maxamed Maxamuud  ayaa sheegay in Hal Askari oo ciidanka dowladda ka tirsan uu ku dhintay Qaraxa khasaare kalena uusan soo gaarin ciidanka.

Waxa uu sheegay in ciidamada amaanka ay soo gaareen goobta sidoo kalena ay wadaan howlgallo lagu xaqiijinayo amniga sidoo kalena lagu baadi goobayo kooxihii Qaraxan ka dambeeyay.

Maalmihii dambe magaalada Muqdisho waxaa ka dhacayay dilal iyo Qaraxyo kuwaas oo lala beegsanayay xubnaha dowladda iyo dad shacab ah.

Baydhabo Juun 23, 2016 Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud iyo madaxda xubnaha ka ah Madasha Hoggaamiyeyaasha Dowladda Federaalka iyo Dowlad Goboleedyada ayaa maanta kulan ku yeeshay magaalada Baydhabo oo maalintii labaad uu shirka madasha ka socdo.

Qodobada shirka looga hadley ayaa waxaa ka mid ah hannaanka doorashada 2016, guddiyada doorashada, maalgelinta iyo saadka doorashada, qoondada 30% ee haweenka ay ka helayaan goleyaasha qaranka, amniga iyo waxyaabaha kale ee lagama maarmaanka u ah qabsoomidda doorashada.

Madaxweyne Xasan Sheekh Maxamuud oo shir guddoominayay kulanka ayaa sheegay in wax walba ay si habsami ah u socdaan, isla markaana ay madaxda si adag uga hadlayaan wax kasta oo fududeyn kara doorashadan taariikhiga ah ee dalka ka dhacaysa bisha August.

“Doorashadan muhiim ayay u tahay dhismaha Soomaaliyada cusub ee dimoqaadiga ah.Sidaa darteed waxa alagama maarmaan ah inaan wax walba oo fiican u hurno. Sidaa daraadeed guddiyada doorashada ee heer gobol iyo heer federal, waxaan isku raacney in siyaasiyiinta laga reebo, hawlahaasina loo daayo guddiyo farsamo si aan u kasbano kalsoonida shacabka, una abuurno xaalad horseedi karta doorashooyin xalaal iyo xor ah oo dalka ka dhaca. Waxaa dhammaanteen naga go’an in doorashada ay qabsoonto waqtiga loogu talagaley’’, ayuu yiri Madaxweynaha.

Waxaa sidoo kale uu Madaxweynaha xusay in xoogga la saari doono sidii haweenka ay u heli lahaayeen qoondada 30% ee lagu heshiiyey in laga siiyo goleyaasha qaranka, isagoo haweenka ku booriyay inay ka shaqeeyaan inaanay farahooda ka bixin 14% kuraasta ay haatan ku leeyihiin Baarlamaanka, 16% ee ka dhimanna ay u ololeeyaan sidii ay ku heli lahaayeen.

Waxaa sidoo kale kulankaasi lagu lafaguray fududeynta maalgelinta iyo saadka doorashada iyo diyaarinta qorshe hufan oo dhinaca amniga ah.

Danjire Michael Keating, Wakiilka Gaarka ah ee Qaramada Midoobay ugu qaabilsan arrimaha Soomaaliya, oo ku hadlayey magaca wakiilada beesha caalamka ayaa sheegay inay soo dhoweynayaan horumarka ay sameeyeen hoggaamiyeyaasha siyaasadda, isagoo ku dhiirigeliyey inay ka dhabeeyaan riyada shacabka Soomaaliyeed ee ah in doorashooyin ay dalka ka dhacaan.
Waxaa uu Mr Keating intaa ku daray in beesha caalamka ay si buuxda u taakuleyn doonto hawlaha doorashada, ayna diyaar u yihiin inay Soomaalida arrimahaas kala shaqeeyaan.

Kulankaasi kadib ayaa Madaxweynaha Jamhuuriyadda Federaalka Soomaaliya, madaxda madasha iyo wakiillada beesha caalamka waxay kulan la yeesheen guddiga u qaabilsan qoondada haweenka ee matalaadda goleyaasha qaranka oo ay iska soo qaadeen xaqiijinta kuraasta ay haweenka helayaan doorashada dhaceysa sannadkan 2016-ka.

Madaxda kulamadan ka qeybgashey ayaa waxaa ka mid ah Guddoomiyha Baarlamaanka Federaalka, Mudane Maxamed Cusmaan Jawaari, Ra’iisul Wasaare Cumar Cabdirashiid Sharma’arke, Ra’iisul Wasaare Ku-Xigeenka, Mudane Maxamed Cumar Carte, madaxda dowlad goboleedyada, halka dhanka wakiilada beesha caalamka ay ka joogeen wakiilka Mareykanka ee arrimaha Soomaaliya, Donald Yamamoto, wakiillada Midowga Afrika, Talyaaniga, Sweden, Kenya, Ethiopia, Uganda, Britain iyo kuwo kale.

B1-768x512 B2-768x512 B3-768x512 (1) B4-768x512 B5-768x512 B6-768x512 B7-768x512 B8-768x512 B9-768x512 B10-768x512

Su'aasha Maanta: Madaxweyne Damu-Jadiid Mudane Xassan Shiikh, 4 sanno iyo 6daadii qodob ee been-abuurka ahaa soo dhammaatay marka Ummadda Soomaaliyeed kuma rabto khaa'inul-waddan aan Illaahy aqoon oo la shaqaysta khaa'inul waddan kale baad tahay ee xaggee bay ku dembaysay dacwadii badda Soomaaliya? Nasiub-darro waxaan soo daabacaynaa waraaqihii aad laaluushka ka qaadatay in aad u saxiixdo wax sharci-darro ah.

Maamul Gobaleedka Somaliland iyo Maamulgo baleedka Khaatumo oo dagaal ku dhexmarey deeganka Widhwidh iyo Khasaaro ka dhashay

Degmada Widhwidh ee gobalka Sool ayaa laga soo sheegayaa in dagaal xoogan uu ku dhexmaray ciidanka Soomaaliland iyo kuwa maamulka Khaatumo. Dagaalkaan ayaa waxaa ka dhashay khasaaro badan sida ay ku waramayaan dadka deegaanka oo la hadlay warbaahinata.

Ninka Sheegta Wasiirka amniga khaatumo Kayse Cabdi Yuusuf oo ku sugan Jiidaha Hore, ayaa ka warbixiyey dagaalka oo ka bilowday bartamaha magaalada widhwidh.

Wuxuu kale oo sheegay in Ciidamada khaatumo ay Khasaare kala duwan soo gaarsiiyeen Soomaaliland, wuxuu sheegay in ciidamada khaatumo dhanka bari ee Balliga magaalada ay kaga dileen ciidamo ilaa 3 askari halka dhaawac gaadhaya ilaa 6 ay qaaten maamulka Somaliland.

Soomaaliland ayaa dhankeeda wali wax war ah ka soo saarin dagaalkaan xoogan ee ka dhacay gobalka Sool.

Kuuriya Waqooyi Juun 22, 2016 Wararka ayaa sheegaya in gantaaladaasi oo loo maleynayo in ay yihiin kuwa riddada dheer ay tijaabintooda kala dambeysay muddo labo saacadood ah.

Kuuriya Koonfurta ayaa kal hore sheegtay in tijaabada gantaalkii ugu horreeyay lagu fashilmay.

Ra’iisalwasaaraha Japan, Shinzo Abe, ayaa cambaareeyay tijaabada gantaaladaasi ee woqooyiga, tallaabadaasi oo uu ku tilmaamay mid aan loo dul qaadan karin.

Xayiraado caalami ah oo saarnaa xukuumadda Pyongyang ayaa kal hore sanadkan la sii adkeeyay kaddib markii ay tijaabisay hubkeeda niyuukleerka iyo gantaalada riddada dheer.

JOWHAR Juun 22, 2016 Shirkii Hiiraan iyo Shabeelaha Dhexe oo la isku hysto in Muqdisho loo soo wareejiyo iyo in jowhar lagu dhameeyo

Cabdiqaadir Cabdulle Maxamed ( Burfuulo ) Guddoomiyaha Jowhar oo Shir Jara’id ku qabtay Magaaladaasi Jowhar ayaa ku dhawaaqay in shirka maamul u sameynta labada Gobol Gogoshiisa loo wareejiyay Muqdisho.

Guddoomiyaha ayaa sheegay in dowladda Federaalka ay ku soo war geliyeen in shirka loo wareejinyo Magaalada Muqdisho.

Arrintaan ayaa ka dambeysay sida Guddoomiyaha Jowhar uu xaqiijiyay kadib markii Odayaasha ay socodsiin kari waayeen Shirkaasi sida uu hadalka u dhigay.

Hase ahaatee Masuuliyiin kale oo ka tirsan maamulka Gobolka Shabeelaha Dhexe ayaa arrintaas ku sheegay mid waxbo kama jiraan ah.

Shabeelle Dhexee Juun 22, 2016 Askarigii Dilay Taliyaha Nabad Sugida Gobolka Shabeelaha Dhexe oo Lasoo Qabtay

Wararka ka imaanaya Gobolka Shabeelaha Dhexe ayaa ku waramaya in Ciidamada amaanka dowlada Soomaliya ay gacanta kusoo dhigeen askarigii ka dambeeyay dilka Taliyihii Hay’ada Nabad sugida iyo sirdoonka qaranka Gobolkaas C/wali Ibraahin Nuur. Howlgal ay sameeyeen Ciidamada amaanka Gobolka Shabeelaha Dhexe ayaa la sheegay in ay ugu suurta gashay soo qabashada askariga ka dambeeyey Dilka Taliyihii Nabad sugida Gobolkaas islamarkaana ahaa ilaalada gaarka ee Taliyaha.

Dhanka kale Mas’uuliyiin ka Tirsan Maamulka Gobolka Shabeelaha Dhexe ee Dowlada Soomaliya aynu la hadalnay ayaa inoo xaqiijiyay in gacanta lagu soo dhigay askariga islamarkaana ay u gudbin doonaan Maxkamada Ciidamada qalabka sida.

Baydhabo Juun 22, 2016 Waxaa si wayn loo adkeeyay ammaanka guud ee Magaalada Baydhabo, xilli maanta lagu wado in uu ka furmo Shirka Madasha Wadatashiga Qaran, oo ay ku leeyihiin Madaxda Somalida.

Shirkan, ayaa waxaa uu qayb ka yahay shirar kala duwan oo Madaxda Dowladda Somaliya iyo kuwa Maamul Goboleedyada, ay ku yeesheen Magaalooyinka Kismaayo, Muqdisho iyo Garoowe, si ay mowqif mideysan uga qaataan doorashooyinka sanadkan ka qabsoomaya dalka.

Ciidamada Booliska, Nabad Suggida iyo Militariga Somaliya, ayaa waxaa saakay lagu arkayaa wadooyinka muhiimka ah ee ku yaala Bartamaha Magaalada Baydhabo.

Suxufiyiinta, ayaa soo sheegaya in hakad la geliyay isu socodkii dadka iyo gaadiidka, inkastoo dadka loo ogol yahay in ay adeegsadaan meelaha ka baxsan halka uu shirku ka qabsoomayo.

Ciidanka Nabad Ilaalinta Midowga Afrika, ayaa Ciidamada Somalida ka caawinaya xaqiijinta amniga guud ee Xarunta Gobolka Baay.

Madaxda Dowladda Somaliya iyo Maamul Goboleedyada, ayaa saacadaha soo socda la fillaya in ay gaaraan Baydhabo, haddii aanu waxba iska bedelin sida uu qorshuhu yahay.

Talaadadii shalay, ayay ahayd markii uu Magaaladaasi dib ugu laabtay Madaxweynaha Maamulka Koonfur Galbeed, Shariif Xasan Sheekh Aadan.
Khaatumo State Juun 22, 2016 Waxaa goordhaaweyd jiida hore degmada widhwidh shir jaraa id ku qabtay wasiirka amniga dawlada khaatumo kayse cabdi yuusuf.. https://www.youtube.com/watch?v=5xuvXwEgA8g

Pretoria Juun 22, 2016 Degaano ku yaalla duleedka Magaalada Pretoria ee dalka Koonfur Afrika ayaa waxa ka socday maanta illaa caawa rabshado iyo boob xoogan oo loo geystay goobo ganacsi oo ay leeyihiin Soomaali iyo ajaaniib kale oo ka shaqeysta wadankaas.

Wararka ayaa sheegaya in boobkan uu bilowday markii banaanbax cabasho ah ay dhigeen dad shacab ah kaasoo markii dambe isu rogay rabshado sababay in la boobo dukaamo fara badan oo ay lahaayeen ganacsato ka soo kala jeeda Soomaali iyo dalal kale.

Goob-jooge lagu magacabo C/llaahi Nuur Xasan ayaa sheegay degaanada Atvell & Shashankuva ay yihiin meelaha ugu daran ee boobku ka socday illaa caawa.

Qaar ka mid ah ganacsatadii laheyd dukaamada la boobay ayaa la garaacay, halka kuwo kalena ay lafahooda la baxsadeen markii ay arkeen boqolaal shacab ah oo ku soo jabay dukaamadooda.

Ciidamo ka tirsan Booliska dalka Koonfur Afrika oo goobta soo gaaray ayaa halkii lag filayey iney ka hortagaan dadka rabshadaha sameynayey waxay ka qeyb qaateen boobka halkaas ka socday, waxaana la arkayey askar dareyska Booliska xiran oo gacanta ku wata waxyaabo ay ka soo qaateen dukaamada la boobay.

Lama oga illaa hadda khasaaraha nafeed ee ka dhashay Rabshadahan u dambeeyey oo qeyb ka ah dilal, boob iyo rabshado ka dhan ah ganacsatada ajaaniibta ah oo sanadahan dambe ka jiray wadanka Koonfur Afrika.

Shabeelle Dhexe Juun 21, 2016 Wararka Caawa naga soo gaaraya Gobolka Shabeelaha Dhexe ayaa ku waramaya in degmada Jowhar goordhaweyd lagu dilay Taliyihii Nabad sugida Gobolkaas.

Taliyaha la dilay ayaa magacabiisa lagu sheegay C/wali ibraahim Maxamed waxayna koox hubeysan ay ku dileen Degmada Jowhar ee Gobolka Shabeelaha Dhexe xiligii salaada cishaha.

Wararka ayaa sheegaya in taliyaha uu diley mid ka mid ah Ciidamada Nabadsugida iyadoo aan la sheegin sababta dhabta ah ee loo diley taliyaha Nabad sugida Gobolka Shabeelaha Dhexe.

Sidoo kale warar qaar ayaa sheegaya in Taliyaha uu dilay askar horey ugu soo goostay al-shabaab oo isaga ilaalo u ahaa.

Maamulka Gobolka Shabeelaha Dhexe aynu la xiriirnay ayaa ka gaabsaday in ay arintaan ka hadlaaan.

Su'aasha Maanta: Maxay Ururka Damu-Jadiid ee Taladda Dalka Xoogga Xeeladaysan ku qabsaday iyo Xisbiyadda Dalka Ka jira ay isku-maandhaafsan yihiin? Xisbiyadda Soomaaliya oo si weyn u diiday sharci-darrada uu ururka Damu-Jadiid ay ku magacaabeen Guddigga Doorashooyinka kaasoo ka kooban 22 qof oo aan shacabka iyo xisbiyadda dalka ka jira laga la tashan

https://www.youtube.com/watch?v=HP8We6BtHEU

Muqdisho Juun 20, 2016 Madaxweynaha Dowlada Federaalka Soomaaliya Xasan Sheekh Maxamuud ayaa sheegay in Dowlada Soomaaliya ay dhiira gelinayaan ganacsiga gaarka loo leeyahay.

Madaxweynaha ayaa sheegay in ay muhiim tahay in ganacsatada Soomaaliya ay qeyb ka yihiin hormarinta dhaqaalaha dalka.

Madaxweynaha ayaa tilmaamay in gacansatada ay yihiin kuwa u diyaarsan hormarinta dhaqaalaha Dalka isla markaana Dowlada Soomaaliya ay dhiira gelineyso.

Madaxweynaha ayaa sheegay in Siyaasada Dowlada Federaalka Soomaaliya ay qeyb ka tahay hormarinta iyo dhiira gelinta ganacsiyada gaarka loo leeyahay.

Madaxweynaha Dowlada Federaalka Soomaaliya Xasan Sheekh Maxamuud ayaa hadalkaani ka sheegay ka dib markii uu Xariga ka jaray Terminaal Cusub oo loo sameeyay Dekeda Muqdisho.

Muqdisho Juun 20, 2016 Madaxweynaha Soomaaliya Xasan Sheekh Maxamuud ayaa maanta xarigga ka jarey Dhisme cusub (terminal) oo loo sameeyey Dekedda Caalamiga ee magaalada Muqdisho, kaas oo loogu talagaley fududeynta adeegga dekedda.

Terminalkan cusub oo ah nooca loo yaqaan “Dry Port” oo ku yaalla meel ka yara baxsan dekedda ayaa loo adeegsan doonaa in la dhigo dhammaan konteenarada laga soo dejiyo Dekedda Muqdisho, halkaasina lagu marsiin doono nidaamka dejinta ee isugu jirta baarista, sugidda iyo canshuuraha badeecadaha kala duwan.

Waxaa dhismaha cusub uu culeyska ka qaadi doona Dekedda Muqdisho, iyadoo la filayo in sidoo kale ay fududaan doonto muddada dejinta badeecadaha, Madaxweyne Xasan Sheekh Maxamuud ayaa u mahad celiyay shirkaddamaalgelisay hirgelinta mashruucan muhiimka ah.

Muqdisho Juun 20, 2016 Ciidamada Booliska Soomaaliyeed ayaa gacant ku soo dhigay saddex nin oo laba ka mid ah la sheegay inay ka tirsan yihiin Ciidanka Militariga ee Xooga dalka Soomaaliyeed, ka dib markii lagu eedeeyay inay dhac gaysanayeen dadkii ay difaaci la haayeen.

Afhayeenka Maamulka Gobolka Banaadir C/fitaax Cumar Xalane ayaa waxaa uu sharaxaad ka bixiyay qaabka lagu soo qabtay eedeysanayaasha.

“Saddexdan nin aad u jeedaan laba ka mid ah waxay ka tirsn yihiin Ciidanka Xoogga Dalka, midka kalana wuxuu darawal ka ahaa mooto bajaaj.” Ayuu yiri Afhayeenka Maamulka Gobolka Banaadir.

“Ciidamada Booliska ee ka hawlgala Degmada Hawlwadaag ayaa soo qabtay ragani iyagoo moobilo ku dhacaya Degmada Hawlwadaag, waxayna markii hore isku dayeen inay cararaan, iyagoona u cararay dhanka Degmada Xamar Weyne, halkaas ayaana laga soo qabtay.” Ayuu yiri Afhayeenka.

Baydhabo Juun 20, 2016 Wararka naga soo gaaraya magaalada Baydhabo ayaa sheegaya in halkaasi uu kulan aan caadi aheyn ku dhexmaray Madaxweynaha maamulka Koonfur Galbeed Shariif Xassan Sheekh Aadan iyo Guddoomiyaha BFS Maxamed Sheekh Cusmaan Jawaari.

Labada mas’uul ayaa si gaar ah uga wada hadlay arrimaha la xiriira soo xulista Xildhibaanada cusub ee ka imaan doona dhanka Koonfur Galbeed, waxaana lasoo sheegayaa in Shariif Xassan uu si cad u sheegay in Xildhibaanada imaan doona uusan kala tashan doonin shaqsi kale islamarkaana waxba ka khuseyn musharaxnimada Xassan Sheekh.

Shariif Xassan waxa uu Jawaari u sheegay in Xildhibaanada uu kusoo xuli doono maslaxada Koonfur Galbeed, waxa uuna iska fogeeyay in Siyaasada maamulkiisa uu ku raali galiyo Xassan Sheekh.

Jawaari ayaa isku dayay in Shariif Xassan uu ku qanciyo in la taageero Madaxweyne Xassan oo kamid ah Musharaxiinta u taagan xilka Qaran, hayeeshee waxaa arrintaasi ka biya diiday Shariif.

Ujeedka ugu weyn booqashada Jawaari ee magaalada Baydho ayaa ah in waxbadan uu ka ogaado xildhibaanada cusub ee ka imaan doona dhanka Koonfur Galbeed, ka sokow howlaha shirka madasha ee ka furmi doona magaalada Baydhabo.

Asbuucyadii ugu danbeeyay ayaa waxaa khilaaf kala geeyay Madaxweyne Xassan Sheekh iyo Shariif Xassan kaasi oo ka dhashay arrimaha doorashada dalka.

Geesta kale, Shariif Xassan qudhiisa ayaan wali Xassan Sheekh u cadeyn mowqifkiisa ku aadan taageeridiisa ama ka gaabintiisa.

Baydhabo Juun 20, 2016 Shalay waxaa magaalada Baydhabo ee gobolka Baay gaaray guddoomiyaha baarlamaanka Federaalka Soomaaliya Maxamed Sheekh Cismaan Jawaari iyo xildhibaanno reer Baay iyo Bakool ah.

Xog ay heshay Warkii.Com waxay sheegaysaa in halkaasi uu ka soconayo qorshe aan caadi ahayn islamarkaan ay wadaan Shariif Xasan iyo Jawaari, waana muhiimadda halkaasi u tagay Guddoomiyaha.

Jawaari ayaa doonaya in mowqif mideysan ay yeeshaan shacabka ku dhaqan Koonfur Galbeed, islamarkaana musharraxa guddoomiyaha baarlamaanka soo socda uu noqdo isaga oo kaliya.

Xogtu waxay sheegaysaa in Jawaari oo afka kasoo cubi doono dhammaan siyaasiyiinta kale ee laga yaabo inay noqdaan musharraxa guddoomiyaha baarlamaanka soo aadan.

Shariif Xasan ayaa arrintaasi kaalin aad iyo aad u weyn ka qaadan doono, waxaana la doonayaa in qorshaha cusub uu noqdo mid dhaqan gala oo u taabo gala sidii loogu talo galay.

Findland Juun 20, 2016 Kulan ay yeesheen golaha wasiirada dowladda Finland ayaa lagu sheegay in dowladda Finland ay soo afjari doono howlgalka la dagaalanka Burcad badeeda ee ka socda gudaha dalka Soomaaliya.

Dowladda Finland ayaa sheegay in guud ahaanba finland ay jooji doono howlgalka la dagaalanka burcad badeeda ee ka socda Soomaaliya,islamarkaana ay diyaar u tahay in howlgalkaas loo wareejiyo meelo kale madam ay yaraatay khatartii kooxaha burcad badeeda ee ay ku hayeen xeebaha Soomaaliya.

Dowladda Finland ayaa qeyb ka aheyd howlgalka la dagaalanka Burcad badeeda ee Atlaanta waxaana muddo sanado ah ku sugnaa xeebaha Soomaaliya ciidamo ka socda dowladda Finland.

Dowladda Finland ma shaacin sababta rasmiga  ah ee ay uga baxayso howlgalka Atlaanta ee la dagaalanka Burcadbadeeda.

Howlgalka la dagaalanta Burcad badeed ayaa dowladda Finland waxay kusoo biirtay sanadkii 2008 ka dib markii ay afduubteen kooxaha burcad badeeda maraakiib laga leeyahay dalka Finland iyo sidoo kale muwaadiniin u dhashay dalkaasi.

 Dhusamareeb Juun 20, 2016 Maamulka Ahlusunna Waljamaaca uu xabsiga ka siidaayay ilaa 20 Askari oo ka mid ahaa Ciidamadii Sargaalka lagu Magacaabo Liibaan Madaxweyne ee Ahlusunna Dagaalka kula galay Magaalada Dhuusamareeb.

Labadankaan Askari ee Ahlusunna ay Xabsiga ka fasaxday ayaa horay waxaa Ahlusunna ugu riday Xukuno kala duwan oo u badnaa ilaa Afar Sano.

Talaabada lagu siidaayay ayaa la sheegay in ay ka qeyb qaateen Odayaal Degaanka ah oo Damaanad ku siidaayay,iyadoo Ahlusnna ay Aqbashay.

Wararka ayaa intaa ku daraya in Maxaabiista ay ku jiraan kuwo Xaaladdooda Caafimaaf ay aad u liidato islamarkaana Xabsiga intii ay ku jireen ku Cuuryaamay.

Ahlusunna ayaa Dagaal kula gashay Magaalada Dhuusamareeb sargaal horay uga soo goostay Dowladda Federaalka oo iyaga ka mid noqday,balse markii dambe ka soo horjeestay.

Hargaysa Juun 20, 2016 Maamulka Soomaaliland ayaa magaalada Hargeysa ku qabtay saddex qof oo looga shakisan yahay inay katirsan Alshabab.

Ciidamada sida gaarka u tababaran ee loo yaqaano RRU ee uu maalgeliyo Ingiriiska ayaa hogaaminayay howgal lagusoo qabtay saddexdaan qof, waxayna saraakiishooda ka gaabsadeen inay saxaafada warbixin ka siiyaan.

Qabashada raggaan ayaa ka dambeysay kadib markii sirdoonka Soomaaliland macluumaad lagu siiyay in saddexdaan qof oo looga shakisan yahay Alshabab ay dhuumasho ku joogeen mid kamid xaafadaha Hargeysa.

Ciidamada ayaa la sheeegay inay la wareegeen qasnado hubka fudud ah oo laga helay deegaanka lagu qabtay saddexda nin.

Soomaaliland ayaa ammaankeeda si weyn u adkaysay kadib markii ciidankeeda la dagaalanka argigixisada ay sheegeen inay fashiliyeen iskuday argigixiso oo lala maleegayay Hargeysa.

Muqdisho Juun 20, 2016 Wasiirka Wasaaradda Ganacsiga Dowladda Soomaaliya C/Rashiid Max’ed Axmed ayaa sheegay in Wasaaradda Ganacsiga ay qaadeyso tallaabooyin lagu hubinayo tayada Badeecaha ay Dalka keenaan Ganacsatada Soomaaliyeed.

Wasiirka Ganacsiga Xukuumadda Soomaaliya ayaa ka hadlayay munaasibad xarigga looga jarayay Terminaal cusub oo loo sameeyay Dekadda Magaalada Muqdisho.

Wasiirka ayaa sheegay in badeecadaha laga dhooifiyo Dalka iyo kuwa loo soo dhoofiyaba ay ku wareejiyeen hubintooda Sharikad lagu Xarun ku leh gudaha Dekadda Muqdisho taas oo uu sheegay in ay la socon doonto Badeecadaha imanaya iyo kuwa ka baxaya Dalka Soomaaliya.

Dowladda Soomaaliya ayaa dhawaan ku qabatay Muqdisho Raashin dhacay oo ay lahayd Barnaamijka Cunnada Adduunka ee Qaramada Midoobey WFP,kaas oo loo waday Gobolka Gedo ee Soomaaliya.

Muqdisho Juun 20, 2016 Ciidamada ammaanka, ayaa Axadii Magaalada Muqdisho ku xiray saddex nin, oo laba ka midda ay ka tirsan yihiin Ciidanka Militariga Somaliya, ka dib markii lagu eedeeyay inay dhac gaysteen.

Afhayeenka Maamulka Gobolka Banaadir, C/fitaax Cumar Xalane, ayaa waxaa uu sharaxaad ka bixiyay qaabka lagu soo qabtay eedeysanayaasha.

Dadka qaarkii, ayaa cudurdaar u yeela falalka dhaca ee ay gaysanayan Ciidamada Dowladda, sababo ku aadan askarta oo aan si joogto ah loo siin lacagaha mushaarka.

Waxyaabaha layaabka leh aad la kulmeyso waxaa laga xusi karaa, askari inta badan waqtigiisa ku qaata wadooyinka, si uu u suggo nabadgelyada, misena ay carruurtiisu baahan tahay.

Dowladda Madaxweyne Xasan Sheekh Maxamuud waxaa lagu eedeeyaa inaanay ku wanaagsanayn bixinta mushaaraadka ay xaqa u leeyihiin Ciidamada Qalabka Sida.

Ceelbuur Juun 20, 2016 Ciidamadii ugu badnaa oo Itoobiyaan ah ayaa saakay ka dhaqaaqay Degmada Ceel-buur ee Bariga Gobolka Galgaduud kuwaas oo wata Dabaabaad kala duwan.

Ciidanka ayaa la sheegay in ay u dhaqaaqeen Degmada Xarardheere oo mudo aad u dheer ay gacanta ku hayaan Kooxda  Al-shabaab.

Inksatoo Saraakiisha Itoobiyaanka ah aysan shaacin Dhaqdhaqaaqa Ciidan iyo Ciidamada faraha badan ee ka baxay Ceel-buur ayaa Saraakiil ka DF  waxaa ay sheegeen in Ciidanku ay u jahaysteen dhanka Degmada Xarardheere .

Sidoo kale Ciidamada Itoobiyaanka ah ayaa waxaa weheliya Ciidan tiro yar oo ka mid ah kuwa Xoogga dalka Soomaaliya oo u raacay Dal Aqoon sida naloo Xaqiijiyay.

Wararka ayaa intaa ku daraya in Ciidanka Itoobiyaanka ah ee ka baxay Ceel-buur ay wataan Diyaaradaha Qumaatiga u kac oo qeyb ka ah Howlgalka.


June 2016

 

WARARKA MAANTA Juun 20 2016

Su'aasha Maanta: Maxay Ururka Damu-Jadiid ee Taladda Dalka Xoogga Xeeladaysan ku qabsaday iyo Xisbiyadda Dalka Ka jira ay isku-maandhaafsan yihiin? Xisbiyadda Soomaaliya oo si weyn u diiday sharci-darrada uu ururka Damu-Jadiid ay ku magacaabeen Guddigga Doorashooyinka kaasoo ka kooban 22 qof oo aan shacabka iyo xisbiyadda dalka ka jira laga la tashan

https://www.youtube.com/watch?v=HP8We6BtHEU

Muqdisho Juun 20, 2016 Madaxweynaha Dowlada Federaalka Soomaaliya Xasan Sheekh Maxamuud ayaa sheegay in Dowlada Soomaaliya ay dhiira gelinayaan ganacsiga gaarka loo leeyahay.

Madaxweynaha ayaa sheegay in ay muhiim tahay in ganacsatada Soomaaliya ay qeyb ka yihiin hormarinta dhaqaalaha dalka.

Madaxweynaha ayaa tilmaamay in gacansatada ay yihiin kuwa u diyaarsan hormarinta dhaqaalaha Dalka isla markaana Dowlada Soomaaliya ay dhiira gelineyso.

Madaxweynaha ayaa sheegay in Siyaasada Dowlada Federaalka Soomaaliya ay qeyb ka tahay hormarinta iyo dhiira gelinta ganacsiyada gaarka loo leeyahay.

Madaxweynaha Dowlada Federaalka Soomaaliya Xasan Sheekh Maxamuud ayaa hadalkaani ka sheegay ka dib markii uu Xariga ka jaray Terminaal Cusub oo loo sameeyay Dekeda Muqdisho.

Muqdisho Juun 20, 2016 Madaxweynaha Soomaaliya Xasan Sheekh Maxamuud ayaa maanta xarigga ka jarey Dhisme cusub (terminal) oo loo sameeyey Dekedda Caalamiga ee magaalada Muqdisho, kaas oo loogu talagaley fududeynta adeegga dekedda.

Terminalkan cusub oo ah nooca loo yaqaan “Dry Port” oo ku yaalla meel ka yara baxsan dekedda ayaa loo adeegsan doonaa in la dhigo dhammaan konteenarada laga soo dejiyo Dekedda Muqdisho, halkaasina lagu marsiin doono nidaamka dejinta ee isugu jirta baarista, sugidda iyo canshuuraha badeecadaha kala duwan.

Waxaa dhismaha cusub uu culeyska ka qaadi doona Dekedda Muqdisho, iyadoo la filayo in sidoo kale ay fududaan doonto muddada dejinta badeecadaha, Madaxweyne Xasan Sheekh Maxamuud ayaa u mahad celiyay shirkaddamaalgelisay hirgelinta mashruucan muhiimka ah.

Muqdisho Juun 20, 2016 Ciidamada Booliska Soomaaliyeed ayaa gacant ku soo dhigay saddex nin oo laba ka mid ah la sheegay inay ka tirsan yihiin Ciidanka Militariga ee Xooga dalka Soomaaliyeed, ka dib markii lagu eedeeyay inay dhac gaysanayeen dadkii ay difaaci la haayeen.

Afhayeenka Maamulka Gobolka Banaadir C/fitaax Cumar Xalane ayaa waxaa uu sharaxaad ka bixiyay qaabka lagu soo qabtay eedeysanayaasha.

“Saddexdan nin aad u jeedaan laba ka mid ah waxay ka tirsn yihiin Ciidanka Xoogga Dalka, midka kalana wuxuu darawal ka ahaa mooto bajaaj.” Ayuu yiri Afhayeenka Maamulka Gobolka Banaadir.

“Ciidamada Booliska ee ka hawlgala Degmada Hawlwadaag ayaa soo qabtay ragani iyagoo moobilo ku dhacaya Degmada Hawlwadaag, waxayna markii hore isku dayeen inay cararaan, iyagoona u cararay dhanka Degmada Xamar Weyne, halkaas ayaana laga soo qabtay.” Ayuu yiri Afhayeenka.

Baydhabo Juun 20, 2016 Wararka naga soo gaaraya magaalada Baydhabo ayaa sheegaya in halkaasi uu kulan aan caadi aheyn ku dhexmaray Madaxweynaha maamulka Koonfur Galbeed Shariif Xassan Sheekh Aadan iyo Guddoomiyaha BFS Maxamed Sheekh Cusmaan Jawaari.

Labada mas’uul ayaa si gaar ah uga wada hadlay arrimaha la xiriira soo xulista Xildhibaanada cusub ee ka imaan doona dhanka Koonfur Galbeed, waxaana lasoo sheegayaa in Shariif Xassan uu si cad u sheegay in Xildhibaanada imaan doona uusan kala tashan doonin shaqsi kale islamarkaana waxba ka khuseyn musharaxnimada Xassan Sheekh.

Shariif Xassan waxa uu Jawaari u sheegay in Xildhibaanada uu kusoo xuli doono maslaxada Koonfur Galbeed, waxa uuna iska fogeeyay in Siyaasada maamulkiisa uu ku raali galiyo Xassan Sheekh.

Jawaari ayaa isku dayay in Shariif Xassan uu ku qanciyo in la taageero Madaxweyne Xassan oo kamid ah Musharaxiinta u taagan xilka Qaran, hayeeshee waxaa arrintaasi ka biya diiday Shariif.

Ujeedka ugu weyn booqashada Jawaari ee magaalada Baydho ayaa ah in waxbadan uu ka ogaado xildhibaanada cusub ee ka imaan doona dhanka Koonfur Galbeed, ka sokow howlaha shirka madasha ee ka furmi doona magaalada Baydhabo.

Asbuucyadii ugu danbeeyay ayaa waxaa khilaaf kala geeyay Madaxweyne Xassan Sheekh iyo Shariif Xassan kaasi oo ka dhashay arrimaha doorashada dalka.

Geesta kale, Shariif Xassan qudhiisa ayaan wali Xassan Sheekh u cadeyn mowqifkiisa ku aadan taageeridiisa ama ka gaabintiisa.

Baydhabo Juun 20, 2016 Shalay waxaa magaalada Baydhabo ee gobolka Baay gaaray guddoomiyaha baarlamaanka Federaalka Soomaaliya Maxamed Sheekh Cismaan Jawaari iyo xildhibaanno reer Baay iyo Bakool ah.

Xog ay heshay Warkii.Com waxay sheegaysaa in halkaasi uu ka soconayo qorshe aan caadi ahayn islamarkaan ay wadaan Shariif Xasan iyo Jawaari, waana muhiimadda halkaasi u tagay Guddoomiyaha.

Jawaari ayaa doonaya in mowqif mideysan ay yeeshaan shacabka ku dhaqan Koonfur Galbeed, islamarkaana musharraxa guddoomiyaha baarlamaanka soo socda uu noqdo isaga oo kaliya.

Xogtu waxay sheegaysaa in Jawaari oo afka kasoo cubi doono dhammaan siyaasiyiinta kale ee laga yaabo inay noqdaan musharraxa guddoomiyaha baarlamaanka soo aadan.

Shariif Xasan ayaa arrintaasi kaalin aad iyo aad u weyn ka qaadan doono, waxaana la doonayaa in qorshaha cusub uu noqdo mid dhaqan gala oo u taabo gala sidii loogu talo galay.

Findland Juun 20, 2016 Kulan ay yeesheen golaha wasiirada dowladda Finland ayaa lagu sheegay in dowladda Finland ay soo afjari doono howlgalka la dagaalanka Burcad badeeda ee ka socda gudaha dalka Soomaaliya.

Dowladda Finland ayaa sheegay in guud ahaanba finland ay jooji doono howlgalka la dagaalanka burcad badeeda ee ka socda Soomaaliya,islamarkaana ay diyaar u tahay in howlgalkaas loo wareejiyo meelo kale madam ay yaraatay khatartii kooxaha burcad badeeda ee ay ku hayeen xeebaha Soomaaliya.

Dowladda Finland ayaa qeyb ka aheyd howlgalka la dagaalanka Burcad badeeda ee Atlaanta waxaana muddo sanado ah ku sugnaa xeebaha Soomaaliya ciidamo ka socda dowladda Finland.

Dowladda Finland ma shaacin sababta rasmiga  ah ee ay uga baxayso howlgalka Atlaanta ee la dagaalanka Burcadbadeeda.

Howlgalka la dagaalanta Burcad badeed ayaa dowladda Finland waxay kusoo biirtay sanadkii 2008 ka dib markii ay afduubteen kooxaha burcad badeeda maraakiib laga leeyahay dalka Finland iyo sidoo kale muwaadiniin u dhashay dalkaasi.

 Dhusamareeb Juun 20, 2016 Maamulka Ahlusunna Waljamaaca uu xabsiga ka siidaayay ilaa 20 Askari oo ka mid ahaa Ciidamadii Sargaalka lagu Magacaabo Liibaan Madaxweyne ee Ahlusunna Dagaalka kula galay Magaalada Dhuusamareeb.

Labadankaan Askari ee Ahlusunna ay Xabsiga ka fasaxday ayaa horay waxaa Ahlusunna ugu riday Xukuno kala duwan oo u badnaa ilaa Afar Sano.

Talaabada lagu siidaayay ayaa la sheegay in ay ka qeyb qaateen Odayaal Degaanka ah oo Damaanad ku siidaayay,iyadoo Ahlusnna ay Aqbashay.

Wararka ayaa intaa ku daraya in Maxaabiista ay ku jiraan kuwo Xaaladdooda Caafimaaf ay aad u liidato islamarkaana Xabsiga intii ay ku jireen ku Cuuryaamay.

Ahlusunna ayaa Dagaal kula gashay Magaalada Dhuusamareeb sargaal horay uga soo goostay Dowladda Federaalka oo iyaga ka mid noqday,balse markii dambe ka soo horjeestay.

Hargaysa Juun 20, 2016 Maamulka Soomaaliland ayaa magaalada Hargeysa ku qabtay saddex qof oo looga shakisan yahay inay katirsan Alshabab.

Ciidamada sida gaarka u tababaran ee loo yaqaano RRU ee uu maalgeliyo Ingiriiska ayaa hogaaminayay howgal lagusoo qabtay saddexdaan qof, waxayna saraakiishooda ka gaabsadeen inay saxaafada warbixin ka siiyaan.

Qabashada raggaan ayaa ka dambeysay kadib markii sirdoonka Soomaaliland macluumaad lagu siiyay in saddexdaan qof oo looga shakisan yahay Alshabab ay dhuumasho ku joogeen mid kamid xaafadaha Hargeysa.

Ciidamada ayaa la sheeegay inay la wareegeen qasnado hubka fudud ah oo laga helay deegaanka lagu qabtay saddexda nin.

Soomaaliland ayaa ammaankeeda si weyn u adkaysay kadib markii ciidankeeda la dagaalanka argigixisada ay sheegeen inay fashiliyeen iskuday argigixiso oo lala maleegayay Hargeysa.

Muqdisho Juun 20, 2016 Wasiirka Wasaaradda Ganacsiga Dowladda Soomaaliya C/Rashiid Max’ed Axmed ayaa sheegay in Wasaaradda Ganacsiga ay qaadeyso tallaabooyin lagu hubinayo tayada Badeecaha ay Dalka keenaan Ganacsatada Soomaaliyeed.

Wasiirka Ganacsiga Xukuumadda Soomaaliya ayaa ka hadlayay munaasibad xarigga looga jarayay Terminaal cusub oo loo sameeyay Dekadda Magaalada Muqdisho.

Wasiirka ayaa sheegay in badeecadaha laga dhooifiyo Dalka iyo kuwa loo soo dhoofiyaba ay ku wareejiyeen hubintooda Sharikad lagu Xarun ku leh gudaha Dekadda Muqdisho taas oo uu sheegay in ay la socon doonto Badeecadaha imanaya iyo kuwa ka baxaya Dalka Soomaaliya.

Dowladda Soomaaliya ayaa dhawaan ku qabatay Muqdisho Raashin dhacay oo ay lahayd Barnaamijka Cunnada Adduunka ee Qaramada Midoobey WFP,kaas oo loo waday Gobolka Gedo ee Soomaaliya.

Muqdisho Juun 20, 2016 Ciidamada ammaanka, ayaa Axadii Magaalada Muqdisho ku xiray saddex nin, oo laba ka midda ay ka tirsan yihiin Ciidanka Militariga Somaliya, ka dib markii lagu eedeeyay inay dhac gaysteen.

Afhayeenka Maamulka Gobolka Banaadir, C/fitaax Cumar Xalane, ayaa waxaa uu sharaxaad ka bixiyay qaabka lagu soo qabtay eedeysanayaasha.

Dadka qaarkii, ayaa cudurdaar u yeela falalka dhaca ee ay gaysanayan Ciidamada Dowladda, sababo ku aadan askarta oo aan si joogto ah loo siin lacagaha mushaarka.

Waxyaabaha layaabka leh aad la kulmeyso waxaa laga xusi karaa, askari inta badan waqtigiisa ku qaata wadooyinka, si uu u suggo nabadgelyada, misena ay carruurtiisu baahan tahay.

Dowladda Madaxweyne Xasan Sheekh Maxamuud waxaa lagu eedeeyaa inaanay ku wanaagsanayn bixinta mushaaraadka ay xaqa u leeyihiin Ciidamada Qalabka Sida.

Ceelbuur Juun 20, 2016 Ciidamadii ugu badnaa oo Itoobiyaan ah ayaa saakay ka dhaqaaqay Degmada Ceel-buur ee Bariga Gobolka Galgaduud kuwaas oo wata Dabaabaad kala duwan.

Ciidanka ayaa la sheegay in ay u dhaqaaqeen Degmada Xarardheere oo mudo aad u dheer ay gacanta ku hayaan Kooxda  Al-shabaab.

Inksatoo Saraakiisha Itoobiyaanka ah aysan shaacin Dhaqdhaqaaqa Ciidan iyo Ciidamada faraha badan ee ka baxay Ceel-buur ayaa Saraakiil ka DF  waxaa ay sheegeen in Ciidanku ay u jahaysteen dhanka Degmada Xarardheere .

Sidoo kale Ciidamada Itoobiyaanka ah ayaa waxaa weheliya Ciidan tiro yar oo ka mid ah kuwa Xoogga dalka Soomaaliya oo u raacay Dal Aqoon sida naloo Xaqiijiyay.

Wararka ayaa intaa ku daraya in Ciidanka Itoobiyaanka ah ee ka baxay Ceel-buur ay wataan Diyaaradaha Qumaatiga u kac oo qeyb ka ah Howlgalka.

Su'aasha Maanta: Waa imiso qof/ruux Ururka Damu-Jadiiid ee uu hoggaamiyo Madaxweyne Mudane Xassan Shiikh oo fashil muddo 4 sanno ku dhammaysan rabo? Meeqo lacag iyo hanti ah ayey ka dhaceen Ummadda soomaaliyeed? Yaa siiya lacag Damu-Jadiid ay waddanka ku maamusho? Waa sidee xiriir ka dhexeeya ururka Damu-Jadiid Iyo Ururka Al-Islaax?

Muqdisho Juun 19, 2016 Ra’isul wasaaraha Xukuumada Somalia Cumar C/rashiid Cali Sharmaarke ayaa ka hadlay heerka uu iminka maraayo u diyaar garoowga doorashada Somalia ee dhawaan la filaayo.

Sharmaarke waxa uu sheegay in 85% ay soo gunaanadeen howlaha doorashada marka laga reebo liiska Odayaasha oo ubaahan in shirka Baydhabo lagu dhameystiro.

Sharmaarke waxa uu tilmaamay in inta badan dadku ay dhaliilsan yihiin Dowlada, balse aysan la socon howlaha ay gacanta kula jirto dowlada.

Waxa uu cod dheer ku sheegay in wax waliba oo qasan ay kala fududaan doonaan marka lasoo afjaro shirka la filaayo inuu ka furmi doono magaalada Baydhabo.

Howlaha u harsan ayuu sheegay inay yihiin kaliya kuwo farakutirisa ah oo lagu soo dhameyn karo muddo asbuucyo ah, halka inta soo hartayna ay yihiin kuwo isku soo dhamaaday.

Sharmaarke waxa uu sheegay in marka arinta Odayaasha meel la saaro la guda geli doono arrimaha dhanka farsamada, loojistikada iyo Amniga ee ku xiran qabsoomida doorashada.

Waxa uu meesha ka saaray inay dhici karto dib u dhac ku imaada doorashada.

Haddalka Ra’isul wasaare Cumar ayaa imaanaya xili inta badan dalka laga hadal hayo in doorashada aysan qabsoomi doonin wakhtigeeda.

Muqdisho Juun 19, 2016 Waxaa xalay magaalada Muqdisho ka da’ay Roobab xooggan oo sababay in wadooyinka waaweyn iyo kuwa xaafadaha ah qaarkood ay xirmaan.

Roobabkii da’ay xalay ayaa dhinaca kale waxa nolol adag wajahaya dadka  Nolosha hoose  ku jira  ee ku nool xeryaha barakacayaasha ee ku yaala duleedka magaalada Muqdisho, kuwaasi oo qaati ka taagan Biyaha Roobka iyo qaboobaha uu wato Roobka, maadaama ay ku jiraan Cowshado.

Xerada badbaado ee ay ku jiraan Barkacayaasha kuna taala dagmada dharkenley ayaa ka mid ah meelaha uu roobku saameeyay, waxayna Barakacaayaashu dalbanayaan Gurmad deg deg ah.

Washington DC Juun 19, 2016 10 Xubnood oo ka mid ah Xubnaha Kongareeska Dalka Mareykanka ayaa Warqad furan u qoray Xoghayaha arrimaha dibadda Mareykanka John kerry,waxaana ay ka codsadeen in uu gacan ka geysto in aan la xirin Xerada Dhadhaab ee Waqooyi Bari Kenya.

Xubnahan oo ka kooban Labada Xisbi ee Jamhuuriga iyo Dimuqraadiga ayaa waxaa ay warqad furan u direen Xoghaye Kerry.

Xubnahan ayaa ku dooday in Dalka Mareykanka uu marti gelinayo Kumanaan Qaxooti Soomaali ah,kuwaas oo ay sheegeen in ay xaq u leeyihiin  in ay Nabad ku noolaadaan halkii ay tagan sida uu Mareykanka u soo dhaweeyayna laga doonayo in ay Kenya u marti geliso.

Gobolka Minnesota, ee Dalka Mareykanka kaliya waxaa ku nool 125,000 oo Soomaali ah,waxaa kale oo ay si la mid ah ugu noolyihiin Gobollada kale ee Mareykanka.

Madaxweynaha Kenya ayaa ku dhawaaqay  in Bisha November ay xiri doonaan Xerada Dhadhaab inkasta oo Dowladda Soomaaliya ay arrintaasi kaga jawaabtay in aysan jirin Qaxooti qasab lagu celinayo.

Muqdisho Juun 19, 2016 Rag hubeysan oo saakay degmada Dharkinley ku dilay qof shacab ahaaa xili uu kasoo baxay Masaajid ku yaala degmadaas oo lagu magacaabo Cusmaan Binu Cafaan oo ku yaala xaafadda Mac-Macaanka.

Laba nin oo bistoolado ku hubeysnaa, ayaa waxay ninkaasi ku weerareen afafka hore ee Masaajidka, wax yar uun kadib markii uu dibadda uga soo baxay Masaajidkaasi Cusmaan Binu Cafaan.

Kooxda dilka ka dambeysay ayaa goobta ka baxsatay waxaa durbadiiba goobta soo gaaray Ciidamo ka Tirsan kuwa Dowlada Soomaliya oo goobta ka sameeyay baaritaano lagu baadi-goobayay ragii ka dambeeyay dilka ninka.

Arbacadii, ayay ahayd markii xaafadda Salaam ee isla Degmada Dharkiinley ee Gobolka Banaadir lagu dilay Gudoomiye Ku Xigeenkii hore ee dhinaca ammaanka ee Maamulka Degmadaasi, intaan la dilin kahorna ahaa Madaxa Kormeerka degmooyinka C/laahi Ibraahim Liibaan (Isbiimo).

 Gudoomiyihii Hore ee Gobolka Banaadir ahaana duqa Magaalada Muqdisho Maxamuud Axmed Nuur (Tarsan) ayaa Madaxda Dowlada Soomaliya ku eedeeyay in ay ku fashilmeen dhisida Maamulka Hiiraan iyo Shabeelaha Dhexe.

Siyaasiga Maxamuud Axmed Nuur (Tarsan) oo ka hadlay kulan ay isugu yimaadeen isbahaysiga Xisbiyada Soomaliyeed ayaa ku tilmaamay qaar kamid ah Madaxda Dowlada Soomaliya kuwa aan dooneenin In la dhiso Maamulka Hiiraan iyo Shabeelaha Dhexe.

“Madaxda Dowlada waxa ay doonayaan in umada Soomaliyeed la kala qeybiyo anaga waxaan doonaynaa in aan isku keeno, Dowlada Soomaliya way ku fashilmatay dhismaha maamul u sameynta Hiiraan iyo Shabeelaha waa wax laga xumaado in Madaxda dowlada Soomaliya ay dhahaan waxaan ku wareejinay dhismaha shirka Hiiraan iyo Shabeelaha Dhexe Urur Goboleedka IGAD” ayuu yiri Siyaasiga Maxamuud Axmed Nuur (Tarsan).

Wasaaradda Arrimaha Gudaha Xukuumada Federaalka Soomaliya ayaa marar badan ku celcelisay in meel wanaagsan ay marayaan arrimaha Shirka Maamul u sameynta Hiiraan iyo Shabeelaha Dhexe.

Bhaatumo Juun 19, 2016 Madaxweyne ku xigeenka dawlada khaatumo mudane Cabdul Cagalule ayaa maanta si weyn loogu soo dhaweeyay magaalada buuhoodle ee xarunta gobolka cayn iyadoo soo dhawaynta madaxweyne kuxigeenka ay ka qeyb qaateen golayaasha xukumada khaatumo,

Sida golaha wasiirada golaha baarlamanka golaha deegaanka degmada buuhoodle iyo qeybaha kala duwan ee bulshada gobolka cayn.

Madaxweyne kuxigeenka khaatumo oo ka soo kictimay magaalada boocame ee gobolka sool oo bilihii u dambeeyay ay ku sugnaayeen ayaa socdaalkiisa ku wehelinaya qaar kamid ah golaha wasiiro ka tirsan khaatumo waxaana maalintii shalay si weyn loogu soo dhaweeyay magaalada Dandan ee gobolka cayn

Baydhabo Juun 19, 2016 Waxaa muddo kooban dib loo dhigay shirkii madasha wada tashiga Qaran ee 20-ka bishan lagu balansanaa inuu ka furmo magaalada Baydhabo ee gobolka Bay sida uu sheegay gudoomiyaha Baarlamanka Somalia oo maanta gaaray isla magaalada Baydhabo.

Gudoomiye Jawaari oo shir jaraaid ku qabtay xarunta madaxtooyada maamulka koonfur galbeed ee magaalada Baydhabo ayaa xusay in arrimo farsamo awgood aanu shirkaas u qabsoomi Karin xiligii loogu talo galay.

“Dib u dhac ku yimid shirka maahan mid weyn, waxay aheyd inuu furmo laguna balansanaa 20-ka bisha, waxaana dib loo dhigay shan cisho, isagoo furmi doona 25-ka isla bishan” ayuu yiri gudoomiye Jawaari.

Waxaa uu intaa ku daray inuu u yimid magaalada Baydhabo sidii uu ugu kuurgeli lahaa diyaar garowga loogu jiro shirkaas wuxuuna xusay inuu sidoo kale kulamo la qaadan doono waxgaradka iyo qeybaha bulshada magaalada Baydhabo.

Shirka madasha wada tashiga qaran oo ay ku kulmaan madaxda dowlada iyo maamul goboleedyada dalka ayaa waxaa looga hadlaa arrimo ku saabsan doorashooyinka la filayo iney dabayaqaada sanadkan ka dhacaan Somalia.

Muqdisho Juun 19, 2016 Ciidamada Booliska, Nabadsugidda iyo AMISOM oo wada socda ayaa howlgal xalay ka sammeeyay Xaafadda Suuqa Xoolaha ee degmada Heliwaa, halkaas oo lagu soo qabqabtay illaa Shan Dhanllinyaro ah oo lala xiriiriyay in ay ka tirsany0ihiin Maleeshiyaadka Al-shabaab.

Howlgalkaasi waxaa intii uu socday Xaafadda Suuqa Xoolaha kormeer ku tagay Taliyaha K.M.G ee Hay’adda NISA Janaraal C.laahi Gaafoow Maxamuud iyo Wasiirka Wasaaradda Amniga Gudaha Mudane C.rasaaq Cumar, iyagoo Lacag dhiirri galin u qeybiyay Ciidamada Ammaanka ee howlgalka ka qeybqaadanayay.

Puntland Juun 19, 2016 Maamulka Puntland ayaa kasoo horjeestay guddigii saxaafada ee ay dhawaan meelmariyeen golaha wasiirada dowladda Soomaaliya.,

Wasiirka Wasaarada warfaahinta maamulka Puntland Maxamuud Xasan Soocade ayaa sheegay in maamulka Puntland ay kasoo horjeedaan go’aanka ay qaateen golaha wasiirada.

Wasiirka Soocade ayaa sidoo kale sheegay in puntland ay xubin leedahay guddigaas laakiin aysan ahayn shaqsidii puntland ay usoo dirtay in loo magacaabo.

Dhawaan golaha Wasiirada dowladda Soomaaliya ayaa meelmariyey guddiga Saxaafada qaranka oo uu u soo gudbiyey wasiirka warfaafinta dowladda Soomaaliya Maxamed Cabdi Xayir

Hargaysa Juun 19, 2016 Wararka ka imaanaya Soomaaliland ayaa sheegaya in Xalay  Nin Hubeysan uu Weerar ku qaaday Guriga Wasiirka Arrimaha Gudaha Maamulka Soomaaliland  Maxamed Cali Warancadde.

Weerarka ayaa ka dhacay Guriga Wasiirka oo ku yaalla Magaalada Hargeysa ee Caasimadda Soomaaliland.

Goobjoogeyaal ku sugan Hargeysa ayaa noo sheegay in Ninka Hubeysan iyo Ilaalada wasiirka uu dagaal ku dhexmaray Beer Wasiirku uu leeyahay oo lagu xanaaneeyo Libaaxyada oo ku taalla Magaalada Hargeysa.

Iska hor imaadka dhexmaray Ciidanka Ilaalada u ah Wasiirka Arrimaha Gudaha Soomaaliland iyo Ninka Hubeysan ayaan la ogeyn inta uu le eg yahay,iyadoo Ninkii Hubeysnaa uu Goobta ka baxsaday,

Warar soo baxaya ayaa sheegaya in Ninka Weerarka ku soo qaaday Wasiirka ay isku hayb yihiin Lamana Oga Ujeedka uu u soo Weeraray.

WARARKA MAANTA Juun 18 2016

Muqdisho Juun 18, 2016 Ka dib markii golahaa wasiirada heer federal ee dalka Soomaaliya ay meel mariyeen15/06/2016-ka gudi loogu magacdaray gudiga saxaafadda Soomaaliya, isla markaana aan wax wada tashi iyo ogeysiin ah aan laga siin ururka saxafiyiinta qaranka soomaaliyeed ee NUSOJ, waxaa ay golaha sare iyo fullinta ururka Nusoj yeesheen kulamo iyo xidhiidho ay ku falanqeeyeen saameynta gudigan uu ku yeelan karo howsha saxaafadda madaxa banaan ee soomaaliyeed iyo ujeedooyinka aan faahfaahsanayn ee loo maray meelmarintiisa, waxaa ay si wada jir ah golayaasha ururku isugu raaceen Qodobadan hoos ku qoran.

1.Ururka Nusoj oo u taagan difaaca xuquuqda saxaadda qaranka Soomaaliyeed wuxuu ka digayaa talaabo kasta iyo qorshe walba oo dawli ah ama madax banaan oo ka hor imaanaya midnimada, Xuquuqda iyo madaxbanaanida guud ee saxaafadda Soomaaliyeed.

2.Ururka NUSOJ wuxuu gabi ahaan qaadacayaa ama uu diidayaa qaab dhismeedka iyo meelmarinta gudigan loogu yeeray magac Saxaafadeed, wuxuuna ku tilmaamayaa shirqool ka dhan ah doorka saxaafadda Madaxa banaan ee arimaha qaranka.

3.Ururka Nusoj wuxuu codsanayaa in la ixtiraamo codka saxaafadda Soomaaliyeed lagana fiirsado sharciyaynta gudi lagu dulminayo howlaha iyo xuquuqda Saxaafadda Madax- banaan.

Gudigan saxaafadeed waa mid ku xusan Somali Media Law ama Sharciga saxaafadda Soomaaliya oo uu saxiixay madaxweynaha Soomaaliya lakiin wali uu ururka Nusoj doonayo in talo bixin iyo wax ka bedel lagu sameeyo, hadaba Nusoj oo xambaarsan fikirka midaysan ee saxaafadda Soomaaliyeed waxaa ay cadeynaysaa in la hareer maray codkii saxaafadda ay ku lahayd dhismaha gudigaas iyo la socodkiisa.

The Question of the Today: Mr. President Hassan Sheikh, after 4 years of endless political derailment and swindling funds on behalf of Somalia then you decided to appoint your own personal Somali Electoral Commission which most are your Damu-Jadid Camp Members who have done nothing but to fire two previous Innocement Somali Prime Ministers & appointing 3rd Prime Minister whom you control him like a baby. 99.7% of Somalis wants President H.E. Hassan Sheikh Mohamud to step down and Somalia in peace because what he could not do in his 4 years term can not do it even in 4 more years of more political derailment and swindling funds as well as selling public assets without knowledge of Somali Parliament and the entire Cabinet.

Muqdisho Juun 18, 2016 Haddal heynta ugu baan magaalada Muqdisho iyo Gobolada dalka ayaa saacadihii ugu danbeeyay noqotay qaab dhismeedka Guddiga Doorasahada ee 2016-ka oo ay ku dhawaaqday Dowlada Somalia.

Guddiga Doorasahada ee lagu dhawaaqay oo laga doonaayo inay u sinaadan dhamaan dhinacyada u tartami doona Baarlamaanka iyo Madaxweynaha, ayaa waxaa hadana jirta cabsi laga qabo inay u bataan dhinacyada iyaga soo xushay ee u tartami doona Baarlamaanka iyo Madaxweyninimada dalka.

Inta badan dadka ku dhaqan Magaalada Muqdisho iyo Gobolada dalka, Siyaasiyiinta iyo qeybaha kala duwan ayaa qaba in gudigaasi aan lagu soo xulin cadaalad, daacadnimo, waayo aragnimo iyo aqoon.

Qaar koow waxa a9y qabaan in Gudigaasi uu soo xushay Madaxweynaha dalka islamarkaana meel kusoo hubsaday si ay ugu sahlaan dhammaan Sifooyinka uu kusoo laaban lahaa, halka qaarna ay qabaan in Gudiga uu yahay mid lagu soo dhisay Heshiis hoos iska taabat ah oo u dhexeeya Xassan Sheekh iyo Hogaamiyayaasha maamulada dalka.

Shakiga ugu weyn ayaa ah sida Gudigaasi ay dhexdhexaadka uga noqon lahaayen doorashada, waxa ayna cabsida ka taagan tahay inay u hiiliyaan Xassan Sheekh oo isaga ah mas’uulka soo xushay.

Sidoo kale, waxaa shaki laga muujinayaa in Gudigaasi ka kooban 22-ka xubnood ay aqbalaan Beesha Caalamka oo iyagu dareen gaar ah ka qaba Siyaasada uu dheelaayo Xassan Sheekh.

Lama saadaalin karo sida uu xaalku noqon doono, walow laga dhowr sugaayo go’aanka kasoo bixi doona Beesha Caalamka oo noqon doona laba arrin midkood oo kala ah ogolaansho ama diidmo.

Muqdisho Juun 18, 2016 Bayaan kasoo baxay ururka Alshabaab ayaa lagu xaqiijiyay in duqeyn dhanka cirka ah lagu dilay Sheikh Maxamed Maxamuud Dulyadeyn oo Alshabaab u qaabilsanaa weerarada ka dhaca waqooyi bari dalka Kenya, kana mid ahaa saraakiisha sar sare ee Alshabaab.

Qoraalka kasoo baxay Alshabaab oo luqada carabiga ku qornaa ayaa waxaa cinwaan looga dhigay tacsi ku socoto ummada islaam loogana tacsiyeynayo Sheikh Maxamed Maxamuud Cali Dulyadeyn.

Bayaanka Alshabaab ayaa lagu sheegay in bishii Shacbaan la dilay Dulyadeyn, islamarkaana uu helay waxii muddo 20 sano uu raadinayay, sida bayaanka lagu sheegay.

Al-shabaab waxay bayaankooda ku xaqiijiyeen in dagaalada Soomaaliya aysan joogsan doonin, haddii la dilo hogaamiye ama xubin iyaga kamid ah, ayna sii wadi doonaan fikradooda dagaalka.

Weerarka lagu dilay Dulyadeyn ayaa dhacay 31 May sanadkaan 2016 waxaana lagu dilay deegaanka Buulo gaduud oo qiyaastii 30 km u jira magaalada Kismaayo ee gobolka Jubbada Hoose.

Bayaan uu 9-kii bishan soo saaray Taliska Ciidamada Mareykanka ee Afrika, fadhigiisuna uu yahay Magaalada Stuttgart ee dalka Jarmalka, ayaa lagu sheegay in hawlgalka lagu dilay Dulyadeyn uu horkacaayay cutub ka tirsan Militariga Somaliya.

Nairobi Juun 18, 2016 Dowlada Kenya ayaa ku dhawaaqday in Kenya iyo Qaramada Midoobay isla garteen in  Kenya laga taageero dib u celinta qaxootiga Soomaaliyeed ee ku sugan xeryaha Dhadhaab ee dalka Kenya.

Dowlada kenya ayaa shaacisay in Qaramada Midoobay ay la wadaageen dhibaatada ka heysata Qaxootiga badan ee ku jira Xeryaha Dhadhaab, islamarkaana qaramada Midoobay ay aqbashay sidii loo celin lahaa qaxootiga Soomaaliyeed.

Aamina Xaaji Maxamed Wasiirka arimaha dibada dowlada Kenya ayaa sheegtay in qaramada midoobay ay si cad ugu sheegtay iney ka taageereyso sidii loo celin lahaa qaxootiga Soomaaliyeed ee ku sugan Dhadhaab, kadib markii ay ka dhaadhiciyeen fikirkooda, kadib kulan dhex maray madaxweynaha Kenya iyo xoghayaha Qaramada Midoobay.

Kenya ayaa horey u sheegtay in bisha November ee sanadkaan iney xireyso xeryaha Dhadhaab ee dalka Kenya, waxaana arintaasi kasoo horjeestay dad badan.

Hayada UNHCR ee Qaramada Midoobay u qaabilsan qaxootiga ayaa horey kaga soo horjeestay go’aanka Kenya, balse haatan lama oga siday wax isku badaleen.

Garoowe Juun 18, 2016 inta badan Siyaasiyiinta Soomaaliyeed ayaa aad u dhaliilsan qaabka ay DFS u diyaarineyso doorashada la filaayo in dhawaan ay ka dhacdo dalka.

Siyaasiyiinta qaar ayaa qaba in doorashada aysan ka marnaan doonin cadaala darri iyo in la musuqo codadka la filaayo in lagu shubo sanduuqa cod bixinta.

Cali Xaaji Warsame oo kasoo jeeda deegaanada Puntland horayna xil uga soo qabtay Xukuumadii Madaxweyne Gaas ee Puntland, ayaa shaki ka muujiyay qaabka loo qaban doono doorashada waxa uuna is weydiyay in cadaalada lala baal-mari doono doorashada iyo in ay u dhici doonto hanaan ku saleysan cadaalada la baadi-goobaaya.

Siyaasi Cali Xaaji ayaa sheegay in Doorashada ay muhiim tahay in wakhtigeeda la qabto islamarkaana lagu saleeyo sharciga iyo cadaalada.

Siyaasiga ayaa sheegay in Madaxda DFS iyo kuwa Maamul Goboleedyada dalka looga baahan yahay in ay u istaagaan Doorashada la filayo in dalka ay ka dhacdo, waxa uuna ka digay in la baal-maro cadaalada lagu heshiiyay.

Cali Xaaji waxa uu tilmaamay inay dhici karto khaladaad balse loo baahan yahay in wakhti hore laga taxadaro waxa uuna intaa raaciyay hadalkiisa in wax waliba ay wanaagsanaan doonaan waa haddii lagu saleeyo nidaamka iyo cadaalada.

Siyaasi Cali Xaaji oo hada ku sugan magaalada Nairobi ee xarunta dalka Kenya ayaa sheegay in hadii ay suuragal tahay uu ka qeyb qaato Doorashada dalka ka dhaceysa isaga iyo siyaasiyiinta la midka ah.

Dhanka kale, Cali Xaaji ayaa ugu baaqay DFS iyo Maamulada dalka inaan dalka dib loogu celin dhowrkii sano ee burburka waxa uuna ku taliyay in laga feejignaado khilaaf iyo muran.

Muqdisho Juun 18, 2016 Xog cusub ayaa sheegeysa in qorshihii maamul u sameynta Gobollada Hiiraan iyo Shabeelaha Dhexe oo ay wadeen madaxweyne Xasan Sheekh iyo kooxdiisa u dhow ee Damjadiid uu gebi ahaan fashilmay kadin muddo 7 bilood ah oo olole ugu jireen arrintan.

Wasaaradda Arrimaha Gudaha oo ahayd tii ugu dambeysay oo ku jirtay dhismaha maamulkaasi ayaa la xaqiijiyay inay gacanta ka taagtay isla markaana ka tanaasushay sii wadida shirkaasi, iyadoo qaar kamida odayaashii ay isugu geytay Jowhar ay awoodi waayeen inay qeybsadeen ergada.

Wasiirka arrimaha gudaha C/raxmaan Odowaa, Wasiiru dowlaha Madaxtooyada iyo kooxda taageersan Xildhibaan C/qaadir Cosoble oo madaxweynaha iyo kooxdiia u wadeen inuu madax ka noqdo maamulkaasi ayaa soo afjaray rajadoodii ahayd inay dhisaan maamulkaasi.

Madaxweyne Xasan Sheekh oo hore ugu guuleystay inuu maamulka Galmudug dhiso, isagoo madax uga dhigay mid ka mida saaxiibadiisii ugu dhowaa ayaa damacsanaa in sidoo kale Maamulka gobollada Hiiraan iyo Shabeelaha Dhexe uu sidoo kale u dhaco, taasoo hadda lagu fashilmay xilli waqtiga u haray dowladiisa aad u kooban yahay.

Nairobi Juun 18, 2016 Ra’isul wasaaraha dalka Cumar C/rashiid Cali Sharmaarke oo wareysi siinaayay Wargeyska Dailynation ee dalka Kenya, ayaa Madaxweynaha dalkaasi Uhurro Kenyatta ugu baaqay inuu ka fiirsado go’aanka uu ku xiraayo Xerada dhadhaab ee dalka Kenya.

Sharmaarke ayaa Kenyatta ugu baaqay inuu ka laabto go’aanka uu albaabada isugu dhufanaayo Xerada Dhadhaab, waxa uuna sheegay in go’aankaasi uu caburinaayo Dowlada Somalia oo iminka la daala-dhaceyso u diyaar garowga doorashada 2016-ka.

Sharmaarke waxa uu Madaxweynaha Kenya Uhurro Kenyatta iyo Xukuumadiisa ugu baaqay inay qaatan go’aan geesinimo leh, islamarkaana ay muddo Seddex sano ah dib u dhigaan go’aanka ay ku xerayaan xerada.

Sharmaarke waxa uu wareysiga wargeyska The Washington Post ku sheegay iney doonayan in qaxootiga Soomaalida ay dib ugu soo laabtan dalkooda, balse ay Kenya ka doonayan in fursad loo siiyo qaxootiga ilaa iyo 2019 iney ku soo laabtan.

Waxa uu sheegay in qaxootiga aan la iska soo celin karin iyaga oo aysan wax kale jirin balse loo baahan yahay wadada lagu soo celiyo inay noqoto mid laga fiirsado oo aan degdeg ku jirin.

Ra’isul wasaare Sharmaarke waxa uu sidoo kale sheegay in DFS ay mar waliba ka go’an tahay inay lasoo baxdo Qaxootigeeda balse ay dooneyso keliya in meesha laga saaro degdegta iyo caburinta lagu hayo qaxootiga.

Sidoo kale, waxa uu sheegay in DFS ay iminka isku dayayso iney Kenya ku qanciso in muddo ku darto wakhtiga la xirayo xerooyinka Dhadhaab iyo Kakuma.

Haddalka Ra’isul wasaaraha ayaa u muuqda mid aysan DFS ku xamili karin mas’uuliyada qaxootigaasi waxa uuna ku celcelshay in dib loo dhigo muddo Seddex sanno ah.

UNSOM Juun 18, 2016 Wakiilka QM u qaabilsan Soomaaliya Amp Michael Keating oo waraysi xiiso badan siiyey Tv-ga Universal ayaa sheegay inay jiraan sadex qaybood oo waaweyn oo uu ku hawlgalo xafiiska QM ee Soomaaliya kuwaasoo kala ah geedi socodka Dawladnimadda gaar ahaana doorashooyinka sanadka qorshaysan inay ka dhacaan dalka, Xaqijinta amaanka wadanka iyadoo la taageerayo ciidanka Qaranka Soomaaliya iyo kuwa Amisom, iyo iyo Horumarinta dhaqaalaha oo ay kamid tahay ka hortaga dhibaatooyinka bini’aadanimo.

Iyadoo la waydiiyey waxyaabaha lataaban karo ee ay ka gaareen barnaamijyadooda ka socda Soomaaliya ayuu sheegay in wax badan u qabsoomeen mudadii uu xafiisku ka furaa Muqdisho, Wuxuuna intaa ku daray in QM qorshaynayso inay Soomaaliya ka taageerto isku filaansho Amaan hawlgalka AMISOM kadib.

Waraysiga Wariye C.xafiid Maxamuud Jaamac uu la yeeshay Michael Keating waxyaabaha uu kusoo qaaday waxaa kamid ah, qabyo qoraalka Dastuurka Soomaaliya, doorashadda madaxtinimadda Soomaaliya oo uu ka walaacsan yahay musharaxnimada labada masuul ee u sareeya dalka, ciidamada Ethiopia ee kusugan dalka iyo arimo kale oo dhawr ah. https://www.youtube.com/watch?v=pnCR-lsc_Yk



WARARKA MAANTA Juun 17 2016

Su'aasha Maanta: Mudane Damu-Jadid Madaxweyne Xassan Shiikh, ma Damu-Jadiid iyo in yar oo khaa'inul waddan ah ayaa si qarsoodi ah u soo xullay Guddigga Doorashooyinka 2016? Haddaba waxaanu kuugu rajaynaynaa inaysan khaa;inul waddaniinta Damu-Jadiid ku soo laaban xukunka si ay 4 sanno oo kale ay uga khasaarin Ummadda Soomaaliyeed ay dhaceen hantideeda iyo wixii caalamka ugu deeqayba!

Muqdisho Juun 17, 2016 Guddoomiye Kuxigeenka Guddiga Arrimaha Dibadda Baarlamaanka Prof Maxamed Cumar dalxa ayaa sheegay in ay ka xun yihiin Dhismaha Dowladda Kenya ay dib uga biloowday Xadka ay wadaagaan Soomaaliya iyo Kenya.

Prof Maxamed Cumar dalxa ayaa sheegay in Kenya aysan Xaq u la heyn dhismaha Darbigaasi,maadaama uu ku yaallo Xadka Labada Dal,loona baahan yahay in wada jir looga tashado haddiiba la dhisayo.

Kenya ayaa la sheegay in ay dib u biloowday Dhismaha Darbiga Muranka dhaliyay ee ay ka wado Xaduuda Labada dal,iyadoo taas ay sii dheertahay in Kenya ay Xirtay Xaduuda Labada Dal.

Soomaaliya iyo Kenya ayaa waxaa ka dhexeeya Murano kala duwan sida isku haysiga Badda iyo Muranka Dhismaha Darbiga.

London Juun 17, 2016 Marwo ka tirsaneyd Baarlamaanka Britain oo lagu magacaabi jiray Jo Cox, ayaa Khamiistii lagu dilay deegaanka laga soo doorto West Yorkshire ee Waqooyiga England.

Nin hubeysan, ayaa la sheegay in rasaas uu kaga dhuftay madaxa, iyadoo uu dhawr goorna mindi ka geliyay dhabarka.

Jo Cox oo ka tirsaneyd Xisbga Shaqaalaha, ayaa waxay kol dambe u geeriyootay dhaawacyo halis ah oo ka soo gaaray weerarka uu ninkaasi ku soo qaaday, markii goobaha caafimaadka lagu gaarsiiyay diyaarad.

Boolisku waxay xaqiijiyeen geerida Xildhibaanadda Baarlamaanka Britain ku soo biirtay sanadkii 2015-ka, waxay kaloo xaqiijiyeen inay gacanta ku hayaan dembiilaha.

Tommy Mair, ayaa waxaa loo aqoonsaday in uu yahay ninka dilay Marwada Baarlamaanka Britain ka tirsaneyd, waxaana uu hadda ku jiraa gacanta laamaha ammaanka.

Waxay haweeneydan noqonaysaa Xildhibaankii ugu horeeyay oo British ah oo la dilo, tan iyo 1990-kii. Ms Cox waxay da’deedu ahayd 41 jir, waana hooyada laba carruur ah.

Ra’iisal Wasaaraha Britain, David Cameron, ayaa cambaareeyay dilka haweeneydaasi loogu gaystay deegaanka West Yorkshire, sida uu ku soo qoray boggiisa Twitter-ka.

Baay Juun 17, 2016 Wararka ka imaanaya Degaanka Lafaale ee Gobolka Baay ayaa sheegaya in Xarakada Al-shabaab ay halkaa ka Afduubteen ilaa 15 Oday oo si weyn looga yaqaano Degaankaasi.

Odayaasha ayaan la ogeyn ilaa hadda halka ay la aadeen Al-shabaab,inkastoo la sheegay in dadka la Aduubtay ay ku jiraan caruur ayaa Dadka degaanka waxaa soo food saaray cabsi xoogan.

Degaanka Lafaale ayaa hoostaga degmada Buurhakaba ee Gobolka Baay,waxaana Al-shabaab ay dadka ugu yeereen in ay dhiibaan Xoolaha Sakwaadka ah.

Qaar ka mid ah Odayaasha halkaa ku nool ayaa sheegay in Horay loogu Hanjabay in Dil iyo xarig la iskugu dari doono hadii aysan dhiibin Xoolaha ay Shabaab ka doonayaan

Muqdisho Juun 17, 2016 Sida ay wararku sheegayaan xubno ka kooban 22 xubnood ayaa waxaa loo gudbiyay Beesha Caalamka, kuwaas oo dowladda federaalka ay sheegtay in ay yihiin Guddiga Doorashooyinka.

22-ka xubnood ayaa 10 xubnood waxa ay matalayaan Maamul Goboleedyada taas oo Labo xubnood ay ka timid Maamul Goboleedyada halka xubno kale la tilmaamay in ay yihiin Aqoonyahano.

Waxaa wararka kale ay sheegayaan in 5 kamid ah Golaha Wasiirada ee xilligan xilka haya ay ku jiraan xubnahaasi.

Magacyada Guddiga Doorashada Heer Federaal, ee uu Magacaabay Madaxweynaha Soomaaliya Xasan Shiikh Maxamuud.

1-Cabdiraxmaan Maxamed Xuseen Odowa, Wasiir DFS
2-Maxamed Jaamac Mursal, Wasiir DFS
3-Xuseen Maxamed Sheekh Xuseen, Wasiir DFS
4-Sahra Maxamed Cali Samatar, Wasiir DFS
5-Maxamed Cabdi Xayir, Wasiir DFS
6-Saalax Axmed Jaamac , Aqoonyahan
7-Maxamed Kaynaan , Aqoonyahan
8-Nafiisa Geedi Santuur, Aqoonyahan
9-Cabdiraxmaan Xaashow , Aqoonyahan
10-Barlin Cadami , Aqoonyahan
11-Cabduweli Xirsi Cabdulle , Wasiir Puntland
12-Saadiq Abshir Garaad , Aqoonyahan PL
13-Aadam Ibraahim Aw-xirsi , Wasiir Jubaland
14-Cabdicasiis Shiikh Xuseen Dayib, Aqoonyahan JL
15-Cabdiraxmaan Aadan sate , Wasiir Koonfur Galbeed
16-Maxamed Cabdi Nuur, Aqoonyahan KG
17-Xuseen Qaasim Yuusuf , Wasiir Galmudug
18-Cabdulaahi Salaad Yarow, Aqoonyahan GM
19-Axmed Maxamed Siciid, Somaliland
20-Fardowsa Maxamed Ducaale , Somaliland
21-Aamina Cabdulaahi Dheerow, Gobolka Hiiraan
22-Raaxo Maxamed Janaqow, Gobolka Sh/dhexe.

Waa 22 Xubnood, 5waa wasiiro Dowladda Federaalka ah, 5 waa Aqoonyahano, Maamul Goboleedyaduna waxa ay soo dirsadeen midkiiba 2 xubnood oo uu midi wasiir yahay. Soomaaliland waxaa loo qoray labo qof. Gobollada Hiiraan iyo Sh/dhexe , midkasta Hal xubin ayaa u qoran.
Magacaabista Guddidagan waa bilowga Hanaanka Doorashada la wada sugayo , Maamul Goboleedyada ayaa iyagana midkasta magacaabaya Guddiyo doorasho oo heer Maamul Goboleed ah kuwaasi oo ka kooban 8 xubnood , Dowladda Federaalka ayaa 3 xubnood ku yeelanaysa Guddi kasta oo heer maamul Goboleed ah.

Brussels Juun 17, 2016 Ra’iisul Wasaare Kuxigeenka Xukumadda Federaalka Soomaaliya Maxamed Cumar Carte ayaa Shir Heerkiisu sareeyo oo ka dhacay Magaalada Brussels ee Wadanka Belgium Ka qeyb galay.

Shirkaas ayaa waxaa Midawga Yurub uu Soomaaliya ugu deeqay 73 Milyan oo Taageero Dheeraad ah,taas oo lagu hormarinayo Soomaaliya.

Midawga Yurub ayaa Soomaaliya ka taageera Dhinacyo badan,waxaana Kaalmadaan ay noqoneysaa mid ay ugu talo galeen Hormarinta iyo dib u dhiska Dalkeena Soomaaliya.

Ra’iisul Wasaare Kuxigeenka Xukumadda Soomaaliya Mudane Carte oo halkaa hadal ka jeediyay ayaa sheegay in Soomaaliya ay ku jirto wadadii Dib u soo ka bashada islamarkaana Dowladdaha Taageera looga baahan yahay in ay Derdar galiyaan Kaalmada la siiyo Soomaaliya.

Brussels Juun 17, 2016 Qaar kamid ah xildhibaannadda Baarlamaanka oo madaxna ka ah guddiyadda Baarlamaanka ayaa dood siiyey Taleefishinka Somali Cable xaruntiisa Muqdisho hadabba nala dhegaysta sida ay uga hadlaan fashilka iyo dhibka ka dhexjira Dowladda Soomaaliya ee ay hoggaaminayaan Kooxda Damu-Jadiid https://www.youtube.com/watch?v=qVHJOHPLIRg

Gaalkacyo Juun 17, 2016 Taliyaha ciidamada booliska ee magaalada Gaalkacyo Cali Diini ayaa sheegay in ciidamada ay soo qab qabten dad badan oo dhibaato ku hayay bulshada halkasi ku nool.

Waxa uu sheegay in dadka la xiray ay kamid yihiin,kuwa dadka dhici jiray iyo qaar kale oo gacan ku dhiiglayaal ah.

Taliyaha ayaa intaasi ku daray dhamaan dadkasi cadaalada la hor keeni doono,si wax badan amniga loo qabto.

Cali Diini ayaa ugu baaqay shacabka ku dhaqan magaalada Gaalkacyo iney laamaha amniga gaar ahaan booliska ay la wadagan dhibaatooyinka iyo xogaha ay helan.

Muqdisho Juun 17, 2016 Sida ay wararku sheegayaan xubno ka kooban 22 xubnood ayaa waxaa loo gudbiyay Beesha Caalamka, kuwaas oo dowladda federaalka ay sheegtay in ay yihiin Guddiga Doorashooyinka.

22-ka xubnood ayaa 10 xubnood waxa ay matalayaan Maamul Goboleedyada taas oo Labo xubnood ay ka timid Maamul Goboleedyada halka xubno kale la tilmaamay in ay yihiin Aqoonyahano.

Waxaa wararka kale ay sheegayaan in 5 kamid ah Golaha Wasiirada ee xilligan xilka haya ay ku jiraan xubnahaasi.

Magacyada Guddiga Doorashada Heer Federaal, ee uu Magacaabay Madaxweynaha Soomaaliya Xasan Shiikh Maxamuud.

1-Cabdiraxmaan Maxamed Xuseen Odowa, Wasiir DFS
2-Maxamed Jaamac Mursal, Wasiir DFS
3-Xuseen Maxamed Sheekh Xuseen, Wasiir DFS
4-Sahra Maxamed Cali Samatar, Wasiir DFS
5-Maxamed Cabdi Xayir, Wasiir DFS
6-Saalax Axmed Jaamac , Aqoonyahan
7-Maxamed Kaynaan , Aqoonyahan
8-Nafiisa Geedi Santuur, Aqoonyahan
9-Cabdiraxmaan Xaashow , Aqoonyahan
10-Barlin Cadami , Aqoonyahan
11-Cabduweli Xirsi Cabdulle , Wasiir Puntland
12-Saadiq Abshir Garaad , Aqoonyahan PL
13-Aadam Ibraahim Aw-xirsi , Wasiir Jubaland
14-Cabdicasiis Shiikh Xuseen Dayib, Aqoonyahan JL
15-Cabdiraxmaan Aadan sate , Wasiir Koonfur Galbeed
16-Maxamed Cabdi Nuur, Aqoonyahan KG
17-Xuseen Qaasim Yuusuf , Wasiir Galmudug
18-Cabdulaahi Salaad Yarow, Aqoonyahan GM
19-Axmed Maxamed Siciid, Somaliland
20-Fardowsa Maxamed Ducaale , Somaliland
21-Aamina Cabdulaahi Dheerow, Gobolka Hiiraan
22-Raaxo Maxamed Janaqow, Gobolka Sh/dhexe.

Waa 22 Xubnood, 5waa wasiiro Dowladda Federaalka ah, 5 waa Aqoonyahano, Maamul Goboleedyaduna waxa ay soo dirsadeen midkiiba 2 xubnood oo uu midi wasiir yahay. Soomaaliland waxaa loo qoray labo qof. Gobollada Hiiraan iyo Sh/dhexe , midkasta Hal xubin ayaa u qoran.
Magacaabista Guddidagan waa bilowga Hanaanka Doorashada la wada sugayo , Maamul Goboleedyada ayaa iyagana midkasta magacaabaya Guddiyo doorasho oo heer Maamul Goboleed ah kuwaasi oo ka kooban 8 xubnood , Dowladda Federaalka ayaa 3 xubnood ku yeelanaysa Guddi kasta oo heer maamul Goboleed ah.



WARARKA MAANTA Juun 16, 2016

Su'aasha Maanta: Maxuu Madaxweyne Damu-Jadiid Xassan Shiikh Maxamuud u beddelay Taliyaha Hay'adda Nabadsuidda Janaraaal Cabdiraxamaat Tuuryare? Runta waxay tahay inay Ethiopia iyo Janaraal Gebra si dadban iyo si toos ahba u isticmaali waayeen Taliyaha Hay'adda Nabadsuidda Janaraaal Cabdiraxamaan Tuuryare.  Taliyaha Hay'adda Nabadsuidda Janaraaal Cabdiraxamaan Tuuryare waa nin aan aqoon amni lahayn balse waxaa las shaqeeya rag badan oo khibrad iyo aqoon ul eh hawlaha sirdoonka kuwaasoo aan dadka caadiga laga aqoon balse ka baxay jaamacaddo farabadan oo laga barto hawlaha Sirdoonka Iyo Amniga. 
Taliyaha Hay'adda Nabadsuidda Janaraaal Cabdiraxamaan Tuuryare waxuu ahaa Sarkaal fiican balse khaladaadka Damu-Jadiid iyo xasuuqa Janaraal Gebra ku hayo balse waxaan shacabka Soomaaliyeed u sheegaynaa is-beddel lagau sameeyo Taliyayaasha Ciidanka waxba kama beddelayso fashilka siyaasaddeed iyo dhaqaalaha aad Ummadda Soomaaliyeed ka xadeen.

Muqdisho, June 16, 2016-  Golaha Wasiirada ee Xukuumadda Federaalka Soomaaliya ayaa maanta yeeshay kulankoodii joogtada ahaa, waxaana kulanka shir guddoominayay Ku-simaha Ra’iisul Wasaaraha ahna Wasiirka Caddaaladda Mudane C/laahi Axmed Jaamac Ilka-Jiir. Shirka ayaa looga dooday qodobo kala duwan, iyadoo lagu meel-mariyey xubnaha Guddiga Saxaafadda Soomaaliya.

Ugu horeyn, Golaha ayaa warbixinta Amniga ka dhageystay Wasiirka Gaashaandhigga Mudane C/qaadir Sheekh Cali Diini, isagoo sharaxaad dheeraad ah ka bixiyey howlgallada ka socda dalka. Wasiirka ayaa xusay in dagaalladii ugu danbeeyey ee ka dhacay dalka ay sababeen in kooxaha nabadda diidan dhex-dooda ay kala jabeen, iyadoo dhawrkii bilood ee ugu danbeeyey waayeen xubno iyo saraakiil muhiim u ahaa kooxda.

Wasiirka Warfaafinta Mudane Maxamed Cabdi Xayir Maareeye ayaa Golaha Wasiirada u soo gudbiyey xubnaha guddiga Saxaafadda Soomaaliya, guddigan oo ka kooban 9 xubnood ayaa lagu soo xulay aqoonta ay u leeyihiin saxaafadda iyo shuruucda hagaysa. Golaha ayaa dood dheer kadib ansixiyey guddigan, waxana ay soo jeediyeen in qodobada qaar wax ka badel lagu sameeyo.

Ugu danbeyn, Wasiirka Arrimaha Gudaha iyo Federaalka Mudane C/rixmaan Odawaa ayaa warbixin ka siiyey Golaha Wasiirada halka uu marayo barnaamijka Hiigsiga 2016 iyo raashin ay leedahay Hay’adda WFP oo lagu qabtay Garoonka Diyaaradaha Muqdisho.

Washington June 16, 2016- Madaxweynaha Dalka Maraykanka

https://www.youtube.com/watch?v=CtDE5z-fnew

June 16, 2016- Ra’isul wasaaraha xukuumada Somalia Cumar C/rashiid Cali Sharmaarke ayaa ka hor imaaday dib usoo celinta Qaxootiga Soomaalida ee ku dhaqan xerada dhadhaab ee dalka Kenya.

Ra’isul wasaaraha dalka oo wareysi siinaayay Wargeyska Washinton-Post ee ka soo baxa Dalka Mareykanka, ayaa sheegay in dib usoo celinta qaxootigaasi ay musiibo hor leh u noqon karto Somalia, waxa uuna cadeeyay in suuragal ay tahay inay ku biiraan Al-shabaab.

Sharmaarke waxa uu tilmaamay in soo celinta Qaxootiga aysan dan amni ugu jirin labada dal waxuuna sheegay in Qaxootiga la soo celinayo ay ku jiraan dhalinyaro badan kuwaasi oo hadii lasoo celsho si toos ugu biiri karo Al-shabaab.

Waxa uu sheegay inay jiraan dhalinyaro farabadan oo si gaar u xiiseenaya inay ku biiraan Kooxaha xagjirka ah sidaa aawgeed uu shaqsi ahaantiisa ka digaayo in Qaxootigaasi lagu soo celsho Somalia.

Sharmaarke waxa uu cadeeyay in dhibaato baaxad leh laga dhexli karo din usoo celinta Qaxootigaasi, waxa uuna carab dhabay in qaarkood ay caro ugu biiri karaan Al-shabaab.

Madaxweynaha Somalia Xassan Sheekh Maxamuud ayaa taageeray dib usoo celinta Qaxootiga waxa ayna tani muujineysaa in Madaxda ugu sareysa dalka ay ku kala aragti duwan yihiin.

Hadalka Sharmaarke ayaa yimid xili Dowladda Kenya ayaa cambaareyn xoogan la kulantay kadib markii ay ku dhawaaqday in dhawaan la xiri doono Xeryaha Qaxootiga Dhadhaab

Muqdisho, June 16, 2016- wareedyo ka tirsan Aqalka looga arrimiyo dalka ayaa xaqiijiyay in Madaxweynaha Somalia, Xassan Sheekh Maxamuud howlo caafimaad u joogo dalka Jarmalka.

Madaxweyne Xassan ayaa lagu dabiibayaa Isbitaal ku yaalla magaalada Berlin oo ay ka howlgalaan Dhakhaatiir la socta xaaladiisa caafimaad.

Madaxweyne Xassan ayaa sanadkiiba mar gaara dalka Jarmalka, halkaas oo sanadkii hore sidan oo kale baaritaan caafimaad lagula sameeyay.

Madaxtooyada Somalia ayaa qarineysa xanuunka Madaxweyne Xassan ee sanad waliba uu u aado dalka Jarmalka.

Warar aan la xaqiijin ayaa sheegaya in Madaxweyne Xassan Sanadkiiba mar laga bedelo dhiiga taasi oo aan la ogeyn sababta keentay, sida aan kasoo xiganay xubno ka howlgala Villa Somalia.

Dhanka kale, madaxweyne Xassan ayaa lagu wadaa in maalinta sabtida uu dib ugu soo laabto magaalada

Zambia, June 16, 2016- Ugu yaraan 15 Dhalinyaro soomaali ah oo ku geeriyoodey gaari kunteenar ah oo ay ku safrayeen

15 Ruux oo soomaali ah, ayaa lasoo wariyay in ay ku dhex geeriyooden gaari konteenar ah oo ay ku safrayay gobolka Luapula ee dalka Zambia

Gaariga xamuulka ayaa ayaa taarigadiisu ay aheed AFB 496, waxaana uu kasoo baxay deegaanka Kasama ee dalka Tanzania, waxaana la sheegay in uu siday inka badan 50 ruux oo soomaali dhamaantooda loogu shakisanytahay.

Gaariga xamuulka ayaa waxaa uu siday boorsooyin ay ku jireen, Digir, waxaana la shaaciyay in soomaalidda ay ku jireen boorsooyinkaasi gadaashooda.

Muqdisho, June 16, 2016-   Dawlada oo la sheegay in ay ku Mashquulsantahey sidii ay Muqdisho u Gayn Lahayd odoyaal Dhaqameed Somaliland matala oo Been Abuur Ah

Dawladda Somaliya, ayaa abaabulaysa sidii ay magaalada Muqdisho ee dalka Somaliya u gayn lahayd odayaal ay ku sheegtay inay metelayaan odayaasha dhaqanka ee Somaliland, si ay qayb uga noqdaan nidaamka doorasho ee Somaliya ka qabsoomaya dabayaaqada sannadkan.

Odayaashan ayaa warar uu Geeska Afrika, helay waxay sheegayaan in loo xilsaaray masuuliyiinta asal ahaan ka soo jeeda Somaliland ee dawladda Somaliya ka tirsan, waxaanay diyaarinayaan oo ay ku gudo jiraan sidii ay waxa ay ugu yeedhayaan odayaashu u tagi lahaayeen magaalada Muqdisho, looguna samayn lahaa darajooyin been abuur ah oo ah inay ka tirsanyihiin madaxdhaqameedka Somaliland.

Siyaasiyiinta reer Somaliland ee ka tirsan dawladda Somaliya,ayaa dooneysa sidii ay ugu guulaysan lahaayeen inay Muqdisho geeyaan dad ay ugu yeedhayaan inay yihiin odayaal dhaqameed reer Somaliland ah, kuwaas oo u fududayn doona in Baarlamaanka Somaliya lagu daro dad reer Somaliland ah oo ay iyagu ansixiyeen.

Talaabadan ayay dawladda Somaliya go’aansatay ka dib markii ay ku guuldaraystay inay madaxdhaqameedka reer Somaliland ee caanka ah ku qanciso inay qayb ka noqdaan nidaamka doorasho ee Somaliya islamarkaana ay ansixiyaan xildhibaanada Baarlamaanka Somaliya.

Geesta kale, talaabadan ayaa ah mid uu Madaxweynaha Somaliya Xasan Sheekh ku doonayo sidii uu ku heli lahaa codad uu ku noqdo mar labaad madaxweynaha Somaliya.

Shuruuda koowaad ee dadka ay odayaashu soo xulayaan ayaa ah inay saxeexaan in marka ay ka mid noqdaan baarlamaanka Somaliya ay codkooda siin doonaan Xasan Sheekh oo lagula jiro tartan adag.

Lama oga in dawladda Somaliland ka warqabto dhaqdhaqaaqyada dawladda Somaliya ay ka dhex waddo dalkeeda.

Muqdisho, June 16, 2016-  50 Qof oo u badan Salaadiin ka oo jeeda mamulka Somaliland oo ay kaxeysteen Ciidamada Liyuu Boolis Ethiopia maanta

Mudoyinkii ugu danbeyay ayaa xaalad adag oo qalafsani ay ka taagnayd ka dib markii ay ciidamada dowlad deganka somalida ethiopia ee loo yaqaano Liyuu Boolis ay xasuuq ba-an ka gaysteen tuulada jaamac Dubad oo hoos timada degmada Gashaamo isla markaasna ilaa iyo imika aan laga gaadhin wax xala dadkaasi la xasuuqay ayaa habenkii xalay ahaa waxa magalada burco ka safray Saladin,Cuqaal iyo Waxgarad Kale Duwan kuwaasi oo ku sii jeeday Degaanka Tuuladda Gorgor oo ay wax yar isu jiraan Tuuladii dhawaan Uu ka dhacay xasuuqii Ee Jaamac Dubad.

Ujeedka saladiinta,cuqaasha iyo waxgaradkani ayaa daarnaa sida ay xaqijiyeen dad goob joog ahi inay kulan tuuladda Gorgor kulan ay ku lahayeen Madax ka tirsan Dowladda Federalka Ethiopia oo maalmihii u danbeyayba ku howlanaa sidii ay si dhab ah u ogaan lahayeen waxa sababay xasuuqa ay gaysteen ciidamada liyuu boolisku.

Wararku ayaa waxay intaasi ku darayaan in saaka markii ay waxgaradkasi ku waabaristeen tuulada gorgor ay inyar ka dib ay degankaasi soo gadheen ciidamo tirro badan oo ah ciidamada liyuu boolisku.

waxaanay ciidamadaasi liyuu boolisku ay ka kaxeysteen tuulada gorgor 50 Oday ee isugu jiray Saladiinta,Cuqaasha iyo Waxgaradka ka soo jeeda degaanka Jaamac Dubad ilaa iyo imikana lama garankaro sababta keentay inay ciidamadaasi afdubtaan waxgaradkaasi.

Sidoo Wararka aanu ka helayno Tuulada Gorgor ayaa shegaya inay ciidamadaasi deganka gorgor kaga tageen oo kaliya Suldaan Maxamed Yuusuf (Biish) iyo oday Cabdi Xaashi oo ka mid ahaa Waftigii habenki xalay ahaa ka anba baxay Magalada Burco una sii jeeday dhanka degaanka gorgor.

Dadwaynaha Tuulada Gorgor ayaa iyagu iswaydinaya sababta keentay inay ciidamada dowlad deganka somalida Ethiopia liyuu boolisku ay afdubteen cuqaal iyo waxgaradka ka soo jeeda degankaasi.

Ugu danbayntii waxa mudoyinkii u danbeyayba Deganada hoos yimada Degmadda Gaashamo maalinba maalinta ka danbaysa ka soo cusbonanaysa Falal amni daro oo ay horseed u yihiin Ciidamada liyuu boolisku,

WARARKA MAANTA Juun 15, 2016
Su'aasha Maanta: Fashilka Taliyayaasha Damu-Jadiid Iyo Fashilka Madaxweyne Damu-Jadiid Mudane Xassan Shiikh ayaa waxaa ku socota baaritaan caalami ah oo lagu haya Madaxda Damu-Jadiid iyo maraakiib loo haysto waxa ay wadeen iyo cida ay u wadeen? Baaritaan caalami iyo lacago ay musuqmaasuqeen ayaa lagu daba-joogaa!

Puntland Juun 15, 2016 Guddoomiyihii hore ee gobolka Bari C/samad Maxamed Gallan oo bilihii ugu dambeeyay ciidamo ku aruursanayey deegaano gobolka bari ka tirsan, ayaa ku dhawaaqay inuu tababar u soo xiray tiradii laga rabayna ay joogaan ciidamadii uu Puntland kula wareegi lahaa, isagoo sheegay in ujeedkiisu yahay inuu ka hortago dulmi uu sheegay inuu Puntland ka jiro, sidoo kale waxaa uu cambaarayn iyo eedayn u soo jeediyey xukuumadda Puntland ee hadda talada haysa oo uu sheegay inay tahay mid Kaligii talis ah.

Waxaa uu sheegayaa Cabdi Samad Galan inuu dhisi doono Puntland cusub oo leh xuduudo iyo talo wadaag, iyo inuu dhawaan hawlgallo bilaabi doono.

Gallan,waxaa uu sheegay in uu Maxkamad la tiigsanayo Dadka uu sheegay in ay Puntland ka leexiyeen Waddadii ay heysay

Dhinaca Kale Gudoomiyihii Hore ee Gobalka Bari ayaa Madaxweye Gaas ku Eedeeyay inuu Badi Kamid ah Shaqadiisa ku Koobay Caasimada Dalka isagoo Tilmaamay in Mudo kooban uun Kusuganyahay Xarunta Puntland ee Garoowe. https://www.youtube.com/watch?time_continue=1207&v=GylolDxtOmY

Muqdisho Juun 15, 2016 Guddoomiye Kuxigeenkii hore ee Degmada Dharkenley C/llaahi Ibraahim “Isbiimo” iyo Qof la socday ayaa goor dhaw lagu dilay Degmadaasi Dharkenley.

Dilka ayaa la sheegay in ay geysteen Koox Hubeysan,kuwaas oo dilka ka dib goobta ka baxsaday.

Ciidamada Ammaanka Soomaaliya ayaa gaaray Goobta uu dilku ka dhacay,mana jirto cid ay u soo qabteen Dilka.

Allaha u naxariistee C/llaahi Isbiimo ayaa dhawaan loo magacaabay Agaasimaha Kormeerka Degmooyinka Maamulka Gobolka Banaadir.

Puntland Juun 15, 2016 Madaxweynaha Maamul Goboleedka Puntland, Cabduweli Maxamed Cali Gaas ayaa xil ka qaadis ku sameeyay Taliyahaii Hay’adda Nabad Sugida Sharmaarke Sheekh Doon iyo ku xigeenkiisa Abshir Aadan kadib kulamo todobaad qaatay oo ka dhacay Xarunta Madaxyooyada Maamulkaasi ee Magalada Garoowe.

Cabduweli Maxamed Cali Gaas, Madaxweynaha Maamulka Puntland ayaa xilka Taliyaha Hay’adda Nabad Sugida u magacaabay Maxamuud Cabdi Maxamed halka ku xigeenkiisana laga dhigay Saciid Salaad Maxamuud.

Digreeto dhawaan ka soo baxday Xafiiska Madaxweynaha Maamulka Puntland ayaa lagu magacaabay Saraakiil kale oo ka tirsan Hay’adda Nabad Sugida ee Maamulka Puntland.

Ugu dambey, Madaxweynaha Maamulka Puntland iyo Saraakiisha amniga ayaa kulan ay isugu yimaadeen waxey uga hadleen howlgallada ka dhanka ah Xarakada Al Shabaab.

Belgium Juun 15, 2016 Madaxweynaha Dowladda Kenya, Uhuru Kenyatta ayaa lagu wadaa in maanta Magaalada Brussels Dalka Belgium uu kula kulmo Madaxda ugu sareysa Ururka Midowga Yurub iyo Qaramada Madoobe.

Madaxweyne Kenyatta ayaa Madaxda Ururka Midowga Yurub waxuu kala hadli doonaan arimo ku saabsan xeritaanka Xeryaha Qaxootiga Dhadhaab oo ay ku nool yihiin Boqolaal Kun oo qoys kuwaasi oo ka cararay Abaaro iyo Calaado is-biirsaday oo ku dhuftay Dalka Soomaaliya.

Kenyatta ayaa sidoo kale waxuu la kulmi doonaa Xoghayaha Guud ee Qaramada Midoobay Bank-Moon, waxaana labada mas’uul ay wada gorfeyn doonaan xaalada howlgalka Midowga Afrika ee AMISOM.

Madaxweyne Kenyatta ayaa dalban doona sida la sheegayo in la kordhayo dhaqaalaha Ciidamada AMISOM, maadaama uu sheegay Ciidamada qeybta ka ah howlgalka AMISOM ay wadaan dadaalo lagu xasilinayo Dalka Soomaaliya.

Howlgalka AMISOM ayaa wajahay adhaqaalo yari tan iyo markii Ururka Midowga Yurub uu %20 dhaqaalihii uu bixin jiray uu ka jiray howlgalka Midowga Afrika ee AMISOM, kaasi oo ka socda Dalka Soomaaliya.

Su'aasha Maanta: Mudane Madaxweyne Damu-Jadidxassan Shiikh Maxamuud, sheekada nacasnimada iyo isku-bedbedelid Taliyaasha fashilmay ma ahan wax aad musuqmaasuqaaga ku qarin kartid? Ee is-casil khaa'inul waddan karaahiyo qabo oo waliba xuquuqdii caasumadda Muqdisho iyo tii gobalka Banaadirba duudsiiyey ayaad tahay. Dembiyo badan ayaa shacabka iyo dalkaba ka gashay waana lagu la xisaabtami doonaa meeshaas rabta adduunka ka tag ama ka deg?

Muqdisho, 14 June 2016 (Villa Somalia)--- Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud ayaa xil ka qaadis ku sameeyey Taliyihii Hay’adda Nabadsugida iyo Sirdoonka Qaranka (NISA), S/Guuto Cabdiraxmaan Maxamed Tuuryare. Madaxweynaha ayaa xilka qaadista taliyaha u cuskadey qodobada 87-aad iyo 90-aad ee Dastuurka KMG, iyo isagoo tixgelinaya baahi la xiriirtey in isbeddel lagu sameeyo Hoggaanka Hay’adda Sirdoonka iyo Nabadsugida Qaranka.

Isla Xeerkan ka soo baxay Xafiiska Madaxweynaha, ayaa waxaa si KMG ah xilka Taliyaha Hay’adda Nabadsugidda iyo Sirdoonka Qaranka (NISA) , loogu magacaabay S/Gaas Cabdullaahi Gaafow Maxamuud.

Taliyihii hore ee Hay’adda Nabadsugida iyo Sirdoonka Qaranka, S/Guuto Cabdiraxmaan Maxamed Tuuryare, ayaa waxaa loo magacaabey inuu noqdo La-Taliyaha Wasiirka Wasaaradda Amniga Gudaha.

Xeerkan ka soo baxay xafiiska Madaxweynaha ayaa dhaqangalayaa maanta oo taariikhdu ay tahay 14 June 2016.

Muqdisho Juun 14, 2016 Beesha caalamka waxay xilligan dooneysaa in marnaba aanu soo laaban madaxweynaha dowladda Federaalka ee iminka jooga Xasan Sheekh Maxamuud doorashada sanadkaan ka dhici doonta gudaha dalka.

Caalamka ayaa aad uga fiisraday taageero walbo oo la siinayo Xasan Sheekh waxaana ay markaan go’aansadeen in Xasan Sheekh aan lagu taageerin arrimaha doorashooyinka.

Sababaha ugu waaweyn ee aan lagu tageerayn Xasan Sheekh waxay tahay in dalka sida la sheegay aanu isaga iyo kooxdiisa ka qaban waxqabad muuqda, sidaa darteedna aysan xilligan habooneen inay soo laabtaan.

Caalamka ayaa sameyn doona wax walbo oo lagu baajin karo Xasan Sheekh, waxayna doonayaan isbedal cusub iyo sidoo kale wejiyo cusub oo shaqeeya Afarta Sano ee soo aadan.

Xasan iyo Kooxdiisa dadaal xooggan ayeey wadaan sidii ay ku imaan lahaayeen, laakiinse lama oga sida ay taasi suurta gal ugu noqon doonto
Maraykanka Juun 14, 2016 Donald Trump oo ah ninka la filayo inuu noqdo Musharaxa Xisbiga Jamhuuriga ee doorashada Madaxweynaha Mareykanka ayaa mar kale ku celiyay baaqiisa ahaa in Muslimiinta laga mamnuuco Mareykanka.

Isagoo khudbad jeedinayay ayaa waxaa uu uga hadlay dhacdadii u dambeysay ee toogashadii Orlando, waxaana uu tilmaamay inay tahay in laga hortago waxa uu ugu yeeray xagjirka.

“Tiradii ugu badneyd ee qaxootiga Soomaalida ee degan Minnesota ayaa ku biiray Daacish, kuwii ka dambeeyay qaraxyadii Boston waxay ahaayeen dad la siiyay magangalyo siyaasadeed, ninkii ka dambeeyay toogashadii San Bernandino wuxuu ahaa caruurtii qaxootiga ee ka timid Pakistan”ayuu yiri Donald Trump.

Waxaa uu dhaleeceeyay siyaasada madaxweyne Obama iyo Xisbigiisa, isagoo xusay in wax laga bedelo socdaalka Mareykanka.

Donald Trump ayaa sheegay in Xagjirnimada Islaamka ay ku soo xoogeysanayaan Mareykanka, waxaana uu intaa ku daray in la koontaroolo xuduudaha iyo dhamaan dalka oo dhan.

Hillary Clinton oo ah Musharaxa xisbiga Dimoqraadiga ayaa si kulul u cambaareysay hadalka Donald Trump, waxaana ay ku tilmaamay hadal caruureed.

Muqdisho Juun 14, 2016 Qaraxyo dhowr ah oo lagu sheegay madaafiic ayaa laga maqlay qeybo ka mid ah Xaafadaha Magaalada Muqdisho.

Wararka ayaa sheegaya in tiro madaafiic ah ay siyaabo kala duwan goordhow ugu dhaceen Nawaaxiga Isgooyska KM4 iyo Degmada Waabari ee Magaalada Muqdisho.

Weli lama shaacin halka laga soo tuuray Madaafiicdaaasi iyo khasaaraha ka dhashay balse waxey imaanayaa xili maanata xilka laga qaaday Taliyaha Hay’adda Nabad Sugida iyo Sirdoonka Soomaaliyeed, C/raxmaan Maxamed Tuuryare.

Muqdisho Juun 14, 2016 Ka dib Markii ay soo Baxday in Degmada Shibis lagu Dilay Marxuumad Saynab Muxiyadiin ayaa waxaa arrintaasi markii ugu horeysay waxaa ka hadlay Maamulka Degmada Shibis ee Gobolka Banaadir islamarkaasina ka hadlay Dilka Degmadaasi loogu Geystay Guddoomiye Waaxeed ka tirsaneyd Maamulka Degmadaasi.

Axmed Muumin Maxamed oo ah Guddoomiyaha Degmada Shibis ayaa sheegay in Maamulka Degmada iyo Ciidamada Ammaanka ay wadaan Baaritaano lagu raaSaynab Muxiyadiindinayo Kooxdii ka dambeysay Dilka Guddoomiye Waaxeedka ka tirsaneyd Maamulka Degmadaasi oo Shalay Galinkii dambe lagu dilay Gudaha Degmada.

Guddoomiye Axmed Muumin ayaa intaa ku daray in Sharciga la horkeeni doono Kooxdii Dishay Allaha u naxariistee.

Shabeelle Dhexe Juun 14, 2016 Wararka ka imaanaya Degaanka Gololeey ee Gobolka Shabellaha Dhexe Hoosnataga Degmada Jowhar ee Xarun Goboleedka Shabellaha Dhexe ayaa sheegaya in Xalay Afar Qof oo Rayid ah lagu dilay Degaankaasi islamarkaana lagu dhaawacay ilaa 5 kale.

Dadka la dilay ayaa waxaa ku jira Qof Dumar ah sida ay noo Xaqiijiyeen Mas’uuliyiin ka tirsan Maamulka Degaankaasi.

Dilka ayaa la sheegayin ay Geysteen Koox Hubeysan oo ilaa hadda aan Heybtooda la garan.

Warar aan la Xaqiijin ayaa sheegaya in Dilka ka dhacay Degaanka Gololeey uu Salka ku hayo Aano Qabiil,balse aysan weli kala Cadeyn Cida Dilka Geysatay waxa ay yihiin.

Maamulka Gobolka Shabellaha dhexe weli kama hadlin Dilka loo geystay Dadka Rayidka ah ee ka dhacay Degaanka Gololeey Gobolka Shabellaha Dhexe.

Kismaayo Juun 14, 2016 Waxaa maanta magaalada Kismaayo lagu dhaarin doonaa labada madaxweyne ku xigeen ee Jubbaland iyo golaha wasiirada iyo ku xigeenadooda.

Sidoo kale wasiirada ayaa xilka kala wareegaya wasiirada hore oo qaarkood dib ugu soo laabtey golaha, balse xilal kale loo dhiibey.

Waxaa sidoo kale jirta in wasaaradaha qaarkood la kala qaaday sida arrimaha gudaha iyo amniga, isgaarsiinta, boostada, warfaafinta , iyo gaadiidka.

Muqdisho Juun14 , 2016 Wasiirkii Amniga maamulka Puntland Cabdi Xirsi Cali (Qarjab) oo horey dhaawac uga soo gaadhay dagaal dhexmaray Ciidanka Puntland loogu qaaday dalka Jabuuti ayaa kusoo noqday Magaalada Boosaaso.

Qarjab ayaa wuxuu Bilaabay Kulamo looga hadlayo Amniga, Wuxuuna sidoo kale la hadlay Warbaahinta, Isagoo ka warbixiyey Kulamada ay yeesheen, Wuxuuna sidoo kale Tacsi u diray Gudoomiyihii ururka Haweenka ee dhowaan lagu dilay magaalada Gaalkacyo “Cibaadada Bisha Ramadaan ayay ka mid tahay, in lasoo sheego oo lala dagaalamo Sharwadayaasha” Ayuu yiri

Nairobi Juun 14 , 2016 Kenya oo xirtay xuduuda Degmooyinka Mandheera iyo Beled Xaawo, markii ay ciidan lixaad leh soo dhoobtay.Kenya, ayaa waxay gelinkii dambe ee Isniintii joojisay dhaq dhaqaaqii dadka iyo gaadiidkaba ee ka jiray xuduuda ay wadaagan Degmooyinka Beled Xaawo iyo Mandheera, oo ka kala tirsan Gobolada Gedo iyo Waqooyi Bari Kenya.

Dadka labada dhinac oo si caadi ah isugu kala gooshi jiray Degmooyinkaasi, ayaa waxaa la arkaayay iyadoo laga horjoogsanayo in ay isugu kala gooshaan Beled Xaawo iyo Mandheera, waxaana lagu wargeliyay in xuduudu ay xiran tahay.

Tani waxay timid, ka dib markii Dowladda Kenya ay ciidan lixaad leh soo dhoobtay xuduuda, kuwaa oo la soo sheegayo in ay wataan dabaabaadka dagaalka, cagaf cagafyo iyo baldoosyada dhismooyinka loo adeegsado.

Shacabka ku dhaqan Degmada Beled Xaawo, ayaa walaac ka muujiyay dhaq dhaqaaqa cusub ee Kenya ku soo kordhisay xuduuda, waxayna kuu sheegayan in dareen ay ka qabaaninay Kenya soo cusbooneysiisay qorshihii ay ku dooneysay in darbiga kaga dhisto xuduuda.

Maamulka Gobolka Waqooyi Bari Kenya oo toddobaadkii hore u yeeray Gudoomiyaha Degmada Beled Xaawo, Yuusuf Maxamed C/qaadir (Yuusuf Keenti), ayaa ka dalbaday in uu kala shaqeeyo arrinta darbiga.

Ilo wareedyo lagu kalsoonaan karo, ayaa Mustaqbal u sheegay in Yuusuf Keenti uu Maamulka Waqooyi Bari ku gacanseyray qorshahaasi, una sheegay in go’aankaasi ay leedahay Soomaali oo dhami.

Waxaad mooddaa Kenya inay geed gaaban iyo dheerba u fuuleyso, sidii ay darbiga kaga hirgelin laheyd xuduuda, xilli ay gudaha ugu soo durugtay dhulka Somaliya.
Baaris JUUN , 2016 War hadda soo dhacay ayaa sheegaya in nin hubeysan uu madax furasho ahaan u qabsaday dad dhowr ah guri ku yaala duleedka Paris, kadib markii uu Mindi ku dilay sarkaal Boolis ah oo gurigaasi lahaa.

Shilkan ayaa ka dhacay Manivièle oo ah magaalo u dhow caasimadda dalka Faransiiska ee Paris, kuna taalla waqooyiga galbeed ee caasimadda.

Ninka dableyda ah ayaa madax furasho u qabsaday qoyska guriga ku noolaa, waxayna Boolisku sheegeen inaan weli la ogeyn ujeedka ninkan.

Ciidamada gaara ayaa isku xeeray guriga, iyadoo howlgal la filayo inay qaadaan si ninkaasi looga badbaadiyo qoyska uu heysto.
https://www.youtube.com/watch?v=KSJse71UZqA

Ra'iisal Wasaare Mudane Cumar Cabdirashiid oo waretsi siiyey VOA Somali http://www.voasomali.com/a/3374916.html


Juun 2016

 


WARARKA MAANTA JUUN 13, 2016

Su'aasha Maanta: Maxuu Madaxwetbe Damu-Jadiid Xassan Shiikh Maxamuud Iyo Ra'iisal Wasaare Cumar Cabdurashiid iskugu haystaan safiiro/denjiriyaal? Yaa soo hari doona? Waxaa billaawatay ciyaartii seddexaad ee Cayrinta Ra'iisal Wasaaraha waayo waanu soo aragnay horay laba ra'iisal wasaare oo la cayriyey, Guddoomiyihii Maxkamadda Sare oo khasab lagu beddelay ayadoo la magacaabay mid la shaqeeya Shabaab oo uu Maamulka Somalialnd soo cayriyey iyo Golaha Shacabka oo uu si dadban iyo toos ah u inqilaabay/afduubay Madaxweybe Damu-Jadiid Xassan Shiikh Maxamuud. Waa run ee waxba ha ka gubanin in run loo sheego Ummadda Soomaaliyeed Mudane Madaxweyne Xassn!

Muqdisho  Juun 13, 2016 Warar hoose oo ay heshay Saxaafada ayaa cadeynaya in Madaxweynaha dawladda Faderaalka Xassan Sheekh Maxamuud & Ra`iisulwasaare Cumar Cabdirashiid ay isku khilaafsan yihiin magacaabida Safiiradii dhawaan ay meelmariyeen gollaha Xukuumada Soomaaliya, waxaana meelaha ugu badan ee lays ku hayo kamid ah dalalka loo dirayo Safiiradan cusub.

Madaxweynaha dawladda Soomaaliya ayaa ku dhegan in la bedelo Safiirka Soomaaliya u jooga Jimciyada Qaruumaha ka dhaxeysa, waxaana taas ka diidan RW Soomaaliya, sida ay sheegayaan Xogaha la helaayo

Magacaabida Safiiradan waxaa leh soo jeedin Wasaaradda Arrimaha dibada, gollaha Xukuumada ayaa meelmarinaya, Ra`iisulwas


Juun 2016

 


WARARKA MAANTA Juun 11, 2016

Mudqdisho Juun 11, 2016 Baarlamaanka Federaalka Soomaaliya ayaa Maanta lagu wadaa in ay ku kulmaan Xarunta golaha shacabka ee Magaalada Muqdisho.

Xildhibaanada ayaa Maanta ka shiraya qodobo ay ka mid yihiin ansixinta Mashruuc sharci wax ka badalka Dastuurka, u codeynta Xuquuqda Siyaasiyiinta iyo Arrimo kale.

Xildhibaan Maxamed Cumar Maxamed oo ka mid ah Mudanayaasha Baarlamaanka Soomaaliya ayaa ka warbixiyay qaabka uu Maanta u dhacayo Kulanka Baarlamaanka.

Mudqdisho Juun 11, 2016Xildhibaan Faarax Sheekh C/qaadir oo ka mida xildhibaanada Soomaaliya, horena u soo noqday wasiir, kana mida saaxiibada ugu dhow madaxweyne Xasan Sheekh ayaa ku lug yeeshay fadeexad ka taagan Markab tuhun weyn laga qabo oo mucaawimo u siday dalka Yeman, kaasoo la sheegay inuu kireystay Xildhibaan Faarax Sheekh C/qaadir.

Wakaaladda Wararka SONNA ayaa shaacisay dacwad uu xeer ilaalinta Soomaaliya u qortay xildhibaanka oo uu ku sheegay in magaciisa si been abuur ah loogu isticmaalay in lagu kireeyo Markab Shixnad lagu sheegay Gargaar Biniaadannimo oo ku socotay Magaalada Xudayda ee Wadanka Yemen taas oo lagu sheegay inay gaarsiinaysay Hay’ad lagu magacaabo Islamic Charity Foundation oo lagu sheegay inuu ka diiwaan gashan yahay dalka Kenya

Xildhibaanka ayaa qoraalka Markabku wato ku qoran inuu ka mid yahay Aaas-aasayaasha Hay’adda Islamic Charity Foundaton, laakiin dacwadda uu qortay Faarax Sheekh C/qaadir ayuu ku sheegay inaysan jirin Hay’addaas, wuxuuna ku dooday in ujeedada laga leeyahay adeegsiga magaciisa iyo isticmaalka warqadihiisa aqoonsiga ay tahay fal lagu doonayo in lagu magac dilo laguna dhaawaco sumcadiisa.

Markabka uu sheegay Xildhibaan Faarax Sheekh C/qaadir inuusan waxba kala socon arrintiisa ayaa la sheegay lagu magacaabo MV-LIBERTY, laguna qabtay Dalka Jabuuti, iyadoo baaris ay ay ku socoto, waxaana laga soo celiyay magaalada Xudeyda ee dalka Yeman.

Xildhibaan Faarax Sheekh C/qaadir oo hore ula soo shaqeeyay Hay’adaha samafalka islaamka, isla markaana deganaa dalka Kenya ayaan la ogeyn lugta uu arrintan ku leeyahay, waxaaan dacwadda uu qortay ay u baahan tahay baaritaan dheeraad ah iyo xaqiiji.

Halgan Juun 11, 2016 Ciidamada Dowlada Federaalka iyo kuwa Itoobiya oo iskaashanaya ayaa saakay Waxaa ay Maleeshiyada Ururuka Al-Shabaab ka saareen Deegaano ka tirsan Gobolada Hiiraan & Galgaduud.

Ciidamada Huwanta ayaa ka dhaqaaqay shlay gelinkii danbe Deegaanka Ceelcali iyagoona u jiheysaty Laba dhinac waxaa ayna saakay la wareegeen Deegaanka Buq Aqable & Deegaanka Wabxo oo ay ku sugnaayeen Al-Shabaab.

Korneel Maxamed Cumar oo katirsa Saraakiisha Ciidamada Dowlada ayaa sheegay in ay Maleeshiyada ka dileen 13 Dagaal yahan kana furteen hubkii ay wateen iyo rasaas baan.

Waxaa uu intaa ku daray in ay dhaawaceen Sargaal caan ka ah gobolada dhexe ee dalka kaas oo Magaciisa uu ku soo koobay Dhuxul.

Al-Shabaab weli wax war ah kama soo saarin Dagaalka ka dhacay Deegaanada Buq Aqable & Wabaxo  oo la tilaamayo in khasaaro xoogan lagu gaarsiiyey Sargaal Caan Muhiim ahna looga dhaawacay.

UN Juun 11, 2016 War kooban oo kasoo baxay Qaramada Madoobe ayaa lagu cambaareeyey weerarkii al-Shabaab ay ku qaadeen deegaanka Halgan oo ka tirsan gobolka Hiiraan.

Xoghayaha guud ee Qaramada Madoobe Banki Moon ayaa si kulul u cambaareeyey weerarkii Khamiistii ay Shabaab ku qaadeen deegaanka  Halgan  Kasoo dhaliyey khasaare ubadnaa dhinaca Al-shabaab.

Xoghayaha guud ee Qaramada Madoobe Banki Moon ayaa sheegay in Qaramada Midoobe ay si wadi doonto taageerada ay siiso ciidanka Midowga Afrika ee ku sugan Soomaaliya.

Waxa uu Banki Moon ka dalbatay dhammaan shacabka Soomaaliyeed in ay taageeraan ciidanka dowladda Soomaaliya  iyo sidoo kale kuwa Midowga Afrika ee AMISOM.

Galkacyo Juun 11, 2016 Wararka ka imaanaya magaalada Gaalkacyo ee gobolka Mudug ayaa waxay sheegayaan in ciidan gadoodsan oo Puntland ah ay si xoog ah ku qabsadeen xarunta dowladda hoose ee magaaladaasi.

Ciidankaan ayaa ka cabanaya Mushaar la’aan haysay ku dhawaad muddo Sanad ah, waxaana ay kala eryeen dhammaan dadkii ku sugnaa halkaasi maadaama cabashadooda wax laga qaban waayey.

Saraakiil u hadashay ciidankaan ayaa sheegay in marnaba aanay xaruntaasi ka bixi doonin tan iyo inta laga siiyo mushaarkooda iyo xaqooda ka maqan intaba.

Maamulka Gaalkacyo iyo kan Puntland ayaa dib isugu laabtay, waxaana ay arrinkan kasoo saari doonaan war, balse cabashada ciidankaan ay qabaan waxaa si la mid ah u qaba dhammaan ciidanka Puntland.

Jilib Juun 11, 2016 Xarakada Al-Shabaab (UGUS)  ayaa degmada Jilib ee gobolka Jubada Dhaxe, waxa ay ku toogatay sadax nin oo labo kamid ah ay yihiin ajaaniib kasoo jeeda Dalka Kenya, kuwaa oo a bar bar dagaalamayay Al-Shabaab.

Al-Shabaab ayaa ragan ku eedeesay in ay ahaayeen jawaasiis ku dhax jirtay lana shaqeeneysay Dowlada Kenya, waxaana maxkamad kutaala Degmada Jilib ay sadaxan nin oo mid kamid ah Soomaali yahay ku riday xukun dil ah oo lagula fuliyay fagaare kuyaala Degmada Jilib.

Labada nin ee Kenyanka ah ee dilka lagu fuliyay ayaa lagu kala magacaabay Cabdulaahi Cabdimajiid Faraj iyo Jared Makae Omambia, waxaana labadan nin Al-Sabaab ku eedeesay in ay ahaayeen Jawaasiis u haqeeneysay Sirdoonka dowlada Kenya.

Cabdulaahi Faraj oo 22-sano jir ah kana soo jeeda Magalao xeebeedka Mombasa ,ayaa Al-Shabaab ku eedeesay in uu ahaa jaajuus u shaeenayay Sirdoonka Kenya ,iyo Sirdoonada Mareykanka , Britain iyo kan Isra’il.

Al-Shabaab ayaa ninkan sidoo kale ku eedeesay in uu wax ka maleegay dilal Mombasa loogu geestay labada Wadaad ee Cabuudo Rogo iyo Sheekh Abuubakar Makabuuri oolabadaba lagu dilay magaalada Mombasa.

Jared Makae, oo kasoo jeeda magaalada Eldoret ayaa Al-Shabaab isna ku ku eedeesay in uu ahaa Jaajuus la shaqeenayay Ciidamada Kenya gaar ahana kuwa loo yaqaano ATPU, waxa ayna tilmamaeen in uu ahaa jaajuus jihaad ugu soo ganbaday.

Dilkan ragan ajaaniibta ah lagu fuliyay ayaa imanaya xili Al-Shabaab sidan oo kale shalay afar nin ay iyan aku eedeeyeen in ay Jawaasiis ahaayeen ay ku dileen Deegaan kuyaala gobolka Baay , waxaana ragan la dilay mid kamid ah Al-Shabaab ku eedeeyeen in uu wax ka maleegay dilkii Amiirkooda Axmed Godane.

kinyan_1 kinyan_2

Puntland Juun 11, 2016 Maalintii Afaraad waxaa buuraha Galgala ee gobolka Bari duqeyn xooggan ka waday diyaarado dagaal oo lagu wareersanaa dalka laga leeyahay iyo ulajeedkooda.

Warkii.com ayaa heshay xogta ku saabsan diyaaradahan, dalka laga leeyahay iyo waliba ciidanka la socda, ulajeedkooda iyo waxa ay hadda sameeyeen.

Diyaaradahan waxaa laga leeyahay dalka Maraykanka, waxay kasoo kaceen markab dagaal oo yaalla meel ku dhaw xeebta Boosaaso, iyadoo wararku ay sheegayaan in saakay halkaasi ay ka degeen ciidamo Maraykan ah.

Waxaa la baadigoobayaa rag ka tirsan Daacish oo Ajaaniib iyo Soomaali isugu jira kuwaa oo gambaad ka dhiganaya halkaasi sida aynu wararka ku helayno.

Illaa Lix Diyaaradood ayaa duqeyn is dhaaf ah waxay Saddexdii maalin lasoo dhaafay ka wadeyn halkaasi, welina ma cadda guusha iyo natiijada halkaasi ay ka gaareen.

Saraakiil Puntland ah oo la hadashay Warkii waxay sheegeen in ay ka war hayaan howlgallada socda, sidoo kalena maalmaha soo aadan laga yaabo in ciidan lugta ah la geliyo buurahaasi.

Halgan Juun 11, 2016 Warar soo dhacay hadda waxay sheegayaan in Ajaaniib badan oo ka tirsan Al-shabaab ay naftooda la baxsadeen kuwaa oo ka baqaya in dhibaato loo geysto.

Cabsi iyo kala shaki xooggan ayaa soo kala dhexgalay Al-shabaab iyo sidoo kale Ajaaniibtii la joogtay waxayna taasi keentay in xaalad culus timaado oo la kala shakiyo.

Gobollada Jubbooyinka waxaa hadda laga soo sheegayaa in Ajaaniibtii ugu badneyd ee Al-shabaab ahayd ay barakaceen, waxaana ay doonayaan meel ay naftooda ku badbaadsadaan.

Wararku waxay sidoo kale sheegayaan in Ajaaniibta qaar ay dhanka Kenya u gudbeen maadaama ay isku haleyn waayeen saraakiisha Al-shabaab ee la noolaayeen.

Muqdisho Juun 11, 2016 Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa Xarunta Madaxtooyada kulan kula yeeshay Madaxa Laanta Qaramada Midoobay ee Qaxootiga (UNHCR), Mr Filippo Grandi.

Madaxweynaha iyo madaxa UNHCR ayaa ka wadahadley xaaladda qaxootiga Soomaalida ee ku nool Kenya iyo barnaamijka la xiriira dib u soo celintooda, qaxootiga Soomaalida ee ka soo laabanaya Yemen, qaxootiga reer Yemen ee Soomaaliya jooga , xaaladda barakaceyaasha iyo tahriibka.

Waxaa uu Madaxweynaha si gaar ah ugala hadley wafdiga UNHCR qaabka ugu habboon ee dib dalka loogu soo celinayo qaxootiga Soomaalida ee ku jira xeryaha Dhadhaab, iyo socdaalkii uu dhowaan ku tegay Kenya ee la xiriiray arrimaha qaxootiga Soomaalida.

“Waxaan u mahadcelinayaa Laanta Qaramada Midoobay ee Qaxootiga ee UNHCR shaqada wanaagsan ee dhinaca taakuleynta qaxootiga Soomaaliyeed. Waxaan UNHCR iyo beesha caalamka ka codsanayaa inay gacan weyn ka geystaan dib u soo celinta qaxootiga ku nool waddamada deriska, taakuleynta barakaceyaasha iyo qaxootiga Soomaalida ee ka soo laabanaya Yemen’’.

Mr Filippo Grandi ayaa sheegay in UNCHR ay ka go’an tahay inay kaalmo dheeri ah u fidiso qaxootiga ku sugan xeryaha iyo kuwa dalka ku soo laabanaya, iyo weliba in laga shaqeeyo diyaarinta adeegyada aasaasiga ah ee ay u baahan yihiin.

“Soomaaliya waxay ka mid tahay waddamada muhimadda koowaad u leh UNHCR. Xiriirka labada dhinac waa mid muddo dheer soo socday. 70-aadkii waxay Soomaaliya martigelisay kumanaan qaxooti ka yimid dalalka deriska ah. Barnaamijka dib u soo celinta qaxootiga Soomaalida ee Kenya ku dhaqan waa mid dan u ah labada dhinac, balse waxaa muhiim ah in qaxootiga loo sameeyo adeegyo ka wanaagsan kuwa ay ku haystaan xeryaha qaxootiga’’.

Kulankaasi waxaa sidoo kale goobjoog ka ahaa Wasiirka Arrimaha Dibedda, Dr Cabdisalaam Hadliyeh Cumar, Wasiirka Arrimaha Gudaha, Cabdiraxmaan Maxamed Xuseen, Wasiirka Amniga Qaranka, Cabdirisaaq Cumar iyo mas’uuliyiin kale oo labada dhinac ka socotey.

u1-300x200 u2-300x200 u3-300x200 u4-300x200Su'aasha Maanta: Maxay Shacabka Afgooyo u diidan yihiin Khaa'inul waddanka Shariif Xassan Shiikh Adaan? Shacabka deegaanka Afgooyo iyo guud ahaanba Maamulka Koonfur Galbeed? Jaalliyadda Digil Iyo Mirifle ee dalka UK oo ka cabbanaya dadka ku soo duulay dhulkooda haddaba nala Daawo hee: https://www.youtube.com/watch?v=6q1BFUmsOi4

Shaxdii rasmiga ahayd ee lagu qeybsaday kuraasta xildhibaanada Baarlamaanka Cusub ee Soosocda.

3-4 4-4 5-5 6-6



May 2016

 

WARARKA MAANTA Juun 10, 2016
Su'aasha Maanta: Maxay Shacabka Afgooyo u diidan yihiin Khaa'inul waddanka Shariif Xassan Shiikh Adaan? Shacabka deegaanka Afgooyo iyo guud ahaanba Maamulka Koonfur Galbeed? Jaalliyadda Digil Iyo Mirifle ee dalka UK oo ka cabbanaya dadka ku soo duulay dhulkooda haddaba nala Daawo hee: https://www.youtube.com/watch?v=6q1BFUmsOi4

Muqdisho Juun 10, 2016 Xoghayaha guud ee Qaramada Midoobay, Ban Ki-moon, ayaa sheegay in uu cadaadis xoogan la kulmay, si uu dalka Sacuudi Carabiya iyo qaar ka mid ah xulafadiisa uu uga saaro liiska madow ee tacaddiyadda carruurta looga geystay dalka Yemen, oo xulufadaasi ay kula dagaalamayaan xooggaga Xutiyiinta.

Sacuudi Carabiya ayaa ka biya diiday warbixin ay Qaramada Midoobay soo saaratay warbixin sheegeysa in xulafada ka dagaalamaysa Yemen, ay masuul ka tahay boqolkiiba 60 carruurta ku dhimatay ama ku dhaawacantay dagaalka halkaasi ka dhacay sanadkii hore.

Isaga oo la hadlaya weriyayaasha ayaa, Mr Ban, waxa uu sheegay in uu aqbalay dhaleeceynta loo soo jeediyay, waxa uuna sheegay inuu ka shaleynayo qaadashada go’aankaasi uu Sacuudiga iyo xulafadiisa uga saaray liiska.

Sacuudi Carabiya ayaa beenisay in ay cadaadis saartay Qaramada Midoobay.

Safiirkeeda u fadhiya Qaramada Midoobay, Cabdullahi al-Mucallimi, ayaa sheegay qaabka ay adeegsatay Qaramada Midoobay markii ay go’aankaasi gaareysay in uu ahaa mid qalad badan uu ku jiray

Bakool Juun 10, 2016 Maamulka Degmada Tiyeegloow ee Gobolka Bakool ayaa faah faahin ka bixiyay khasaaraha ka dhashay Dagaal Culus oo ka dhacay Degaano hoosta Degmada Tiyeegloow.

Maamulka Degmada Tiyeegloow ee Gobolka Bakool ayaa faah faahin ka bixiyay khasaaraha ka dhashay Dagaal Culus oo ka dhacay Degaano hoosta Degmada Tiyeegloow.

Halgan Juun 10, 2016 Weerarkii Alshabaab ku qaadeen aroortii saaka 9 June 2016 tuulada Halgan ee Gobolka Hiiraan ayaa noqday kii ugu qaraaraa ee qasaare kasoo gaaro kooxda Alshabaab iyo dagaalkii ugu khilaafka badnaa ee la isku qabto tirada qasaaraha uu dhaliyay, gaar ahaan tirada lagu dilay dhinac ka mida kooxihii dagaalku dhex maray.

Dagaalka oo lala beegsaday saldhig ay ciidamada ku lahaayeen tuuladaasi ayaa qasaaraha ka dhashay waxaa ka hadlay dhinacyo kala duwan, waxayna kala sheegeen tirooyin is khilaafsan sida ku cad shaxda hoose:

  1.  1. AMISOM waxay sheegtay in dagaalka lagu dilay 110 maleeshiyo oo Alshabaab ka tirsan
  2.  2. Itoobiya waxay sheegtay inay dishay 120 Alshabaab ah.
  3.  3. Dowladda Soomaaliya waxay sheegtay in dagaalka lagu dilay 240 maleeshiyo oo Shabaab ah.
  4.  4. Alshabaab waxay qirtay oo kaliya in dagaalkaasi looga dilay 16 dagaalyahan.

Dhinaca kale qasaaraha gaaray Itoobiyaanka:

  1. 1. Alshabaab ayaa sheegtay inay dishay 60 askari oo Itoobiyaan ah
  2. 2. Dowladda Soomaaliya ayaa sheegtay in Itoobiyaanka laga dilay 10 askari
  3. 3. Itoobiya ayaa dhinaceeda sheegatay inaysan cidna uga dhiman dagaalka

Itoobiya ayaa lagu yaqaan inay si weyn u qariso qasaaraha ciidamadeeda ka soo gaaray dagaalada ay ku galaan Soomaaliya, waxaana dhacday in weriyeyaal galabta tegi lahaa aagga dagaalku ka dhacay ee Halgan la joojiyo socdaalkooda daqiiqadihii ugu danbeeyay.

Halgan Juun 10, 2016 Wararka laga helayo Degaanka Halgan oo Shalay uu ka dhacay Dagaal Culus oo Al-shabaab ay ku soo qaadeen ayaa sheegaya in Diyaarado Itoobiya laga leeyahay ay Xalay Daad-gureeyeen Meydadka Askartii looga dilay Dagaalkii Cuslaa ee Shalay.

Dadka Magaalada Halgan ayaa sheegay in Xalay Saqdii dhexe ay Degaanka ku soo dageen Saddex Diyaradood oo ah kuwa Xamuulka qaada islamarkaana ay leeyihiin Milatariga Itoobiya.

Inkastoo Itoobiyaanka ay qariyeen Khasaaraha dhimasho ee Dagaalka ka soo gaaraya ayaa Al-shabaab waxaa ay sheegteen in 60 Askari oo Itoobiyaan ah ay ku dileen Halgan.

AMISOM dhankeeda waxaa ay sheegtay inuu jiro Khasaaro dhimasho oo soo gaaray Ciidamada Itoobiya balse ma sheegin tirada Saxda ah.

Hayeeshee Dadka Halgan ku nool ayaa Aaminsan Diyaaradaha Xamuulka qaada ee Xalay ku dagay Halgan ay qaadayeen Meydadka Askartii Itoobiya looga dilay Dagaalkkii Halgan.

Washington DC Juun 10, 2016 Madaxweynaha Maraykanka Barack Obama ayaa ayiday oo taageeray Hillary Clinton, laba maalmood ka dib markii ay noqotay qofka noqonaya musharraxa madaxtinimo Maraykanka ee xisbiga Dimoqraadiga.

Obama wuxuu yiri" Waan ogahay