Home
Home
Wararka
News
الأخبار باللغة العربية
Office of the President
Office of the Prime Minister
Mogadishu City
The Parliament
The Ministries
The Constitution
The NSS
The Somali Police
The Regions
Somali Embassies A-Z Directory
Foriegn Embassies
Universities
Contact Us
A-Z Gov-Directory
Gov-Webmail
Prominent Personalities
UN Links for Somalia
Country Info
Somali Political Parties
International Organizations
Islamic Organizations
Support Us
Local Jobs
International Jobs
Recognitions
Funding Projects
Human Rights Watch
The UN in Somalia
Our Extraordinary Dignitaries
The UN Failures
Our Leaders
e-mail me

 


2014

 


WARARKA DOWLADDA SOOMAALIYA EE MAANTA

e
Somali Ministry of Information, Posts, Telecommunications & Transportation's photo.
Somali Ministry of Information, Posts, Telecommunications & Transportation's photo.

London Oktoobar 20, 2014 Madaxweynaha Maamulka Puntland Dr. Cabduweli Maxamed Cali Gaas ayaa saaka ka qeyb galay shirkii maalgashiga wadamada Africa “The Globel African Investment Summit” oo saaka ka furmay magaalada London ee caasimada cariga Ingiriiska.

Shirkan ayaa waxaa lagu casumay wadama Rwanda, Soomaali, Uganda, Tanzania iyo Gana, waxaana kasoo Qeyb galay madaxweynayaasha wadamadaas oo kala ahaa Madaxweynaha Rwanda “Paul Kagame”, Madaxweynaha Maamulka Puntland oo matalaya Soomaaliya “Dr Cabduweli Maxamed Cali Gaas”, Madaxweynaha Uganda ” Yoweri Kaguta Museveni”, Madaxweynaha Gana ” John Dramani Mahama” iyo Ra’iisal wasaaraha Tanzania “Mizengo Pinda”.

Shirkan oo socon doona mudo laba maalmood ah kana dhacaya SAVOY HOTEL oo kuyaala badhtamada Magaalada London, ayaa waxaa shir gudoomiye ka ah Madaxweynahii hore ee Naigeria “Olusogun Obasango” .

Furitaankii shirka ee saaka ayaa waxaa furay wasiirkii hore ee Arimaha Dibada ee wadamada Britain William Huge oo hada ah Hogaamiyaha Aqalka Hoose ee Baarlamaanka Britain.

William Huge oo khudbad dheer oo taariikhiya ka jeediyey goobtaasi ayaa waxaa uu siweyn uga hadlay fursada wayn ee maalgashiga ee Afrika ka jirta, isagoo si gaarana diirada usaaray Soomaaliya oo uu sheegay inay ka jirto fursad weyn oo dhinaca maalghashiga ah, welibana uu sheegay in ay muhiimad gaar ah leedahay ka soo qeyb galka ay Soomaaliya ka soo qeyb gashay shirkani oo ay Puntland u matelaysay Soomaaliya,goobtana uu u fadhiyo Madaxweyne Dr Cabduweli Maxamed Cali Gaas sidoo kale uu William Huge sheegay in xiligii uu ahaa wasiirka Arimaha Dibada ee wadamada Britain uu furay safaarada Wadamada Britain ee Soomaaaliya.

Sidoo kale Madaxweynaha Maamulka Puntland ayaa waxaa uu khudbad taariikhi ah ka jeedin doona shirkani, taas oo uu diirada ku saari doono qorshaha Maamulka Puntland ee dhinaca maalgadhiga Puntland iyo guud ahaanba Soomaliya oo isagu uu Metelayo.

Shirkan oo ay iyana kasoo qayb galeen Gancsatada waa weyn ee carigani Ingiriiska oo iyagu lahaa fikradii in shirkani la isugu yimaado ayaa waxaa la filayaa inay siweyn ugu tiiqtiiqsadaan ka hadalka sidii loo maarayn lahaa dhibaatooyinka dhaqaale ee ku habsaday Africa, iyo qaabka ugu sahlan ee Afrika lagu maal gashan karo.

Dhinaca kale Madaxweynaha Maamulka Puntland Dr. Cabduweli Maxamed Cali Gaas iyo madaxweynayaashii kale ee Afrika ayaa waxaa qado sharaf u samaysay Boqorada Dalkani Ingiriiska “Queen Elizabeth” , qado sharaftaas oo ay ugu sameeyey Aqalka Boqorooyada ee Magaalada London.
Muqdisho Oktoobar 20, 2014 Bilowga Kulanka Baarlamaanka ee maanta oo ay soo xaadireen 168 Xildhibaan waxaa lagu dhaariyey Xildhibaanno cusub oo kala ahaa:-
Xildhibaan Maxamuud Ducaale Muuse oo bedelay Allaha u naxariistee Marxuumad Saado Cali Warsame
Xildhibaan Yuusuf Maxamed Cali oo bedelay Xildhibaan Dr Cali Khaliif Galeyr
Xildhibaan Saciid Maxamed Maxamuud Xayd oo isna bedelay Allaha u naxariistee Aabihiis General Maxamed Maxamuud Xeyd.
Gudoomiyaha Golaha Shacabka Jamhuuriyadda Federaalka Soomaaliya Mudane Maxamed Sheekh Cusmaan Jawaari oo hadal kooban ka jeediyey furitaanka kulanka Baarlamaanka waxa uu Xildhibaannada xasuusiyey muhiimadda ay leedahay in waqti adag la shaqeeyo kalfadhigan 5aad hadii aanay taasi dhicinna kulfadhiyada soo socdaayi ay adkaan doonto shaqadooda natiijaduna ay noqon karto fashil ku yimaada yoolka la hiigsanayo 2016ka hadii ay taasi dhacdana mas’uuliyadeeda ay qaadan doonaan XIldhibaannada.
Dhinaca kale Afhayeenka Baarlamaanka waxa uu ka hadlay xadidaada fasaxa XIldhibaannada Kalfadhigan 5aad iyo in sida uu yahay loo fuliyo Xeer Hoosaadka Golaha Shacabka qeybaha kaga aadan ganaaxyada la xiriira ka maqnaashaha fadhiyada Baarlamaanka ayadoo XIldhibaankii fasax la’aan maqnaada Todobaad loo diri doono guddiga Anshaxa si uu u qaato digniin iyo ganaax lacageed oo gaaraya $600.
Markaasi kadib XIldhibaannada Golaha Shacabku waxa ay gudagaleen ajandayaasha waxaana ugu horeeyey dhageysiga warbixinta Guddiga Daraasaadka iyo soo diyaarinta sharciga Axsaabta siyaasadeed waxaana xog ururin iyo la tashiyo uu guddigaasi soo sameeyey Baarlamaanka ka hor akhriyey gudoomiyaha Guddigaasi Prof C/risaaq Cusmaan Jurrille.
Gudoomiyaha Baarlamaanka oo Warbixinta guddigaasi kadib ka hadlay muhiimadda ay leedahay in la helo Axsaab siyaadeed oo dalka ka sameysma sidaasi daraadeedna uu XIldhibaannada ku boorinayo inay Warbixinta guddiga Daraasaadka iyo soo diyaarinta Sharciga Axsaabta Siyaasadeed si fiican usoo eegaan deetana talooyinkooda kusoo celiyaan guddigan.
Ajandaha kale ee ay Xildhibaannada Baarlamaanku ka hadleen waxaa ka mid ahaa dhageysiga warbixinnada XIldhibaannada ee ku aadan booqashooyinka deegaanka uu XIldhibaanku metello sida ku cad qodobka 61aad ee Dastuurka Dalka farqadiisa 2aad, Xildhibaannada warbixinta keenayna waxaa ka mid ahaa XIldhibaan Maxamed Xuseen Nuur (Hagaafe)oo isagu ka warbixiyey booqasho uu ku tagay gobolka Nugaal deegaannadiisa iyo degmooyinkiisa oo uu xusay iney ka jiraan biyo la’aan,caafimaad daro,cunno yari ka dhalatay duufaantii kol hore ku dhufatay Puntland waxaana uu Xildhibaanku soo jeediyey talooyin.
Intii uu socday kulanka Baarlamaanka ee maanta waxaa Xildhibaannada Golaha Shacabka loo qeybiyey Sharciga Hanti Dhowrka guud ee Qaranka kaasi oo XIldhibaannadu dhowaan gudageli doonaan akhrintiisa.

Nairobi 19 October 2014 – Wasiirka Warfaafinta iyo hanuuninta dadweynaha Mudane Mustafa Sheikh Cali Dhuxulow ayaa maanta kulan wada tashi ah la qaatay suxufiyiinta Soomaaliyeed ee ku sugan Nairobi.isagoo warbixin kooban ku siiyey xaalada dalka, horumarka warbaahinta dalka, isla markaasna dhageystay fikradahooda iyo tallooyinkooda ku aadan xeerka saxaafada Soomaaliya.

Kulanka ayaa waxaa ka soo qeyb galay agaasimaha guud ee wasaarada warfaafinta C/risaaq Cali Yuusuf Bahlaawi qaar kamid ah la taliyaasha wasiirka warfaafinta iyo Liibaan Cabdi Warsame oo ahaa xoghayihii guud ee gudigii dib u eegayay xeerka saxaafada Soomaaliya.

Wasiirka oo la hadlayey bahda warbaahinta Soomaaliyeed ee Nairobi ayaa yiri “Aad iyo aad baan ugu faraxsanahay ka soo qeybgalkiina, kulankan muhiimka ah. Ujeedada aan u codsaday inaan kulano ayaa ah sidii aan uga wada tashan laheyn mustaqbalka dalka gaar ahaan horumarka warbaahinta dalka. Waad la socotaan in Wasaarada Warfaafinta ay in muddo ahba ku howlaneed sidii loo xoojin lahaa xiriirka bahda warbaahinta ah oo kuwa sida gaarka ah loo leeyahay in warbaahinta Qarankaba ay uga wada shaqeyn lahaayeen horumarka warbaahinta dalka. Taladiina iyo fikradihiina waxey muhiim u yihiin sidii aan u dardargalin laheyn barnaamijyada wacyigelinta bulshada iyo horumarinta warbaahinta dalka.”

Kulankan ayaa suxufiyiintii ka soo qeybgashay waxa ay su’aalo ku saabsan xeerka saxaafada weydiin mas’uuliyiinta wasaarada warfaafinta,iyagoo si wanaagsan ula dardaarmay wasiirka kana codsaday inuu sii labo jibaaro horumarka ballaaran ee uu maalin walba ka sameynayo dalka. Iyagoo sheegay inay ka go’antahay sidii wasaarada warfaafinta loogala shaqeyn lahaa dib u dhiska dalka, arrimaha amniga, iyo sidii caalamka loo tusi lahaa in Soomaaliya ay cagaheeda isku taagtay.

Wasiirka warfaafinta iyo hanuunita dadweynaha ayaa sheegay in wasaaradiisa ay tix galineyso talada iyo fikradaha wariyaasha ay u soo jeediyeen,isagoo ku casuumay wariyaasha in ay yimaadaan magaalada muqdisho oo ay soo arkaan sida ay u shaqeyso wasaarada warfaafinta.

Wasiirka ayaa ugu danbeyntii soo gabogabeeyey kulanka oo uu yiri “Kulankan maanta iyo doodiinaba waxey aheyd mid nagu sii dhiiri gelineysa inaan sii horumarino warbaahinta dalka oo caqabadaha jira aan meel uga soo wada jeesano. Aad baan uga xunahay falalka mararka qaarkood dhaca oo warbaahinta lagu beegsanayo, hase yeeshee waxaan maalin walba u taaganahay sidii aan u illaalin lahaa xaquuqda wariyeyaasha dalka. Marwalbana waxaan si joogta ah ula hadlaa hay’adaha amniga sidii loo xoojin lahaa xiriirka oo arrimaha isfaham la’aanta qaarkood meesha looga saari lahaa. Waxaa dhowaan qorsheynayaa inaan shir ku qabanno Muqdisho oo bahda Amniga iyo bahda warbaainta ay ka wada tashan doonaan sidii loo wada shaqeyn lahaa. Kulamada wadatashiga noocan oo kale ah waa inaan joogteynaa si aan marwalba u horumarino warbaahinta Soomaaliya.”

Muqdisho Oktoobar 20, 2014 Shir labgaad oo loga hadlayo Shidaalka iyo Gaaska Soomaaliya ayaa manta ka dhacaya dalka Britain. Shirkaas waxaa soo qabanqaabisay dowladda Soomaaliya oo dooneysa iney dunida u bandhigto kheyraadka dalku leeyahay, si loo soo saaro, loogana faa’iideysto.

Shirkan oo ah kii labaad, waxaa ka qeybgelaya madax badan caalamka iyo Soomaaliya ka socda, waxaana la filayaa inuu furo madaxweynaha Soomaaliya, Xasan Sheekh Maxamuud.

Shirka ayaa la filayaa inuu isla maanta soo gebageboobo, iyadoo lagu qiimeynayo inta ay la ekaan karaan shidaalka iyo Gaaska Soomaaliya.

Muqdisho Oktoobar 20, 2014 Xeer ilaaliyaha Qaranka, Axmed Cali Daahir ayaa shaaciyey iney jiraan Garsooraytaal badan oo ka shaqeeya maxkamadaha gobolka Banaadir, kuwaasoo aan heysan wax shrciyad ah.
Axmed Cali Daahir oo la warbaahinta ayaa sheegay iney sharcidaro ay yihiin ku dhawaad 30-garsoorayaal oo ka shaqeeya Maxkamadaha Gobolka Banaadir iyo degmooyin kala duwan.
Axmed Cali Daahir ayaa sheegay in wax looga xumaado ay tahay in garsoorayaasha hada shaqeeya badankooda ay yihiin kuwa aan sharci aheyn, maadaama qofka garsoore noqonaayo laga rabo in Digreeto madaxweyne uu ku magacaawnaado, balse inta badan garoorayaasha hada jooga ay soo magacaabeen Golaha Adeega Garsoorka dalka ee uu madax u yahay gudoomiyaha Maxkamada Sarre Ceydiid C/llaahi Ilka-xnaf, sida uu yiri.
Wuxuu ku hanjabay Axmed Xeer Ilaaliyaha Guud Axmed Cali Daahir in lala xisaabtami doono garsoorayaasha hadda shaqeeya ee aan ku shaqeyn qaabka sharciga ah, maadaama ay ridaan xukuno, dad badan awoodda ka qaadeen, iyagoo aan sharci aheyn, sida uu yiri Axmed Cali Daahir.
Muranka u dhaxeeya Gudoomiyaha Maxkamadda Sare Avv. Ilka-xnaf iyo Xeer Ilaaliyaha Guud ee Qaranka Axmed Cali Daahir ayaa soo if baxay kabi markii Xeer Ilaaliyuhu amray in dhaqan geliyo Sharciga cusub ee Golaha Adeega Garsoorka, kaasoo isbaldel lagu sameeyey, arrintaas oo Ilka-xanaf diidan yahay.
“Xeer Ilaalintu ma aqbali doonto in sharci dalka loo soo saaray miiska hoostiisa la dhigto, waana in la dhaqangeliyo Sharciga cusub ee Golaha Adeega Garsoorka ee baarlamaanku ansixiyey, haddii kale waa leysla xisaabtami doonaa” ayuu yiri Axmed Cali Daahir 17-kii bishaan October.
Ilka-xanaf oo u jawaabaya Axmed Cali Daahir ayaa shalay oo aheyd 19-ka October 2014 yiri “Ninka sheeganaya xeer ilaaliyaha Qaranka ayaa yiri ma jiro golaha adeegga garsoorka, taasi waxaanan u maleynaynaa inay jaahilnimo badani ku jirto, waayo nidaamka dastuuriga ah ee dowladda ma ogola wax la yiraahdo jago bannaan”.
“Dastuurka dalka u yaalla jago la yiraahdo Xeer-ilaaliye oo howlo gaar ah qaabilsan nooguma jirto, balse sharciyadii ka horreysay way noogu jirtay… marka haddii la doonayo in la bedelo xeer-ilaaliyihii sharciyadii hore; waxay ahayd in si sharci ah loo bedelo, taasoo ah inuu bedelo golaha gaarsoorka. Nin sheegan kara Xeer-ilaaliye oo aanu ansixin golaha adeegga garsoorku waxba kama jiraan. Xeer ilaaliyuhuna wuxuu ka tirsan yahay maxkamadda sare, sida loo magacaabayana waxay ku taallaa qodobbada 15-aad iyo 18-aad ee xeerka garsoorka. Haddii la doonayo in xeer ilaaliye la magacaabo waa inay golaha garsoorku magacaabaan una gudbiyaan madaxweynaha si uu wareegto sharci ah ugu soo saaro,” ayuu yiri Ilka-xanaf

Muqdisho Oktoobar 20, 2014 Guddoomiyaha Barlamaanka Federaalka ah ee Soomaaliya mudane Maxamed Sheekh Cismaan Jawaari ayaa maanta qaabilay wafdi ka socda hay’adda Qaramada Midoobay u qaabilsan horumarinta mashaariicda ee marka magaceeda la soo gaabiyo loo yaqaan UNDP.

Guddoomiyaha iyo wafdiga ka socday UNDP waxa ay ka wada hadleen horumarinta howlaha Baarlamaanka, gaar ahaan kalfadiga shanaad ee Baarlamaanka oo ay guddoonka ku tilmaameen in uu ka midyahay kalfadhiyada laga doonayo in ay qabtaan shaqooyinka ugu badan.

Dhinac kale guddiga arrimaha bulshada ee Baarlamaanka ayaa kulan la qaatay hay’ad ka socota dowladda Mareykanka oo qaabilsan dhanka horumarinta iyo la shaqeynta guddiga arrimaha bulshada, iyadoo mas’uuliyiinta guddigaasi ay hay’adda u gudbiyeen sidii wax loogu qaban lahaa dadka naafada ah ee ku dhaqan Muqdisho.

Sidoo kale Guddiga Axsaabta ee Baarlamaanka ayaa maanta xarunta Villa Hargeysa kulan latashi ah kula yeeshay qaar ka mid ah abwaaniinta Soomaaliyeed, kaasi oo ku aadan in ay  gacan ka geystaan, isla markaana ay fikir iyo talooyin ku biiriyaan guddigan loo xilsaaray nidaamka axsaabta ee dalka.

Guddoomiyaha guddiga axsaabta ee Baarlamaanka mudane Cabdirisaaq Cismaan Jurule oo markii uu kulanka soo idlaaday kaddib la hadlay Warbaahinta ayaa sheegay in u jeedka kulanka uu ahaa sidii ay u heli lahaayeen talooyinka suugaanleeyda Soomaaliyeed.

“Qodobka 47aad oo ka mid ah dastuurka waxa uu leeyahay dalku waxa uu yeelanayaa nidaamka axsaabta badan, Baarlamaankana waxa uu ka soo saari doonaa sharciyo lagu hagayo axsaabta, sidaas darteed Baarlamaanku waxa uu sameeyay guddi gaar ah oo ka soo talo bixiya nidaamka axsaabta, tiradoodu waxa ay noqoneyso in ay talo soo jeediyaan, waxaana la kulanay qeybaha bulshada, sharciga la sameynaya waxaa aas aas u ah dadka, in muwaadiniintu ay qeyb ka noqdaan sameynta sharciyada dalka oo aysan ku koobnaan Baarlamaanka oo kaliya” ayuu yiri Cabdirisaaq Jurule.

Fanaaniinta kulanka ka qeyb galay ayaa waxa ay fariin suugaaneed ku soo bandhigeen fikirkooda  ku aadan nidaamka xisbiyada dalka, si dalka loo gaarsiiyo in lagu qeyb sado nidaamka axsaabta, lagana gudbo wax ku qeybsiga qabaa’ilka.

Muqdisho Oktoobar 19, 2014 R/wasare ku xigeenka xukuumada federaalka ahna wasiirka Owqaafta iyo arrimaha Diinta oo ay wehliyeen xubno ka tirsan golaha wasiirrada iyo xildhibaano ayaa maanta dalka dib ugu soo laabtay.

Ridwaan Xirsi Maxamed oo ah R/wasaare ku xigeen ahna wasiirka Owqaafta iyo arrimaha Diinta oo ka soo laabtay Xajka ayaa maanta lagu soo dhaweeyay garoonka diyaaraha Muqdisho, waxaana socdaalkiisa ku wehliyay, wasiirka Maaliyadda Xuseen Cabdi Xalane, iyo mudanayaal ka tirsan Baarlamanka oo soo gutay waajibaadka Xajka ee sanadkan.

R/wasaare ku xigeenka ayaa sheegay in xajka uu ugu soo dhamaaday si wanaagsan isagoo xusay in sanadkan ay ku geeriyoodeen Xajka Afara xujeey Soomaali ah.

Sidoo kale R/wasaare ku xigeenka ayaa sheegay iney ummadda Soomaaliyeed ay usoo duceeyeen iney ku gudajireen gudashada waajibaadka Xajka.

Muqdisho Oktoobar 19, 2014 Golaha wasiirrada ayaa kulan ballaaran oo looga arrinsanayay ammaanka dalka xalay ku yeeshay magaalada Muqdisho.

Shirkan xalay ka dhacay xafiiska R/wasaraha ayaa waxaa ka qeybgalay saraakiisha hey’adaha amniga, kuwa difaaca qaranka iyo AMISOM, iyadoo kuankaasi uu shir gudoominayay ku simaha R/wasaaraha ahna wasiirka amniga Qaranka Khaliif Axmed Ereg.

ujeedada shirkan ayaa aheyd sidii loo xoojin lahaa iskaashiga ka dhaxeeya dhamaan ciidamada qalabka sida iyo kuwa AMISOM, iyo in la dejiyo qorshaha lagu xasilinayo deegaannadii ugu dambeeyay ee laga xoreeyay maleeshiyaadka Al-shabaab.

Shirkaasi oo saacado badan qaatay kadib ayaa waxaa warbaahinta la hadlay taliyaha ciidanka Booliiska Soomaaliyeed Gen. Maxamed Xasan Ismaaciil oo sheegay in shirkaasi looga hadlay arrimo la xiriira ammaanka dalka.

Taliyaha ayaa xusay in qorshaha ay ku jirto sidii magaalada Muqdisho looga dhigi lahaa meel ka caaggan falal amnidarro, isagoo tibaaxay in arrintaasina ay si wada jir ah uga shaqeyn doonaan dhamaan ciidamada qalabka sida iyo kuwa AMISOM.

“Waxaan qorsheeysanay in dhulalkii laga xoreeyay nabad diidka dhamaan aan si qurux badan aanu nabadgelyadiisa u sugno, in la sii wado xoreynta dhulka inta ka dhiman ee nabad diidku heysto iyo si deg deg ah loo gaarsiiyo ciidanka nabadugidda, booliiska iyo maamulladii dhulalka la xoreeyay” ayuu yiri Gen, Maxamed Xasan Ismaaciil.

Arrintan ayaa qeyb ka ah dadaallada ay xukuumaddu ugu jirto xasilinta ammaanka guud ee dalka.

Muqdisho Oktoobar 16, 2014 Wakiilka dowladda Mareykanka u qaabilsan Soomaaliya James P. McAnulty waxa uu soo dhoweynayaa heshiiskii taariikhigaa ahaa ee 14kii October lagu saxiixay magaalada Garowe, kaas oo u dhaxeeyey dowladda federaalka ah ee Soomaaliya iyo maamul goboleedka Soomaaliyeed ee Puntland.

Heshiiskasi oo ka koobnaa laba iyo tobonka qodob oo muhiimka ah ayaa aasaas weyn u ah geedi socodka dhismaha qaranka.

“Heshiiskan waxa uu muujiyay sida ay uga go’an tahay labada dhinac in ay tusaale u noqdaan qorshayaasha socda iyo wada hadalka mustaqbalka dhex maraya dowladda federaalka ah iyo xubnaha maamulada ku mideysan federaalka si loogu sii socdo dhismaha nabadda, ammaanka iyo deganaanshaha ee dhammaan Soomaaliya,heshiiskan wuxuu sidoo kale xaqiijinayaa kaalinta dowladaha federaalka ah ee ku aadan fahamka dastuurka ee arrimaha federaalka” ayuu yiri James P. McAnulty.

Wakiilka Mareykanka ee Soomaaliya James P. McAnulty ayaa u mahad celiyey Qaramada Midoobay, Urur Goboleedka IGAD iyo Midowga Yurub oo fududeeyey heshiiskasi taariikhiga ah. Mareykanka waxaa si buuxda uga go’an taageeridda dowladda federaalka iyo maamulka Puntland dadaalkooda wada jirka ah ee lagu horumarinayo Soomaaliya, kaas oo si dhab ah uga turjumaya ajandahooda ku aadan nabadda iyo dhismaha dowladeed. Mareykanka waxa uu diyaar u yahay taageeridda hirgalinta heshiiskasi. Waxaan ku boorineynaa is-baheysigaan cusub ee la xoojiyay in uu ka faa’iideysto awoodda geedi socodka dhismaah qaran iyo sii socoshada horumarka bilaha soo socda si dib loogu eego, loona hirgaliyo dastuurka federaalka ah iyo xaqiijinta doorashooyin la qabto 2016ka.

 

Paris Oktoobar 16, 2014 Madaxweynaha dowlada Soomaaliya mudane Xaan Sheekh Maxamuud ayaa soo dhaweeyay saxiixa heshiiskii dhex maray dowlada Soomaaliya iyo maamulka Puntland,kaasi oo dhigayay in dib loo soo celiyo xiriirka labada dhinac iyo in si wada jir ah looga shaqeyo sidii loo dhisi lahaa dal federal ah.

Qoraal ka soo baxay xafiiska madaxweynaha Soomaaliya ayaa loogu mahad celiyay looguna hambalyeyay cid kasta oo gacan ka geysatay saxiixa heshiiskaasi.

“Waxaan soo marnay sanado badan oo dhib badan,wada hadal dhex mara soomaalida ayaa ah wadada horey loogu socon karo,taasi oo xaqiijineysa Soomaaliya oo nabad ah islamarkaana degan”ayaa lagu yiri qoraalka ka soo baxay xafiiska madaxweynaha.

“Waxaan aqoonsanahay guusha ay Puntland gaartay 16-kii sano ee la soo dhaafay,iyadoo xoojisay,islamarkaana dhistay hay’ado awood leh,Puntland wax badan ayey ka geysan kartaa dhisidda Soomaaliya oo awood leh,dimoquraadi ah,islamarkaana mideysan”ayuu yiri Madaxweyne Xasan Sheekh.

Qoraalka ka soo baxay xafiiska madaxweynaha Soomaaliya mudane Xasan Sheekh Maxamuud ayaa lagu sheegay in labadii sano ee la soo dhaafay horumar weyn laga sameeyay siyaasada Soomaaliya,laakiin loo baahanyahay in wax badan la qabto.

Madaxweynaha ayaa yiri“ Hiigsiga sanadka 2016 waxaa qeyb ka ah arrimo badan oo wax ka bedeli doono siyaasada Soomaaliya,todobaadyada soo socda waxan rajeynayaa in horumar laga sameyn doono qodobo muhiim ah oo ay ka mid yihiin sameynta gudiga xuduudaha iyo federaalka iyo gudiga doorashooinka”.

“Waan in aan taageernaa dhismaha u ogolaanaya dowlada federaalka ah in ay sii wado gaaritaanka maamulada KMG ah,iyadoo loo marayo wada hadal,xili uu sii socdo sameynta maamulada federaalka ah,waxaan rajeynayaa in la dardar galin doono howsha dib loogu eegayo hirgalinta dastuurkena federaalka ah,maadaama sanadkan 2016 isku diyaarineyno doorashooyin loo dhanyahay” Ayuu yiri madaxweynaha.

Madaxweyanaha Soomaaliya ayaa hadalkiisa ku soo gabagabeeyay maanta dal ahaan waxaan horey u qaadnay talaabo wanaagsan,waxaana codsanayaa in aan garbaha is qabsano si aan u dhisno mustaqbal wanaagsan.

Paris Oktoobar 16, 2014 Ra’iisul wasaaraha Jamhuuriyadda Federaalka Soomaaliya, Mudane Cabdiweli Sheekh Axmed oo booqasho rasmi ah ku jooga dalka Burundi ayaa maanta magaalada Bujumbura kula kulmay safiirrada wadamada saaxiibada la ah Somalia oo ay ka wada hadleen horumarka ay dowladdu gaartay.

Ra’iisul wasaaraha Jamhuuriyadda Federaalka Soomaaliya, Mudane Cabdiweli Sheekh Axmed ayaa la kulmay diblomaasiyiin ka socday Mareykanka, Midowga Yurub, Midowga Africa, Faransa iyo Holland iyadoo kulammadaasi uu ku wehelinayay Danjiraha Somalia u fadhiya dalka Burundi Abshir Xasan Abshir.

Ra’iisul wasaaraha Somalia, Abdiweli Sheikh ayaa war-bixin ka siiyey Danjirayaashaasi xaaladda Somalia ay ku sugan  tahay iyo horumarka dalka ka socda.

Ra’iisul Wasaaraha Soomaaliya oo arimahan ka hadlayay ayaa yiri:-

“Somalia waxa ay cagta saartay wadadii horumarka iyo nabadda, waxaan ammaanayaa doorka aad ka qaadaneysaan dib u kabashada Somaalia oo ah midda ugu muhiimsan ee aan ka wada shaqeyneyno.

“Waxaan soo dhoweynayaa sida aad Somalia u garab taagan yihiin, booqashada aan ku imid dalka Burundi waxa ay  qeyb ka tahay iskaashiga Somalia iyo dalalka Africa, Safaaraddeenna dalkan warka ka soo yeeray ee ah in ka xiri doona ma ahan wax la xiriira xiriir xumo laakin arrimo Dhaqaale ayaa  keenay arrintaas, diyaarna waxaan u nahay inaad tallooyinka saaxiibada tixgelino oo aan dib u eegis ku sameyno”

“Somalia xiligan waxa ay u baahan tahay in laga wada qeyb-galo dhismaheeda, dhanka kale xaalado bini’aadannimo ayaa dalka ka jira oo dadka ay abaartu saameysay waxa ay u baahan yihiin in gurmad la gaarsiiyo, meelo badan oo ka mid ah Koofurta Somalia waxaa laga xorreeyey argagixisada oo ciidamadeenna iyo AMISOM ayaa iska kaashanaya, waana horumarka dalka uu gaaray qeyb ka mid ah.”

Ugu dambeyntii Safiirrada uu war-bixinta siiyey Ra’iisul wasaaraha Somalia, ayaa dhankooda ku ammaanay doorka dowladda Federaalka Soomaaliya ee dhinacyada amniga, maamullada iyo xiriirka caalamiga ah ay ka sameysay, waxa ay ballan qaadeen in ay sii xoojin doonaan taageerada ay Somalia siiyaan, Ra’iisul wasaaraha ayeey u soo jeediyeen in ay dib u eegis  ku sameyso xirtaanka Safaaradda Somalia ee dalka Burundi.

#‎Somalia‬: Paris Oktoobar 15, 2014 Madaxweynaha Soomaaliya Mudane Xassan Shiikh Maxamuud oo la kulmay Madaxweynaha Dalka Faransiiska Mudane François Hollande gudaha magaalada Paris.

Dowladda Soomaaliya's photo.
Dowladda Soomaaliya's photo.
Dowladda Soomaaliya's photo.
Like





Muqdusho, 16 October, 2014Ra’iisul Wasaaraha Soomaaliya, Mudane Cabdiweli Sheekh Axmed ayaa magaalada Bujumbura kula kulmay Madaxweynaha dalka Burundi, Mudane Pierre Nkurunziza, Madaxweyne ku-xigeenka, Mudane Prosper Bazombanza iyo xubno ka tirsan Xukuumadda oo ay kamid yihiin Wasiirka Arrimaha Dibadda iyo Wasiirka Gaashaandhiga dalka Burundi, Waxa ayna ka wada hadleen xoojinta xiriirka iyo iskaashiga labada dawladood iyadoo Ciidamada Burundi ay qayb ka yihiin ciidanka nabad ilaalinta midawga Afrika ee AMISOM oo ka gacan siiya dawladda Soomaaliya soo celinta amniga iyo xasiloonida . Ra’iisul Wasaaraha waxaa kulamada uu la qaatay madaxdan ku wehelinayey Wasiiru-dawlaha Arrimaha Dibadda Soomaaliya, Mudane Burci Maxamed Xamza, Wasiiru-dawlaha Gaashaandhiga , Mudane Maxamed Cali Xagaa iyo Safiirka Soomaaliya u fadhiya dalka Burundi, Mudane Abshir Xasan Abshir.

Ra’iisul Wasaaraha Soomaaliya ayaa uga mahadceliyay dalka Burundi soo dhoweynta diirran ee isaga iyo wafdigiisa loo sameeyay, waxa uuna ka warbixiyay horumarada kala duwan ee ka socda dalka Soomaaliya oo muddo dheer uu gaaray burbur kala duwan , gaar ahaan howlgaladda Badweynta India iyo xasiloonida kusoo noqonaysa dalka Soomaaliya. Ra’iisul Wasaaraha ayaa sheegay in ciidamadda Dawladda iyo kuwa AMISOM oo iskaashanaya ay dib-u-xoreeyeen inta badan goboladda dalka oo horay ay gacanta ugu hayeen Nabad-diidka Al-Shabaab.

“Waxaan sii xoojinaynaa xiriirka walaaltinimo ee u dhexeeya Burundi iyo Soomaaliya, waxaan la wada soconaa in ciidamada Burundi oo qayb ka ah AMISOM ay naftooda u hureen sidii dib loogu soo celin lahaa sharaftii iyo dawladnimadii Soomaaliya iyagoo ku taageeray dawladda in ka badan 5000 oo ciidan ah, laguna xasuusan doono in ay kaalin muhiim ah uga jirtay dib-u-dhiska Soomaaliya. Waxaan ku faraxsanahay in aan ka wada hadalnay madaxda Burundi sidii labada dawladood ay isaga kaashan lahaayeen arrimo ay kamid yihiin Maalgashiga, waxaana kusoo dhoweynaynaa ganacsata dalkan in ay ka qayb-qaadataan maalgashiga Soomaaliya  xilligan mar haddii    amnigu uu soo hagaagay.” Ayuu yiri Ra’iisul Wasaaraha Soomaaliya Mudane Cabdiweli Sheekh Axmed.

Dhanka kale, Ra’iisul Wasaaraha Soomaaliya iyo Dawladda Burundi waxaa ay ka wada hadleen eedaynta hay’adda Human Rights Watch ee la xiriirta in Ciidanka AMISOM ay furaxumayn u gaysteen dumar Soomaaliyeed iyadoo Ra’iisul Wasaaruhu uu sheegay in dawladiisu ay arintaasi walaac ka qabto, waxaana dawladda Burundi ay balan qaaday in dhowaan ay Soomaaliya usoo diri doonto guddi ka qayb qaata baaritaanka la xiriira eedayntaasi oo la shaqayn doona dawladda Soomaaliya.

“Waxaan aad uga faraxsanahay horumaradda  ka jira dalka Soomaaliya iyo horumaradda kala duwan ee muuqda. Waxaan sii xoojin doonnaa taageerada aan siinayno walaaleheena Soomaaliyeed si ay usoo noqoto kala danbayntii. Dalkan Burundi waxaa uu soo maray dhibaatooyin dhib badan, maantana waxaan ku talaabsana horumarro aad u badan. Waxa hadda noo muuqdana waa in Soomaaliya ay ka gudubtay dhibaatooyinkii horay u gaaray oo meel fiican ay ku socoto.” Ayuu yiri Madaxweynaha Burundi…

Ugu danbayntii, Ra’iisul Wasaaraha Soomaaliya ayaa booqday qaar kamid ah Warshadaha dalkan si uu ugu kuuragalo horumaradda kala gadisan ee dalka Burundi uu hiigsanayo, isagoo dhanka kalana la kulmay xubno ka socda ganacsatada dalka Burundi oo uu ku dhiirigaliyay in ay yimaadaan soomaaliya oo ay ka qaybgalaan maalgashiga.

Baraawe Khamiis, 16 October, 2014iidamada dowladda ayaa howlgallo lagu xaqiijinayo ammaanka ka wada degmada baraawe iyo degaano hoos yimaada oo dhawaan laga xoreeyay malleeshiyaadka Al-shabaab.

Gudoomiyaha gobolka Sh/hoose C/qaadir Maxamed Nuur “Sidii” oo la hadlay Radio Muqdisho ayaa sheegay in ciidamadu ay howlgallo dheeraad ah oo lagu xaqiijinayo ammaanka ay ka wadaan magaalada Baraawe, isagoo intaa raaciyay in howlgalladaasi lagu soo qab qabtay dad la tuhunsanyahay iney ka mid ahaayeen ama siyaabo dadban ula shaqeeynayeen maleeshiyaadka nabad diinka ah ee Al-shabaab.

dhanica kale gudoomiyaha gobolka Sh/hoose C/qaadir “Siddii” ayaa sheegay in maamulka degmada ay hadda gacanta ku hayaan ciidamada, wuxuuna  xusay in todobaadyo kadib maamulka degmadaasi lagu soo wareejindoono mas’uuliyiinta u magacaaban degmada.

“Siiddii” ayaa tilmaamay in dadka ku dhaqan Baraawe ay heystaan nabadgelyo iyo xorriyad, isagoo xusay in dhaq dhaqaaqii ganacsiga uu sare u kacay islmarkaana ay soo hagaageeyso nolosha dadka.

Degmada Baraawe ayaa ka mid ah magaalooyinkii ugu dambeeyay ee laga xoreeyay argagixisada.

Bujunbura Arbaco, 15 October, 2014Ra’iisul Wasaaraha Soomaaliya, Mudane Cabdiweli Sheekh Axmed ayaa magaalada Bujumbura kula kulmay Madaxweynaha dalka Burundi, Mudane Pierre Nkurunziza, Madaxweyne ku-xigeenka, Mudane Prosper Bazombanza iyo xubno ka tirsan Xukuumadda oo ay kamid yihiin Wasiirka Arrimaha Dibadda iyo Wasiirka Gaashaandhiga dalka Burundi, Waxa ayna ka wada hadleen xoojinta xiriirka iyo iskaashiga labada dawladood iyadoo Ciidamada Burundi ay qayb ka yihiin ciidanka nabad ilaalinta midawga Afrika ee AMISOM oo ka gacan siiya dawladda Soomaaliya soo celinta amniga iyo xasiloonida . Ra’iisul Wasaaraha waxaa kulamada uu la qaatay madaxdan ku wehelinayey Wasiiru-dawlaha Arrimaha Dibadda Soomaaliya, Mudane Burci Maxamed Xamza, Wasiiru-dawlaha Gaashaandhiga , Mudane Maxamed Cali Xagaa iyo Safiirka Soomaaliya u fadhiya dalka Burundi, Mudane Abshir Xasan Abshir.

Ra’iisul Wasaaraha Soomaaliya ayaa uga mahadceliyay dalka Burundi soo dhoweynta diirran ee isaga iyo wafdigiisa loo sameeyay, waxa uuna ka warbixiyay horumarada kala duwan ee ka socda dalka Soomaaliya oo muddo dheer uu gaaray burbur kala duwan , gaar ahaan howlgaladda Badweynta India iyo xasiloonida kusoo noqonaysa dalka Soomaaliya. Ra’iisul Wasaaraha ayaa sheegay in ciidamadda Dawladda iyo kuwa AMISOM oo iskaashanaya ay dib-u-xoreeyeen inta badan goboladda dalka oo horay ay gacanta ugu hayeen Nabad-diidka Al-Shabaab.

“Waxaan sii xoojinaynaa xiriirka walaaltinimo ee u dhexeeya Burundi iyo Soomaaliya, waxaan la wada soconaa in ciidamada Burundi oo qayb ka ah AMISOM ay naftooda u hureen sidii dib loogu soo celin lahaa sharaftii iyo dawladnimadii Soomaaliya iyagoo ku taageeray dawladda in ka badan 5000 oo ciidan ah, laguna xasuusan doono in ay kaalin muhiim ah uga jirtay dib-u-dhiska Soomaaliya. Waxaan ku faraxsanahay in aan ka wada hadalnay madaxda Burundi sidii labada dawladood ay isaga kaashan lahaayeen arrimo ay kamid yihiin Maalgashiga, waxaana kusoo dhoweynaynaa ganacsata dalkan in ay ka qayb-qaadataan maalgashiga Soomaaliya  xilligan mar haddii    amnigu uu soo hagaagay.” Ayuu yiri Ra’iisul Wasaaraha Soomaaliya Mudane Cabdiweli Sheekh Axmed.

Dhanka kale, Ra’iisul Wasaaraha Soomaaliya iyo Dawladda Burundi waxaa ay ka wada hadleen eedaynta hay’adda Human Rights Watch ee la xiriirta in Ciidanka AMISOM ay furaxumayn u gaysteen dumar Soomaaliyeed iyadoo Ra’iisul Wasaaruhu uu sheegay in dawladiisu ay arintaasi walaac ka qabto, waxaana dawladda Burundi ay balan qaaday in dhowaan ay Soomaaliya usoo diri doonto guddi ka qayb qaata baaritaanka la xiriira eedayntaasi oo la shaqayn doona dawladda Soomaaliya.

“Waxaan aad uga faraxsanahay horumaradda  ka jira dalka Soomaaliya iyo horumaradda kala duwan ee muuqda. Waxaan sii xoojin doonnaa taageerada aan siinayno walaaleheena Soomaaliyeed si ay usoo noqoto kala danbayntii. Dalkan Burundi waxaa uu soo maray dhibaatooyin dhib badan, maantana waxaan ku talaabsana horumarro aad u badan. Waxa hadda noo muuqdana waa in Soomaaliya ay ka gudubtay dhibaatooyinkii horay u gaaray oo meel fiican ay ku socoto.” Ayuu yiri Madaxweynaha Burundi…

Ugu danbayntii, Ra’iisul Wasaaraha Soomaaliya ayaa booqday qaar kamid ah Warshadaha dalkan si uu ugu kuuragalo horumaradda kala gadisan ee dalka Burundi uu hiigsanayo, isagoo dhanka kalana la kulmay xubno ka socda ganacsatada dalka Burundi oo uu ku dhiirigaliyay in ay yimaadaan soomaaliya oo ay ka qaybgalaan maalgashiga.

Dibouti Oktoobar 14, 2014 Madaxweynaha Jamhuuriyadda Federaalka Soomaaliya mudane Xasan Sheekh Maxamuud oo maanta gaaray dalka Jabuuti ayaa kulan la qaatay Ra’isul wasaaraha Jamhuuriyadda Jabuuti Cabdul-qadir Kaamil Maxamed iyagoo ka wada hadlay arrimo kale duwan oo la xiriira labada dal.

kulanka oo ka dhacay garoonka diyaaradaha magaalada Jabuuti ee dalkaasi ayaa waxaa madaxweynaha iyo wafdiga la socda ku soo dhaweeyay halkaasi mas’uuliyiin ka tirsan Dowladda Jabuuti waxaana kulanka labada mas’uul inta uu socday uu madaxweynaha dalka uu sharaxaad ka siiyay horumarada dowladda ay ku tilaabsatay iyo guulaha ciidanka xoogga dalka Soomaaliyeed ay ka gaareen howlgalka Badweynta Hindiya.

Ra’isul wasaaraha dowladda Jabuuti Cabdul-qadir Kaamil Maxamed ayaa soo dhaweeyay guulahaasi isagoo hambalyo u diray geesiyaasha naftooda u huray howlgalkaasi ee ciidanka Xoogga dalka Soomaaliyeed, waxaana uu ku dhiir galiyay in la sii wado howlgalada lagu ciribtirayo argagaxisada Al Shabaab.

kulanka kaddib ayaa madaxweyne Xasan uu ka ambabaxay garoonkaasi isagoo u ambabaxay magaalada Paris ee dalka France oo uu casuumaad ka helay madaxweynaha dalkaasi.

Muqdisho Oktoobar 14, 2014 Ciidamada hey’adda sirdoonka iyo nabadsugida Qaranka ayaa maanta gacanta ku dhigay 15-ruux oo qorsheynayay in magaalada Muqdisho ay ka sameeyaan falal argagaxisanimo kuwaa oo ay ka warheleen ciidamada.

15-kani ruux oo hal guri oo ku yaala Suuqa Bakaaraha laga soo qabtay ayaa ka soo firxaday deegaannada dhawaan ciidamada Xoogga dalka Soomaaliyeed ay kala wareegeen maleeshiyaadka argagaxisada sida Baraawe, Cadale, iyo deegaanno kale, waxaana ay ku howlanaayeen in ay dhibaateeyaan umadda Soomaaliyeed laakiin Sirdoonka dalka oo arrimahaasi ka feejigan ayaa soo qabtay.

Afhayeenka Wasaaradda amniga Qaranka Maxamed Yuusuf Cismaan ayaa sheegay in dadkani ay ku soo qabteen howlgalo ay sameeyeen Ciidamada Nabadsugida, mar walbana ay ka hortagayaan dhagaraha ay u maleegayaan dadka Soomaaliyeed maadaama ay ku jabeen howlgalka Badweynta Hindiya oo lagu ciribtirayo argagaxisada.

Hey’adaha ammaanka Dalka oo kaashanaya shacabka Soomaaliyeed ayaa dalka ka wada howlgalo lagu baadi goobayo firxadka Kooxda Shabaab oo lagaga Itaal roonaaday howlgalka Badweynta Hindiya iyo howlgaladii ka horeeyay.

Muqdisho Oktoobar 14, 2014 Siminaar lagu baranayay sida loo daweeyo xoolaha oo ay ka qeyb galeen xoolaleey ka socotay degmooyinka gobolka Shabeelaha Dhexe ayaa lagu qabtay magaalada Jowhar ee xarunta gobolkaasi.

Tababarkaan waxaa ka qeyb galaya dad ka kala yimid degmooyinka Jowhar, Balcad, Mahaddaay, Warshiikh iyo Cadale. Dadkaan waa xoolaleey la bari doono sida ay xoolahooda uga daweyn lahaayeen cudurrada ku dhaca.

Madaxa maareynta musiibooyinka ee gobolka Cismaan Maxamed Mukhtaar ayaa sheegay in ay muhiim tahay in xoolaleeyda laga caawiyo inay xoolahooda daaweyntaan, isagoo u mahad celiyay hay’adaha fulinaya howshaan.

“Xoolaha maaha in la dhaqdo oo kaliya ee waa in xannaaneyntooda laga fikiro” ayuu yiri Cusmaan Mukhtaar.

Guddoomiyaha degmada Jowhar Maxamed Cusmaan Caqiil  oo ka hadlay tababarkaan ayaa u mahad celiyay hay’adda FAO iyo urur maxalli ah oo iska kaashanaya mashruucaan oo lagu daweynayo xoolaha ay dhaqdaan dadka gobolku sida Geela, Ariga iyo Lo’da.

Bakool Oktoobar 14, 2014 Ciidamada dowladda ee ku sugan gobolka Bakool ayaa maleeshiyaadka Al-Shabaab kala wareegay tuulooyin hoos taga degmada Waajid iyo degaankaTeyeegloow kaddib howl gallo ay ka sameeyaan halkaasi.

Guddoomiyaha degmada Waajid Cabdullaahi Aadan Yariisow oo la hadlay Radio Muqdisho ayaa sheegay in ciidamadu ay horumar badan ka sameeyeen degmada iyo tuulooyinka hoos taga ay kala wareegeen maleeshiyaadkii Al-Shabaab ee dhibaatada ka waday. Wuxuu intaa ku daray in howl galladu ay sii socon doonaan inta kooxdu ay ku sugan yihiin meel ka mid ah gobolka.

Sarkaal ka tirsan ciidamada dowladda oo ku sugan agagaarka Tayeegloow ayaa sidoo kale tilmaamay in ciidamadu ay la wareegeen dhowr tuulo isla markaana ay dagaal ay la galeen maleeshiyaadka Al-Shabaab. Dagaalkaas waxaa ku dhintay shan ka tirsan maleeshiyaadka sida uu xaqiijiyay sarkaal lagu magacaabo (Kunoow).

Ciidamada dowladda iyo kuwa midowga Afrika ee AMISOM ayaa howl gal ballaaran oo ka dhan ah kooxada Al-Shabaab ka wada gobollada dalka, waxay horumar ka sameeyeen goobo badan ayadoo dhawaan kooxda laga saaray magaalada Baraawe ee gobolka Shabeelaha Hoose oo xarun u ahayd kooxda sanidihii la soo dhaafay.

Garowe Oktoobar 14, 2014 R/wasaaraha xukuumadda federaalka ah mudane Cabdiwali Sheekh Axmed Maxamed ayaa lagu wadaa saakay inuu soo xiro shirka wada tashiga ah ee u dhaxeeya maamulka Puntland iyo xukuumadda federaalka ah oo saddexdii maalin ee la soo dhaafay ka socday magaalada Garowe ee xarunta maamulkaasi.

Guddiyo ka socda xukuumadda iyo maamulka ayaa ka doodayay dhowr arrimood ay cabasho ka qabeen maamulka Puntland, waxaana la isku raacay wax badan ayadoo la filayo in la shaaciyo maanta qodobbada lagu heshiiyay kaddibna ay saxiixaan masuuliyiintu.

Madaxweynaha maamulka Puntland Cabdiwali Maxamed Cali iyo R/wasaare Cabdiwali ayaa furitaankii shirka ka sheegay in si waddanimad iyo midnimo ku jirto loo wajaho wada-hadallada six al looga gaaro tabashada uu qabo maamulku.

Wariyeha Radio Muqdisho ee Garowe Cabdi Xasan Awoowe ayaa ku soo warramaya in saakay uu socdo diyaar garoow loogu jiro in shirka la soo gabagabeeyo lana shaaciyo qodobbada xalka laga gaaray.

Ergagyga gaarka ah ee xoghayaha guud ee Qaramada Midoobay u qaabilsan Soomaaliya Danjire Nicholas Kay iyo wakiilo ka socda IGAD iyo caalamka ayaa ku sugan Garowe si ay uga qeyb galaan munaasabadda lagu soo gabagabeynayo shirkaasi.

Wixii warar ah ee ku soo kordha waan idiin soo gudbin doonaa hadduu Alle idmo.

Muqdisho Oktoobar 13, 2014 Wasiirka Warfaafinta ee Xukuumadda Soomaaliya mudane Mustaf Sheekh Cali Dhuxulow ayaa si kulul u cambaareeyay weerarkii maanta lagu dhaawacay Agaasimaha Telefishinka Somali Chanel ee xafiiska Muqdisho Cabdirisaaq Jaamac Cilmi “Black” kaasi oo kooxo hubeysan ay rasaas ku fureen.

War-saxaafadeed ka soo baxay xafiiska Wasiirka Wasaaradda Warfaafinta ayaa lagu yiri “Weerarkii maanta waxa uu ahaa isku day lagu doonayay in lagu qaarijiyo Wariye Cabdirisaaq, kaasi oo ay kooxaha argagixisadu damacoodu-yahay inay ku aamusiyaan saxaafadda, maleeshiyo hubeysan ayaa weerarka geystay, laakiin Alle mahadiis dhaawac ayaa ka soo gaaray xagga caloosha”

“Wariye Cabdirisaaq waxaa iminka lagu dabiibayaa cisbitaalka Madiina ee Muqdisho, waxaana uu ka mid ahaa guddii farsamo ee dib u eegista ku sameeyay xeerka saxaafadda kaasi oo ay meel mariyeen Golaha Wasiirada, waxaan u rajeynayaa in uu Alle bogsiiyo, kooxaha argagixisadu marna ma caburin karaan doorka ay saxaafaddu ka qaadaneyso horumarka dalka, waana sii xoojineynaa in aan bulshada u baahino xaqiiqda jirta”.

“Dowladda Soomaaliya waxa ay baaritaanno cad ku sameyneysaa dadkii ka dambeeyay falkaasi si cadaalladda loo horkeeno, waxaana shacabka ka codsaneynaa in ay la shaqeeyaan hay’adaha amniga iyo kuwa cadaaladda, si gacanta loogu soo dhigo kooxihii falkaasi ka dambeeyay, si wada jir ah ayaan uga adkaan karnaa haddii aan sii xoojino isku duubnida iyo dadaalka loogu jiro horumarinta saxaafadda” ayaa lagu yiri War-saxaafadeedka ka soo baxay xafiiska Wasiirka Warfaafinta ee xukuumadda Soomaaliya mudane Mustaf Sheekh Cali Dhuxulow.

Wargeyska Dalka's photo.
Wargeyska Dalka's photo.
Wargeyska Dalka's photo.
Wargeyska Dalka's photo.
Like

Photo: Calanyahow quruxda badan ha dhicin, cadowgu ha kaa naxo marka uu ku arko. Hambalyo maanta waa malinti calankeena.

Mugadishu, 13 October 2014 – Calanyahow quruxda badan ha dhicin, cadowgu ha kaa naxo marka uu ku arko. Hambalyo maanta waa malinti calankeena.

Mugadishu, 13 October 2014 – Wakiilka Qaramada Midoobeey uqaabilsan Arimaha Soomaaliya Ambassador Nicholas Kay ayaa waxa uu ka hadlay Qaraxii xalay fiidkii ka dhacay Wadada Maka Al Mukarama ee Magaalada Muqdisho.

Waxa qoraal uu soo dhigay Boggiisa Twitter-ka uu ku sheegay inuu ka xun yahay weerarka lagu qaaday Maqaaxi dadka ku shaaheynayeen oo ku taallay Agagaarka Xarunta Baarlamaanka ee Magaalada Muqdisho.

Nicholas Kay waxa uu sheegay inay caafimaad urajeynayaan dadka dhaawaca ah isagoo ku tilmaamay weerarkaasi ismiidaaminta loo adeegsaday mid fool xun.

Qaraxii Ismiidaaminta ahaa ee xalay ka dhacay Muqdisho waxa lala eegtay Baar dadka ku qaxweeyaan oo la yiraahdo Oromo Caffee waxaana uu ku yaallaa inta udhaxeysa Taalada Sayidka iyo Isgoyska Dabka ee Magaalada Muqdisho waxa qaraxaasi ku dhintay 15 qof dad kabadan halka 20 dad kor udhaafayana ay ku dhaawacmeen.

Mugadishu, 13 October 2014 –  Dowladda Federaalka Soomaaliya, ayaa waxa ay Gor-Gortan kula jirta Saddex Shirkadooda oo doonaya inay dalka ka baaraan Shidaal, kadib markii ay laashay heshiisyo ay horey u galeen maamul goboleedyada dalka ka jira sida Puntland iyo Somaliland.

Shirkadaha ay dowladda wada-hadalka kula jirto ayaa kala ah:-

  1. Royal Dutch Shell Plc (RDSA), ama (Shell), waxaa laga leeyahay dalka Holland.
  2. Exxon Mobil Corp. (XOM),waxaa laga leeyahay dalka Mareykanka.
  3. BP Plc (BP/). (British Petroleum),waxaa laga leeyahay dalka Ingiriiska (UK).

Saddexdan Shirkadood, ayaa hadda waxa ay Wada-hadallo kula jiraan Dowladda Federaalka Soomaaliya, iyagoo doonaya inay dalka yimaadaan oo ay Shidaal Baaris ka sameeyeen Gobolada la is leeyahay Shidaal ayaa ku jira.

Dowladda Federaalka Soomaaliya, ayaa iminka wada Howlgallo Military, iyadoo isku dayaysa inay qabsato Dhul ballaaran oo ay kusoo jiidan karto Dowladaha iyo Shirkadaha Shisheeye ee Maalgashiga oo horey Amni la’aan dartiisa dalka u imaan kari waayey.

Maamullada ka jira dalka iyo kuwa hadda la samaynayo ayaa dhamaan waxa ay tartan ugu jiraan sidii Maamulka kasta uu Heshiisyo ula gali lahaa Shirdaha Shidaalka baara, waxaana Loolankaasi uu dhaliyay Khilaaf xoogan, inkasta oo weli gacanta sare ay haysato dowladda.

Puntland iyo Somaliland waa Maamulada hadda ay bartilmaameedsanayaan Saddexdan Shirkadooda ee kor ku xusan, balse Dowladda Federaalka ayaa u diiday Shirdaha Shisheeye inaysan Heshiis aan ogeyn Dowladda Dhexe la gali karin Maamul Goboleed. Shirkadaha ayaa aqbalay amarka dowladda, waxayna hadda la xaajoonayaan dowladda.

Markii ay Dowladda Federaalka soo saartay Go’aankan, Shirkaduhu waxay joojiyeen Dhamaan heshiisyadii, maadaama la sheegay in Shirkadii ku xadgudubta Madaxbanaanida Soomaaliya Maxkamd la geyn doono, sidoo kalena la ganaaxi doono.

Wadahadallo ku saabsan Heshiisyada lala galayo Shirdaha Baarista Shidaalka, Federaalka iyo Qeybsashada Dhaqaalaha loogu deeqo Soomaaliya ayaa Maalintii 2-aad waxayy Garoowe uga socdaan Dowladda Dhexe iyo Puntland.

Sida uu qabo Dastuurka Federaalka, Maamul Heshiisyo lama gali karo Shirkado caalami ah iyo Dowlado intaba, waxaa taasi xaq u leh oo kaliya Dowladda Dhexe ee dalka.

Mugadishu, 13 October 2014 – Ciidamada Dowlada Soomaaliya ayaa Saakay Waxaa Ay Howlgal Ka Wadaan Xaafadaha Ay Ka Koobantay Degmada Hiliwaa Ee gobolka Banaadir.

Howlgalka Ciidanka ayaa waxaa uu ka dambeeyaa Kadib dagaal Xoogan oo Xalay Dagaal Yahano Ka Tirsan Al-shabaab Ay Ku Qaadeen Fadhiisimo Ciidamada Dowlada Soomaaliya Ay Ku Leeyihiin Degmada Hiliwaa ee Magaalada Muqdisho.

Goob-jooge Ku Sugan Xaafada Suuqa Xoolaha ayaa Wacaal Media u sheegay in Howlgalka uu yahay mid lagu soo qab-qabanayo Dhalinyarada Gaar Ahaan Kuwa ay ka shakiyaan Ciidamada Howlgalka Wada,Waxaa uu Goob-joogaha inoo Xaqiijiyay in Howlgalkaasi ilaa iyo Iminka Lagu Soo Qabtay Dad Aad u Fara-badan.

Si Aan Wax Badan Kaga ogaano Howlgalkaasi Saakay Ka Soconaya Degmada Hiliwaa Ayaa Waxaa aynu La Xeriirnay Maamulka Degmada Balse Waxaa uu Inoo Sheegay in Howlgalka uu Yahay mid Lagu Xaqiijinaayo Amaanka Degmadaasi.

Ma’ahan Markii Ugu Horeysay oo Ciidamada Dowlada Soomaaliya ay howlgal Lagu Xaqiijinaayo Amaanka ay ka sameeyaan degmada Hiliwaa ee Gobolka Banaadir.

Mugadishu, 13 October 2014 –Munaasabadaan lagu daah furayay warshad soo saaraysa qalabka dhismaha gaar ahaa jiingadaha ayaa waxaa ka qeyb galay Agaasimaha waaxda Warshadaha ee Wasaaradda Ganacsiga guddoomiyaha qeybta Warshadaha ee Rugta ganacsiga Soomaaliya iyo maamulka warshadan cusub, kaasi oo lagu qabtay Muqdisho.

Maamulaha warshadda cusub Cabdulaahi Cabdi Faarax ayaa sheegay in warshadan ay tahay tii ugu horeysay ee nuuceeda oo laga furo magaalada caasimadda ah ee Muqdishao iyo faa’iidada warshadaan ay u leedahay shacabka Soomaaliyeed oo uu ku sheegay inay tahay mid wax badan dalka ku soo kordhin doonto, ayna sameyn doonaan nuuc aan horey dalka loo keenin.

Guddoomiyaha qeybta warshadaha ee Rugta ganacsiga Soomaaliyeed Maxamuud Cismaan “Taako” oo ka hadlay munaasabaada lagu furayay warshadaan cusub ayaa sheegay in uu ka mahadcelinayo muwaadiniinta isku howlay inay dalka ka howgeliyaan warshadda cusub oo ahayd mid ay baahi weyn u qabeen shacbiga Soomaaliyeed, waxaana uu ku baaqay in la dhiiri geliyo ganacsatada dooneysa inay maalgeshi ku sameeyaan gudaha dalka.

Agaasimaha waaxda warshadaha ee Wasaaradda Ganacsiga iyo Warshadaha mudane Cali Xuseen Cismaan ayaa sheegay in ay soo dhaweynayaan horumarka nuucaani oo kale ah, waxaana uu dhanka kale baaq u diray dhamaan mas’uuliyiinta Warshadaha ku yaalla Muqdisho inay iska soo diiwaan geliyaan xarunta Wasaaradda.

Mugadishu, 11 October 2014 – Guddoomiyaha gobolka Banaadir ahna duqa Muqdisho  Jen. Xasan Maxamed Xuseen “Muungaab” ayaa xalay casho la yeeshay masuuliyiin ka socotay qaar ka mid ah hay’adaha horumarinta iyo mashaariicda ee dowladda Turkiga, kuwaas oo mashaariic dib u dhis ah ka wada magaalada Muqdisho.

Kulankaan ayaa ka dhacay maqaayad ku taalla xeebta Liido. Afhayeenka maamulka gobolka Cali Maxamuud Faarax “Seeko” ayaa Radio Muqdisho u sheegay in guddoomiyuhu uu kala hadlay masuuliyiintaan sidii loo dardar galin lahaa dhismaha waddooyinka ee ay wadaan walaalaha Turkigu.

“Dhawaan waxaa la dhisi doonaa waddada Wadnaha oo laga bilaabi doono Kaaraan” ayuu yiri Cali Seeko oo intaa raaciyay in waddooyin badan oo muhiim ah uu Turkigu u dhisay shacabka ku nool magaalada Muqdisho.

Dhinaca kale wuxuu afhayeenku ku nuuxnuuxsaday nabadda ka jirta magaalada, isagoo shacabka ugu baaqay inay ciidamada ammaanka la shaqeeyaan si wax looga qabto kuwa ammaanka lidka ku ah ee bulshada dhibaateynaya.

Mugadishu, 11 October 2014 – Mas’uuliyiin ka tirsan maamulka KMG-ka ah ee Jubba, Dhaqaatiir iyo qeybaha kala duwan ee bulshada ayaa ka qeyb galay munaasabad lagu dhagax dhigayey xarunta hooyada iyo dhallaanka ee xaafadda Faanoole ee magaalada Kismaayo.

Madaxweyne ku xigeenka maamulka KMG ah ee JubbaSuldaan Cabdulqaadir Lugadheere oo ka hadlay goobta laga dhisayo xaruntaan caafimaad ayaa u mahad celiyay hay’adda dhiseysa oo lagu magacaabo Muslim Hand, isagoo shacabka ugu baaqay inay ka qeyb qaataan dib u dhiska magaalada.

Sidoo kale shacabka degmada ayaa soo dhaweeyay xaruntaan caafimaad oo ay ka faa’iideysan doonaan hooyooyinka iyo carruurta u baahan gargaarka caafimaad.

Mugadishu, 11 October 2014 –Magaalada Muqdisho waxaa xalay ka da’ay roob xoog leh oo saameyn ku yeeshay waddooyinka xaafadaha iyo laamiyada qaarkood.

Roobkaan ayaa biyo dhigay qeybo ka mid ah waddooyinka, wuxuuna socday dhowr saacadood isagoo soo gaaray waaberigii saakay.

Dadka barakacayaasha ah ee aan heysan gabbaadka ayuu aad u saameeyay roobku inkastoo aan wali la sheegin khasaare uu geystay.

Subaxnimadii hore ee saakay waxaa yaraa dhaqdhaqaaqa dadka iyo gaadiidka roobka awogii, taas oo saameyn ku yeelatay ganacsiga iyo waxbarashada.

Muddoominkaan roob sidaan oo kale ah kama da’in magaalada Muqdisho, waana raxmad ay ku qabowsadeen dadku. Wixii warar ah ee ku soo kordha saameynta uu roobkaani geystay waan idiin soo gudbin doonnaa hadduu Alle idmo.

Mugadishu, 11 October 2014 – Wasiirka Warfaafinta Mudane Mustafa Sheikh Ali Dhuhulow ayaa ka warbixiyey horumarka Dowladda ee usbuucii la soo dhaafay. Wasiirka ayaa ka hadlay arrimo ay ka mid yihiin; Horumarka Boostada Dalka, isku Xirka Qurbojoogta iyo Dowladda, bilowga goobo lacagaha lagala baxo oo ay yeeshaan Bankiyada, Xoreyntii degmada Baraawa, Horumarka Dhaqangelinta Federaalka, booqashada Wasiir Ku xigeenka Arrimaha Dibedda ee Guricel, booqashada Madaxweynaha uu ku tegey Cadale, iyo booqashada Ra’iisul Wasaaraha ku tagey Garowe.

Wasiirka oo ka hadlayey horumarka Boostada dalka ayaa yiri “Wasaaradda Boostada iyo Isgaarsiinta waxay muddooyinkii dambe aad ugu hawlaneyd dardargalinta iyo dib u soo celinta adeeggii boostada dalka. Wasaaraddu waxey ku guuleysatay in 9kii October ay waraaqaha dalka dibadiisa ka yimaada ay soo gaaraan dalka iyadoo wasaaradda Boostada iyo Isgaarsiintuna gaarsiiso gobolada dalka. Si hadaba adeega boostada u hirgalo una sahlanaato in waraaqaha ay gaaraan goobtii loogu talo galay ayey Wasaaradu sameysay cinwaan u gaar ah gobol walba, sida Awdal oo noqoneysa AW, Banadir (BN), Bari (BR), Sool (SL), iwm., sidoo kale degmo walbana waxey yeelaneysaa calaamad u gaar ah. Dadaalkan ayaa ah horumar dhanka adeega bulshada ah oo Dowladda Federaalku ay ka go’antahay in la soo celiyo nidaamkii Dowladeed ee dalka.”

Wasiirka Warfaafinta oo ka hadlayey Is-kuxirka Qurbojoogta iyo Dowladda ayaa yiri “Waxaan aad ugu faraxsanahay inaan Jaaliyadda dalka Mareykanka ku booqday Washington DC, Virginia, Minnesota, iyo Columbus Ohio 28kii September ilaa iyo 8dii October 2014, halkaas oo aan kulamo la yeelanayey mas’uuliyiinta Dowladda Mareykanka iyo Jaaliyadda Soomaaliyeed. Runtii ma illoobi doono sida ay Soomaalida Qurbaha u daneynayaan arrimaha Soomaaliya iyo waddaninimada iyo jaceylka ay dalka u hayaan. Waxaan ka mahadcelinayaa sidii quruxda badneyd ee ay ii soo dhoweeyeen aniga iyo wafdigii ila socday, isla markaasna ay si qurux badan isagu soo baxeen. Sidoo kale kulammadii ay sida hagar la’aanta isagu soo baxeen oo ay iigu dhageysteena waaan uga mahadcelinayaa. Arrimaha aan kala hadlay waxaa ugu waaweynaa in Qurbojoogta aad looga sugayo inay dib u dhiska dalka ka qeybqaataan, sida loogu baahanyahay inay isku duubnaadaan oo ay danta guud uga wada shaqeeyaan oo dalkooda ay u noqdaan safiiro matali kara danaha Soomaaliya. Sidoo kale waxaan kala hadlay sidii ay door uga qaadan lahaayeen wacyigelinta iyo joojinta dhalinyarada Soomaaliyeed ee ku biiraya kooxaha argagaxisada ah. Waxaan u sheegay in Culumada, Madax dhaqameedka, ururada Soomaaliyeed, waalidiinta iyo guud ahaan Jaaliyaddaba laga sugayo inay u istaagaan sidii dhalinyarada Soomaaliyeed ay u heli lahaayeen fursado wanaagsan ee dhanka waxbarashada, shaqada iyo isdhexgalka bulshada. Jaaliyadda Soomaaliyeed waa lafdhabarka koboca dhaqaalaha Dalka waana in isku xirka Dowladda Federaalka iyo Jaaliyada la xoojiyaa.”

Wasiirka Warfaafinta oo ka hadlayey bilowga goob lacagaha lagala baxo oo ay yeeshaan bankiyada Soomaaliya ayaa yiri “Dowladda Federaalku waxey aad u soo dhoweyneysaa mashruuca Bankiga Salaam Somali oo uu ku soo bandhigay dhaqangalka in Soomaaliya ay yeelato goobo lacag lagala bixi karo (Cash Machine ama ATM) oo ah markii ugu horreysey ee caasimada dalka laga hirgeliyo. Munaasabadii 8dii October oo Mas’uuliyiinta Bankiga Slaam Somali ay ku soo bandhigeen qorshahan ayaa waxey u sahleysaa Soomaalida Bankiyada isticmaala inay lacagahooda kala bixi karaan goobtaas oo ay ku jiraan Bankiyada caalamiga ah ee dibedaha ku yaala. Adeegan ATM ayaa caddeynaya horumarka ballaaran ee dalka ka socda, iyadoo Dowladda Federaalka ay ugu baaqeyso ganacsatada inay kaalin fiican ka qaataan horumarka adeegyada bulshada oo ay shacabku si aad ah ugu baahanyihiin.”

Wasiirka Warfaafinta oo ka hadlayey Xoreyntii degmada Baraawa ayaa yiri “Ciidamada Dowladda Soomaaliya iyagoo kaashanaya AMISOM ayaa 6dii October 2014 waxey ku guuleysteen in kooxihii nabad-diidka ahaa ee Al-Shabaab laga xorreeyo degmada Baraawa oo ah goob muhiim u aheyd maleeshiyaadka Al-Shabaab oo ay shacabka ku gumaadi jireen, isla markaana ay ka soo abaabuli jireen falalka argagaxa ah oo ay dalka ka fulinayeen 7dii sano ee la soo dhaafay iyo iyagoo Baraawa si sharci daro ah uga dhoofin jirey dhuxusha. 8dii October 2014. Dowladda Federaalka ayaa bilowday qorshahii Xasilinta ee degmadaas, iyadoo ay ciidamadu fulinayeen howlgallo lagu sugayo amniga. Dowladda Federaaka waxey u mahadcelineysaa shacabka deegaanka oo si hagar la’aan ah u soo dhoweeyey ciidamada una fududeeyey howlahooda muhiimka ah. Waxaa dib u soo laabtay ganacsigii iyo adeegyadii bulshada. Dowladda Federaalka waxaa ka go’an in dadka deegaan la gargaaro oo ay helaan xoriyad ay howlmaalmeedkoodu ku gutaan iyadoo weliba laga qeybgalinayo tallooyinka iyo ka tashiga aaayaha deegaanka. Dadka deegaanka ayaa durbadiiba bilaabay daawashada telefishinada iyo dhageysiga idaacadaha oo kooxaha argagaxisada ay horey uga mamnuuceen, sidoo kale dadka deegaanka ayaa helay neecow xor ah oo sahleysa inay aayahooda ka tashadaan.”

Wasiirka Warfaafinta oo ka hadlayey Horumarka Dhaqangelinta Federaalka ayaa yiri “Magaalada Cadaado ayaa weli waxaa ka socda wadatashiyadii iyo abaabulkii shirweyne ay dadka deegaanka aayahooda uga tashanayaan. Sidoo kale deegaano ka tirsan Galgaduud ayey wadatashiyadan ka socdaan sida Dhuusamareeb oo ujeedadu tahay in la mideeyo aragtiyada kala duwan. Guddiga farsamo ee maamul u sameynta Gobollada Dhexe ee Soomaaliya, masuuliyiinta maamullada Galmudug, Ahlu Sunna Waljameeca iyo Ximin iyo Xeeb, ayaa ku howlan qaban-qaabada shiweynaha maamulka loogu sameyn doono gobolladaasi, si loo dhaqangeliyo heshiiskii dadka deegaanka ee ahaa in Maamul loo dhan yahay laga hirgeliyo Gobolada Dhexe ee dalka kaas oo waafaqsan Dastuurka dalka ayna hoggaamineyso Dowladda Federaalka. Sidoo kale waxaa wadatashiyo iyo dib u heshiisiin ka socdaan Baydhabo, Kismayo iyo Garbaharey oo la filayo in dhammaantood ay horseedaan sidii dadka deegaanka ay aayahooda uga tashan lahaayeen.”

Wasiirka Warfaafinta oo ka hadlayey booqashada Wasiir Ku xigeenka Arrimaha Dibedda ee Guricel ayaa yiri “Dowladda Federaalka ayaa in muddo ahba waday sidii Golaha wasiirada iyo Golaha Baarlamaanka ay u gaari lahaayeen deegaanada dalka si bulshada deegaanadaas loogala soo tashto aayaha dalka. 9kii October 2014 ayuu Wasiir Ku-xigeenka Wasaaradda Arrimaha Dibedda, Mudane Mahad Maxamed Salaad oo ay wehliyaan xubno katirsan Barlamaanka federaalka Soomaaliya iyo Gudiga Maamul u sameynta Gobollada Dhexe ay gaareen Guricel ee Gobolka Galguduud iyagoo maalmahan ku sugnaa degmada Dhuusamareeb ee xarunta gobolka Galguduud. Wafdigan ayaa ujeedkiisu yahay in wadatashi lala yeesho dadka deegaanka, maamulka Ahlu Sunna Wal-Jameeca, Maamulka Gobolka iyo kan deegaanka iyo qeybaha kala duwan ee bulshada si ay uga wada qeybqaataan dadaalka dhaqangelinta nidaamka Federaalka ee Soomaaliya. Sidoo kale wafdigan waxey u kuurgalayeen xaalada deegaanka si ay warbixin ugu soo gudbiyaan Dowladda Federaalka oo suurtogelisa in dadka deegaanka ay helaan adeegyada bulshada. Wadatashiyadan ayaa waxey sahlayaan in maamulada la dhisayo ay noqdaan kuwo ka tarjumaya marxalada deegaannada iyo aayaha dadka deegaanka.”

Wasiirka Warfaafinta oo ka hadlayey booqashada Madaxweynaha uu ku tagey Cadale ayaa yiri “Madaxweynaha Soomaaliya Mudane Xassan Sheikh Maxamuud oo hoggaaminayey wafdi heer sare ah ayaa 10kii Oktober gaaray degmada Cadale ee gobolka Shabeelaha Dhexe, halkaas oo kamid ah goobihii ugu dambeeyay ee laga xoreeyay Aragagxisada Al-shababab. Waxaa Madaxweynaha halkaas ku soo dhaweeyay Gudoomiyaha Gobolka Shabeelaha Dhexe Cali Guudlaawe iyo shacabka reer Cadale. Madaxweynaha oo meel fagaare ah kula hadlay dadweynihii isusoo baxay ayaa mid mid u gacan qaaday isagoo ka xog wareystay xaaladda ay ku suganyihihin xiligian kadib heeryadii alshabaab. Madaxweynaha ayaa sheegay in dowlada Soomaliya ay dadaal culus u galeyso sidii looga haqab tiri lahaa dhinacayada caafimaadka, waxbarahsada, biyaha, iyo dib u dhiska wadooyinka soo gala deegaanadan. Madaxweynaha iyo wafdigiisa ayaa booqday xeebta Cadale oo uu halkaas kula hadlay Kaluumeysatada.”

Wasiirka Warfaafinta oo ka hadlayey booqashadii Ra’iisul Wasaaraha uu ku tegey Puntland ayaa yiri “Ra’iisul Wasaaraha Xukuumadda Federaalka Soomaaliya Mudane Cabdiweli Sheekh Axmed oo ay weheliyaan xubno ka tirsan Golihiisa Wasiirada iyo Baarlamanka Federaalka Soomaaliya ayaa safar shaqo oo muhiim ah uu 10kii Oktober uga bilaabmay magaalada Garoowe ee xarunta Puntland. Ra’iisul Wasaaraha iyo wafdigiisa waxaa si heer sare ah u soo dhoweeyey Madaxweynaha Puntlad, xubno ka tirsan Golayaasha Maamulka, wax-garad, haween iyo shacab aad u tira badan. Ra’iisul Wasaare Cabdiweli ayaa ka mahadceliyey soo dhoweynta diirran ee loogu soo sameeyey Garoowe, waxana uu sheegay inay ka markhaanti kacayso sida ay dadka Puntland ugu heellan yihiin midnimada dalka iyo xoojinta dawladnimada Soomaaliya. Ra’iisul Wasaaraha ayaa sheegey in Dowladda Federaalka ay muhiimad weyn siinayso gaaritaanka Maamulada Gobolada si loo adkeeyo xiriirka iyo wada-shaqaynta oo la doonayo inay ku dhisnaadaan is-ixtiraam, daacadnimo, daah-furnaan iyo u adeegidda danta guud ee qaranka Soomaaliyeed. Madaxweynaha Puntland Mudane Cabdiweli Maxamed Cali Gaas ayaa Ra’iisul Wasaaraha ku soo dhoweeyey Puntland, waxana uu tilmaamay in Puntland ay dooneyso in Dawladda Dhexe ay wax ka qabato tabashooyinka ay qabaan.”

- DHAMAAD – Wasaaradda Warfaafinta & Hannuunita Dadweynaha

Mogadishu, 10, October 2014–  Ugu horeyn Gudoomiyaha Golaha Shacabka Jamhuuriyadda Federaalka Soomaaliya Mudane Maxamed Sheekh Cusmaan Jawaari waxa uu xafiiska ku qaabilay Safiirrada Dowladaha Swizerland,Talyaaniga iyo Midowga Yurub iyadoo Danjiraha dowladda Talyaanigana uu wehliyey taliyaha cusub ee ciidammada Badda dowladda Talyaaniga waxaana dhammaan safiirradaasi uu kala hadlay Gudoomiyaha Baarlamaanka yoolka la hiigsanayo 2016ka iyo kaalinta ay dowladahooda ku yeelan karaan.

Xoghayaha guud ee Golaha Shacabka Mudane C/kariin Xaaji Cabdi Buux oo markii kulammadaasi ay soo gebageboobeen kadib la hadlay Warbaahinta Qaranka ayaa faah faahiyey waxyaabihii uu Gudoomiyaha Baarlamaanka kala hadlay Danjireyaasha uu la kulmay isagoo xusay in dhamaan qodobada laga hadlay la isku afgartay gaar ahaan in dhinacyo badan lagu taageero Soomaaliya.

Dhinaca kale Gudoomiyaha Baarlamaanka Federaalka Soomaaliya Mudane Maxamed Sheekh Cusmaan Jawaari waxa uu shir gudoomiyey shirka todobaadlaha ee Guddiga Joogtada ah ee Baarlamaanka kaasi oo looga hadlay qorshe howleedka Baarlamaanka ee Kalfadhiga 5aad waxaana kulankaasi xubnaha guddiga Joogtada ah kala soo qeybgalay qabiir mudo 20sano ka badan la shaqeynayey Baarlamaanka dowladda.

Kulammada maanta ka dhacay xarunta Villa Hargeysa oo ay ku yaalaan xafiisyada Guddoonka iyo Guddiyada Joogtada ah ee Baarlamaanka ayaa qeyb ka ah kulammo howleedyo maalin kasta ay Guddoonka Baarlamaanka iyo Guddiyada Joogtada ah sameeyaan.

Mogadishu, 10, October 2014– Golaha Wasiirrada Xukuumadda Federaalka Soomaaliya ayaa galabta isugu yimid kulankoodii caadiga ahaa oo shir gudoominayey Ra’iisul Wasaaraha Xukuumadda Federaalka Soomaaliya Mudane Cabdiwali Sheekh Axmed Maxamed. Shirka ayaa lagu meel-mariyeen heshiis isfaham oo u dhexeeya Golaha Shacabka Baarlamaanka Federaalka Soomaaliya iyo Golaha Xukuumadda.

Ra’iisul Wasaaraha Xukuumadda Federaalka Soomaaliya Mudane Cabdiweli Sheekh Axmed Maxamed ayaa sheegay in heshiiskan looga golleeyahay in la isla meeldhigo barnaamij sharci-dejinneed oo hortabinta leh, si labada dhinac u fuliyaan hawlaha loo kala muddeeyeyna lagu dhammaystiro.

“Heshiiskan wuxuu qeexayaa isfahamka u dhexeeya Golaha Shacabka Baarlamaanka Federaalka Soomaaliya iyo Golaha Wasiirrada Dowladda Federaalka Soomaaliya oo ku saabsan sharci dejinta hortebinta u leh kalfadhiga 5aad ee Golaha Shacabka, si loo xaqiijiyo isla-xisaabtan iyo tayeynta hawlqabad-dawladeed hufan oo ka jawaabaya u adeeggida danaha guud ee dadweynaha” ayuu yiri R.W Cabdiweli.

Afhayeenka Xukuumadda Ridwaan Xaaji Cabdiweli oo Saxaafadda la hadlay kulanka kaddib ayaa sheegay in shirka golaha Wasiirrada warbixin ku aadan amniga guud ee dalka laga dhageystay Wasaarrada Amniga Qaranka, isla markaana lagu meel-mariyay hindise sharciyeedka Khayraadka Biyaha oo dhawaan la horkeenay golaha Wasiirrada si ay uga doodaan.

“Kulankii galabta ee golaha Wasiirada waxaa looga hadlay amniga guud ee dalka iyo dadaalada ay Xukuumaddu wado ee la xiriira amniga iyo howlgallada ka socda gobollada dalka, sidoo kalana waxaa laga dooday shuruuc dhowr ah oo golaha horyaalla, waxaana la meelmariyay hindise sharciyeedka Khayraadka Biyaha” ayuu yiri Afhayeenka Xukuumadda Ridwan Xaji Cabdiweli.

Ugu danbeyn, Afhayeenka ayaa sheegay in 45-tii cisho ee Xukuumaddu u qabatay in ay isku soo dhiibaan si ay u helaan cafis dhalinyarada la qalday ee u dagaallamaya Al-shabaab ay ka faa’iidaysteen 503 maleyshiyaad, sidoo kalana ay Xukuumadda wada hadal kula jirto 153 kale oo ka tirsan Ururka Al-shabaab.

—DHAMMAAD—-

10, October 2014– Wasiirka Warfaafinta iyo Hannuuninta Dadweynaha Xukuumadda Federaalka Soomaaliya Mudane Mustafa Sheekh Cali Dhuxulow oo howlo shaqo u joogay dalka Mareykanka ayaa soo gabagabeeyey socdaalkii uu halkaasi ku tagay, isagoo qaar ka mid ah gobollada dalka Mareykanka kulammo kula soo qaatay madax iyo Jaaliyadaha Soomaaliyeed.

Wasiirka Warfaafinta, oo ka hadlayey socdaalka uu ku tagay dalka Mareykanka, ayaa yiri “Booqashooyin aan kusoo kala bixiyey magaalooyinka Washington DC , Virginia , Minnesota iyo Columbus Ohio  28 September ilaa 8 October 2014, ayaa  ahaa kuwa Taariikhi ah, waxaan la kulmay soo dhoweyn, sidoo kale kulammo muhiim ah ayaan la yeeshay madax ka tirsan dowladda Mareykanka oo aan si gaar ah uga wada hadalnay sidii ay u sii xoojin lahaayeen taageeradooda dhanka ammaanka, siyaasadda , Dhaqaalaha iyo Xasiloonida Soomaaliya”.

“Ujeeda booqashada Mareykanka aan ku imid ayaa ah in la sii xoojiyo xiriirka Soomaaliya iyo Mareykanka ee ku dhisan iskaashiga iyo horumarinta dalka doorka ay dowladda Mareykanku ku leedahay sidii loo xoojin lahaa” ayuu yiri wasiirka Warfaafinta.

Wasiirka ayaa yiri “Sidoo kale dadka Qurba-joogta Soomaaliyeed, ayaa kula kulmay dalka Mareykanka, waxaan war-bixin ka siiyey xaaladda uu dalka ku sugan  yahay, iyagoo si weyn u soo dhoweeyey horumarka waddanka ka socda, dardaaran ayaana u jeediyey dadka Soomaaliyeed, si ay uga qeyb-galaan dib u dhiska dalka iyo nabaddeyntiisa”.

Wasiirka Warfaafinta Soomaaliya ayaa haddalkiisa ku daray “ dalka in horumar ka socda waxaa tusaale u ah dowladda Mareykanka sida ay diyaarka ugu tahay in ay Soomaaliya gacan siiso, waxaana muhiim ah in aan ka wada faa’ideysanno fursadaha qaaliga ah ee dalka uu leeyahay, waana inaan ka qeyb-galnaa dhammaanteen fulinta qorshaha hiigsiga 2016-ka ee Soomaaliya”.

Ugu dambeyntii wasiirka Warfaafinta Soomaaliya, Mustafa Sheekh Cali Dhuxulow, ayaa u mahadceliyey dowladda Mareykanka, gaar ahaan madaxdii uu la kulmay oo arrimo muhiim ah ay ka wada hadleen sidoo kale Jaaliyadaha magaalooyinka Washington DC , Virginia , Minnesota iyo Columbus Ohio ka 28 September in 08 October ayuu aad ugu mahadceliyey, isla markaana uu yiri “ war-bixintiina waxaan u gudbin doonaa madaxda sarre ee dalka, idinkuna waa inaad qaadataan doorka waajibka idin ku ah ee taageerada dalkiina”.

Muqdisho, 8 October 2014 –Wasiirka Wasaarada Arrimaha Dibadda Xukumadda Soomaaliya C/rixmaan Ducaale Balye ayaa sheegay in Wasaarada Arrimaha Dibda Soomaaliya ay Fulisay Balan qaadkii ahaa in la yareenayo  Safaaradaha Dowladda Soomaaliya ay ku leedahay Caalamka .

C/rixmaan Ducaale Bayle Wasiirka Wasaarada Arrimaha Dibada ayaa sheegay in ilaa Sagaal Safaaradood oo Soomaaliya ay ku lahayd Caalamka Albaabada loolaabay islamarkaana la Xiray.

Wasiir Bayle ayaa horey u sheegay in Wasaarada Arrimaha Dibada Soomaaliya ay yareeneeyso Safaaradaha Soomaaliya ay ku leedahay Dalalka Caalamka,waxaana sidoo kale arrintaan horay u soo dhaweeyay Gudiga Arrimaha Dibada Baarlamaanka u qaabilsan iyo Xukumadda Soomaaliya intaba.

Ujeedka Safaaradaha loo yareenayo ayaa Wasiirka waxaa uu ku sheegay in Dhaqaalo yari Dowladda Soomaaliya soo foodsaartay ay kamid tahay.

Muqdisho, 8 October 2014 –Sida ay Shabakada Wararka u xaqiijiyeen Saraakiil ka tirsan Ciidamada Nabad Sugida Soomaaliaya ayaa  Shegaya in Weerarkii Xalay ka dhacay Irida Dekadda Muqdisho uu soo abaabulay Taliyaha Ciidamada Booliska Soomaaliyeed Jen. Maxamed Xasan Ismaaciil oo laxusay in Dagaalka Qorshihiisa uu lahaa.

Dagaalka ayaa ku biloowday ka dib markii Ciidamo Boolis ah oo qaar ay yihiin Ilaalada Taliyaha Booliska ay Isbaaro dhigteen Afaafka hore ee Dekadda Muqdisho iyagoo ku Xumeynaya Ciidamada Nabad Sugida sidaana halkaa uu uga biloowday Isku dhaca Askari Boolis ahna lagu dilay.

Sidoo kale iyadoo Xiisadaa ay jirto ayaa waxaa Goobta tagay Taliyaha Ciidamada Nabad Sugida Soomaaliya C/rixmaan Tuuryare oo doonayay in uu Xiisada qaboojiyo,laakiin Ciidamada Booliska ay Rasaas ku Fureen Gaarigii Tuuryare.

Wararka ayaa sheegaya in Amarka Ciidamada Booliska ay Rasaasta ku Fureen Taliyaha Hay’adda Nabad sugida uu bixiyay Taliyaha Ciidamada Booliska Jen. Maxamed Xasan Ismaaciil .

Arrinta ayaa umuuqata mid Taliyaha Booliska Soomaaliyeed uu uga soo horjeedo Waxqabadka Ciidamada Nabad Sugida iyo Sirdoonka Qaranka iyo Fir fircoonida C/rixmaan Tuuryare oo Dadka yaqaana ay sheegaan in uu yahay Shaqsi jecel Dowladnimada Nabadana raadiya.

Muqdisho, 8 October 2014 – Ciidamada maamulka KMG ee Jubba ayaa saaka waxay howlgalo culus ka wadaan magaalada Kismaayo ee gobalkaa Jubada Hoose, iyadoona xaaladda ay kacsan tahay.

Wararka ayaa waxay sheegayaan in ciidamada ay isku fidiyeen dhamaan xaafadaha ay ka kooban tahay Kismaayo, waxaana la sheegayaa in ay baadigoobayaan Rag Al-shabaab ka mid ah oo Kismaayo laga dhex shaagay.

Saaka ma jirto wax dhaq dhaqaaq ah oo shacabka ka wadaan Kismaayo, waxaana sidaasi Shabakada Warkii u sheegay mid ka mid ah dadka ku sugan magaaladaaasi.

The Somali President's photo.
The Somali President's photo.

The Somali President's photo.The Somali President's photo.
Like












XAFLADDII SOO DHAWAYNTA WASIIRKA WARFAAFINTA XILDHIBAAN MUDANE MUSTAF DHUXULOOW EE MINNEAPOLIS, MINNESOTA USA.

Photo: CIID WANAAGSAN DHAMMAAN UMMADDA SOOMAALIYEED IYO UMMADDAHA MUSLIMIINTA CAALAMKA OO DHAN. 

Dhammaan Madaxweynaha Mudane Xassan Shiikh Maxamuud, Raysal Wasaaraha Mudane Cabdiweli Shiikh Axmed Iyo Guddoomiyaha Golaha Shacabka Soomaaliyeed Mudane Prof. Maxamed Shiikh Cusman waxay shacabka Soomaaliyeed leeyihiin Ciid Wannaagsan dhammaan Shacabka Soomaaliyeed guddaha dalka Iyo dibaddaba ayagoo Ummaddaha Islaamka u diraya salaanta Ciida meelkasta oo ay ku noolyihiin.

CIID WANAAGSAN DHAMMAAN UMMADDA SOOMAALIYEED IYO UMMADDAHA MUSLIMIINTA CAALAMKA OO DHAN.
Dhammaan Madaxweynaha Mudane Xassan Shiikh Maxamuud, Raysal Wasaaraha Mudane Cabdiweli Shiikh Axmed Iyo Guddoomiyaha Golaha Shacabka Soomaaliyeed Mudane Prof. Maxamed Shiikh Cusman waxay shacabka Soomaaliyeed leeyihiin Ciid Wannaagsan dhammaan Shacabka Soomaaliyeed guddaha dalka Iyo dibaddaba ayagoo Ummaddaha Islaamka u diraya salaanta Ciida meelkasta oo ay ku noolyihiin.

Muqdisho, 1 October 2014 – Siyaasiga Caanka ah ee Cabdulaahi Sheekh Xasan ahna Gudoomiyaha Xisbiga Nabada ayaa waxa iminka lagu xeray Garoonka Aadan Ade International Airport ee Magaaladda Muqdisho.

C/llahi Sheekh Xasan ayaa waxa uu ku maqnaa dalka dibadiisa waxa uuna maanta kasoo degay garoonka Magaalada Muqdisho iyadoona ay halkaasi ay ku xereen Ciidamada Nabad sugida Qaranka.

Warar hoose oo nasoo gaarayo ayaa sheegaya in C.llahi Sh.xasan lagu xeray garoonka Aadan Ade balse ilaa hada aanan la xaqiijin karin sababaha rasmiga ah ee ka danbeeyo xeritaankiisa.

C/llaahi Sheekh Xasan waa siyaasi af-adag oo aad uga soo horjeedo dowladda Xasan Sheekh, waxaana uu kamid ah

Muqdisho, 1 October 2014 –Dhammaan Akhristayaasha Radio Muqdisho, waxaa lagu wargelinayaa in barnaamijka Islaamka iyo Bulshada ee idaacadda Radio Muqdisho iyo Telefishinka Qaranka Soomaaliyeed ka baxa todobaadkii mar in maalinta berrito ah  uu ku saabsanaan doono Mowduuca ka hadlaya fadliga maalinta Carafo iyo axkaamta  Salaada Ciida ee uu umadda muslimiinta ah uu u leeyahay, iyadoo barnaamijka uu marti ku yahay Sheekh Bashiir Axmed Salaad oo ka mid ah Culimada Soomaaliyeed.

Hadaba Akhristow iyo dhageyste su’aasha aad qabto ku soo gudbi,  si uu jawaab kaaga siiyo Sheekh Bashiir Axmed Salaad, Barnaamijkan ayaa maalinta berrito ah saacadda marka ay tahay 10:00, AM, waqtiga Muqdisho ka bixi doona Radio Muqdisho,  iyadoo si toos ah aad uga soo wici karto Barnaamijka inta uu socdo, Tel:  861011861012 ama 941090, 941016

Muqdisho, 1 October 2014 – Wasiirka hidaha iyo tacliinta sare mudane Ducaale Aadan Maxamed ayaa maanta kulan magaalada Muqdisho kula qaatay Madaxda Jaamacadaha Gobolka Benaadir, kaasi oo looga hadlayay sidii loo kobcin lahaa tacliinta sare ee dalka, waxaana kulanka goob joog ka ahaa Wasiir ku-xigeenka iyo Agaasimaha guud ee Wasaaradda Hidaha iyoTacliinta sare.

Wasiirka iyo mas’uuliyinta kale ee Wasaaradda ayaa waxa ay warbixino iyo talooyin ka dhageysteen qaar ka mid ah Madaxda Jaamacadaha oo ku saabsan sare u qaadidda tacliinta sare ee dalka, waxayna balan qaadeen inay arrimahasi xoogga saari doonaan.

Wasiirka Hidaha iyo Tacliinta sare ee dalka mudane Ducaale Aadan Maxamed oo kulanka kaddib la hadlay Warbaahinta Qaranka ayaa sheegay in u jeedka kulanka uu ahaa sidii loo kala warqaadan lahaa, isla markaaana ay Wasaaraddu u dhameystiri lahayd sharciga siyaasadda tacliinta sare ee dalka oo uu xusay in uu meel gabo gabo ah marayo.

Wasaaradda Hida iyo Tacliinta sare ee dalka ayaa dadaal ug jiro  sidii sare loogu qaadi lahaa tacliinta sar ee dalka.

http://www.youtube.com/watch?v=0hu6ZKG8N94

Muqdisho, 1 October 2014 –Kulan ujeedkiisu ahaa dhameynta isfaham waa ka dhex jiray Dekeda magaalada Muqdisho iyo shirkadda Al Beyrak ee dalka Turkiga ayaa maanta lagu qabtay gudaha Dekeda, iyadoo kulankaasi ay ka qeyb galeen xubno ka socday muruqmaalka oo horey cabasho u qabay, Mas’uuliyiiinta Shirkadda Al Beyrak, Guddoomiyaha rugta ganacsiga Soomaaliyeed, maareeyaha Dekeda, Wasiirka Dekedaha,gaadiidka,iyo badda ee dalka, iyo marti sharaf  kale.

kulanka kaddib oo warsaxaafadeed laga soo saaray ayaa waxaa lagu cadeeyay in la dhameeyay murankii ka taagnaa maalmihii la soo dhaafay Dekeda Muqdisho, waxaana warbaahinta Qaranka u akhriyay warsaxaafadeedkaasi Maareeyaha Dekeda C/llaahi Cali Nuur oo sheegay in ay xoojinayaan shaqada Dekeda islamarkaana ay la shaqeynayaan shaqaalaha, iyo  muruqmaalka ee dekeda, waxaana uu tilmaamay in kulankani muhiim uu u yahay islamarkaana la dhameeyo isfaham waagii ka dhex jiray Dekeda.

Maxamed Cusubow Afrax oo ku hadlay magaca muruqmaalka Dekeda Caalamiga ah ee Muqdisho ayaa ka hadlay dareenkiisa ku aadan dhameynta is faham la’aantii ka dhex jirtay howlaha Dekeda.

Guddoomiyaha rugta ganacsiga Soomaaliyeed Maxamuud Cabdi Cali Gabeyre oo isna kulanka goob joog ka ahaa ayaa muujiyay sida uu ugu faraxsan yahay kulankani, isagoo sheegay in ay soo dhaweynayaan ka ganacsato ahaan dhameynta murankii ka taagnaa  Dekeda

Sido kale maareeyaha  shirkadda  Al Beyrak Mustaf  ayaa  dhankiisa  sheegay   in  ay  horumarinayaan  Dekeda   Magaalada  Muqdisho, islamarkaana ay la shaqeynayaan qeybaha kale duwan ee shaqaalaha ka howlgala Dekeda Caalamiga ah ee Muqdisho.

Ugu dambeyntii Wasiirka  Wasaaradda Dekedaha iyo Gaadiidka Badda  Yuusuf  Macalin  Amiin Baadiyow ayaa isna soo dhaweeyay   guusha laga gaaray kulankaasi ayna ka shaqeynayaan horumarinta dekeda, waxaana uu tilmaamay cidna in aysan caqabad ku eheyn shaqada  shirkadani.

Muqdisho, 1 October 2014 – Ergeyga Gaarka ah ee Xoghayaha Guud ee Qaramada Midoobey ugu qaabilsan dhalinyarada Mudane Ahmed Alhendawi ayaa booqasho laba maalmood ah ku bixiyey magaalada Muqdisho ee caasimadda Soomaaliya si uu madaxda Soomaaliya ugala xaajoodo kaalinta dhalinyarada Soomalaiyeed ee hindisayaasha dhismaha nabadda iyo dowladnimada ee Soomaaliya iyo weliba siyaabaha Qaramada Midoobey ay ku caawin karto qorshayaasha Dawladda Soomalaiya ee ku aaddan dhinaca dhalinyarada. Booqashadan labada maalmood ah ayaa ergeygu kulamo kula qaatay Ku-simaha Madaxweynaha Jamhuuriyadda ahna Guddoomiyaha Baarlamanka, Ra’iisul Wasaaraha Xukuumadda Federaalka, Wasiirka Dhalinyarada iyo Isboortiga, Wasiir-ku-xigeenka Waxbarashada, Wasiirka Tacliinta Sare Hidaha iyo Dhaqanka iyo Wasiirka Caafimaadka. Sidoo kale waxa uu la kulmay wakiillo ka socday kooxaha dhalinyarada iyo bulshada rayidka ah.

Wadaxaajoodkii u dhexeeyey labada dhinac ee Xukuumadda Soomaaliya iyo Qaramada Midoobey ayaa xudduntiisu ahayd samaynta Siyaasadda Qaran ee Dhalinyarada Soomaaliyeed oo la doonayo inay wax ka qabato dhinacyada waxbarashada, shaqa-la’aanta, caafimaadka iyo ka-qaybgalka siyaasadda.

Wasiirka Dhalinyarada iyo Isboortiga Xukuumadda Federaalka Soomaaliya Mudane Khaalid Cumar Cali ayaa yiri: “Siyaasaddan dhalinyaradu waxay diiradda saaraysaa awood-siinta dhalinyarada Soomaaliyeed waxana ay u oggolaanaysaa inay ka qaybgalaan dib-u-dhiska iyo dib-u-soo kabashada dalka. Si isbeddel loogu sameeyo Soomaaliya, dhalinyaradeenu waa inay noqdaan udub-dhexaadka xasiloonida, isbeddelka bulshada iyo horukaca dhaqaalaha.Ka-qaybgalkooda dib-u-dhiska Soomaaliya waxa uu noqon doonaa mid muhiim ah waxana siyaasaddan ay fududeyneysaa inay kaalin weyn ku yeeshaan hannaanka go’aan-gaarista ee dalka. Xukuumadda Soomaaliya waxaa ka go’an iney dhalinyarada siiso xirfadihii loo baahnaa iyadoo u maraysa waxbarasho tayo leh iyo tababaro xirfadooda kor loogu qaadayo”.

Ergeyga Gaarka ah ee Xoghayaha Guud ee Qaramada Midoobey ugu qaabilsan dhalinyarada Mudane Ahmed Alhendawi oo isaguna hadlay ayaa yiri: “Waxaan halkaan u imi maxaa yeelay waxaan rumeysnahay in hantida ugu badan ee uu dalkani leeyahay ay tahay dhalinyarada. Waxaan ogahay in dhalinyarada Soomaaliyeed ay dhibaato ka soo gaadhay khilaafkii uu dalku soo maray. Waxaa la joogaa xilligii la siin lahaa cod”.

Booqashadan ayaa xaqiijinaysa ka- go’naanshaha Qaramada midoobey ee taageeridda barnaamijyada ay Xukuumadda Soomaaliya ku gacan siineyso dhalinyaradeeda sida uu sheegay Ahmed Alhendawi.

http://www.youtube.com/watch?v=pNv6fACD3Po

Muqdisho, 27, September, 2014 - Saldhigga booliska ee degmada Deyniile ayaa maanta Warbaahinta loogu soo badhigay lix ruux oo lagu tuhmayo inay ka tirsanyihiin Al-Shabaab iyo waxyaabaha qarxa kaddib howlgallo xalay ay ciidamadu amniga ka sameeyeen qeybo ka mid ah Degmadaasi.

Xog ay haleen ciidamada amniga ayaa keentay in xaafado qaar ay ka sameeyeen howlgallo amni sugid ah, taasi oo u suurta geshay inay gacanta ku soo dhigaan waxyaabo qarxa oo ay ku jirtay miinooyinka nuuca ramuut-ka laga hago.

Taliyaha saldhigga booliska ee degmada Deyniile Gaashaanle Dhexe Maxamuud Axmed Maxamed oo la hadlay Warbaahinta ayaa sheegay in ciidamadu ay ka hortageen falal arbushaad ah oo ay maleeshiyaad ka tirsan Al-Shabaab ka sameyn rabeen degmada Deyniile, isagoo shacabka uga mahadceliyay sida ay ula shaqeeyeen ciidamada.

Guddoomiye ku-xigeenka dhanka Amniga iyo Siyaasadda ee degmada Deyniile Axmed Nuur Axmed oo isna warbaahinta la hadlay ayaa ciidamada ku booriyay inay sii labo jibaaraan howgallada ka dhanka ah maleeshiyaadka Al-Shabaab, si looga hortago dhibaatooyinka ay u maleegayaan shacabka degmadaasi ku nool.

Muqdisho, 27, September, 2014 - Ra’iisul Wasaaraha Xukuumadda Federaalka Soomaaliya Mudane Cabdiweli Sheekh Axmed Maxamed ayaa maanta ugu baaqay maamulada Puntland iyo Galmudug inay wadahadal ku dhammeeyaan khilaafka duullimaadyada diyaaradaha ee Garoomada Gaalkacayo, isla-markaana laga fogaado wax kasta oo dhaawacaya nabadda iyo wada noolaanshaha dadka degaanka. Mudane Cabdiweli Sheekh Axmed ayaa sheegay in guddi wasiirro ah uu u xilsaaray inay ka hawlgalaan khilaafka Gaalkacyo, waxana guddigaasi uu xiriir la samaynayaa madaxda labada dhinac si loo debciyo xiisadda.

Ra’iisul Wasaaraha ayaa xiriir la sameeyey madaxda Puntland iyo Galmudug oo ay si qoto dheer uga wada hadleen arrimaha khilaafka, isagoo ku dhiirrigeliyey in si nabad ah loo soo afjaro muranka ka dhashay xayiraadda duulimaadyada rayidka ah.

Ra’iisul Wasaare Cabdiweli Sheekh Axmed oo soo dhoweeyey ifafaalaha isfahanka ee labada dhinac ee ku aaddan joojinta xiisadda iyo aqbalidda wadahadal lagu soo afjarao khilaafka ayaa soo saaray baaq ka kooban shan qodob:

1. Xukuumadda Federaalka Soomaaliya waxay ugu baaqaysaa Puntland iyo Galmudug inay joojiyaan wax kasta oo keeni kara xiisad colaadeed;
2. In shuruud la’aan la fasaxo dhammaan adeegyada duulimaadyada ee degaankaasi;
3. In dhakhso la bilaabo wadahadal lagu dhammaynayo khilaafka garoomada;
4. Xukuumadda Federaalka waxay ballanqaadaysaa inay fududeyso qabsoomidda wadahadalka iyo dhamaystirka khilaafka labada dhinac;
5. Xukuumaddu waxay u dirtay labada maamul guddi khuburo ah oo kala shaqeeya arrimaha farsamo ee duullimaadyada.

Mogadishu, 27 September 2014 – Wasiirka Warfaafinta Mudane Mustafa Sheikh Ali Dhuhulow oo maanta warbaahinta la hadlayey ayaa siiyey warbixinta horumarka Dowladda ee usbuucii la soo dhaafay. Wasiirka ayaa ka hadlay arrimo ay ka mid yihiin; Furitaanka Kalfadhiga 5aad ee Baarlamaanka, Horumarka Warbaahinta Dalka, Cafiska ay Dowladda u fidisay Dhalinyarada Al-Shabaab, Arrimaha Abaaraha, Horumarka Isgaarsiinta Dalka, Wacyigelinta Barnaamijka La Dagaalanka Musuqmaasuqa iyo Shirka Heerka Sare ee Arrimaha Somalia oo lagu qabtay Xarunta UN-ka.

Wasiirka Warfaafinta oo ka hadlayey Furitaanka Kalfadhiga 5aad ee Baarlamaanka ayaa yiri “ 20kii September 2014 ayuu Madaxweynaha Jamhuuriyadda Soomaaliya Mudane Xasan Sheekh Maxamud uu si rasmi ah u furay kalfadhiga 5aad ee Baarlamaanka. Guddoomiyaha Golaha Shacabka Jamhuuriyadda Federaalka Soomaaliya Mudane Maxamed Sheekh Cusmaan Jawaari ayaa si kooban u guud maray howlihii u qabsoomay Golaha Shacabka Afartii Kalfadhi ee la soo dhaafay, waxaana uu dhanka kale ka hadlay Hindise Sharciyeedyada la rabo iney Baarlamaanku ansixiyaan kuwaasi oo muhiim u ah halka la hiigsanayo 2016ka sida:- Federaaleynta, Shariciga guddiga doorashooyinka, sameynta asxaabta dalka, guddiga xaduudaha, sharciga jinsiyada, kaabayaasha dhaqaalaha, horumarinta Arrimaha Bulshada iyo kuwo kale. Gudoomiyaha Baarlamaanka ayaa sheegay muhiimadda ku dhaqanka Dastuurka oo qeexaya in hay’adahu ay kala madax bannaan yihiin isla markaasna loo baahan yahay wadashaqeyn iyo isla xisaabtan joogta ah si danaha shacabka Soomaaliyeed marwalba looga fikiro. Madaxweynaha oo Khudbad ka jeediyey Baarlamaanka ayaa Baarlamaanka ku ammaanay doorkii 4tii kalfadhi ee hore iyo sidii hagar la’aanta aheyd ee ay u shaqeeyeen. Madaxweynaha ayaa sheegay in Dowladdu ay horumar ballaaran ku tallaabsatay labadii sano ee la soo dhaafay, haddana loo baahanyahay in la dar-dargeliyo howlaha harsan. Madaxweynaha ayaa sheegay inaysan dhici doonin muddo kororsi oo qorshaha hiigsaga 2016 ay dowladdu diyaarineyso doorashooyin dalka ka dhaca.”

Wasiirka Warfaafinta oo ka hadlayey Horumarka Warbaahinta Dalka ayaa yiri “24kii September ayaan tababar u furay 25 suxufiyiin oo aqoontooda iyo xirfadooda kor loogu qaadayey. Siminaarka oo ku saabsan badbaadada iyo ammaanka Wariyaha ayaa waxaa soo qaban qaabiyey Daladda Midowga Warbaahinta Madaxa banaan (SIMHA), oo gacan ka heleysa Hey’adda Qaramada midoobay u qaabilsan Waxbarashada ee UNESCO. Sidoo kale Wasiir Ku Xigeenka Wasaaradda Warfaafinta Mudane Cabdullahi Colaad Roble ayaa 23kii September Mogadishu ku furay tababarkan saddex cisho ah oo 40 saxafi ay ka faa’iideysanayaan. Tababarkan ayaa waxaa fududeeyey Safaaradda Mareykanka ee Soomaaliya. Tababarkan ayaa waxaa qabanqaabiyey Ururka Suxuufiyiinta Qaranka Soomaaliyeed, waxaana goob joog ahaa Guddoomiyaha Guddiga Saxaafada ee Baarlamaanka, Mudane Cabdi Xashi Abdullahi iyo mas’uuliyiin kale. Xoghayaha Guud ee Ururka Suxufiyiinta Qaranka Soomaaliyeed ee NUSOJ Maxamed Ibrahim ayaa tilmaamey in ujeeddadda tababarkan ay tahay sidii xooga lagu saari lahaa habka ugu habboon ee bedqabnimada iyo sida ugu wanaagsan ee ay suxufiyiintu uga jawaabi karaan haddii dhibaato ku timaado, iyo habka tebinta haboon iyo sidii ay uga feejignaan lahaayeen wararka qatarta u leh tebintooda si naftooda iyo tan dadka Soomaaliyeedba ay uga badbaadaan faafinta wararka noocaas ah. Wasiir Ku xigeenka ayaa sheegay in Dowladdu ay dhiirigelineyso sidii kor loogu qaadi lahaa aqoonta suxuufiyiinta Soomaaliyeed, isla markaana ay wasaaraddu balanqaadeyso in Ururada raba iney dadka iyo dalka wax u qabtaan sida NUSOJ ama Relief International inay u fududeeyneyso tas-hiilaadka ay uga baahdaan yihiin wasaaradda iyo xukuumaddaba.”

Wasiirka Warfaafinta oo ka hadlayey Cafiska ay Dowladda u fidisey Dhalinyarada Al-Shabaab ayaa yiri “Tan iyo markii ay Dowladdu cafis u fidisey dhalinyarada Al-Shabaab iyadoo howlgalka Badweynta Hindiya uu socdo ayaa waxaa si xowli u socda dhalinyaro fara badan oo ka faa’iideysaneysa cafiskaas oo iska soo diiwaan gelinaya Dowladda. 23kii September 2014 ayuu Guddoomiyaha Gobolka Shabeelaha Hoose u sheegay warbaahinta in ay diiwaan geliyeen 41 dhalinyaro oo si toos ah Dowladda isagu soo dhiibay oo ay dowladdu u sameyneyso dhaqancelin ku aadan sidii ay uga qeyb qaadan lahaayeen nabadeynta dalka. Sidoo kale waxaa socda dadaalo ay dowladda ku gaareyso dhammaan qeybaha kala duwan ee bulshada gaar ahaa madax dhaqameedka si gacan loogu fidiyo dhalinyaradaas oo loogu abuuro mustaqbal wanaagsan. Ka dib dilkii hoggaamiyaha Al-Shabaab Axmed Cabdi Godane iyo guulaha laga gaaray howlgalka Badweynta Hindiya ayaa waxuu keenay khilaaf maleeshiyaadka dhexdooda ah, tanoo fursad siineysa dhalinyarada sida xoogga ah loo dagaal gelinayey inay ka waantoobaan dagaalada oo ay nabadda qaataan. Dowladda ayaa waxey ka codsaneysaa caalamka in si gaar ah looga saacido sidii dhalinyaradaas loo dhaqan celin lahaa.”

Wasiirka oo ka hadlayey Arrimaha Abaaraha ayaa yiri “22kii September 2014 Guddiga Gurmadka Abaaraha ayaa waxey kulan la qaateen Isku duwaha arrimaha Bani’aadanimo ee QM u qaabilsan Somalia Mr Philippe Lazzarini, iyagoo ka wada hadlay arrimo kale duwan oo ay ugu horeyso gaarsiinta gar-gaarka dadka abaartu ay ku heyso gobolada dalka. Kulanka  ka dib ayaa warbaahinta waxaa si wada jir ah ula hadlay Guddoomiyaha Guddiga ahna Wasiirka Beeraha Mudane Cabdi Axmed Baafo iyo Isku Duwaha Arrimaha Bini’aadanimada ee QM Philippe Lazzarini iyagoo sheegey inay labada dhinac  si wanaagsan uga wada shaqeynayaan sidii gurmadka loo gaarsiin lahaa deegaanada ay abaaraha ba’ani ka jiraan, isla markaasna ay Dowladda Somalia iyo QM ay si wadajir ah ugu baaqeen in caalamka uu si deg-deg ah u soo gaaro dadka dhibaateysan si loo bad-baadiyo nolosha dadkaas. Waxaa la sheegayaa in caruur iyo haween ay u geeriyoodeen gaajo iyo biyo la’aan, tanoo xaalada aad murugobadan keeneysa.”

Wasiirka Warfaafinta oo ka hadlayey Horumarka Isgaarsiinta Dalka ayaa yiri “ 22kii September ayaa Nairobi waxaa ka furmay shir labo cisho ah oo looga hadlayey Horumarinta Isgaarsiinta Soomaaliya. Shirkan waxaa ka qeyb galay Wasiirka Wasaaradda Boostada iyo Isgaarsiinta, mas’uuliyiin ka socotay Bankiga Aduunka, Bankiga Horumarinta Afrika iyo madaxda shirkadaha isgaarsiineed ee ka jira dalka. Wasiirka Boostada iyo Isgaarsiinta, Maxamed Aadan Ibraahim ayaa sheegay in shirka uu yahay kii labaad ee looga hadlayo horumarinta isgaarsiinta Soomaaliya oo lagu qabto Nairobi. Wasiirka ayaa tilmaamay in bankiga aduunka iyo Bankiga Horumarinta Afrika ay dowladda Soomaaliya gacan ka siinayaan in dowlada ay awood u yeelato in ay maamusho isgaarsiinta dalka iyo in ay horumariso. Dowladda Federaalka ayaa in muddo ahba waday dadaalo iyo wadatashiyo si joogta ah loola yeelaneyey shirkadaha Isgaarsiinta si adeegyada bulshada ay u noqdaan kuwa u daneynaya shacabka, isla markaana xoojinaya Dowladnimada, wadaninimada iyo horumarka Dalka Soomaaliya.”

Wasiirka Warfaafinta oo ka hadlayey Wacyigelinta ka hortagga Musuqmaasuqa ayaa yiri “Dowladda Federaalka ayaa 25kii September ku dhawaaqay barnaamijka Wacyigelinta La Dagaalanka Musuqmaasuqa Soomaaliya. Dowladda Federaalka Soomaaliya waxaa ka go’an in la dhameystiro sharciyada loo baahan yahay iyo inaan sameyno wax kasta oo looga hortagaayo. Hase yeeshee, musuqmaasuqa waxaa si dhab ah u joojin kara shacabka Soomaaliyeed. Wacyigelinta waxaa ka mid noqon doona barnaamijyo taxane ah oo laga sii deyn doono Talefishinada, Radiyoyaasha, internetka, bogoga wargudbinta (social media) iyo wargeysyada, waxaana barnaamijyadaas ka mid noqon doona macluumaad la siinayo dadka oo ku aadan waxa ay sameynayaan marka ay la kulmaan falal musuqmaasuq ah, sidoo kale waxaa la sii deyn doonaa doodo, wadahadal, barnaamijyo gaar ah, barnaamijyo dadka laga qeybgalinayo dooda oo ay soo waci karaan, kulamo guud, iyo barnaamijyo kale oo kuligood looga dan leeyahay in shacabka laga wacyigeliyo khatarta musuqmaasuqa iyo in shacabka ay ka qeybqaataan joojinta musuqmaasuqa. Sidoo kale waxaa jiri doona barnaamijyo waxbarasho oo dadka iyo ardeyda lagu barayo khatarta musuqmaasuqa iyo sida uu uga soo horjeedo maamul wanaaga iyo horumarka dalka. Waa inaan hubinnaa in carruurteeena oo ah mustaqbalka berri iyo shacabka hadda joogaba inay si fiican u ogyihiin waxa uu yahay cudurka musuqmaasuqa iyo dhibaatooyinka uu bulshada u horseedo si ay noogu sahlanaato inaan u cirib tirno, oo shacabka ay si fiican u ogaadaan waxa uu sharciga ka qabo, sida loo soo sheego falalka musuqmaasuqa ah iyo danbiyada ay muteysan karaan dadka ku kaca falal musuqmaasuq ah.”

Wasiirka Warfaafinta oo ka hadlayey Shir gaar ah oo looga hadlayey arrimaha Somalia oo ka dhacay New York ayaa yiri “ 24kii September ayaa xarunta Qaramada Midoobay uu ka dhacay shir gaar ah oo looga hadlayey arrimaha Somalia. Shirkan ayaa waxaa wada shir guddoominayey Madaxweynaha Somalia, Xoghayaha Guud ee QM iyo Guddoomiyaha Midowga Afrika. Shirkan oo uu soo qabanqaabiyey Xoghayaha Guud ee QM ayaa looga hadlay horumarka siyaasadda iyo amniga Somalia, ujeedaduna aheyd in la qiimeeyo horumarkaas isla markaasna loogu diyaar garoobo doorashooyinka la qorsheynayo sanadka 2016ka. Madaxweynaha Somalia Mudane Xasan Sheekh Maxamud ayaa ka warbixiyey horumarka ay Dowladdu ku tallaabsatay, dhanka siyaasadda, amniga, dib u heshiisiinta iyo dhaqangelinta nidaamka Federaaka iyo qorsheyaasha Dowladda ee dib u eegista dastuurka, dhameystirka hirgelinta nidaamka Federaalka, iyo u diyaar garowga nidaamka dimoqraadiyadda si loo hiigsado doorashooyinka 2016ka. Xogahayaha Guud iyo Guddoomiyaha Midowga Afrika iyo madaxdii kale ee ka soo qeybgashay ayaa ammaanay horumarka ay Somalia ku tallaabsatay isla markaana xusay sida loogu baahan yahay in si wada jir ah loogu dhameystiro qorsheyaasha harsan si Somalia loo gaarsiiyo doorashooyinka sanadka 2016ka.

- DHAMAAD – Wasaaradda Warfaafinta & Hannuunita Dadweynaha

Muqdisho Siteembar 23, 2014 Wafdigan ka socday dowladda boqortooyada Sacuudiga oo uu hogaaminayo madaxa guud ee qeyba mashaariicda Wasaaradda arrimaha gudaha ee dalka Sucuudiga ayaa waxaa garoonka diyaaradaha caalamiga ah ee magaalda Muqdisho kusoo dhaweeyay mas’uliyiinta ka tirsan Wasaaradda Arrimaha gudaha iyo Madaxda ururka iskaashiga Islaamka OIC ee Soomaaliya.

Madaxa guud ee ololaha mashaariicda boqortooyada Sacuudiga Mubarak Sa’eed Al-Baker oo warbaahinta kula hadlay gudaha garoonka diyaaradaha Muqdisho ayaa sheegay in u jeedka socdaalkooda uu la xiriiro sare u qaadida mashaariicda horumarineed ee ay boqortooyada Sacuudiga ka waddo Soomaaliya.

Sidoo kale Wasiir ku-xigeenka Wasaaradda Arrimaha Gudaha iyo Federaalka Soomaaliya mudane  Cabdiraxmaan Maxamed Bankax ayaa sheegay in dowladda Soomaaliya ay ku faraxsantahay wafdigan ka socday Boqortooyada Sacuudiga ee soo gaaray magaalada Muqdisho, isla markaana wafdigan ay kusoo aadeen xilli Soomaaliya ay horumaro badan ku talaabsaneyso.

Wafdigan oo uu la socday madaxa cusub ee ololaha mashaariicda ee dowladda Sucuudiga ay ka wado gudaha dalka Sacdu Suweyt ayaa sidoo kale la kulmay Maas’uuliyiinta Wasaaradda Arrimaha gudaha iyo Wasiirka waxbarashada Ciise Maxamed Axmed (Guraase) oo ay kala hadleen horumarinta waxbarashada.

Wafdigan ka socday dowladda Sucuudiga ayaa inta ay joogaan dalka gaar ahaan magaaladda Muqdisho waxa ay kormeeri doonaan goobaha dowlada Sucuudiga ay ka wado mashaariicda ka socda caasimadda Soomaaliya ee Muqdisho.
http://www.youtube.com/watch?v=dMTa1R-wRgo

Muqdisho Siteembar 23, 2014 Ku-simaha Ra’iisul wasaaraha ahna Ra’iisul wasaare ku-xiggeenka Xukuumadda Soomaaliya, mudane Ridwaan Xirsi Maxamed ayaa kulamadan si goono gooni ah ula qaatay danjiraha dowladda Switzerland u fadhiya Soomaaliya iyo mas’uuliyiin ka socotay shirkadda horumarinta mashaariicda ee dalka Turkiga oo loo yaqaab TIKA.

Kulanka hore ayuu ku qaabilay ku-simaha Ra’iisul wasaaraha Soomaaliya, Danjiraha dowladda Switzerland u qaalisan Soomaaliya Mr Domnin, waxa ay ka wada hadleen xoojinta xiriirka labada dowladood iyo sidii loo horumarinta lahaa sharuucda ay Xukuumadda Barlamaanka u gudbiso, kuwaasi oo ay diyaarinayaan guddiga sharuucda Xukuumadda oo uu madax u yahay Ku-simaha Ra’iisul wasaaraha.

Inta kulanka uu socdey ayaa la isku soo qaadey  doorka dowladda  Switzerland ee dib u dhiska Soomaaliya iyo sidii looga faa’ideysan lahaa mudada labada sanno ah ee uu Xukuumadda Waqtigeeda ku egyahay, Xukuumad ahaanna ay xoojiso sidii loo gaari lahaa hiigsiga 2016-ka ee Soomaaliya.

Kulankaasi kaddib ayuu Ra’iisul wasaare ku-xigeen ahna Ku-simaha Ra’iisul wasaaraha Soomaaliya, Mudane Riwaan Xirsi Maxemed xafiiskiisa ku qaabilsay mas’uuliyiin sarre oo ka socotay shirkadda horumarinta mashriicda dalka Turkiga ee TIKA, iyagoo mas’uuliyiintaasi ay warbixin ka siiyeen ku-simaha Ra’iisul wasaaraha howlaha ay caasimadda ka wadaan ee dib u dhiska iyo adeegyada kale ee ay bulshada Soomaaliyeed ku horumarinayaan.

Ra’iisul wasaare ku xigeenka ayaa uga mahadceliyey dadaalka shirkaddaasi ee ku aaddan dib u soo nooleynta dhammaan kabayaashii dhaqaalaha, sida dhismaha iyo mashaariicda kale ee ay ka wadaan guud ahaan Soomaaliya.

Mas’uuliyiinta shirkadda TIKA ee Turkiga ayaa ballan qaaday in ay sida ugu wanaasan u gudan doonaan howlaha ay Soomaaliya ka hayaan, isla markaana ay Xukuumadda Federaalka uga mahadcelinayaan sida ay u taageertay howshooda.


http://www.youtube.com/watch?v=P_usZxdiP2A

Mudqisho Siteembar 23, 2014 Tababarkan aqoon kororsiga ee lagu baranayo badqabka saxafiga iyo sida qormada uu sameynayo uga taxadiro inay noqoto mid bulshada wax u dhimi karta ayaa maanta lagu qabtay magaalada Muqdisho, kaasi oo ay soo qaban qaabisay Ururka Suxufiyiinta Qaranka Soomaaliyeed ee NUSOJ, iyadoo ay gacan ka geysanaysa safaaradda Mareykanka ee Nairobi.

Munaasadii furitaanka oo ay ka qeyb galeen Wasiir ku-xigeenka Wasaaradda  Warfaafinta ahna ku-simaha Wasiirka, Guddoomiya gudiga Warfaafinta ee Baarlamanka, Agaasimaha Warbaahinta Qaranka, mas’uuliyiinta Ururka NUSOJ iyo suxufiyiin ka kala yimid qeybo badan oo kamid ah gobolada dalka.

Maxamed Ibraahin Bakistan Xoghayaha ururka NUSOJ ayaa ka sheekeeyay ahmiyadda uu siminaarkan aqoon kororsiga ah u leeyahay suxufiyiinta ka qeyb galaysa, isagoo kula dardaarmay inay ilaaliyaan waqtiga si loo kala faa’iideysto.

Agaasimaha Warbaahinta Qaranka C/raxmaan Yuusuf Sheekh Al-Cadaala oo isna ka hadlay siminaarka ayaa ka sheekeeyay qataraha ka soo gaarta qoraalada ay sameynayaan qaar ka mid ah suxufiyiinta, isagoo kula dar daarmay inay suxufiyiinta ka fikiraan waxyaabaha ay sameynayaan oo ay ka raadiyaan dhanka waxtarka u leh bulshada, siminaarkana uu yahay mid wax weyn ku soo kordhin doono howlaha ay bulshada u hayaan.

Cabdi Xaaji Goobdoon oo ah rug cadaa saxaafadeed ayaa suxufiyinta ku booriyay inay ilaaliyaan Af-ka Soomaaliga oo ay horumariyaan, isagoo si qiiro leh u xusay in afka hooyo uu sii lumi rabo, suxufiyiintana looga fadhiyo inay sare u qaadaan afka hooyo.

Guddoomiyaha Guddiga Warfaafinta ee Baarlamaanka Xildhibaan Cabdi Xaashi ayaa tilmaamay in mudanayasha Baarlamaanka ay meel marin donaan hindise sharciyeedka xeerka saxaafaddda oo lagu wado in goordhaw baarlamaanka la horgeeyn doono, waxaana uu intaa ku daray in haddii xeerkaasi la meelmariyo ay saxaafaddu heli doonto xaquuqdii aas aasiga ee ay ku lahayd sharciga.

ku-simaha Wasiirka ahna Wasiir ku-xigeenka Warfaafinta mudane Cabdullaahi Colaad Rooble oo furay tababarka ayaa sheegay in Wasaaraddu ay garab taagantahay kor u qaadidda aqoonta suxufiyiinta Soomaaliyeed, ayna dhiiri gelinayaan siminaarada nuucaani oo kale ah.

Siminaarkan oo socon doono muddo labo cisho ah ayaa inta uu socda waxaa lagu qadan doonaa siyaabaha uu saxafiga isku difaaci karo qormada uu sameynayo, iyadoo aan cid si gaar ah loogu dureynin ama xaglineynin.

http://www.youtube.com/watch?v=w6lEUv93I_8

Muqdisho siteembar23 2014,  Mas’uuliyiinta Wasaaradda Hidaha iyo Tacliinta sare oo maanta warfidiyeenada kula hadlay xarunta Wasaaradda ee degmada Hodan ayay kaga warbixiyeen deeq waxbarasho oo ay Dowladda Soomaaliya ka heshay dowladda Ciraaq iyo sharuudaha looga baahanyahay ardayda ka faa’ideysanaysa deeqdaasi oo taridoodu lagu sheegay 352 arday.

Agaasimaha guud ee Wasaaradda Hidaha iyo Tacliinta sare Ismaaciil Yuusuf Cismaan oo ugu horeyn goobta ka hadlay ayaa sheegay in deeqahan waxbarasho ay yihiin kuwa loogu faa’iideynayo ardayda Soomaaliyeed, isagoo si gaar ah arrintaasi uga mahadceliyay mas’uuliyiinta safaaradda Soomaaliya ee dalka Ciraaq.

“Deeqda waxaa ka mid ah 32 kursi oo ah caafimaad guud, 17-kursi oo kalkaaliye caafimaad ah, 12-kursi oo barashada Farmashiyaha ah, 8-kursi oo caafimaadka ilkaha, 4-kursi oo ah caafimaadka xoolaha ah, 113 kursi oo Injineeriye ah iyo kuwa kale, ardayda waxaa looga baahanyahay inay la yimaadaan shahaado dugsi sare, shahaado caafimaad, labo sawir, warqadda dhalashada iyo baaso boor” ayuu yiri Agaasimaha Guud ee Wasaaradda Tacliinta sare.

Ku-simaha Wasiirka ahna Wasiir ku-xigeenka Hidaha iyo Tacliinta sare ee xukuumadda Soomaaliya mudane Maxamed Axmed Kulan ayaa uga mahadceliyay dowladda Ciraaq kaalmada waxbarasho ee ay ardayda Soomaaliyeed u fidisay, isagoo xusay in deeqdaasi ay ardayda Soomaaliyeed ee ku nool gobolada dalka si cadaalad ah u gaarsiin doonaan, ayna u saareen guddi ardayda ka faa’iideysanaysa deeqahaasi imtixaan ka qaada.

“Wasaradda iyo Xukuumadda Soomaaliya waxa ay Ummadda Soomaaliyeed u soo bandhigeysaa deeqo waxbarasho oo aan ka helnay Dowladda Ciraaq, taasi oo ka kooban 352 kursi, ciraaq waxaan la leenahay cilaaqaad soo jireen ah, weligoodna shacabka Soomaaliyeed ayay caawin jireen” ayuu yiri ku-simaha Wasiirka.

Wasiir ku-xigeenka Wasaaradda Hidaha iyo tacliinta sare ee Xukuumadda Soomaaliya ayaa sidoo kale uga mahadceliyay dowladaha Soomaaliya la garabtaagan deeqaha waxbarasho kaddib markii ay Soomaaliya ka soo kabatay bur bur in muddo ah daashaday.

Dowlad Gobaleedka HXiman Iyo Xeeb  Siteembar 23, 2014 Munaasabada xariga looga jarayay Iskuulkan cusub ee Hoose Dhexe iyo sare ee Cadaado ayaa waxaa ka soo qayb galay mas’uuliyiin ka tirsan Maamulka Ximan iyo Xeeb, bahda waxbarashada iyo marti sharaf kale, waxaana lagu qabtay xarunta Iskuulka.

Axmed Cabdullaahi Jaamac maamulaha Iskuulka ayaa sheegay in Iskuulkan ay fureen kaddib markii ay arkeen baahida loo qabo in goobaha waxbarashada la baraariyo maadaama dadka danaynaya waxbarashada ay bateen, loona baahanyahay in ardayda ay helaan goobo waxbarasho.

Sheekh Maxamuud Cabdullaahi Xuseen oo ka tirsan daladda waxbarashada Ahliga ah ee FPENS ayaa munaasabadda ka sheegay in iskuulkan loo diiwaangaliyay ka mid noqoshada daladda, ayna soo dhaweynayaan.

Madaxwayne ku-xigeenka ximan iyo Xeeb Cabdi Maxamed Axmed-nuur oo munaasabadda soo xiray ayaa sheegay inuu ku faraxsanyahay horumarka waxbarasho ee ku soo kordhaya deegaannada Maamulka, isagoo bahda waxbarasho ku booriyay in ay sare u qaadaan tayada waxbarashada.

Dhawrkii sano ee la soo dhaafay ayaa waxaa kordhayay koboca ay samaynayso waxbarashada deegaanada Ximan iyo Xeeb.
http://www.youtube.com/watch?v=BtX-9gukLQ0

Muqdisho Siteembar 22, 2014 Recep Tayyip Erdogan marka af Turkiga lagu dhahayo ama Rajab Dayib Erdogan oo afafka kale ay ugu dhawaaqaan waa madaxweynaha hadda ee Jamhuuriyadda Turkiga, waa R/wasaarihii hore ee Turkiga,  2003 ayuu qabtay xilka R/wasaarenimada, isagoo hayay ilaa sanadkan 2014.

Erdogan waxa uu ku dhashay magaalada taariikhiga ah ee Qusdandiiniya oo maanta loo yaqaan Istambuul sanadkii 1954-kii, asal ahaan waxa uu ka soo jeedaa magaalada Darabzoon, waxa uuna ku soo barbaaray saboolnimo.

Bilowgii kusoo biiriddiisa siyaasadda ayuu u sheegay warbaahinta in uu iibin jiray khudaarta gaar ahaan Batiikh iyo Sisin, taas oo uu sheegay ineey ka dabooli jirtay kharajka tacliinta ee dugsiyadiisii hoose iyo dhexe, waxa uu dhigtay dugsiga Imaam Khaddiib oo ahaa iskuul Diini ah oo lagu barto culuumta Islaamka, kaddibna waxa uu galay kulliyadda dhaqaalaha ee Jaamacadda Marmara.

Waxa uu ku biiray xisbigii Khalaas Al-waddani oo uu guddoominayay Najmu-diin Arbakaan dabayaaqadii todobaatameeyadii, hayeeshee afgambigii meleteriga ee ka dhacay dalka Turkiga 1980-kii  ayaa meesha ka saaray xisbiyadii siyaasadda, Sadex sano kadib oo ay xisbiyada siyaasaddu ku soo laabteen Turkiga ayuu noqday Ergogan xubin aad u firfircoon oo ka mid ah xisbiga Rafaah, isaga oo olole weyn uga sameeyay xisbigaas magaalada Istambuul.

Doorashooyinkii 1994-tii ayaa xisbigaasi Rafaah u sharaxay in uu Ordogan noqdo duqa magaalada Istambuul, si fiican ayuu ugu guuleeystay doorashadaas.

Afar sano kadib 1998-dii  ayuu aas aasay xisbiga caddaaladda iyo horumarka, ha yeeshee waxaa lagu eedeeyay inuu sameeyay kicin, isnaceeyb iyo kala tag, isaga oo adeegsanaya Diin, taasoo sababtay in xabsiga la dhigo, islamarkaana laga mamnuuco inuu qabto xil dowladeed, waxa uu xilligaas ku jiray ololihii doorashooyinka guud ee dalkaasi Turkiga, waxaa lagu qabsaday inuu dhowr Beyt oo ka tirsan gabay Turki ah ka hor aqriyay dadweynaha.

Waxa uu iska difaacay dhammaan eedeeymihii loo soo jeediyay,  isaga oo xiriirkii aragtiyeed ee kala dhaxeeyay saaxiibadiisa siyaasadda ee u janjeeray dhanka Islaamka isku dayay inuu u difaaco hab aan siyaasadda kala saaridda diinta iyo siyaasadda ama cilmaaniyadda an si toos ah uga hor imaaneeyn.

Taageerayaasha cilmaaniyadda ayaa u adeegsaday warbaahinta, iyaga oo ku dhaliilaya in uu hirgelinayo aragtida dhisidda jamhuuriyad muslim ah oo la yiraahdo Turki, taasoo ku soo jeedisay indho badan oo an siyaasaddaas la dhacsaneyn.

Mucaaradkii ka horjeeday ayaa ka sameeyay dacaayad aheyd inuu doonayo inuu u dhaqmo sida Faladamiir Butinka Ruuska, Selfio Berleskooniga Italy marna noqday madaxweyne marna R/wasaare.

Xisbiga caddaalada iyo nabadda ayaa ka qeybgalay doorashooyinka golaha shacabka ee 2002-dii ka dhacay Turkiga, iyada oo xisbigu helay 363 kursi, taas oo ka dhigneyd guul ka yaabisay dadkii ka soo horjeeday.

Guushaasi waxeey horseedday in uu madaxweyne noqdo C/llahi Gool oo isna inta burriyay xukunkii ku dhacay Ordogan islamarkaana xeerkii lagu ciqaabay  meesha ka saaray uu u magacaabay xilka R/wasaarenimada jamhuuriyadda Turkiga.

Ordegan waxa uu horseeday in dalka Turkiga uu helo xasillooni siyaasadeen, mid dhaqaale iyo  mid bulsho, waxa uu heshiisiiyay dowladaha Jusuurabeeniya iyo Adrebijaan, isaga oo sidaas oo kalena caawiyay dowladihii yar yaraa ee Midowga Sofiyeetka, waxa uu la sameeystay heshiis iyo iskaashi dowladaha Ciraaq iyo Siiriya, isaga oo furfuray siyaasadda Turkiga ee xiriirka caalamiga ah oo aheyd mid hooseeysa, taasoo horseedday in magaalada Istambuul ay noqoto magaalo ay ka muuqdaan dhaqamo kala duwan.

Waxa uu furay xadka ay Kurdiyiinta la wadaagaan Turkiga oo furiddiisu mid nidaam ahaan mamnuuc aheyd, isaga oo sidaasi oo kale ogolaaday in lagu qudbeeyn karo afka Kurdiyiinta.

Waxa uu noqday nin adadag oo mararka qaarkood qaata go’aan ay ku dhiciddiisu ku adagtay madaxda sidiisa oo kale ah.

2009 waxa uu ka baxay shirkii Daarfuur kadib markii ay isaga iyo Shiimon Beres ay isku afdhaafeen dagaalki Gaza ka dhacay sanadkaas, waxa uu sheegay in madaxweynaha Israa’iil loo ogolaaday in uu hadlo 25 daqiiqo ha yeeshe isaga iyo Camar Musa oo ahaa xoghayaha Jaamacadda Carabta xilligaa la siiyay 12 daqiiqo kaliya.

28 Augst 2014-kii ayaa loo caleema saaray in uu noqdo madaxweynaha 12-aad ee jamhuuriyadda Turkiga kadib doorashooyinki madaxtinimada ee Turkiga.

Raceb Tayyib Ordogan waxa uu 2011-kii booqasho ku yimid magaalada Muqdisho, isaga iyo xaaskiisa Aamina, waxa ay si lama filaan ah ugu soo jeedisay arintaas indhaha dunida xaaladdii adkeyd ee sanadkaas ka jirtay Muqdisho, isaga oo xukuumaddiisa weydiistay in Soomaaliya loo diro kaalmo bani’aaddanimo iyo caawinaad siyaasadeed,  kadibna waxa uu horseeday in adduunka intiisa kalena uu wax uun ka qabto gaajadii ba’neyd ee xilligaas ka taagneyd koofurta Soomaaliya.

Ugu dambeyntii Kanu Tran Danjirihii hore ee Turkiga u joogay Soomaaliya ayaan horraantii sanadkan kula kulmay xafiiskiisa Muqdisho,  waxa uuna ii sheegay in xiriirka Soomaaliya iyo Turkiga uusan billaaban 2011-kii ee uu soo billowday 1520-kii oo ah ku dhawaad 500 oo sano ka hor, xilligaas oo dowladdii Cusmaaniyiintu ay hub iyo sahay usoo dirtay Axmed Ibaahim “Axmed Gureey” oo la dagaalamayay maamulkii xilligaas ee Itoobiya oo gacan iyo taageero ka helayay dowladda Bortaqiiska, waxa uu salka ku hayay halgan ay Bortaqiiska iyo Itoobiyaba ugu jireen sidi ay u qabsan lahaayeen xeebaha bariga Afrika ee Soomaaliya.

Sidaasi si la mid ah Soomaaliya waxa ay taageero hiil iyo hoo ahba ka sugeysaa madaxweynaha cusub ee dalka Turkiga, Rajeb Dayib Ordegan, waxa ayna dadka Soomaaliyeed aad ugu hanweeynyihiin in uu sii laba laabo kaalmooyinka horumarineed ee dadka Soomaaliyeed uu siiyo iyo waliba dib u dhiska dalka, iyaga oo tayeeynaya dhismaha ciidamada XDS, Turkiga ayaa ah hadda dowladda siisa Soomaaliya dhaqaalaha ugu badan ee lagu tayeeyo ciidanka qaranka Soomaaliya, taas oo la filayo mar dhow ineey hormuud ka noqoto helidda ciidan qaran oo leh awood ay ku bedeli karaan ciidamada shisheeye ee haatan dalka ku sugan.

Muqdisho Siteembar 22,2 014 Kulanka Baarlamaanka ee maanta oo ahaa Kalfadhiga 5aad fadhigiisa 1aad waxaa shir guddoominayey Guddoomiye ku xigeenka labaad ee Golaha Shacabka Mudane Mahad Cabdalla Cawad waxaana shirka uu ku furmay guntan dhan 139 Xildhibaan, ajandaha kulankana waxa uu ahaa qeybinta mooshin ka dhan ah jebinta qaraarkii Baarlamaanka ee la xiriiray Dekedda Muqdisho kaasi oo ay Golaha usoo gudbiyeen XIldhibaanno ka tirsan Baarlamaanka.

Xildhibaan C/qaadir Maxamed Aadan (Sandheere) oo ka mid ah Xildhibaannada soo saxiixay mooshinkan ayaa ka hor akhriyey Baarlamaanka waxaana uu xusay in mooshinkan ay soo raaciyeen cabashada howlwadeenada Shirkadaha maraakiibta,xoogsatada Majakuus iyo Muruqmaalba muhiimaduna ay tahay sababta loo jebiyey qaraarkii uu horey u qaatay Baarlamaanka Federaalka Soomaaliya.

Guddoomiye ku xigeenka Labaad ee Baarlamaanka Mudane Mahad Cabdalla Cawad ayaa Xildhibaannada u faah faahiyey nidaamka sharci ahaan ay tahay in la marsiiyo heshiisyada caalamiga ah ee maalgashiga shisheeye waxaana uu dhanka kale Baarlamaanka ka hor Akhriyey qoraal uusoo gudbiyey hanta dhowrka guud ee Qaranka kaasi oo ku saabsanaa heshiiska Dekedda Caalamiga ah ee magaalada Muqdisho.

Xildhibaannada Baarlamaanka ayaa qeybinta mooshinka iyo akhrinta qoraalka ka soo baxay xafiiska Hanti dhowrka guud ee Qaranka waxa ay gudagaleen soo jeedinta talooyin la xiriira talaabada la qaadayo taasi oo badankeed noqotay in loo yeero Ra’isulwasaaraha Xukuumadda si uu Baarlamaanka uga jawaabo su’aallo la xiriira cida jebisay qaraarkii uu Baarlamaanka horey uga qaatay arintan iyo halka ay ku dambeysay natiijada guddi uu Ra’isulwasaaraha arintaasi u saaray.

Guddoomiye ku xigeenka Labaad ee Baarlamaanka Mudane Mahad Cawad oo gebagebadii kulanka ka hadlay ayaa tilmaamay in Guddoonka Baarlamaanka uu Ra’isulwasaaraha Xukuumadda u yeerayo sababta uu Golaha Shacabku arintan u eegayana ay tahay in aanan la dulmin xuquuqda shaqaalaha Soomaaliyeed ee ka shaqeeya Dekedda caalamiga ah ee

02-April ee sanadkan 2014 ayaa Baarlamaanka Federaalka Soomaaliya waxa uu soo saaray qaraar uu ku dalbanayey in aanan lagu wareejin Karin dekedda Muqdisho shirkadda Al-Beyradh ee dalka Turkiga ilaa inta heshiiskaasi Baarlamaanka laga hor keenayo waxaana hada ay arintu ku soo biyo shubatay in loo yeero Ra’isulwasaaraha Xukuumadda si uu Baarlamaanka jawaab uga siiyo arinta la xiriira dekedda caalamiga ah ee magaalada Muqdisho oo ah isha ugu weyn ee dhaqaalaha uu kasoo galo DFS.

http://www.youtube.com/watch?v=LFpcDpy8b0A

Muqdisho Siteembar 22, 2014 Guddoomiyaha Gobolka Benaadir ahna duqa Muqdisho mudane Xasan Maxamed Xuseen “Muungaab” oo ay wehliyaan xubno ka tirsan Maamulka Gobolka ayaa maanta xarigga ka jaray Waaxda Saddexaad 1-da May ee degmada Xamar Jajab.

Munaasabad kooban oo xariga looga jarayay Waaxda saddexaad ee degmada Xamar Jajab waxaa ka qeyb galay Xildhibaan Prof Maxamed Cumar Dalxa, qeybaha bulshada iyo maamulka Degmada Xamar Jajab, iyadoo dhawaan xaruntaasi dib u dhis lagu sameeyay.

Guddoomiyaha Degmada Xamar Jajab Axmed Cismaan Dhoore ayaa sheegay in xaruntan ay qeyb ka tahay xarumaha danta guud ee loogu adeegayo bulshada, waxaana uu uga mahadceliyay hay’adihii Maamulka Gobolka Benaadir ka taageeray dhib u dhiska xaruntan.

Guddoomiyaha Gobolka Benaadir ahna duqa Muqdisho mudane Xasan Maxamed Xuseen “Muungaab” oo goobta hadal ka jeediyay ayaa ku booriyay maamulka degmada Xamar Jajab iyo shacabka in ay ka wada shaqeeyaan horumarinta adeegyada guud ee bulshada.

Xildhibaan Prof Maxamed Cumar Dalxa oo ka mid ah mudanayaasha baarlamaanka oo ka qeyb galay munaasabadda ayaa maamulka Gobolka Benaadir ku amaanay dadaallada uu ka wado Muqdisho ee ku aadan dib u dhiska xarumaha loogu adeegayo bulshada.

http://www.youtube.com/watch?v=oz5bO-eaEkI

Muqdisho Siteembar 20, 2014 Mudo 35 Cisho ka dib oo uu Dowlada u xirnaa Gudoomiyihii hore ee Degmada Wadajir Axmed Xasan Cadoow Axmed Daaci ayaa Xalay dib Xuriyadiisa u helay ka dib Markii Dowlada Soomaaliya ay sii deysay.

Axmed Daaci oo la hadlay Idaacada Risaala ayaa xaqiijiyay in la sii daayay oo hada uu ku Sugan yahay Gurigiisa ku yaallo Degmada Wadajir waxa uuna ka cudurdaartay in uu Wareysi gaar ah Siiyo Idaacada Risaala.

Axmed Daaci ayaa Sidoo kale Sheegay in uu la hadli doono Warbaahinta uuna ka warbixin doono sii deyntiisa iyo waxyaabihii uu kala kulmay Dowlada Soomaaliya.

Sidoo kale waxa Idaacada Risaala la hadlay oo u xaqiijiyay Sii deynta Axmed Daaci Gudoomiyaha hada ka taliya Degmada Wadajir Axmed C/dulle Afrax waxa una Sheegay in Xalay uu ugu tagay Gurigiisa uuna la soo sheegeystay.

Dhanka kale Dowlada Soomaaliya ayaanan weli ka hadlin Sii deynta Gudomiyihii hore ee Degmada Wadajir Axmed Daaci

Muqdisho Siteembar 20, 2014 Waxaa Maanta oo Sabti ah ( 20-ka September, 2014), lagu wadaa inuu dib uga furmo Golaha Shacabka ee Muqdisho Kulamadii Xildhibaanada Baarlamaanka ee Soomaaliya.

Kulanka oo ah kii 5-aad oo Xildhibaanada Baarlamaanka ay yeeshaan tan & markii la aas aasay 2012, ayaa waxaa furaya Madaxweynaha DFS Xasan Sheekh Maxa’uud oo Khudbad kahor jeedin doona Baarlamaanka.

Xildhibaan Maxa’ed Cumar Dhalxa, ayaa KON u xaqiijiyay furitaanka Kulanka Baarlamaanka, isagoo intaasi ku daray hadalkiisa in Xildhibaanada ay horyaalaan Hindise sharciyeedyo badan oo Xukuumadda soo gudbisay.

Amaanka Wadooyinka gala Xarunta Golaha Shacabka ayaa Saakay si aad ah loo adkeeyay, waxaana dadka & Gaadiidka loo diidayay inay isticmaalaan, marka laga reebo Gaadiidka Xubnaha ku jira DFS, uN-ka &  AMISOM.

Xildhibaanada Baarlamaanka ayaa mudo 2 Bilood ah ku maqnaa Fasax ay ku maqnaayeen, iyadoo ay jiraan wali Xildhibaanno dalka ka maqan, balse loogu baaqay inay dib ugu soo laabtaan Muqdisho.

Oslo Siteembar 20, 2014 Ra’iisul Wasaaraha Soomaaliya, Cabdiweli Sheekh Axmed iyo wafdi uu hogaaminayo oo ay kamid yihiin Wasiirka Warfaafinta, Mustaf Sheekh Cali Dhuxulow iyo xubno kale oo booqasho rasmi ah ku yimid dalka Norway ayaa Jimcihii shalay magaalada Oslo waxaa ay kulan dheer kula yeesheen Ra’iisul Wasaaraha dalka Norway Marwo Erna Solberg iyo xubno ka tirsan Gollaha Wasiirada ee dalka Norway iyagoo ka wada hadlay xiriirka dheer ee u dhexeeya labada dal iyo taageerada Norway ee dib-u-dhiska Soomaaliya.

Ra’iisul Wasaaraha Soomaaliya ayaa sheegay in uu uga mahadcelinayo dalka Norway taageerada ay u fidiso dawladda Soomaaliya, waxaana uu uga mahadceliyay soo dhoweynta ay u fidiyeen dadka Soomaaliyeed ee ku nool dalka oo lagu qiyaaso 40’000 oo Soomaali ah.

Ra’iisul Wasaaraha ayaa soo dhaweeyay sida dawladda Norway ay xilligan ugu heelan tahay in ay gacan ka gaysto dadaalada lagu xasilinayo dalka iyo dhismaha dawladnimada Soomaaliya. Waxaa sidoo kale ay ka wada hadleen labada dhinac taageerada Waxbarashada, Gargaarka Bani’aadanimo, Shaqo-abuurka iyo in ay Soomaaliya laga caawiyo sidii ay u maamulan lahayd khayraadka dalkeeda.

“Xiriirka u dhexeeya labada dawladood waa mid aad u xoogan, taageerada ay Norway u fidiso Soomaaliyana waa mid sahlaysa dib-u-dhiska dalka kadib burburkii xooganaa ee ku dhacay dadka iyo dalka Soomaaliyeed. Waxaa kaloo aan ka wada hadalnay idii ay gacan uga gaysan lahaayeen in aan ka faa’iidaysanno khayraadka dalkeena iyo sidii shaqooyin loogu abuuri lahaa dhalinyarada Soomaaliyeed, loogana hortago in kooxaha argagixisadu ay dhalinyarada u isticmaalaan dagaalada.”

“Norway waxaa ay naga caawisaa bixinta mushaharka shaqaalaha dawladda oo iyagu ah laf-dhabarta ay dawladdu ku shaqayso, waxaa sidoo kale ay u heelan yihiin in ay gacan naga siiyaan Maamulka Maaliyadda, Waxbarashada iyo tayaynta Hay’adaha Dawladda.” Ayuu yiri Ra’iisul Wasaaraha Soomaaliya.

Dhanka kale waxaa uu Ra’iisul Wasaaraha Soomaaliya, Cabdiweli Sheekh Axmed ayaa la kulmay Ra’iisul Wasaarihii hore ee dalka Norway, Kjell Magne Bondavic iyo mas’uuliyiin kale iyagoo ka wada hadlay xoojinta taageerada loo fidiyo hay’adaha kala duwan ee dawladda Soomaaliya.

—Dhamaad—

Qaahira Siteembar 20, 2014 Wasiirka wasaaradda shaqada iyo shaqaalaha dowladda Soomaaliya oo magaalada Qaahira uga  qeybgalay shirka wasiirrada shaqaalaha ee dalalka Jaamacadda Carabta ayaa kulan la qaatay madaxweynaha dalka Masar ayadoo wasiirkana uu hor dhigay dowladda masar iyo Jaamacadda Carabtaba taageerrada hormarineed ee ay u baahan yihiin shaqaalaha soomaaliyeed.

Injineer  Luqmaan  Ismaacil  oo wareysi siiyay VOA ayaa sheegay in  shirka wasiiradda Jamacadda Caraabta oo sanadle ah ah ay ka qeyb galeen in ka badan 40 wasiir oo ka socda Carabta, ayadoo sanadkani diiradda lagu saaray dhibaatooyinka haysta  shaqaalaha  waddamada ku jira jamacadda carabta iyo horumarintooda.

Wasiirku wuxuu sheegay in dhibaatooyinka haysta shalaha Ssomaliyeed ay ugudbiyeen   madaxdii ka soo qayb gashay shirkaani, ismarkana aya ka dalbadeen Somalia in laga tageero  tababarrada iyo tayeynta  shaqaalaha,  dhismaha xaruuntii tababarka  shaqaalaha Somaliyeed iyo arrimo kale.

Sidoo kale Wasiir Luqmaan ayaa kala hadlay madaxweynaha Dalka Masar Cabdulfitaax Al-Sisi xaaladda dalka Soomaaliya iyo taageerada ay dowladda Soomaaliya uga baahan dalka Masar.

London Siteembar 17, 2014 R/wasaare C/wali Sheekh Axmed Maxamed, ayaa sheegay in haddii la gaaro sanadka 2015 dalka Soomaaliya aan lagu arki doonin meel ay ku sugan yihiin Shabaab ama ay maamulayaan, isaga oo taasi ku muujiyay balan qaad uu usameeyay Jaaliyadda Soomaalida ee London, xilli uu la hadlaayay.

Dr. C/weli ayaa Jaaliyada ugu laab qaboojiyay in gacanta Dowladda Federaalka Soomaaliya ay soo gashay ku dhawaad 15-Degmo oo kamid ah Gobolada dalka Soomaaliya, howlgalkaan hada socda iyo kii kan ka horeeyay intaba marka la isku daro.

“Waxaan idiin balan qaadayaa, hadii wasiirka uu ka aamusay inuu ballan qaad idiin sameeyo, sanadka 2015 Al Shabaab meel ay maamulaan ama ay ku sugan yihiin Insha Allah lama arki doono, Shabaab dalka waa laga saarayaa”Ayuu yiri R/wasaaraha dalka.

R/wasaaraha ayaa xusay in ujeedada safarka uu ku joogo magaalada London ee dalka Uk, ay ugu muhiimsantahay dhismaha ciidamada qalabka sida ee Soomaaliya si ciidanka xoogga dalka ay unoqdaan kuwa ku filan  sugidda amniga dalka Soomaaliya.

“Anaga mar waliba ciidamadeena ayaa na deeqa waxaan halkaan u nimid oo Wasiirka Gaashaandhiga iila socda, waxa ay tahay dhismaha ciidamada qalabka sida ee Soomaaliya, mar waliba ciidamadeena ayaa na deeqa” Ayuu hadalkiisa sii raaciyay Ra’iisul Wasaare C/wali.

hadalka R/wasaaraha ayaa imaanaya xilli howlgalka Badweynta Hindiya uu si dar dar leh uga socdo qeybo ka mid ah gobollada dalka, kaasoo Shabaab looga xoreeyay inta badan deegaanno muhiim ah oo ay maamuli jireen.

Maxaas Siteembar 17, 2014 Maamulka degmada Maxaas ayaa ka warbixiyay ammaanka iyo horumarka degmadadaasi oo ka tirsan gobolka Hiiraan.

Gudoomiyaha degmada Maxaas Muumin Maxamed Xalane oo la hadkay Radio Muqdisho ayaa sheegay in amaanka degmadaasi uu wanaagsanyahay, islamarkaana ay ka howlgalaan ciidamada qalabka sida iyo kuwa AMISOM oo adkeeyay amaanka degmadaasi.

“Degmada Maxaaas wax dhibaataa kama jiraan oo habeen iyo maalin waan soconaa, amaanka magaalada iyo deegaanada ku dhow dhow wuu hagaagsanyahay oo kormeer ayaanu ku tagnaa” ayuu yiri gudoomiyaha degmada Maxaas.

Gudoomiyaha oo hadalkiisa sii wata ayaa intaa ku daray in degmada Maxaas laga dareemay horumarro kala duwan,  wixii ka dambeeyay markii ay ciidamada dowladdu ka xoreeyeen malleeshiyaadka Alshabaab.

Muumin Maxamed Xalane ayaa tilmamay in degmada ay ka jirtaan baahiyo kala duwan oo ku saabsan adeegyada bulshada sida caafimaadka iyo waxbarashada.

Kismaayo 16 september 2014-Madxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa maanta furay shirweynaha dib u heshiisiinta gobollada Jubbooyinka ee magaalada Kismaayo.

Shirweynaha waxaa goob joog ka ahaa xubno ka socday labada gole ee Dowladda Federaalka Soomaaliya iyo wakiilo ka socdey beesha caalamka. Shirkan oo ay hormood ka tahay Wasaaradda arrimaha Gudaha iyo Federaalka una matalayaan 13 xubnood oo isugu jira saraakiisha sarsare ee Wasaarada iyo Gudiga dib-u-heshiisiinta qaran. Xubnaha wasaaradda ka socda waxa uu waajibkoodu yahay in ay hubiyaan habsami u socodka shirwaynaha iyo in uu noqdo mid loo dhan yahay.

Madaxweyanaha Jamhuuriyadda Federaalka Soomaaliya Mudane Xasan Sheekh Maxamuud oo ka hadlay furitaanka shirweynaha dib u heshiisiinta gobolada Jubbooyinka ayaa marka hore u mahad-celiyey ergooyinkii shirka ka soo qeyb-galay iyo maamulka KMG.

“Maanta waxaa halkaan ka furmay shir dib u heshiisiin, dib u heshiisiintu waxay ku timaadaa dadka oo quluubtooda la isku xiro. Wado dheer ayaa la soo maray, waxaa lagu soo jiray howlo dhib-badan, waxaase mahad ilaahey ah inaan maanta halkaan nimid. Sidaad ogtihiin maamul oo dhan waxuu ku soo dhamaadaa talada dadka meesha ay ka go’do, sidaan waxay ku suurowday in maamul jiro, intaan iyo in ka sii qurux badanna waan rajeyneynaa” ayuu yiri Madaxweynaha

Madaxweynaha ayaa ku baaqay in shirka lagu soo biiriyo cid walba oo tabasho qabta “Shirkaan waxaan ka rajeyneynaa in inta haatan fadhiisa laba jibaarkeeda in ay ku soo biiri doonaan inta uu socdo, maamulka KMG ee Jubbana waxaan ka rabnaa in ay dadka wax tabanaya la soo dhaweeyo laguna soo biiriyo shirkan, Guusha maamulka hadba waxay ku xiran tahay inta aan yareyo tabashada, waxaan ku amaanayaa masuuliyiinta maamulka Jubba dulqaadka iyo gaabiska badan ay u muujiyeen inta wax tabaneyso”

“Dowladda Federaalk waa idinla joogeysaa oo waa fududeyneysaa shirka waxaana ka go’an in meeshaani maamul ka dhismo kaas oo u adeega dadka degan gobollada Jubbooyinka gacana ka geysta dib u dhis guud ee dalka” ayuu yiri Madaxweyne Xasan Sheekh.

Madaxweynaha ayaa ka dalbaday dadka degan gobollada Jubbooyinka inay isku dulqaataan “Wax kasta oo bilaawmaa boqoliikaba boqol sax kuma bilaawdaan ee waa in la isku dulqaataa, waa inaan dhadhansanaa wax noo qabsoomay, xoogeena iyo xoolaheenna aan iskugu geyno sidii wax badan noogu qabsoomi lahaayeen”

Madaxweynaha Soomaaliya Mudane Xasan Sheekh Maxamuud ayaa gabal dhicii maanta dib ugu soo laabtay magaalada Muqdisho.

—Dhamaad—

Maxaas Siteembar 17, 2014 Guddoomiye ku-xigeenka labaad ee barlamanka mudane Mahad Cabdalla Cawad oo ay wehliyaan Xildhibaanno ka tirsan Baarlamaanka oo siminaar aqoon kororsi ah oo laxiriira horumarinta howlaha barlamanka uga socday dalka Uganda ayaa maanta dib ugu soo laabta dalka, isagoo faah faahin ka bixiyay waxyaabihii ay soo faa’iidaysteen tababarkaasi.

Mahad Cabdalla Cawad iyo Xildhibaannadii la socday waxaa garoonka ku soo dhaweeyay xubno ka tirsan labada gole ee dowladda, waxaana uu warbaahinta kula hadlay gudaha garoonka oo uu sheegay in furitaanka kaldhiga ee golaha shacabka uu furmi doono 20-ka bishaan oo ku beegan maalinta Sabtida ah.

“Waxaa soo dhamaaday fasixii dastuuriga ah, Xildhibaannada qaarkood waxa ay soo qaateen tababaro xiriira dar dargelinta howlaha baarlamaanka iyo kuwa ay isugu diyaarinayeen kalfadhiga shanaad ee baarlamaanka, mudanayaasha baarlamaanka intooda badan dalka ayay joogaan ayna u diyaar garoobeen kalfadhiga shanaad ee baarlamaanka” ayuu yiri Mahad Cabdalla Cawad.

Mudane Mahad Cabdalla Cawad ayaa xusay in xildhibaanada golaha shacabka ay horyaalaan ajando dhowr ah oo u baahan in la meel mariyo, waxaana uu ku baaqay in mudanayaasha kale ee maqan inay soo xaadiraan maalinta furitaanka kalfadhiga shanaad ee Baarlamaanka.

Baydhabo on Sunday September 14, 2014Gudoomiyaha Golaha Shacabka Jamhuuriyadda Federaalka Soomaaliya Mudane Maxamed Sheekh Cusmaan Jawaari ayaa jawaab ka bixiyey hadal been abuur ah oo si qaldan loo kala jaray kaasi oo xalay lagu baahiyey shabakadaha Internetka.

Gudoomiyaha Baarlamaanka oo khudbad ka jeediyey Munaasabadda furitaanka shir weynaha dib u heshiisiinta shacabka ku dhaqan gobollada Koonfur Galbeed oo maanta Baydhabo ka dhacday ayaa yiri “maanta shirkan furmaya aawgiis xalay maxaa la sameeyey ? Websiteyada oo dhan waxaa lasoo geliyey ninkii odayga ahaa Gudoomiyaha Baarlamaanka waa taraaraxay oo Puntland ayuu weeraray, bal amarka Ilaaheey fiiri dulumka iyo daalimiinta waxa ay sameynayaan, 2013 inta anigoo jooga Odayaasha halkan anigoo kula shiraya anigoo idiin qudbeynaya oo hadlaya waatii telefoon la iisoo diray 11kii September 2013 howlgallo laga sameeyey xiligaas Puntland oo la igu yiri hada waxa socota ganacsato la xir xiray “

taasi waxaan tusaale ugu soo qaatay in idinka nabadii meeshaan laga doonaayey aad hanti weyseen oo aad xasilin weyseen,dadkii idiinka tagayna meel kale ay joogaan , waa la gooyey hadalkeeyga oo dhan Jawaari waxaa la yiri Puntland dadbeey xer xertaa baraha internetka ayaa lasoo geliyey, saakay oo dhan Xildhibaanno ayaa telefoonno iga soo wacayey oo I dhahay Oday waa sidee? Hada inaan dhahay ayaa laga dhigay waana hal sano ka hor mar howlgallo ay socdeen oo aan idinka tusaale ahaan idiinkugu soo qaatay, bal amarka ilaaheey intaas ayaa lasoo geliyey dadkii oo dhan waxey leeyihiin Oday sidaan laguuguma ogaan jirinee” ayuu yiri Gudoomiyaha Baarlamaanka.

intaas ayaa lasoo geliyey sida ma aragtaa kuwa Kirishtanka ah ee markii qurbaha aad joogto, gaallada muslimiinta lidka ku ah ee qur’aanka wax ka sheegaya aayad ayey ku weeydiinayaan waan idiin sheegayaa tusaale waxaan usoo qaadanayaa :- aayad (AL-RIJAALU QAWAAMUUNA CALA NISAA’I ) hakadka kaliya ayey istaagayaan horey uma soconayaan oo ma dhameystirayaan, tanina taas ayey la mid tahay oo hadalkeeyga lama dhameystirin,waxaan leeyahay Alle ka cabsada saxafiyiinta oo hadalka sida uu yahay usoo daaya maalintaasi waad joogteen” ayuu hadalkiisa kusoo gebagebeeyey Gudoomiyaha Baarlamaanka Federaalka Soomaaliya Mudane Maxamed Sheekh Cusmaan Jawaari.

Muuqaalka Jawaabta Gudoomiyaha Baarlamaanka Hoos Ka Daawo:-

http://www.youtube.com/watch?v=uXALYgXU0K4#t=86


:
Mogadishu on Sunday September 14, 2014 Madaxweyne Mudane Xassan Shiikh Maxamuud oo maanta soo kormeeray garoonka Aadan Cabdulle oo ay dhisayso Dowladda Turkiga

Muqdisho, September 11 , 2014- Howlgallo ay ciidamadu ka sameeyeen Muqdisho xalay ilaa saaka ayaa lagu soo qabtay dhallinyaro loo heysto ineey ka tirsanyihiin malleeshiyaadka Al-shabaab.

Ciidamada oo xalay ilaa saaka howlgallo dheeraad ah oo lagu adkeeynayo amniga ka waday waddada Maka Al-Mukarama ayaa waxa ay soo qabteen 13 dhalinyaro ah.

Maxamed Daahir Cabdulle oo ah taliyaha saldhigga degmada Hodan ayaa sheegay in howlgalkani lagu xoojinayo ammaanka caasimadda, isagoo tilmaamay in ciidamadu ay gacanta ku soo dhigeen 13 dhalinyaro ah oo la rumeysanyahay ineey ka mid yihiin argagixisada Als-shabaab.

Taliyaha ayaa intaa ku daray in dhallinyaradaasi lagu hayo saldhigga degmada Hodan oo su’aalo lagu weydiinayo.

“Booliiska waa shaki ku nool, qofkii aan ka shakino socodkiisa qaabkiisa waan soo qabanaynaa, laakiin qofkaas cadaalad ayuu helayaa hadii dambi lagu helo sharciga ayaa lagu qaadayaa, kii aan dambi laheyna waa lasii deynayaa, waxaan soo qabanay 13-ruux baaris ayaana ku socota”Sidaasi waxaa yiri taliyaha saldhiga Booliska ee degmada Hodan.

Dhanka kale howlgallo dheeraad ah ayaa ka socda Muqdiisho, iyadoo saaka la arkayay ciidamo farabadan oo la soo dhigay waddooyinka muhiimka ah eee magaalada Muqdisho

Howlgalkan ayaa qeyb ka ah qorshaha dowladu ku xaqiijineyso ammaanka caasimadda Muqdisho.

Muqdisho, September 11 , 2014-Kolonyo gaadiid ah oo sida raashin gargaar ah oo dowladda federaalku ugu talagashay dadka ku nool degmada Jalalaqsi ayaa gaaray magaaladaasi.

Gaadiidkan sida raashinka gargaarka ah oo ka kooban ilaa 8 baabuur, ayaa shalay gaaray degmada Jalalaqsi, waxaana la sheegay in maalinta Jimcaha ah loo qeeybin doono dadka ku dhibaateeysan Jalalaqsi.

Wasiirka arrimaha gudaha mudane C/llaahi Goodax Barre iyo wafdi uu hoggaaminayo ayaa la filayaa iney gaaraan degmada Jalalaqsi, si ay goob joog uga noqdaan qeybinta raashinkaasi, islamarkaana kulamo ula qaataan maamulka iyo bulshada ku nool degmadaasi.

Dhanka kale gudoomiyaha degmada Jalalaqso Maxamed C/lle Fiidoow oo ka hadlay ammaanka ayaa Radio Muqdisho u sheegay in ciidamadu ay ka hortageen falal amnidarro ah oo ay soo abaabuleen maleeshiyaadka Al-shabaab, isagoo ugu baaqay bulshada ku dhaqan degmadaasi iney gacan ka geeystaan la dagaalanka argagixisada Al-shabaab

Degmada Jalalaqsi ayaa ka mid ah deegaannadii ugu dambeeyay ee malleeshiyaadka Shabaab laga faroojiyay.

Buulo Burde, September 11 , 2014- Guddoomiyaha Degmada Ceelbuur ee Gobolka Galgaduud Nuur Xasan Guutaale ayaa sheegay in maleeshiyaadka Al Shabaab ay dhac ugeysteen dad shacab ah oo ku nool deegaano ka tirsan gobolka.

maleeshiyaadka Al-shabaab ayaa raashin, shidaal, lacag iyo xoolo nool ka dhacay deegaanno ka tirsan degmooyinka Ceeldheer iyo Ceelbuur kuwaas oo kala ah, Galhareeri, Jacar, Bargaan, Masagawaay iyo Galcad oo dhamaantood ka tirsan gobolka Galgaduud.

Gudoomiyaha degmada Ceelbuur Nuur Xasan Guutaale ayaa sheegay in dadka rayidka ah ee shabaabku ka dhaceen hantidooda ay dakbadeen in laga dulqaado culeeyska iyo dhaqan xumida ay ku hayaan maleeshiyaadka  Al Shabaab.

Maleeshiyaadka Al-shabaab oo naftu ku dabayartahay ayaa ku qamaamay deegannada kooban oo ay dalka uga harsanyihiin.

New York, September 10 , 2014- Xubnaha Golaha ammaanka ee Qaramada midoobay ayaa kulan isugu yimid September 8,2014, waxaana kulankan   looga dooday difaaca xaquuqda caruurta, gaar ahaana ka hortaga Askareynta iyo u adeegsiga xaaladdaha dagaalka.

Kulankan ayaa waxaa dawladda Soomaaliya uga qeybgalay Qunsulka Soomaaliya u fadhiya New York ,Ergada joogtada ee Qaramada Midoobay mudane Cawaale Cali Kullane.

Mudane Cawaale oo kulanka ka jeediyay khudbad dheer ayaa ugu faah faahiyay xubnaha golaha ammaanka sida ay dawladda Soomaaliya u illaalineyso xaquuqda caruurta isla markaana ay uga fogaatay Askareynta caruurta aan da’da qaangaarka aheyn. isaga oo xusay in dawladda Soomaaliya ay kol hore saxiixday heshiiska difaaca xaquuqda caruurta.

“Dawladda Soomaaliyeed waxay dadaal dheer ugu jirtaa daryeelka caruurta, maadaama caruurta Soomaaliyeed ay yihiin mustaqbalkii dalka waxayna dawladdu ku howlan tahay diyaarinta shuruucdii iyo nidaamyadii kale ee lagu dhowri lahaa xaquuqda caruurta, waxaana jira qorshe cad oo Baarlamaanka laga ansixin doono kaasoo qeexaya difaaca iyo daryeelka xaquuqda caruurta” ayuu yiri Qunsul Cawaale.

Sidoo kale, Qunsulka ayaa xusay in Madaxweynaha Soomaaliya H.E. Xasan Sheekh Maxamuud ay ka go’antahay, isla markaana ay qaadaan talaabooyin cad cad oo lagu hirgelinayo qorsheyaasha (Action Plan) ee horay loo saxiixay waqtigii dawlada ku meel gaarka aheyd, si loo soo afjaro shaqo-qorista, iyo isticmaalka, caruurta iyo sidoo kale, sidii looga hortagi lahaa dilka iyo dhaawaca carruurta loo geysto.

“Dawladda Soomaaliyeed waxaa ka go’an in la gaaro ujeedooyinka ka mid ah barnaamijka ka soo baxay golaha amaanka oo la dhaho Children not Soldiers” Caruurtu ciidan ma ahan” ayuu mar kale yiri Cawaale Cali Kullane oo intaasi raaciyay in  Dawlada Soomaaliya ay wado Olole ay ku cirib tireyso ku shaqeysiga iyo Askareynta caruurta.

Sidoo kale, Qunsulka Soomaaliya u fadhiya New york waxa uu ka codsaday xubnaha golaha ammaanka in la helo taageero lagu horumarinayo geedi socodka siyaasada, iyo Dastuurka dalka, taasoo laga dhex helayo fursado la xariira difaaca iyo daryeelka xaquuqda caruurta, maadaama dalku uu ka soo kabanayo dagaalo sokeeye nidaam la’aan.

Ugu dambeyntiina Cawaale Kullane waxa uu yiri “Waxaan ogaanay in dagaal sokeeya, markuu dhaco ay markiiba wax yeelobaan tiirar muhiim ah, oo aysan ummadi ka maarmin kuwaas oo ah , Rajada shacabka, dhaqan dadka, qiyamka ummada , mabaadi’da umada, sharafta umada iyo karaamada ummada. Lakiin maanta Soomaaliya waxay u taagan tahay  bogsashada ummada, dib u noolaynta Ummada iyo dib u hagaajinta dhammaan tiirarka iyo qodobada asaasiga ah ay saameeyeen dagaaladii sokeeye, si caruurteena oo ah mustaqbalkeena, ay wixi dhacay khaladkooda u bartaan si aysan markale u dhicin, waxaan ku qasbanahay inaan caruurteena u shaqeyno si ay u helaan fursadaha ay istaahilaan, waxaana doonaynaa inaan, anaga iyo caruurteena Soomaaliyeed aan nalagu xasuusan dhibkii dhacay, laakiin nalagu xasuusto sida wanaagsan aan dhamaanteena aan uga soo kabaney.”

Tagung des UN-Sicherheitsrates in New York

Muqdisho Siteembar 9, 2014 Guddoomiyaha guddiga shaqaalaha rayidka Cali Maxamuud Ibraahim “Cali-dheere” ayaa ugu baaqay shaqaalaha rayidka ee dowladda in ay ka qeyb qaataan gurmad u fidinta dadka ay abaaruhu ku dhufteen, isla markaana aysan ku fiirsan dadka dhibaateysan.

Cali Maxamuud Ibraahim oo u waramay Radio Muqdisho ayaa hoosta ka xariiqay in shaqaalaha rayidka ay xilligan gacan ka geysan karaan u gurmashada dadka ay abaartu aafaysay, iyagoo wax ka jaraya mushaaraadkooda, taasi oo uu ku sheegay inay wax badan u qaban karto walaalahood dhibaateysan.

“Runtii shaqaalaha rayidka oo uu ugu horeeyo Agaasimeyaasha guud iyo inta ka hooseyso haddii ay wax yar ka jaraan mushaarkooda, wax badan ayay u tareysaa dadka ay abaartu hayso, maxaa yeelay shaqaalaha xilliga dowladdii dhexe ee dalka markii ay sidaan oo kale dhacdo waa ay isu gurman jireen” ayuu yiri Guddoomiyaha Guddiga shaqaalaha rayidka.

Guddoomiyaha guddiga shaqaalaha rayidka ee dowladda ayaa waxa uu sheegay in shaqaalaha rayidka ay door weyn ka qaadan karaan horumarka dalka iyo wax u qabashada dadka tabaaleysan ee walaalahood ah.

Muqdisho, 9 September 2014 – Ergeyga Gaarka ah ee Xoghayaha Guud ee Qaramada Midoobay u qaabilsan Soomaaliya, (SRSG) Nicholas Kay, ayaa cambaareeyay weerarada argagixiso ee shalay ka dhacay dhowr goobood oo ku yaalla Soomaaliya weeraradaas oo sababay dhimashada iyo dhaawaca dad badan oo rayid ah.

“Waxaan ka naxay dilka loo geeystay dadka rayidka ah ee aan waxba galabsan, dadkaas oo lagu dilay weeraradii argagixiso ee shalay. Hadana kuwa colaadda wado waxay muujinayaan in aanay u haynin dadka Soomaaliyeed wax aan ka ahayn dhibaato joogto ah. Waxaan ugu baaqayaa dhammaan (dadka) in ay si buuxda ula shaqeeyaan maamulka inta lagu guda jiro baaritaanka dembiyadan foosha xun si loo xaqiijiyo in dembiilayaasha la horgeeyo cadaaladda si degdeg ah” ayuu yiri SRSG Kay.

“Waxaan sii xoojineynaa taageridda dadka Soomaaliyeed aan ku taageereeyno sida ay uga shaqeynayaan xaqiijinta rajadooda ku aadan mustaqbal xasilooni iyo nabad ay ku dheehantahay. Waqtigani waa in uu noqdaa waqti dib-u-heshiisiin (ayada oo laga shaqeynaayo) danaha dhamaan dadka Soomaaliyeed waxaana ku celcelinayaa baaqii Dowladda Federaalka ay u dirtay kuwa diyaarka u ah in ay kasoo laabtaan colaadda oo ay ku biiraan hanaanka siyaasadeed” ayuu raaciyay.

Mr Kay  wuxuu tacsi tiiraanyo leh u dirayaa qoysaska iyo saaxiibada dhamaan dadkii dhibku kasoo gaaray weeraradii argagixiso ee shalay.

Buulp Burde Siteembar 9, 2014 Deeq raashin ah oo ay dowladda Jabuuti ugu talogashay dadka ku tabaaleysan deeganno ka tirsan gobolka Hiiraan ayaa maanta loo qeybiyay qoysas ku dhibaateysan degmada Buulo Burde ee gobolkaasi.

Deeqdan oo ka kooban bur, bariis, sonkor iyo saliid isla markaana uu soo dhiibay Madaxweynaha Jabuuti mudane Ismaaciil Cumar Geelle ayaa maanta loo qeybiyay qoysas ku dhaqan degmada Buulo Burde oo aan wax kaalmo ah helin muddo fog, waxaana ka faa’iideystay qoysas fara badan.

Qaar ka mid ah dadkii raashinkaasi loo qeybiyay oo la hadlay Warbaahinta Qaranka ayaa Madaxweynaha Jamhuuriyadda Jabuuti uga mahadceliyay kaalmada uu u soo dhiibay, iyagoo sidoo kale uga mahadceliyay ciidamada qalabka sida ee Soomaaliya iyo kuwa Nabad ilaalinta Midowga Afrika ee AMISOM gaar ahaan kuwa Jabuuti ee “Hiil Walaal” oo kolonyadii deeqdaasi siday dhanka dhulka ah u soo marsiiyey.

Guddoomiyaha degmada Buulo Burde Cabdicasiis Daahir ayaa sheegay in gurmadkan uu yahay mid loogu talagalay inay ka faa’iideystaan ku dhawaad 25-kun qoys, isagoo xusay in ay gaarsiiyeen qaar ka mid ah qoysaska ugu daran ee degmadasi ku nool.

“Waa gurmadkii ugu horeeyay ee nooga yimid dhanka Walaalaheen Jabuuti, waana bilow fiican runtii, waxaana fileynaa in gurmad kale uu nooga yimaado Jabuuti” ayuu yiri Guddoomiyaha Degmada Buulo Burde.

Muqdisho Siteembar 9, 2014 Dhaqtar Soomaaliyeed oo ka howlgalla cisbitaalka Abu bashiir ayaa maanta ku guuleystay qaliin uu ku sameeyay hooyo Soomaaliyeed oo in muddo ah la xanuunsaneyd buro jirkeeda ku jiray.

Dr. Cadbullaahi Xuseen Cabdi oo ku guuleystay qaliinka uu ku sameeyay Hooyo Dahabo Cabdulle Ciise oo buro ay kaga soo baxday dhanka kelida, isagoo Alle uga mahadceliyay qaliinka uu maanta ku guuleystay.

Sidoo kale dhaqtarka ayaa waxaa uu sheegay in hooyadan Soomaaliyeed markii loo keenay baaritaanadii ay ku sameeyeen ay u soo baxday in burada ay waxyeelo gaarsiisay mid ka mid ah kelideeda, taasi oo ay ka saareen.

Muqdisho Siteembar 9, 2014 Taliyaha Ciidanka Booliska Soomaaliya, S/guuto Maxamed Sheekh Xasan Ismaaciil, ayaa tilmaamay in ciidamada Booliska Soomaaliya guulo waaweyn ay ka gaareen sugidda  amniga magaalada Muqdisho, kaddib markii ay qaadeen tallaabooyin lagu wiiqayo haraadiga kooxda Al-Shabaab ee ku dhuumaalaysanaya degmooyin ka tirsan Gobolka Benaadir.

Jeneraal Maxamed oo saxaafadda kula hadlay magaalada Muqdisho ayaa waxaa uu xusay tan iyo markii uu la wareegay xilka hoggaanka taliska ciidanka booliska Soomaaliyeed in ay sameeyeen howlgallo si taxadar ah loogu bartil-maameedsanayo Al-shabaab, isagoo xusay in taasi ay keentay weeraradii iyo dilalkii qorshaysnaa ee  kooxdu ka gaysan jireen Muqdisho ay yaraadeen.

Mudada aadka u gaaban ee taliyaha ciidanka booliska uu xilka hayay waxaa ka dhacay magaalada Muqdisho iyo deegaanada u dhow 23 dil, 18 kamid ah kooxihii ka danbeeyay waa lasoo qabtay, waxana sidoo kale la fashiliyay 11 howlgal oo kooxaha nabad-diidku doonayeen inay ku waxyeelaan Ummada Soomaaliyeed.

“Kaddib markii kooxaha argagixisada ah lagaga guuleystay dagaalladii foolka-foolka ahaa ee ay la galeen ciidamadeenna, waxay maciinsadeen inay ku dhex milmaan shacabka Soomaaliyeed, anagoo adeegsanayna khibradda aan u leenahay amniga waxaan samaynay howlgallo lagu bartilmaameedsaday baro cayiman oo cadowgu iska soo abaabuli jireen” ayuu yiri Jen. Maxamed.

“Awooddii Al-shabaab ku lahayd Muqdisho hadda waa soo dhammatay, waxana tusaale idin ku filan weerarkii ay todobaadkii hore ay ku qaadeen xarunta Hay’adda Nabadsugidda gobolka Banaadir sidii looga hortagay, loona fashiliyay” ayuu Taliyuhu intaasi ku daray .

Taliyaha ciidamadda booliska ayaa tilmaamay deegaanadii dhawaan laga xoreeyay kooxda Al-shabaab in la geen doono ciidamo Boolis ah si ay gacan uga geystaan sugitaanka amniga shacabka ee uu cadowgu mudada dheer dhibaatada ku hayay.

Jeneraal Maxamed Sheekh Xasan Ismaaciil ayaa yiri “Hadafkayagu waa in nabad laga dhaliyo Soomaaliya sidoo kalena la cirib-tiro Al-Shabaab iyo Al-Qaacida. Tallaabada noogu muhiimsan waa inaan gaarno hadafkani, degmooyinkii iyo deegaanadii dhawaan la xoreeyay waxan u qorshaynay ciidamo ka tirsan booliska in aan gayno”

Taliyaha ciidanka Booliska Soomaaliya oo sii hadlayay ayaa yiri “Waxaa howgal lagu soo qabtay kontomeeyo (50) isugu jira amniyaad iyo xubno sare oo Shabaab ka tirsan, waxaana si gaar ah loola socdaa abaabullada iyo qorshayaasha ay soo wadaan, iyadoo si buuxda wararka looga helayo dhumucda fog ee kooxaha Nabad-diidka, taasna waxay noo saamaxaysaa inaan mar walba la socono dhaq-dhaqaaqyada lagu waxyeelaynayo nafta dadkeena sharafta leh, isla markaana dib-u-dhac loogu ridayo dadaallada ay wado dowladdu ee la xiriira sugidda amniga dalkeenna”.

Sidoo kale Taliyaha ciidanka booliska Soomaaliya ayaa sheegay in wadashaqayn buuxda ay kala dhaxayso ciidanka booliska Soomaaliyeed iyo booliska  AMISOM, si isku mid ahna ay uga howlgal galaan qeybo ka mid ah gobollada dalka iyo magaalada caasimadda ah ee Muqdisho.

Ugu danbeyn, Taliyaha ciidanka booliska Soomaaliya S/guuto Maxamed Sh. Xasan Ismaaciil ayaa ugu baaqay shacabka Soomaaliyeed in ay xoojiyaan xiriirka kala dhaxeeya hay’adaha ammaanka si looga guulaysto cadowga ummadda Soomaaliyeed ee Al-shabaab.

“Haddii aan ku guuleeysanno inaan si wadajir ah u sugno ammaanka Muqdisho , waxaa xaqiiq ah inaan tusaale wanaagsan u noqon karno dadka gobollada kale ee dalka nool si ay noogu daydaan oo ay hal meel uga soo wada jeestaan al-Shabaab” ayuu hadalkiisa ku soo gabagabeeyay S/guuto Maxamed Sh. Xasan Ismaaciil.

DHAMMAAD
Muqdisho Siteembar 9, 2014 Taliyaha Ciidanka Booliska Soomaaliya, S/guuto Maxamed Sheekh Xasan Ismaaciil, ayaa tilmaamay in ciidamada Booliska Soomaaliya guulo waaweyn ay ka gaareen sugidda  amniga magaalada Muqdisho, kaddib markii ay qaadeen tallaabooyin lagu wiiqayo haraadiga kooxda Al-Shabaab ee ku dhuumaalaysanaya degmooyin ka tirsan Gobolka Benaadir.

Jeneraal Maxamed oo saxaafadda kula hadlay magaalada Muqdisho ayaa waxaa uu xusay tan iyo markii uu la wareegay xilka hoggaanka taliska ciidanka booliska Soomaaliyeed in ay sameeyeen howlgallo si taxadar ah loogu bartil-maameedsanayo Al-shabaab, isagoo xusay in taasi ay keentay weeraradii iyo dilalkii qorshaysnaa ee  kooxdu ka gaysan jireen Muqdisho ay yaraadeen.

Mudada aadka u gaaban ee taliyaha ciidanka booliska uu xilka hayay waxaa ka dhacay magaalada Muqdisho iyo deegaanada u dhow 23 dil, 18 kamid ah kooxihii ka danbeeyay waa lasoo qabtay, waxana sidoo kale la fashiliyay 11 howlgal oo kooxaha nabad-diidku doonayeen inay ku waxyeelaan Ummada Soomaaliyeed.

“Kaddib markii kooxaha argagixisada ah lagaga guuleystay dagaalladii foolka-foolka ahaa ee ay la galeen ciidamadeenna, waxay maciinsadeen inay ku dhex milmaan shacabka Soomaaliyeed, anagoo adeegsanayna khibradda aan u leenahay amniga waxaan samaynay howlgallo lagu bartilmaameedsaday baro cayiman oo cadowgu iska soo abaabuli jireen” ayuu yiri Jen. Maxamed.

“Awooddii Al-shabaab ku lahayd Muqdisho hadda waa soo dhammatay, waxana tusaale idin ku filan weerarkii ay todobaadkii hore ay ku qaadeen xarunta Hay’adda Nabadsugidda gobolka Banaadir sidii looga hortagay, loona fashiliyay” ayuu Taliyuhu intaasi ku daray .

Taliyaha ciidamadda booliska ayaa tilmaamay deegaanadii dhawaan laga xoreeyay kooxda Al-shabaab in la geen doono ciidamo Boolis ah si ay gacan uga geystaan sugitaanka amniga shacabka ee uu cadowgu mudada dheer dhibaatada ku hayay.

Jeneraal Maxamed Sheekh Xasan Ismaaciil ayaa yiri “Hadafkayagu waa in nabad laga dhaliyo Soomaaliya sidoo kalena la cirib-tiro Al-Shabaab iyo Al-Qaacida. Tallaabada noogu muhiimsan waa inaan gaarno hadafkani, degmooyinkii iyo deegaanadii dhawaan la xoreeyay waxan u qorshaynay ciidamo ka tirsan booliska in aan gayno”

Taliyaha ciidanka Booliska Soomaaliya oo sii hadlayay ayaa yiri “Waxaa howgal lagu soo qabtay kontomeeyo (50) isugu jira amniyaad iyo xubno sare oo Shabaab ka tirsan, waxaana si gaar ah loola socdaa abaabullada iyo qorshayaasha ay soo wadaan, iyadoo si buuxda wararka looga helayo dhumucda fog ee kooxaha Nabad-diidka, taasna waxay noo saamaxaysaa inaan mar walba la socono dhaq-dhaqaaqyada lagu waxyeelaynayo nafta dadkeena sharafta leh, isla markaana dib-u-dhac loogu ridayo dadaallada ay wado dowladdu ee la xiriira sugidda amniga dalkeenna”.

Sidoo kale Taliyaha ciidanka booliska Soomaaliya ayaa sheegay in wadashaqayn buuxda ay kala dhaxayso ciidanka booliska Soomaaliyeed iyo booliska  AMISOM, si isku mid ahna ay uga howlgal galaan qeybo ka mid ah gobollada dalka iyo magaalada caasimadda ah ee Muqdisho.

Ugu danbeyn, Taliyaha ciidanka booliska Soomaaliya S/guuto Maxamed Sh. Xasan Ismaaciil ayaa ugu baaqay shacabka Soomaaliyeed in ay xoojiyaan xiriirka kala dhaxeeya hay’adaha ammaanka si looga guulaysto cadowga ummadda Soomaaliyeed ee Al-shabaab.

“Haddii aan ku guuleeysanno inaan si wadajir ah u sugno ammaanka Muqdisho , waxaa xaqiiq ah inaan tusaale wanaagsan u noqon karno dadka gobollada kale ee dalka nool si ay noogu daydaan oo ay hal meel uga soo wada jeestaan al-Shabaab” ayuu hadalkiisa ku soo gabagabeeyay S/guuto Maxamed Sh. Xasan Ismaaciil.

DHAMMAAD

Muqdisho, September 08, 2014 - Madaxweynaha Soomaaliya mudane Xassan Sheekh Maxamuud ayaa maanta warqadaha aqoonsiga ah si rasmi ah uga guddoomay danjiraha cusub ee ay dowlada Turkiga u soo magacowday Soomaaliya mudo 3 sano kadib ah kaasi oo bedeli doona safiirkii la soo magacaabay sanadkii 2011-ka ee ay nu soo dhaafnay.

Gudoonka madaxweynaha ee waqradaha danjirenimo kaddib ayaa wasiirka arrimaha dibadda Soomaaliya C/raxmaan Ducaale Beyle, waxa uu sheegay in Turigu uu yahay dalka saaxiibka ugu dhow la ah Soomaaliya caawimaad joogto ahna la daba jooga,  iyagoo xiligan wada qorshe ay caawimaada ugu baahinayaan gobollada dalka.

Danjiraha cusub ayaa isna ka hadlay soo dhaweynta madaxweynaha iyo in Soomaaliya uu ka howlgalo, waxaana uu tilmaamay in uu la shaqeyn doono madaxda dowladda Soomaaliya.

“Waxaan aad ugu faraxsanahay warqadaha le iga guddoomay  maanta waxaan salaan ka wadaa madaxweynaah Turkiga  Ra’isul wasaaraha iyo dabcan shacabka Turkiga,  dowladda Turkiga iyo shacabkeedu waxa ay u midoobeen in ay caawinayaan dadka Soomaaliyeed gar gaarka howlaha caawimaada ah ee Turkigu howlhaasina waa sii socon doonaa Soomaaliya iyo Turkiguna waa dad walaalo iyo saaxiiba ah” Ayuu Yiri Safiirka.

Dowladda Turkiga ayaa gurmad weyn oo dhinac walbo ah u fidisay dadka Soomaaliyeed kaasi oo soo bilowday sanadkii 2011 xiligaasi oo gobola badan oo ku yaala koonfurta Soomaliya ay ku dhufteen abaaro ba’an oo sababay in kumanaan dad ah ay gaajo iyo haarad dartood u so galaan caasimada.

Muqdisho, September 08, 2014 - Kulankani maanta ay ku yeesheen magaalada Muqdisho guddiga arrimaha gudaha iyo Amniga Qaranka ee  baarlamaanka Dalka ayaa waxaa looga hadlay arrimo ay ka mid yihiin go’aankii shalay ka soo baxay golaha wasiiradda ee xukuumadda Federaalka Soomaaliya, guulihii ay dhawaan gaareen ciidamada Xoogga Dalka Soomaaliyeed, iyo kuwa nabad ilaalinta midowga Africa ee Amisom.

Kulanka oo uu shir guddoominayay guddoomiye ku xigeenka guddiga Arrimaha gudaha iyo amniga ee Baarlamaanka Soomaaliya Xildhibaan Daahir Amiin Jeesow, waxaana lagu taageeray go’aankii shalay golaha wasiirada ee xukuumadda Federaalka Soomaaliya ay xilka kaga qaadeen agaasimihii hay’ada nabad sugida iyo sirdoonka Qaranka Soomaaliya C/llaahi Maxamed Cali Sanbaloolshe.

Xildhibaan C/naasir Gaarane oo ka mid ah mudanayaasha baarlamaanka Soomaaliya ayaa  talaabadii shalay golaha wasiirada Soomaaliya ay xilkii uga qaadeen agaasimihii hay’ada nabad sugida iyo sirdoonka qaranka soomaaliya ku tilmaamay mid wanaagsan, wuxuuna sidoo kale sheegay in wax umadda Soomaaliyeed ay ku faraxdo ay tahay guulihii dhawaan ciidamada qalabka sida ee Soomaaliyeed iyo kuwa amisom ay ka gaareen howlgalka badweynta Hindiya ee gobolada dalka looga sifeynayo kooxda argagaxisada  Al Shabaab, islamarkaana ay  kula wareegeen magaalooyin iyo deegaanno gobolada dalka ka mid ah.

Xildhibaan Cumar Finish oo ka mid ah mudanayaasha Baarlamaanka Soomaaliya ayaa wax lagu farxo ku tilmaamay shirkii shalay ee golaha wasiirada oo xilkii looga qaaday agaasimihii hay’adda nabad sugida qaranka Soomaaliyeed  C/llaahi Maxamed Cali Sanbaloolshe.

Kulanka maanta ee guddiga arrimaha gudaha iyo amniga ee baarlamaanka Soomaaliya  ayaa waxa uu imaanayaa kaddib markii shalay golaha wasiirada ee Xukuumadda Federaalka Soomaaliya kulan ay ku yeesheen magaalada Muqdisho ay xilkii kaga qaadeen agaasimihii hay’adda nabad sugida iyo sirdoonka qaranka.

Muqdisho, September 08, 2014 - Munaasabadan oo ay soo qaban qaabisay Wasaaradda Waxbarashada iyo barbaarinta ee xukuumadda Soomaaliya ayaa u jeedkeedu ahaa xuska maalinta caalamiga ah ee akhris qoris la’aanta oo maanta oo kale laga xuso dunida ayaa lagu qabtay Muqdisho, ayna ka qeyb galeen xubno ka tirsan labada gole ee dowladda, aqoonyahanno iyo marti sharaf kale.

Ugu horeyn waxaa munaasabadda ka hadlay Wasiir ku-xigeenka Waxbarashada ee Xukuumadda Xaamud Cali Xasan ayaa sheegay in maanta ay ku beegantahay maalin caalami ah, loona baahanyahay in lala dagaalamo Jahliga.

Wasiir ku-xigeenka Wasaaradda Qorsheynta Prof Cabdullaahi Sheekh Cali Qaloocow ayaa uga mahadceliyay Wasaaradda Waxbarashada doorka ay ka qaadaneyso sare u qaadidda waxbarashada iyo sidii loo horumarin lahaa Af-ka Soomaaliga.

Cali Xareed Cismaan Wasiirka Caafimaadka Soomaaliya ayaa tilmaamay in xilligan ay aad muhiim u tahay in uusan lumin afka hooyo oo la badbaadiyo, isagoo xusay in dal waliba uu horumariyo Afkiisa

Wasiirka Waxbarashada iyo barbaarinta Ciise Axmed Guraase oo ugu dambeyntii xafladda hadal kooban ka jeediyay ayaa hoosta ka xariiqay in Wasaaraddu ay dhawaan soo gabo gabeysay Manhajkii waxbarashada ee dalka, waxaana uu intaa ku daray in uu ku dadaalayo sidii uu u horumarin lahaa barnaamijka ku saabsan (Aada Dugsiyada) oo ay ka faa’iideysanaan carruur Soomaaliyeed.

Maanta oo kale ayaa caalamka waxaa laga xusaa maalinta akhirs qoris la’aanta dunida, iyadoo Soomaaliya ay ka mid noqotay wadamada xusay sanadkan.

Baydhabo, September 08, 2014 -Gudoomiyaha Golaha Shacabka Jamhuuriyadda Federaalka Soomaaliya Mudane Maxamed Sheekh Cusmaan Jawaari oo maalmahan wafdi uu hogaaminayo ay ku sugnaayeen gobolka Baay ayaa maanta magaalada Baydhabo ku qaabilay Ergeyga QM ee Soomaaliya Danjire Nicolos Key.

Kulanka Gudoomiyaha Baarlamaanka iyo Danjiraha QM ee Soomaaliya waxaa goobjoog ka ahaa Wasiirro ka tirsan Xukuumadda Federaalka Soomaaliya oo iyagu ah guddiga farsamada maamul u sameynta Koonfur Galbeed ee uu soo magacaabay Ra’isulwasaare C/weli Sheekh Axmed waxaana kulanka looga hadlay sidii loo dhameystiri lahaa hanaanka maamul goboleedka Koonfur Galbeed.

Danjiraha QM ee Soomaaliya oo isagu ah madaxa xafiiska UNSOM Nicolos Key oo kulanka markii uusoo gebageboobay kadib la hadlay saxaafadda ayaa ugu horeyn ku ammaanay Gudoomiyaha Baarlamaanka Federaalka Soomaaliya sida uu isugu howlay isfahmka iyo heshiisiinta shacabka iyo siyaasiyiinta ku sugan magaalada Baydhabo islamarkaana uu waqti uu ugu huray waxaana uu dhanka kale tilmaamay in QM ay si buuxda u garab taagan tahay natiijooyinka dadaallada socda ee Gudoomiyaha Baarlamaanka hormuudka ka yahay.

Gudoomiyaha Baarlamaanka Federaalka Soomaaliya Mudane Maxamed Sheekh Cusmaan Jawaari oo isaguna dhankiisa saxaafadda la hadlay kulanka kadib ayaa uga mahad celiyey QM taageerrada ay ballan qaaday iney la garab taagan yihiin shacabka ku dhaqan gobollada Koonfur Galbeed Soomaaliya waxaana uu Gudoomiyaha Baarlamaanka xusay in inta uu kulanka socday looga hadlay halka ay marayaan dadaallada maalmihii lasoo dhaafay uu u joogay magaalada Baydhabo oo hada meel wanaagsan maraya.

Muqdisho, September 07, 2014 - Golaha Wasiirada Xukuumadda Federaalka Soomaaliya ayaa maanta isugu yimid shir aan caadi ahayn oo shir gudoominayey Ra’iisul Wasaaraha Xukuumadda Federaalka Soomaaliya Mudane Cabdiweli Sheekh Axmed Maxamed. Shirka ayaa looga hadlay amniga guud ee dalka, iyadoo golaha Wasiiradu xilkii ka qaadeen Agaasimihii Hay’adda Nabadsugidda iyo Sirdoonka Soomaaliya Cabdulaahi Maxamed Cali (Sanbaloolshe).

Afhayeenka Xukuumadda Ridwaan Xaaji Cabdiweli oo saxaafadda la hadlay kulanka kaddib ayaa sheegay shirka golaha Wasiirrada in warbixin ku aadan amniga guud ee dalka laga dhageystay Wasiirrada Amniga Qaranka iyo Gaashaandhigga.

“Kulankii maanta ee golaha Wasiirada waxaa looga hadlay amniga guud ee dalka, waxaa warbixin ku aadan amniga dalka iyo dadaalada ay Xukuumaddu wado ee la xiriira amniga laga dhagaystay Wasaaradaha Amniga Qaranka iyo Gaashaandhigga waxayna soo saareen feejignaan gaar ah in mas’uuliyiinta iyo dadka Soomaaliyeed ay yeeshaan kaddib dilkii hoggaamiyihii kooxda Al-Shabaab, goluhu wuxu soo dhaweeyay howlgallada ay wadaan Ciidamadda Xogga dalka iyo AMSIOM ee ka socda gobollada dalka” ayuu yiri Afhayeenka Xukuumadda Ridwaan Xaaji Cabdiweli.

Sidoo kale wuxuu sheegay Afhayeenka in xilkii agaasimaha Hay’adda Nabadsugidda iyo Sirdoonka Soomaaliya laga qaaday Mudane C/laahi Maxamed Cali (Sanbaloolshe) si ku-meel gaar ahna xilkaasi loogu dhiibay ku xigeenkiisa.

“Golaha Wasiirradu waxay xilkii ka qaadeen Agaasimihii Hay’adda Nabadsugidda iyo Sirdoonka Soomaaliya Mudane C/laahi Maxamed Cali (Sanbaloolshe), waxana si KMG ah loogu dhiibay xilkaas inuu sii hayo ku xigeenka Hay’adda Nabadsugidda” ayuu markale Afhayeenka hadalkiisa ku daray.

Muqdisho, September 07, 2014 - Guddoomiyaha Degmada Wadajir Axmed Cabdulle Afrax oo la hadlayay Warbaahinta Qaranka ayaa ka warbixiyay xaaladda guud ee degmada iyo talaabooyinka horumarka leh oo ay ku talaabsadeen.

Axmed Cabdulle ayaa sheegay in maamulkiisu uu ku guuleystay dib u furista waddo muhiim ah isu socodka gaadiidka iyo dadweynaha oo ku taala Waaxda Xaawo Taako, waxayna wadaaasi ka soo bilaabataa Laamiga ee weyn

“Waddada waxa ay ka soo bilaabataa Laamiga weyn ee dhexmara degmada Wadajir, waxayna soo mareysaa xaafadda Nasteexo, waxayna sidoo kale u dhexeysa Safaaraddii hore ee Mareykanka iyo dhabar dambe ee aan dhisneyn Cisbitaalka Madiina, taasi oo si toos ugu soo dhaca (Daarta Seybiyaano) ama Laamiga kala bara Degmooyinka Wadajir iyo Hodan” ayuu yiri Axmed Cabdulle

Guddoomiyaha degmada Wadajir ayaa sidoo kale tilmaamay in xaaladda amni ee degmada ay tahay mid wanaagsan, isla markaana ciidamada booliska iyo Nabad sugidda ay yihiin kuwa wada shaqeyn buuxdo ka dhexeyso oo kaashanaya shacabka degmada ku dhaqan, waxaana uu intaa ku daray in ay xoogga saarayaan ka shaqeynta iyo horumarinta adeegyada guud ee bulshada.

Kampala, September 07, 2014 - Wasiir ku-xigeenka Wasaaradda Warfaafinta ee xukuumadda Soomaaliya mudane Cabdullaahi Colaad Rooble ayaa maanta dalka Uganda ugu soo xiray 30 suxufi, siminaar lagu baranayay ilaalinta xuquuqda haweenka iyo jinsiga.

Siminaarkan oo  ay iska kaashadeen Wasaaradaha Warfaafinta, Haweenka iyo Xafiiska Jinsiga ee AMISOM, isla markaana socday muddo shan cisho ah ayaa waxaa ka faa’iideystay suxufiyiin ka kala socday Warbaahinta Qaranka, kuwa sida gaarka ah loo leeyahay iyo howlwadeenno ka tirsan Wasaaradda Haweenka.

Sacdiyo Maxamed Nuur oo ka mid ah howlwadeenada Wasaaradda Haweenka ayaa sheegtay in Wasaaraddu ay xoogga saareyso horumarinta haweenka iyo dhameystirka sharciga siyaasadda Qaranka, gaar ahaan tan haweenka iyo sharciga ku saabsan ka hortaga xudgudubyada ka dhanka ah dumarka oo ay tilmaamtay in uu haatan meel wanaagsan marayo.

Maxamed Shariif oo ka mid ah saxafiyiintii ka qeyb galay tababarka ayaa ka mahadceliyay hay’adaha soo qaban qaabiyay, isagoo codsaday in la joogteeyo siminaarada nuucaani oo kale ah.

Kornayl Cali Aadan Xumud Afhayeenka Ciidanka AMISOM oo isna ka hadlay gabo gabada siminaarka ayaa sheegay in u jeedka tababarka u ahaa sidii looga faa’ideysan lahaa dhalinyarada suxufiyiinta, isla markaana loo qabto tababaro ku saabsan dhanka ilaalinta xuquuqda haweenka iyo inay bulshada gaarsiiyaan doorka haweenku ay ku leeyihiin hanaanka siyaasadda ee dalka.

ugu dambeyntii Wasiir ku-xigeenka Wasaaradda Warfaafinta iyo Hanuuninta dadweynaha ee Xukuumadda Soomaaliya mudane Cabdullaahi Colaad Rooble ayaa tilmaamay in Wasaaraddu ay dhiir gelineyso siminarad noocan oo kale ah, si kor loogu qaado dhowridda xuquuqda haweenka.

Mogadishu, 07 September 2014 – Ciidamada Nabad sugidda iyo Sirdoonka ayaa maanta howlgallo ay ka sameeyeen qaar ka mid ah degmooyinka Gobolka Benaadir gacanta ku dhigay hub iyo gaad lagu sheegay in loo isticmaalayay falalka amni darrada ah.

Howlgalka oo ahaa mid ay ciidamadu ku xaqiijinayeen amniga caasimadda, ayay ku soo qabteen 29 qori oo ah nooca AK47, ku  Todobo bamgacmeed, labo bistoolo oo ah nooca Tee-teyda loo yaqaan, Todobo gaari oo la rumeysan yahay in loo adeegsado falalka amniga lagu qal qalgelinayo,  sideed booshashka qoriga lagu qaato ah iyo qaar ka tirsan kooxaha nabad diidka ah sida uu Warbaahinta u sheegay Afhayeenka Wasaaradda Amniga Qaranka Maxamed Yuusuf.

Afhayeenka Wasaaradda Amniga Qaranka ayaa sheegay in howgalkii maanta ay ciidamadu ka sameeyeen Muqdisho uu ahaa mid lagu xoojinayo nabad gelyada caasimadda, isla markaana ay joogteynayaan howlgallada lagu baacsanayo kooxaha maleegaya falalka ka dhanka ah amniga, isagoo shacabka ka codsaday inay sii xoojiyaan taageerada ciidamada amniga ee ku howlan adkeynta nabad gelyada.

Howlgalladaan ayaa ah kuwa sii xoojinaya xaaladda amni ee Muqdisho oo maalmihii ugu dambeeyay ka soo kabanayay falalka bulshada lagu dhibaateynayo oo ay sameynayeen kooxaha nabad diidka ah.
Mogadishu, 06 September 2014 –

Shabeele Dhexe, 06 September 2014 – Wafdi uu hogaaminayay wasiir ku xigeenka wasaaradda Beeraha Cusmaan libaax Ibraahim  ayaa maanta soo kormeeray dhulbeereedyo ku yaala tuulooyin hoostaga degmada Balcad ee gobolka Shabeellaha Dhexe.

Wasiirka ku xigeenka oo uu wehliyay gudoomiyaha degmada Balcad ayaa waxay tageen  deegaanka  Xawaadley oo 25 km u jirta degmada  Balcad oo  fatahaad uu ka gaytay webiga shabeelle iyagoo u kuul garalay qasaaraha ka dhashay fatahaadaasi .

Guddoomiyaha  degmada Balcad Maxamuud Maxamed Maxamuud Saneey  ayaa warbixin ka siiyay  wasiirka xaalda nololeed ee dadka ku nool deegaankaasi iyo dhibaatada ay u geeysatay fatahaada webiga, isagoo dalbaday in gurmad deg deg ah lala soo gaaro dadka ku nool Xawaadleey iyo deegaanada ku xeeran.

Wasiir ku xigeenka Beeraha Cusmaan Libaax Ibraahim ayaa sheegay in ay maanta  u yimaadeen deeganka Xawaadley sidi ay u arki lahaayeen   xaladda nololeed ee dadka ku nool deegaankaasi  iyo sameynta  ay ku yeelatay fatahaada  webiga, isagoo xusay in xukuumadu ay wax ka qabandoono dhibaatada heysata dadkaasi.

Dhinaca kale wasiirka ku xigeenka iyo  iyo xubnaha maamulka degmadda  Balcad ayaa waxay  kormeer ku tageen    qaar ka mid ah beeraaha ku yaala degmadaasi  waxuuna wasiirku  ku dhiira galiayay Beeralayda in ay  ka faa’iidaystaan qayraadka dhulkooda.

Mogadishu, 06 September 2014 – Shil diyaaradeed ayaa maanta ka dhacay garoonka diyaaradaha Aadan Cadde kadib markii diyaarad ka timid magaalada Gaalkacyo ay ka baxday Run-wayga, iyadoo muddo saacado ah la xiray garoonka diyaaradaha Aadan Cadde.

Wasiirka Gaadiidka iyo Duulista hawada ee xukuumadda Federaalka Soomaaliya oo la hadlay Radio Muqdisho ayaa sheegay in Labadii duhurnimo iyo Labaatan daqiiqo ee maanta ay diyaarad Fokor ah oo ka timid Gaalkacyo ay soo caga dhigatay garoonka Aadan Cadde,  kadibna ay ka baxday waddada,  isagoo xusay in bur bur xoog leh uu soo gaaray diyaaradda.

Siciid Qoorsheel Wasiirka Gaadiidka iyo Duuliska hawada oo hadalkiisa sii wata ayaa xaqiijiyay iney bed qabaan oo aysan wax dhibaato ah gaarin 35 rakaab ah oo saarnaa diyaaraddaasi iyo duuliyayaashii, wuxuu intaa raaciyay in diyaaradda ay ku timid cillad dhinaca lugaha ah.

Wasiirka ayaa xusay in garoonka diyaaradaha Aadan Cadde la xiray muddo saacado ah haddana dib loo fasaxay duulimaadyadii kadib markii sida uu sheegay la soo gebagebeeyay howsha diyaaraddaasi.

Mogadishu, 06 September 2014 – Gudoomiyaha gobolka Banaadir ahna duqa magaalada Muqdisho Gen. Muungaab ayaa soo dhaweeyay dilka horjoogihii Shabaab, isagoo ku tilmaamay Godane inuu ahaa Sharwade, ku caanbaxay dhibaateynta dadka Soomaaliyeed.

“Axmed Godane wuxuu ahaa Sharwade daadiyay dhiigga dad badan oo aan waxba galabsan, Dilkiisuna wuxuu ka dhiganyahay guul u soo hoyatay Umadda Soomaaliyeed  iyo guud ahaan inta nabadda jecel “ Ayuu yiri gudoomiye Muungaab.

Dhanka kale gudoomiyaha gobolka Banaadir ahna duqa magaalada Muqdisho Gen. Xasan Maxamed Xuseen Muungaab ayaa ku boorriyay dhallinyarada uu marin habaabiyay Godane iney ka faa’iideystaan cafiska dowladda.

“Waxaan ugu baaqayaa  dhalinyarada uu marin habaabiyay Godane  in ay ka faaiidaystaan cafiska guud ee Dawladda Soomaaliya ufidisay ayna dadkooda iyo Dawladdooda  u soo laabtaan Mustaqbal cusubna samaystaan” Gen Muungaab ayaa sidaasi yiri.

Mogadishu, 06 September 2014 – Wasaaradda Macdanta iyo Batroolka ee Xukuumadda Soomaaliya ayaa ka digtay shirkadaha shidaalka ee sida sharci darrada ah u sahminaya batroolka dalka, iyadoo cidii lagu arka laga qaadi doono talaabo sharciga waafaqsan. Agaasimaha Qorsheynta iyo horumarinta Wasaaradda macdanta iyo Batroolka Maxamed Cali Nuur Xaaji oo la hadlay Warbaahinta ayaa tilmaamay inay u digayaan shirkadaha sheeganaya lahaanshiyaha baro shidaal oo ku yaalla dalka, isagoo xusay in Maamul goboleedyada dalka ka jira aysan geli karin heshiisyo ku saabsan dhanka wax soo saarka shidaalka.

“Waxaan ugu baaqaynaa in shirkadihii hore ee wixii ka horeeyay 1991-kii ee heshiiska la galay dowladii dhexe inay dalka ku soo laabtaan, kuwaasi oo aan qaarkood la kulanay mas’uuliyiin ka tirsan, laakiin shirkadaha cusub waxaa la farayaa in ay la soo xiriiraan Madaxda Wasaaradda Macdanta iyo Shidaalka ee Xukuumadda”. ayuu yiri Maxamed Cali Nuur

Wasaaradda Macdanta iyo Batroolka ee Xukuumadda Soomaaliya ayaa wadda qorshe ah in shirkadaha ajnabiga ah ee danaynaya in ay soomaaliya ka sameeyaan baaritaano la xiriirka sahminta Macdanta iyo Batroolka dalka aysan arrimahaasi kala hadli Karin Maamul Goboleedyada dalka ka jira, ayna si toos ah u soo maraan waddooyinka sharciga ah.

Garoowe, 06 September 2014 –  Madaxwaynaha Maamul Goboleedka Soomaaliyeed ee Puntland Cabdiweli Maxamed Cali Gaas ayaa sheegay in guul weyn laga gaaray dilka hogaamiyihii Al-Shabaab Axmed Godane oo kamid ahaa tiirarkii colaada Soomaliya iyo guud ahaan tan Gobolka.

Dr. Cabdiweli Gaas ayaa tilmaamay in horjoogihii kooxda Shabaab uu ahaa mid dhibaateeyay bulshada Soomaliyeed, ayna soo dhaweynayaan habka uu u dhacay dilkiisa.

“Puntland waa ay soo dhawaynaysaa waxaana ay u hambalyaynaysaa cid waliba oo gacan ka gaysatay dilka Axmed Godane, maxaa yeelay waxa uu ahaa sharwadayaasha Soomaaliya kan ugu daran , marka hadii uu Soomaaliya dhaafay waxaan isleeyahay wax badan bay ka badalaysa dhibta ay argagixisadu ku haysay bulshada.” ayuu yiri Dr Gaas.

Mogadishu, 06 September 2014 – Wasiirka Warfaafinta Mudane Mustafa Sheikh Ali Dhuhulow oo maanta Muqdisho kula hadlayey warbaahinta ayaa siiyey warbixinta horumarka Dowladda ee usbuucii la soo dhaafay. Wasiirka ayaa ka hadlay arrimo ay ka mid yihiin; Wadatashiyada ka socda Baydhabo, U kuurgalka Xaaladda gobollada, Guulaha Howlgalka Badweynta Hindiya, Horumarka Warbaahinta Dalka, Arrimaha Abaaraha Dalka ka jira, Horumarka Garsoorka & Arrimaha Dastuurka, iyo dadaalka loogu jiro in Garoonka Diyaaradaha uu habeenkii shaqeeyo.

Wasiirka Warfaafinta oo ku bilaabay hadalkiisa wadatashiyada ka socda Baydhabo ayaa yiri “Gudoomiyaha Baarlamaanka Mudane Maxamed Sheekh Cismaan Jawaari ayaa gaaray Baydhabo 1dii September oo uu kulamo la qaadanayey qeybaha bulshada iyo siyaasiyiinta, wasiirrada dowladda Federaalka iyo Guddiga Farsamo ee loo xilsaaray qabanqaabada shirweynaha lagu dhisayo Maamul Goboleedka Koofur Galbeed. Guddoomiyaha ayaa kulamaddii uu maalmahan la qaadanayey Madax dhaqameedka, siyaasiyiinta iyo qeybaha kala duwan ee bulshada uga codsanayey sidii loo mideyn lahaa aragtiyada kala duwan oo loo taageeri lahaa qorshaha Federaalka isla markaana loola shaqeyn lahaa guddiga farsamo si loo helo aragti lagu mideysan yahay oo u horseeda deegaanka midnimo iyo wadajir.”

Wasiirka Warfaafinta oo ka hadlayey u kuurgalka xaaladda gobollada ayaa yiri “4tii September ayuu Ra’iisul Wasaaraha Somalia Mudane Cabdiweli Sheekh Axmed iyo xubno wasiiro ah oo uu ka mid yahay Wasiirka Gaashaandhiga Mudane Maxamed Sheekh Xasan Hamud kormeer ku gaaray magaalada Baydhabo iyo magaalada Tayeeglow oo dhowaan laga xorreeyey kooxaha nabad-diidka ah. Ra’iisul Wasaaraha iyo wafdigiisa ayaa kulammo la qaadanayey ciidamada dowladda Soomaaliya, kuwa AMISOM iyo dhammaan qeybaha kala duwan ee bulshada si ay ugu kuur galaan xaaladda deegaannadaas.

Sidoo kale 4tii September ayaa wafdi uu hoggaaminayo Ra’iisul Wasaare Ku xigeen Ahna Wasiirka  Diinta iyo Awqaafta, Mudane Ridwan Xirsi Maxamed  ayaa gaaray magaalada Buulo Burde si ay ugu kuur galaan xaaladda degaannadaas oo dhowaan laga xorreeyey kooxaha nabad-diidka ah. Wafdiga waxaa kaloo ka mid ahaa Wasiiradda Arrimaha Dibedda iyo Gaadiidka iyo Safiirka Jabuuti u fadhiya Soomaaliya. Wafdigan ayaa gaarsiiyey deegaanka raashin mucaawano ah. Ujeedada booqashooyinka mas’uuliyiinta Dowladda ayaa ah in deegaanada la xorreeyey la gaarsiiyo maamulka Dowladda isla markaana la dareensiiyo shacabka faa’iidada nabadda.”

Wasiirka Warfaafinta oo ka hadlayey Horumarka Warbaahinta Dalka ayaa yiri “Golaha Wasiirada ayaa ansixiyey Xeerka Saxaafadda 1dii September. Xeerkan waxuu qeexayaa shuruucda u degsan saxaafadda Qaranka Soomaaliyeed, waxuuna waafaqsanyahay Dastuurka Dalka ee qodobka 18aad. Xeerkan waa mid aad loogu baahanyahay, oo si weyn uga qeybqaadanaya dib u dhiska iyo dib u habeynta hay’adaha warbaahinta Dalka, horumarka warbaahinta dalka, Kobcinta tayada warbaahin casri ah, waxuuna shaqo u abuurayaa dhalinyarada, isla markaana illaalinayaa xaquuqda suxufiyiinta Soomaaliyeed. Sharcigan waxuu ka illaalinayaa shaqsiga Soomaaliyeed in warbaahintu ku xadgudubto sharafta iyo karaamada shaqsiga. Sidoo kale 1dii September Kampala waxaa lagu soo gabogabeeyey siminaar 4 maalmood oo ay ACCORD soo qabanqaabisay kana qeyb galeen 20 saxafi oo warbaahinta gudaha dalka iyo qaar ka mid ah wariyeyaasha ku nool Kampala oo looga hadlay sidii ay warbaahinta Soomaaliyeed ay u tabin lahayd warbixinnada la xiriira dib-u-eegista dastuurka, dib-u-heshiisiinta iyo dowladnimada. Seminar-kan ayaa kaalin weyn ka qaadan doona sidii warbaahinta ay kaalin muuqata uga qaadan lahaayeen ololaha loogu diyaar garoobayo doorasho dalka ka dhacda 2016-ka,”

Wasiirka Warfaafinta oo ka hadlayey Guulaha Howlgallada Badweynta Hindiya ayaa yiri “Howlgalada Badweynta Hindiya ayaa si wanaagsan u socda oo ciidamada dowladda iyo kuwa AMISOM ay ku guuleysteen inay goobo tira badan kala wareegaan kooxaha argagaxisada ah oo ay ka mid yihiin degmada Jalalaqsi iyo goobo kale oo muhiim ah.

Dowladda Federaalka ayaa soo dhoweysey Dilkii Hoggaamiyaha Al-Shabaab Axmed Abdi Godane oo noqonaya fursad dhanka nabadda loo qaaday. Golaha Wasiirada ayaa 2dii September soo saaray go’aamo lagu xoojinayo howlgallada dalka ka socda oo ay ka mid ahaayeen in cafis loo fidinayo kooxaha Al-Shabaab lana siiyey muddo 45 cisho ah, isla markaasna shacabka iyo culumada diinta laga codsaday inay fahamka qaldan ee diinta wacyigelin ka sameeyaan. Dowladda Federaalka wey ka go’antahay in dalka laga ciribtiro kooxaha argagaxisada ah si dalka loo gaarsiiyo nabad iyo xasilooni waarta.”

Wasiirka Warfaafinta oo ka hadlayey Arrimaha Abaaraha dalka ka jira ayaa yiri “Guddiga heer Wasiir ee Arrimaha Abaaraha ayaa in muddo ahba waday sidii xal loogu heli lahaa abaaraha ba’an ee ka jira deegaannada Gedo, Bakol, Hiiraan iyo Galgadud. Iyadoo Bakol iyo Dolow horey loo gaarsiiyey gargaar bani’aadanimo ayaa haddana waxey diyaariyeen 280,tan oo raashiin gar-gaar ah oo la gaarsiiyey magaalada Buula-burde ee gobolka Hiiraan 4tii September, waxaana deeqdaasi ku yaboohdey dowladda Jamhuuriyadda Jabuuti, waxa ayna qeyb ka yihiin gurmadka loogu talagalay in lagu caawiyo meelaha ay abaaraha ka jiraan. 3-dii September ayaa Hay’ada Qatar Charity waxey guddigan ku wareejiyeen 5 Kontaynar oo timir ah oo loogu talagalay dadka abaaraha ba’ani heysato. Guddiga ayaa uga mahadceliyey Hay’ada Qatar Charity gurmadkan isla markaasna Guddiga waxuu markale ugu baaqay shacabka, gaar ahaan ganacsatada iyo Qurbojoogta inay gurmad deg-deg ah la soo gaaraan shacabka tabaaleysan.”

Wasiirka Warfaafinta oo ka hadlayey Horumarka Garsoorka & Arrimaha Dastuurka ayaa yiri “Wasiirka Garsoorka iyo Cadaaladda ayaa in muddo ahba ku howlanaa dar-dar gelinta dib u habeynta hay’adaha Garsoorka dalka oo uu baarlamaanku horey u ansixiyey Hindise Sharciyeedka Golaha Adeega Garsoorka, iyo Xubnaha Guddiga Madaxa Bannaan ee Dib u eegista Dastuurka. Arrimahan oo ahaa tallaabooyin horey loogu qaaday dhanka fulinta waajibaadka loo igmaday Dowladda. 3dii September ayaa shaqaalaha Wasaaradda loo soo xiray tababar lagu baranayay Istiraatijiyada iyo Qorshe howleedka Wasaaradda oo mudo seddax Maalin ah Muqdisho uga socday qaar ka mid ah Shaqaalaha Wasaaradda garsoorka. Ujeedada tababarkan ayaa ahaa in la dar-dargeliyo howlaha muhiimka ah ee Garsoorka iyo Dib u eegista Dastuurka oo lafdhabar u ah meel marinta Hiigsiga 2016 si dalka uu u yeesho Dastuur dhameystiran oo qorshaha wasaaraddu ay tahay in Dastuurka uu noqdo mid wacyigelin buuxda loogu sameeyey shacabka si ay shacabka u helaan fursad ay ku codeeyaan afti dadweyne”.

Wasiirka Warfaafinta oo ka hadlayey maamul u sameynta Gobollada Dhexe ayaa yiri “Madaxweynaha Somalia Mudane Xasan Sheikh Mohamud iyo Ra’iisul Wasaaraha Abdiweli Sheekh Axmed ayaa 5tii September la dar-daarmay Guddiga Farsamada ee maamul u sameynta Gobollada Dhexe si ay u dar-dargeliyaan howlaha muhiimka ah ee loo igmaday oo ay ka mid yihiin wadatashiyada bulshada deegaanka iyo diyaarinta shirweynaha dadka deegaanka ay aayahooda uga tashanayaan. Dowladda ayaa in muddo ahba waday dadaalada wadatashiga bulshada si loo dhaqan geliyo nidaamka Federaalka ee Dalka oo si xowli ah ku socda lagana sameeyey horumar ballaaran.”

Wasiirka Warfaafinta oo ugu danbeyntii ka hadlayey dadaalka loogu jiro in Garoonka Diyaaradaha uu habeenkii shaqeeyo ayaa yiri “Wasiirka Gaadiidka iyo Duulista Hawada Mudane Siciid Jamac Cali (Qorsheel) ayaa 3dii September kulan la qaatay ganacsatada shirkahada Duulimaadka, xubno ka socday rugta ganacsiga Soomaaliyeed, Maamulka Garoonka diyaaradaha iyo Wakiilka Xog-hayaha Guud ee Qaramada Midoobay u qaabilsan Soomaaliya Mr Nicholas Kay, uuna goob joog ka ahaa Wasiir ku-xigeenka Ganacsiga ayaa looga hadlay horumarinta Garoonka Aadan Cadde. Kulankani ayaa diiradda lagu saaray sidii ganacsatada Soomaaliyeed iyo Qaramada Midoobay  uga qeyb qaadan lahaayeen dib u dayactirka garoonka Caalamiga ah ee Aadan Cadde, gaar ahaan in nalal lagu xiro halka ay soo cago dhigtaan diyaaradaha si ay ugu fududaato in diyaaaradaha garoonka Aadan Cadde ay xilliyada habeenkii ah ka howlgalaan. Kulanka ayaa la isla afgartey in si deg deg ah wax looga qabto baahiyaha ka jirta garoonka, gaar ahaan in xilliyada habeenkii ah uu shaqeeyo, maadaama isbadal amni uu ka jiro caasimadda, ayna keentay baahi ah in duulimaadyo caalami ah la helo.

Muqdishoi Jimco Siteembar 5, 2014 kulankan, ayaa ahaa mid dardaaran loogu jeedinayey guddiga farsamo ee ay Xukuumadda Soomaaliya u xil saartay maamul u sameynta gobollada dhexe ee Soomaaliya, iyadoo guddiga ay si rasmi ah u bilaabi doonaan howshooda, waxaana kulankaasi ka qeyb-galay madaxweynaha Soomaaliya, Ra’iisul wasaaraha, xubnaha guddiga iyo masuuliyiin kale oo dowladda ka tirsan.

Kulankan ayaa ka dhacay Aqalka madaxtooyada Soomaaliya, iyadoo ay goob-joog ka ahaayeen madaxa maamullada hadda ka jira gobollada dhexe ee dalkeenna.
Wasiirka Arrimaha Gudaha iyo Federaalka Soomaaliya, Mudane Cabdullaahi Gaadax Barre, ayaa kulan ka sheegay howlaha guddiga farsamo uu qaban doonno, isagoo rajo wanaagsan ka muujiyey in shaqada uu bilaabayo guddiga in ay guul ku dhammaato.

Ra’iisul wasaaraha Xukuumadda Federaalka Soomaaliya, ayaa sheegay in Xukuumadda ay si dhow ula shaqeyn doonto, isla markaana ay ka rajeyneyso in ay soo dhisaan maamulka gobollada dhexe 45-ka casho oo ay heystaan.

Madaxweynaha Jamhuuriyadda Federaalka Soomaalia, Mudane Xasan Sheekh Maxamuud oo kulanka hadal dardaaran dheer ka jeediyey, ayaa uga mahadceliyey Xukuumadda dadaalkeeda ku aaddan sida ay uga shaqeysay sameynta guddiga farsamo ee maamul u sameynta gobollada dhexe ee Soomaaliya, dhanka kalena dardaaran u jeediyey guddiga farsamo, isagoo kula dardaarmay in ay si cadaalad ah oo ay ku jirto Soomaalinimo uga shaqeeyaan sidii gobollada dhexe loogu dhisi lahaa maamu gobolleed.

Madaxweyne Xasan Sheekh Maxamuud, ayaa ku ammaanay dadka dega gobollada dhexe, sida ay u soo ceshteen nabadda oo ay isaga difaaceen kooxaha nabad-diidka Al-Shabaab, isagoo arrintaasi ku boggaadiyey guud ahaan shacabka Soomaaliyeed.

Dhinaca madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa ka hadlay geeridii horjoogihii Al-Shabaab Axmed Cabdi Aw Godane, isagoo hoosta ka xariiqay in arrintaasi ay ku timid iskaashi ay sameeyeen dowladaha Soomaliya iyo Mareykanka.

Guddigan ayaa muddo 45 maalmood ah ka howl-geli doona sidii uu u fududeyn lahaa dhammaan qorshaha dhisidda maamulka gobollada dhexe, waxaana guddiga laga soo kala xulay dhammaan bulshada Soomaaliyeed ee degta gobollada dhexe ee dalkeenna Soomaaliya.

Muqdishoi Jimco Siteembar 5, 2014 Dhimashada Horjooge Axmed Cabdi Maxamuud (Godane) oo ay goor dhow xaqiijisay Wasaaradda Gaashaandhigga ee dalka Mareykanka ayaa lagu sheegay inuu ku geeriyooday Godane weerarkii ay ka fuliyeen dayuurad Drone-ka ah uu Mareykanku leeyahay meel waqooyiga kaga beegan magaalada Baraawe ee Gobolka Shabeelaha  Hoose Isniintii la soo dhaafay.

Dhimashada Axmed Godane ayaa imaanaya xilli ay dowlada Soomaaliya dhabarka ka jabisay kooxda Al-Shabaab kaddib markii ay billowday howlgal looga sifeynayo deegaanadii ay ku dhuumaaleysanayeen maleeshiyadaasi ee goboollada dalka, kuwaasoo inta badan laga saaray, waddooyinkana loo furay dadkii ay cunaqabateeyeen.
Xukuumadda Soomaaliya ayaa soo dhoweysay geerida Godane, waxaana hadal uu soo saaray Ra’iisul Wasaare Cabdiweli Sh. Axmed Maxamed uu sheegay iney dhabarjab ku tahay Al-Shabaab dhimashada Horjoogahaasi.

“Xukuumadda Federaalka Soomaaliya go’aankeeda ku aaddan in la sii wado dagaalka ka dhanka ah argagixisada waa ay sii wadi doontaa, sidoo kale waxaan ka faa’ideysan doonnaa taageerada wadamada caalamka Soomaaliya ee dhanka la dagaallanka nabad-diidka, marnaba Xukuumadda ma oggollaaneyso in dagaal lagu halaago dhallinyarada Soomaaliyeed, baaqii Xukuumadda ee cafiska loogu fidiyey dhallinyarada Shabaab ka tirsan haka faa’ideysyaan ayaan lee yahay mar kale “ayuu yiri Ra’iisul wasaaraha Xukuumadda Soomaaliya.

Mareykanka ayaa dhinaciisa sheegay in ay sii wadi doonaan taageerada ay u fidiso  dowladda Somalia iyo ciidammada kaabaya ee Midowga Africa, dagaalka ay kula jiraan Al-shabab. isagoo xusay in dhimashada Axmed Godane ay guul taariikhi ah u tahay dagaalka lagula jiro Al-shabab iyo argagixisada Geeska Africa ee xiriirka la leh Al-qacida, .

Mareykanka ayaa in badan ku raad joogay Horjooge Axmed Godane waxaana Madaxiisa horey loo dul dhigay lacag gaareysa Toddoba Malyuun oo dollar.
Dowladda Mareykanka ayaa ugaarsi guulo badan laga soo hoyey ku haysa Horjoogayaasha shabakadaha Argagagixisada caalamka, waxayna dhowr horjooge uu ugu tun weyn yahahay Usaama Bin laadin ku qaarijisay dalal kala duwan oo caalamka, gaar ahaan dalalka Pakistaan, Soomaaliya iyo Yaman,

Halkan ka dhageyso Codka Ra’iisul wasaaraha Soomaaliya.

https://www.youtube.com/watch?v=UFq-h-sNfyM

Muqdisho, September 5, 2014 –Turkey Siteembar 5, 2014 Wasiirka Boostada iyo Isgaarsiinta ee Xukuumadda Soomaaliya Mudane Maxamed Aadam Ibraahim oo socdaal shaqo ku jooga dalka Turkiga ayaa ka qaybgalay kulan heer sare ah kaddib markii uu casuumad ka helay madaxda ugu sareeysa hay’adda Adduunka u qaabilsan Internet-ka ee loo yaqaano ICANN (The Internet Corporation for Assigned Names and Numbers ).

Wasiirka ayaa lagu casuumay kulankan oo ah midkii ugu horeeyey ee noociisa ah ee Soomaaliya ka qaybgasho, waxuuna Wasiirku khudbad taariikhi uga hadlay doorka dawladda Soomaaliyeed gaar ahaan Wasaaradda Boostada iyo Isgaarsiintu ka qaadaneyso sidii isgaarsiinta Casriga ah ay Ummadda Soomaaliyeed uga faa’iideysan lahaayeen.

Mudane Maxamed Aadan Ibraahim ayaa kulamo gaar ah la yeeshay Madaxweynaha Hay’adda ICANN oo lagu magacaabo Mr Fadi Chehade iyo Ku-xigeenkiisa Mr Pierre Dandijinou ahna u qaabilsanaha Qaaradda Afrika iyo Madaxa hay’adda u qaabilsan Bariga dhexe Baher Esmat.

Shirkan oo socon doono laba maalmood oo kale ayaa waxyaabihii looga hadlay waxaa kamid ahaa sidii Wasaaradda Boostada iyo Isgaarsiintu u hirgelin lahayd sidii hay’adaha waxbarashada ee dalka ka jira ay uga faa’iideysan karaan Isgaarsiinta casriga ah taasoo awood usiineysa in dhamaan Ummadda Soomaaliyeed ay u heli lahaayeen .ME.SO Domain fudud oo lacag la’aan ah, Sidoo kale waxaa shirka looga hadlay guusha ay dawladda Soomaaliyeed gaar ahaan Wasaaradda kula soo wareegtay saddex sano oo dagaal ah kadib cinwaanka SO CCTLD.

Shirkan ayaa xoogga lagu saarayaa sidii ay hay’adda ICANN ay dawladda Soomaaliyeed uga caawin lahayd horumarinta adeegga Internet-ka iyo sida ugu wanaagsan ee Ummadda iyo dawladda Soomaaliyeed ay ula qabsan lahaayeen, isla markaana uga faa’iideysan lahaayeen adeegga casriga ah.

Baydhabo, 05, Sebteember, 2014 Ra’iisul Wasaaraha Xukuumadda Federaalka Soomaaliya Mudane Cabdiweli Sheekh Axmed Maxamed iyo wafdi uu hoggaaminayo ayaa maanta safar shaqo ah ku tagay degmooyinka Baydhabo iyo Tiyeeglow oo ka tirsan gobollada Bay iyo Bakool, waxaana socdaalka ku wehelyey Wasiirka Gaashaandhigga Mudane Maxamed Sheekh Xasan Xaamud, Wasiirka Hidaha iyo Tacliinta sare Ducaale Aaden Maxamed. Wasiirka Ganacsiga Aaden Maxamed Nuur (Saransoor) iyo Guddoomiyaha Maxkamadda Ciidamadda Qalabka sida Cabdirixmaan Maxamed Tuuryare.

Wafdiga Ra’iisul Wasaaraha oo ugu horeyn booqday degmada Baydhabo ee xarunta gobolka Bay ayaa waxaa kusoo dhaweeyay Wasiirro ka tirsan Xukuumadda, Maamulka gobolka, iyo saraakiisha Ciidamadda dowladda iyo AMISOM.

Ra’iisul Wasaare Cabdiweli ayaa kulan la qaatay saraakiisha Ciidamadda dowladda iyo kuwa AMISOM, waxana ay ka wada hadleen howlgalka ka soconaya gobolka Bay iyo sidoo kale xaaladdaha goobihii laga xoreeyay Al-shabaab, waxana uu boggaadiyay Ra’iisul Wasaaruhu sida habsamida leh ee howlgalladu u socdaan.

Sidoo kale Ra’iisul Wasaaraha ayaa la kulmay Guddoomiyaha golaha Shacabka Mudane Maxamed Sheekh Cismaan “Jawaari” iyo Wasiirro ka tirsan Xukuumadda oo halkaas u jooga dhamaystirka howlaha dib-u-heshiisiinta ee deegaanada koonfur galbeed, waxaana ay isla soo qaadeen halka ay marayaan arrimaha dib-u-heshiisiinta.\

Muqdisho, September 5, 2014 – Dhanka kale Ra’iisul Wasaaraha Soomaaliya Mudane Cabdiweli Sheekh Axmed Maxamed ayaa booqday degmada Tiyeeglow ee gobolka Bakool oo kamid ah deegaanadii u danbeeyay ee laga xoreeyay Al-shabaab, waxana kusoo dhaweeyay Maamulka gobolka Bakool, kan degmada Tiyeeglow, AMISOM iyo saraakiisha ciidamadda XDS.

Xubnaha golaha Wasiirrada ee socdaalka ku weheliyay Ra’iisul Wasaaraha, AMISOM iyo odayaasha dhaqanka ee deegaanka ayaa wadajir isugu raacay in lagama maarman ay tahay cadowga ummada Soomaaliyeed ee Al-shabaab in meel looga soo wada jeesto isla markaana gacan lagu siiyo ciidamadda dowladda iyo AMISOM howlgalka ay ka wadaan gobolka Bakool.



”Maamulka gobolka iyo Dowladda dhexe waxaa ka dhexeeya xariirr joogta ah, waana idinka warqabtaa dowladdu, wax walba oo awoodeeda ahna way idinla garab taagan tahay. Hadda waxaa qorshaysan in kaalmo la idin soo gaarsiiyo, dadka reer Tiyeeglow waa dad ku horeeya dhanka wax soo saarka beeraha, daruufaha nabad-diidku keeneey ayaa sababay in ay abuurmaan abaaro iyo biyo la’aan soo wajahda goobaha ay nabad diidku muddada gacanta ku hayeen” ayuu yiri Ra’iisul Wasaaraha oo dhanka kalana soo dhaweeyey sida ay dadak reer Tiyeeglow hubka u qaateen isagana dul qaadeen cadowga mudada todobada sano ah haystay.

Ra’iisul Wasaare Cabdiweli ayaa sidoo kale booqday xero ay ku xaraysan yihiin ciidamo ka tirsan kuwa dowladda Soomaaliya oo tababar u socdo waxana uu kula dar-daarmay in looga fadhiyo cadowga in ay ka xoreeyaan gobolka si dadku nabad ugu noolaado.

“Al-shabaab dhibaato xoggan ayuu u geystay gobolka waa mid muuqata, waxan u mahadcelinayaa ciidankeena geesiyaasha ah iyo walaalaheena AMISOM, dowladdu waxay dhawaan degmadan usoo diri doontaa ciidamo Boolis iyo Nabad-sugid si amnigu u noqdo mid dhamaystiran.” ayuu yiri R.W Cabdiweli.

Ugu dambeyntii, Ra’iisul Wasaaraha ayaa soo gabagabeeyey booqashadii gaabnayd ee uu ku tagay deegaano ka tirsan Baay iyo Bakool, taas oo uu ugu kuurgalayey xaaladaha amni iyo nololeed ee deeganaadaas, isagoo caawa fiidkii dib ugu soo noqday magaalada Muqdisho.

Muqdisho, September 5, 2014 –Wasaaradda Gaashaandhigga ayaa ugu baaqday shacabka Soomaaliyeeed iney iney gacan ka geystaan howlgalka Badweynta Hindiya ee dalka looga xoreeynayo argagixisada Shabaab.

Wasiirka Gaashaandhigga ee xukuumadda Federaalka Soomaaliya mudane Maxamed Sheekh Xasan Xaamud oo la hadlay Radio Muqdisho ayaa ugu baaqay shacabka ku  nool deegaannadii laga xoreeyay maleeshiyaadka Shabaab iney garab istaagaan oo ay kala shaqeeyaan ciidamada sidii maleeshiyaadka Shabaab looga cirib tiri lahaa dalka.

Sidoo kale wasiirka ayaa ku amray ciidamada XDS iney daryeelaan oo aysan wax dhibaato ah u geysan shacabka ku nool deegaannada laga xoreeyay maleeshiyaadka Shabaab.

“Bulshada Soomaaliyeed waxaan u jeedinaa in ciidamada qalabka sida iyo kuwa AMISOM la dhiiri geliyo oo lala daba taagnaado raashinka iyo biyaha ama haddeey ugu liidato lagu dhiiri geliyo howlgalka ay wadaan” sidaasi waxaa yiri wasiirka Gaashaandhiga Maxamed Sheekh Xasan Xaamud.

“Ciidamada qalabka sidana waxaan leeyahay iney dadka xuquuqdooda ilaaliyaan ayna ogaadaan waxa ay qoraxda u taaganyihiin ay tahay shacabka Soomaaliyeed, sidaas darteedna loo baahanyahay in markii meel la xoreeyo iney dadka daryeelaan oo aysan isku qasin nabad diidka iyo shacabka” ayuu yiri wasaarka Gaashaandhiga Maxamed Sheekh Xasan Xaamud.

Hadalka Wasiirka ayaa imaanaya xilli ciidamada qalabka sida iyo kuwa AMISOM ay maleeshiyaadka Shabaab ka xoreeyeen inta badan deegaanadii ay dalka kaga harsanaayeen.

Muqdisho, September 5, 2014 –Xildhibaan Ubax Tahaliil oo booqatay tuulooyin ka mid ah gobolka Mudug oo abaar xooggan ka jirto ayaa dowladda federalka iyo Bulshada caalamka ugu baaqday in gargaar deg deg ah la gaarsiiyo shacabka abaartu saameeysay.

Ubax Tahliil oo ka tirsan mudanayaasha Baralamanka oo la hadashay Radio Muqdish ayaa sheegtay in deegaannadi ay booqatay ay ku soo aragtay xaalad bani’aadanimo, waxa ayna intaa ku dartay in abaarta ka sokow ay halkaasi ka jirto biyo la’aan iyo adeegyadii caafimaadka oo aan jirin.

“biyo la’aan, dhaqtar la’aan ayaa ugu daran dhibaatada halkaasi ka jirta, macluul daran ayaa meesha ka jirta xoolahiibaa le’day” ayeey tiri Ubax Tahliil.

Xildhibaan Ubax tahliil ayaa ugu baaqday dowlada Federaalka iyo hey’adaha samafalka iney gurmad deg deg ah la soo gaaraan dadka ku dhibaateeysan deegaannada ay booqatay oo ka tirsan gobolka Mudug.

Minneapolis, September 5, 2014 –Safiirka Soomaaliya u fadhiya dalka Ethiopia oo ka hadlay dhibaatada gobolka Geeska Africa ayaa ugu baaqay dowladaha Soomaaliya deriska la ah in ay ka qeyb qaataan xasilinta iyo nabadda Dalka Soomaaliya.

Danjiraha Soomaaliya u fadhiya dalka Ethiopia Axmed C/salaan oo hadda ku sugan dalka Mareeykanka islamarkaana khudbad ka jeediyay jaamacad ku taala Minisota ayaa ka hadlay dhibaatada ka jirta Geeska Afrika gaar ahaan dalkeena Soomaaliya.

Axmed C/salaan Danjiraha Soomaaliya u fadhiya dalka Ethiopia ayaa xusay in lagama maarmaan ay tahay in wadamada derisku ay iska kaashadaan la dagaalanka argagixisada, isagoo hoosta ka xariiqay in shacabka Soomaaliyeed looga baahanyahay iney gacan ka geeystaan la dagaalanka Shabaab.

“Dhibka Soomaaliya ka jira waa mid inta badan meel kale nooga yimid Soomaaliduna qeybeey ka tahay,  haddii an xal raadineyno qeyb Soomaalidaa leh qeybna gobolkaa nala leh, runtii ma dhihi karno dhibaato caalamkoo dhan ka jirta kaligeena xallin karna” ayuu yiri Axmed C/salaan.

Danjiraha ayaa ka digay in haddi aysan wadamada gobolku aysan si wanaagsan isaga kaashan la dagaalanka argagxisada aysan dhibaatadu ku koobnaan doonin Soomaaliya oo kaliya.

Sh/Dhexe, September 5, 2014 – Munaasabadan oo si heer sare ah ay u soo agaasimeen jaaliyada Soomaaliyeed ee ku nool magaalada Cape Town ee ka soo jeeda gobolka sh/dhexe ayaa waxaa lagu taageerayay maamulka cusub ee dhawaan madaxweynaha Jamhuuriyada Faderaalka Soomaaliya mudane Xasan Sheekh Maxamuud uu u magacaabay gobolkaasi.

Goobta ay munaaasabadu ka dhaceysay waxaa soo buux dhaafiyay waxgarad,aqoon yahano,ganacsato iyo qeybaha kala duwan ee bulshada soomaalida ee gobolka gobolka Westren Cape ,hooolka ay xafladu ka dhaceysay ayaa waxaa aad loogu xardhay sawirada madaxda ugu sareysa dalka iyo kan gudoomiyaha gobolka Sh/dhexe ee Cali Guudlaawe Xuseen.

Marti sharaftii kala duwanaa ee goobta ka hadlay ayaa aad u soo dhaweeyay talaabada lagu magacaabay Cali Guudlaawe Xuseen In uu noqdo gudoomiye cusub ee gobolka Sh/dhexe.iyaga oo sheegay in uu yahay shaqsi wax weyn ka badali doono horumarka gobolkaasi,waxana ay aad ugala dar daarmeen in uu wax weyn ka qabto arrimaha fatahaada wabiga Shabelle uu ka sameeyo deegaano ka tirsan gobolkaasi iyo Dariseynta Dadka wada dagan gobolka Sh/dhaxe.

Qaban qaabiyaasha Xafladan oo kala ahaa Cumar Fareey ,Xuurshe Baakoore ,Muuse Muude Iyo Bootaale oo ku hadlay magaca jaaliyada Sh/dhaxe ayaa u mahad celiyay maamulkii hore ee gobolkaasi oo uu horkacayay Cabdi Jiinow Calasow,waxana ay xuseen in jaaliyad ahaan ay garab Taagan yihiin Maamulka Cusub ee uu hogaaminayo Cali Guudlaawe Xuseen.

Gudoomiyaha Cusub ee Gobolka Sh/Dhaxe Cali Guudlaawe Xuseen Oo khadka Teleefoonka uga qeybgalay xaflada ayaa u Mahad celiyay jaaliyada Soomaaliyeed ee Isku Xilqaantay Taageerada maamulkiisa,waxaana uu ku farxad galiyay in gobolka uu ka socdo isbadal dhanka amniga ah oo ay ciidamada xooga dalka ay xoreeyeen maalmahii la soo dhaafay deegaano ka tirsan gobolkaasi oo ay ku sugnaayeen kooxaha Argagaxisada ah ee Al-Shabaab.

Inta ay socotay Munaasabada ayaa waxaa heeso iyo Majaajilooyin Lagu Muujinayay Taariikh-da gobolka Sh/dhaxe Ku soo Bandhigay Fanaaniinta Kooxda Riyaaq Band ee Magaalada Cape Town.

Muqdisho Siteembar 3, 2014 Madaxweynaha Jamhuuriyadda Federaalka ah ee Soomaaliya Mudane Xasan Sheekh Maxamuud iyo wafdi uu hogaaminayo ayaa maanta dalka dib ugu soo laabtay, kaddib markii booqasho rasmi ah ku tegeen Dalalka Turkiga iyo Kenya.

Madaxweyne Xasan Sheekh iyo wafdiga waxaa garoonka diyaaradaha Aadan Cadde ku soo dhaweeyay Ra’iisul wasaaraha Soomaaliya Mudane Cabdiweli Sheekh Axmed Maxamed, mas’uuliyiin ka tirsan labada gole ee dowladda, saraakiil ciidan  iyo mas’uuliyiin kale.

Wasiirka arrimaha dibadda ee Xukuumadda Soomaaliya Mudane Cabdiraxmaan Ducaale Beyle oo la hadlay Warbaahinta ayaa sheegay in wafdiga Madaxweynaha ay socdaal ku tegeen dalka Turkiga, halkaasi oo ay kaga qeyb galeen xafladdii caleemo saarka ahayd ee loo sameeyay Madaxweynaha Dalka Turkiga Recep Tayyip Erdoğan, islamarkaana ay Soomaaliya u hayd guul.

Sidoo kale Madaxweyne Xasan Sheekh iyo Wafdiga la socday ayaa waxa ay booqdeen xarunta Safaaradda Soomaaliya ee Ankara, halkaasi oo ay kula kulmeen mas’uuliyiinta iyo howlwadeenada Safaaradda.

Wasiirka arrimaha dibadda ee Soomaaliya ayaa tilmaamay in Wafdiga Madaxweynaha ay magaalada Nairobi ee xarunta dalka Kenya kaga qeyb galeen kulan looga hadlayay la dagaallanka argagixisada iyo sida wax looga qaban karo, kaasoo ay ka qeyb galeen ku dhawaad 20-Madaxweyne oo ka socda Qaaradda Afrika, Ra’iisul wasaarayaal iyo wakiilo ka kala socday beesha Caalamka, waxayna isku raaceen in si wada jir ah loola dagaalamo argagixisada.

Madaxweyne Xasan Sheekh Maxamuud ayaa intii uu ku sugnaa dalalka Turkiga iyo Kenya waxa uu kulamo gaar gaar ah la qaatay Madaxda labadaasi dal oo saaxiib dhaw la ah Soomaaliya, waxaana ay ka wada hadleen xiriirka saaxiibtinimada iyo sida la isaga kaashan karo la dagaallanka argagixisada.

https://www.youtube.com/watch?v=WvCM9hUPck8

Muqdisho Siteembar 3, 2014 Wasiirka Garsoorka iyo Cadaaladda ee Xukuumadda Federaalka Soomaaliya ayaa maanta soo xiray tababar lagu baranayay Istiraatijiyada iyo Qorshe howleedka Wasaaradda oo mudo seddax Maalin ah magaalada Muqdisho uga socday qaar ka mid ah Shaqaalaha Wasaaradda garsoorka.

Munaasabaddii tababarka lagu soo gabo gabeynayay waxaa ka qeyb galay mas’uuliyiin katirsan Wasaaradda Garsoorka, iyadoo tababarkaasi uu ahaa mid ay ka faa’iideysteen shaqaalaha Wasaaradda oo tirada loo qabtay ay gaareyso 17 qof, ayna diyaar u yihiin in ay ku dabaqaan howlaha shaqo ee ay bulshada u hayaan.

Xoghayaha Joogta Wasaaradda Cadaaladda iyo Dastuurka Xuseen  Qaasim Yuusuf ayaa tilmaamay in tababarkan uu yahay mid sare loogu qaadayay aqoonta shaqaalaha Wasaaradda, aya joogteyn doonaan siminaarada nuucaani oo kale ah.

Wasiir ku-xigeenka  Wasaradda cadaaladda iyo Dastuurka  Mudane Cabdullaahi Bile Nuur ayaa soo dhaweeyay tababarkani iyo sida loo horumarinayo aqoonta shaaqalaha, isagoo ku booriyay in waxyaabaha ay ka faa’iideyn tababarka uu noqdo mid ay bulshada ugu adeegaan.

Wasiirka Cadaaladda iyo Dastuurka ee Xukuumadda Soomaaliya Mudane Faarax   Sheekh Cabdulqaadir ayaa howlwadeenada siminaarka loo qabtay ku booriyay inay ku dabaqaan howl maal meedkooda waxyaabaha ay tababarka ka kororsadeen.

Muqdisho Siteembar 3, 2014 Wasiirka Gaadiidka iyo Duulista Hawada ee Xukuumadda Soomaaliya ayaa maanta kulan la qaatay ganacsatada shirkahada Duulimaadka, xubno ka socday rugta ganacsoga Soomaaliyeed, Maamulka Garoonka diyaaradaha iyo Wakiilka xoghayaha guud ee Qaramada Midoobay u qaabilsan Soomaaliya Nicholas Key, uuna goob joog a ahaa Wasiir ku-xigeenka Ganacsiga ayaa looga hadlay horumarinta garoonka Aadan Cadde.

Kulankani ayaa diiradda lagu saaray sidii ganacsatada Soomaaliyeed iyo Qaramada Midoobay  uga qeyb qaadan lahaayeen dib u dayactirka garoonka Caalamiga ah ee Aadan Cadde, gaar ahaan in nalal lagu xiro halka ay soo cago dhigtaan diyaaradaha si ay ugu fududaato in diyaaaradaha garoonka Aada Cadde ay xilliyada habeenkii ah ka howlgalaan.

Wasiirka Gaadiidka iyo Duulista Hawada ee Xukuumadda Soomaaliya Mudane Saciid Jaamac Cali Qoorsheel oo la hadlay Warbaahinta ayaa sheegay in kulanka uu ku soo idlaaday guul, isla markaana ay isla afgarteen in si deg deg ah wax looga qabto baahiyaha ka jirta garoonka, gaar ahaan in xilliyada habeenkii ah uu shaqeeyo, maadaama isbadal amni uu ka jiro caasimadda, ayna keentay baahi ah in duulimaadyo caalami ah la helo.

Wasaaradda gaadiidka iyo duulista Hawada ee Soomaaliya ayaa dadaal ugu jirta sidii loo haqab tiri lahaa baahida ay tebayaan bulshada Soomaaliyeed, gaar ahaan in garoonka diyaaradaha Caalamiga ee Aada Cadde uu xillii waliba shaqeeyo, si ay u fududaato isu socodka gaadiidka hawada.

Muqdisho Arabaco Siteembar 3, 2014 Golaha Wasiirada Xukuumadda Federaalka Soomaaliya ayaa isugu yimid shir aan caadi ahayn oo shir gudoominayey Ra’iisul Wasaaraha Xukuumadda Federaalka Soomaaliya mudane Cabdiwali Sheekh Axmed Maxamed. Shirka ayaa looga hadlay amniga guud ee dalka, waxana laga soo saaray go’aamo muhiim ah oo ku saabsan hawlgallada lagu sugayo amniga dalka, iyadoo Xukuumaddu u qabatay muddo 45 maalmood gudahood ah in fursad ay u haystaan kooxaha Nabad-diidku ay isku soo dhiibaan dowladduna cafis u fidin doonto cidii isku soo dhiibta.

Kulanka markii uu soo dhammaaday kaddib, waxaa Saxaafadda si-wadajir ah ula hadlay Wasiirka Amniga Qaranka Mudane Khaliif Axmed Ereg iyo Afhayeenka Xukuumadda Ridwaan Xaaji Cabdiweli, waxana ay faah-faahin ka bixiyeen qodobadii kasoo baxay shirkii golaha Wasiirrada.

Wasiirka Amniga Qaranka, ayaa akhriyay go’aamada afar qodob oo Xukuumadda kasoo baxay kuwaas oo kala ah.

1.Xukuumaddu waxay sii wadaysaa ayna xoojinaysaa howlgalka lagu soo afjarayo Kooxaha Argagixisada.

2.Waxaa Xukuumaddu cafis u fidinaysaa kooxaha la marin habaabiyay cafis kaas oo ay ka faa’iidaysan karaan muddo 45 cisho ah, cidii ka faa’iidaysan weyda waxaa loo aqoonsanayaa dambiile sharciga ayaana la horgaynayaa, xubnaha ka faa’iidaysta cafis kaas Xukuumaddu waxayna u abuuri doontaa nolol fiican oo dib ugu dhistaan mustaqbalkooda

3.Xukuumaddu waxay shacabka Soomaaliyeed ugu baaqaysaa in ay barbar istaagaan ciidamadda geesiyaasha ah ee la dagaalamaya cadowga.

4.Xukuumaddu waxay ugu baaqaysaa Culima’udiinka Soomaaliyeed in ay doorkooda ka qaataan marxaladdan muhiimka ah, iyagoo iftiiminaya fahamka guracan iyo been ka sheega diinta Islaamka

Afhayeenka Xukuumadda Ridwaan Xaaji Cabdiweli oo ka jawaabayay su’aallo ay warbaahintu waydiiyeen ayaa sheegay ujeedka howlgallada socda ee ka qeyb qaadanayaan diyaaradaha dagaalka in uu yahay sidii loo afjari lahaa kooxaha Nabad-diidka.

“Ujeedka howlgallada socda waa in lasoo afjaro Al-shabaab, duqeyntii ka dhacday gobolka Shabellaha hoose waxaa lagu beegsanayay hoggaanka Al-shabaab,waxana la gaarsiiyay khasaare waana sii socon doonaan howlgalladan” ayuu yiri Afhayeenka Xukuumadda Ridwaan Xaaji Cabdiweli.

Kulankan looga hadlayay howlgallada ka socda gobollada dalka ayaa kusoo idlaaday jawi farxadeed iyo duco loo duceeyay shacabka Soomaaliyeed iyo dalka si dhibaatada muddada dheer soo jirtay looga baxo.

Muqdisho Arabaco Siteembar 3, 2014 Iyadoo Diyaaradaha Mareykanka ee Daroniska ay Xalay Duqeyn ka geeysteen Gobolka Shabellaha Hoose, gaar ahaan goob la sheegay in ay Al-shabaab ku sherayeen oo ku taala inta u dhaxeysa Degmada sablaale iyo Deegaanka Dhaytubaako ee Xadka Gobolka Jubbada dhexe ayaa sheegaya  in Weerarkaasi lagu dilay Saraakiil Shabaab ah.

Saraakiisha la sheegay in lagu dilay weerarka ayaa waxaa ka mid ah.

1 Maxamed Xuseen Nuur oo loo yaqaano Abuu Xamza Al-ayman

2 Gudoomiyaha Shabellaha Hoose ee Shabaab Abuu Cabdalla

3- Iqri Cubeyd oo ah Sargaal u dhashay Dalka Suudaan

4-Mubaarag Cabdalla oo Asal ahaan ka soo jeeda Dalka Yeman

5-Cali Maxamed Guuleed oo Al-shabaab u qaabilasn Saadka Gobolka Shabellaha Hoose

6-Maxamed Abuu Shaam oo ah Gacan yarahii Axmed Cabdi Godane  oo loo yaqaano Muqtaar Abuu Subeyr oo ah Hogaamiyaha Xarakada Al-shabaab.

Waxaa Wararka qaar ay sheegayaan in Axmed Cabdi Godane ay Waxyeelo ka soo gaartay Weerarka.

Kismaayo Arabaco Siteembar 3, 2014 Kulamo hor dhac u ah shirweynaha dib u heshiisinta ee gobollada Jubbooyinka ayaa ka socda magaaladda Kismaayo ee xarunta gobolka Jubadda Hoose.

Kulamadan hordhaca ah oo ka ka socda Kismaayo ayaa loogu diyaar garoobayaa shirweynaha dib u heshiisiinta Jubbooyinka oo 16-ka bishan ka furmidoona magaala Kismaayo.

Sidoo kale kulamadan ayaa waxaa si gooni gooni ah isugu arkaya dhamaan beelaha dega gobollada Jubbooyinka,  iyagoo ka wada hadlaya qaabkii looga qeyb geli lahaa shirweynaha dib u heshiisiinta ee gobollada Jubbooyinka.

Kulamadan hordhaca ah ayaa la sheegay in beelaha walaalaha ah ee wada dega gobolladaasi ay isku turxaan bixinayaan ka hor inta aan la gaarin shirweynaha dib u heshiisiinta gobolladaasi ee 16-ka bishan ka dhici doona magaalada Kismaayo kaas oo dowlada Federaalku ay garwadeen ka tahay.

Baladweyne Arabaco Siteembar 3, 2014 Gudoomiyaha gobolka Hiiraan ayaa sheegay in deeq ay ka heleen dowladda Jabuuti ay gaarsiin doonaan deegaano ka tirsan gobolkaasi oo abaartu saameysay.

C/fitaax Xasan Afrax gudoomiyaha gobolka Hiiraan ayaa sheegay in abaar daran oo saameyn ku yeelatay dadka iyo duunyada ay ka jirto gobolkaasi, isagoo intaa ku daray in maamulka gobolku wado dadaallo ku wajahan sidii loogu gurman lahaa dadka ku ceyrtoobay abaarta.

“meelo badanaan tegay meelaha ugu daran waa nawaaxiga Beledweyne ilaa deegaanada Galbeedka gobolka oo abaarta ka sokow ay ka jirto biyo la’aan, kadib markii motooradi biyaha ciladoobeen” ayuu yiri gudoomiyaha gobolka Hiiraan C/fitaac Xasan Afrax.

Gudoomiyaha oo hadalkiisa sii wata ayaa intaasi raaciyay in degmada Buulo Barde ay gaarsiin doonaan raashin gargaar ah oo ay dowlada Jabuuti ugu deeqday dadka abaartu saameeysay ee ku nool gobolka Hiiraan.

“Gurmad waxaa noogu horeeyay raashinkan uu noogu deeqay Ismaaciil Cumar Geelle, hadana wadada ayaan ku sii jirna oo raashinki ayaan gaarsiineynaa Buulobarde ciidan badana wan wadanaa” Sidaasi waxaa yiri C/fitaax Xasan Afrax gudoomaha G/Hiiraan.

Gudoomiha ayaa xusay in raashinka loogu talagalay ilaa Sadex Kun iyo Shan Boqol oo qeys, wuxuuna ka koobanyahay ayuu yiri Bur, Bariis Saliid iyo Sokor , isagoo intaa ku daray in raashinkaasi uu gaarayo ilaa Sadex Kun oo Tan.

Muqdisho Arabaco Siteembar 3, 2014 Gudoomiyaha Jaamacadda Capital Prof. C/qaadir Wehliye Afrax  oo ay wehliyeen gudoomiye ku xigeenka jaamacadda Dr. Axmed Dhiblaawe Caseyr, gudoomiyaha mu’sasada Jaamacada Capital Dr.  Axmed Gacal Cali “Caraboow” iyo xiriiriyaha qeybta Akadeemiyadda  Jaamacadda Dr. Calas Xasan Maxamed ayaa kormeeray ardayda maanta u fariisatay imtixaanka qabuulka Jaamacadda oo ah dufcadii labaad.

Prof C/qaadir Wehliye Afrax oo ah gudoomiyaha Jaamacadda ayaa ardayda u jeediyay hadallo isugu jiray soo dhaweeyn iyo dhiiri gelin, isagoo ku boorriyay iney dadaal badan ku bixiyaan waxbarashada, si ay dadkooda iyo dalkooda wax ugu taraan.

Jaamacadda Capital oo ka mid ah Jaamacadaha ugu casrisan dalka, xagga waxbarashada ayaa waxaa wax ka barta boqollaal arday Soomaali ah, oo dhigta qeybaha kala duwan ee jaamacaddu ka koobantahay, taasoo ku timid dadaalka iyo dhiirigelinta ay sameeyeen Profasoorada iyo mas’uuliyiinta Jaamacadda Capital University.

KU: Ummadda Soomaaliya Iyo Hay'addaha Waxbarashadda,
Mudanayaal Iyo Marwooyin,
Muqdisho Arabaco Siteembar 3, 2014 Prof. Dr. Nuuradiin Faarax oo qabtay xafladan kulanka ah taariikhda maraka ay ahayd Nofeembar 13, 2014 magaalada Minneapolis, Minnesota meeshaasoo uu ka ahaa macallin jaamacadda Minnesota wax ka dhiga.

Run ahaantii Prof. Dr. Nuuradiin Faarax oo su'aal laga weydiiyey sababta uu ugu turjumi waayey buuggaagtiisa Af-soomaali ayaa wuxuu caddeeyey wakhtiga uu billaabay qoritaanka buuggaagta inaynan wax lagu qori jirin Af-soomaali sidaas darteedma wuu wax dhib ah ka qabin qofkii raba inuu u turjumo buuggaagtiisa Af-soomaali.

Haddii aad rabto in aad si fiican u maqasho ogolaanshahiisa inuu loo turjumi karo buuggaagtiisa Af-Soomaali haddaba waxaa si taxadar leh u dhegaysan kartaa cajaladan fiidiyoowga ah ee laduubay.

Waxaa sidoo kale kulanka uu qabtay Prof. Dr. Nuuradiin Faarax ka soo qaybgalay Mudane Xusseen Samarar Allaha u naxiistee, qoraa sare Dr. Badal Kariye oo fadhiya biddixda Mudane Xusseen Samarar iyo dad badan oo si aad iyo aad u xiiseeya qoraayaasha iyo qoraalladda.

Prof. Dr. Nuuradiin Faarax waa muudan Soomaali ah oo aan marnaba baddalin ama qaadan jinsiyad waddan kale ilaa iyo hadda, waliba waxuu wax ka dhigaa jaamacaddo badan oo ku kala yaala meelo badan oo adduunka.
 
Waad Mahadsan Tihiin,
Guddigga Sare ee Ururka Qorayaasha Qaranka Soomaaliyeed (UQQS)

Cajaladdan waxaa duubtay Idaacadda SPR.
https://www.youtube.com/watch?v=aHSHT5brGEs

Holding talks with Kenyan President, Uhuru Kenyatta, on the sidelines of the AU Peace and Security Council Summit at KICC.

#Somaloia: Nairobi on Tuesday September 2, 2014 Madaxweyne Xassan Shiikh Maxamuud oo la kulmay Madaxweyne Uhuru Kenyatta meeshaasoo ay ka wadahadleen waxyaabo badan balse waxaan faahfaahin ka sugaynaa inuu Madaxweyne Xassan Shiikh Maxamuud nooga waramo wax laga wada gaaray sida loo wada shaqayn lahaa.

Mudqisho Siteembar 2, 2014 Guddoomiyaha maxkamadda ciidamada qalabka sida, oo marti u ahaa barnaamijka Wicitaanka Dhageystaha ee VOA-da ayaa faah-faahin ka bixiyay howlaha maxkamadda ay fuliso iyo sharci dhawaan ay soo saareyn oo ah in waaliga dhalay dhallin yarada Shabaabka ku biira in la xukumi doono iyana.

Korneel Cabdiraxmaan Maxamed Tuur-yarre, ayaa ugu horeyn la weydiiyay bal in uu faah-faahin ka bixiyo waxa ay qabato maxkamadda ciidamada qalabka sida, wuxuuna sheegay in maxkamadda la dhisay sannadkii 1962-dii, iyadoona isla sannadkii 1970-kii maxkamadu ay noqotay mid hoostaan dhammaan maxkamadaha dalka ka dhisan.

Wuxuu sheegay howlaha maxkamadda ay qabato in looga baahnaa maxkamadda gobalka Banaadir balse arrimo ammaan iyo dagaalka lagula jirro caddowga Shabaab in ay keentay in maxkamadooda lagu soo wareejiyo.

Waxaa kaloo la weydiiyay bal in uu faah-faahin ka bixiyo sababta keentay in waalidiinta dhalay dhallinyarada Shabaabka in iyana la soo xiro oo la maxkamadeeyo.

Wuxuu tilmaamay in qoddobkan mid u dhow la soo saaray muddo 50 sanno ka hor, taasoo lagu xukumaayay muwaadinka qariya ama gacan siiya cadowga khatarta ku ah dalka, waana mid taas la mid ah ayuu yiri.

Guddoomiyaha maxkamadda sare ee ciidamada qalabka sida ayaa xusay in tan iyo markii uu soo baxay sharcigan, in 400 oo waalidiin ay ka soo warbiyeen carruurtooda oo Shabaab ku biiray iyo kuwa ay la’san yihiin kuwaasoo loo maleenaayo in ay ku biireen kooxdaas, waxaana noo yimid ayuu yiri Jawaabo fiican.

Wuxuu kaloo Cabdiraxmaan Tuur-yarre uu tilmaamay in 18 waalidiin ah ay maxkamadda keeneen carruur ay dhalen kuwaasoo ku biiray Al-Shabaab, “mid ka mid ahna waalidiintaas waan abaalmarinay” ayuu yiri.

Waxaa kaloo la weydiiyay in ay jiraan xubno ka tirsan dowladda oo sii daaya Shabaabka la soo xiro,wuxuuna tilmaamay in arrintaas aaney jirin oo qof xubin ka ah dowladda uusan galaagangal ugu yeelan karin in uu soo daayo qof ku eedeesan Al-Shabaab.

Mudqisho Siteembar 2, 2014 Duqeyn dhinaca cirka ah, ayaa waxay xalay ka dhacday Gobolka Shabeellaha Hoose, iyadoo lala beegsaday goob ay kulan ku lahaayeen Madaxda Ururka Al Shabaab, oo sida la sheegay ka wada hadlaayay hawlgalada ka dhanka ah ee dalka ka soconaayo.

Diyaarad Drone ah, ayaa gantaalo la beegsatay inta u dhaxeyso Dhaay Tubaako iyo Hawaay, oo ah halka uu ku dhamaado Webiga Shabelle, waxaana jugta gantaalaha laga maqlay meelo fog fog.

Dadka ku dhaqan deegaanka Hawaay, ayaa waxay sheegeen in xalay oo dhan ay maqlayeen jug aad u xoogan, iyagoo tilmaamay in ilaa 8 gantaalo ay ku soo dhaceen halkii uu bartilmaameydku ku wajahnaa.

Warbaahinta CNN ee Mareykanka, ayaa waxay baahisay in duqeyntu uu ka masuul ahaa Mareykanka, isla-markaana ay u muuqatay mid cid gaar ah ku wajahneyd, balse maynaan sheegin cidda loola jeeday.

Afhayeenka Waaxda Difaaca ee Mareykanka John Kirby, ayaa waxa uu War Saxaafadeed ku xaqiijiyay in diyaaradaha Mareykanka, ay duqeymo ka geysten Gobolka Shabeellaha Hoose, isla-markaana ay la beegsadeen xubno ka tirsan Al Shabaab.

Afhayeenka, ayaa sheegay in ay dersi doonaan khasaaraha Shabaabka ka soo gaaray, ka hor inta aynaan horudhac ku samayn waxyeelada ka soo gaartay mintidiinta.

Gudoomiyaha Maamulka Gobolka Shabeellaha Hoose ee Dowladda Somaliya C/qaadir Maxamed Nuur (Siidii), ayaa waxa uu sheegay in duqeynta lala eegtay xubno uu ka mid yahay Amiirka Ururka Al Shabaab Axmed Cabdi Aw Maxamed (Godane), balse isu magacaabay Sheekh Mukhtaar C/raxmaan (Abuu Zubeyr).

Gudoomiyaha wuxuu kaloo sheegay ragga kale ee loo maleynaayo inay ku sugnaayeen goobta la duqeeyay, ay ka mid yihiin Gudoomiyaha Gobolka Shabeellaha Hoose ee Shabaab Sheekh Maxamed Abuu Cabdalla, Sheekh Maxamed Dulyadeen, Xuseen Dheere iyo xubno kaloo Ajaaniib ah, oo uu magacyadoodu ku soo kala koobay Abuu Ayman iyo Abuu Nasiis.

C/qaadir Maxamed Nuur oo u waramay laanta afka Somaliga ee VOA, ayaa ku waramaaya in Dowladaha saxibada la ah Somaliya, oo uu ugu horeeyo Mareykanka, in uu ka caawiyay duqeynta ka dhanka ah Madaxda Shabaabka, xilli ay ka shirayeen hawlgalada ka soconaayo dalka, sida uu yiri.

Siidii, ayaa ku waramaaya in uu jiro khasaaro Madaxda Shabaabka ka soo gaaray duqeynta, ha yeeshee aynaan xilligaan hayn faah faahin badan oo ku aadan, balse ay shir jaraa’id qaban doonaan, kagana hadli doonaan, sida uu yiri.

Al Shabaab, ayaan iyadu ka hadlin duqeynta xagga cirka ah ee lala beegsaday Madaxdeeda.


Baydho Siteembar 2, 2014 Ku simaha Madaxweynaha Dalka ahna Gudoomiyaha Golaha Shacabka Jamhuuriyadda Federaalka Soomaaliya Mudane Maxamed Sheekh Cusmaan Jawaari ayaa maanta si heer sare ah loogu soo dhaweeyey magaalada Baydhabo ee xarunta gobolka Baay.

Gudoomiyaha Baarlamaanka garoonka diyaaradaha magaalada Baydhabo waxaa kusoo dhaweeyey Wasiirro ka tirsan Xukuumadda oo horey u joogay,waxgarad,odayaasha dhaqanka gobolladan, saraakiisha ciidammada Qalabka Sida ee Soomaaliya,AMISOM,Siyaasiyiin,Haween iyo qeybaha kala duwan ee bulshada waxaana garoonka diyaaradaha uu Ku simaha Madaxweynaha salaan sharaf kaga qaatay cutubyo ka tirsan ciidammada Midowga Afrika ee AMISOM gaar ahaanna kuwa dalka Ethiopia,sidoo kalena waxaa lagu soo dhaweeyey ciyaarro hidaha iyo dhaqanka ah.

Soo dhaweyntiisa kadib Gudoomiyaha Baarlamaanka waxa uu kulan la qaatay qeybaha kala duwan ee bulshada sida heerka sare ah usoo dhaweysay ayadoo kulankaasina ay goobjoog ka ahaayeen xubnaha guddiga farsamada ee ay Xukuumaddu u magacawday maamul u sameynta gobolladan waxaana Wasiirka Dhalinyarada iyo Ciyaarraha Dr Khaalid Cumar Cali oo magaca guddigan ku hadlay uu uga mahad celiyey shacabka iyo maamulka reer Baydhabo sida ay guddigooda usoo dhaweeyeen islamarkaana ula shaqeeyeen.

Ku simaha Madaxweynaha Dalka ahna Gudoomiyaha Baarlamaanka Mudane Maxamed Sheekh Cusmaan Jawaari oo khudbad ka jeediyey kulanka ugu horeyn waxa uu uga mahad celiyey guud ahaanba reer Baydhabo sida ay usoo dhaweeyeen,sidoo kalena waxa uu ka hadlaya waxa laga dhowrayo shacabka gobolladan oo ah iney aayahooda ka tashadaan islamarkaana isku raacaan sidii ay u sameysan lahaayeen maamul ay ku mideysan yihiin taasina ay tahay buu yiri waxa ay ka dhur sugayaan shacabka Soomaaliyeed iyo guud ahaanba caalamka.

Ugu dambeyntii Gudoomiyaha Baarlamaanka Jamhuuriyadda Federaalka Soomaaliya Mudane Maxamed Sheekh Cusmaan Jawaari waxa uu kula dardaarmay shacabka ku dhaqan gobolladan iney mar walba ilaaliyaan ammaankooda iyo isku duubnidooda isaga oo xusuusiyey in mar walba ay xusuusnaadaan kaalinta ay ku lahaayeen hadana ku leeyihiin jiritaanka iyo xoojinta Qarannimada Umadda Soomaaliyeed.

Nairobi Siteembar 2, 2014 Madxweynaha Jamhuuriyadda Federaalka ah ee Soomaaliya Mudane Xasan Sheekh Maxamuud iyo wafdiga uu hogaaminayo oo gaaray magaalada Nairobi ee xarunta dalka Kenya ayaa halkaasi lagu wadaa in uu kaga qeyb galo kulan looga hadlayo arrimaha argigixisada oo hogaamiyayaasha Afrika 2-da bishaan uga furmaya dalka Kenya.

Safiirka Soomaaliya ee Kenya Danjire Maxamed Cali Nuur (Ameeriko) oo la hadlay Radio Muqdisho ayaa sheegay in wafdiga Madaxweynaha uu ka midyahay Wasiirka Arrimaha dibadda ee Soomaaliya Mudane Cabdiraxmaan Ducaale Beyle iyo mas’uuliyiin kale, waxaana uu safiirku tilmaamay in kulanka berri uu yahay mid Madaxda Afrika uu ku casuumay Madaxweynaha Kenya Uhuru Kenyatta.

“Shirka waxaa looga hadli doonaa la dagaallanka argagixisada iyo sida ay hogaamiyeyaasha Afrika uga qeyb qaadan lahaayeen sidii argagixisada looga cirib tiri lahaa guud ahaan Qaaradda Afrika, oo dhibaatooyin ku haya bulshada Qaaradda ku dhaqan” ayuu yiri Danjire Cali Ameeriko.

Danjiraha Soomaaliya ee Kenya ayaa xusay in Madaxweynaha iyo Wafdigiisa ay ka soo laabteen dalka Turkiga, halkaasi oo ay dhawaan kaga qeyb galeen xafladdii caleemo saarka Madaxweynaha Turkiga Recep Tayyip Erdoğan.

Muqdisho Siteembar 1, 2014 Muqdisho, September 01, 2014—Ra’iisul Wasaare-ku-xigeenka Xukuumadda Federaalka Soomaaliya, ahna wasiirka Diinta iyo Awqaafta Mudane Ridwaan Xirsi Maxamed oo shir guddoomiyey kulan aan caadi ahayn oo ay isugu yimaadeen gollaha Wasiirada Xukuumadda Federaalka Soomaaliya. Shirka ayaa maanta waxaa diiradda lagu saaray xaaladda amniga dalka Soomaaliya, waxaana sidoo kale lagu meel-mariyay hindise sharciyeedka xeerka Saxaafadda.

Wasiirka Warfaafinta Xukuumadda Federaalka Soomaaliya Mudane Mustaf Sheekh Cali “Dhuxulow” oo Saxaafadda la hadlay kulanka kadib ayaa sheegay golaha Wasiirradu in ay dood adag ka yeesheen xeerka Saxaafadda isla markaana ay si buuxda u meel-mariyeen.

“Waxaa maanta si-buuxda loo meel-mariyay hindise sharciyeedka cusub ee xeerka Saxaafadda, Sharcigan Saxaafadda ayaa ah mid casri ah, ahna sharci soo maray isbadallo badan oo si isku mid ah u ilaalin doona kuwa ka shaqeeya warbaahinta iyo dadka caadiga ahba, kaasoo Soomaaliya ka abuuri doona jawi warbaahineed oo xorr ah”. ayuu yiri Dhuxuloow oo dhanka kalana xusay in xoriyatul qawlku uu qayb asaasi ah ka yahay calaamadaha shacabka xorta ah, saxaafada xorta ahna ay laf dhabar u tahay xoriyatul qawlka.

Sidoo kale Wasiirka Warfaafinta ayaa sheegay Golaha Xukuumadda Federaalka Soomaaliya in ay warbixin ku aaddan ammaanka dalka ka dhegaysteen Wasiirka Ammaanka Qaranka Mudane Khaliif Axmed Ereg iyo Wasiirka Gaashaandhigga Mudane Maxamed Sheekh Xasan Xaamud, waxana ay wasiirradu sheegeen in ammaanka dalka uu si weyn u soo hagaagayo ka dib markii la qaaday tallaabooyin lagu adkaynayo ammaanka qaranka oo ay iska kaashadeen ciidamada ammanaka iyo shacabka Soomaaliyeed.

Ugu danbeyn, Wasiirka Warfaafinta Mudane Mustaf Sheekh Cali Dhuxulow ayaa tilmaamay in dowladda Soomaaliya ay ka walaacsan tahay in dalka uu soo gaaro cudurka halista ah ee Ebola kaas oo kumanaan dad ah ku dilay wadamo ku yaala galbeedka Afrika.

https://www.youtube.com/watch?v=PNbXKQBRl9Y

#Somalia: Mogadishu on Sunday August 31, 2014 Hawlgalkii laguu baab'iyey tuugadii argagixisada ee soo weerartay Godka Jilicoow ee ah Xarunta Nabadsugida Qaranka ayaa waxaa ku dhintay 3 askari, qof shacab ah iyo 6 kamid ah argagixisadii soo weerartay meeshaasoo aygoo laga warqabay inay soo qaadayaan weerar argagixiso ah.
https://www.youtube.com/watch?v=Kz3vM9pFzpc&feature=youtu.be

Muqdisho, 31August 2014 – Waxaa si lama filaan ah isku bedashay qeybo ka mid ah magaalada Muqdisho, iyadoona la maqlaayo rasaas iyo qaraxyo aad u xoogan oo warar dheeraad ah kasoo baxaayaan.

Warar aynu helayno waxay sheegayaan in rag ka mid ah Al-shabaab ay qaadeen weerar Ismiidaamin iyo Rasaas Fool ka fool ayna ku qaadeen Godka Jilacoow ee magaalada Muqdisho.

Ragaan ayaa ku labisnaa dareeska ciidamada dowladda Federaalka ee Soomaaliya, waxaana la sheegay in ay gudaha u galeen Xabsiga oo ah halka ugu weyn ee taliska Nabad sugidda Qaranka Soomaaliya.

Waxay xaaladda tahay mid kacsan, lama oga qasaaraha halkaasi ka dhashay, waxaana goobta ku qul qulaaya ciidamo ka mid ah DF islamarkaana gurmad ah.

Xabsigaasi waxaa ilaa hadda ka dhex dhacay ilaa 4 Qarax oo Ismiidaamin u muuqday, waxaana goobtaasi ku xiran rag ka mid ah Al-shabaab, mas’uuliyiin iyo Wariyaal.

Muqdisho, 31August 2014 –Wafdiga Wasiirada ahaa iyo Barre Hiiraale ayaa caawa fiidkii kulan la qaatay Ra’iisul Wasaaraha Xukuumadda Federaalka Soomaaliya mudane Cabdiwali Sheikh Axmed,  iyagoo warbixin ka siiyey heerarkii ay soo martay wada xaajoodkii lagu soo afmeerayey in si nabad ah lagu soo xareeyo ciidamadii ku sugnaa Goobweyn.

Ra’iisul Wasaaraha ayaa ku tilmaamay go’aanka Bare Hiiraale uu qaatay tilaabo wanaagsan iyo guul u soo hoyatay shacabka Soomaaliyeed guud ahaan, gaar ahaan dadka Jubooyinka oo colaado iyo khilaafyo ay ragaadiyeen.

” Waxa kaliya ee aan doonayno waa xaaladda oo dagta iyo dadka oo nabad ku wada noolaada. Waqtigii dagaalka waa uu dhammaaday,” ayuu yiri R/Wasaare Cabdiweli oo dhanka kale xusay in lagama maarmaan ay tahay in loo midoobo ka shaqaynta nabada iyo xalinta khilaafaadka.

Ugu dambeyn, Ra’iisul Wasaaraha Xukuumadda Federaalka Soomaaliya ayaa sheegay wadaxaa jood loo dhanyahay iyo wadahadal nabadeed in uu yahay wadada kaliya ee xal waara loogu heli karo khilaafkii u dhexeyay dadka dagan Jubbooyinka.

Hiiraan, 31August 2014 – yadoo howlgalka Badweynta Hindiya uu shalay ka bilowday gobolka Shabeellaha Hoose ayaa hadana maanta ciidamada XDS iyo kuwa AMISOM waxey la wareegeen deegaano ka tirsan G/Sh/Dhexe.

Wararka ayaa itaa ku daraya in Ciidanku ay saacadihii la soo dhaafay la wareegeen Tuulooyin dhowr ah oo ka tirsan gobolka Sh/Dhexe kuwaas oo horay Al shabaab u maamulayeen waxaana ka mid ah Tuulooyinka gacanka Ciidanka soo galay Garas Dhiin iyo Kanaalka Shiinaha .

Saraakiisha Ciidanka iyo maamulka Gobolkaas ayaa ujeedada howlgalka ku macneeeyay sidii ay gobolkaasi uga xoreyn lahaayeen maleeshiyaadka Alshabaab isla markaana ugu furi lahaayeen gobollada kale.

Howlgalka Badweynta Hindiya ayaa si dardar leh uga bilowday gobollada dalka kaasoo dalka looga xoreynayo malleeshiyaadka Alshabaab ee dhibaatada ku haya dadka Soomaaliyeed.

Mogadishu, 31August 2014 – Wasiirka Haweenka iyo xaquuqul insaanka Xukuumadda Soomaaaliya  Khadiijo  Maxamed Diiriye ayaa maanta Jamiciyada Suheyda oo ay wax kabartaan arday isugu jirta  agoon iyo kuwa danta yar ku wareejisay Maamulka Jimciyadaas 2bas oo lagu qaado ardayda, waxaana munaasabaddii wareejinta gaadiidkaasi uu goob joog ka ahaa Wasiir ku-xigeenka Awqaafta iyo Arrimaha Diinta Mudane Yuusuf Jimcaale Xeyle.

Marwo Khadiijo Maxamed  Diiriye oo lahadashay Warbaahinta ayaa sheegtay in labada bas ay ku wareejisay Maamulka Jimciyadda Suheyda uu yahay mid ay ugu talagashay in ardayda lagu qaado, maadaama ay tiro ahaan gaarayaan 8-boqol ee isugu jira agoonta iyo kuwa danta yar ee halkaasi wax ka barta, iyadoo kaalmadaasi uga mahadcelisay ganacsade Sheekh Axmed Cali Jimcaale.

Wasiirka Wasaaradda Haweenka iyo Xaquuqal insaanka ayaa waxa ay dhanka kale tabaaxday in Wasaaradda aysan ku ekaan doonin Gobalka Benaadir oo kaliya, balse ay garab taaganyihiin carruurta wax ka barata Goballada Dalka.

Kismayo, 31August 2014 – Dhadka ku nool gobollada Jubbooyinka ayaa si weyn usoo dhaweeyay dadaalada dib u heshiisiinta ah ee dowladda Federaalku ka waddo goboladaasi.

Qeybaha kala duwan ee bulshada ku nool magaalada Kismaayo oo la hadlay Radio Muqdisho ayaa muujiyay sida ay ula dhacsanyihiin dadaallada dowladu ay ku heshiisiineyso dhinacyadii isku hayay siyaasada Jubbooyinka.

Heshiiska ay dowladu dhex dhigtay Maamulka KMG ah iyo Barre Hiiraale ayeey ku tilmaameen talaabo hore loo qaaday, iyagoo xusay iney tani tahay markii ugu horeysay ee xal siyaasadeed oo dhab ah laga gaaro khilaafki Jubbooyinka.

Bulshada Kismaayo ayaa dowlada Federaalka uga mahadceliyay dadaalka dheeraadka ah oo ay ku bixisay heshiisiinta dhinacyadii isaga soo horjeeday Kismaayo, iyagoo uga baaqay dhinacyadana iney dhaqan geoliyaan heshiiskaasi.

Nabadoon Jaamac Cali oo ka mid ah waxgaradka Kismaayo ayaa Radio Muqdisho u sheegay in heshiiskani uu yahay mid taariikhi ah, isagoo ku amaanay dowladda dadaalka ay ku bixisay howsha nabadeynta Jubbooyinka.

Muqdisho, 31August 2014 –Wafdiga Wasiirada ahaa iyo Barre Hiiraale ayaa caawa fiidkii kulan la qaatay Ra’iisul Wasaaraha Xukuumadda Federaalka Soomaaliya mudane Cabdiwali Sheikh Axmed,  iyagoo warbixin ka siiyey heerarkii ay soo martay wada xaajoodkii lagu soo afmeerayey in si nabad ah lagu soo xareeyo ciidamadii ku sugnaa Goobweyn.

Ra’iisul Wasaaraha ayaa ku tilmaamay go’aanka Bare Hiiraale uu qaatay tilaabo wanaagsan iyo guul u soo hoyatay shacabka Soomaaliyeed guud ahaan, gaar ahaan dadka Jubooyinka oo colaado iyo khilaafyo ay ragaadiyeen.

” Waxa kaliya ee aan doonayno waa xaaladda oo dagta iyo dadka oo nabad ku wada noolaada. Waqtigii dagaalka waa uu dhammaaday,” ayuu yiri R/Wasaare Cabdiweli oo dhanka kale xusay in lagama maarmaan ay tahay in loo midoobo ka shaqaynta nabada iyo xalinta khilaafaadka.

Ugu dambeyn, Ra’iisul Wasaaraha Xukuumadda Federaalka Soomaaliya ayaa sheegay wadaxaa jood loo dhanyahay iyo wadahadal nabadeed in uu yahay wadada kaliya ee xal waara loogu heli karo khilaafkii u dhexeyay dadka dagan Jubbooyinka.


Mogadishu, 30 August 2014 – Wasiirka Warfaafinta Mudane Mustafa Sheikh Ali Dhuhulow oo maanta Muqdisho kula hadlayey warbaahinta ayaa siiyey warbixinta horumarka Dowladda ee usbuucii la soo dhaafay. Wasiirka ayaa ka hadlay arrimo ay ka mid yihiin; Maxkamad la saaray kooxaha argagaxisada ah, wadahadalka Dowladda iyo Maamulka Jubba, dhameystirka Guddiga Farsamo ee maamul u sameynta Gobollada Dhexe, Booqashada Wasiirka Gaadiidka ee Beledweyn, Ardey Jaamicadda Soomaaliya ka qalinjabisey, Hindise Sharciyeedka Waxbarashada, Ardey loo qaaday tababar Leyli-Sarkaal ah, Horumarka Warbaahinta Dalka, Arrimaha Xaquuqda Haweenka, iyo Abaaraha Dalka ka jira.

Wasiirka Warfaafinta ayaa ku bilaabay maxkamad la saaray kooxaha argagaxisada ayaa yiri “Maxkamadda Ciidamada Qalabka-Sida ayaa 25kii August 2014 ku xukuntay dil toogasho ah labo ka tirsan maleeshiyaadka Argagaxisada Al Shabaab oo ka dambeeyay dilal loo geystay muwaadiniin Soomaaliyeed oo ay ka mid ahaayeen Wariye Maxamed Maxamuud Timacade oo ka tirsanaa shaqaalaha Universal TV, iyo Cawil Xasan Maxamuud oo ka mid ahaa Ciidanka nabad sugida. Labadan maleeshiyaadka ayaa qirtay dilka Wariye Tima Cadde. Afhayeenka Maxkamada Darajada Ciidamada C/laahi Muuse Keyse ayaa ku dhawaaqay xukunka isagoo sheegay in maxkamadda dabagal iyo xaqiijin ay ku sameysay kiiskani iyo qiraal ay sameeyeen maleeshiyaadkani ay u cadaatay dambiyada lagu soo eedeeyay in ay galeen islamarkaana maxkamadu ay ku xukuntay xukun dil. Dowladda Federaalka ayaa in muddo ahba waday dadaal lagu soo qabqabanayo kooxaha argagaxisada ah ee dilka u geysta shacabka, tanoo suurtogelisay in magaalada Muqdisho ay noqoto goob amni ah oo kooxihii nabad-diidka ah ay gabad ku jiraan.”

Wasiirka Warfaafinta oo ka hadlayey wadahadalka Dowladda Federaalka iyo Maamulka Jubba ayaa yiri “Wasiirka Arrimaha Gudaha & Federaalka iyo Wasiirka Maaliyadda ayaa 25kii August gaaray Kismayo si Dowladda Federaalka iyo Maamulka Jubba ay uga wadatashtaan dar-dargelinta heshiiskii Addis Ababa ee bishii August 2013. Wasiirka Garsoorka iyo Arrimaha Dastuurka ayaa isna ku biirey wefdiga Dowladda 26kii August. Wafdiga Dowladda Federaalka ayaa ku guuleystay in Maamulka Jubba iyo kooxaha ku sugnaa bannaanka Kismaayo ee uu hoggaamiyo Col Barre Hiiraale la wada hadalsiiyo oo 27kii August 2014 ayey Wasiirka Arrimaha Gudaha iyo Federaalka Mudane Cabdullaahi Goodax Barre, Wasiirka Maaliyada Xuseen Cabdi Xalane, iyo Wasiirka Garsoorka iyo Arrimaha Dastuurka Faarax Sheekh Cabdulqaadir gaareen Deegaanka Goobweyn oo 30 km dhanka Waqooyi ka xigta magaalada kismaayo. Wafdiga ayaa waxaa kale oo wehelinayay xubno ka socda Ururka IGAD iyo AMISOM, waxaana markii ay gaareen Deegaanka Goobweyn ay kulamo la qaateen Barre Aadan Shire (Hiirale) oo Halkaas ku sugan, kana wada hadleen sidii Ciidamada Goobweyn jooga loo keeni lahaa Kismaayo isla markaana looga Wada qeyb qaadan lahaa Qabsoomida shirka nabadaynta Jubooyinka oo 21ka September lagu wado inuu ka dhaco Kismayo. Dowladda Federaalka iyadoo kaashaneysa IGAD ayaa waxey dooneysaa in la dhameystiro heshiiskii Addis Ababa oo qodobo ka mid ah ay ka mid ahaayeen dib u heshiisiin la dhexdhigo dadka deegaanka Jubbooyinka iyo Gedo, si maamulka Jubba uu u noqdo mid ay ka wada qeybgalaan dhammaan qeybaha bulshada ee deegaanadaas.”

Wasiirka Warfaafinta oo ka hadlayey dhameystirka Guddiga Farsamo ee maamul u sameynta Gobollada Dhexe ayaa yiri “Wasaaradda Arrimaha Gudaha & Federaalka ayaa soo bandhigtay magacyada Guddiga Farsamada oo ka kooban 27 qof ee loo xilsaaray qabanqaabada shirweyne lagu soo dhisayo maamulka Gobolada Dhexe. Dowladda Federaalka oo beryahan waday wadatashiyo ayaa ku guuleysatay magacaabista Guddigan Farsamo oo la doonayo inay isu keenaan dhammaan qeybaha kala duwan ee bulshada ku dhaqan deegaanada isku afgartay in ay sameystaan Maamul KMG ah oo qeyb ka noqda Maamul Goboleedyada dalka. Dowladda Federaalku waa ka go’antahay in nidaamka qabanqaabada iyo dhismaha maamulkan uu noqdo mid ku waafaqsan dastuurka isla markaana ay dhammaan qeybaha bulshada ka wada qeybgalaan si maamulka la dhisayo uu u noqdo mid matalaya bulshada deegaanka.”

Wasiirka Warfaafinta oo ka hadlayey booqasho uu Wasiirka Gaadiidka ku tegey Beledweyn ayaa yiri “Wasiirka Wasaaradda Gaadiidka Cirka & Dhulka Mudane Siciid Jaamac (Qorsheel) iyo wafdi uu hoggaaminayo ayaa 26kii August 2014 booqdey, garoonka diyaaradaha Beladweyn ee xarunta Gobolka Hiiraan, si ay u soo eegaan xaaladda garoonka oo la doonayo in dayactir lagu sameeyo. Wefdiga ayaa booqdey, xarunta Taargooyinka iyo Leysimada, garoonka diyaaradaha iyo Xerada Lama-galaay ee Beladweyn. Guddoomiyaha Gobolka Hiiraan, Mudane Cabdi-fataax Xasan Afrax, ayaa uga mahadceliyey wasiirka booqashadooda, xusayna in Wasiirka iyo Injineerrada la socday ay bilaabeen qiimeyn lagu sameynayo garoonka Ugaas Khaliif ee Beladweyn si loo ballaariyo, isla markaana dib u dhis casri ah loogu sameeyo. Wasiirka Gaadiidka Mudane Saciid Jaamac Cali (Qoorsheel) ayaa tilmaamay in booqashadooda Baladweyne ay tahay in ay dardargeliyaan horumarrada ka socda magaalada Baladweyne gaar ahaan garoonka diyaaraha, Xarunta laga qaato Taargooyinka iyo Leysimada iyo adeegyada kale ee ay Bulshadu u baahan yihiin. Wasiirka Gaadiidka, ayaa tilmaamay in dhowaan magaalada Muqdisho tababar loo geyn doono Shaqaale loogu talagalay in loo tababaro Saadaashada Hawada iyo maamulka Garoonka Ugaas Khaliif ee magaalada Beladweyn, waxa uuna dhanka kale ballan qaadey in uu xoojin doono dhammeystirka iyo qalabeynta xafiisyada ay wasaaradda Gaadiidka Soomaaliya ku leedahay magaalada Beladweyn.”

Wasiirka Warfaafinta oo ka hadlayey Ardey Jaamicadda Soomaaliya ka qalinjabisey ayaa yiri “Ku-Simaha Madaxweynaha ahna Guddoomiyaha Baarlamaanka Mudane Maxamed Sheekh Cismaan Jawaari ayaa 27kii August 2014 ka qeybgalay Munaasabad ay ku qalinjabinayeen in ka badan 574 arday oo dhameysay Kuliyadaha Caafimaadka, Waxbarashada, Cilmiga Bulshada, Ganacsiga, Maamulka, Injineeriya, iyo Cilmiga Computer-ka ee Jaamacadda Soomaaliya. Munaasabadda oo ay goob joog ka ahaayeen Wasiiro, Ururka Dhaqaatiirta Soomaaliyeed, Aqoonyahano, Maamulka Jaamicadda, Waalidiin, arday iyo marti sharaf kale oo goobta lagu casuumay. Wasiirka Hidaha iyo Tacliinta Sare Mudane Ducaale Aadan Maxamad ayaa sheegay inay lagama maarmaan tahay in fursado shaqo loo abuuro dhamaan ardayda ka soo aflaxday jaamacadaha dalka. Ku Simaha Madaxweynaha Ahna Guddoomiyaha Baarlamaanka ayaa ugu baaqay ardeyga qalinjabineysey inay aqoonta ay soo barteen ay dalka ugu adeegaan, isagoona ku ammaanay dhabar adeegii ay wax ku soo barteen.”

Wasiirka Warfaafinta oo ka hadlayey Hindise Sharciyeedka Waxbarashada ayaa yiri “Golaha Wasiiradda ayaa 28kii August 2014 meel mariyey Hindise Sharciyeedka Waxbarashada Qaranka oo dhowaan loo gudbin doono Golaha Baarlamaanka. Hindise Sharciyeedkan ayaa wax weyn ka tari doona dar-dargelinta tayeynta waxbarashada dalka isla markaana kaalin weyn ka qaadan doona siyaasadda guud ee waxbarashada dalka. Dowladda Federaalka waxey mudnaan gaar ah siineysaa waxbarashada oo ah furaha aqoonta iyo horumarka.”

Wasiirka Warfaafinta oo ka hadlayey Ardey tababar Leyli Sarkaal loogu qaaday Sudan ayaa yiri “50 qof oo dhameysatay Jaamicadaha dalka iyo 100 dhameysatay waxbarasho heer Dugsi Sare ah ayaa loo qaaday Dalka Sudan 24kii August si ay ugu soo qaataan tababar Leyli Sarkaal ah oo ay uga mid noqonayaan ciidamada Qalabka Sida. Ujeedada tababarkan Leyli Sarkaal-ka ayaa ah in sare loo qaado aqoonta ciidanka XDS oo wax weyn ka tari doona dib u habeynta lagu wado tayada iyo tirada ciidamada XDS. Ciidankan Leyli Srkaalka ah ayaa lagu wadaa inay noqdaan Saraakiil qeybaha kala duwan ee ciidamada. Dowladda ayaa in muddo ahba waday sidii ciidanka ay u heli lahaayeen tababaro kor loogu qaado aqoontooda iyo xirfadahooda ciidanka si marka ay howlgalayaan ay u dhaqmaan nidaam kalsooni siin kara shacabka Soomaaliyeed.”

Wasiirka Warfaafinta oo ka hadlayey horumarka Warbaahinta Dalka ayaa yiri “24kii August ayaa 30 suxufiyiin Soomaaliyeed oo ka kala socda Warbaahinta Qaranka iyo mida sida gaarka loo leeyahay ka furmay Muqdisho oo lagu kobcinayey aqoonta iyo xirfadda suxufiyiinta Soomaaliyeed. Xoghayaha Guud ee Ururka Suxufiyiinta Qaranka Soomaaliyeed Mudane Maxamed Ibrahim (Pakistan) iyo mas’uuliyiin ka socotay Hay’adda Horumarinta Saxaafadda ee Dalka Finland ayaa goob joog ka ahaa tabarkan. Wasaaradda Warfaafinta ayaa in muddo ahba ku howlaneyd sidii loo heli lahaa suxufiyiin aqoon fiican u leh howlaha warbaahinta si tayada warbaahinta Soomaaliya ay u noqoto mid la jaanqaadi karta tan caalamka. Wasaaradda Warfaafinta wey ka go’antahay sidii loo joogteyn lahaa tababarada suxufiyiinta Soomaaliyeed si loo dar-dargeliyo horumarka Warbaahinta Dalka.”

Wasiirka Warfaafinta oo ka hadlayey Arrimaha Xaquuqda Haweenka ayaa yiri “Wasiirka Wasaaradda Haweenka iyo Horumarinta Xaquuqul Insaanka ayaa 26kii August kulan Muqdisho kula yeelatay Wafdi uu hogaaminayo Ku-xigeenka Ergeyga Gaarka ah ee Qaramada Midoobay u qaabilsan Soomaaliya ee dhanka beni’aadanimada Philip Lazarani. Labada mas’uul ayaa ka wada hadlay sidii Qaramada Midoobay ay Wasaaradda Haweenka gacan uga siin lahaayeen Shir dhawaan Muqdisho ka dhici doono, loogana hadlayo arrimo ku saabsan ka hortaga xadgudubyada ka dhanka ah Haweenka. Kulanka ayaa marki uu soo gabo gaboobay kadib waxaa saxaafadda si wada jir ah ula hadlay Wasiirka Wasaarada Haweenka Marwo Khadiijo Maxamed Diiriye iyo Philip lazarani, iyagoo sheegay in ay isla meel dhigeen dhowridda Xaquuqul Insaanka iyo in laga hortago Xadgudubyada ka dhanka ah Haweenka iyo wadashaqeynta Wasaaradda iyo QM oo Haweenka u heli lahaayeen door dhanka siyaasadda, amniga, iyo horumarka dalka.”

Wasiirka Warfaafinta oo ugu danbeyntii ka hadlayey Abaaraha Dalka ka jira ayaa yiri “Wasiirka Beeraha Mudane Cabdi Axmed Baafo ayaa 28kii August sheegay in Guddiga heerka Wasiir ee Abaaraha ay booqashooyin ugu kuurgalayeen xaaladaha deegaanada ay sida daran u saameeyeen abaaruhu ku tageen degmada Dolow ee Gobolka Gedo iyo degmada Xudur ee Gobolka Bakool, isla markaana ay ku soo arkeen xaalado bani’aadamnimo oo u baahan gurmad deg deg ah. Wasiirka Beeraha ayaa sheegay inay u suuragashay safarkii ugu horeeyay oo gobollada Gedo iyo Bakool inay gaarsiiyeen saddex boqol oo tan (300) oo raashin ah oo loogu talagalay degmooyinka go’doonka ku jira, waxaana raashinkaas galbiyay Ciidanka Xogga Dalka Soomaaliyeed. Sidoo kale guddiga ayaa u mahadceliyay Madaxweynaha Jamhuuriyadda Jabuuti Mudane Ismaaciil Cumar Gelle oo gurmad ugu deeqay dadka ku dhibaataysan degmada Buulo-burde oo kamid ah goobaha ay ka jiraan abaaruhu. Dowladda Federaalka ayaa markale ugu baaqeysa Soomaalida iyo caalamkaba inay gurmad deg-deg ah la soo gaaraan dadka ay abaarahu sid ba’an u saameeyeen.

Mogadishu, 30 August 2014 – Ciimada  qalabka sida Soomaaliya  iyo kuwa AMISOM ee ku  sugan gobalka Shabeelaha hoose ayaa  guluf dagaal  ka  wada deegano iyo degmooyin ka tirsan gobalkaasi  oo ay ku sugan yahiin maleeshiyada Al-shabaab .islamarkaasina  ciimada ay kula wareegeen deeganka Golwayn  oo   kaabiga ku hayso  deeganka Buulo-mareer  oo haadan ciimada ay  ku wajahan yihiin.

Guddoomiyaha  gobalka Shabeelaha hoose  Cabdiqaadir Maxamed  Nuur Sidii  oo la hadlay  Radiomuqdisho  codka jamhuurida Soomaaliya  ayaa sheegay in howlgalka loogu magacdaray Baddweynta Hindiya waxaa uu bilowday xalay kaas oo u jeedkiisu yahay in Al-shabaab lag saaro deegaanada ay kaga sugan yihiin gobolka Shabeelaha Hoose.

“Hadda waxaan ku wajahannahaya Buulo-mareer oo kamid ah goobaha ay maleeshiyaadka Al-shabaab ku dhibaateyaan shacabka Soomaaliyeed” ayuu yiri Sidii

Howgalkani oo loogu magaca daray Baddweynta Hindiya ayaa waxaa uu ka socodaa meelaha Al-shabaab ay ku dhuumaalaysanayaan oo ka tirsan gobolada dalka, waaana wajigii labaad ee howlgalka Al-shabaab looga saaraayo guud ahaan dalka oo dhan.

Mogadishu, 30 August 2014 – Tartanka Cayaaraha degmooyinka gobolka Banaadir, ayaa maanta lagu soo gabagabeeyey garoonka Koonis ee magaalada Muqdisho, iyadoo  cayaarta Final-ka ay wada ciyaareen degmooyinka X/weyne iyo Waaberi, waxaana ka qeyb-galay Wasiirka ku xigeenka Ciyaaraha iyo Dhallinyarada ee Xukuumadda Soomaaliya guddoomiyaha gobolka Banaadir iyo guddoomiyeyaasha 17-ka degmo ee gobolkan.

Cayaartan ayaa waxaa ka sidoo  kale  ka qeyb-galay kumanaan shacabka reer Muqdisho oo maalmahanba aad ula socday tartanka degmooyinka ee kubudda Cagta, sidoo kale taageerayaasha ayaa ka yimid gobollada Shabeellada Dhexe iyo Shabeellada Hoose, ciyaartii galabta waxaa ay aheyd ciyaar aad u xiiso badan, iyadoo taageerayaasha degmooyinka X/weyne iyo Waaberi ay si aad ah xiiso gaar ah ugu yeeleen ciyaarta.

Ciyaarta ayaa la daah-furay, waxaan qeybtii koobaad ciyaar ahaan ay aheyd mid labada dhinac weerar iyo weerar celis, hasa yeeshee, Ciyaartoyda degmada X/weyne oo aad dadaal dheeri ah u muujiyey, ayaa helay fursado qaali, kana faa’ideystay, iyagoo laba Gool (2: Xweyne 0:Waaberi)  la helay Shabaqa kooxda degmada Waaberi, sidaasta ugu  guuleystay tartankii todobaadyadan socday ee degmooyinka gobolka Banaadir.

Munaasibad kooban oo Kooxda degmada X/weyne lagu guddoonsiinayey Koobta tartanka ayaa lagu qabtay isla garoonka Koonis ee magaalada Muqdisho, guddoomiyaha gobolka Banaadir, ahna duqda Muqdisho, Mudane Xasan Maxamed Xuseen (Muungaab) ayaa ku sugnaa madasha, iyadoo wasiir ku xigeenka Sports-ka ee Xukuumadda Federaalka Soomaaliya uu ugu hambalyeeyey Ciyaartoyda degmada X/weyne guusha ay gaareen, isagoo kuwa degmada Waaberina ku ammaanay dadaalka ay muujiyeen inta tartanka uu socdey.

Guddoomiyaha gobolka Banaadir ahna Duqa magaalada Muqdisho, Mudane Xasan Maxamed Xuseen (Muungaab), ayaa haddal kooban jeediyey waxa uu yiri “gobolka Banaadir guul weyn ayeey u tahay in tartankii degmooyinka uu ku soo dhammaado sidii loo qorsheeyey, arrintan ayaa looga gol lahaa isdhexgalka Bulshada Soomaaliyeed, waana sii wadi doonnaa, waxaana uga mahadcelinayaa dhammaan intii gacanta ka geysatay intii uu socdey tartankan, maamulka gobolka Banaadir aad ayuu u dhiiragelinayaa Sports-ka ”.

Ciyaartoyda, maamulka degmada, iyo taageerayaashooda ayaa u dabaal-dagayey guusha ay ka gaareen tartankii ciyaaraha degmooyinka, waxaana tartankan uu yahay mid sannad walba ka dhacay gobolka Banaadir.

Mogadishu, 30 August 2014 – Wasiirka Gaadiidka iyo Duulista Hawada, ayaa maanta lagu wareejiyey Gaadiid Dab-damis ah, kaas oo uu ku deeqeen Xafiiska Taakuleynta AMISOM ee Q.M.

Gaadiidkan, Dam,demiska ah ee uu ku deeqay Xafiiska Caawimaadda ee AMISOM, ayaa loogu tala-galay in la gaarsiiyo gobollada dalka, si loogu adeeggo Bulshada Soomaaliyeed ee halkaas ku nool, gaar ahaan waqtigayada ay dhacaan musiibooyinka dabiiciga ah ama marka uu si lama filaan ah u kaco dab.

Wasiirka Gaadiidka iyo Duulista Hawada ee Soomaaliya, Mudane Saciid Jaamac Cali (Qoorsheel), ayaa gaadiidkaasi oo tiradiisa gaareyso 10 kala wareegay masuuliyiin ka socotay Xafiiska Caawimaadda AMISOM.

Amadu Kamara oo ah agaasimaha xafiiska taakuleynta AMISOM, ayaa sheegay in u jeedada gaadiidkan loo keenay ay tahay in Bulshada adeegyadooda la dhameystiro oo dowladda Soomaaliyeed arrintaasi gacan laga siiyo, waxa uu intaa sii raaciyey in ay sii wadi doonaan dadaallada ay shacabka Soomaaliyeed ku taageerayaan.

Wasiirka Gaadiidka iyo Duulista Hawada ee Xukuumadda Soomaaliya, Mudane Saciid Jaamac Cali (Qoorsheel), ayaa dhankiisa uga mahadceliyey deeqdan gaadiidka ee muhiimka u ah dadka iyo dadlka, waxa uuna ballan qaaday in loogu adeegi doono shacabka Soomaaliyeed ee u baahan adeeggaasi.


Muqdisho, August 29, 2014 Dowladda Soomaaliya oo si diiran u soo dhaysay Madaxweynaha Maamulka Khaatumo Mudane Dr. Cali Khalif Galayr kaasoo si rasmi ah loogu dhaariyey xilka Madaxweynenimadda Maamulka Khaatumo. Dowladda Soomaaliya waxay u digaysaa Maamulka Somaliland Iyo Maamulka Puntland inay si deg deg ah u joojiyaan ku dul-tumashadda shacabka Maamulka Khaatumo kuwaasoo si sharciga waafaqsan u buuxiyey sharuudaha dhisida Maamul Gobaleedkooda sida uu qabo dastuurka fadaraalka ee Jamhuuriyadda Soomaaliya.

Muqdisho, August 29, 2014  Wakiilka Gaarka ah ee Dowladda Mareykanka u Qaabilsan Soomaaliya, Ergayga Gaarka ah ee Xogahayaha Guud ee Qaramada Midoobay u Qaabilsan Soomaaliya iyo Safiirka Midowga Yurub ee Soomaaliya ayaa ka Codsaday dhammaan Ciidamada Hubaysan in ay ka Baxaan Saaxdheer ee gobolka Sool

Wakiilka dowladda Mareykanka u qaabilsan Soomaaliya James P. McAnulty, Ergayga gaarka ee Qaramada Midoobay u qaabilsan Soomaaliya Nicholas Kay iyo Safiirka Midowga Yurub u qaabilsan Soomaaliya Michel Cervoned'Urso ayaa walaac weyn ka muujiyey ciidamada hubaysan ee la geeyey Saaxdheer gobolka Sool iyo khilaafka ka dhashay.

“Waxaan ku baaqeynaa in si degdeg ah dib looga saaro ciidamada hubaysan Saaxdheer, iyo in si degdeg ah loo sii daayo maxaabiista la haysto. Waxaan ku boorineynaa dhammaan qaybaha in ay ka waantoobaan rabshado iyo in ay sameeyaan dedaal wadajir ah si loo dajiyo, looguna xalliyo khilaafka nidaam wadahadal oo nabadeed. Dhammaan qaybaha waa in ay si degdeg ah u sameeyaan dedaalo muujinayo doonis dhab oo ku aadan abuuritaanka xaalad muhiim u ah daganaansho waarto oo ka dhacda gobolka.”

Wakiilka gaarka ah ee dowladda Mareykanka, Ergayga gaarka ah ee Qaramada Midoobay iyo safiirka Midowga Yurub waxa ay ku boorinayaan maamulka Soomaaliland iyo dadka dagan gobolka xaaladahaan ay saameysay in ay isku howlaan waddo nabadeed oo wax dhisaysa si qaab wadajir ah meesha looga saaro khilaafka. Waxay muujinayaan sida ay uga go’an tahay in ay gacan ka siiyaan dhammaan qaybaha in ay raadiyaan xeer-jajab iyo in laga shaqeeyo nabad iyo daganaansho waarta oo ka hirgasha gobolka.

Muqdisho, August 29, 2014 Guddoomiyaha gobolka Banaadir ahna duqa Muqdisho ayaa ka qeyb galay xaflad xarigga looga jarayay Idaacad ku hadasha codka maamulka Gobolka Banaadir.

Xafladii firitaanka Idaacada cusub ee maamulka gobolka Banaadir ka hirgeliyay Muqdisho oo xalay lagu qabtay xarunta maamulka gobolka,  ayaa waxaa ka qeybgalay mudanayaal ka tirsan Baarlamanka iyo Marti sharaf kale.

Gudoomiyaha gobolka Banaadir ahna duqa magaalada Muqdisho oo munaasabadi xalay ka hadlay ayaa sheegay in ujeedada loo furay Idaacada ay tahay iney ka qeyb qaadato wacyigelinta bulshada, nabadgelyada iyo horumarka bulshada gobolka Banaadir.

Muungaab ayaa ku boorriyay hoelwdeennada Idaacadda iney muujiyaan howlkarnimo iyo wadaniyad, isagoo ka hadlay muhiimada ay idaacadani u leedahay maamulka iyo bulshaweynta ku dhaqan gobolka Banaadir.

Idacadan oo ku shaqeyneysa Mowjada FM-ka ayaa ku hadli doonta codka maamulka G/Banaadir, iyadoo baahin doonta barnaamijyo iyo warar ka tarjumaya wax qabadka maamulka gobolka Banaadi

Turkey, August 29, 2014 Dalka Turkiga waxaa ku sugan wafdi dowladda Soomaaliya ka socda waxaana ka mid ah wasiirka gaashandhigga xukuumadda Soomaaliya, Jeneraal Maxamed Sheekh Xasan Xaamuud,

Wasiirka gaashandhigga ayaa kulamo gaar-gaar ah la yeeshay saraakiisha ciidamada dalkaas oo uu ku jirro dhiggiisa dalkaas Cizmaad Yalmiz, waxaana uu ka warbixiyay wax yaabaha u qabsoomay tan iyo markii uu yimid Turkiga

Wasiirka ayaa ugu horeyn sheegay in isaga iyo dhiggiisa dalka Turkiga ay kala saxiixdeen heshiis dowladda Turkiga ay uga qeyb qaadaneyso dhismaha iyo tayeenta ciidanka dhulka, badda iyo cirka ee Soomaaliya.

Wuxuu sheegay oo kale in Turkiga oo ka mid ah waddamada Yurub in ay ballan qaadeyn siddii ay door uga qaadan lahaayeen ciidan xooggan oo Soomaaliya loo dhiso.

Waxaa la weydiiyay in ay jiraan ciidamo xilligan Soomaaliya loogu tabbabaraayo dalka Turkiga, wuxuu sheegay in aysan jirin wax ciidan ah oo imminka Soomaaliya loogu tabbabaarayo Turkiga balse ay horrey u jireen arday wax bartay oo la baraay ciidamada cirka iyo badda.

Waxaa la weydiiyay oo kale in ay jirin qalab culus oo ciidan oo Turkiga uu siiyay Soomaaliya, wuxuu xusay in aysan inaba jirin wax qalab ah oo Turkiga ay ka heleen isagoona intaas ku daray in Soomaaliya uu saaran yahay cunaqabateyn dhinaca hubka ah marka laga reebo in loo oggolaaday in ay soo iibsadaan hub yer-yer.

Ugu dambeyn waxaa la weydiiyay wasiirka gaashandhigga oo wareysi sii yay Idaacadda VOA-da in uu ka warbixiyo gulufka dagaalka ee dowladda ay ku dhawaaqday kaasoo la rabo in dalka looga xorreeyo Al-Shabaab.

Wuxuu sheegay in wax guluf dagaal la dhaho oo cusub aaney jirin balse howlaha hadda socday ay yihiin kuwa horrey u socday isla markaana dib loo saxayo qaladaadkii dhacay wajigii hore ee dagaalka Shabaab.

Wasiirka waxaa kaloo uu sheegay inta Shabaab uu jirro in dagaalka dowladda ay kula jirto uu socon doono.

Muqdisho, August 28, 2014 Ku-simaha Ra’iisul Wasaaraha ahna Ra’iisul Wasaare-ku-xigeenka  Xukuumadda Federaalka Soomaaliya Mudane Ridwaan Xersi Maxamed  ayaa maanta  shir guddoomiyey kulanka caadiga ah ee Golaha Wasiirada Xukuumadda Federaalka Soomaaliya, waxaana shirka lagu meel mariyay sharciga Waxbarashada Qaranka, waxana sidoo kale warbixin looga dhagaystay guddiga gurmadka abaaraha.

Gabagabadii kulanka kaddib, ayaa waxaa warbaahinta la hadlay Afhayeenka Xukuumadda Ridwaan Xaaji Cabdiweli, isaga oo xusay in goluhu ay ka doodeen qodobo dhowr ah oo ay ugu horeysay sharciga Warbaahinta iyo Waxbarashada, waxaana  falanqeyn dheer kadib si buuxda loo meel mariyay sharciga Waxbarashada Qaranka.

Wasiirka Beeraha Mudane Cabdi Axmed Baafo oo dhankiisa Warbaahinta la hadlay ayaa sheegay booqashooyin loogu kuurgalayo xaaladaha deegaanada  ay sida daran u saameeyeen abaaruhu in ay booqdeen, isla markaana ay kusoo arkeen xaalado bani’aadamnimo oo u baahan gurmad deg deg ah.

“Waxaa noosuuragalay safarkii ugu horeeyay oo  gobollada Gedo iyo Bakool ugu ambabixinay  saddex boqol oo tan (300)  oo loogu talagalay degmooyinka go’doonka ku jira, labada beri oo soo socotana waa ay gaari doonaan, waxaana raashinkaas galbiyay Ciidanka Xogga dalka Soomaaliyeed, guddigu wuxuu sidoo kale booqday gobollada Bakool iyo Gedo gaar ahaan  degmooyinka Xudur iyo Doolow” ayuu yiri Wasiir Baafo.

Sidoo kale guddiga ayaa u mahadceliyay  Madaxweynaha Jamhuuriyadda Jabuuti Mudane Ismaaciil Cumar Gelle oo gurmad ugu deeqay dadka ku dhibaataysan degmada Buulo-burde oo kamid ah goobaha ay ka jiraan abaaruhu.

Ugu danbeyn, Shirka ayaa looga dooday  Hindisa-sharciyeedka Saxaafadda kaasoo ah mid waa cusub u billaabaya saxaafadda Soomaaliya, siinayana xorriyad aan wali soo marin, isla markaana qeexaya xuquuqda iyo masuuliyaadka ka saaran dalka iyo bulshada ay warka u gudbinayaan.

Muqdisho, August 28, 2014  Guddoomiyaha  guddiga gurmadka Abaaraha ee Xukuumadda ahna Wasiirka Beeraha Soomaaliya Mudane Cabdi Axmed Baafo ayaa sheegay isaga oo ka hadlay shir  Shir jaraa’id oo uu ku qabtay magaalada Muqdisho  in ay weli taagan tahay xaaladda abaaraha gobollo ilaa Lix gaaraya ee dalkeena Soomaaliya, waxa uuna carabka ku dhuftay in Biyo dhaamin xoog leh in ay ka socoto deegaanno ka tirsan gobolka Gedo.

Sidoo kale Wasiirka  Beeraha Soomaaliya ahna guddoomiyaha guddiga gurmadka Abaaraha Xukuumadda Soomaaliya ayaa  tilmaamay Xukuumadda Soomaaliya ay 300 oo tan oo gargaar ay u qaadey gobollada ay abaaraha ka jiraan, welina ay socon doonaan  gurmadka, isagoo tilaamay in taasi loo baahanyahay in ay ka qeyb-qaataan dhammaan shacabka Soomaaliyeed ee gudaha iyo dibedda ku nool.

Dhinaca kale Wasiir ku xigeen Qorsheyntna iyo Iskaashiga Caalamiga ah, kana tirsan guddiga gurmadka Abaaraha, Mudane Cabdullaahi  Sheekh Cali Qaloocow ayaa  uga mahadceliyey Madaxweynaha Jamhuuriyadda aynu walaalaha nahay ee Jabuuti oo uu sheegay in ay bilaabeen gurmad la gaarsiinayo magaalada Buulo-burde, gaar ahaan ciidamamda Hiil Walaal ee gobolka Hiiraan ku sugan, dhinaca kale waxa uu farriin u diray hey’adaha samafalka ee aan weli ka qeyb-gelin gurmad u fidinta dadka ay abaaruhu saameeyeen.

Lix gobol ayey aad u saameeyeen, iyadoo ay bilowdeen xaalado adag oo ah in ay Biyo la’aan u geeriyoodaan Xoolo ku sugan gobolladaasi, balse gurmadka abaaraha oo socda ay lagama maaraan tahay in Umadda Soomaaliyeed ay u istaagto sidii arrintaasi looga wada qeyb-geli lahaa, si dalka looga badbaadiyo abaartii dhacday sannadkii 2011-ka oo kale.

Dowladda Soomaaliya's photo.
Dowladda Soomaaliya's photo.
Dowladda Soomaaliya's photo.
Dowladda Soomaaliya's photo.












Ankara Agoosto 27, 2014 Madaxdweynaha Dowladda Soomaaliya Mudane Xassan Shiikh Maxamuud Iyo wafdigiisa oo lagu soo dhaweeyey Ankara meeshaasoo ay uga qaybgalayaan caleema-saarka Madaxweynaha cusub Mudane Dayib Ardogan.

Beledweyne Agoosto 27, 2014 TWefdi uu hoggaaminayo wasiirka Gaadiidka, Duulista iyo Hawada Xukuumadda Soomaaliya, ayaa maanta booqdey, garoonka diyaaradaha magaalada Baladweyne ee xarunta  gobolka Hiiraan, si ay u soo eegaan xaaladda garoonka oo la doonayo in dib u dayactir lagu sameeyo.

Wefdiga uu hoggaaminayo wasiirka Gaadiidka, Duulista iyo Hawada Soomaaliya, Mudane Saciid Jaamac Cali (Qoorsheel),  ayaa waxaa garoonka Ugaas Khaliifa ku soo dhoweeyey  guddoomiyaha gobolka Hiiraan, Cabdi-fataax Xasan Afrax iyo masuuliyiin kale oo ka tirsan gobolka Hiiraan, wefdiga ayaa booqdey, xarunta Taargooyinka iyo Leysimada, garoonka diyaaraha iyo Xerada Lama-galaay ee magaalada Baladweyne.

Booqashadaas kaddib ayaa waxaa warbaahinta la  hadlay guddoomiyaha gobolka Hiiraan, Mudane Cabdi-fataax Xasan Afrax, waxa uuna uga mahadceliyey wasiirka yo wefdiga la socda booqashada ay Baladweyne ku yimaadeen, isagoo sidoo kale xusay in wasiirka iyo Injineerrada la socday ay bilaabeen qiimeyn  lagu sameynayo garoonka Ugaas Khaliifa ee magaalada Baladweyne si loo ballaariyo, isla markaana dib u dhis casri ah loogu sameeyo.

Dhinaca kale Wasiirka, Gaadiidka, Duulista iyo Hawada Xukuumadda Federaalka Soomaaliya, Mudane  Saciid Jaamac Cali (Qoorsheel) ayaa  tilmaamay  in booqashadooda Baladweyne ay tahay in ay dardargeliyaan horumarrada ka socda magaalada Baladweyne gaar ahaan garoonka diyaaraha, Xarunta laga qaato Taargooyinka iyo Leysimada iyo adeegyada kale  ee ay Bulshadu u baahan yihiin.

Wasiirka Gaadiidka, ayaa tilmaamay in dhowaan magaalada Muqdisho Tababar loo geyn doono Shaqaale loogu talagalay in loo tababaro Saadaashada Hawada iyo maamulka Garoonka Ugaas Khaliifa ee  magaalada Baladweyne, waxa uuna dhanka kale ballan qaadey in uu xoojin doono dhammeystirka iyo qalabeynta xafiisyada ay wasaaradda Gaadiidka Soomaaliya ku leedahay magaalada Baladweyne.

Wefdiga ayaa isla maanta gelinkii dambe ku soo laabtay magaalada caasimadda ah ee Muqdisho markii ay booqashadooda soo dhameysteen.

Muqdisho Agoost 27, 2014 Talisyada ciidammada xoogga dalka Soomaaliya iyo  nabad ilaalinta midowga Afrika ee AMISOM ayaa ku dhawaaqay in ay billaabayaan howl-gal hor leh oo malleeshiyada Al-shabaab looga sifeynayo gabi ahaanba dalka Soomaaliya.

Gen, Cabdirisaaq Kahliif  Cilmi  Abbaanduulaha ciidanka Xoogga dalka Soomaaliya, ayaa sheegay in howl-galka oo loogu magac daray Badweynta Hindiya ( Indian Ocean) xoogga lagu saarayo furitaanka waddooyinka iyo gaarsiinta gargaarka ay dowladdu ugu talagashay dadka ay saameeyeen abaaraha ka jira dalka.

Sidoo kale Gen. Cabdirisaaq ayaa tilmaamay in howl-galka ay ka qayb qaadanayaan dadweynaha ku nool deegaannada ay malleeshiyadu uga sugan tahay dalka, si loo soo afjaro ka hor inta aysan abaartu dhibaato gaarsiin bulshada deegaannadaas.

Abaanduulaha ayaa ka codsaday shacbiga Soomaliyeed in ay gacan ku siiyaan fulinta howl-gallo kama dambays ah oo lagu xaqiijinayo xaqa ay ummaddu u leedahay in ay ku noolaato xornimo iyo nabadgalyo.

Taliyaha ciidammada AMISOM ayaa isaguna sheegay in howl-galkani yahay waddada kaliya ee suura galin karta in wax laga qabto dhibaatooyinka bani’aadannimo ee ka jira Soomaaliya.

Dowladda federaalka ah ee Soomaaliya ayaa wadda qorshe ay dalka kaga xoreyneyso maleeshiyaadka Shabaab oo dhibaatooyin ba’an ku haya shacabka Soomaaliyeed ee ku nool deegaano ka mid ah gobolada dalka.

Muqdisho Agoost 27, 2014 Wasiirka Wasaaradda Haweenka iyo horumarinta xaquuqul insaanka ayaa maanta kulan Muqdisho kula yeelatay Wafdi uu hogaaminayo ku-xigeenka Wakiilka gaarka ah ee Qaramada Midoobay u qaabilsan Soomaaliya ee dhanka beni’aadanimada Philip Lazarani, kaasi oo ku saabsanaa sidii Qaramada Midoobay ay Wasaaraddu gacan uga siin lahaayeen shir dhawaan Muqdisho ka dhici doono, loogana hadlayo arrimo ku saabsan ka hortaga xadgudubyada ka dhanka ah haweenka.

Kulanka ayaa marki uu soo gabo gaboobay kaddib waxaa saxaafadda si wada jir ah ula hadlay Wasiirka Wasaarada Haweenka Marwo Khadiijo Maxamed Diiriye iyo Philip lazarani, iyadoo ugu horeyn Mr Philip uu sheegay in kulanka ay isla meel dhigeen dhowridda xaquuqul insaanka iyo in laga hortago xadgudubyada ka dhanka ah haweenka.

“Waxa aan maanta u imid inaan la kulmo Wasiirka haweenka iyo hurumarinta xuquuqda aadanaha si aan uga wada hadalno wadashaqeynta u dhaxeysa Qaramada Midoobay iyo Wasaaradda, waxaan sidoo kale aan isla soo qaadnay qorshaha iyo himilooyinka Wasaaradda ee ku aadan siyaasadda Qaran ee  jinsiga iyo sida haween badan looga qayb gelin lahaa ajendaha nabbadeynta iyo xasilinta dalka” ayuu yiri Philip Lazarani

Sidoo kale Marwo Khadiijo ayaa tilmaamay in kulanka Muqdisho lagu qaban doono uu yahay mid ay soo qaban qaabisay Wasaaradda, ayna ka codsadeen Qaramada Midoobay in lagu taageero arrinkaasi.

Kulanka maanta ay Wasiirka Wasaaradda Haweenka la qaadatay Wafdiga ka socday Qaramada Midoobay ayaa qeyb ka ah qorshaha ay Wasaaraddu ku dooneyso in ay dhameystirto sharciga ka hortagga xadgudubyada jinsiga.


Somali Federal Parliament's photo.
Somali Federal Parliament's photo.
Somali Federal Parliament's photo.
Somali Federal Parliament's photo.
Like



















Turkey Agoosto 26, 2014 Wasiirka Gaashaandhigga ee Xukuumadda Federaalka Soomaaliya Mudane Maxamed Sheekh Xassan Xaamud oo socdaal shaqo ku tegay magaalada Ankara ee Caasimada Wadanka Turkey ayaa halkaasi kula kulmay dhgiisa wadanka Turkiga.

Wasiirka iyo wafdii uu hogaaminayo oo shalay gaaray dalka Turkiga ayaa u jeeddada socdaalkooda la xiriirto xoojinta xiriirka iskaashi ee ay kal hore kala saxiixdeen dowladda gaar ahaan tan labada Wasaaradood.

Labadaan mas’uul ayaa ka wada hadlay arrimo badan oo muhiim ah kuwaasi oo ku saabsan siidi Wasaaradda Difaaca ee Turkiga ay gacan uga geysan lahayd dib u dhiska ciidamada qalabka sida ee Soomaaliya

Wasiirka Gaashaandhigga ee Dowladda Turkiga Cismad Yalmas ayaa dhankiisa balan qaaday in uu gacan ka geysan doono dadaallada ay Wasaaradda difaaca ee Soomaaliya ugu jirto dib u soo nooleynta sharafkii ay lahaayeen ciidamada qalabka sida ee Soomaaliya iyo dib u dhiskooda.

Wasiirka Gaashaandhiga ee Xukuumadda Federaalka Soomaaliya iyo Wafdigiisa ayaa lagu wadaa Maalinta berri in ay u duulaan Magaalada Istanbul, ayagoona halkaasi kula kulmi doona mas’uuliyiin ka tirsan Dowladda Turkiga.

Muqdisho Agoost 26, 2014 Guddoomiyaha baarlamaanka Federaalka ah ee Soomaaliya Mudane Maxamed Sheekh Cismaan Jawaari iyo wafdi xildhibaanno ah oo uu hogaaminayay ayaa maanta dalka dib ugu soo laabtay kaddib markii dalka Uganda ay uga qeyb galeen kulamo u dhexeeyay guddiyada joogtada ah ee Baarlamaanka Soomaaliya iyo hay’adaha taageera.

Mudane Maxamed Sheekh Cismaan Jawaari iyo wafdiga uu hogaaminayo waxaa garoonka diyaaradaha Aadan Cadde ee Muqdisho ku soo dhaweeyay xubno ka tirsan labada gole ee dowladda, saraakiil iyo mas’uuliyiin kale.

Guddoomiyaha Golaha shacabka oo markii uu ka soo degay Muqdisho kaddib xafiiskiisa kula hadlay Warbaahinta Qaranka waxa uu faah faahin ka bixiyay safarkii uu ku tegay dalka Uganda, gaar ahaan magaalada Kampala oo uu kula soo kulmay qaar ka mid ah hay’adaha taageera Baarlamaanka Federaalka ah ee Soomaaliya iyo tababaro halkaasi uga soconaya muddada uu baarlamaanku fasaxa ku jiro, qaar ka mid ah, Xildhibaannada, guddiyada joogtada ee Baarlamaanka iyo howlwadeenada Golaha Shacabka, taasi oo uu guddoomiyuhu ku tilmaamay inay tahay mid sare loogu qaadayo aqoonta Xildhibaanada golaha Shacabka iyo howlwadeenadooda.

“Safar gaaban ayaan ku aaday magaalada Kampala ee dalka Uganda, halkaasi oo aan ku balan saneyn hay’adaha la shaqeeya Baarlamaanka iyo habkii aan u wada shaqeyn lahayn qorshahooda oo aan isla meel dhigeynay, waxaa kaloo intaa noo dheer Xildhibaanno iyo howlwadeenada Baarlamaanka oo halkaasi uga socday tababar, oo guddi waliba uu qaadanayay tababar ku aadan howsha guddiga uu ku taqasusay, iyagoo ku daysanaya habraaca ay ku shaqeeyaan baarlamaanka Jamhuuriyadda Uganda, taasi oo qeyb ka ah mataaneynta labada Baarlamaan oo aan horey ugu heshiinay, 150 Xildhibaan ayaana ka faa’iideystay, wayna sii soconayaan tababaradaasi ilaa iyo bisha October” ayuu yiri Guddoomiye Jawaari.

Tababaradan ka soconeysa magaalada Kampala dalka Uganda ee isugu jirta shirarka iyo siminaarada ee sare loogu qaadayo aqoonta Xildhibaanada Golaha Shacabka iyo howlwadeenada waxa ay qeyb ka tahay hirgelinta heshiis bishii August ee sanadkii 2013 ay dalkaasi ku kala saxiixdeen guddoomiyeyaasha Baarlamaanada Soomaaliya iyo Uganda.

Muqdisho Agoost 26, 2014 Guddoomiyaha  maxkamadda sare ee ciidamada qalabka sida   ee dalka Cabdiraxmaan  Maxamuud  Tuuryare  ayaa sheegay  in  ay dambi tahay in maleeshiyaadka Al-Shabaab laga kireeyo guryo ama goobo kale.

Wareysi uu siiyay Radio Muqdisho ayuu guddoomiyuhu ugu baaqay dadka shacabka ah in ay ciidamada ammaanka ku wargeliyaan cid kasta oo ay ka shakiyaan isla markaana ay la shaqeeyaan maamullada degaanka si looga fogaado in kooxaha dhibaatada wada ay fursad u helaan inay bulshada dhexdeeda ku abaabulaan qaraxyada iyo dilalka gaadmada ah.

Cabdiraxmaan Tuuryare ayaa uga digay dadka inay caawiyaan ama ay qariyaan shakhsiyaadka ka tirsan Al-Shabaab, ciddii arrintaa sameysana sharcigu uu qaban doono.

Maxkada ciimada qalabka sida ayaa maalintii shalay xukun lix bil ah ku  ridday  aabbe  Soomaliyeed oo wiilkiisu ka tirsanaa kooxda Al-Shabab. Aabaha ayaa lagu helay dambi ah inuu ogaa wiilkiisa cidda uu ka tirsan yahay isla markaana uusan soo wargelin ciidamada ammaanka.

Muqdisho Agoost 26, 2014
Taliyihii hore ee ciidanka Xoogga Dalka Soomaaliyeed Jeneraal Cabdulqaadir Sheekh  Cali Diini ayaa soo dhaweeyay howl-galka hub  ka dhigista ah ee ay sameynayaan cidamada ammaanka ee magaalada Muqdisho.

Jeneraal Diini oo wareysi siiyay VOA ayaa sheegay in tallaabadaasi ay horseedeyso in dadka Soomaaliyeed ay nabad helaan hubkana ay waajib tahay in gacanta dowladda uu ku jiro.

“Hub marka la yiraahdo ama qalab la yiraahdo, waxaad ogsoon tihiin inay  tahay inay gacanta dowladda ku jiro, oo hubkaasi uu yahay mid dalka lagu difaacayo” ayuu yiri Taliyihii hore ee ciidanka Xoogga Dalka.

Wuxuu intaa ku daray in dowladdu ay ruqsad siin karto muwaadiniinta qaar si ay hub u heystaan, ayadoo la diiwaan galin doono. Hubku inuu ku jiro gacanta dowladda ayuu ku sheegay inay tahay xalka kaliya ee lagu sugi karo ammaanka waddanka.

Ciidamada ammaanka ayaa magaalada Muqdisho ka sameenaya howl gallo ka dhan ah hubka sida sharci darrada ah loogu heysto magaalada, waxayna gacanta ku dhigeen hub badan iyo maleeshiyaad isticmaalayay.

Muqdisho Agoost 26, 2014
Waxaa maanta jaamacadda Hormuud u fariistay imtixaanka aqbalaadda arday cusub,kuwaasi oo la filayo in ay ku soo biiraan jamaacad dugsiyeedka  sanadka 2014 -2015.

Ardaydani oo dhameysatay waxabarashada dugsiga sare ayaa isug jiray wiilal iyo gabdho iyadoo wajiyadooda ay ka muuqatay inay u soo diyaar garoobeen imtixaanka, macalimiinta iyo maamulka jaamacadda ayaa kormeerayay ardayda inta uu socday imtixaanku.

Pro. Jeylaani C/llaahi Cismaan oo ah guddoomiyaha jaamacadda Hormuud oo goobjoog ka ahaa imtixaanka ayaa ardayda u rajeeyey guul iyo iney anfacaan Dadkooda iyo Dalkooda ayna ka faa’iideystaan Daraasadda Jaamacadda.

Waxa uu intaasi ku daray gudoomiyaha in jaamacadda Hormuud ay bixineyso tababarro gaagaaban oo lagu hor marinayo Bulshada.

Qaaar ka mid ah ardaydii ku jirtay imtixaanka qaabilaadda jamaacadda ayaa dareenkooda ka hadlay,waxa ayna sheegeen in ay ku rajo weyn yihiin in ay helaan natiijo wanaagasan oo ugu soo gudbi karaan.

Dhowaan ayaa lafilayaa in la qabto Xafladda  Qalin jebinta ardaydii ka qalin jebisay sanad dugsiyeedka 2013 – 2014.

Jaamacadda Hormuud oo haatan 5 sano jirsatay waa tan kaliya ee jaamacadaha Soomaaliya bixisa qeybaha kala duwan Kuliyadda Engineering-ka.

Muqdisho Agoost 26, 2014
Wararka ka imanaya Jamhuuriyadda Djibouti ayaa sheegaya in shalay galab toogasho ka dhacday garoonka diyaaradaha ee Djibouti, Toogashadan ayaa ku soo beegantay iyadoo uu garoonka kazoo degayey Madaxweynaha dalkaas, Ismaaciil Cumar Geelle.

La taliyaha dhinaca warfaafinta ee Madaxweynaha Djibouti Najiib Cali Tahir ayaa VOA u sheegay in madaxweynu uu goobta ka baxay toban daqiiq ka hor toogashada.

War saxaafadeed ka soo baxay Taliska ciidanka ilaalada Jamhuuriga oo ah ciidanka qaabilsan ammaanka iyo nabadgaliyada Madaxweynaha ayaa sheegay in askari ka tirsan ciidankaasi uu rasaas furay, isaga oo dhaawacay laba qof.

Mid ka mid ah labada qof ee dhaawacmay ayaa ah Dr. Idiris Cabdi Galab oo isagu ah sarkaal ka tirsan ciidanka ilaalada Jamhuuriga ah isla markaana qaabilsan caafimaadka Madaxweynaha.

La taliyaha dhinaca warfaafinta ee Madaxweynaha Djibouti ayaa VOA da u sheegay in sababta toogashadu ay u muuqato khilaaf gaar ah oo u dhexeeyay askariga rasaasta riday iyo Dhakhtarka dhaawacmay.

Warar kale ayaa sheegay in askarigan uu rasaasta furay xili uu Madaxweyne Geelle ku dul soconayey Rooga casaanka ah ee madaxdu ku socdaan xiliyada Garoomada.

Dalka Djibouti waxaa ka jira mucaaradad xoogan oo ka soo horjeeda xukuumada Madaxweyne Geelle iyagoo ku eedeeyey in uu yahay kaligiis taliye waxna ka bedela shuruucda dalka.

Tayeegloow Agoost 26, 2014
Degmada Tayeegloow ee gobolka Bakool oo dhawaan ay ciidamada dowladdu ka saareen maleeshiyaadka Al-Shabaab ayaa deggan ayadoo dadka shacabka ahi ay bilaabeen inay dib ugu soo laabtaan degmada.

Dad ku sugan degmada oo la hadlay Radio Muqdisho ayaa xaqiijiyay in xaaladdu ay deggan tahay tan iyo markii maleeshiyaadka Al-Shabaab ay isaga baxeen degmada. Saraakiisha ciidanka iyo masuuliyiin ka tirsan maamulka degmada ayaa la hadlay dadka shacabka ah si ammaanka looga wada shaqeeyo.

Kuuloow Maxamed Yare oo ka mid ah saraakiisha ciidanka Xoogga Dalka ee ku sugan Tayeegloow ayaa Radio Muqdisho u sheegay in maleeshiyaadkii ka cararay degmada ay ku sugan yihiin tuullada Dalandoolle oo duleedka Tayeegloow ku taalla.

Ciidamada dowladda ayaa la wareegay degmada afaraad ee gobolka Bakool. Ma jirto degmo kale oo ku jirta gacanta Al-Shabaab marka laga reebo degaanno ay ku sugan yihiin oo ka mid ah dhulka Miyiga ah.

Moqdisho Agoost 26, 2014
Ciidamada ammaanka ayaa degmada Xamarweyne ka fuliyay howl-gal ka dhan kooxaha maandooriyaha ka ganacsada iyo kuwa isticmaala eek u sugan degmadaasi.

Saraakiisha booliska ayaa sheegay inay gacanta ku dhigeen 40 qofood oo ay ku jiraan afar haween ah, kuwaas oo isugu jiray qaar ka ganacsanayay maan-dooriyaha iyo kuwo isticmaalayay. Dadkaan waxaa ku jira kuwo Xashiiska iibinayay iyo kuwo kariya maan-dooriyaha loo yaqaano Calaqa.

Cabdullaahi Cismaan Jimcaale oo ka tirsan xafiiska dambi baarista ee degmada Xamar Weyne ayaa sheegay in dadkaan loo gudbinayo xafiiska xeer-ilaaliyaha qaranka si loo maxkamadeeyo.

Dr. Cabdi Cali Cumar oo ah ku-xigeenka xeer-ilaalyaha guud ee qaranka  ayaa sheegay in dadkaan iyo kuwa la midka ah ee dambiyada gala la horgeyn doono caddaaladda.

 Guddomiyaha degmada Xamarwayne Cabdulqaadir Maxamed Cabdulqadir ayaa hoosta ka xariiqay  in  ay  sii wadayaan howl galladaan lagu cirib tirayo  kuwa caadaystay in gudaha magaalada ay ku isticmaalaan ama uga ganacsadaan waxyaabaha maanka dooriya.

Moqdisho Agoost 26, 2014
Ciidamada ammaanka ayaa degmada Xamarweyne ka fuliyay howl-gal ka dhan kooxaha maandooriyaha ka ganacsada iyo kuwa isticmaala eek u sugan degmadaasi.

Saraakiisha booliska ayaa sheegay inay gacanta ku dhigeen 40 qofood oo ay ku jiraan afar haween ah, kuwaas oo isugu jiray qaar ka ganacsanayay maan-dooriyaha iyo kuwo isticmaalayay. Dadkaan waxaa ku jira kuwo Xashiiska iibinayay iyo kuwo kariya maan-dooriyaha loo yaqaano Calaqa.

Cabdullaahi Cismaan Jimcaale oo ka tirsan xafiiska dambi baarista ee degmada Xamar Weyne ayaa sheegay in dadkaan loo gudbinayo xafiiska xeer-ilaaliyaha qaranka si loo maxkamadeeyo.

Dr. Cabdi Cali Cumar oo ah ku-xigeenka xeer-ilaalyaha guud ee qaranka  ayaa sheegay in dadkaan iyo kuwa la midka ah ee dambiyada gala la horgeyn doono caddaaladda.

 Guddomiyaha degmada Xamarwayne   Cabdulqaadir Maxamed Cabdulqadir ayaa hoosta ka xariiqay  in  ay  sii wadayaan howl galladaan lagu   cirib tirayo  kuwa caadaystay in gudaha magaalada ay ku isticmaalaan ama uga ganacsadaan waxyaabaha maanka dooriya

Muqdisho Agoost 25, 2014 Guddoomiyaha Gobolka Benaadir ahna Duqa magaalada Muqdisho Mudane Xasan Maxamed Xuseen “Muungaab’’ ayaa maanta kulan kula yeeshay xarunta Maamulka Gobolka Banaadir ee magaalada Muqdisho Taliye ku-xigeenka Ciidamada Midowga Afrika ee AMISOM Jeneraal Muhuusi.

Gudoomiyaha ayaa ugu horeyn warbixin ka siiyay Taliye ku-xigeenka ciidamada AMISOM howlaha ammaanka ee caasimadda Muqdisho iyo horumarka laga sameeyay, iyadoo intaasi kaddib ay labada mas’uul kulankooda kaga hadleen arrimo dhowr ah oo ay ka mid yihiin xoojinta amniga caasimadda, wada shaqeynta ka dhexeysa AMISOM, Maamullada degmooyinka iyo tan Maamulka Gobolka iyo xakameynta hubka sharci darrada ah.

Mudane Xasan Maxamed Xuseen “Muungaab” Guddoomiyaha gobolka Benaadir iyo Taliye ku-xigeenka AMISOM Jeneraal Muhuusi oo kulan qada ah wada qaatay oo uu guddoomiyuhu u sameeyay taliye ku-xigeenka ayaa waxay kaloo isla soo hadal qaadeen dadaalada uu maamulka Gobolka ugu jiro dib u dhiska xarumaha danta guud ee loogu adeegayo bulshada.

Taliye ku-xigeenka AMISOM ayaa dhankiisa balan qaaday in uu gacan ka geysanayo xoojinta nabadgelyada caasimadda iyo ka shaqeynta horumarka ay iminka ku talaabsatay, isagoo shacabka ka dalbaday inay sii labo jibaaraan taageerada ay siinayaan ciidamada qalabka sida ee Soomaaliya iyo kuwa AMISOM, si guud ahaan magaalada looga cirib tiro haraadiga maleeshiyada Al-Shabaab ee dhibaatada dadka u geysanaya.

Muqdisho Agoosto 25, 2014 Taliska ciidanka Xoogga dalka Soomaaliyeed waxa uu ogeysiinayaa muwaadinkasta oo shahaado iyo warqad codsi ah geystay taliska si ay ugu biiro ciidamada qalabka sida, gaar ahaan ciidanka cirka lagu wargelinaya meelkasta oo ay dalka iyo dibadda ka joogaan  in ay tegaan ugu dambeyn berri subax oo Isniin ah xarunta Taliska ciidanka cirka ee AFISIYOONI ee gobolka Benaadir.

Hadaba ciddii ka baaqsata berri waxaa loo qaadanayaa inay ka tanaasushay codsigeeda ahaa ka mid ahaanshiyaha ciidamada cirka.

Kismaayo Agoosto 25, 2014 Wafdi ka socda dowladda federaalka ah ee Soomaaliya iyo ururu goboleedka IGAD ayaa lagu wadaa iney manta gaaraan magaalada Kismaayo ee xarrunta gobolka JUbada Hoose.

Wasiirka arrimaha gudaha Soomaaliya, Cabdullaahi Goodax Barre ayaa hoggaamin doona wafdi ka socda xukuumadda, waxaana xubnaha wafdigiisa lagu wadaa inuu ka mid noqdo wasiirka dastuurka iyo garsoorka Faarax Cabdiqaadir.

Ergaarka ah ee urur-goboleedka IGAD u qaabilsan Soomaaliya, Maxamed Cabdi Afey ayaa isna lagu wadaa inuu gaaro magaalada Kismaayo.

Ujeeddada socdaalka wafdiga dowladda iyo IGAD ayaa lagu sheegay qiimaynta qodobbada ka hirgelay heshiiskii Addis Ababa ee dabayaaqadii sanadkii 2013 ay gaareen dowladda Federaalka iyo maamulka Jubba ee Axmed Madoobe hogaamiyo.

Gedo Agoost 25, 2014 Guddoomiyaha Gobolka Benaadir ahna Duqa magaalada Muqdisho Mudane Xasan Maxamed Xuseen “Muungaab’’ ayaa maanta kulan kula yeeshay xarunta Maamulka Gobolka Banaadir ee magaalada Muqdisho Taliye ku-xigeenka Ciidamada Midowga Afrika ee AMISOM Jeneraal Muhuusi.

Gudoomiyaha ayaa ugu horeyn warbixin ka siiyay Taliye ku-xigeenka ciidamada AMISOM howlaha ammaanka ee caasimadda Muqdisho iyo horumarka laga sameeyay, iyadoo intaasi kaddib ay labada mas’uul kulankooda kaga hadleen arrimo dhowr ah oo ay ka mid yihiin xoojinta amniga caasimadda, wada shaqeynta ka dhexeysa AMISOM, Maamullada degmooyinka iyo tan Maamulka Gobolka iyo xakameynta hubka sharci darrada ah.

Mudane Xasan Maxamed Xuseen “Muungaab” Guddoomiyaha gobolka Benaadir iyo Taliye ku-xigeenka AMISOM Jeneraal Muhuusi oo kulan qada ah wada qaatay oo uu guddoomiyuhu u sameeyay taliye ku-xigeenka ayaa waxay kaloo isla soo hadal qaadeen dadaalada uu maamulka Gobolka ugu jiro dib u dhiska xarumaha danta guud ee loogu adeegayo bulshada.

Taliye ku-xigeenka AMISOM ayaa dhankiisa balan qaaday in uu gacan ka geysanayo xoojinta nabadgelyada caasimadda iyo ka shaqeynta horumarka ay iminka ku talaabsatay, isagoo shacabka ka dalbaday inay sii labo jibaaraan taageerada ay siinayaan ciidamada qalabka sida ee Soomaaliya iyo kuwa AMISOM, si guud ahaan magaalada looga cirib tiro haraadiga maleeshiyada Al-Shabaab ee dhibaatada dadka u geysanaya.

Muqdisho Agoosto 24, 2014 axkamadda darajada Koowaad ee ciidamada qalabka sida ayaa maanta xukunno kala duwan ku riday maleeshiyaad ka tirsan Al-Shabaab, kaddib markii lagu helay dambiyadii loo haystay.

Maxkamadda darajada koowaad ee ciidamada qalabka sida ee Soomaaliya oo maanta u fadhiisatay dhageysiga dacwad ciqaabeed loo haystay shan eedeysane oo ka tirsan maleeshiyada Al-Shabaab dilka marxuum Ex-Dable boolis Yuusuf Xasan Macow (Yuusuf Taraafiko) oo ka tirsanaa ciidanka nabadgelyada waddooyinka ayaa xukunno isugu jira dil, xabsi daa’in iyo xukun lix bil oo ciidan ku riday maleeshiyaadkaas.

Afhayeenka Maxkamadda ciidamada qalabka sida Gaashaanle Dhexe Cabdullaahi Maxamed Muuse (Keyse) ayaa xusay in mid ka mid ah shanta qof ee maanta maxkamadda la soo taagay lagu waayay dambigii loo haystay, isla markaana ay Maxkamaddu fasaxday.

HINDISE-SHARCIYEED

Xeerka Saxaafadda Qaranka


Hordhac

 

Qeexidda Saxaafadda

Saxaafaddu waa habka loogu gudbiyo bulshadda warar, macluumaad, madadaalo,
khudbado, xog ama afkaar, kuwaas oo lagu gudbiyo maqal, muuqaal ama qoraal, iyadoo la adeegsanayo wargeysyada ama qalabka kale ee warbaahinta sida: idaacadaha, telefeshinada, wakaaladaha wararka, website-yada, khudbadaha, filimada, farshaxanka sawirrada, joornaalada, buugaagta iyo wax kasta oo la daabaco si guudna loogu soo bandhigayo bulshadda.

Saxaafaddu waa adeeg lama huraan ah oo wax-tar weyn u leh horumarka bulshadda.
Warbaahinta run sheegga ku dhisan waa mida u adeegaysa kobcinta dimuquraadiyadda, dhowrista xuquuqda aadanaha, horumarinta dalka iyo hirgelinta mabaadi’da ku dhisan cadaaladda.

Maadaama Saxaafaddu tahay mid u adeegta dadweynaha, waa in ay lahaato xeer iyo xeer nidaamiye. Saxaafaddu waxey ka qeyb qaadataa horumarka, nabadgelyada, kala dambeynta, isqadarinta, cadaaladda iyo nabad kuwada noolaanshaha. Dhanka kale saxaafadda waxaa ka reebban been abuurka, hurinta colaadaha, is naceybka, dacaayadda aan salka laheyn iyo marin habaabinta xaqiiqada/runta.

Xorriyatul qowlka (Madaxbannaanida hadalka) waxey aas-aas u tahay cabiridda fikirka iyo run sheegidda, waana mid ay aqoonsanyihiin dastuurka qaranka, xeerarka caalamiga ah ee xaquuqul insaanka.

Dawladda Federaalka ah ee Soomaaliya waxay damaanad qaadday oo ay ogoshahay heshiiyada lasoo sheegay, waxayna dhiirigalinaysaa xorriyadahaas, iyadoo lagu shaqeynayo dastuurka dalka u degsan.

Haddaba Xeerkan wuxuu qeexayaa shuruucda u degsan saxaafadda Qaranka Soomaaliyeed.

Qodobka 1aad

Eray-bixin

 

1.1       Erayada hoos ku xusan mid kasta wuxuu leeyahay eray-bixinta ku hor qoran:

Guddi: Guddi waa Guddiga Saxaafadda Qaran ee lagu dhisay Qoddobka 4aad ee Xeerkan.

Saxaafadda Ajnabi: Saxaafad ajnabi waa saxaafad milkayaddeeda ay leeyihiin dad aan Soomaali ahayn.

Wasiir: Waa Wasiirka Warfaafinta.

Wasaarad: waa Wasaarada Warfaafinta.

Warbaahinta: Warbaahintu waa saxaafad lagu gudbiyo barnaamij warbaahineed, iyada oo la adeegsanayo qalab ay ka mid yihiin warlalis ama satalaytka, si ay barnaamijyadaasi uga faa’iideystaan bulshadda,waxayna ahaan karaan lacag la’aan iyaga oo la soo marinayo idaacadaha iyo telefeshinada ama qalabka kale ee warbaahinta, balse warbaahintu kuma jirto fariimaha hay’ad ama shirkad gudahooda ay isugu diraan, sida cinwaanada gudaha ama macluumaad lagu faafiyey baraha internet-ka.

Warbaahinta Daabacan: waa warbaahinta lagu faafiyo qaabka qoraalka ah, sida wargeysyada, majalladaha, iwm.

Warbaahinta gaarka ah: waa warbaahin ay leeyihiin dad ama hay’ado gaar ah.

Warbaahinta dadweynaha: waa warbaahin ay yeelan karaan dadweynaha, balse ka madax bannaan Dawladda, lehna waajibaad ay uga shaqayn karaan danaha dadweynaha.

Noocyada warbaahinta: waa kala soocida rasmiga ah ee saxaafadda (sida wargeysyada, majalaadka, idaacadaha ama telefishanada), muddaale (todobaadle, bille, iwm)  dulucda guud ee ay soo bandhigaan iyo meelaha ay gaaraan.

 

Saxaafad ama Warbaahin: Saxaafadda waa habka baahinta fariimaha, wararka, akhbaaradka iyo xogaha  ayadoo la adeegsanayo qalabkan:

B)  Warbaahinta Danabeysan (Elektrooniga):  sida, raadiyaha, telefiishanka, (cable                   Television) iyo internetka; iyo

T)  Saxaafadda Daabacan: Wargesyada, Joornaallada (todobaadle, bille ama                                            Sanadle), tabeellayaasha ama bulatiin.

Saxaafad Guud:  Saxaafadda Guud waxay u qeybsan tahay hababka soo socda marka loo tixgelinayo ama loo cuskanayo sharcigan:

B)  Warbaahin Qaran: Waa saxaafadda ay maamusho isla markaana maalgaliso        Dawladda;

T)  Warbaahin Gaar ahaaneed: Waa saxaafadda mulkiilaha yahay shakhsi gaar ah,   urur siyaasadeed, urur dhaqaale ama urur bulsho; iyo

J)    Warbaahin Dadweyne (Public Broadcasting): Waa saxaafad ay milkiyaddeeda   leedahay bulshadda oo aan faa’iido doon ahayn, taasoo danta guud loogu           adeego isla markaana dhaqaale ka hesha Dawladda ama deeq ay siiyaan             dhinacyo kale.

 

Suxufi:  Waa qof xirfadyahan ah oo soo saara, soona bandhiga wax-soo-saar daabacan ama la baahinayo ayadoo la adeegsanayo aaladaha kala duwan ee   warbaahinta.

Madbacad (Printing House): Waa hannaan ku dhisan ganacsi iyo farsamo  oo      qabata adeegyo daabacaadeed.

 

Milkiile Goob Daabacaad (Daabace): Waa qofka milkiilaha ah ama wakiilka goobta daabacaadda.

 

Faafiye (Publisher):  Waa milkiilaha ama qofka haysta ruqsadda lagu daabaco buugag ama qoraalo aan waqti xadidan aan laheyn.

 

Faafin (Publishing) : waa hawsha gudbinta wararka iyo farriimaha loo adeegsado qalabka warbaahinta

 

Shirkad soo saarta Filimada (Movie Production Institution): Waa shirkad ama urur

soo sameeya filimo, dokumentari ah ama sawiro ku saleysan ama ka tarjuma hadafka iyo ujeeddadooda.

 

Shirkad Daabacaad:  Waa goob sharciyeysan oo soo saarta qoraal isla markaana baahisa barnaamijyo qoraal ama elektroonik ah oo xiliyo kala duwan soo baxa.

 

Machadka Tababarka Saxaafadda: Dugsi Tababar Saxaafadeed waa dugsi bixiya tababar xirfadeedyo saxaafadeed oo leh kuwo soconaya muddo gaaban ama muddo dheer.

 

Xarun Tarjumaad: Waa goob sharciyeysan oo ruqsad u haysata tarjumaadda qoraallo ku qoran luuqado kala duwan.

 

Wakaalad Warar: Waa hay’ad sharciyeysan oo ururisa isla markaana faafisa wararka.

 

Shirkad Xayeysiin: Waa shirkad ganacsi oo haysata oggolaasho sharci ah soona saarta xayeysiin sida ku xusan sharciga loogu oggolaaday.

 

Xuquuqda Daabacaadda (Copy Right): Waa lahaanshaha fikirka ama hal abuurka maskaxeed ee gaarka loo leeyahay kaas oo lagu maamuli doono hab la isla oggolyahay oo si gaar ah loo nidaaminayo.

 

Tafatire Guud (Editor-in-Chief): Waa qofka mas’uulka ka ah maamulka daabacaada iyo soo-saarka barnaamijyada elektrooniga ah ee

 

Raadiyo: Waa warbaahin guud oo maqal ah

 

Telefishan: Waa warbaahin guud oo muuqaal iyo dhageysi leh

 

Cable Network: Waa warbaahin maqal iyo muuqaal ah oo baahisa barnaamijyo maxalli, caalami, waxbarasho, dhaqan iyo madadaalo oo loo tebiyo cidda dalbata.

 

Xayeysiin (Advertisement): Waa adegga maqal ama muuqaal ah oo lacag lagu kala bedesho ama khitmad kale laguna soo saaro barnaamij qoraal ama baahin.

Deeq (Donation): Waa tabaruc nooc kasta oo taakulayn ah, mid dhaqaale ama dhiiri-gelin saxafadeed oo uu bixiyo shakhsi ama hay’ad.

 

Qodobka 2aad

Dhismaha Xeerkan

 

2.1       Xeerkan waxaa lagu dhisay si waafaqsan Qodobka 18aad ee Dastuurka       Federaalka Soomaaliya iyo Qodobka 19aad ee Heshiiska Caalamiga ah ee        Xuquuqul Insaanka, kuwaas oo damaanad qaadaya ilaalinta xorriyadda         aragtida iyo hadalka isla markaana wuxuu nidaaminayaa dhammaan hawlaha         warbaahinta dalka. 

 

Qodobka 3aad

Xorriyadda Saxaafadda

 

3.1       Saxaafaddu way u madax-banaan tahay fulinta hawlaheeda saxaafadeed ama       warbaahineed ee noocyada kala duwan.

 

3.2       Xorriyadda hadalka iyo fikirka waxaa loo fulinayaa sida ku xusan Dastuurka       Federaalka ee Soomaaliya (Qod. 18aad) oo qeexaya xorriyadda ra’yiga iyo    afkaarta, axdiyada caalamiga ah, kuwa qaaradeed iyo goboleed ee Soomaaliya ay         qaybta ka tahay.

 

3.3             Dhammaan warbaahinta gaarka ah ama tan dadweynaha wararkooda faaf-      reeb laguma sameyn karo, lagumana khasbi karo faafinta warar u daneynaya      dhinac gaar ah.

 
3.4             Haddii xarun warbaahineed ama suxufi lagu helo fal ku saleysan baahinta arrimaha hoos ku qoran:

 

  1.             B.      Baahin warar been-abuur ah;
  2.             T.      Hurinta colaado;
  3.             X.      Dacaayadda aan sal laheyn

Golaha Saxaafadda Qaranka waxay awood u leeyihiin:

  1. Marka hore in ay digniin qoraal ah siiyaan xarunta warbaahineed ama suxufiga.
  2. Marka xigta Goluhu wuxuu ku ganaaxayaa xarunta warbaahineed ama suxufigaas lacag u dhexeysa $500 – $1000. (Shan boqol ilaa kun Dollar).
  3. Haddii xarunta warbaahineed ama suxufiga ay u hoggaansami waayaan go’aanka Golaha Saxaafadda Qaranka, waxaa kiiskooda loo gudbinayaa maxkadda awoodda u leh kiiska lagu eedeeyay.

 

 

Qodobka 4aad

Waxtarka Xeerka Saxaafadda

 

4.1       Xeerka Saxaafaddu wuxuu nidaaminayaa hawlaha kala duwan ee warbaahinta,   mid dawlad leedahay ama mid gaar loo leeyahayba.

4.2       Xeerku wuxuu nidaaminayaa qaabka ay u wada shaqeynayaan Wasaaradda Warfaafinta,             Guddiga Saxaafadda Qaranka, ururrada saxaafadda dalka, suxufiyiinta iyo inta ay qusayso saxaafadda.

 

 

 

 

 

 

 

Qodobka 5aad

Ujeeddooyinka Xeerka Saxaafadda

 

5.1      Xeerkani wuxuu dejinayaa mabaadi’ siyaasadeed oo hagaysa warbaahinta, sida:
B.     Hormarinta ixtiraamka xorriyatul qowlka iyo kala duwanaashada                                                        warbaahinta;

T.      Dhiirigalinta iyo taageerida warbaahin gaar loo leeyahay oo noocyo                                                    kala duwan ah, lehna hal abuur; iyo

J.       Hormarinta dhamaan seddaxda nooc ee warbaahinta (tan addeega                                                       dadweynaha, tan ganacsiga iyo tan bulshadda), iyo hormarinta         adeegsiga                                         tiknoolajiyadaha.

5.2       Sharcigu wuxuu damaanad qaadayaa jiritaanka qeybaha warbaahinta ee kala                   ah:

B.  Warbaahinta Qaranka;

T.  Warbaahinta gaarka loo leeyahay; iyo

J.  Warbaahinta Bulshada (Public Broadcasting).

5.3       Sharcigu wuxuu sameynayaa qaab lagu qorsheynayo qaybinta hirarka ay dawladdu bixiso, si loogu addeegsado horumarinta kala-duwanaanta        warbaahinta.

5.4       Xeerkani wuxuu dejinayaa hannaan cusub oo lagu bixinayo shatiyada       warbaahinta cusub, iyo aqoonsiga iyo rasmiyeynta warbaahinta hadda jirta, si            waafaqsan sharcigan.

5.5       Hanaankan waxuu noqonayaa mid ku saleysan qiimeyn lagu sameeyo      codsiyada, wuxaa kale oo jiri kara codsiyo laga qabto kuwa mudan, gaar ahaan        goobaha addeegooda warbaahineed uu hooseeyo (sida warbaahinta          bulshadda).

5.6       Hannaanka Xeerkani wuxuu si cad u muujinayaa qaabka codsiyada loo    maareynayo,             xilliga kama dambeysta ah ee codsiga la qabanayo, waxa lagu          qorayo codsiga iyo qaabka lagu qiimaynayo codsiyada.

5.7       Nidaamka codsadayaasha lagu kala siinayo shatiyada waxay n noqonayaan:

B. Awoodda rasmiga ah ee uu codsaduhu hawsha warbaahineed ku qaban karo                  iyo inta ay gaarsiisan tahay;

T. Kala-duwanaashaha uu addeega la codsaday u keenayo warbaahinta;

J. Baahida loo qabo in hannaanka ay ka mid noqdaan dadweynuhu; iyo

X. Cidda bixinaysa sharciga waa in ay soo bandhigtaa sababo qoraal ah  oo ay ku        caddeynayso go’aanka ay qaadatay, waana in uu jiraa xaqa rafcaan u      qaadashada maxkamadda ee ku aaddan go’aanka.

5.8       Sharcigu wuxuu si cad u qeexayaa shuruudaha guud ee uu shati kasta wato                     (sida in shatiga aan la wareejin karin iyada oo aan marka hore oggolaansho laga    helin maamulkii bixiyey).

5.9       Shuruucda warbaahinta waxay xeer-nidaamiye u sameyn kartaa lahaanshaha       warbaahinno kala duwan.

5.10     Sharcigu wuxuu qeexayaa ciqaabaha ay mutaysanayaan kuwa jebiya shuruucda             kala duwan ee ku aaddan ruqsada.

5.11     Waxaa loo oggol yahay in warbaahin gaar ahaaneed ama mid bulsho uu furan     karo muwaadin kasta oo Soomaali ah, urur ama shirkad, haddii uu buuxiyo shuruudaha hoos ku xusan:

B.   Daneeyaha doonaya in uu furto warbaahin waa in uu shati ka helaa      Golaha Saxaafadda Qaranka si uu u furto nooc gaar ah oo warbaahineed,             iyadoo shatigu qeexayo arrimaha ku saabsan nooca, awoodda, tayadda,          qaabka shaqo, hirarka saxaafadda uu isticmaalayo ka hor hawl-galka; iyo

T.   In qalabka uu keensanayo ama uu ku hawl-gelayo uusan ahayn mid wax u                    dhimaya degaanka iyo hab-sami ula-shaqeynta warbaahinta kale.

5.12     Xarumaha warbaahinta gaarka ah ee hadda shaqeeysa ee aan heysan shati  waxay u baahan yihiin in ay soo        weydiistaan ruqsad warbaahineed, iyagoo Wasaaradda Warfaafinta  u soo             gudbinaya codsiga shatiga, qaab-dhismeedka warbaahintooda, qalabka ay addeegsanayaan,             mowjadaha ay ku shaqeeyaan iyo goobta ay ka hawl-galaan.

5.13     Ma shaqeyn karto warbaahin aan ruqsad ka haysan Wasaaradda Warfaafinta.

 

 

Qodobka 6aad

Golaha Saxaafadda Qaranka Soomaaliyeed

 

7.1.      Waa in la sameeyaa Gole madax-bannaan oo aqoon u leh saxaafadda iyo sharciyada dalka u yaalla. Tirada Golaha waxey noqoneysaa 13 (Xubnood),   xubnahaas oo loo qeybsanayo sida hoos ku qoran.

  • Saxaafadda Madaxa bannaan 5 xubnood
  • Wasaaradda Warfaafinta 5 xubnood
  • Ururrada Bulshada Rayidka ah 3 Xubnood

7.2       Magaca Golaha waxa uu noqonayaa ‘Golaha Saxaafadda Qaranka Soomaaliya’, waxaana soo magacaabaya Wasaaradda Warfaafinta oo la tashaneysa saxaafadda madaxa bannaan.

7.3       Golaha ayaa noqonaya mid u madax-bannaan hawlaha warbaahinta dalka.

7.4       Golaha ayaa dhegaysanaya dacwadaha la xiriira warbaahinta qaranka iyo tan       gaarka loo leeyahayba.

7.5       Awoodda Golaha waxaa kamid noqonaya:

B.   Ilaalinta anshaxa iyo ku-dhaqanka xeerka saxaafadda Soomaaliyeed;

T.   Dhex-dhexaadinta iyo xallinta gefafka laga tabanayo saxaafadda gaar ahaaneed, midda dowladda iyo tan Adeegga Bulshadda;

J.    Tala bixinta Siinta iyo kala-noqoshada ruqsadda warbaahinta.

X.  Qabashada cabashooyinka ka yimaada suxufiga, warbaahinta, heyadaha dowladda iyo bulsho-weynta.

 

 

Qodobka 7aad

Ruqsadda Diiwaan-gelinta

 

Diiwaan-gelinta, Khidmadda, Milkiyadda, Maamulka iyo Mas’uuliyadda Diiwaan-gelinta:,

8.1       Warbaahin kasta, sida: Idaacad, Telefeshin, Wargeys, Madbacad, Shinimooyin,    Dugsiyada tababarka saxaafadda, Shirkadaha xayeysiinta, iwm (ha ahaadeen    qaar hadda shaqeeya ama kuwa cusub oo la furayo) waxaa laga doonayaa in ay             iska diiwaan-geliyaan Wasaaradda Warfaafinta.

8.2       Diiwaan-gelinta xarunta warbaahinta waa hal mar.

8.3       Xarunta warbaahinta waxaa laga doonayaa bixinta khidmad sanadeedka shatiga.

 

Qodobka 8aad

 

Khidmadaha

 

 

9.1       Warbaahin kasta oo gaar loo leeyahay ama shisheeye, waxaa laga qaadayaa          khidmad diiwaan-gelin iyo khidmad-sanadeed.

9.2       Suxufiyiinta shisheeye ee ka hawl-gala dalka, waxay ku shaqaynayaan       shuruucda saxaafadda ee dalka u degsan.

 

Qodobka 9aad

Milkiyadda, Maamulka iyo Mas’uuliyadda

10.1       Warbaahin kasta oo si gaar ah loo leeyahay waxay lahaanaysaa milkiile loogu                             soo hagaago oo leh milkiyadeeda iyo maamule ka ma’suul ah hawl-fulinta.

10.2       Codsiga diiwaan-gelinta waa in lagu soo daraa warqadda lahaanshaha, magaca                           milkiilaha, degaankiisa, cinwaankiisa gaarka ah iyo nooca warbaahinta.

10.3       Codsiga waxaa lagu muujinayaa magaca, aqoonta iyo cinwaanka maamulaha.

10.4       Milkiyadda iyo maamulka warbaahinta waxaa isku qaban kara hal ruux.

10.5       Warbaahin kasta waxay yeelanaysaa cinwaan loogu soo hagaago sida cinwaan                            degaan, Sanduuq Boosto, telefoon lambar iyo e-mail.

10.6       Hay’ad warbaanideed lama diwaan-gelinayo haddii aysan soo dhammeystirin                            shuruudaha kor ku xusan.

 

Qodobka 10aad

 

Xilliga Ruqsad-bixinta

 

11.1     Warbaahinta soo buuxisa shuruudaha ku xusan xeerkan,       waxaa la siinayaa     ruqsad ay ku hawl-gasho muddo 30 casho gudahood ah.

11.2     Muddada la sugayo ruqsadda warbaahintu ma qaban karto wax hawl ah oo la     xiriira adeegga warbaahinta.

 

 

Qodobka 11aad

 

Xallinta Cabashada

 

12.1     Haddii daneeyaha soo codsaday oggolaansho furasho warbaahin cusub ama        cusbooneysiinta mid horay u jirtay uu ku qanci waayo go’aanka Wasaaradda             Warfaafinta, codsadaha waxaa u furan in uu cabashadiisa u gudbiyo         maxkamadda awoodda u leh dhegaysiga dacwadiisa.

Qodobka 12aad

 

Waayidda Ruqsadda Diiwaan-gelinta

 

 

13.1     Hay’adda warbaahineed ee hore loo siiyey ruqsad, lana diiwaan-geliyey, waxay waayi kartaa xaqa ruqsadda, haddii ay ku hawl-geli-weydo muddo 6 (lix) bilood ah ama hakad galo adeeggeeda muddo dhan 6 bilood ah, isla markaana xiriir la sameyn Golaha Saxaafadda Qaranka.

Qodobka 13aad

 

Tilmaamo Muhiim ah

14.1     Daabacaad kasta, sida wargeysyada (ha ahaado maalinle ama mid xilliyeed),       website ama nooc waliba oo daabacaad warbaahineed ah, waxaa waajib ah in      ay ka muuqdaan magaca, taariikhda daabacaada, tirsiga caddadka, degaanka,           magaca maamulaha iyo tifaftiraha.

14.2     Wargeys kasta ee la soo saaro nuqulka (sample) ugu horreeya waxaa la dhigayaa            Golaha Saxaafadda Qaranka iyo Wasaaradda Warfaafinta.

Qodobka 14aad

 

Wargelinta Is-bedelada

 

15.1     Is-bedel kasta oo ku yimaada milkiyadda, muuqaalka, awoodda iyo tayada warbaahin             haysta ruqsad iyo diiwaan-gelin, mas’uulka hay’addaas wuxuu si dhaqso ah u    wargelinayaa, Golaha Saxaafadda Qaranka si loo diiwaan-geliyo is-bedelka ku      yimid muddo 21 maalmood (maalmo shaqo) gudahood ah.

15.2     Is-beddel kasta oo lugu sameynayo milkiyadda ama magaca warbaahinta waxaa             lugu wargelinayaa Wasaaradda Warfaafinta, Golaha Saxaafadda Qaranka iyo    Maxkamadda Gobolka (haddii dacwadi jirto) si loo diiwaan-geliyo is-beddelka ku     yimid hay’adda        warbaahineed.

Qodobka 15aad

 

Anshaxa Saxaafadda

16.1     Sharciga Saxaafaddu wuxuu ku salaysan yahay mabaadi’ida dastuurka Qaranka.

16.2     Ururrada saxaafadda dalka waxay diyaarinayaan         anshaxa saxaafadda, kaas oo dejinaya qodobada la xiriira arrimaha ay ka mid yihiin:

 

B.   Qadarinta Diinta Islaamka iyo dhaqanka suubban ee Soomaaliyeed;

T.   Saxnimada iyo sugnaanta wararka iyo barnaamijyada, iyo ilaalinta ilaha                           qarsoon ee macluumaadka bixiya;

J.  Ka-fogaanshaha faafinta ama daabacaadda muuqaallada iyo sawirrada lagu                      muujinayo cawrada aadanaha.

 

X. Ilaalinta xaquuqda caruurta, sida in aan lugu takrifalin muuqaallada                                      muujinaya daruufaha gaarka ah ee caruurta iyadoo aan oggolaansho rasmi

ah laga haysan cidda ka mas’uulka ah?

 

KH.  Ixtiraamida noolasha gaarka ah ee qofka, marka laga reebo xaalladaha lagu                              dhawrayo danaha guud dadweynaha.

 

D.  Ka-fogaanshaha faafin muuqaalo naxdin leh sida jirka bani-aadamka oo la                       googooyey, fara-xumeyn iyo sawirro argagax ku abuuraya bulshadda.

 

 

Qodobka 16aad

 

Warbaahin aan Sharciyeysnayn

 

7.1       Cid kasta oo furata ama hawl-gelisa warbaahin aan haysan oggolaansho iyo         diiwaan-gelin rasmi ah, waxaa laga xirayaa warbaahinta, waxaana la            horgeynayaa maxkamad, si sharciga loo mariyo.

 

 

 

Qodobka 17aad

 

Wax-ka-bedel Sharci-darro ah

 

18.1     Hay’addii warbaahineed ee si ku-talo-gal ah u soo saarta wargeys ama daabacaad aan ku salaysnayn sida Dawladda u diiwaan-gashan, iyadoo aan loo oggolaan is-beddelkaas, Golaha             Saxaafadda Qaranka waxa uu ku ganaaxayaa lacag dhan $ 1000 (Kun Dollar).

 

Qodobka 18aad

 

Ruqsad Been-Abuur ah

 

19.1     Warbaahin kasta oo ka been abuurta ruqsadda diiwaan-gelinta ama sameysa qoraal lid ku ah sharuudihii ruqsadda lugu siiyey, Golaha         Saxaafadda Qaranka waxa uu ku ganaaxayaa lacag dhan $ 1000 (Kun Dollar).

.

19.2     Warbaahinta ay ku caddaato xad-gudub (ruqsad been-abuur) waxaa la hakinayaa             hawlaheeda ilaa ay ruqsad rasmi ah ka hesho.

 

 

Qodobka 19aad

 

Faafin Macluumaad Been ah

 

20.1     Waxaa reebban faafinta warar been iyo dacaayad lid ku ah sharafta muwaadin,    shakhsiyaad, hay’ad ama dawlad, iyadoo Warbaahintii falkaas ku kacda ay          laga doonayo:

 

B.   In ay raali-gelin qoraal ah iyo saxid ka bixiso gefkeeda, kuna faafiso (qormada                                   1aad ee bogga hore) ee lagu daabacay ama isla barnaamijkii warbaahinta laga                                sii daayey warka, iyadoo raali-gelintaas ku sameynaysa muddo aan ka                                               badnayn 48 saacadood gudahood laga bilaabo marka ay cabashadaasi soo                             gaarto;

 

T.   In ay u oggolaato muwaadinka ama hay’adda loo gefay in ay ka jawaabaan                            wararka ay u arkayaan in ay ku yihiin been-abuur ama sharaf-dhac lagu                            waxyeelaynayo muddo 48 saacadood ah, iyadoo aan wax                                                                  sharuud ah lugu xirin, waxaana lagu jawaabayaa isla wargeyska, bogga iyo                                  qormadii warka lagu qoray, ama warbaahintii laga sii daayey, iyadoo aan la                                 kala dhantaalin nuxurkeeda, si ay u gudbiso macnihii ay ku dhisnayd                                           jawaabtu; iyo

 

J.    In haddii muwaadinka, hay’adda ama Dawladda lagu been abuurtay ama la                          sharaf dilay ku qanci waayaan raali-gelinta la bixiyey, waxay xaq u leeyihiin                                in ay ka dacwoodaan hay’addaha garsoorka soona bandhigtaan                                                            cabashadooda.

 

20.2     Warbaahinta waxaa ka reebban in ay faafiso gef ama meel-ka-dhac ka dhan ah      qof dhintay ama qof aan dhimirkiisu dhammeyn oo aan is-difaaci karin, iyadoo         haddii ay taasi dhacdo, faqrada 1aad, 2-aad ee qoddobkan ayaa dhaqan-gelaya,          waxaana qaraabada qofka loo gefay u furan in ay ka dacwoodaan maxkamadda            awoodda u leh.

 

Qodobka 20aad

 

Magdhaw

21.1     Qofka ama hay’adda meel-ka-dhac loogu geysto qalabka warbaahinta, ee ku qanci waaya go’aannada ay Golaha Saxaafadda Qaranka ku ridday xarunta warbaahineed waxaa uu xaq u leeyahay inuu ka dacwoodo maxkamadda awoodda u leh.

 

Qodobka 21aad

 

Faafin Khasab ah

 

22.1     Hay’adda warbaahineed ee lagu helo fal dambiyeed, laguna rido xukun ganaax ama      magdhaw waxaa waajib ku ah in ay baahiso xukunka lagu riday, iyadoo haddii ay ka           baaqsato fullinta arrinkan, Golaha Saxaafadda Qaranka waxey ku ganaaxeysaa lacag dhan $500 (Shan boqol oo Dolar).

Qodobka 23aad

 

Wakaaladda Wararka Qaranka Soomaaliyeed (SONNA)


23.1     WWQS (SONNA) waa ururiyaha, gudbiyaha iyo qeybiyaha wararka Dawladda, sidoo kale SONNA waxay ururisaa oo ay baahisaa wararka kale ee dalka sida             warbaahinta gaarka loo leeyahay.

 

23.2     SONNA waxay ka jawaabeysaa codsiyada iyo baahida xogeed ee    warbaahinnada Dawladda, kuwa gaar ahaaneed iyo kuwa caalamkaba.

 

23.3     SONNA waxay xaq u leedahay soo-xigashada wararka wakaaladaha caalamka iyo warbaahinada gaar ahaaneed ee gudaha iyadoo xuseysa magaca warbaahinta ay soo xigatay.

 

23.4     SONNA waxaa la hawl-gelaya warbaahinno dawladeed sida idaacado,      wargeysyo, talefishino, website-yo, iwm, kuwaasoo soo bandhigaya warar,     barnaamijyo, filimo iyo madadaalo ay kula tartami karaan warbaahinada gaarka         loo leeyahay.

 

23.5     SONNA iyo warbaahinta kale ee dawladda waxay u madax-bannaan tahay mihnadeeda             saxaafadeed, iyadoo dhawraysa anshaxa saxaafadda.

 

Qodobka 23aad

 

Adeegga Warbaahinta Dadweynaha

24.1     Xeerkani wuxuu xaqiijinayaa difaaca sharciyeed oo ay helayso warbaahin dadweyne (Public Broadcasting Service) oo u madax-bannaan tafaftirka wararkeeda.

24.2 Adeegga Warbaahinta Dadweynahu waa ka madax-bannaan yahay danaha   Dawladda iyo shirkadaha ganacsiga, iyadoo taas lagu gaari karo in la magacaabo guddi  adeegga Warbaahinta Dadweynaha, kana xor ah faragelin         siyaasadeed                                       iyo mid ganacsi.

24.3     Adeegga Warbaahinta Dadweynuhu waxay lahaanayaan madax-bannaani dhanka miisaaniyadda iyagoo aan ku xad gudbi karin dhaqaalaha loogu yabooho.

24.4     Dhamaan barnaamijyada waa in ay ahaadaan kuwo dhex-dhexaad ah, xorna ka    ah u-xaglin siyaasadeed, oo aan buunbuunin u sameynayn xisbi siyaasadeed,   hay’addaha Dawladda, dano ganacsi ama fikrad shakhsiyadeed, balse ka         shaqaynaya oo oggolaanaya fikradaha guud ee dadka ku xiran warbaahintooda.

24.5     Barnaamijyada ka baxa warbaahinta dadweynaha waa in ay kala duwanaadaan oo ay isugu jiraan kuwo ka hadla arrimaha bulshadda iyo madadaalo, waxbarasho loogu      tala-galay qeybaha kala duwan ee bulshadda, kana haqab-tiraya baahidooda   saxaafadeed.

24.6     Barnaamijyadu waa in ay ku dhiiri-geliyaan una fududeeyaan muwaadiniinta ka qeyb qaadashada hannaanka dimuqraadiyada, maamul wanaaga iyaga oo la siinayo macluumaad wax-ku-ool ah, sax ah, oo waqtiyeysan, kuna aaddan arrimaha taagan oo ay danta shacabku ku jirto.

24.7     Barnaamijyada waa in ay ku jiraan arrimaha siyaasadda, dhaqaalaha, sayniska,    caafimaadka, waxbarashada, diinta Islaamka, cayaaraha, bulshadda, dhaqanka iyo wararka gudaha iyo dibabadda.

24.8     Warbaahinta Adeegga Bulshadda, marka laga reebo wararka iyo macluumaadka            kale, waa in ay samaysaa madadaalo hal-abuur leh, si ay ula tartanto   warbaahinta ganacsiga ku dhisan.

24.9     Barnaamijyadu waa in ay muujiyaan dhaqanka Soomaaliyeed, una soo bandhigaya caalamka.

24.10   Inta ay saamaxayso farsamada iyo tiknoolajiyada hadba la heli karo,           Warbaahinta Addeega Bulshaddu waa in ay qiimo la awoodi karo ku gaartaa           dhammaan shacabka, oo aysan jirin koox gaar ah oo ka reeban in ay ka        faa’iidaystaan.

24.11   Warbaahinta Adeegga Bulshaddu waa in ay dhiiri-gelisaa, horumarisaa qaabka   maqalka iyo muuqaalka ah, iyadoo la addeegsanayo tiknoolajiyadda cusub si ay           u ballaariso gaaritaankeeda dadka ku xiran.

24.12   Maadaama Warbaahinta Adeegga Bulshadda ay tahay mid madax-bannaan oo    dhex-dhexaad ah, lacagaha ama tageero nooc waliba ah oo ay dawladdu siiso        waa ka madax-bannaan yihiin ujeeddooyin siyaasadeed iyo faragalin kale.

24.13   Waxaa jira qaabab badan oo ay Warbaahinta Adeegga Bulshadda lacago ku heli karto, waxaana ka mid ah:

B.   Taageerada dowladda iyo taburrucaad shuruud la’aan ah oo ay ka helaan shakhaiyaad ama hey’ado.  

T.   Inta badan warbaahinta Addeega Dadweynaha ayaa gal-gal lacag la’aan ah                                         ama raqiis ah u leh helitaanka hirarka (Frequencies).

 

Qodobka 24aad

 

Suxufi

 

 

25.1.    Suxufi waxaa noqon karo qof kasta oo Soomaali ah oo ugu yaraan heysta shahaado dugsi sare oo sax ah lehna xirfad saxaafadeed ama qof ku dhex jiray mihnadda saxaafadda saddex sandood iyo ka badan.

25.2     Shaqaalaha kale ee ku hawlan saxaafadda iyo warbaahinta oo ah waayo-arag        ama farsamo-yaqaan waxay ka tirsan yihiin bahda saxaafadda, waxaana xil ka      saaran yahay in ay dhawraan asluubta iyo anshaxa saxaafadda.

25.3     Hawl-wadeenada     saxaafadda ee ku xusan faqrada 2aad ee isla qodobkan waxaa             la siinayaa dhawrista suxufiga oo kale.

25.4    Tixgelinta heerarka xirfadeed ee saxaafadda waxay kamid yihiin waajibaadka       warbaahinta.

Qodobka 25aad

 

Waajibka Suxufiga iyo Hay’addaha Saxaafadda

 

26.1     Suxufigu waa in uusan ku xad-gudbin xuquuqda qofka, hay’addaha, goobaha     cibaadada, shuruucda dalka, diinta Islaamka.

26.2     Suxufigu waa in uu dhawraa sharafka, lahaanshaha gaar ahaaneed, xuquuqda     iyo karaamada dadka uu wararka ka qaadayo isaga oo muujinaya qadarin.

26.3     Suxufiga waxaa ka reeban in uu dheef ku helo xog ama sawiro gaar loo leeyahay.

26.4     Suxufiga waxaa u bannaan in uu soo bandhigo xogaha la xiriira fal-dembiyeed    dhacay, haddii haddii uu hayo dacceyn ku filan.

26.5     Mas’uuliyiinta warbaahineed iyo weriyeyaasha waxaa ay mas’uuliyad ka saaran tahay hubinta in wararka iyo barnaamijyada ay baahinayaan ay yihiin kuwo xaqiiqada ku saleysan.

26.6     Hadii warbaahintu ama weriyuhu uu helo war uu qarsoon yahay qofkii sheegay,            waa in ay qiimeeyaan kalsoonida lagu qabi karo ilo wareedka iyo ujeeddada wartebiyuhu isu qariyey.

26.7     Haddii ay warbaahintu u aragto in is-qarinta wartebiyaha ay u wanaagsan tahay               ammaanka ilo-wareedka iyo tan qaranka,waa ay sii dayn karaan warkaas,             lagamana doonayo in ay shaaciso wartebiyaha iyo goobta laga helay xogta,     marka laga reebo:

B.   Haddii macluumaadka laga helayo ilo-wareedka uu keenayo natiijo aan meel kale laga heli karin, isla markaana ay maxkamad soo codsatay ilo wareedka. Haddii ay arrintaasi dhacdo, ilo wareedka waxaa lagula kulmayaa meel dahsoon.

 

 

 

 

 

Qodobka 26aad

 

Xuquuda Suxufiga

 

27.1.    Suxufigu wuxuu xaq u leeyahay in uu ilaaliyo amnigiisa, sharafkiisa iyo in uu u             soo bandhigo xaqiiqada si xor ah.

27.2     Suxufigu wuxuu mudan yahay in la siiyo wararka uu u baahan yahay haddii       aanay jirin sabab maan-gal ah ah oo diidaysa.

27.3     Dawladdu waa in ay Suxufiyiinta u fududayso fursado tababbaro aqooneed oo   la xiriira mihnadooda shaqo.

27.4     Milkiileyaasha qalabka warbaahinta iyo warfidiyeenadu, waxay yeelan karaan    ururo u gaar ah oo ay ku midaysan yihiin si ay u difaacaan danahooda.

27.5     Milkiileyaasha warbaahinta gaarka ah, waxay ilaalinayaan xuquuqda         suxufiyiinta iyo farsamo-yaqaanada u shaqeeya dhinaca arrimaha:

B.   Heshiiska shaqa-qorista;

T.  Saacadaha shaqada;

J.    Fasaxyada; iyo

X. Shaqo-ka-tagista (ruqsadda), iwm.

27.6     Milkiileyaasha warbaahinta gaarka ah, suxufiyiinta iyo farsamo-yaqaanada          warbaahinta, waxay raacayaan xeerka shaqada iyo shaqaalaha gaarka ah ee           dalka.

Qodobka 27aad

 

Ilaalinta Xaqa Lahaanshaha

28.1     Warbaahinta waxaa waajib ku ah in ay ixtiraamto ilaalinta xaqa lahaanshaha,        sida ku xusan shuruucda caalamiga ah, oo ay kamid tahay ‘fasax ka helidda           qofka leh xaqa lahaanshaha ka hor inta aan la isticmaalin’, iyada oo la xusayo         lahaanshaha asalka ah ee qoraalka ama sawirka la xiganayo.

28.2     Isticmaalka iyo amaahashada xog ama ra’yi la soo min-guuriyey waxaa la             xusayaa qofkii curiyey xogta la xiganayo, waxaana reeban in la soo minguuriyo     xog aan la xusin ciddii curisay.

28.3     Waxaa reebban in la daabaco ama la badiyo qoraal, suugaan, sawiro, filim, iwm oo aan oggolaansho looga haysan curiyaha ama soo-saaraha.

28.4     Haddii aan la dhawrin xuquuqda lahaanshaha ee sare ku xusan, qofka leh xaqa   lahaanshaha ayaa dacwad ka furan kara maxkamad awoodda u leh.

Qodobka 28aad

 

Dhawrista Xeerkan

29.1     Eedeymaha  la xiriira warbaahinta waxaa iska kaashanaya Wasaaradda      Warfaafinta, Xeer-ilaaliyaha Guud ee Qaranka, Golaha Saxaafadda Qaranka,     Ururrada Saxaafadda Soomaaliyeed; waxaana dacwadaha la horgeynayaa       maxkamadda awoodda u leh.

 

 

Qodobka 29aad

 

Baabi’in

 

30.1     Xeerkani waa xeerka Saxaafadda Soomaaliyeed iyo Suxufiga Jamhuuriyadda Federaalka Soomaaliya, waxaana la baabi’iyey xeer kasta oo saxaafadeed oo ka soo hor-jeeda ama aan la socon karin xeerkan.

 

Qodobka 30aad

 

Dhaqan-gal

 

31.1     Xeerkan wuxuu dhaqan-gelayaa marka uu saxiixo Madaxweynaha                                                 Jamhuuriyadda Federaalka Soomaaliya, laguna soo saaro Faafinta                                      Rasmiga ah ee Dawladda.

MAHADNAQ

Waxaa halkan looga mahad celinayaa guud ahaan intii gacan ka geysatay qoraalka iyo dib u eegidda xeerkan. Waxaa sharaf iyo mahadnaq gaar ah mudan Guddigii Xeerka Saxaafadda oo waqti dheer iyo dadaal badan ku bixiyay qoridda iyo habeynta xeerkan.

Xubnaha Guddiga

  1. C/laahi Colaad Rooble________________________ (Gudoomiuye)
  2. Ismaaciil Sheekh Khaliifa________________________ (Gudoomiye ku xigeen)
  3. C/raxmaan Yuusuf Sheikh (Al-Cadaala) ________________________ (Xubin)
  4. Muno Cumar Xasan  ________________________ (Xubin)
  5. Cabdi Xaaji Goobdoon________________________ (Xubin)
  6. Xuseyn Xaaji Jaabir  ________________________  (Xubin)
  7. Faarax Cabdi Wasame  ______________________ (Xubin)
  8. Maxamed Ibaarhim Bakistan  ________________________ (Xubin)
  9. Cisman C/laahi Guure ________________________               (Xubin)
  10. Liibaan Cabdi Warsame ________________________ (Xubin)
  11. Malyuun Sh Xeydar  ________________________ (Xubin)
  12. C/rasaaq Jaamac Cilmi  ________________________ (Xubin)
  13. Nimca Xasan Cabdi ________________________ (Xubin)
  14. C/Qaadir Axmad Jimcaale  ________________________ (Xubin)
  15.  Farxiyo Maxamed Qeyre  ________________________ (Xubin)
  16. 16.  Maxamed Isxaaq    Mursal________________________ (Xubin)

Muqdisho Agoosto 24, 2014 Munaasabadaani lagu furayay aqoon isweydaarsi socon doono muddo shan cisho ah, kuna saabsan maareynta musiibooyinka ayaa Muqdisho loogu qabtay 33 xubnood oo ka kala socda hay’adaha gar gaarka bixiya iyo Jaamacado ku yaala qaar ka mid ah dalalka bariga Afrika, iyadoo xafladdii furitaanka aqoon isweydaarsigaasi ay ka qeyb galeen Wasiirada Arrimaha dibadda iyo Tacliinta sare, Xildhibaanno iyo marti sharaf kale.

Dr C/risaaq Axmed Dalmar Guddoomiyaha Jaamacadda Benaadir oo ka hadlay goobta ayaa sheegay in aqoon isweydaarsigan ay iska kaashanayaan Jaamacadaha Benaadir, Mekere University ee dalka Uganda iyo Jaamacad kale oo laga leeyahay dalka Mareykanka, isagoo uga mahadceliyay ka qeyb galayaasha aqoon isweydaarsigan.

Xildhibaan Cismaan Maxamuud Maxamed Dufle oo ah guddoomiyaha guddiga arrimaha bulshada ee Baarlamaanka Soomaaliya ayaa tilmaamay in barnaamijkan uu ahmiyad gaar ah u leeyahay bulshada Soomaaliyeed, isla markaana ay tahay wax lagu farxo in aqoon isweydaarsi nuucaani oo kale ah lagu qabto gudaha dalka oo looga yimaado dalka dibadiisa, ayna tahay tallaabo horey loo qaaday

Wasiirka Hidaha iyo Tacliinta sare ee Xukuumadda Soomaaliya Mudane Ducaale Aadan Maxamed oo furay aqoon isweydaarsigan ayaa uga mahadceliyay mas’uuliyiinta Jaamacadaha iska kaashanaya, isagoo xusay in Wasaaraddu ay dhiirigelinayso tayaynta tacliinta sare ee dalka iyo in dalka lagu qabto barnaamijyo cilmi baaris ah.

Wasiirka Arrimaha dibadda ee Xukuumadda Soomaaliya Mudane Cabdiraxmaan Ducaale Beyle oo ugu dambeyntii munaasabada hadal kooban ka jeediyay ayaa kula dar daarmay in ay ka faa’iideystaan aqoon isweydaarsigan inta uu socda, lana soo gudbiyo macluumaad wanaagsan.

Muqdisho Agoosto 24, 2014 Guddoonka Golaha Shacabka Jamhuuriyadda Federaalka Soomaaliya waxa uu soo dhaweynayaa doorkii muuqday ee ay qaateen Xildhibaannada Baarlamaanka Federaalka ee kasoo jeeda Puntland, Guddoon ahaan aad ayaan u soo dhaweyneynaa shaqada muuqata ee ay Xildhibaannadu haddiiba u guntadeen xallinta khilaafaadka soo ifbaxay laga soo bilaabo bartamaha bishan August 2014 ee ay ku abuureen jawi isku soo dhowaansho loogu gogol xaarayo wadahadal toos ah oo ay yeeshaan Xukuumadda Federaalka ah ee Soomaaliya iyo Dowlad-Goboleedka Puntland ee Soomaaliyeed.

Sida uu qabo Qodobka 61aad ee Dastuurka Dalka, Xildhibaannada Golaha Shacabka waxay u gudanayaan waajibaadkooda sida ay danta Qaranku ku jirto iyada oo waajib gaar ah ka saaran yahay deegaan cod-bixiyeyaasha ay ka soo jeedaan, wuxuu Guddoonka Golaha Shacabka ku bogaadinayaa Xildhibaannada sida hagar la’aanta ah isaga xilqaamay inuu wadahadal ka dhex bilowdo DFS iyo Puntland.

Guddoonka Golaha Shacabka Jamhuuriyadda Federaalka Soomaaliya waxa uu uga mahadcelinayaa mas’uuliyiinta Dowlad-Gobolleedka Puntland sida ay danta Qaranku ku jirto ee ay u soo dhaweeyeen dadaalka Xildhibaannada Golaha Shacabka. Sidoo kale Guddoonka Golaha Shacabka waxa uu ku bogaadinayaa Xukuumadda Federaalka ah ee Soomaaliya sida ay usoo dhaweysay in wadahadal la furo, is fahamna laga gaaro wixii kala fikir duwanaansho ah.

Ugu dambeyntii Guddoonka Baarlamaanka Federaalka ah ee Soomaaliya waxa uu si dhow ula soconayaa ka miradhalinta dadaalka Xildhibaannada bilaabeen wuxuuna ku dhiiragelineynaa labada dhinac iney si degdeg ah u gadagalaan wadahadallada , isfaham buuxana ka gaaraan wixii kala fikir duwanaansho ah muddada 30ka maalmood ah gudahood.

DHAMAAD—

Xafiiska Warfaafinta iyo Xiriirka Dadweynaha Ee Gudoonka Baarlamaanka

Media & Public Relation Office Of Speaker

Parliament@parliament.somaligov.net Parliament@parliament.somaligov.so


Muqdisho Agoosto 24, 2014 Kulan looga hadlayay isku xirka Hay’adaha dowladda ayna ka qeyb galeen mas’uuliyinta Wasaaradaha, xafiisyada Madaxweynaha iyo Ra’iisul wasaaraha dalka ayaa maanta lagu qabtay xarunta Wasaaradda Warfaafinta.

Kulankan oo uu shir guddoominayay Wasiirka Warfaafinta iyo Hannuuninta Dadweynaha ee Xukuumadda Soomaaliya Mudane Mustaf Sheekh Cali Dhuxulow oo ka qeyb galeen Wasiir ku-xigeenka Wasaaradda Warfaafinta, masuuliyiin ka socotay xafiisyada Madaxweynaha iyo Ra’iisul wasaaraha,  Afhayeneka AMISOM, xubno matalayey Wasaaradaha dowladda ayaa ku saabsanaa isku xirka hey’adaha dowladda iyo isweydaarsiga xogaha dalka.

Kulanka  oo todobaad walba maalinta Axadda ka dhaca xarunta Wasaaradda, ayaa lagu  falan qeeyey sidii loo xoojin lahaa xiriirka hey’adaha dowladda iyo hey’adaha cilaaqaadka la leh oo ay AMISOM ka mid tahay.

Wasiir ku-xigeen Wasaaradda Warfaafinta Xukuumadda Federaalka Soomaaliya, Mudane Cabdullaahi Colaad Rooble, ayaa warbaahinta Qaranka u sheegay qodobadii diiradda lagu saaray shirka  iyo u jeeddada guud ee laga yeehay shirkan todobaadlaha ah.

Dhinaca Kale Afhayeenka Ciidammada Midowfa Afrika ee AMISOM Kornayl Cali Aadan Xumad ayaa booqdey Xarunta Keydka hadalka ee Radio Muqdisho oo uu soo eegay taariikhda halkaasi ku keydsan, waxa uuna tilaamaamay in tani ay tahay mid salka u dhigeysa Midnimada Ummadda Soomaaliyeed, waxaana uu hadalkiisa sii raaciyey baaq uu shacabka Soomaaliyeed u jeediyey.

Sidoo kale Afhayeenka Ciidammada AMISOM ayaa booqdey Radio Muqdisho Codka Ciidammada Qalabka Sida oo muddo laba bilood ah hawada ku jira, kana shaqeeya isku xirka ciidammada iyo Shacabka Soomaaliyeed iyo dhammaan howlaha ay qabtaan ciidammada Qaranka Soomaaliyeed, waxaana uu balan qaaday in ay taageero buuxdo siinayaan Idaacadda.

Muqdisho Agoosto 24, 2014 Dibadbax balaaran oo ay ka qeybgaleen kumannaan dadweyne ah loogana soo horjeedo ficillada guracan ee maleeshiyaadka Shabaab ayaa maanta ka dhacay magaalada Buulo barde ee gobolka Hiiraan.

Dibadbaxayaasha  oo watay boorar ay ku qornaayeeen halku dhigyo ka dhan ah maleeshiyaadka Shabaab ayaa socod ku maray wadooyinka iyo xaafadaha degmada Buulo Barde.

Dadweynihii ka qeybgalay dibadbaxaasi ayaa ka cabanayay dhibaatooyinka ay maleeshiyaadka Shabaab ku hayaan dadka ku dhaqan degmadaasi .

Sidoo kale dibadbaxayaasha ayaa ka dalbaday  ciidanka qalabka sida ee dowladda  iyo kuwa AMISOM iney furaan waddooyinka soo gala degmadaasi,  si loo badbaadiyo nolosha dadka iyo duunyada ku dhaqan halkaasi.

Dibadbaxan ayaa sida la sheegay ka dambeeyay kadib markii maleeshiyaadka Shabaab ay ka horjoogsadeen gaadiidka sida raashinka in ay galaan degmada Buulo barde.

Dhank akale dibadbaxayaasha ayaa ugu baaqay dowladda inay wax ka qabato xaaladda murugsan ee ka taagan degmada iyo deegaannada hoos yimaada ee dhawaan laga xoreeyay maleeshiyaadka Shabaab..

Muqdisho Agoosto 24, 2014 Tartanka kubadda cagta ee Degmooyinka Gobolka Benaadir oo si habsami leh uga socda garoonka kubadda cagta ee Benaadir Stadium ayaa shalay waxaa hallkaasi kulan adag ku dhexmaray cayaartooyda degmooyinka Heliwaa iyo Waaberi oo goobta ku soo bandhigay cayaar wanaag inta uu tartanku socday.

Dadweyne aad u fara badan oo ka kala socday degmooyinka Gobolka Benaadir ayaa u soo daawasho tegay cayaartaasi xiisaha lahayd ee dhexmartay Degmooyinka Waaberi iyo Heliwaa, waxaana cayaartaasi waqtigii loogu talagalay ay ku soo idlaatay 4-5 oo ay guusha ku soo raacday cayaartooyda Degmada Waaberi ee gobolka Benaadir.

Muqdisho Agoosto 24, 2014 Waxaa goordhaw Banaabax xoogan uu ka bilaawday fagaaraha Dal jirka dahsoon ee degmada Boondheere iyadoo ay is kugu yimaadeen dadweyne aad u tiro badan iyo fanaaniin.

Ciidamo Booliis ah ayaa saakay lasoo dhigay fagaarahaas waxaana ay sugayeen ammaanka goobta iyadoo sidoo kale lagu xiray Sameecado si halkaas heeso guubaabo ah looga qaado.

Banaanbaxaan ayaa la sheegay in uu yahay mid lagu taageeraayo ammaanka magaalada Muqdisho oo maalmihii ugu soo hagaagayay isla markaan ay shacabka ku farxeen.

Xubno ka tirsan DF Somalia iyo maamulka Gobalka Banaadir ayaa dibad baxaan kasoo qeybgali doono iyaga oo shacabka kala qeyb qaadanaya banaabaxaan balaaran.

Sidoo kale Dibad baxaan ayaa lagu taageerayaa barnaamijka hub ka dhigista ah ee dhawaan ka bilaawday magaalada Muqdisho oo ay Wasaarada amniga sameeneyso.

Muqdisho Agoosto 24, 2014 Waxaa saakay inta badan xiran ganacsigii ka jiray Suuqa Weyn ee Bakaaraha kadib markii ganacsatada Suuqaasi ay kasoo horjeestaan in ay bixiyaan lacagaha canshuuraha ee Dowlada Soomaaliya ka qaado mehradaha ganacdsi.

Guddiga Ganacsatada Suuqa Bakaaraha ayaa la sheegay in ay saakay ku amreen ganacsatada yar yar ee Suuqa Bakaaraha in ay kasoo horjeestaan bixinta lacagaha Canshuuraha ee Dowladu ka rabto ayna xiraan goobahooda ganacsi si ay u muujiyaan sida ay uga soo horjeedaan in wax canshuur ah laga qaado.

Waxaa inta badan saakay xiran Goobaha ganacsi ee Suuqa Bakaaraha , ganacsatada ayaana hor tuban goobahooda ganacsi kadib markii Gudiga ganacsatada Suuqaasi ku amreen ganacsatada in aysan furin goobahooda ganacsi hadii ay furaana laga qaadi doono canshuurta lagu leeyahay.

Sargaal katirsan Maamulka Gobolka Banaadir ayaa noo sheegay in Guddiga ganacsatada Suuqa Bakaaraha marar badan loo yeeray si loogala hadlo qaadista canshuuraha ee Suuqaasi balse ay ka meer meereen wax badan markii la damcay in la bilaabo qaadista canshuurahana ay bilaabeen abaabulka ay saakay ku xireen ganacsiga Suuqa Bakaaraha si ay u muujiyaan dacaayad ka dhan ah Maamulka Gobolka Banaadir.

Wasaarada Maaliyada Gobolka Banaadir ayaa amartay in la qaado canshuuraha bariga , waxaana qeybo badan oo kamid ah Magaalada Muqdisho hada ka socda qaadista canshuuraha laga qaadayo ganacsatada iyo Shirkadaha ka howlgala Magaalada Muqdisho.

Nairobo Agoosto 23, 2014 Guddoomiyaha cusub ee gobolka Shabelaha Dhexe Cali Cabdullaahi Xuseen “Guudlaawe” ayaa xilkiisa la wareegay kaddib munaasabad lagu qabtay magaalada Jowhar oo ay ka qeyb galeen qeybaha bulshada iyo masuuliyiin ka tirsan wasaaradda arrimaha gudaha.

Guddoomiyaha cusub ee gobolka Shabeellada dhexe oo ay wehlinayeen qaar ka mid ah Xildhibaannada Baarlamaanka iyo mas’uuliyiin ka tirsan dowladda oo gaaray degmada Jowhar ee xarunta gobolkaas ayaa halkaasi si diiran loogu soo dhaweeyay.

Munaasabad kooban oo uu xilka kula wareegayay Guddoomiyaha cusub ee Gobolka Shabeelaha Dhexe oo lagu qabtay xarunta Gobolka ee Jowhar ayaa waxaa ka qeyb galay mas’uuliyiin , qeybaha bulshada ee gobolka ku dhaqan iyo marti sharaf kale.

Guddoomiyihii hore ee gobolka Shabeelaha Dhexe Cabdi Jiinoow Calasoow ayaa munaasabadda xil-wareejinta ka sheegay in muddadii uu xilka hayay ay u qabsoomeen waxyaabo badan oo ay ka mid yihiin dib-dhis lagu sameeyay xafiisyada maamulka, dayactirka waddadad  dhexmarta Jowhar iyo Balcad, Leyrar ku shaqeeya cadceeda oo laga hirgaliyay Jowhar iyo Balcad iyo ammaanka oo uu maamulku wax badan ka qabtay.

Agaasimaha guud ee wasaaradda arrimaha gudaha Cali Abtidoon Xalane ayaa u mahad celiyay guddoomiyihii hore ee gobolka, isagoo sheegay in wasaaraddu ay garab taagan tahay maamullada gobollada si ay ugu shaqeeyaan bulshada.

Guddoomiyaha cusub ee gobolka Shabeelaha Dhexe Cali Cabdullaahi Xuseen ayaa maamulkii hore ku amaanay shaqadii ay gobolka ka qabteen. wuxuu tilmaamay in uu xoogga saari doono wax ka qabashada ammaanka, Caddaaladda iyo dib u dhiska gobolka.

Qaar ka mid ah dadka deegaanka ayaa si aad ah u soo dhaweeyay Guddoomiyaha cusub ee gobolka loo magacaabay, waxaana soo dhaweyntii ka qeyb qaatay qeybaha bulshada ee ku nool magaalada Jowhar ee xarunta gobolka Shabeelaha Dhexe.

Muqdisho Agoosto 23, 2014 Ugu yaraan Saddex Qof ayaa Cuduro iyo Gaajo ugu geeriyooday qeybo ka mid ah Gobolka Gedo Ee Koofur Galbeed Soomaaliya.

Saddexda Ruux ee Geeriyooday ayaa la sheegay in ay ku dhinteen Degmada Buurdhuubo ee Gobolka Gedo,waxaana ay kala yihiin Haweeneey iyo Labo Caruur ah.

Xasan Maxamed Cali oo ah Gudoomiyaha Buurdhuubo ayaa sheegay in Dadka inta badan ay haysato Biyo la’aan ama Haraad oo Ceelashii ay Cabi jireen ay Gureen.

Gudoomiyaha ayaa sheegay in sidoo kale Dadka Biyo la’aanta iyo Gaajada ay u sii dheer tahay Cuduro ka dilaacay Degmada.

Xasan Maxamed Cali ayaa Dowladda iyo Hay’adaha Gargaarka ku dhaliilay in ay Dhowr jeer baaq u direen islamarkaana ay dhagaha ka Fureeysteen baaqooda.

Gobolka Gedo ayaa ka mid ah Gobolada Dowladda Soomaaliya ay sheegtay  Abaarta ka jirta ay aad u adag tahay.

Muqdisho Agoosto 23, 2014 Dufcadii saddexaad ee ka tirsan ciidamada gaarka ee ilaalada Madaxtooyada ayaa  loo qaaday tababar ay ku soo qaadan doonaan dalka isu-tagga Imaaraadka Carabta, kaasi oo ah mid heerkiisu uu sareeyo.

Cabdi Maxamed Axmed Agaasime kuxgeenka Madaxtooyada oo ka mida ahaa madaxdii sagootinaysay ciidankan ayaa warfidiyeenka u sheegay inay ciidankan ay yihiin qaybtii saddexaad ,iyadoona ay horey u baxeen labo duufcadood oo iaugu jira Rag iyo Dumar oo marba qaar si gaara loo soo Tababaray.

Agaasime ku-xgeenka Madaxtooyada Cabdi Maxamed Axmed ayaa sheegay inay ciidamadan tababarkan ku soo qaadan doonaan wadanka Imaaradka Carabta ,waxaana uu intaas ku daray in la soo bari doono qaabka loo difaaco Madaxda sare iyo ilaalinta dadka muhiimka ah.

Dowlada Imaaradka Carabta ayaa dhowr jeer tababar u fidisay saraakiil iyo askar ka tirsan ciidamada qalabka sida ee waddanka.

Kampala Agoosto 22, 2014 Gudoomiyaha Golaha Shacabka Jamhuuriyadda Federaalka Soomaaliya Mudane Maxamed Sheekh Cusmaan Jawaari ayaa maanta gelinkii dambe magaalada Kampala ee caasimadda Uganda kusoo xiray shir u socday Guddoonka Baarlamaanka Federaalka Soomaaliya iyo Hay’adaha taageera Baarlamaanka Soomaaliya.

Shirkan oo mudo laba cisho ah ka socday hotelka Emperial Royale ee magaalada Kampala waxaa ka qeybgalay Gudoomiyaha Baarlamaanka Federaalka Soomaaliya Mudane Maxamed Sheekh Cusmaan Jawaari, Gudoomiye ku xigeenka Labaad ee Baarlamaanka Mudane Mahad Cabdalla Cawad, Xildhibaanno ka tirsan Baarlamaanka,Agaasimeyaal ka tirsan Baarlamaanka iyo inta badan Hay’adaha taageera Baarlamaanka Federaalka Soomaaliya.

Gudoomiye ku xigeenka labaad ee Baarlamaanka Federaalka Soomaaliya Mudane Mahad Cabdalla Cawad oo kulankaasi markii uu soo gebageboobay kadib faah faahin ka bixiyey waxyaabihii looga hadlay kulankan ayaa tilmaamay in si weyn la iskula eegay howlaha horyaala Baarlamaanka Federaalka Soomaaliya mudada labada sano ee soo socota iyo taageerrada looga baahan yahay hay’adaha oo ah sidii ay gacan uga geysan lahaayeen qabsoomidda howlaha adag ee Baarlamaanka Federaalka Soomaaliya horyaala mudada labada sano ee soo socota.

Dhinaca kale Mudane Mahad Cabdalla Cawad Gudoomiye ku xigeenka Labaad ee Baarlamaanka Federaalka Soomaaliya ayaa ka hadlay diyaarinta qorshe howleedka Baarlamaanka Kalfadhiga 5aad ee soo socda taasi oo hada ay Guddoonka Baarlamaanka si weyn ugu howlan yihiin dejinta istiraatiijiyad leh jadwal ay ku cad yihiin howlaha la qabanayo Kalfadhiga 5aad oo waqtiyeysan ayadoo si gaar ah muhiimad loo siinayo in dalkan uu gaaro sanadka 2016ka yoolka la hiigsanayo.

#Somalia: Daadaab Refugee Camps on Friday August 22, 2014 Ra'iisal Wasaaraha Soomaaliya Mudane Cabdiweli Shiikh Axmed iyo wafdigiisa oo maanta gaaray xeryaha qaxootiga ee ku yaala Dhadhaab, dalka Kenya meeshaasoo uu rabo inuu la hadlo dadka Soomaaliyeed sida ay u caawi karto Dowladda Soomaaliya.

Republic of Somalia's photo.
Republic of Somalia's photo.
Republic of Somalia's photo.
Republic of Somalia's photo.
Like















Nairobo Agoosto 22, 2014 Ra’isul wasaaraha xukuumada Federaalka Soomaaliya oo maalintii Labaad ku sugan wadanka Kenya ayaa kulan la leh madaxda wadankaasi.

R/wasaare Dr. Cabdiwali ayaa madaxda dalka Kenya kala hadlayaa xoojinta cilaaqaadka labada dal iyo sidoo kale arimaha qooxootiga Soomaaliyeed ee ku nool wadanka Kenya, sidii ay uheli lahaayeen nolol iyo daryeel ku filan .

C/weli Sh. Axmed R/wasaaraha dalkaayaa magaalada Adis ababa uga soo qaybagalay shirkii looga hadlayay arrimaha qoxootiga ka hor inta uusan u abma bixin  wadanka Kenya.

Muqdisho Agoosto 22, 2014 Guddoomiyaha maamulka Gobolka Banaadir ahna duqa magaalada Muqdisho Gen Xasan Maxamed Xuseen ayaa maanta Magaalada Muqdisho kulan kula qaatay safiirka dowladda mareykanka ee Soomaaliya Ambassador James Mc Anulty iyagoo  ka wada hadlay arrimo kale duwan oo saldhig u ah horumarka caasimada.

Guddoomiyaha iyo safiirka ayaa aad iskula lafa guray arrimaha amniga, iyadoo guddoomiyaha warbixin uu ka siiyay horumarka amniga laga gaaray iyo sida muhiimka ay u tahay in la dar dargaliyo howlgalada amniga lagu xoojinayo oo saldhig u ah xoojinta amniga.

Ugu dambeyntii safiirka Dowladda Mareykanka ee Soomaaliya ayaa  balanqaaday in tababaro ay siinayaan shaqaalaha Dowladda hoose ee Xamar iyo sidoo kale in tababaro ay siinayaan ciidamo Boliis ah iyo kuwa nabad sugid ah oo gacan ka geysanaya horumarinta iyo sugida amniga Muqdisho.

Garoowe Agoosto 22, 2014 M/weynaha Maamulka Puntland C/wali Max’ed Cali Gaas ayaa ka hadlay hadal uu ka jeediyay M/weynaha Galmudug Cabdi Xasan Cawaale Qeybdiid markii la saxiixaayay heshiiskii maamul Goboleedka loogu sameenaayay Goboladda Dhexe.

C/wali Gaas ayaa sheegay in Cabdi Qeydiid uu ka sheegay halkii heshiiska lagu saxiixaayay hadal ah Fad ama ha fadin waa lagu fadsiin oo ula jeeday in aysan dhici karin cid maamulkaas kasoo horjeesan doonto.

Dhanka kale M/weyne Gaas ayaa sheegay in Cabdi Qeydiid uu yahay Gardaro garab og balse Puntland iyada aan lagu qasbi doonin in ay maamulkaas aqoonsato isla markaana xoog lagu fadsiiyo.

Garoowe Agoosto 22, 2014 Xildhibaan C/raxmaan maxamed Cali (Bulshaale) oo mudo 8 Sano ah ku jiray baarlamaanka maamulka Puntland oo shir ku qabtay magaalada Garoowe ayaa Madaxwayne Cali khaliif Galaydh iyo ku xigeenkiisa ugu baaqay inay soo dhamaystiraan Golaha wasiirada maamulka Khaatumo.

Bulshaale ayaa sheegay inay Kalsoonida lagu Qabaa maamulka khaatumo ay tahay 100 % Wuxuuna yidhi “Waxaanu ka balan qaadaynaa inaanu la shaqayno Hiil iyo Hooba, Maxaa yeelay Dhiiga, Dhulka, Dhaqanka, Sharafka, iyo Karaamada, Loo guntaday ee halkaasi lagu Abaabulay waa naga dhexeeyaan” ayuu yidhi.

Ugu danbaynta wuxuu ugu baaqay Dawlad goboleedka khaatumo Sida ugu dhakhsaha badan uu ku gaadho Xarunta maamulka khaatumo ee Laascaanood, Wuxuuna sheegay in laysugu tagi doono dal iyo debed Arintaasi.

Muqdisho Agoosto 22, 2014 Gudoomiyaha Baarlamaanka Federaalka Soomaaliya Mudane Maxamed Sheekh Cusmaan Jawaari

Gudoomiye ku xigeenka Koobaad ee Baarlamaanka Mudane Jeeylaani Nuur Iikar

Gudoomiye ku xigeenka Labaad ee Baarlamaanka Mudane Mahad Cabdalla Cawad

Gudoomiyeyaasha Guddiyada Joogtada ah ee Baarlamaanka iyo Dhammaan Xildhibaannada Golaha Shacabka waxa ay tacsi tiiraanyo leh u dirayaan Xoghayaha Guud ee Golaha Shacabka Mudane C/kariin Xaaji Cabdi (Buux) oo ay uga tacsiyadeynayaan geerida ku timid Allaha u naxariistee Hooyadiis Faadumo Aw Xuseen Jabriil oo ku geeriyootay magaalada Jigjiga ee Caasimadda Dowlad Deegaanka Soomaalida Ethiopia waxa ayna Alle uga baryayaan naxariistiisa jano uu siiyo,carruurta,ehellada iyo qoyskii ay ka geeriyootayna uu samir iyo iimaan ka siiyo.

INAA LILAAHI WA INAA ILEEYHI RAAJICUUN

Muqdisho Agoosto 22, 2014 Barnaamijka kulanka todobaadka oo ka baxa Radio Muqdisho iyo Telefishinka Qaranka ayaa todobaadkan lagu falanqeeyay qaabka ay dowladda Federaalku ugu diyaargaroowday doorashada sanadka 2016-ka  dalka ka dhici doonta.

Barnaamijka ayaa waxaa marti ku ahaa oo ka qeybgalay ku simaha R/wasaaraha ahna R/wasaare ku xigeen iyo wasiirka Owqaafta iyo arrimaha Diinta Ridwaan Xirsi Maxamed oo isagu si faah faahsan uga hadlay qorshaha dowladda ee ku wajahan doorashada la doonayp iney dalka ka dhacaan sanadka 2016-ka.

R/wasaare ku xigeenka ayaa si saraaxad leh uga jawaabay su’aalo ay dhageystayaasha barnaamijku ka soo weydiiyeen dalka iyo dibada, kuwaas oo ku qotomay mowduuca barnaamijka.

Muqdisho Agoosto 22, 2014 Ciidamada nabadgelyada dowlada Federaalka Soomaaliya ayaa saaka howlgallo balaaran oo lagu xaqiijinayo ammaanka ka wada xaafado ka mid ah degmada Heliwaa ee Gobolka Banaadir.

Howlgalkan oo bilowday waaberigii hore ee saaka ayaa ciidamadu isku fidiyeen xaafadaha SOS, suuqa xoolaha ilaa waxaracadde, waxeyna guri guri u baarayaan xaafadaaha, iyagoo xiray dhamaan waddooyinka .

Ciidamada ayaa howlgalkani ku baadi goobaya dhagarqabayaal la rumeysanyahay iney ku dhuumaaleysanayaan xaafadahaasi, iyagoo si gaar ah u bar tilmaameedsanaya baro mucayin ah.

Howlgalkan ayaa ka dambeeyay wadib markii sarkaal ka tirsan ciidamada amaanka shalay qarax lagula beegsaday agagaarka cisbitalka SOS ee degmadaasi.


WARARKA DOWLADDA SOOMAALIYA EE MAANTA



Photo: Addis,Ababa, 20, August, 2014….Ra’iisul Wasaaraha Xukuumadda Federaalka  ee Soomaaliya Cabdiwali Sheikh Axmed iyo waftigii uu hogaaminayey ayaa saaka ka qayb galay shir ka furmay magaalada Addis Ababa ee dalka Ethiopia, oo looga hadlayo xal u helidda qaxootiga Soomeeliyeed ee ku nool daafaha caalamka gaar ahaan wadamada dariska.

Shirkaan oo ay soo qaban qaabisay Hay’ada Qaxootiga aduunka UNHCR ayaa waxaa lagu casuumay shanta dal ee deriska la ah Soomaaliya (Kenya, Ethiopia, Yemen, Djibouti iyo Uganda) madax ka socota

Wasiirada ka kala socday wadamada ka soo qayb galay shirkaan ayaa shirka ka sheegay in ay sii wadayaan marti galinta qaxootiga Soomaaliya, kalana shaqaynayaan dowalada Soomaaliya sidii ay dalka u xasilin lahayd, taas oo u baahan waqti iyo is garabtaag caalamku u muujiyo dowladda Soomaaliya.

Madaxa Hay’ada Qaxootiga Aduunka mudane Guturees, ayaa aad uga dheeraday ahmiyada shirkaan u leeyahay in wax loo qabto qaxootiga Soomaaliyeed ee ku sugan dalka dibadiisa iyo gudihiisa, laguna soo jeediyo indhaha caalamka in qaxotiga Soomaaliyeed ay yihiin kuwo dhibaataysanaa mudo rubac qarni ah.

“Wali waxaa ka jira qaar ka mid ah gobolada dalka amni xumo aan u saamaxayn in qaxootigu ay ku noqdaan dalkooda, waxaa laga rabaa wadamada shirkaan fadhiya in ay sii wadaan dulqaadkooda ku aadan marti galinta qaxootiga Soomalida, waxaa qayb ka ah shaqadayda ilaalinta iyo u doodida qaxootiga aduunka, anigoo ku xadgudbaynin shuruucda u taala wadamada ay qaxootigu joogaan, waajibka na saarana maahan inaan qaxootiga kaliya ka hadalno ee waa inaan dadaal u galnaa in dalka siyaasada ahaan iyo amni ahaanba uu noqdaa mid u saamixi kara in qaxootigu dalkooda ku noqdaan,” ayuu yiri Madax UNHCR

Ra’iisul Wasaaraha Xukuumadda Federaalka Soomaaliya mudane Cabdiwali sheikh Axmed ayaa sheegay in ka badan Hal milyan oo Soomaali ah ay qaxootinimo ku joogaan wadamada dariska ah, halka intoo kale ay ku barakaceen dalka gudihiisa.

“Waxaan ugu horayn halkaan ugu mahadcelinayaa wadamada magangalyada iyo soo dhaweynta u sameeyey qaxootiga Soomaaliyeed. Qaxootigaas badankiisu waa dadka ugu jilicsan bulshada, waxayna u baahan yihiin waxyaalo badan, balse waxaa adag in ay helaan baahiyahooda oo dhamaystiran. Waxaan sidoo kale u mahadcelinayaa Hay’adaha qaybta weyn ka qaata wax u qabashada qaxootiga, sida UNHCR, IOM, iyo Hay’adaha kale ee UN” ayuu yiri Ra’iisul Wasaare Cabdiwali oo dhanka kalana xusay in waftiga balaran ee uu hogaaminayo laga daalacan karo sida ay uga go’antahay in mustaqbalka dhow dalkooda dib ugu soo noqon lahaayeen qaxootiga Soomaaliyeed, inta ay joogaan wadamada marti galiyeyna u heli lahaayeen xuquuqahooda asaasiga ah.

“Waxaa meesha laga saari karin oo in la xuso qurba joogta Soomalaiyeed qaybta ay ka qaataan sida ay u caawiyaan dadkooda gudaha ku dhibaataysan, halka qaar kalana wadamada ay joogaan ka sameeyaan horumar dhanka ganacsiga, sidoo kalana qayb ka qaataa kobcinta dhaqaalaha dalalkaas, iyagoo isticmaalaya xirfadahooda shaqo”

“Dhawaan waxaan kulan kula qaatay dalka Kenya madaxweyne Uhuru Kenyata iyo ku-xigeenkiisa, waxaana isla soo qaadnay sidii loo fulin lahaa heshiiskii sadex geesoodka ahaa, si hab sharciyeeysan loogu diyaariyo qaxootiga in ay dalkooda ku soo noqdaan iyagoo aan la khasbin”

Dhanka kale Ra’iisul Wasaaraha ayaa u xaqiijiyey madaxdii shirka ka soo qayb gashay in xukuumadiisu ay dadaal ugu jirto in ay meesha ka saarto wixii caqabad ah oo ka hortaagan qaxootiga in ay dalkooda ku soo noqdaan. Waxaa ciidamda Soomaaliya oo kaashaanaya walaalahooda AMiSOM dadaal ugu jiraan sidii loo xasilin lahaa dalka, looguna diyaarin lahaa qaxootiga jawi nabadeed oo ay ku soo noqon karaan.

Shirka oo galabta soo gabagaboobay ayaa waxaa ka soo baxay:

    Go’aan wada jir ah oo ay qaateen shanta wadan ee qaxootigu Soomaaliya ay  joogaan iyo dowladda, iyagoo ayiday qorshaha caalamka  ee xal u helida arrimaha qaxootiga Soomaaliya.

2. Waxaana ay  isla garteen  dhamaan madaxdii ka qayb galay shirka iyo Hay’ada UNCHCR. Kaas oo qeexaya in wadan kasta                 uu sii wado qaybta uu ka qaadan karo sii haynta qaxootiga iyo in dhinaca Soomaaliya loo diyaariyo jawi ay dadku dalkooda                ugu soo noqon lahaayeen iyo Hay’ada Qaxootiga Aduunka sidii ay kaalin muuqata uga gaysan lahayd haynta iyo soo ceelinta              qaxootiga Soomaaliya

–DHAMAAD—

Addis,Ababa, 20, August, 2014 Ra’iisul Wasaaraha Xukuumadda Federaalka  ee Soomaaliya Cabdiwali Sheikh Axmed iyo waftigii uu hogaaminayey ayaa saaka ka qayb galay shir ka furmay magaalada Addis Ababa ee dalka Ethiopia, oo looga hadlayo xal u helidda qaxootiga Soomeeliyeed ee ku nool daafaha caalamka gaar ahaan wadamada dariska.

Shirkaan oo ay soo qaban qaabisay Hay’ada Qaxootiga aduunka UNHCR ayaa waxaa lagu casuumay shanta dal ee deriska la ah Soomaaliya (Kenya, Ethiopia, Yemen, Djibouti iyo Uganda) madax ka socota

Wasiirada ka kala socday wadamada ka soo qayb galay shirkaan ayaa shirka ka sheegay in ay sii wadayaan marti galinta qaxootiga Soomaaliya, kalana shaqaynayaan dowalada Soomaaliya sidii ay dalka u xasilin lahayd, taas oo u baahan waqti iyo is garabtaag caalamku u muujiyo dowladda Soomaaliya.

Madaxa Hay’ada Qaxootiga Aduunka mudane Guturees, ayaa aad uga dheeraday ahmiyada shirkaan u leeyahay in wax loo qabto qaxootiga Soomaaliyeed ee ku sugan dalka dibadiisa iyo gudihiisa, laguna soo jeediyo indhaha caalamka in qaxotiga Soomaaliyeed ay yihiin kuwo dhibaataysanaa mudo rubac qarni ah.

“Wali waxaa ka jira qaar ka mid ah gobolada dalka amni xumo aan u saamaxayn in qaxootigu ay ku noqdaan dalkooda, waxaa laga rabaa wadamada shirkaan fadhiya in ay sii wadaan dulqaadkooda ku aadan marti galinta qaxootiga Soomalida, waxaa qayb ka ah shaqadayda ilaalinta iyo u doodida qaxootiga aduunka, anigoo ku xadgudbaynin shuruucda u taala wadamada ay qaxootigu joogaan, waajibka na saarana maahan inaan qaxootiga kaliya ka hadalno ee waa inaan dadaal u galnaa in dalka siyaasada ahaan iyo amni ahaanba uu noqdaa mid u saamixi kara in qaxootigu dalkooda ku noqdaan,” ayuu yiri Madax UNHCR

Ra’iisul Wasaaraha Xukuumadda Federaalka Soomaaliya mudane Cabdiwali sheikh Axmed ayaa sheegay in ka badan Hal milyan oo Soomaali ah ay qaxootinimo ku joogaan wadamada dariska ah, halka intoo kale ay ku barakaceen dalka gudihiisa.

“Waxaan ugu horayn halkaan ugu mahadcelinayaa wadamada magangalyada iyo soo dhaweynta u sameeyey qaxootiga Soomaaliyeed. Qaxootigaas badankiisu waa dadka ugu jilicsan bulshada, waxayna u baahan yihiin waxyaalo badan, balse waxaa adag in ay helaan baahiyahooda oo dhamaystiran. Waxaan sidoo kale u mahadcelinayaa Hay’adaha qaybta weyn ka qaata wax u qabashada qaxootiga, sida UNHCR, IOM, iyo Hay’adaha kale ee UN” ayuu yiri Ra’iisul Wasaare Cabdiwali oo dhanka kalana xusay in waftiga balaran ee uu hogaaminayo laga daalacan karo sida ay uga go’antahay in mustaqbalka dhow dalkooda dib ugu soo noqon lahaayeen qaxootiga Soomaaliyeed, inta ay joogaan wadamada marti galiyeyna u heli lahaayeen xuquuqahooda asaasiga ah.

“Waxaa meesha laga saari karin oo in la xuso qurba joogta Soomalaiyeed qaybta ay ka qaataan sida ay u caawiyaan dadkooda gudaha ku dhibaataysan, halka qaar kalana wadamada ay joogaan ka sameeyaan horumar dhanka ganacsiga, sidoo kalana qayb ka qaataa kobcinta dhaqaalaha dalalkaas, iyagoo isticmaalaya xirfadahooda shaqo”

“Dhawaan waxaan kulan kula qaatay dalka Kenya madaxweyne Uhuru Kenyata iyo ku-xigeenkiisa, waxaana isla soo qaadnay sidii loo fulin lahaa heshiiskii sadex geesoodka ahaa, si hab sharciyeeysan loogu diyaariyo qaxootiga in ay dalkooda ku soo noqdaan iyagoo aan la khasbin”

Dhanka kale Ra’iisul Wasaaraha ayaa u xaqiijiyey madaxdii shirka ka soo qayb gashay in xukuumadiisu ay dadaal ugu jirto in ay meesha ka saarto wixii caqabad ah oo ka hortaagan qaxootiga in ay dalkooda ku soo noqdaan. Waxaa ciidamda Soomaaliya oo kaashaanaya walaalahooda AMiSOM dadaal ugu jiraan sidii loo xasilin lahaa dalka, looguna diyaarin lahaa qaxootiga jawi nabadeed oo ay ku soo noqon karaan.

Shirka oo galabta soo gabagaboobay ayaa waxaa ka soo baxay:

  1. Go’aan wada jir ah oo ay qaateen shanta wadan ee qaxootigu Soomaaliya ay  joogaan iyo dowladda, iyagoo ayiday qorshaha caalamka  ee xal u helida arrimaha qaxootiga Soomaaliya.

2. Waxaana ay  isla garteen  dhamaan madaxdii ka qayb galay shirka iyo Hay’ada UNCHCR. Kaas oo qeexaya in wadan kasta                 uu sii wado qaybta uu ka qaadan karo sii haynta qaxootiga iyo in dhinaca Soomaaliya loo diyaariyo jawi ay dadku dalkooda                ugu soo noqon lahaayeen iyo Hay’ada Qaxootiga Aduunka sidii ay kaalin muuqata uga gaysan lahayd haynta iyo soo ceelinta              qaxootiga Soomaaliya


Villa Somalia's photo.
Villa Somalia's photo.
Like





Minneapolis Agoosto 21, 2014 Qaar kamid ah Golaha Xildhibaannadda Soomaaliya ayaa waxay ka qaybgalayaan shirka golaha sharci-dejinka ugu furmay magaalada Minneapolis, ee gobalka Minneosta dalka Maraykanka.








Photo: Muqdisho Agoost 21, 2014 Wasiirkada Haweenka iyo Xuquuqul Insaanka Khadiijo Maxamed Diiriye ayaa maanta soo xirtay Tababar u socday ilaa 100 haween oo ka kala socday 20 Ururo haween ka dhisan magaalada Muqdisho, iyadoo tababarkan uu socday muddo saddex maalmood ah.

Tababarkan oo ay soo qaban qaabisay Xarunta Horumarinta Waxbarashada ee CED ayaa waxaa maal gelisay Hey’adda UNDEF, kaasoo ujeedkiisa ahaa awoodsiinta haweenka iyo sidii ay xuquuqdooda u heli lahaayeen, waxaana casharo ka bixinayay macalimiin taqasus u leh arrimaha xuquuqul insaanka.

Boqolka haween ee ka qeyb galay tababarkan ayaa la barayay arrimo badan oo aas aasi u ah haweenka, sida inay ka qeyb galaan siyaasada, helida xuquuqda haweenka ay leeyihiin, waxaana waxyaabihii ay barteen u gudbin doonaan bulshada inteeda kale.

Madaxda Haweenka ee ka hadlay Munaasabadii xiritaanka aheyd ee Tababarkan ayaa ku ammaanay Hey’adda CED inay u istaagtay sidii haweenka ay u fahamsiin laheyd, xuquuqdooda, waxna u baran lahaayeen, isla markaana loo xoojin lahaa.

Xubnihii Haweenka ee madasha ka hadlay ayaa waxaa ka mid ahaa Sahro Cumar Maalin, Sacdiyo Cismaan Geeddi iyo Dahabo Sheekh Maxamuud, kuwaasoo aad ugu dheeraaday kaalinta haweenka ay ku leeyihiin bulshada, balse ay ragga xaqiraan, hase ahaatee waxay cadeeyeen in tababarkan uu sare u qaadayo awooda iyo waxbarashada haweenka, sidii ay qeyb uga noqon lahaayeen dhinac walba oo hogaanka bulshada iyo siyaasada ah.

Ku simaha Gudoomiyaha Ururka Haweenka Qaranka ahna Gudoomiye kuxigeenka Canab Xasan Cilmi ayaa sheegtay in markii u horeysay ay tahay oo 20 ururo haween ah oo min shan xubnood ah tababar loo qabto, taasoo uu xustay inuu macno u siin doono in bulshada iyo siyaasada ay ka qeyb qaataan, waxaana ay uga mahad celisay Hey’adda CED inay sare u qaadeyso aqoonta haweenka iyo sidii ay xuquuqdooda u raadsan lahaayeen.

Agaasimaha Xarunta Horumarinta waxbarashada ee (CED) Eng C/llaahi Cali Xasan ayaa sheegay in barnaamijkan uu yahay awood-siinta Haweenka, isagoo tilmaamay in Hey’adda UNDEF ah ay la fulineyso barnaamijkan oo ay ka qeyb galayaan 20-urur haween oo si toos ah ula shaqeyn doona Hey’adda.

“Barmaamij ujeedkiisa waa awood-siinta dumarka magaciisa waxaa afka qalaad lagu yiraahdaa Power waxaa magacaas u dooranay in awood ay ka soo baxdo haweenka, runtii waa mid aan u dooranay inuu wax ka tari doono arrimaha Haweenka”ayuu yiri Eng, C/llaahi Cali Xasan.

Eng. C/llaahi Cali Xasan ayaa sheegay in Hey’adda CED ay markii u horeysay howl la fulineyso UNDEF, maadaama ay horay Hey’adda howlo ula soo fuliso hey’ado badan sida Hey’adaha qaramada Midoobey iyo kuwa kale taasoo uu xusay inay tahay Hey

“Hey’adda CED waxaa la fulinaya howshan hey’adda UNDEF oo aan wadanka joogin xarunteeda tahay Newyork, runtii wuxuu ahaa barnaamij tartan loo galay, horay waxaa ula soo shaqeynay hey’ado badan oo ay ka mid tahay Oxfam iyo hey’ado kale,laakiin hey’adan waa markii u horeysay oo Hey’ad Soomaaliyeed wax la qabato”ayuu yiri Agaasimaha Hey’adda CED.

Waxaa uu sheegay in tababarkan uu yahay kii u horeeyay, kaasoo qeybtiisa koowaad ay tahay awood siinta haweenka in boqol haween lagu tababaro, isla markaana qeybtaas kalena ay sii tababarto qeybo kale, si mustaqbalka loo gaarsiiyo 1,000 oo la tababaro.

“Barnaamijkan macnihiisa iyo nuxurkiisa waa wax walba ama meeshe joogaan ma joogi laheyn, hadii aysan haween ahaan laheyn, haweenka kaalintooda ka soo baxeen, bulshadana ayaga hormuud u ah iyadoo intaas jirta hadii kaalinta haweenka koowaad ku jiraan oo laf dhabar u yihiin, waxaa noo soo baxaya in wax kale maqan yihiin xag dhaqaale, xag siyaasideed hey’ado gaar, hadii noqon lahaayeen ururada maanta ka shaqeeyo, inaan dhisno haweenka oo aan xoojino inay arrimahaas qeyb weyn ka qaadaneyso barnaamijkan ayaa filayaa, waxaana xigi doono barnaamijyo kale

Wasiirada Haweenka iyo Xuquuqul Isnaanka Marwo Khadiijo Maxamed Diiriye oo gaba gabadii ka hadashay xiritaanka munaasabada ayaa sheegtay in barnaamijkan uu yahay mid aad u ballaaran oo haweenka lagu awood-siinayo, isla markaana waxyaabaha badan ee ka maqan xuquuqdooda lagu raadinayo.

“Waa branaamij aad u weyn oo ballaaran in haweenka la awood siiyo, haweenka waxyaabaha faraha badan ee nolosha inta jiritaankooda ah ka maqan oo aan ka tabano marar badan, lagu raadiyo xuquuqda haweenka, qaabkii lagu awoodsiin lahaa ama ay u raadsan lahaayeen ka qeyb galka siyaasada, xaga bulshada iyo dhaqaalaha”ayay tiri Marwo Khadiijo Maxamed Diiriye oo uga mahad celisay Hey’adaha CED iyo UNDEF barnaamijan ay soo qaban qaabiyeen oo ah in lagu baraarugo.

“Kuligeen waa inaan ku wajahnaa ka qeyb galka siyaasada waqtiga 2016 qaabka ka qeyb galkeena uu noqonayo muwaadin kasta wuxuu xaq u leeyahay inuu wax doorto lana doorto, sidaas darteed haweenka waxay ka qeyb qaadaa karaan xilalka la isu doorto iyo kuwa la isu magacaabo waa loo baahan yahay fursadahan oo kale, waxaa la leeyahay sida lagu gaaro karo doorashada 2016 waa One Man One Vote, maxaa loo dhihi waaye One Woman One Vote, waa in aragtideena ay sidaas noqotaa oo naloo awoodsiiyaa”ayay tiri Marwo Khadiijo Maxamed Diiriye.

Marwo Khadiijo Maxamed Diiriye ayaa sheegtay in fursadahan ay muhiim tahay in laga faa’ideysto, isla markaana la gaarsiiyo ururada kale, gaar ahaan Haweenka Baarlamaanka ku jira, haweenka shaqaalaha dowladda, iyadoo xustay in ka wasaarad ahaan ay ka wada shaqeyn doonaan Hey’adda CED.

Ugu dambeyn Wasiirad Khadiijo, Wasiir kuxigeenka Diinta iyo awqaafta Yuusuf Xeyle, Agaasimaha Hey’adda CED iyo qaar ka mid ah madaxdii Ururada Haweenka ayaa ka qeyb galayaashii Tababarkan ee 100-ka haween gudoonsiiyay shahaado.

Muqdisho Agoosto 21, 2014  Wasiirkada Haweenka iyo Xuquuqul Insaanka Khadiijo Maxamed Diiriye ayaa maanta soo xirtay Tababar u socday ilaa 100 haween oo ka kala socday 20 Ururo haween ka dhisan magaalada Muqdisho, iyadoo tababarkan uu socday muddo saddex maalmood ah.

Tababarkan oo ay soo qaban qaabisay Xarunta Horumarinta Waxbarashada ee CED ayaa waxaa maal gelisay Hey’adda UNDEF, kaasoo ujeedkiisa ahaa awoodsiinta haweenka iyo sidii ay xuquuqdooda u heli lahaayeen, waxaana casharo ka bixinayay macalimiin taqasus u leh arrimaha xuquuqul insaanka.

Boqolka haween ee ka qeyb galay tababarkan ayaa la barayay arrimo badan oo aas aasi u ah haweenka, sida inay ka qeyb galaan siyaasada, helida xuquuqda haweenka ay leeyihiin, waxaana waxyaabihii ay barteen u gudbin doonaan bulshada inteeda kale.

Madaxda Haweenka ee ka hadlay Munaasabadii xiritaanka aheyd ee Tababarkan ayaa ku ammaanay Hey’adda CED inay u istaagtay sidii haweenka ay u fahamsiin laheyd, xuquuqdooda, waxna u baran lahaayeen, isla markaana loo xoojin lahaa.

Xubnihii Haweenka ee madasha ka hadlay ayaa waxaa ka mid ahaa Sahro Cumar Maalin, Sacdiyo Cismaan Geeddi iyo Dahabo Sheekh Maxamuud, kuwaasoo aad ugu dheeraaday kaalinta haweenka ay ku leeyihiin bulshada, balse ay ragga xaqiraan, hase ahaatee waxay cadeeyeen in tababarkan uu sare u qaadayo awooda iyo waxbarashada haweenka, sidii ay qeyb uga noqon lahaayeen dhinac walba oo hogaanka bulshada iyo siyaasada ah.

Ku simaha Gudoomiyaha Ururka Haweenka Qaranka ahna Gudoomiye kuxigeenka Canab Xasan Cilmi ayaa sheegtay in markii u horeysay ay tahay oo 20 ururo haween ah oo min shan xubnood ah tababar loo qabto, taasoo uu xustay inuu macno u siin doono in bulshada iyo siyaasada ay ka qeyb qaataan, waxaana ay uga mahad celisay Hey’adda CED inay sare u qaadeyso aqoonta haweenka iyo sidii ay xuquuqdooda u raadsan lahaayeen.

Agaasimaha Xarunta Horumarinta waxbarashada ee (CED) Eng C/llaahi Cali Xasan ayaa sheegay in barnaamijkan uu yahay awood-siinta Haweenka, isagoo tilmaamay in Hey’adda UNDEF ah ay la fulineyso barnaamijkan oo ay ka qeyb galayaan 20-urur haween oo si toos ah ula shaqeyn doona Hey’adda.

“Barmaamij ujeedkiisa waa awood-siinta dumarka magaciisa waxaa afka qalaad lagu yiraahdaa Power waxaa magacaas u dooranay in awood ay ka soo baxdo haweenka, runtii waa mid aan u dooranay inuu wax ka tari doono arrimaha Haweenka”ayuu yiri Eng, C/llaahi Cali Xasan.

Eng. C/llaahi Cali Xasan ayaa sheegay in Hey’adda CED ay markii u horeysay howl la fulineyso UNDEF, maadaama ay horay Hey’adda howlo ula soo fuliso hey’ado badan sida Hey’adaha qaramada Midoobey iyo kuwa kale taasoo uu xusay inay tahay Hey

“Hey’adda CED waxaa la fulinaya howshan hey’adda UNDEF oo aan wadanka joogin xarunteeda tahay Newyork, runtii wuxuu ahaa barnaamij tartan loo galay, horay waxaa ula soo shaqeynay hey’ado badan oo ay ka mid tahay Oxfam iyo hey’ado kale,laakiin hey’adan waa markii u horeysay oo Hey’ad Soomaaliyeed wax la qabato”ayuu yiri Agaasimaha Hey’adda CED.

Waxaa uu sheegay in tababarkan uu yahay kii u horeeyay, kaasoo qeybtiisa koowaad ay tahay awood siinta haweenka in boqol haween lagu tababaro, isla markaana qeybtaas kalena ay sii tababarto qeybo kale, si mustaqbalka loo gaarsiiyo 1,000 oo la tababaro.

“Barnaamijkan macnihiisa iyo nuxurkiisa waa wax walba ama meeshe joogaan ma joogi laheyn, hadii aysan haween ahaan laheyn, haweenka kaalintooda ka soo baxeen, bulshadana ayaga hormuud u ah iyadoo intaas jirta hadii kaalinta haweenka koowaad ku jiraan oo laf dhabar u yihiin, waxaa noo soo baxaya in wax kale maqan yihiin xag dhaqaale, xag siyaasideed hey’ado gaar, hadii noqon lahaayeen ururada maanta ka shaqeeyo, inaan dhisno haweenka oo aan xoojino inay arrimahaas qeyb weyn ka qaadaneyso barnaamijkan ayaa filayaa, waxaana xigi doono barnaamijyo kale

Wasiirada Haweenka iyo Xuquuqul Isnaanka Marwo Khadiijo Maxamed Diiriye oo gaba gabadii ka hadashay xiritaanka munaasabada ayaa sheegtay in barnaamijkan uu yahay mid aad u ballaaran oo haweenka lagu awood-siinayo, isla markaana waxyaabaha badan ee ka maqan xuquuqdooda lagu raadinayo.

“Waa branaamij aad u weyn oo ballaaran in haweenka la awood siiyo, haweenka waxyaabaha faraha badan ee nolosha inta jiritaankooda ah ka maqan oo aan ka tabano marar badan, lagu raadiyo xuquuqda haweenka, qaabkii lagu awoodsiin lahaa ama ay u raadsan lahaayeen ka qeyb galka siyaasada, xaga bulshada iyo dhaqaalaha”ayay tiri Marwo Khadiijo Maxamed Diiriye oo uga mahad celisay Hey’adaha CED iyo UNDEF barnaamijan ay soo qaban qaabiyeen oo ah in lagu baraarugo.

“Kuligeen waa inaan ku wajahnaa ka qeyb galka siyaasada waqtiga 2016 qaabka ka qeyb galkeena uu noqonayo muwaadin kasta wuxuu xaq u leeyahay inuu wax doorto lana doorto, sidaas darteed haweenka waxay ka qeyb qaadaa karaan xilalka la isu doorto iyo kuwa la isu magacaabo waa loo baahan yahay fursadahan oo kale, waxaa la leeyahay sida lagu gaaro karo doorashada 2016 waa One Man One Vote, maxaa loo dhihi waaye One Woman One Vote, waa in aragtideena ay sidaas noqotaa oo naloo awoodsiiyaa”ayay tiri Marwo Khadiijo Maxamed Diiriye.

Marwo Khadiijo Maxamed Diiriye ayaa sheegtay in fursadahan ay muhiim tahay in laga faa’ideysto, isla markaana la gaarsiiyo ururada kale, gaar ahaan Haweenka Baarlamaanka ku jira, haweenka shaqaalaha dowladda, iyadoo xustay in ka wasaarad ahaan ay ka wada shaqeyn doonaan Hey’adda CED.

Ugu dambeyn Wasiirad Khadiijo, Wasiir kuxigeenka Diinta iyo awqaafta Yuusuf Xeyle, Agaasimaha Hey’adda CED iyo qaar ka mid ah madaxdii Ururada Haweenka ayaa ka qeyb galayaashii Tababarkan ee 100-ka haween gudoonsiiyay shahaado.

Moqdsisho Agoost 20, 2014 Ra’iisul Wasaaraha Xuuumadda Federaalka Soomaaliya Mudane Cabdiwali Sheikh Axmed iyo wafti uu hogaaminayo oo ay ka mid yihiin Wasiirka Arrimaha Gudaha iyo Federaalka mudane Cabdullahi Godax Bare, Wasiirka Arrimaha Dibadda iyo Dhiiri galinta Maalgashiga mudane Cabdiraxman Ducaale Bayleh iyo Gudoomiyaha Hay’ada Qaxootiga iyo Barakacayaasha mudane Axmed-Daahir Cabdikarin Nuur, ayaa galabta soo gaaray magaalada Addis Ababa, si ay uga qayb galayaan shir ay soo qaban qabisay Hay’ada Qaxootiga Aduunka (UNHCR)

Shirkaan oo bari furmaya ayaa waxaa ka soo qayb galaya wadamada gobolka sida Yeman,, Jabouti, Ehtiopia, Kenya iyo Ugandha, iyo Hay’ada kale oo caalami ah. U jeedada shirkaan laga leeyahay ayaa ah, si ay dowlada Soomaaliya ugu muujiso caalamka sida ay u go’an tahay in xal waara loo helo qaxootiga Soomaaliyeed oo ku nool wadamda dariska ah.

Shirkaan ayaa la filayaa in laga soo jeedayo firkarado xal u keenaya qaxootiga soomaliyeed iyo in wadamada gobolku ay ka qaataan u jeedo midaysan. Waxaa sidoo kale Ra’iisul Wasaaruhu dadaal u gali doonaa sidii caalamka looga dhaadhicin lahaa in dowladda Soomaaliya gacan laga siiyo sidii Qaxootigu dalkooda ugu soo noqon lahaayeen.

Dowladda Soomaaliya ayaa siinaysa shirka muhiimad gaar ah, madaama Qaxooti Soomaaliyeed oo tiro badan ay ku sugan yihiin wadamada dariska ah, taas oo culays ku ah gobolka iyo dowlada Soomaaliya

–DHAMAAD–

Moqdsisho Agoost 20, 2014 Shir looga hadlayo arrimaha barakacayaasha ayna ka qeybgalayaan Madax ka socota wadamada Geeska Afrika iyo Qaramada Midoobay ayaa saaka ka furmay magaalada Adis’ababa ee caasimadda dalka Ethiopia.

Shirka  ayaa waxaa uga qeybgalaya Soomaaliya wafdi uu hogaaminayo R/wasaaraha Xuuumadda Federaalka Soomaaliya Mudane Cabdiwali Sheikh Axmed iyo  wasiirada Arrimaha gudaha iyo Federaalka mudane Cabdullahi Godax Barre,  Wasiirka Arrimaha Dibadda iyo dhiiri galinta Maalgashiga mudane Cabdiraxman Ducaale Bayleh iyo Gudoomiyaha Hay’ada Qaxootiga iyo Barakacayaasha mudane Axmed-Daahir Cabdikarin Nuur,.

Sidoo Shirka saaka furmay  waxaa ka qayb galay mas’uuliyiin ka socota wadamada gobolka sida Yeman, Jabouti,  Ehtiopia,  Kenya, Ugandha, Soomaaliya iyo Hay’ado caalami ah.

Qubbadihii furitaanka shirka ayaa iminka socda kuwaas oo diiradda lagu saarayo xaaladda qaxootiga ku nool wadamada gobolka, iyadoo shirka uu goob joog ka yahay ergeyga Qaramada Midoobey u qaabilsan Soomaaliya Nicklos Kay.

Dowladda Soomaaliya ayaa siinaysa shirka muhiimad gaar ah, madaama Qaxooti Soomaaliyeed oo tiro badan ay ku sugan yihiin wadamada dariska ah, taas oo culays ku ah gobolka iyo dowlada Soomaaliya

Moqdsisho Agoost 20, 2014 Ciidamada XDS iyo kuwa AMISOM, ayaa sii dar dargeliyay howlgallada maleeshiyaadka Shabaab looga xoreynayo gobolkaasi.

Hawlgalada oo ka  kala soconayaan Galbeedka iyo Bariga Gobolka Hiiraan, ayaa waxay ay ciidamadu kula wareegeen deegaano ka badan toban, oo ay horey ugu sugnaayeen Shabaabka.

C/fataax Xasan Afrax gudoomiyaha gobolka Hiiraan oo la socdo Ciidamada ayaa waxa uu dadka kula hadlay deegaanada ay kala wareegeen maleeshiyaaadka Shabaabka.

Gudoomiyaha ayaa sheegaay in hawlgaladu ay si xowli ah uga  soconayaan gobolka, isagoo xusay inaan la hakin doonin, ilaa iyo inta malleeshiyaadka Shabaab laga xoreeynayo deegaanada Gobolka Hiiraan oo idil.

Sidoo kale gudoomiyaha ayaa tilmaamay in qorshahooda uu qayb ka yahay in Degmada Buulo Burde ay ka qaadan go’doominta ay ku hayeen maleeshiyaadka Shabaab.

Ciidamada XDS iyo kuwa AMISOM ayaa ku sii wajahan degmada Jalalaqsi oo ah meesha kaliya oo maleeeshiyaadka Shabaab ka joogaan gobolka Hiiraan.

Canada Agoost 20, 2014Waxaa sharaf weyn ii ah in aan idin kala qeybgalo  kulankan khuseeya Qurbojoogta  Soomaaliyeed, waan idin soo dhaweynaynaa, waxaana idin rajeynayaa wadaxaajood lagu lafa guro kaalinta Qurbojoogta Soomaaliyeed ay ku leeyihiin Soomaaliya kaas oo u hogaamin kara natiijoyin wax ku ool ah Dadkeena iyo Dalkeena.

ilaa 1.5 milyan oo Soomaali ah  ayaa  ku nool guud ahaan qaaradaha aduunka, waxayna u soo xawilaan dhulkooda hooyo lacag  lagu qiyaasay $ 2bn, taasina waxay ka badantahay  gargaarka caalamiga ee ay beesha caalamka siiyo Soomaaliya.  Qurba joogta Soomaaliyeed waxay ka qeyb qaataan  kor u qaadida Waxbarashada, Daryeelka caafimaadka, Kaabayaasha Dadweynaha iyo Ganacsiga gaarka loo leeyahay. Dibudhiska hadda ka socda Soomaaliya waxaa hormuud ka ah Qurbajoogta Soomaaliyeed.

Adduunka waxaa uu muujinaya danaha uu ka leeyahay Soomaaliya kaliya in aysan aheyn muhiimadda (mowqica) istaraatijayadeed ee wadankeena  laakiin sidoo kale, hantida ballaaran ee khayraadka, sida Kheyraadka Badda iyo Kaluumaysiga, Shidaalka iyo Gaaska, Beeraha iyo Xoolaha, iyo sidoo kale Khayraadka dabiiciga ah ee kale.

Soomaaliya waxay leedahay 2 webi iyo 8 milyan oo hektar oo dhul beereed ah. Waxay sidoo kale  leedahay 3,300 km xeeb, waana xeebta ugu dheer Afrika oo hodan ku ah kheyraadka badda. Waxayna hanatay  kayd weyn oo  macdanta uranium ka ah iyo kheyraad kale oo qaali ah.

Qurba joogta Soomaaliyeed waxay  heer sare ka gaareen   sare u qaaidda wajiga cusub ee horumarka. Isabaabulka  waa nooca ugu sarreeya ee lagu gaaro guusha.

Sidaas daraaddeed Qurbojoogta Soomaaliyeed waxay go’aansadeen in ay qaabeeyaan awooddooda sidii ay gacmahooda ku hanan lahaayeen Wadankooda. Masuuliyadda dhisidda Wadanka, Xasilinta iyo Dibudhiskiisuba waa mid annaga si gaar  ah inoo saaran iyo dalkeenaba .

Taasi waa sababta igu kaliftay inaan bogaadiyo hindisaha ay qaateen  100 hoggaamiyeyaal Qurbojoog  Soomaaliyeed kuwaas oo ku kulmay Istanbul 21-22-of June 2014,  iyagoo matalata dhammaan Jaaliyadaha Soomaaliyeed ee ku nool  adduunka daafihiisa,  si ay u mideyaan urur aan laga lahayn dano siyaasadeed looguna magac daray  Ururka Caalamiga QurboJoogta Soomaaliyeed”Global Somali Diaspora Organization “, kaas oo si heegan ugu shaqeeynaya daryeelka dhammaan dadyowga asal ahaan Soomaali ah oo aan lagu kala soocayn, Xukuumad, Gobol, Koox ama midabad Siyaasadeed midna, si ay u habeeyaan una awoodsiiyaan Jaaliyadaha  Soomaaliyeed ee Qurbojoogta ah iyo in ay ku taageeraan codkooda una doodaan  qaddiyadaha jaaliyadaha  Soomaaliyeed ee Qurbajoogta ah iyo dadka ka nool gudaha Dalka hooyo.

Qurba joogta Soomaaliyeed waxay  hore si keli keli ah ugu guuleeysteen in ay salka u dhigaan kana adkaadaan isbedbedelkii waqtiyadii adkaa ee Dalku uu  soo maray iyo dhibaatadii Dowlad la’aanta iyo jawigii masiibooyinka dabiiciga ah.

Waxayna u shaqeeyeen si wadajir ah iyagoona cidna kaashaaneyn iyagoo ay ku jirto ruux wadaniyadeed waxayna gaareen ujeedoyin wanaagsan oo danaha guud lagu gaarayo. Waxaana gaari doona natiijoyin sare annagoo daah fureyna ururkan cusub aasaaska cusub kaas oo salka u dhigaya kor u qaadista Soomaaliyada cusub una horseedeya Horumar, Barwaaqo iyo Mustaqbal wanaagsan . wuxuu noqonayaa Ururkan  Tareenkii lagu gaar lahaa Horumar, Dibudhis iyo Dowlad Soomaaliyeed oo shaqeysa oo aan ku faani karo.

Qurbjoogta  Soomaaliyeed waxay soo kordhin karaan  ama  ay ka qeybqaadan waxyaabahan soo socda :

1)   Arrimaha Ammaanka ama Nabadgelyada :

2)   Arrimaha  Federaalka ;

1-    Arrimaha Nabadgelyada

Tan iyo markii ay Colaadda ka  dillaacday Soomaaliya  waxay ay ka dhigtay wadanka mid aad u adag in uu la jaan qaado kobaca dhaqaale iyo horumarka ka jira wadamada kale ee Afrika , tusaale ahaan. Ka qeybgal la’aanta beesha caalamka  ee horumarka Soomaaliya waxaa lagu tiriyaa in ay qeyb ka tahay Nabadgelyo-xumada ka jirta Soomaaliya. Waxa ay sidoo kale noqotay caqabadaha ugu weyn ee  hortaagan xaqiijinta ujeedooyinka horumarineed ee caalamiga ah  “Millennium Development Goals” (MDGs) .

Si la mid ah Dowladaha dakhligoodu uu hooseeyo iyo Dowladaha taagta yar , iyo kuwo Afrikaanka ah ee ay saameeyaan  colaadaha , Soomaaliya ma aysan  awoodin in ay xaqiijiso Ujeedooyinka Hormarineed ee Caalamiga ah.

Dhalinyarada  ku biireysa xagjirnimada waxa ay oga sii dartay amnidarrada ka jirta Soomaaliya. sidaas darteed, Soomaalida ku nool qurbaha waa in ay ka qayb qaataan fahamka  xal u helidda ku saleysan  xaaladaha  Siyaasadeed iyo Dhaqaale bulshadeed .Xal military kaliya ma ahan  mid xaqiijin kara  istiraatiijiyad dhinaca ammaanka Qaranka Soomaaliya.

Qurbojoogta Soomaaliyeed waa in ay raadiyaan hindiseyaal looga hortagayo marxaladaha kala duwan ee ay leedahay  xagjiriinnimad  oo ay ku jiraan horumarka joogtada ah, Maalgashiga loo sameeyo bulshada la liiday, si firfircooni ah in looga qeybgeliyo dhalinyarada barnaamijyada nabad-dhisidda, awood siinta dumarka si loo xoojiyo nabadda iyo ammaanka, iyo in dhaqan celin loo sameeyo xagjiriinto hore u dagaalamay.

Qurbojoogta Soomaaliyeed waa in ay ahmiyad weyn siiyaan ammaanka aadanaha. manhajka ammaanka aadanaha wuxuu  aqoonsanayaa baahida loo qabo in la falanqeeyo  sababaha iyo qaababka xagjiriinimada  sida xaaladda bulsho, dhaqaale, siyaasad ka fogeynta,  Dulmiga,  kala sooca , iyo sinnaan la’aanta ka jirta bulshada dhaxdeeda .

Qurbo joogta Soomaaliyeed waa inay ka dhaadhiciyaan bulshada caalamka in  Ajandaha Horumarka 2015 wixii ka danbeeya lagu saleyo mabaadi’da Ammaanka Aadanaha iyo la dagaalanka in la noqdo xagjir iyo meelaha ay ka jirto xasaaradaha colaadaha. Ammaanka aadanaha  waxa uu ka gudbayaa ceebaha Ammaanka caadiga ah ee  hore loo aqoon jiray  waxayna mideyneysaa ammaanka la xariira horumarka iyo ladagaalanka qataraha ka imaanaya sida cudurada, saboolnimada, gaajo, shaqo la’aanta dhalinyarada, iyo Nabaad guurka.

Qurbo Joogta Soomaaliyeed  waa inay u istaagaan awood siinta dhalinyarada iyo haweenka Soomaaliyeed. Xagjirnimada waa la  bedeli karaa haddii aan maalgashano dhalinyarada oo ah dadka ugu tira badan Soomaaliya.

Haddii ay taasi  dhacdo dhalinyarada Soomaaliyeed waxaa ay heleyaan  waxbarasho tayo leh, iyo xirfadaha loo baahan yahay si ay u helaan mushaar fiican, iyo fursado lagu dhiirrigelinayo in wada hadalka bulshada, taasoo hoos u dhigi doonta jiidashada  dhalinyarada ee  kooxaha hubeysan iyo falal dembiyeedyada.

Qurbajoogta Soomaaliyeed  waa in ay  caawiyaan  si loo ogaado  waxyaabaha ugu fiican ee la saadaaliyo iyo in la yareeyo waxyaabaha u jiidaya dhalinyarada dhinaca rabshadaha ee dowladaha jilicsan. Waxa kale oo ay tahay in la eego arrimaha nafsaaniga ah, kuwaas oo gacan ka gaysan kara rabshadaha dhalinyarada.

Tusaale ahaan, bulshada dhalinyarada-gaar ahaan dhalinyarada raga ah –waxeey u  dagaalamaan si ixtiraam dadka kale u helaan.

Marka  la eego awoodsiinta haweenka ee arrimaha la xiriira ammaanka, waxaa muhiim ah in qurbo joogta Soomaaliyeed ka caawiyaan haweenka xakamaynta xagjirayaasha. Haweenku waa la dhayalsaday kaalintooda ululayaasha looga hortagaayo xagjirnimada.

Moqdisho Agoosto 19, 2014 Guddiga Joogtada ah ee Golaha Shacabka kulankiisa ahaa 17kii Agoosto 2014 wuxuu Xukuumadda Federaalka Soomaaliya ka dhegeystay warbixin ku saabsan hawlgalada xakameynta hubka iyo sidoo kale siyaasadda ay Xukuumaddu ka dejisay xakameynta hubka, Waxaa kulankan kasoo qaybgalay Ra’iisul Wasaaraha Xukuumadda Federaalka oo ay wehliyaan Ku-xigeenka R/Wasaaraha, Wasiirka Amniga Qaranka, Wasiirka Warfaafinta, Wasiirka Ganacsiga,Warshadaha iyo Wasiirka Hiddaha iyoTacliinta Sare. Wuxuu Guddigu kulan u gaar ah qabsaday 18th Agoosto, fadhigan oo uu si qota dheer ugu falanqeeyey kana baaraandegey warbixinta Xukuumadda iyo warcelinta weydiimaha xildhibaanada iyo xubnaha xukuumaddu is dhaafsadeen.

Guddiga Joogtada ah wuxuu mabda’ ahaan ayidsan yahay in la xakameeyo hubka, ayna ka mid tahay waajibaadka uu Golaha Shacabku u xilsaartay Xukuumadda.

Wuxuu Guddiga Joogtada ah ee Golaha Shacabku xusuusinayaa dhammaan bulshada Soomaaliyeed inay Xukuumadu awood buuxda u leedahay suggida amniga sida uu qabo Qodobka 99aad faqradda (f) ee Dastuurka.

Wuxuu Guddiga Joogtada ah ee Golaha Shacabku hoosta ka xariiqayaa waajibka saaran Xukuumadda Federaalka badbaadinta iyo amniga shacabka sida uu qabo Qodobka 126 faqradda 1aad oo sheegaysa:-

Xukuumadda Federaalku waxay damaanad-qaadaysaa nabadda, gobannimada iyo ammaanka qaranka ee Jamhuuriyadda Federaalka Soomaaliya iyo badbaadinta shacbigeeda, iyadoo la adeegsanaayo adeegyada ciidammada amniga”

Wuxuu Guddiga Joogtada ah ee Golaha Shacabka usoo jeedinayaa inay Xukuumadu hubiso la xisaabtanka laamaha amniga iyadoo xaqiijinaysa sareynta sharciga iyo ilaalinta xuquuqda dadweynaha si waafaqsan faritaanka Dastuurka ee qeexaya mabd’a ah inay hay’adaha rayidka ahi kormeeraan  hay’adaha amniga ee hubka sita sida uu qabo Qodobka 126aad faqrada 6aad ee Dastuurka.

Guddiga Joogtada ah ee Golaha Shacabka wuxuu Xukuumadda xusuusinaya in Dastuurka Jumhuriyaddu si adag u xaqiijiyey Xurmada Hoyga iyadoo uu si cad ugu qeexayo Qodobka 19aad faqradda 1aad:in Qofna gurigiisa ama meeshii kale ee isaga u gaar ah la geli karin, la baari karin, lana basaasi karin amar garsoore oo sababaysan la’aantiis”. Sidaas awgeed, wuxuu Guddiga Joogtada ah kula talinayaa in hawlgalada xakameynta hubka ay iska kaashadaan laamaha amniga, xafiiska Xeer Ilaaliyaha Guud iyo Laanta Garsoorka dalka.

Wuxuu Guddiga Joogtada ah ee Golaha Shacabku u soo jeedinayaa Xukuumadda inay dalka oo dhan ku baahiso fulinta siyaasadeeda xakameynta hubka si waafaqsan Dastuurka iyo shuruucda dalka.

Si ay u suurtogasho in siyaasadda Xukuumadu loogu rogo sharci dalka u yaala, wuxuu Guddiga Joogta ah ee Golaha Shacabku u soo jeedineynaa xukuumadda inay si degdeg ah u soo gudbiso hindise sharci ah oo ku saabsan Xakameynta Hubka.

Si loo xaqiijiyo ilaalinta xoriyadda saxaafadda si waafaqsan Qodobka 18aad ee Dastuurka, wuxuu Guddiga Joogtada ah ee Golaha Shacabku u soo jeedinayaa Xukuumadda inay degdeg ugu soo gudbiso Golaha Shacabka hindise sharci ah oo lagu maareeyo Warbaahinta dalka.

In Dhammaan Ciidamada Qalabka Sida iyo kuwa amnigaba la siiyo tababarro ku saabsan arrimaha xuquuqda Aadanaha iyo ilaalinta xasaanadda, amar adagna lagu siiyo inaysan ku xadgudbin xuquuqda aadanaha iyo hantida muwaadiniinta iyo dadka kale ee dalka deggan, sida uu faraayo Qodobka 127 Faqradda (f) ee Dastuurka iyo xurmaynta xasaanadda xildhibaanada.

Ugu dambayn Guddoonka Golaha Shacabka iyo Guddiga Joogtada ah ee Golaha waxa ay dhammaan xildhibaanada Qaranka ka codsanayaan iney gacan ku siiyaan Ciidammada Ammaanka gudashada waajibaadkooda Qaran.

Muqdisho Isniin Agoost 19, 2014 Ra’iisul Wasaaraha Xukuumada Federaalka Soomaaliya Mudane Cabdi-weli Sheekh Axmed Maxamed ayaa xalay kulan la qaatay qeybaha kala duwan ee warbaahinta ka howlgasha magaalada Muqdisho.

Kulanka ayaa waxaa ku wehliyay Ra’iisul Wasaare ku xigeen ahna Wasiirka Diinta iyo Awqaafta. Wasiirka Warfaafinta iyo Wasiirka Beeraha, iyadoo lagu casuumay agaasimayaasha warbaahinta gudaha dalka iyo kuwa caalamiga ah, waxaana kulankan oo qaatay muddo saacado ah la isku dhaafsaday aragtiyo kala duwan oo ku aaddan sidii ay wada shaqeyn dhow u yeelan lahaayeen dowladda iyo qeybaha warbaahinta.

Wasiirka Warfaafinta Mustaf Sheekh Cali Dhuxulow ayaa sheegay ujeedka Kulanka inuu yahay sidii loo xoojin lahaa xiriirka u dhexeeya Xukuumadda iyo Warbaahinta, isla markaana wixii qaladaada ah wadajir loo saxo.

Ra’iisul Wasaaraha oo furay kulankan ayaa madaxda hay’addaha warbaahinta u sheegay in xukuumadda Soomaaliya ay ka go’an tahay inay wadashaqeyn dhow la yeelato warbaahinta iyo sidii ay iskaashi buuxa u yeelan lahaayeen labada dhinac.

“Caawa aniga ayaa idiin yeeray waxana ujeedku yahay inaan iska waraysano sidii aan dalka u dhisi lahayn, Codkii dadka iyo indhihii dalka ayaa tihiin waa in aad uga faa’iidysataan sidii dalkaan looga saari lahaa dhibka, Waxaa naga go’an in aan lagu xadgudbin xoriyadda Saxaafadda waa naga go’an in la ixtiraamo madaxbanaanida warbaahinta, idinkana waajibaad ayaa idin saaran waa in aad qaadataan Waajibaadkiina” ayuu yiri Ra’iisul Wasaare Cabdiweli.

“Aragtida Dowladda oo cad waa in la arko Soomaaliya oo nabad ah, mideysan, dimuqoraadi ah lagana xurmeeyo xuquuqda aadahana oo ku taagan tubta horumarka”. Ayuu sii raaciyey Ra’iisal Wasaaruhu.

Kulanka ayaa waxaa ka hadlay madax iyo howlwadeeno ka tirsan warbaahinta gudaha iyo kuwa caalamiga ah iyaga oo soo bandhigay aragtidooda ku wajahan sida loo sii horumarin karo xiriirka dawladda iyo warbaahinta, iyaga oo balan qaaday inay ka shaqeyn nayaan wacyigelinta bulshada si loo helo amni, dib u dhis iyo horumar.

Muqdisho Isniin Agoost 19, 2014 Sadax sano ka hor guud ahaan xaalada Soomaalıya waxay aheyd mıd aad halıs u ah, waxaa wadanka ku dhiftay abaar tii ugu ba’neyd taas oo ay wehliyeen dagaalo qaraar oo ka socday magaalooyin badan oo wadanka ka mid ah, nabadgelyo daro guud iyo cuduro kuwaas oo nolosha dadka Soomaalıyeed geliyay ciriiri sababay rejo beel, dowlada Soomaaliya iyo shacabka ayaa qeylo dhaan u diray caalamka si looga soo gaaro nolosha malaayiintaas  Soomaaliyeed, nasııb daro lama helin jawaab suurto gelisa in la badbaadıyo nolosha dadkaas, taasina waxay sababtay quusatiin ıyo nıyad jab.

Maanta oo kale 19/08/14 ayaa waxay noqotay maalin baal dahab ah ka gashay taariikhda ummadda Soomaaliyeed, waxay ahayd maalintii uu dalkeena booqashada taariikhiga aheyd ku yimid Raisulwasaare Recep Dayib Erdogan kaas oo hogaamınayay wefdi aad u balaaran oo ay ka mid ahaayeen xubno ka tıisan golahiisa wasiirada, xildhibaano, xaaskiisa ıyo weliba qaar ka mid ah caruurtiisa, waa markii ugu horeysay mudo k abadan labaatan sano uu Soomaaliya booqasho ku yimaado mus’uul ka socda wadan ka baxsan qaarada Afrika ayna la socdaan wefdi sıdaas u balaaran, RW Erdogan ayaa markıı uu soo degay  toos u abaaray xerooyinkıı qaxootiga halkaas oo ay ku sugnaayeen dad Soomaalıyeed oo ay wajıyadooda ka muuqatay dhibaatada haysata, warbaahinta caalamka ayaa soo saaray muuqaalka RW Erdogan ıyo xaaskıısa oo dhabta ku haya caruur Soomaaliyeed oo la il daran nafaqo daro, hadaladii uu maalıntaa jeediyay ayaa waxaa ka mid ahaa ‘’Waxaa la yiraa Muqdisho lama tegi karo, waa nimid si aan taa u beenino, kuwo kalena wey imaan doodnaan’’ booqashadaasi waxay albaabka u furtay madaxda caalamka kuwaas oo markaaa ka dib bilaabay ın ay ku soo qulqulaan Soomaaliya.

Waxaa furmay wejı cusub oo aad u xoojiyay xiriirka Turkiga ıyo Soomaaliya,

Waqtı dheer ayay qaadanaysaa in hal qormo lagu soo ban dhigo isbedelkii iyo horumarkıı la gaaray  booqashadaas kadib, waxaase dadka Soomaaliyeed u noqotay mıd ayan hilmaami doonin ın si rasmi ah loo furay Safaaradii Turkiga, in ay shaqo bilaabay Turkish airlines taas oo ilaa maanta ah duulimaadka kaliya ee  isku xira Soomaaliya iyo caalamka intıısa kale, waxaa deeq wabarasho helay kudhawaad laba kun arday Soomaaliyeed ah, dib u dhis waddooyinka, cısbitaalada iskoolada, adeegyada aas aasiga ah ee bulshadu u bahan tahay iyo guud ahaan in weli walaalaha Turkigu ay garab taagan yihiin shacabka iyo dowladda Soomaaliyeed.

Muqdisho Isniin Agoost 19, 2014 Ka qeyb galka Isboortiga waxa laga hela caafimaad taam ah,waxa mar kastaba lagu abaabiyaa dhalaanka soo koraaya,waxa laga helaa sumcad oo aan waligaa kaa hareynin,waxa uu horseedaa is dhexgal ,waxaana laga bartaa is maqal iyo kala dambeyn.

“Isboortiga dhaqankiisa koobaad waxa weeye in uu diiradda saaro in la unko ciyaar ku wajahan wanaag iyo akhlaaq san,waxa kaloo isboortiga saldhig u ah dhaqan wanagsan oo aad u muujiso kooxdaada iyo kooxda kaa soo horjeeda iyo ugu dambeyntii in aad si asluub ah ku aqbashid Guusha iyo Guuldaradda” waxa erayadaasi afkooda laga hayaa Gudoomiye Kuxigeenka Guddiga Isboortiga iyo Dhaqanka Mudana Aweys Muse Arbow(Aweys Fuundi) iyo Xoghayaha Guddiga Isboortiga iyo Dhaqanka Mudane Cabdulqaadir Xasan cadde(Caydiid Jeenyo).

Mudane Aweys Fuundi iyo Caydiid Jeenyo waxay ka warbixiyeen taariikhda ma guurtada ah oo uu Guddiga Isboortiga soo maray,waxaana ay sheegeen in udubadda loo taagay muddo haatan laga joogo 15 sano,waxaana mudadaasi la soo qabtay Tartamo kala duwan oo ay ka soo qeyb galeen Goboladda oo uu Mareykanka ka kooban yahay qaarkood,waxaana mar kastaba diiradda la saaraayey in Isboortiga laga soo bilaabo gunta hoose taa oo runtii ku socota dhabihii loogu talo galay,waxaana maanta dhalinta yaryarka ah lagu Tababarayaa Magaalooyinka kala ah Atlanta,Tennesse,Mineapolis,Ohio,Maine,Toronto iyo qaar kale oo ka tirsan Waqooyiga America,iyadoo aanu fuileyno in aan goor dhaw miraheeda gurano.

Mudane Aweys Fuundi iyo Caydiid Jeenyo waxay carabka ku dhufteen in Magaaladda Atlanta ay leedahay Aqoonyahano Isboorti oo u heelan diyaarinta noocyadda kala duwan ee Isboorti ee sanad kastaba lagu qabto magaaladda Atlanta kuwaa oo kala ah Dr. Cali Cusmaan,Cabdirashiid Blastiko,Aweys Fuundi,Caydiid Jeenyo,Cali Mataan,Jaamacey,Cabdirashiid Dheere,Ciise Jaamac,Cali Yuusuf,Cabdulaahi Dheere iyo Cali Bay,oo runtii qabanqaabadda ay u sameyaan Isboortiga Atlanta mar kastaba noqota mid aan ka go’in quluubta ka soo qeybgalayaasha taa oo maanta Magaaladda Atlanta ay ku heshay qadarin aan la koobi karin.

Mudane Aweys Fundi iyo Caydiid Jeenyo waxay kaloo sheegeen in isku-duubnida Aqoonyahanadda Isboorti ee reer Atlanta ay keentay in maanta ay Atlanta safka hore ka jirto Goboladda USA iyo Canada,waxaana taa daliil kaaga ah in ay Atlanta soo booqdeen Halyeeyadda qiimaha iyo qaayaha ku leh Isboortiga Soomaaliyeed oo kala ah,Macalin Ibraahim Suudaani,Macali Qariidi,Garsoore Caalami Maxamed xasan Qolof,Shiikha,Maxamuud Ciise,Madaxey,Cabdi Yuusuf,Aaman,Cabdirisaaq,Nuune,Marwo Geni,Fartuun Cali Dheere,Axmed Daahir,Bashiir Geele,Axmed Weli,Cabdulaahi Africano,Nuur Dheere,Cabdulaahi Amiigo,Cali Dhagey,Cabdicasiis Axmed Mahdi,Xamza,Macalin Tuke,Maxamed Faarax,Axmadey Baldi,Xarbi,Cabdisamad,Mukhtaar Cuti,Khaliif Riiko,Cabdulqaadir caraale,Ciise.Soomaliyow,Khaldaan,Xandule,Soleymaan,Qoraa sare Najiib Ciise,Abukar shiino iyo qaar kale oo aan halkaan lagu soo koobi Karin,taasoo kor u qaaday sumcadda Magaaladda Atlanta oo dad badan ay siiyeen naaneys ah (HOYGII ISBOORTIGA QURBAHA)

Madaxda sportiga Atlanta  Aweys Fundi iyo Caydiid Jeenyo waxay u mahadceliyeen Gudoomiyaha Jaaliyadda Inj Cumar Shekhey iyo Xubnaha Jaaliyadda oo runtii dadaal la garab istaagay Guddiga Isboortiga iyo Dhaqanka,waxa kale oo ay Mahad u celiyeen Xawaaladaha kala ah Dahabshiil,Amal,Kaah, Xalaal Biza,Maqaayadda Daalo,Maqaayadda Xamdi iyo Maqaayadda Madiina oo runtii dhamaantood garab istaagay Isboortiga Atlanta,sidoo kale warbaahinta iyo websityada Soomaalida iyo Qaran Raadiyo oo door aan la iloobi karin qaatay.

Ugu dambeyntii waxaa reer Atlanta lagu wargelinayaa in sanadkaan la qaban doono munaasabad  aad u weyn oo ay ka soo qeyb galayaan dhamaan Halyeeyo isboortiga Soomaaliyeed Taarikh ku leh,iyadoo la doonaayo in qof kastaba uu ka soo qeyb galo abaabulka haatan bilaabanaayo si uu u najaxo tartankaasi qiimaha leh ee sanad kasta la qabto.
Muqdisho Isniin Agoost 19, 2014 Wasiirka Wasaarada Arrimaha Gudaha iyo Federaalka Xukumadda Soomaaliya C/laahi Goodax Barre ayaa sheegay in Ciidamada Dowladda Soomaaliya iyo kuwa AMISOM ay Xoog ku furayaan wadooyinka u Xiran Al-shabaab.

C/laahi Goodax ayaa sheegay in maanta Howlgaladaasi ay bilaabanayaan,Gobolada laga bilaabayana ay yihiin ,Hiiraan,Baay,Bakool iyo Gedo.

Waxaa uu sheegay Goodax in Wadooyinkaasi ujeedka loo furayo ay yihiin in dadka Shacabkaa ee ku nool Goboladaasi la gaarsiiyo Gar-gaar si Dadka loo Caawiyo. Ciidamada AMISOM iyo Kuwa Dowladda diyaar ayey u yihiin in Shacabka ay Dhibaatada ay ka dul qaadaan,Xoog ayaa wadooyinkaasi ku Fureynaa,Dadka Maalmo ha dulqaataan”ayuu yiri Goodax.

Al-shabaab ayaa Degmooyin badan oo ku yaala Gobolada Dalka Go’doomiyey,waxaana ay Diideen in Cunto ay helaan dadka halkaas ku nool

Hargaysa Isniin Agoost 19, 2014 Ergayga gaarka ah ee Qaramada Midoobay u qaabilsan Arimaha Soomaaliya Ambasador Nikolas Kay ayaa ku sugan magaalada Hargeysa ee xarunta maamulka Somaliland, isaga oo halkaasi qorshe ka damacsan.

Kay ayaa la sheegayaa in hadda qorshaha uu wado ay tahay in la’isku fahmo arinta maamulka Hawada Soomaaliya, iyadoona taasi dood ay ka taagneed.

Somaliland ayaa hadda u muuqanaysa in taasi ay raali ka noqoneyso, maxaa yeelay weli waa maamul Soomaaliya ka mid ah, sidoo kale waxay taasi cadeyneysaa inay ku fashilantay hamigii aqoonsiga.

Kay ayaa shalay ka tagay Garoowe, halkaasi oo kulamo uu kula soo qaatay Madaxweynaha Puntland C/weli Gaas iyo mas’uuliyiin kale.

Muqdisho Isniin Agoost 19, 2014 Kulan aqoon isweydaarsi ah oo looga hadlayay arrimaha gar gaarka iyo bini’aadanimada oo maanta ka dhacay magaalada muqdiso ayaa waxaa soo qaban qaabisay hay’adda Zam Zam Foundation ,waxaana  ka qeyb galay mas’uuliyiin ka tirsan hay’adaha gargaarka Qaramada midoobay iyo madaxda shirweynaha arrimaha bini’aadanimada ee ka dhacaya magaalada Istanbuul  iyo Zam zam Foundation oo soo qaban qaabisay.

Kulankani aqoon isweydaarsiga ah ayaa waxa uu hor dhac u yahay shirar arrimaha bani’aadanimada looga hadlayo kuwaasi oo 2016 iyo 2015 ka kala dhici doona dalalka Switzerland iyo Turki.

Furitaanka kulanka ayaa waxaa furay agaasimaha guud ee hay’adda zam zam foundation Shuceyb Sheikh C/ladhiif oo si rasmi ah kulanka u furay.

Wasiirka qorsheynta iyo iskaashiga caalamiga ah ee xukuumadda Federaalka Soomaaliya Siciid Cabdullaahi Dani oo kulankaasi ka hadlay ayaa sheegay in dowladda Soomaaliyed ay diyaarisay qorshe arrimaha bini’aadnimada looga tashanayo.

Intaasi ka dib ayaa waxaa ka soo qeyb galayaasha kulanka waxa ay isku qeybiyeen koox koox kuwaasi oo mid walba mowduuc u gaar ah ka dooday si ugu dambeyn looga soo saaro qodobo muhiim u ah in lala hor tago shir weynaha  arrimaha bini’aadanimo ee ka dhici doona magaaladda Geneva ee dalka Switzerland iyo Magaalada Istanbuul ee Dalka Turkiga.

Muqdisho Isniin Agoost 18, 2014Ra’isulwasaaraha Xukuumada Federaalka Soomaaliya  ayaa ku tilmaamay hawlgalada hub ka dhigista ee Mudisho ka socda mid lagaga  hortagayo dhibaatooyin uu sheegay in ay maleegayaan Al-Shabaab.

Ra’isulwasaare Cabdiwali Shiikh Axmed waxa afka ku dhuftay in hubkii lagu weeraray Xaruumaha  muhiimka ee Dowladu uu ahaa mid aad u culus isla markaana dalka aanu  uga imaan , dibada.

Mudane Cabdiwali waxa uu yiri” Magaalada Muqdisho waxa ka  dhacay dilal. Sidaa dareteeda ay qaadayaan talaabo kasta oo ay ku sugayaan ammaanka Caasimada.

Hadalka Ra’isulwasaraha ayaa Imaanaya xili Ciidamada Nabad sugida Dowlada Magaaladan ayka fuliyeen howlgalo  ay ku soo qabteen hub yaaliiya Magaalada.

Muqdisho Isniin Agoost 18, 2014 Guddoomiye ku-xigeenka dhinaca Siyaadda ee Maamulka Gobalka Banaaadir oo ay wehliyaan Mas’uuliyiin katirsan Maamulka Gobolka Benaadir iyo kan Degmada Shibis ayaa maanta dhagax dhigay xarumo loogu adeego bulshada ku dhaqan degmadaasi oo ay ka midtahay dib u baraalinta dugsiga hoose, dhexe ee degmada Shibis, dhismaha xarunta Hooyada iyo Dhallaanka iyo Waaxda Calasow Dheere oo laga hirgelinayo xarun ay shacabka Degmada Shibis ku kulmaan.

Mashruucan dib loogu dhisayo xarumaha danta guud ee ku bur buray dagaalladii dalka ka dhacay ayaa ka qeyb ka ah Mashruuca dhiso dalkaaga ee uu Dhawaan uu ku baaqey Madaxweynaha Jamhuuriyadda Soomaaliya Mudane Xasan Sheekh Maxamuud.

Mas’uliyiinta uu horkacayay Mudane Maxamed Aadan Guuleed Caano Geel ayaa waxa ay kormeer ku soo kala bixiyeen Waaxyada kala duwan ee degmada Shibis, halkaasi oo laga hirgelinayo xarumo bulshada loogu adeegayo.

Guddoomiyaha degmada Shibis Cabdifataax Nuur Cali oo mas’uuliyiinta Maamulka uga warbixiyay xarumaha dib loo dhisayo, isagoo ka codsaday in gacan lagu siiyo dib u dhiska xarumaha danta guud.

Guddoomiye ku-xigeenka dhinac Siyaadda ee Maamulka Gobalka Banaaadir Mudane Maxamed Aadan Guuleed oo la hadley Warbaahinta Qaranka ayaa maaamulka Degmada Shibis uga Mahadceliyay dadaallada ay ugu jiraan dib u soo celinta Xarumahii  Danta Guud ee ku yaalla Degmada Shibis ee Gobolka Benaadir.

Garoowe Isniin Agoost 18, 2014 Iyadoo Shalay Magaalada Garoowe uu gaaray Ergayga Gaarkaa ee QM u qaabilsan Arrimaha Soomaaliya Nikolase Kay ayaa waxaa Garoowe lagu qabtay Munaasabad lagu Taageerayo Sanad Guurada 1-aad ee Xafiiska QM Soomaaliya ee UNSOM.

Madaxweynaha Maamulka Puntland Dr,C/wali Maxamed Cali Gaaz oo kulanka ka hadlay ayaa sheegay in Maamulka uu Madaxweynaha ka yahay uu diyaar u yahay Wada hadal dhexmara Dowladda Federaalka Soomaaliya iyo Maamulka Puntland si uu meesha oga baxo Khilaafka labada dhinaca.

C/wali Maxamed Cali ayaa sheegay in Puntland ay Diyaar u tahay,wax kasta  oo lagu dhameenayo Khilaafka Puntland iyo Federaalka u dhaxeeya,waxaana uu imaanayaa hadalkaan xili Madaxweyne Gaaz uu sheegay in Xariirkii Dowladda iyo Puntland uu jaray.

Muqdisho Isniin Agoost 18, 2014 Magaalada Marka ee Xarunta Gobolka Sh/hoose, waxaa la sheegayaa in ay ka maqan tahay Isgaarsiinta Dhamaan Shirkadaha ka howlgala Magaaladaas oo ay ka mid tahay Shirkadda Isgaarsiinta Hormuud.

Macadda ujeedka ka dambeysa arrintaani hase ahaatee waxa ay imaaneysaa, iyadoo xiisad dagaal ay ka jirto Magaalada Marka ee Gobolka Sh/hoose, taasi daba socoto Dagaal beeleedyadii ka dhacay Gobolka.

Wararka qaar ayaa sheegaya in Maleeshiyo beeleedka ku sugan Magaalada ay hawada ka saareen Isgaarsiinta, halka warar kalana ay sheegayaan in Shirkadaha ay iskooda uga baxeen hawada.

Muqdisho Isniin Agoost 18, 2014 Munaasabadan oo ay ka qeyb galeen Wasiirka Arrimaha dibada, Wasiirka Wasaarada Haweenka, Xildhibaanno iyo qeybaha kala duwan ee bulshada, islamarkaana lagu taageerayay Madaxweynaha cusub ee dalka Turkiga Mudane Recep Tayyip Erdoğan oo ku guuleystay xilkaasi kadib doorasho Madaxtinimo oo dalka Turkiga ka dhacday ayaa lagu qabtay Muqdisho.

Xafladdan oo ay soo qaban qaabisay Wasaaradda Haweenka iyo xuquuqul insaanka ayaa lagu muujiyay kaalinta dowladda Turkiga ay ka qaadatay gurmadkii ay u fidiyeen shacabka Soomaaliyed xilli ay dalka ka jirtay abaar aad baahsan, iyadoo ay madasha suugaan ka hadlaysa waxqabadka Turkiga ku soo bandhigeen fanaaniinta Hobolada Qaranka ee Waaberi.

Sahro Cumar Maalin oo ku hadlaysay magaca ururrada bulshada rayidka ah ee ka qeyb galay munaasabaddaas ayaa sheegtay in shacabka Soomaaliyeed aysan iloobi doonin taagerada dowladda Turkiga ay u fidisay Ummadda Soomaaliyeed.

Xildhibaan Prof Maxamed Cumar Dalxa oo ah Guddoomiye ku-xigeenka guddiga arrimaha dibada ee Baarlamaanka ayaa Wasiirka Wasaaradda Haweenka uga mahadceliyay sida ay u soo qaban qaabisay xafladan lagu taageerayo Madaxweynaha cusub ee dalka Turkiga.

Marwo Khadiijo Maxamed Diiriye Wasiirka Wasaaradda Haweenka iyo xuquuqul insaanka ee Xukuumadda Soomaaliya oo muanasabada ka hadashay ayaa Madaxweynaha cusub ee dalka Turkiga Mudane Recep Tayyip Erdoğan ugu hambalyeysay guushii uu ka gaaray doorashadii Madaxtinimo ee ka dhacday dalka Turkiga.

Wasiirka Arrimaha dibada ee Xukuumadda Soomaaliya Mudane Cabdiraxmaan Ducaale Beyle oo ugu dambeyntii munaasabadda ka hadlay ayaa bulshada Soomaaliyeed ugu baaqay inay taageeraan dowladda, taasi oo looga gudbi karo dhibaatooyinka ka jira dalka, isagoo ka mahadceliyay taageerada Turkiga u siinayo shacabka iyo dowladda.

Muqdisho Isniin Agoost 18, 2014 Kulankan ay isugu yimaadeen Guddiyada joogtada ee Baarlamaanka, islamarkaana uu shir guddoominayay Guddoomiyaha Baarlamaaanka Soomaaliya Mudane Maxamed Sheekh Cismaan Jawaari, ayna goob joog ka ahaayeen Ra’iisul wasaaraha Mudane Cabdiweli Sheekh Axmed Maxamed iyo xubno ka tirsan golaha Wasiirada ayaa looga hadlay arrimaha xakameynta hubka ee ay waddo Xukuumadda Soomaaliya iyo guulaha laga gaaray howlgallada lagu baacsanayo maleeshiyada Al-Shabaab.

Kulanka oo qaatay saacado badan ayaa looga arrinsaday dar dargelinta amniga iyo ilaalinta xuquuqda muwaadinka Soomaaliyeed, waxaana shirka su’aalo ku saabsan isbadallada amni ee dalka iyo howlgallada ay wadaan ciidamada, gaar ahaan howlgalkii ugu dambeeyay ee Jimcihii la soo dhaafay ka dhacay degmada Wadajir lagu waydiiyay Ra’iisul wasaare Cabdiweli iyo Wasiirka Amniga Qaranka Khaliif Axmed Ereg.

Wasiirka amniga Qaranka ayaa sheegay in howlgallada amni sugidda ay yihiin kuwa lagu guuleystay, isagoo xusay in tan iyo markii la dar dargeliyay ay yaraatay falalkii ay Shabaabku ku beegsanayeen Shacabka, waxaana mar uu ka hadlayay shaqaaqadii ka dhacday degmada Wadajir aysan u jeedku ahayn in Guddoomiyihii hore ee degmadaasi Axmed Daaci la weeraro, balse ay si kama ah ku dhacday, xilli ay ciimadu ay beegsanayeen maleeshiyad ka tirsan Al-Shabaab oo gudaha degmadaasi ku maleegayay falal isqarxin ah.

Guddoomiye ku-xigeenka labaad ee Baarlamaanka Soomaaliya Mudane Mahad Cabdiweli Cawad ayaa sheegay in guddoomiyihii hore ee degmada Wadajir Axmed Xasan Caddow “Axmed Caddow” uu ahaa shaqsi caan ku ah la dagaallanka Al-Shabaab, isagoo xusay in baarlamaanku uu aad uga xumaaday falkaasi sida lama filaanka ah ku dhacay, Xukuumaddana ka codsaday in baaritaanka arrintaasi ay guddi u saarto.

Ra’isul Wasaaraha Xukuumadda Soomaaliya Mudane Cabdiweli Sheekh Axmed Maxamed ayaa tilmaamay in dhacdadii 15-kii bishaan ka dhacay degmada Wadajir Wasaaradda amniga Qaranka looga fadhiyo in ay soo saarto warbixin cad oo ku aadan sida ay wax u dhaceen, Xukuumadduna ay ka tacsiyeyneyso dadkii ku dhintay, ayna soo saari doonaan qoraal cad oo lagu qeexayo arrimahaasi.

Guddoomiyaha Baarlamaanka Federaalka ah ee Soomaaliya Mudane Maxamed Sheekh Cismaan Jawaari ayaa sheegay in Xukuumadda looga fadhiyo in ay ku booriso hay’adaha amniga ilaalianta xasaanadda ay leeyihiin mudanayaasha Baarlamaanka iyo tan xuquuqda muwaadinka Soomaaliyeed marka ay socdaan howlgalada amniga lagu xoojinayo.

Muqdisho Isniin Agoost 18, 2014 Ra’iisul Wasaaraha Xukuumadda Federaalka Soomaaliya Mudane Cabdiweli Sheekh Axmed Maxamed ayaa maanta kulan la qaatay qeybaha bulshada Rayidka ah, isaga oo la tashi ballaaran kala sameeyay qaabka loo wajahayo Amniga Caasimadda iyo Hiigsiga sanadka 2016.

Kulanka sidoo kale waxaa ka qeyb-galay Wasiirka Warfaafinta Xukuumadda Federaalka Soomaaliya, Mudane Mustaf Sheekh Cali Dhuxulow, Guddoomiyaha guddiga Difaaca ee Barlamaanka Soomaaliya, Mudane Xuseen Carab Ciise, Danjiraha Soomaaliya u fadhiya Xafiiska Qaramada Midoobay ee Xuquuqul Insaanka Yuusuf Beri Beri iyo xubno kale.

Wasiirka Warfaafinta Xukuumadda Federaalka Soomaaliya, Mustaf Sheekh Cali Dhuxulow oo ugu horeyn kulanka ka hadlaya ayaa uga mahadceliyey ururrada Bulshada rayidka ah, sida ay diyaarka ugu yihiin gacan siinta dowladda, islamarkaana Xukumadda ay qaadan doonto talooyinka ay soo jeediyaan ururrada bulshada rayidka.

Sidoo kale intii uu socday kulanka Ra’iisul Wasaaraha iyo bulshada rayidka waxaa diiradda lagu saaray qaabka ugu habboon ee bulshada rayidka ah iyo dowladdu u yeelan karaan wada shaqeyn, iyadoo inta badan su’alaaha lasoo jeediyay u badnaayeen howlgallada ay laamaha amnigu ka wadaan magaalada Muqdisho. Waxeyna ka codsadeen Ra’iisul Wasaaraha in la dar-dargeliyo howlaha xukuumadda, gaar ahaan amniga iyo aruurinta hubka sharci darrada ah ee yaala magaalada.

Ra’iisul Wasaaraha Xukuumadda Federaalka Soomaaliya Mudane Cabdiweli Sheekh Axmed oo kulanka ka hadlay ayaa mahadcelin kaddib hoosta ka xariiqay in Xukuumadda uu hoggaamiyo door muhiim ah ay siinayso Ururada Bulshada Rayidka.

“Ururada Bulshada Rayidka ah waa aasaaska Qaranka, doorkiina waa muhiim, Xukuumaddu aad iyo aad bey idiin soo dhoweyneysaa. Tallooyinkiina iyo wadatashigiina muhiim bey noo tahay, door weyn baad ka cayaari kartaan xal u helidda mushkiladaha jira” ayuu yiri Ra’iisul Wasaaraha oo ka codsaday in si wada jir ah loogu guntado sidii loo samatabixin lahaa dalka, balse aan lagu eegan oo kaliya dowladda.

“Dowladda, ururrada bulshada iyo guud ahaan shacabka oo isku duuban oo kaliya ayaa ka guuleysan kara caddowga, balse haddii tafaraaruq uu dhaco caddowga ayaa naga guuleysanaya, waxaan xukuumadu qaadanaysaa talooyinkii muhiimka ahaa ee aad soo jeediseen”

Ugu danbayntii Ra’iisul Wasaare Cabdiweli ayaa tilmaamay howlgalkii ciidamadda amnigu ay ka wadeen magaalada Muqdisho uu ku salaysnaa warbixino ay heleen laamaha amnigu, ciidamada dowladuna ay ku soo qabteen hub aad u faro badan oo halis ku ahaa amniga dalka.

Kulankii maanta ee ururrada Bulshada Rayidka uu la yeeshay Ra’iisul wasaaraha Soomaaliya ayaa qeyb weyn ka qaadanaya dadaallada ay dowladda Soomaaliya ugu  jirto xasilinta dalka, gaar ahaan caasimadda, iyadoo go’aanka ka soo baxay golaha wasiirrada Soomaaliya lagu dhawaan uu ahaa xakameynta hubka sharci darrada ah.


Muqdisho Agoost 16, 2014 Xeer Ilaaliyaha Guud ee Qaranka Mudane Dr. Axmed Cali Daahir ayaa shir jaraa’id oo uu maanta ku qabtay xafiiskiisa ku bogaadiyay hawl galkii shalay iyo kuwii ka horeeyayba oo ay maalmahan laamaha kala duwan ee amniga ka wadeen Magalaada Muqdisho isaga sheegay inay ahaayeen kuwa sharciga waafaqsan.

“Waa hawl gallo muhiim u ah xaqiijinta sharciga iyo kala danbaynta. Si taa loo gaarana waxaa loo baahanyahay in hay’adaha amniga ay u hawl galaan sidii ay u sugi lahaayeen nabadgalyada anaguna ka garsoor ahaan aan u siin lahayn waajibaadki sharci ee na saaran.”

“ Runtii waa wax laga argagaxo in hub intaa la eg  shakhsiyaad gacantoodu uu ku jiro. Haysashada hubka waa sharc darro waxaana kaliya oo hub haysan kara dawlada yo cidi ay ruqsad u siiso. Wixii kasoo hara waa sharci darro. Danbiyada lagu galo hubka waa kuwa ugu culus ee dalka ka dhaca. Sidaa daraadeed waa in hubka uu galaa gacanta dawlada oo kaliya. Barlamaankana waxaan ka dalbanaynaa inay fududeeyaan shuruucda la xiriirta uruurinta hubka gacanta shacabka  iyo kooxaha ku jira”

Xeer ililaaiyaha guud ee qaranka ayaa soo hadal qaaday xiritaankii iyo xarigii shalay ay fuliyeen laamanaha amniga ee lagu xiray idaacadaha shabelle iyo Skyfm isaga oo sheegay inay dhib wayn ku hayeen amniga qaranka, eedeymo aan loom eel dayin iyo been ka sheegid hawlgalkii sugida amniga ay ku kaceen. Wuxuu intaa ku daray in Shabelle iyo Sky FM qaab qabiil iyo kooxaysi ku dhiirgalinayeen shacabka.

“talaabooyinka lagu xiray Shabelle iyo Sky waa talaabooyn wafaqsan sharciga, hay’adaha sharciga ayaana bixiyay amarkaas. Waxay ka qayb qaadanayeen kicinta shacabka, waxay xadgudub joogta ah iyo eedeyn been abuur ah ku hayeen madaxda qaranka. Waxay ka been sheegeyeen hawlgalkii ciidamada amaanku  iyo kuwa Amisom ay samaynayeen ee ku saabsanaa sugida amniga oyo hub aruurinta. Waxay mar walba dadka ku dhiirgalinayeen inay hawlgalka u fahmaan qaab qabiil. Arintaana maha arin hay’ad warfaafineed ku dhaqanto.”

“waan ixtirmaamaynaa dhamaan warbaahinta laakiin waa inay ogaadaan in sharciga ku siinaya xuquuqda aad ku hadlayso in sidoo kale uu ku xakamaynaayo oo ay jirto waxyaabaha aan laguu ogalayn inaad faafiso. Shabelle iyo Sky waxay dhib wayn ku hayaan amniga qaranka maadaama qaab qabiil iyo qaab kooxaysi ah ay hadalladooda u dhigayeen. Amniga qaranka wax gorgortan ah ka gali mayno waana ku amaanaynaa haya’daha amniga talaabooyinka hub ka dhigista ah ee ay wadaan ”

“ waxaan mar kale ku celinayaa haday noqon lahayd jaraaid, telefishin, idaacad, ugaasyo, oday dhaqameed, xildhibaan iyo siyaasba inay ka qayb qaataan horumarinta iyo saraynta sharciga. Inay iska iloobaan qabiilka iyo kooxaysiga. Qof walbana wax uu gaysto waa kaydsantahay, waa qorantahay waana lagula xisaabtami doonaa.”

Sidoo kale wuxuu Mudane Axmed Ali Daahir ku fogaaday shaqooyinka u yaalla xafiiska xeer ilaaliayha guud isaga oo geesta kale sheegay in ku dhaqanka sharciga iyo garsoorka la doonaayo inay ka bilaabato xafiiskiisa.

“waxana ka bilaabi doonaa in xafiiska ugu horeyn uu sharcga u hogaansamo oo uu ka hortago xadgudubyada. cid kasta oo ka tirsan xafiiskan oo lagu helo xadgudub waxaan horgayn doonaa sharciga. Maha in shaqadiisa kaliya uu waayi doonaan. Waxaan la tiigsan doonaa sharciga.”

“Hal garsoore oo laba xukun oo iska soo horjeedo soo saarayo, garsoore wixii maskaxdiisa ku jira iska qaadanaya ma aqbalanyno. Garsoore inta uu sharciga ku shaqyanaayo ayuu garsoore yayahy, cidna uga cabsan mayno dhaqan galinta sharciga.”

“sidoo kale maamulka dakhliga xafiisyada laamaha sharciga oo idil waa in loo mareeyaa sidii qaanuunka uu dhigaayo. Waa inay  jiraan agaasin maaliyadeed, khaznaji, xisaabiyo. Kuma eka shaqadan xafiiskayga oo kaliya ee waa dhamaan laamaha dawlada laga bilaabo kan madaxwaynaha ilaa kan ugu hooseeya. Qandaraasyada dawlada bixiso waa in loo maraa qaabkaa sharciga uu tilmaamayo”.

Gabagabadii wuxuu ka digay in casnhuurta ay bixiyaan shacabka aysan ku dhicin gacan khaldan wuxuuna laamaha canshuuraha ka codsaday inay ilaaliyaan hantida ummada oo dhan ka dhaxayso ee jeebka khaldan ku dhacaya si loo maareeyo mushaaraadka shaqaalaha dawlada iyo in lagu qabto hawlaha qaranka sida garsoorka, waxbarashada, dhismaha kaabayaasha dhaqalaaha iyo caafimaadka.

https://www.youtube.com/watch?v=QT03LlPwqlE#t=51

Muqdisho, 16, August, 2014 Waxa maanta lagu qabtay xarunta Dawladda Hoose ee magalaada Muqdisho shirkii toddobaadlaha ahaa ee Maamulka G/Banaadir.

Kulanka oo uu shir gudoominyay gudoomiye ku xigeenka maamulka iyo Maalyadda ahna  ku simaha gudoomiyaha gobolka Banaadir Mudane Ismaaciil Macallin Cabdi Guure ayaaa looga hadlay hawlgalada lagu arruurinayo hubka sharcidarada ah  ee ay ciidamada amnigu ka wadaan degmooyinka Gobolka Banaadir.

Ku simaha gudoomiyaha G/Banaadir iyo duqa magaalada Muqdisho Mudane Ismaaciil oo kulanka kadib shir jaraa’id u qabtay Saxaafada ayaa sheegay in maamulka G/Banaadir uu soo dhawaynayo talaabadii shalay ka dhacday degmada wadajir ee Gobolka Banaadir uuna maamulka gobolka taageersan yahay hawlgalka hubka sharcidarada ah looga aruurinayo degmooyinka G/Banaadir ee Caasimadda Muqdisho.

Stockholm, 16, August, 2014 Guddoomiyaha Gobolka Banaadir, ahna duqa Magaalada Muqdisho Jen. Xasan Maxamed Xuseen (Muungaab) ayaa magaalada Stockholm ee dalka Sweden kula kulmay duqa Magaalada StockhomSten Roland Nordin.

Labada Duq Magaalo ayaa kulan ay ku wada yeesheen Magaalada Stockholm waxay uga wada hadleen xiriirka labada dal, gaar ahaan labada caasimadood ee Muqdisho iyo Stockholm. Wada hadalkooda oo qaatay muddo saacado ah ayaa waxay si qoto dheer ugu jeex jeexeen xiriir iskaashi oo dhexmara Magaalooyinka Stockholm iyo Muqdisho.

Duqa Magaalada Muqdisho ayaa wuxuu u gudbiyay Duqa Stockholm warbixin ku saabsan xaaladda Dalka Somalia guud ahaan, gaar ahaanna xaaladda Muqdisho iyo howlaha baaxadda leh ee uu gobolka Banaadir  ka wado maamulka uu madaxda ka yahay ee Gobolka Banaadir iyo in  maamulkiisa uu si weyn ugu howlan yahay in ay  gobolka Banaadir gaarsiiyaan in ay dadka soo doortaan madaxdooda, halka maanta la soo magacaabo.

Markaas kaddib Duqa Magaalada Stockholm Sten Nordin oo aad ugu riyaaqay warbixinta Duqa Magaalada Muqdisho Jen. Muungaab ayaa ka codsaday in uu soo arko sida ay dadka Sweden isugu diyaarinayaan doorashooyinka Sweden ka dhici doona, waxayna labada duq Magaalo booqdeen fagaare Stockholm ku yaalla oo ay xisbiyada dalka Sweden ku soo bandhigayeen ololahooda doorashooyin ka dhici doona Sweden 14-ka bisha september 2014.

Guddoomiyaha Gobolka Banaadir, ahna Duqa Magaalada Muqdisho Jen. Xasan Maxamed Xuseen (Muungaab) oo booqasho shaqo ku joogay dalka Sweden ayaa intii uu Magaalada Stockholm ku sugnaa wuxuu kulamo la qaatay xildhibaanno ka tirsan Baarlamaanka Sweden, Wasaaradda Arrimaha Dibadda Sweden, Hay’adda Sweden deeqaha u qaabilsan ee SIDA iyo Soomaalida ku dhaqan Sweden oo uu kula hadlay kulan soo dhaweyn ah oo loo sammeeyay.

Ugu dambeyntiina, Guddoomiyaha Gobolka Banaadir, ahna Duqa Magaalada Muqdisho Jen. Xasan Maxamed Xuseen  Muungaab ayaa wuxuu duqa Magaalada Stockholm Sten Roland Nordin u gudbiyay mahadcelin la xiriirtay taageerada hagar la’aaneed ee ay Dowladda Sweden siiso Soomaaliya iyo weliba sida ay usoo dhaweysay dad badan oo Soomaaliyeed oo dalkeeda ku nool.

Muqdisho, 16, August, 2014 Golaha Wasiirada Xukuumadda Federaalka Soomaaliya ayaa maanta isugu yimid shir aan caadi ahayn oo shir gudoominayey Ra’iiusl Wasaaraha Xukuumadda Federaalka Soomaaliya mudane Cabdiweli Sheekh Axmed, waxaa sidoo kale kulanka ka soo qayb galay Madaxweynaha Jamhuuriyadda Federaalka Soomaaliya mudane Xasan Sheekh Maxamud.

Kulanka oo looga hadlayey ariimaha amniga iyo xaaladihii ugu danbeeyey dalka ayaa waxaa laga soo saaray warmurtiyadeed ku aadan sida loo wajahayo nabad ku soo dabaalida dalka.

WAR-MURTIYEED

Xukuumadda JFS waxay u gubinaysaa ummadda Soomaaliyeed fariin ku aadan amniga dalka iyo hawl-galada lagu sugayo amniga guud:

1. Ummadda Soomaaliyeed waxaa lagu wargelinayaa in hawl-galadii amniga ee ka dhacay magaaladda Muqdisho maalmihii la soo dhaafay ay ahaayeen kuwo lagu xaqiijinayo amaanka guud ee dadweynaha iyo dalka, ee aan marnaba loola jeedin cid gaar ah, shakhsi gaar ah ama degaan gaar ah. Waxayna Xukuumaddu ka xun tahay wixii waxyeelo ah ee soo gaaray dad shacab ah ee ku sugnaa goobaha ay ka socdeen hawl-galada amaanka lagu sugayey oo aan ku-talo-gal ahayn, waxaana dowaldu ka tacsiyeeynaysaa dadkii dhibaatadu ka soo gaartay howlgaladaas:

2. Xukuumadda JFS waxay amaanaysaa soona dhaweynaysaa Hay’adaha Amniga Qaranka hawl-galadii ay fuliyeen iyagoo sugaya amniga dadweynaha;

3. Waxaa xusid mudan, in hawl-galada lagu sugayo amniga ummadda la sii wadi doono, iyadoo marnaba aan lagu xad-gudbaynin xuquuqda asaasiga ah ee dadweynaha;

4. Sida sharcigu qabo, Hay’adaha Amniga iyo Ciidamada Qalabka-sida ama ciddii ruqsad loo siiyo oo keliya ayaa xaq u leh haysasho hub;

5. Waxaa la mamnuucay:

b) ka-ganacsiga hubka nooc kasta uu yahay;

t) haysashada ciidan abaabulan oo ka baxsan ciidamada qalab-sida iyo AMISOM;

j) in wadooyinka lala maro hub aan sharciyeysnayn;

1. Waxaa lagu wargelinayaa dhammaan dadweynaha Soomaaliyeed in ciddii haysata hub sharci daro ah ay ku soo wareejiso gacanta Hay’adda Amniga (Wasaaradda Amniga Qaranka) ama ay si sharciga waafaqsan uga diiwaan-geliso Hay’adaha Amniga Qaranka;

2. Ciddii ka hortimaada ciidamada amniga, marka ay ku jiraan hawlaha amni-sugid ee ay u xilsaaran yihiin, waxay ku xad-gudubtay sharciga dalka, waxaa lala tiigsanayaa sharaciga dalka u yaala;

3. Xukuumadda JFS waxay ku adkaynaysaa Hay’adaha Amniga in ay markasta dhawraan Xuquuqda Aadanaha, sarreynta iyo talinta sharciga (respect to the supremacy of law and the rule of law);

4. Warbaahinta madaxa-bannaan waxaa lagu wargelinayaa in ay dhawraan sharciga oo aysan marnaba ku xad-gudbin. Waxaa Saxaafadda iyo Warbaahinta lagu adkaynayaa in aysan ku kicin falal iyo warbaahin iska-horkeenka bulshadda, kicinta colaadaha, been-abuurka aan salka lahayn, iwm. Waxayna xasuusinaysaa in falalkaas ay yihiin danbiyo cad cad. Warbaahintii ku dhaqanta arrimaha xad-gudubka ah ee sare ku xusan, waxaa laga qaadayaa talaabo sharciga waafaqsan;

5. Xukuumadda JFS waxay markasta dhawraysaa gacan-sarreynta sharciga, talinta sharciga iyo ilaalinta xuquuqda asaasiga ah ee dadweynaha Soomaaliyeed, waxayna xushmaynta xoriyadda saxaafadda;

6. Golohu wuxuu u xilsaaray Wasaaradda Warfaafinta iyo Wasaaradda Amniga Qaranka in ay sida ugu dhaqsaha badan u soo saaraan siyaasad cad oo qeexaysa qorshe lagu tayeeynayo laguna xirfadaynayo warbaahinta madaxa banana;

7. Xukuumadda JFS waxay dadweynaha Soomaaliyeed ku wargelinaysaa in la abuuray khad (telefoon) gaar ah oo ciddii qabta tabasho, wargelin iyo talo-bixin ay kala soo xiriiri karto Hay’adaha Amniga (Wasaaradda Amniga Qaranka), waxaana dhawaan khadkaas lagu soo bandhigi doonaa Warbaahinta Qaranka; iyo

8. Xukuumadda JFS waxay markale shacabka Soomaaliyeed u ballan-qaadaysaa in ay xoojinayso amniga si waafaqsan shuruucda dalka si muwaadinku u helo xasilooni iyo amaan.

https://www.youtube.com/watch?v=pFxKlXkghvA

Minneapolis Jimco Agoosto 15, 2014 Hotelka Safari ee Magaalada Minneapolis waxaa caawo lagu soo bandhigi doonaa rubaayad la magac-baxday Maxaa hayray oo la isku haystaa? Taasoo la filayo in badan oo la casuumay inay imaan doonaan caawo.

Muqdisho Jimco Agoosto 15, 2014 Ciidanka Soomaaliya Iyo AMISOM oo hub farabadan ka soo qabtas guriga guddoomihii hore ee degmada Axmed Daaci oo aaminsanaa in aan hubka laga dhigi karin asagoo markii la qabtay maleeyishayadiisa baxsaday oo hadda aan la aqoon meesha uu ku dhuumanayo

Muqdisho Jimco Agoosto 15, 2014 Isbitaalka Madiina ee Magaalada Muqdisho waxaa saakay la geeyay Dhaawacyo tiro badan oo kusoo dhaawacmay Dagaal culus oo ka dhacay Degmada Wadajir kaa oo u dhaxeeyay Ciidamada AMISOM iyo kuwa Nabad Sugida oo wada jira iyo Ciidamo daacad u ahaa Axmed Daaci.

Isbitaalka Madiina waxaa buux dhaafiyay Ehlada dadka ku dhaawacmay dagalakii cuslaa ee saakay ka dhacay Degmada Wadajir , waxaana jir qaar kamid ah dadkii dhaawac ahaanta loo geeyay Isbitaalka Madiina oo halkaasi ku geeriyooday.

Dagaalka u dhaxeeyay Ciidamo Daacad u ah Gudoomiyihii hore ee Degmada Wadajir Axmed Daaci iyo Ciidamada AMISOM iyo kuwa Nabad Sugida wax ka dhashay dhimasho iyo dhaawacyo tiro badan oon wali si rasmi ah loo heyn.

Muqdisho Jimco Agoosto 15, 2014 siyaasiga Cabdulahi Sheekh Xasan ayaa waxa uu sheegay in weerar ay ku soo qaadeen Gurigiisa Ciidamada AMISOM waa sida uu hadalka u dhigay waxa uuna intaa ku daray in caruurtiisa lagu go’doomiyay,

Cabdulahi Sheekh Xasan ayaa sabab uga dhigay dagaalka lagu soo qaaday in uu jiray hanjabaato maalmihii Dambe kaga imaanayay ciidamada Dowlada iyo Kuwa AMISOM.

Tani waxa ay daba joogtaa hanjabaadyo iiga imaanayay dhinaca Dowladda, waxa ay iigu hanjabtay marar badan Dowladda inay idileyso hadii aan ka aamusin Arrimaha Dowladda Soomaaliya” ayuu yiri Cabdullahi Sheekh Xasan.
Muqdisho Jimco Agoosto 15, 2014 Hawlgalladii maalmahaan dambe ay hey’adaha amaanku ka wadeen Magaalada Muqdiho ayaa la sheegay in lagu qabtay hub gaaraaya ilaa 500 oo qori, oo noocyo kala gedisan isugu jira.

Afhayeenka Wasaarada Amniga Qaranka ee Xukuumada Somaliya Maxamed Yuusuf Cismaan, ayaa shaaca ka qaaday in hawlgaladan lagu soo qab qabtay ilaa 500 oo ka kooban noocyada kala duwan ee hubka..

Maxamed Yuusuf Cismaan afhayeenka wasaaradda amniga qaranka ayaa intaa ku daray  in Dowladdu ay ka feejigan tahay in kooxda Al Shabaab, ay u gacan galaan wax hub ah, isagoo hoosta ka xariiqay in howlgalladan hub ka dhigista ah ay taasi sabab u tahay.

Afhayeenka oo la hadlay wakaaladda Wararka ee AP, ayaa tilmaamay in ciidamada amaanku ay sii wadi doonaan, hub uruurinta ay ka wadaan Magaalada Muqdisho.

Golaha Wasiirada ee Xukuumada ayaa 7-dii bishaan ansixiyayn hindise sharciyadeedka hubka, waxayna taasi ka dambeysay markii uu madasho la yimid Wasiirka Wasaaradda Amniga Qaranka.

Muqdisho Jimco Agoosto 15, 2014 Gudoomiyhii hore gobolk dagmada Wadir ahmed Hasan Cadow Axmed ayaa ka hadlay dagaalka saakay ciidanka Nabadsugida Qaranka iyo kuwa Amison ay ku soo qadeen.

Axmed ayaa sheegay in dagaalka uu yahay mid aad xogaan ayna ka danebyaan sida uu sheegay rag katirsan dowalda Soomaliya balse waxaa uu sheegay inuu ka guuleysan doono ciidanka saakay weerarka ku soo qaaday.

” Saakay aroortii  hore ayaa waxaa weerar ugu soo qaaday ciidamo katrisan Nabadsugida lakiin waan iska caabinaya ilaa hada ma ogi sababta laga igu soo weeraray ma jirin wargalin hore marka waa la iska keey soo weeraray.”

Sidoo Kale Warar ayaa sheegay in uu Ahmed daaci uu gacan ka helayo qaar kamdi gudoomiyashii hore dagmooyinka Gobolka Banaadir waxaan la sheegay in ciidanka dagaalka sakaay kala hortay kuwa dowlada Soomaliya u u badan yhiin qaar kamid ah ilaaliyinkii gudoomiyashii gobolka Banaadir.

Hargaysa Jimco Agoosto 15, 2014Shirkadda DNO ee laga leeyahay dalka Norway oo uu maamulka Somaliland la galay heshiis shidaal baaris ah, ayaa ka hadashay fal toddobaadkan lagu rasaaseeyay shaqaalaheeda oo hawlo shaqo u joogay degmada Xudun ee gobalka Sool.

Shirkadda ayaa meesha ka saartay iney Somaliland shaqaalaheeda kala baxayso, falkaas weerarka aha kadib.

Afhayeenka shirkadda DNO, Henrik Schwabe, ayaa wargeyska caanka ah ee Wall Street Journal, u sheegay inaanu wax dhaawac ahi soo gaarin shaqaalahooda. “Qiyaastii 3:30 PM (11 August) tiro kooban oo xabado ah ayaa lagu soo waramay in lagu riday kaamboolka kooxda,” ayuu yiri afhayeenku, waxaanu intaas raaciyay “Qofna kuma dhaawacmin, kooxdiina si deg deg ah ayaa Hargeysa loogu daad-gureeyey.”

Afhayeenku, wuxuu sheegay inay kooxda DNO degmada Xudun ee gobalka Sool, gaar ahaan Baloog 18 oo heshiis lagu siiyay, ka wadeen sahan biyo ah, oo ah mashruuc ay DNO ku doonayso inay dadka deegaanka ku siiso biyo nadiif ah. “Maamulka Somaliland ayaa baaritaanada dheeraadka ah samaynaya.” ayuu yiri Afhayeenku.

Wuxuu sheegay inuu ka war qabo in saxaafadda maxaliga ah qaarkood baahiyeen warar sheegaya in shirkadda DNO ka bixi doonto Somailand, waxase uu wararkaas ku tilmaamay kuwo aanay waxba ka jirin, taas oo ah inaanay shirkadu ka baxayn Somaliland.

Wasiirka arrimaha dibadda Somaliland Maxamed Biixi Yoonis, ayaa isna sida uu wargeysku qoray sheegay inuu maqlay falka ka dhacay Xudun balse aanu faahfaahin ka haynin, waxaanu sheegay inay Somaliland dhawaan samaynayso ciidanka ilaalinta khayraadka oo loo yaqaan OPU (Oil protection unit).

“Degdeg waxaanu u rajaynaynaa inaanu yeelano ciidanka OPU.” ayuu yiri wasiirku, waxaanu intaas raaciyay in tirada ciidanku noqon doonaan 420 askari. Wuxuu wasiirku tilmaamay in marka ciidanka la sameeyo uu rajaynayo inaanay falal dambe dhici doonin.

Dhaawaan ayay aheyd markii malesshiyo beeleed careysan ay rasaasseeyeen shaqaale ka tirsan hay’adda DNO, inkastoo aan wax khasaare ah ka dhalan rabshadaas.

#Somalia: Mogadishu on Thursday August 14, 2014 Dowladda Soomaaliya waxay aqoonsatay Madaxweynaha Maamulka Cusub ee Khaatumo State Mudane Prof. Cali Khaliif Galayr kaasoo si dimuquraadi ahaan ah loogu doortay inuu noqdo Madaxweynaha Maamulka Khaatumo State.

Maamulka Khaatumo State waxuu ka kooban yahay Sool. Sanaag Iyo Cayn, Dowladda Soomaaliya waxay u hambalyeynaysaa Shacabka Khaatumo oo si fiican u doortay Madaxynahooda.

Dowladda Soomaaliya waxay kula talinaysaa Maamullada kale ee raba inay buuxiyaan shuruudaha samaynta maamul gobaleed madaxbanaan oo waafaqsan dastuurka fadaraalka inay si waafaqsan dastuur u samaystaan maamul gobaleed haddii kale waxaa u talin doonta dowladda Soomaaliya inta ay soo buuxinayaan sharuudaha maamul gobaleedka ee waafaqsan dastuurka fadaraalka.

Waad Mahadsan Tihiin,

Xafiiska Madaxweynaha

Xafiiska Ra'iisal Wasaaraha

Xafiiska Guddoomiyaha Golaha Shacabka

#Somalia: Taleh City, Khaatumo State on Thursday August 14, 2014 Ex- Somali Prime Minister & Current Members of the Somali Federal Parliament H.E. Dr. Ali Kalif Galeyr is the Newly Appointed President of Khaatumo State.
#Somalia: Taleex, Khaatumo State Agoosto 14, 2014 Ra'iisal Wasaare hore ahna Xildhibaan ka tirsan Golaha Shacabka Soomaaliyeed Mudane Cali Khaliif Galeyr ayaa maanta waxaa loo doortay Madaxweynaha Maamul Gobaleeddka Khaatumo State kaasoo ah maamul gobaleed buuxiyey shuruudaha laga rabo inay samaysan karaan maamul gobaleed laba gobal iyo wixii ka badan.

TwandaAgoosto 14, 2014  Danjiraha Soomaaliya u fadhiya magaalada Kigali ee dalka Rwanda, Cabdullaahi Sheekh Maxamed ayaa casho sharaf ugu sameeyay magaalada Kigali kooxda kubadda cagta Banaadir Sports Club oo ka qeyb-galeysa tartanka kooxaha bariga iyo bartamaha Africa ee ka socda dalka Rwanda.

Safriirka ayaa ku dhiiri geliyay ciyaartoyda dadaalka ay wadaan, isagoo ugu hambalyeeyay ka qeyg-galka tartanka maadaama ay yihiin kooxda heysata horyaalka Soomaaliya.

Gudoomiyaha kooxda Banaadir SC Abuukar Maxamed Sheekh oo hoggaaminaaya kooxda ku sugan Rwanda, ayaa uga mahad celiyay safiirka iyo shaqaalaha safaaradda soo dhaweynta ay u sameeyeen iyo dhiiri-gelinta oo uu ku tilmaamay in ay siisay ciyaartoyda niyad wanaagsan.

Qaar  ka tirsan jaaliyadda Soomaalida ee ku nool dalka Rwanda, aqoonyahanno iyo mas’uuliyiinta safaaradda ayaa ka qeyb-galay cashada soo dhaweynta ah ee loo sameeyay maamulka iyo ciyaartoyda kooxda Banaadir SC.

Kooxda Banaadir SC ayaa guul-darreysatay laba kulan oo ay ka ciyaartay guruubka C oo ay kaga jirto tartanka kooxaha bariga iyo bartamaha Africa oo ay ka qeyb-galayaan 14 koox, waxeyna kulanka ugu dambeeyo la ciyaari doontaa kooxda marti-geliyeyaasha ah ee Police maanta oo Khamiis ah.

Sweden Agoosto 14, 2014  Gudoomiyaha Gobolka Banadir oo socdaal shaqo ku jooga dalka Sweden ayaa la kulamay qaar ka mid ah ganacsatada Soomaliyeed iyo qaar ka mid ah ganacsasatada reer Swedan,  kaas oo ay ka wada hadleen sidii ay
maalgashi ugu samaysan lahaayeen caasimadda dalka Soomaaliya ee Muqdisho.

“Magaalada Muqdidho  waxay u baahantahaya dib u dhis iyo maalgashi waxaana ka jira amni la isku heleyn karo,  waxaan ugu baaqayaa ganacsatada Soomaliyeed iyo reer Sweden in ay maalgashadaan “ayuu yiri gudoomiye Muungaab”

Ganacsata Soomaliyed ee ku dhaqan dalka Sweden  ayaa soo dhaweeyay in ay arkaan mas’ul qaran oo kala hadla danta dalka iyo dantoodaba waxayna ballan qaadeen in ay meel uga soo wada jeesan doonan sidii caasimadda  Soomaliya ay ula mid noqon laheeyd caasimaddaha kale.

“Soomaliya haatan waxeey u baahantahay in dib u dhis lagu sameeyo,  waayo burbur  ayaan ka soo kabanaynaa, waxaana leenahay dowlad rasmi ah oo leh  hogaamiye daacad ah,  waana soo dhaweynaynaa cidwalba oo dalkeenna maalgashanaysa,  una hogaansamaysa shuruucda dalka u taala,  waxaana u sameynaa Private Security qaas ah “ayuu yiri gudoomiye  Muungaab.

Yurub Agoosto 14, 2014  Orodyahanka Soomaaliyeed ee MO Farah oo heysta dhalashada dalka Britain ayaa mar kale ku guuleystay orodka 10-ka kun ee Mitir ee Zurich tartanka ciyaaraha fudud ee Yurub, kadib markii uu ka guuleystay ciyaaryahan kale oo u dhashay Britain Andy Vernon, kaasoo galay kaalinta labaad, halka kaalinta saddexaad uu galay Ali Kaya oo u dhashay dalka Turkiga.

MO Farah  ayaa bilihii la soo dhaafay ka maqnaa masraxa orodyada, iyadoo todobaadyo ka hor uu xanuunsana inta uusan bilaaban Tartanka ciyaaraha ee Commonwealth ee lagu soo gaba gabeeyay magaalada Glasgow ee dalka Scotland.

Orodka 10-kun ee Mitir ayuu horay ugu guuleystay Mo Farah sanadkii 2010 Tartankii ordada ahaa ee lagu qabtay magaalada Barcelona, sidoo kale waxaa uu labo billadood dahab ah ku guuleystay ciyaarihii Olimbikada Aduunka orodada 10-kun iyo 5-ta kun Mitir.

MO Farah ayaa mar kale muujiyay inuu yahay halyeyga 10-ka kun ee Mitir, waxaana uu iska tir tiray hoos u dhicii soo wajahay bilihii la soo dhaafay ee aanu Tartamo badan oo muhiim ah ka qeyb qaadan, iyadoo Tartankii orodka ee uu kaga qeyb galay Mareykanka, uu dhaawac  soo gaaray.

“Inaan ku guuleysto mar kale Tartanka ciyaaraha fudud ee Yurub waxay uu aheyd ahmiyad aad u weyn, balse inaan seego Tartankii ciyaarihii Commonwealth ma aheyn wax fudud, todobaadyo ka hor waa xanuunsanaa, laakiin tababarkii aan qaatay ayaa keenay inaan ku guuleysto Tartankan”ayuu yiri Mo Farah oo ka hadlayay guushiisa.

MO Farah oo sii hadlayay ayaa yiri “aad ayaan u faraxsanahay, waxaa rajeynayaa inaan tartanka 5-ta kun Mitir inaan si wanaagsan u ordo

Baydhabo Agoosto 14, 2014  Qarax ayaa waxa uu xalay ka dhacay Magaalada Baydhabo ee Xarunta Gobolka Bay waxaana lala eegtay Ciidan katirsan Dawlada oo Howgal Baaritaano kuguda jiray Xilligaasi.

Warbaahinta Al Shabaab waxay sheegeen in qaraxa waxyeelo loogu geystay Ciidankii la weeraray inkastoo khasaaraha aysan tiro koob ku sheeginta inta uu gaarsiisan yahay.

Qaraxa waxa uu ka dhacay Xaafada Unaay oo bartamaha Magaalada Baydhabo ku taalla sida wararku sheegayaana ciidanka la beegsaday ayaa Rasaas kadib qaraxa riday waxayna Adkeysay in Xog badan laga heli waayo khasaarahaasi.

Al Shabaab ayaana si maldahan waxay usheegeen in qaraxaasi iyagu ka dambeeyeen maadama ay ku tilmaameen Magaalada Baydhabo inay ka mid tahay meelaha waxay cadowga uyaqaanaan gacanta ku dhigeen.

USA Agoosto 13, 2014 Mas’uuliyiinta hay’adda Garyaqaannada Mareykanka ayaa waxba kama jiraan ku tilmaamay eedeymihii dhawaan kooxda daba galka ee Monitoring Group ay usoo jeediyeen mas’uuliyiin ka tirsan dowladda Soomaaliya oo ku saabsaneyd in la musuq maasuqay hantidii Soomalaiya ee taallay meelo ka mid ah calamka.

Garyaqaan Jeremy Schulman oo ka socda , hay’adda Garyaqaannada Schulman Rogers oo ah garyaqaanno dowladda Soomaaliya u xilsaartay inay ka caawiyaan soo celinta hantida Soomaaliya ee ku xaniban meelo kala duwan oo caalamka ah, ayaa shir jaraa’id ee uu magalada Minneapolis ku qabtay kaga waramay howlihii u qabsoomay,

sidoo kale waxa uu si kulul u weeraray Kooxda dabagalka ee Qarmada Midoobay (UN Monitoring Group) Schulman isagoo sheegay in warbixintii dhawaanta ay soo saartay kooxda dabagalka  ee uu hogaamiyo Jarat Chopra, laguna eedeeyey hey’addooda iyo dowlada Soomaaliya, in eedeymahaasi aaney waxba ka jirin oo sal iyo raad toona aaney laheyn.

Mr Schulman ayaa xusay inuu ku faanayo inuu la shaqeeyo dolwadda Soomaaliya iyo dadka Soomaaliya. sidoo kale waxaa uu carabka ku dhuftay in ay dowladda Soomaaliya usoo dhiciyeen hanti badan oo muddo ka maqneyd.

 

Dowladda Soomaaliya's photo.
Dowladda Soomaaliya's photo.
Dowladda Soomaaliya's photo.
Dowladda Soomaaliya's photo.
Dowladda Soomaaliya's photo.















Muqdisho Agoosto 13, 2014 Xunbnaha joogta ah ee golaha amaanka ee Qaramada Midoobay oo maanta soo gaaray magaalada Muqdisho ayaa kulan la qaatay Madaxweynaha Jamhuuriyadda Soomaaliya Mudane Xasan Sheekh Maxamuud, Guddoomiyaha Baarlamaanka Mudane Maxamed Sheekh Cismaan Jawaari, Ra’isul wasaaraha Xukuumadda Soomaaliya Mudane Cabdiweli Sheekh Axmed Maxamed, Xubno ka tirsan labada Gole ee dowladda, Madaxweynaha maamul goboleedka Galmudug, hogaamiyaha Maamulka KMG ah ee Jubba iyo marti sharaf kale.

Kulanka oo qaatay saacado badan ayaa looga hadlay arrimaha ammaanka, howlgallada ka dhanka ah argagixisada ah ee Al-Shabaab, hanaanka dimoqraadiyadda, in dalka la gaarsiiyo marka la gaaro sanadka 2016-ka hanaanka doorashada oo ah “One Man One Vote” iyo horumarka dowladdu ay ku talaabsatay, iyadoo sidoo kale  wadahadal la yeeshay madaxda sare ee Xafiiska Hawlgalka Qaramada Midoobay ee Kaalmaynta Soomaaliya (UNSOM) iyo Hawlgalka Nabad-ilaalinta Midowga Afrika ee Soomaaliya (AMISOM) iyo xubno ka socday bulshada rayidka.

Shirka madaxda Qaranka iyo Xubnaha Golaha Ammaanka ee Qaramada Midoobay ayaa markii uu soo idlaaday kaddib waxay kulamo kale la qaateen xubnahaasi ururrada bulshada rayidka kaasi oo looga hadlay arrimaha beni’aadannimada.

Guud ahaan markii uu soo idlaaday kaddib waxaa saxaafadda la hadlay Wakiilka joogta ah ee UK u qaabilsan Golaha Ammaanka ee Qaramada Midoobay, Danjire Mark Lyall-Grant oo isagu hogaaminayay shan iyo tobanka xubnood ee Golaha Ammaanka ee maanta soo gaaray Muqdisho, waxaana uu yiri “Waxaan ku faraxsanahay inaan fursadan u helnay inaan Soomaaliya booqano. Booqashadeenu waxay hoosta ka xariiqaysaa sida ay beesha caalamku uga go’antahay inay taageerto horumarka ay Soomaaliya u qaadday si ay u gaarto nabad iyo xasillooni. Goluhu wuxuu soo dhoweynayaa heshiisyadii siyaasadeed ee dhowaan la gaaray si loo dhiso maamul goboleedyo ku meelgaar ah, oo ay ka midyihiin sameynta Maamulka Jubba ee Ku-Meelgaarka ah iyo heshiisyada laga gaaray Maamulka Koonfur Galbeed ee Ku-Meelgaarka ah iyo Gobollada Dhexe.

Danjire Usman Sarki oo ah Wakiilka joogta ee dalka Nigeria u qaabilsan Golaha Ammaanka ee Qaramada Midoobay ayaa tilmaamay in booqashada ay ku yimaadeen Muqdisho ay tahay mid taariikhi ah, islamarkaana ay soo dhaweynayaan horumarka ay sameysay dowladda Soomaaliya.

Wefdiga Golaha Amaanka wuxuu ka koobanyahay wakiillada Argentina, Australia, Chad, Chile, Shiinaha, Faransiiska, Urdun, Lithuania, Luxembourg, Nigeria, Jamhiiriyadda Kuuriya, Isutagga Federaalka Ruushka, Rwanda, Boqortooyada Midowday ee Ingiriiska (UK) iyo Maraykanka (USA).

Nayroobi Agoosto 13, 2014 raakiisha booliska dalka Kenya ayaa sheegay inay xereen qaar kamid ah dad looga shakiyay inay qeyb ka ahaayeen kooxo hubeysan oo weeraro ka geystay qeybo kamid ah magaalada Lamu ee dalka Kenya.

Dadkaasi ayaa la sheegay inay gaarayaan 16 ruux kuwaasi oo lasoo qabtay Keynta OZI ee duleedka degmada Lamu halkaasi oo la sheegay inay ku dhuumaalaysanayeen, bilihii lasoo dhaafay.

Wargeyska Daily Nation ee kasoo baxa dalkaasi Kenya ayaa qoray in mid kamid ah dadkaasi lasoo qabtay uu ahaa hogaamiyaha kooxdii weerarka ku qaaday degmada Lamu ee dalka Kenya.

Booliska dalka Kenya ayaa sheegay in hogaamiyaha kooxdaasi uu ka tagay xaafada Kiunga oo ka tirsan Lamu halkaasi oo weerarada ugu badan ay ka dhaceen.

Waxay sidoo kale booliska ay sheegeen in asal ahaan ruuxaasi uu kasoo jeedo dalka Kenya uuna hogaaminayay weeraradii ka dhacay deegaanada Mpeketoni, Poromoko, Maleli, Kibooni, iyo Gamba oo dhamaan weerarada ay ka dhaceen labo bil oo isku xigta.

ALshabaab ayaa sheegtay masuuliyada weeraradii ka dhacayay deegaanka Lamu ee dalka Kenya, laakiin masuuliyiinta Kenya ayaa waxay ku eedeynayeen inay ka dambeeyeen shabakado siyaasadeed oo ka dhisan dalkaasi Kenya.

USA Agoosto 13, 2014Wakaaladda wararka ee Reuters ayaa dhawaan faafisay war ku saabsan warbixin aan weli si rasmi ah u soo bixin oo Kormeerayaasha Qaramada Midoobay ee Cuna qabateyn hubka ee Somalia iyo Eretria, ay ka diyaariyeen Somalia.

Warbixintaas ayaa ku eedeysay madaxweynaha Somalia, Xassan Sheekh Maxamud iyo Wasiirkii hore ee Arimaha Dibadda, Fowsiyo Yuusuf Xaaji Aaden inay doonayeen inay si musuq maasuq uu ku jiro ay u soo ceshadaan hantida dowladii hore ee Somalia.

Sidoo kale, warbixinta ayaa ku eedeysay shirkadda Mareykanka ah ee Shulman Rogers iney ka qeyb qaadatay sidii hantidii hore ee Soomaaliya ay mas’uuliyiinta dowladda Soomaaliya ugu qaadan lahaayeen si sharci darro ah.

Hadaba shirkadda Shulman Rogers ayaa xalay shir jaraa’id ku qabatay Minneapolis ee gobolka Minnesota, waxeyna ka ka hadashay sida wax u dhaceen iyo iska fidaacay eedii ugu timid Kooxda ka socotay Qaramada Midoobay ee (UN Monitoring Group).

Jeremy Shulman oo ka tirsan madaxda shirikadda Shulman Rogers oo la hadlay VOA ayaa wax lagu qursado ku tilmaamay warbixinta Kormeerayaasha dabagalka hubka Somalia iyo Eretria.

“Ma jiraan cadeymo uu guddiga dabagalka Qaramada Midoobay soo bandhigay, waxaana u maleynayaa in shaqadooda iyo tabahoodu yihiin mid la quursado” ayuu yiri Jeremy Shulman oo la hadlay VOA, Somali.

Jeremy Shulman ayaa been abuur ku tilmaamay eedeynta kooxdaasi u jeediyeen madaxweynaha Soomaaliya, Xasan Sheekh Maxamuud iyo wasiirkii hore ee arrimaha debadda Fowsiya Yuusuf Xaaji Aadan, wuxuuna yiri “Eedeymaha loo jeediyey madadaxweynaha, wasiirkii hore ee arrimaha debadda, shirkadeyda iyo dhamaan dadka kale ee ku lugta leh arrintaan waa been, waana wax la dhibsado oo aflagaado ah”.

Sarkaalkan ka tirsan shirkadda Jeremy Shulman ayaa sheeay iney sharciga la korayaan ninka madaxda u ah kooxda diyaarisay warbixintaas.

“Sidii aan shirka jaraa’id ku cadeey tilaabo dhinaca sharciga ah ayaa xilligaan la diyaarinayaa Mr. Chabra iyo tabihiisa, laakiinse arrinta sheegeysa in hanti Soomaaliyeed loo leexiyey meel ka baxsan bankiga dhexe ee Soomaaliya ama dad gaar ah la siiyey waa been si la mid ah sidii Mr. Chabra sanadkii hore sameeyey, taasoo uu bangiga dhexe ku sheegay sanduuq loo adeegsado in si isdabamarin dhinaca siyaasadda ah lagu sameeyo” ayuu sidoo kale yiri Jeremy Shulman.

Jeremy Shulman oo la weydiiyey kaalinta shirkadiidu ku leedahay howlaha dib u soo celinta hantida Soomaaliya ayaa ku jawaabay “Kaalinteenu waa inagoo ah shirkad dhinaca Qaanuunka oo ay la macaamileen xukuumadihii is xigxigay ee Soomaaliya, tan kaliya maahee weliba kuwii hore si ay hormuud uga noqoto, u ogaato, u dabagasho, u ilaaliso, una soo celiso hantidii hore ee Soomaaliya, waa arrin socota oo ay caqabado badan horyaallaan”.

Shirkadda Shulman Rogers ayaa sheegtay in ilaa hadda ay ku guuleystay iney dib usoo celiso hanta gaareysa $33 Milyan oo dollar, taasoo sida shirkaddu tiri gacanta loo geliyey madaxda sharciga ah ee dowladda Soomaaliya.

“Ilaa iyo hadda si weyn ayaan u guuleysanay oo waxaan soo celinay hanti gaareysa ilaa $33 Milyan oo dollar, hantidaas waxaa si haboon loogu wareejiy xubnaha sharciga ee dowladda Soomaaliya” Jeremy Shulman ayaa sidaa yiri.

Jeremy Shulman ayaa sheegay in aqoonsiga Mareykanku siiyey dowladda Xasan Sheekh uu sahlay in lasoo celi karo hanitidii Soomaaliya, wuxuuna yiri “Maadaama ay dowladdu heleyso aqoonsi caalami ah iyo sharciyad laga soo bilaabo dhamaadkii sanadkii 2012 iyo 2013 markii ay dowladani xilka qabatay dedaalada hanta soo celintu waxey noqonayaan kuwa fudud, weli waxaa jira caqbad, laakiin markii tusaale ahaan dowladda Mareykanku aqoonsatay dowladda Xasan Sheekh Maxamuud waxey arrintaas xoojisay dedaallada soo celinta hantida, waxaan filayaa iney sii xoogeysto bilaha soo socda”.

Madaxda dowladda Soomaaliya ayaa u beeniyey eedeynta uga timid Kormeerayaasha Qaramada Midoobay, hase ahaatee dowladda Soomaaliya ma sheegin halka ay ka baxday lacagta $33-da Milyan ah ee shirkadda Shulman Rogers sheegtay iney usoo celisay Soomaaliya.

Muqdisho Agoosto 13, 2014 Xubno ka tirsan Golaha Shacabka ee Baarlamaanka Somalia oo siyaabo kala duwan ula hadlay Warbaahinta ayaa waxa ay sharci daro ku tilmaameen nidaamkii loo maray Shirka la qorshaynayo maamul u samaynta gobolada Dhexe ee dalka.

Cabdikariin Daahir Shariif oo ah Xildhibaan ka tirsan Golaha shacabka ayaa waxa uu sheegay in DFS ay is ilowsiineyso inay shacabka u baahan yihiin in loo dhiso Maamul aan dhib ka dhalan doonin, waxa uuna sheegay in Shacabka Gobolada Dhexe ee Soomaaliya  aysan ku qanacsanayn qaabka ay dowladdu u doonayso in maamulka loogu sameeyo gobolada Dhexe ee dalka.

Cabdikariin Daahir Shariif, waxa uu sheegay in dadaalada DFS ay tahay hal bacaad lagu lisay, taasina uu ku sheegay inaysan aqbali doonin haddii ay yihiin Golaha Shacabka.
Xildhibaanka ayaa shaaciyay inaysan ogolaan doonin qorshe aan waafaqsanayn dastuurka KMG ah ee u degsan  Soomaaliya, isaga oo ka digay in colaad laga dhex abuuro beelaha Soomaaliyeed ee wada daga gobolada Dhexe ee dalka oo uu sheegay inay isku khilaafsan yihiin  dhismaha maamulkaasi.

Hadalka Cabdikariin Daahir Shariif, waxa uu imaanayaa, iyadoo Dowladda federaalka Soomaaliya ay ogolaatay in maamul goboleed loo sameeyo gobolada Galgaduud iyo Mudug, iyadoona oo uu heshiiska oo ka dhacay xarunta Villa Soomaaliya islamarkaana ay saxiixeen mas’uuliyiin ka socotay maamulada Galmudug, Ximin iyo Xeeb,  Ahlu Sunnah iyo wasiiro ka tirsan xukuumadda Soomaaliya.

Dhanka kale, Maamulka deegaanka Xeraale ee gobolka Galgaduud ayaa ahaa dhinicii u dambeeyay ee muujiyay in ay ka soo hor jeedaan heshiiska lagu gaaray Muqdisho, halka maamulka Ximin iyo Xeeb ay ugu dambayn saxiixeen ka mid noqoshada  dhismaha maamulkaasi  oo ay hore uga biyo diideen.

Muqdisho Agoosto 13, 2014  @Somaligov was created on May 2009 by Somali Cyber Teams so, when was these twitter accounts of @SomaliPM & @TheVillaSomalia created? Who runs these twitter accounts? let's stop these fake accounts which organizations and countries are trying to control Somali Media!

Muqdisho Agoosto 12, 2014 Madaxweynaha Soomaaliya mudane Xasan Sheekh Maxamuud iyo wafdi uu hoggaaminayo ayaa saacadaha soo socda ku soo wajahan magaalada Muqdisho, kaddib markii ay ka soo qeyb galeen shirkii Mareykanka iyo Afrika ee dhawaan lagu soo gabagabeeyay magaalada Washington ee dalka Mareykanka.

Madaxweynaha ayaa intii uu ku sugnaa Mareykanka kulamo la qaatay masuuliyiin iyo jaaliyadda Soomaaliyeed ee ku nool waddankaasi.

Masuuliyiin ka tirsan dowladda ayaa ku sugan garoonka diyaaradaha si ay u soo dhaweeyaan wafdiga madaxweynaha, ayadoo sidoo kale ay socdaan dhaqdhaqaaqyo diyaargarow ah oo ay sameynayaan qeybaha bulshada magaalada Muqdisho si ay u soo dhaweeyaan madaxweynaha.

Muqdisho Agoosto 12, 2014 Ciidamada Dowladda  Soomaaliya, ayaa la sheegayaa inay weerar kale ku qaaden Hooyga Sargaal ka tirsanaa Boliska oo si madaxbanaan hub iyo ciidan ugu haystay muqdisho, gaar ahaan Xaafada saybiyaano ee Degmada hodan.

Dadka Deegaanka ayaa xaqiijiyay in Iska Hor imaadka dhex maray Ciidamada nabadsugida iyo kuwa Sargaalkaan oo lagu magacaabo Mahad Doolar , waxaana iska hor imaadkaanku dhintay hal Askari, iyadoo mid kalana uu ku dhaawacmay,  Askariga dhintay ayaa ka tirsanaa Ciidamada Mahad Dollar halka kan kalana ee dhaawacmay uu ahaa Nabad sugida.

Ciidamada nabadsugida ayaa la sheegayaa inay baarayeen Hub lagu sheegay inuu haayay Mahad, balse waxa ay halkaasi ka waayen Hubkii loosoo Tilmaamay.

Warkaasi Khilaafsan ayaa sheegaya in Ciidamada Nabad sugida ay halkaasi ka fuliyeen Howlgalo ay Ciidamadu kusoo qabteen waxyaabo maanka dooriye inkastoo Sarkaalka uu iska fogeeyay arrintaasi.

Dhanka kale, Weerarka Mahad ayaa waxa uu imaanayaa xilli Habeenimadii Xalay ay ciidamo ka tirsan Hay’ada Nabad-Sugida ay weerar ku qaadeen guri uu degnaa C/wali Qanyare oo ay doonayeen sida la sheegay in hubka laga wareejiyo.

Muqdisho Agoosto 12, 2014 kulankani Ra’isul Wasaaraha Xukuumadda Federaalka Soomaaliya Mudane C/weli Sheekh Axmed Maxamed uu ka qeybgalay ayaa waxaa looga hadlayay doorka haweenka Soomaaliyeed ay ka qaadan karaan horumarka dalka iyo xoojinta amniga, iyadoo kulankaasi ay soo qaban qaabisay wasaaradda haweenka iyo xuquuqda aadanaha, waxaana goob joog ka ahaa haween Soomaaliyeed oo ka kala yimid gobolada dalka.

kulanka ayaa waxaa ka hadlay wasiirka haweenka iyo Xuquuqda aadanaha Xukuumadda Federaalka Soomaaliya Khadiijo Maxamed Diiriye oo ka sheekeysay muhiimadda haweenka Soomaaliyeed iyo doorka ay kaga qeyb qaataan horumarinta dalka, iyadoo ammaan u jeedisay haweenka Soomaaliyeed ee ku howlan dib u dhiska iyo horumarinta dalka.

Ra’isul wasaaraha Xukuumadda Federaalka Soomaaliya Mudane C/weli Sheekh Axmed Maxamed oo isna khudbad ka jeediyay halkaasi ayaa ku dheeraaday ka shakeynta sida haweenka Soomaaliyeed ay ugu shaqeeyaan horumarka dalka oo ay ugu horeyso ammaanka, waxaana uu ugu baaqay in dadaalkoodu halkaas ay ka sii wadaan.

ugu dambeyntii Ra’isul Wasaaraha Xukuumadda Federaalka Soomaaliya ayaa ugu baaqay hooyooyinka Soomaaliyeed in ay hubiyaan caruurtooda, islamarkaana ay ka ilaaliyaan in ay ku biiraan kooxda argagaxisada Al Shabaab oo maskaxda ka xada dhalinyarada Soomaaliyeed, kuwaa oo ku huriya dagaalada ay ku jabeen.

Muqdisho Agoosto 12, 2014 Wasaaradda Dhallinyarada iyo Ciyaaraha ayaa dhallinyarada Soomaaliyeed ugu hambalyeysay munaasabadda maalinta dhallinyarada caalamka oo ku beegan maanta oo ah 12 August, 2014.

Agaasimaha guud ee wasaaradda dhallinyarada Daahir Cabdi Cabdullaahi oo xalay ka qeyb galay barnaamijka Tubta Toosan ee Radio Muqdisho ayaa sheegay in dowladda Soomaaliya ay waddo qorsheyaal lagu hormarinayo dhallinyarada Soomaaliyeed, kuwaas oo laga dhaqan galin doono caasimadda iyo gobollada dalka.

Warbixin cusub oo ay soo saartay Qaramada Midoobay ayaa muujinaysa in 20% (Labaatan boqolkiiba) dhallinyarada adduunka ay wajahayaan xaalado caafimaad oo dhinaca maskaxda ah sanad kasta.

Sanadkii 1999 ayaa la aqoonsaday maalintaan oo sanad kasta la sameeyo munaasabado lagu soo bandhigo horumarrada ay dhallinyaradu sameeyaan iyo dhibaatooyinka soo wajaha.

Dalkeenu wuxuu ka mid yahay dalalka ay dhallinyaradu dhibataada xoogga leh kala kulmaan, waxaa loo adeegsadaa dagaallada ayagoo sidoo kale in badan oo ka mid ah aysan  helin waxbarasho iyo caafimaad.

Meelo ka mid ah waddanka ayaa laga xusayaa maalinkaan. Wasaaradda dhallinyarada ayaa magaalada Muqdisho ku qabaneysa maanta munaasabad weyn oo ay ka qeyb galayaan masuuliyiin ka tirsan dowladda.

Sidoo kale magaalada Gaalkacyo iyo magaalooyin kale ayaa lagu wadaa inay ka dhacaan munaasabado kale.

London Agoosto 11, 2014 Munaasabad balaaran oo lagu soo dhaweynayay islamarkaana lagu taageerayay Madaxa Cusub ee raadiyaha iyo Telefishinka  Qaranka ee Britain oo ay soo qaban qaabiyeen Jaaliyadda Soomaaliyeed ee dalka Uk.

Munaasabadani lagu soo dhaweynayay ku biirista Aamina Muuse Wehliye ay ku biirtay SNTV, islamarkaana lagu taageerayay xilka   dhawaan ay wasaaradda warfaafinta iyo hanuuninta dadweynaha Soomaaliya u  magacowday ayaa lagu qabtay Galbeedka London.

Munaasabadaasi ayaa Madaxa SNTV  London Wariye Sare Aamina Muuse Wehliye waxaa ay kaga dhawaaqday qaab cusub oo wada shaqeyneed oo lagu xoojinayo xiriirka warbaahinta Qaranka gaar ahaan SNTV iyo Jaaliyada Soomaliyeed ee ku nool UK,

Qaabkaas cusub ayaa Aamina Muuse waxaa ay ku sheegtay in lagu abuurayo guddi ka socda Jaaliyadda iyo SNTV oo ka baaraandegaya  iskaashiga cusub.

Muqdisho Agoosto 11, 2014  Booqashada Wasiirka Warfaafinta uu ku tagay xarumaha Caafmaadka ee dadka Dhimirka qaba lagu dabiibo  ee uu gacanta ku hayo Dr  Xabeeb ee magaalada Muqdisho, ayuu ku soo oggaanayay Xaaladda ay ku sugan yihiin dadkaasi oo u baahan gurmad dhinacyo kale duwan ah.

Wasiirka  ayaa booqashadiisa waxaa ku wehliyey guddoomiye ku xigeenka Ururka Haweenka Qaranka Soomaaliyeed Canab Xasan Cilmi  iyo guddoomiyaha ururka haweenka gobolka Banaadir Jawaahir Baarqab.

Wasiirka Warfaafinta Mustafe Sheekh Cali Dhuxulow  ayaa soo indha indheeyey dhammaan qeybaha sadex xaruumood ee dadka Dhimirka qaba lagu daweeyo, waxa uu qaarkood ka xog wareystay xaaladooda kuwaasi oo hadda aad uga wanaagsan sidii ay ahaayeen markii la geynayey xarunta, iyadoo sidoo kale war-bixin ku aaddan qaabka ay u shaqeeyaan xaruumaha Dhimirka lagu daweeyo Wasiirka siiyay Dr Xabeeb oo ah Dhaqtarka ka howl-gala xaruumahaasi oo idil.

Dr  Cabdiraxmaan Cali Cawaale  Xabeeb ayaa wasiirka u jeediyey codsi ah in Dowladda ay siiso  Dhul laga  dhiso Xarun lagu xanaaneeyo dadka dhimirka qaba oo ay diyaar u yihiin in ganacsato Soomaaliyeed ay dhisaan.

Wasiirka Warfaafinta iyo Hanuuninta Dadweynaha  Soomaaliya  Mustafe  Sheekh Cali Dhuxulow ayaa sheegay in dhibaatada bulshada heysato ay qeyb ka tahay dadka Dhimirka qaba, waxa uu umadda Soomaaliyeed ku boorriyey in ay dadkooda caawiyaan, waxa uu sidoo kale xusay in uu dadaal dheer u geli doono sidii dhul ballaaran uu u heli lahaa Isbitaalka Dhimirka ee Xabeeb.

Xarunta Xabeeb ee dadka Dhimirka  lagu xanaaneeyo ayaa kaalin weyn ka qaadatay daryeellidda dad badan oo ahaa kuwa aan miirkoodu wanaagsaneyn oo caasimadda waddooyinkeeda ku sugnaa, iyadoo booqashada wasiir Mustafena ay aheyd in arrintaasi la xoojiyo iyadoo la is-kaashanayo.

Muqdisho Axad Agoosto 10, 2014 Saraakiil sarsare oo ka socota booliska Soomaaliya iyo AMISOM ayaa shalay booqasho ku tegay degmada Jowhar ee xarrunta gobolka Shabeellaha Dhexe.

Waxaa wafdiga hogaaminayey taliyaha ciidamada booliska AMISOM ee ku sugan Sopomaaliya, Anand Pillay iyo taliye ku xigeenka booliska Soomaaliya, Jen. Cusmaan Gas-gas, waxaana sidoo kale wafdiga ka mid ahaaa saraakiil ka socotay labada boolis ee Soomaaliya iyo Amisom.

Booqashada wafdigaan ayaa waxey ku saleysan tahay u kuurgelidda xaaladda amaan ee degmada Jowhar, sida uu sheegay taliyaha AMISOM, Anand Pillay.

Taliyahaa ayaa sidoo kale sheegay iney doonayaan in ciidamo boolis ah oo ka socda AMISOM la geeyo degmada Jowhar ee xarrunta gobolka Shabeellaha Dhexe.

Wafdiga ka socday booliska Soomaaliya iyo AMISOM ee tegay Jowhar ayaa la kulmay mas’uuliyiinta gobolka iyo degmada Jowhar, sida kusimaha gudoomiyaha gobolka Shabeellaha Dhexe, Cali Cusmaan Ibrahim, gudoomiyaha degmada Jowhar, Maxamed Amiin Cusmaan Xaaji, gudoomiyaha degmada Mahadaay, Shariif Abuukar iyo mas’uuliyiin kale.

Saraakiisha ka socota AMISOM iyo dowladda ayaa socod ku maray qaar ka mid ah wadooyinka Jowhar si ay indhahooda ugu arkaan xaaladda amaan ee degmada. Waxey sidoo kale booqdeen saldhiga booliska Jowhar iyo Xarrunta qeybta booliska Shabeellaha Dhexe.

Kusimaha gudoomiyaha gobolka Shabeellaha Dhexe, Cali Cusmaan Ibraahim oo warbaahinta la hadlay ayaa sheegay in mauulka gobolka iyo wafdiga ka tegay Muqdisho ay isku afgarteen in dayactir lagu sameeyo saldhiga booliska Jowhar iyo qeybta booliska Shabeellaha Dhexe ee isla magaalada Jowhar.

Magaalada Jowhar ayaa aha magaalo yara ka degan magaalooyinka la midka ah ee dhaca Koonfurta dalka Soomaaliya.







Photo: #Somalia: Among the Somali American Demonstrators in Minneapolis are two Current Members of Parliament & ex- Ministers.

#Somalia: Minneapolis MN USA on Sunday August 10, 2014 Mudaaharaad ay soo qabqaabiyeen jaalliyadda Soomaali Ameerikaanka ku nool gobalka Minnesota ayaa waxaa si cad u hoggaaminayey laba xildhibaan, wasiiro hore iyo dad badan oo aqoonyahano ah kuwaasoo si cad ugu sheegay inaynan taageersanayn Dowladda Soomaalya sababtoo ah waxay si wayn ugu mashquulsan tahay fowdo iyo musuqmaasuq sidaas waxaa caddeeyey dadkan.

Muqdisho Axad Agoosto 10, 2014 Ciidamada Hay’adda Nabadsugida Qaranka Dowladda Federaalka Soomaaliya ayaa Magaalada Muqdisho,  ku dhex ugaarsanaya dhagar qabayaasha ka tirsan Al Shabaab ee dhibaatada ku hayay shacabka.

Malleeshiyaadka Shabaab ayaa si gaadmo ah Magaalada Muqdisho ugu dili jiray shaqaalaha dowladda, kuwa Hay’adaha, ciidamada, aqoon yahanada iyo waxgaradka kala duwan.

Ciidamada Nabadsugidda Dowladda oo wata gaadiid yar yar ayaa xaafadaha Muqdisho ka wada, howlgallo qorsheysan oo lagu bartilmaameedsanayo malleeshiyaadka Shabaab, waxaana howlgaladaasi ay yihiin kuwa ay kaga horeyso xog la xiriirta halka bartilmaameedka uu yahay.

Habeenkii Khamiista 07 Bishan ayaa ciidamo ka tirsan Hay’adda Nabadsugida Soomaaliya waxa ay Xaafada Suuqa Xoolaha ee Degmada Heliwaa ku dileen labo dhagar qabe oo ka tirsanaa Alshabaab, kuwaasi oo ay toogteen ciidamada.

Labada dhagar qabe oo ay ciidamadu dileen ayaa mid ka mid ah, waxaa lagu magacaabi jiray Maxamed Yaxye, wuxuu ka tirsanaa maleeshiyaadka Shabaab  qeybta bamboo tuurka, da’diisa waxa ay aheyd 17-sano jir, wuxuuna deganaa Xaafada Suuqa Xoolaha, xilliga ciidamada ay qabanayeen wuxuu ciyaarayay kubad.

Sidoo kale ciidamada Nabadsugida Soomaaliya ayaa shalay galabtii Magaalada Muqdisho ku toogtay nin magaciisa lagu sheegay Nuur Baraxoow oo Al Shabaab u qaabilsanaa dhanka macluumaad gudbinta,  waxaana la soo bandhigay Video laga soo duubay ninkaasi,  isaga oo qeybta sare ee jirkiisa ay kaga taalo rasaas ay ciidamada Nabadsugida ku rideen, xilli uu dagaalamayay.

Nuur Baraxoow waxaa lagu toogtay Xaafada SOS ee Degmada Heliwaa, waxaana taasi ay muujinaysa in maleeshiyaadka ugu badan ee Al Shabaab ay ku sugan yihiin Degmada Heliwaa, gaar ahaan Xaafadaha SOS iyo Suuqa Xoolaha.

Qorshahaan ciidamada Nabadsugida Soomaaliya ay bilaabeen ayaa ah mid la mid ah sida ay Shabaab dilalka uga geystaan Magaalada Muqdisho, waxaa hada yaraaday dilalkii Kooxda ay ka geysan jirtay Muqdisho, maadaama hadda iyaga la bartilaameedsanayo.Ciidamada

Muqdisho Axad Agoosto 10, 2014 Kulan lagu taageerayay hadalkii guddoomiyaha Maxkamadda sare ee ciidamada qalabka sida ee ahaa in waalidiinta ay caruurtoodu ka midka yihiin Alshabaab ay ku wargeliyaan hey’adaha amaanka ayaa lagu qabtay Muqdisho.

Xaflad aad u ballaaran oo ay soo qaban qaabiyeen waalidiin, laguna taageerayay wax qabadka maxkamadda sare ee ciidamada qalabka sida iyo hadalkii guddoomiye  Gen. C/raxmaan Maxamed Tuuryare, ayaa waalidiintii ka qeybgalay xafladda waxaa ay muujiyeen sida ay ula dhacsanyihiin hadalka gudoomiyaha iyo go’aannada maxkamadda ciidamada.

Waalidiinta ayaa ku guubaabiyay guddoomiyaha maxkamadda sare ee ciidamada Qalabka sida Gen. C/raxmaan Maxamed Tuuryare “Cumda” inuusan ka gaabinin dadaalka uu muujiyay, iyagoo xusay in maxkamaddu ay soo nooleeysay rajadii iyo kalsoonidii shacabka.

“Gen, Tuuryre waa geesi howlkar ah, wan ku diirsanay toogashada kuwa dadka dila, nabad ayaa noo soo carfeysa, hadaan nahay waalidiinta, waxaan ballan qaadeeynaa inaan nabada kala shaqeeyno ciidamada, maadaama kii shabaaba ee la qabto an la soo deeyneeynin oo la tooganaayo” ayuu yiri mid ka mid ah waalidiintii ka qeybgalay kulankaasi.

Waalidiinta ayaa ballan qaaday iney kaalin wax ku ool ah ka qaadan doonaan sudidda amniga, ayna la shaqeeyndoonaan ciidamada amaanka, maadaama kii la qabto maxkamaddu tiirka geeyneeyso.

Wixii ka dambeeyay markii  Gen. C/raxmaan Maxamed Tuuryare “Cumda” loo magacaabay xilka gudoomiyaha maxkamadda sare ee ciidamada qalabka sida, islmarkaana tiirka la geeyay tiro gacan ku dhiigyaal ahaa, ayaa waxaa la waayay dilalki ay bistooladleeydu ka geeysan jireen Muqdisho.

Si kastaba ha ahaatee maxkamada ciidamada qalabka sida ayaa kasbatay kalsoonida Shacabka,  soona nooleeysay rajadii nabadda. iyadoo bulshadu aad ugu riyaaqeen markii ay arkeen dhagar qabayaashii ay qaati ka taagnaayeen oo dharaar cad lagu tooganayo tiirka iskool boliisiya.



: Mogadishu on August 6, 2014 Dowladda Soomaaliya oo maanta ballanqaaday inay abaalmarin doonto qofkii soo sheega Al-Shabab iyo hawlohooda argagixisadda ah.

Somali Federal Parliament's photo.



Moqdisho Agoosto 6, 2014 Taliyaha Booliska Soomaaliya Janaraal Maxamed Shiikh Ismaaciil ayaa u tacsiyeeyey Taliyihii Gobalka Boosaaso Iyo Madaxii Laanka Canshuuraha http://www.youtube.com/watch?v=dJGMXcrNqTc

Washington DC Agoosto 6, 2014 Madaxweynaha Soomaaliyeed, Mudane Xasan Sheekh Maxamuud ayaa tilmaamay tillaabooyinka ka hortagga ah ee ay Soomaaliya qaadeyso si ay u xaqiijiso in Feyraska Xanuunka Ebola uusan saameynin Soomaaliya.

Soo ifbaxa cudurka Ebola waxa uu markii ugu horreysay ka dillaacay dalka Gini bishii Maarso 2014. Laga soo billaabo markii uu uu cudurku dillaacay, feyrasku waxa uu ku faafay dalalka Liberia iyo Sierra Leone. Dillaaca cudurkan waa kii ugu ba’naa taariikhda la hayo marka laga eego xagga xaaladaha tirada dadka ee u li’anaya.

“Aad baan uga walaacsannahay xanuunkan ka dillaacay Galbeedka Afrika. Waxa aan doonayaa in aan qalbigiinna ku dejiyo in Soomaaliya aad uga fogtahay dalalkaas ayna u dhaxeyso masaafo dheer si uu Ebola u soo gaaro Soomaaliya” ayuu yiri madaxweyne Xasan Sheekh.

Madaxweynaha ayaa xusay in dowladda Soomaaliya iyo Midowga Afrika isla qaateen tilaabooyin loogu hortegayo in cudurkaasi usoo gudbo Soomaaliya iyo ciidamada AMISOM ee dalka jooga.

“Si kastaba ha ahaatee, iyada oo og jiridda muuqata ee cudurkaas, Dowladda Federaalka Soomaaliyeed iyo saaxiibadeedba waxa ay qaadeen tillaabooyin deg deg ah si Soomaaliya iyo ciidamada AMISOM looga ilaaliyo cudurkaas. Tillaabooyinkaas waxaa ka mid ah kala shaqeynta AMISOM in la qaado tillaabooyinka muhiimka ah ee ka hortagga si loo xaqiijiyo in Ebola uusan soo gelin Soomaaliya isaga oo u soo maraya ciidamada la iskubedelaayo” ayuu yiri madaxweyne Xasan.

“Waan aqoonsannahay khatarta xanuunkan ba’an iyo saameynta uu ku hayo saaxiibadeenna Afrikaanka ah. Heegan baan u nahay in aan caawinno dalalka uu waxyeelleeyey cudurku waxaana u rajeneynaa waxkaqabasho iyo caafimaad deg deg ah” ayuu Madaxweynuhu yiri.

Cudurka Ebola ayaa ka dilaacay dalalka Galbeedka Afrika, siiba dalalka Liberia, Sierra Leone iyo Nigeria, wuxuuna dilay da badan.

Dalka Sacuudiga ayaa sanadkaan Muslimiinta Galbeedka Afrika u diiday fiisaha ay ku aadi lahaayeen xajka iyagoo ka cabsi qaba in dadkaas Sacuudiga geeyaan cudurka halista ah ee Ebola.

Gedo Agoosto 6, 2014 Dagaal u dhaxeeyay ciidamo ka wada tirsan dowladda Federaalka ee Soomaaliya ayaa ku wada dagaalamay degmada B/xaawo ee gobalka Gedo kaa oo geestay qasaare dhimasho iyo dhaawac isugu jirta.

Dagaalkaan ayaa u dhaxeeyay ciidamo ka wada tirsan dowladda Soomaaliya, waxaana halkaasi ku dhintay sida la sheegay Hall qof oo shacab ah.

Mid ka mid ah dadka deegaanka ayaa sheegay in Haweeneey ay haalkaasi ku dhimatay, iyadoona dhaawac intaasi ka badanna uu jiro.

Askari ka mid ah dowladda ayaa dhanka degmada Garbaahaareey waxa uu kala soo goostay qori, taasna ayaana sababtay dagaalkaan, maxaa yeelay waxaa la doonaayay in dib loo soo celiyo.

Muqdisho Agoosto 6, 2014 Kaaliyaha Xoghayaha Arrimaha Dibedda ee Maraykanka ugu qaabilsan Arrimaha Siyaasadda Milliteriga, Tom Kelly ayaa sheegay in Al-Shabaab ay tahay koox baxsad ah.

Kelly ayaa hadalkaasi ku sheegay mar uu Suxufiyiinta kula hadlay Madasha ay Hoggaamiyayaasha Afrikaanka iyo Maraykanka kulanka ku leeyihiin ee magaalladda Washington.

“Alshabaab waxay ku jiraan carar, waxaana u mahadcelinayaa dadaalka Ciiddanka AMISOM iyo kuwa Dowladda Federalka” ayuu yiri Diplomaasigaasi oo si gaar ah ugu mahadceliyey Dowladaha ciiddamadda ku soo biiriyey Hawlgalka AMISOM.

“Dad badan kama war-hayaan in Al-Shabaab ay xaaladda mel xun ka mareysaa, balse taas waa xaqiiq” ayuu yiri, isaga oo intaa ku daray inay iminka kooxdaas isugu soo aruurtayqaraxyo iyo dilal gaadmo ah.

Waxa uu intaasi ku daray inay Hawlgalka AMISOM ugu deeqeen in ka badan 500-million oo Dollar tan iyo markii uu bilowday Dagaalka Alshabaab sannadkii 2007-dii.

Tom Kelly waxa kaloo uu ka hadlay weeraraddii Alshabaab ka geysteen dalalka Kenya iyo Djibouti, wuxuuna falkaasi ku tilmaamay mid muujinayo awood yarridda Alshabaab, waa sida uu hadalka u dhigay.

Waxaana uu xusay inay Dowladda Maraykanka ka taageeri doonaan Kenya iyo Djibouti sidii ay isaga difaaci lahaayeen weeraradda Alshabaab.

Dhinaca kale, Kaaliyaha Xoghayaha Arrimaha Dibedda ee Maraykanka ugu qaabilsan Arrimaha Siyaasadda Milliteriga, Tom Kelly waxa uu qiray inay Ciiddanka Khaaska ee Maraykanka hawlgallo ka fuliyeen dalka Somalia muddo sannooyin ah, si ay u hagaajiyaan Awoodda Ciiddanka Qaranka Somalia kula dagaalamayaan Dagaalyahannadda Xarakadda Alshabaab.

Kampala Isniin Agoosto 5, 2014 Gudoomiye ku xigeenka koobaad ee Golaha Shacabka Jamhuuriyadda Federaalka Soomaaliya Mudane Jeeylaani Nuur Iikar ayaa maanta magaalada Kampala ee caasimadda dalka Uganda siminaar uga furay Gudoomiyeyaasha Guddiyada Joogtada ah ee Baarlamaanka,Ku xigeennadooda iyo Habdhowrayaasha Golaha Shacabka.

Munaasabadda furitaanka siminaarkan sare loogu qaadayo aqoonta Guddiga Joogtada ah ee Baarlamaanka Soomaaliya oo ka dhacday hotelka Grand Imperial Hotel ee magaalada Kampala waxaa goobjoog ka ahaa mas’uuliyiin ka socotay Baarlamaanka Uganda iyo Hay’ada AWEPA oo iyadu siminaarkan fududeysay.

Hadal kooban oo uu ka jeediyey furitaanka Munaasabadda Mudane Jeeylaani Nuur Iikar Gudoomiye ku xigeenka Koobaad ee Baarlamaanka Federaalka Soomaaliya ayuu ugu horeyn tacsi u diray isaga oo ku hadlaya magaciisa,magaca Guddoonka iyo magaca Xildhibaannada Golaha Shacabka XIldhibaan Maxamuud Seey Seey oo uu uga tacsiyadeeyey geerida ku timid Allaha u naxariistee Maxamed Maxamuud Seey Seey oo ka mid ahaa Howlwadeennada Baarlamaanka islamarkaana ku dhaawacmay weerarkii lagu dilay Allaha u naxariistee XIldhibaan Xeyd.

Dhinaca kale Gudoomiye ku xigeenka Koobaad ee Baarlamaanka Federaalka Soomaaliya Mudane Jeeylaani Nuur Iikar ayaa xusay in siminaarkan uu hordhac u yahay SIminaarro ay magaaladan Kampala ku qaadanayaan inta lagu jiro fasaxa Baarlamaanka Xildhibaannada iyo Guddiyada kala duwan ee Baarlamaanka si aqoontooda loo kordhiyo waxaana uu u mahad celiyey hay’adda AWEPA oo siminaarradan fududeyneysa iyo Baarlamaanka dalka Uganda.

Muqdisho Isniin Agoosto 5, 2014 Maanta ayaa Koox Hubeysan oo Tiradooda lagu sheegay 20 Ruux waxaa ay Weerar ku qaadeen xarunta TV-ga Puntland ee Magaalada Garoowe,kuwaas oo ku Amray Shaqaalihii TV-ga  in ay iskaga baxaan Xarunta TV-giina Hawada ka saaray.

Wararka ayaa sheegay in Kooxda la Wareegtay Xarunta TV-ga ay yihiin kuwo ka Careeysan  Shaqaale ka tirsanaa TV-ga oo Shaqadii laga Eryay,waxaana ka mid ah Shaqaalahaasi Wariye Axmed Kismaayo Agaasimihii TV-ga Puntland.

Illo ku dhaw dhaw Wasaarada  Warfaafinta Puntland ayaa Noo sheegay in Raga Hubeeysan ee la Wareegay  xarunta ay ku Beel yihiin Wariye Axmed Kismaayo,kuwaas oo Diidanaa in Shaqada laga Eryo Axmed Kismaayo.

Xariir aan la sameeyna Axmed Kismaayo Agaasimihii hore ee TV-ga Puntland ayaa sheegay in Ciidamada Xarunta Soo Weeraray aysan ka socon Dhankiisa waxna uusan ka ogeen oo ay yihiin kuwo ka Madaxbanaan.

Xaalada ayaa wali Kacasan,waxaana Goobta ku sugan Kooxdii Hubeeysneeyd ee la Wareegay xarunta,mana jirto wax war ah oo Maamulka Puntland ka soo baxay.

Muqdisho Isniin Agoosto 5, 2014 Habeen ka hor Ciidamada Ilaaliya Guriga Ra’iisul Wasaaraha Soomaaliya C/wali Sheikh Axmed waxaa ay Dileen Wiil Dhalinyaro ah oo ka mid ahaa Dadka Degan Xaafada Ex-fiyoore,waxaana ay sheegeen in ay ka Shakiyeen kadibna ay Toogteen.

Wiilka la Dilay ayaa waxaa lagu magacaabijiray Mustaf Xasan Caato,Warkii Xafiiskeeda Magaalada Muqdisho ayaa waxaa la soo xariiray Axmed Xasan Caado oo ah Walaalka Mustaf,

Axmed Xasan Caato ayaa sheegay in Ciidamada Ilaaliya Ra’iisul Wasaaraha Soomaaliya ay si barer ah u Toogteen Mustaf Xasan oo aysan jirin Wax Shaki ah oo loo dilay.

“Gurigiisa ayuu Joogay Mustaf,Askari ilaaliya C/wali Sheikh ayaa u yeeray markii uu uyimidna Rasaas ayuu la dhacay”sidaa waxaa yiri Axmed Xasan.

Ehelada Mustaf ayaa Codsaday in Cadaalada la marsiiyo Askarigii Dilay Wiilkooda oo loo soo qabto si loo Toogto.

Kismaayo Isniin Agoosto 5, 2014 waxay sheegayaan in duleedka magaaladaasi deegaano ku yaalo uu dib uga qarxay dagaal aad u xoogan.

Dagaalkaan ayaa u dhaxeeya Ciidamada Jubaland iyo kuwa Al-shabaab, waxaana wararka ay sheegayaan in dagaalkaan uu bilawday ka dib duulaan ay qaadeen ciidanka Jubaland.

Korneel Ismaaciil Qeyre Dhuxuloow oo ka mid ah saraakiisha ciidamada Jubaland ayaa u sheegay Shabakada Warkii in dagaalka uu yahay mid xoogan, islamarkaana ay ku damcinaayaan inay deegaano ku qabsadaan.

Dhanka Al-shabaab wax war ah lagama haayo, waxaana dhinaca kale aan la ogeyn qasaaraha rasmiga ah ee ka dhashay dagaalkaan xoogiisa hadda socdo.

Muqdisho Isniin Agoosto 4, 2014 Madaxweynaha Soomaaliya Xasan Sheikh Maxamuud oo ku sugan Dalka Mareeykanka ayaa sheegay in Dowladda Soomaaliya ay gabi ahaanba joojiysay Duulimaadyadii oga imaanayey Galbeedka Afrika oo uu ka jiro Cudurka Ebola.

Xasan Sheik Maxamuud ayaa sheegay in Dowladda Soomaaliya ay Arrintaas oga goleedahay faafida  Cudurka Halistaa ee Ebola in Dalka Soomaaliya uu san ku soo Fidin.

Madaxweynaha Soomaaliya ayaa intaa ku daray in Dowladda Soomaaliya ay dib u celisay Ciidamo ka tirsan Dowladda Sierra lion oo qeyb ka ah Howlagalka AMISOM,kuwaas oo looga shakiyey in ay Qabaan Feeriska Ebola.

“Dowladda Soomaaliya si wanaagsan ayey u lahadashay Dowladda Sierra lion,waxaan ka wada hadalnay in Ciidamadeeda  la hakiyo tan iyo inta laga Ciribtirayo Cudrka Ebola ee Dalkeeda ka jira,weyna naga Aqbaleen”ayuu yiri Xasann Sh.

Dalal badan oo ka mid ah Galbeedka Afrika ayaa waxaa ka jira Cudurka Ebola,waxaana Shirka ka soconaya Dalka Mareykanka ee u dhaxeeya  Madaxweyneyaasha Afrika iyo Mareykanka lagu wadaa in lagu soo hadal qaado qatarta Curuka Ebola.

Photos of the U.S. Africa Summit on August 4, 2014 in Washington DC.

Somalia Online's photo.
Somalia Online's photo.
Like



Washington DC Isniin Agoosto 2014 Sawiradda Shirkii Dowladda Maraykan ku qabatay Madaxda Waddamadda Afrika

Minneapolis Isniin Agoosto 2014 Jaalliyadda Djibouti ee reer Minnesota oo caddaysay inay ku bannaan bixi doonta Madaxweynaha Dalka Jabuuti Mudane Ismaaciil Cumar Geele https://www.youtube.com/watch?feature=player_embedded&v=9An-k5ihHP8

Muqdisho Isniin Agoosto 4, 2014 Shirkan gaarka ah ee ay  Golaha Wasiirada  Xukuumadda Federaalka Soomaaliya ay ku yeesheen magaalada Muqdisho maanta waxaa shir guddoominayey Ra’iisul wasaaraha Xukuumadda Soomaaliya, Mudane Cabdiweli Sheekh Axmed Maxamed, waxaana looga hadlay Hindisaha Xakameynta Hubka sharci darrada ah, Tayeenta Waxbarashada dalka iyo qodobo kale.

Shirka Golaha Wasiirrada oo aroortii horre ee saakay bilowdey ayaa soo dhammaadey xili dambe, go’aannadii ka soo baxay shirka golaha Wasiirada, ayaa waxaa Warbaahinta u faah-faahiyey Afhayeenka Xukuumadda Soomaaliya Ridwaan Xaaji Cabdiweli, waxaana uu sheegay in golaha Wasiirada ay ammaan iyo boggaadin u jeediyeen dhammaan Ciidammada Qalabka Sida oo  maalmihii la soo dhaafay qaadey tallaabooyin lagu dhabar jabiyey kooxaha nabad diidka, isagoo xusay in hay’adaha ammaanka la faray in ay sii xoojiyaan dadaalladaasi.

Sidoo kale golaha wasiirada Soomaaliya ayaa maanta si weyn uga doodey Hindise-sharciyeedka Xakeynta Hubka, kaa oo ay Wasaaradda Amniga Qaranka soo gudbisay, marka la eeggo muhiimadda Sharcigaasi, ayeey golaha Wasiiradu siiyeen waqti dheeraad ah oo ay uga doodaan, sida uu sheegay Afhayeenka Xukuumadda Soomaaliya.

Goluhu waxa uu warbixinno ka dhageystay guddiga loo xilsaaray Xaaladaha beni’aadannimo ee Soomaaliya ka jira waqtigani, iyadoo Xukuumaddu mar kale ay sheegtay in dalka ay ka taagan tahay xaalad dhanka Abaaraha, golaha wasiirada ayaa Howlgalka AMISOM ugu baaqay in ay ka jawaabaan baaqa Xukuumadda ee ku aaddan in ay fududeeyaan sidii gargaarka loo gaarsiin lahaa deegaannada ay  haraadiga ku yihiin nabad diidka.

Afhayeenka Xukuumadda Ridwaan Xaaji Cabdiweli ayaa xusay in dadaal ku aaddan sidii Daryeel Caafmaad oo dibedda ah loogu qaadi lahaa Ilmo yar oo Soomaaliyeed oo  iyaga oo isku dheggan ku dhashay ay qorsheynayaan, islamarkaana ay socdaan dadaal arrintaasi ku saabsan, kaddib markii uu tilmaamay in mas’uuliyiinta Wasaaradaha Warfaafinta iyo tan Haweenka ay arrintaasi dadaal badan ka geysteen.

Shirkan gaarka ahaa ee golaha wasiirada maanta isugu yimaadeen ayaa si gaar ah ahmiyad loo siiyey wax ka qabashada ammaanka oo natiijooyin fiican laga gaaray iyo sidoo kale arrimo ay ka mid yihiin ka hortagga abaaraha iyo u gar gaaridda Bulshada Soomaaliyeed ee dhibaateysan.

Muqdisho Isniin Agoosto 4, 2014  Guddiga arrimaha gudaha iyo amniga Qaranka ee Baarlamaanka Soomaaliya ayaa maanta kulan la qaatay Wasiirka Amniga Qaranka Mudane Khaliif Axmed Ereg, kaasi oo looga hadlayay arrimaha ammaanka iyo sida wax looga qaban karo beegsiga Xildhibaannada iyo dadka wax galka u ah bulshada.

Kulanka oo u jeedkiisu ugu weyn ahaa sidii ay u kala warqaadan lahaayeen Wasiirka Amniga iyo Guddiga amniga ee Baarlamaanka oo ku saabsan xaaladihii ugu dambeeyay ee xaga amniga, gaar ahaan howlgalladii ugu dambeeyay ee ay ciidamada ka sameeyeen  qaar ka mid ah degmooyinka Gobolka Benaadir, kuwaasi oo lagu soo qab qabtay hub iyo rag ka tirsan kooxaha Nabad-diidka.

Kulanka ayaa markii uu soo idlaaday kaddib waxaa Warbaahinta la hadlay Guddoomiye ku-xigeenka arrimaha gudaha iyo amniga ee Baarlamaanka Xildhibaan Daahir Amiin Jeesoow ayaa sheegay in kulanka looga hadlay howlgallada, adkeynta amniga iyo dabagalka maleeshiyaadka ka tirsan Al-Shabaab ee ku dhex dhuumaaleysanaya shacabka, si loo soo qabto.

Xildhibaabka oo hadalkiisa sii wata ayaa xusay in kulanka diiradda lagu saaray tayeynta cidamada marka ay sameynayaan howlgallada, ayna kala gartaan shacabka iyo kuwa cadowga ku ah, taasi oo wanaajin karta xiriirka shacabka iyo hay’adaha amniga.

Hay’adaha amniga ayaa waxa ay wadaan howlgallo isbada joog ah oo ay ku baadi goobayaan maleeshiyada Al-Shabaab, iyadoo ay jiraan tiro maleeshiyaad ah oo ay ciidamada gacanta ku dhigeen, kuwaasi oo ay xukunno dil ah ku riday Maxkamadda Ciidamada qalabka sida, halka howlgalladaaasi sidoo kale lagu soo qab qabtay hub, Rasaas iyo Raggii hubkaasi haystay.

Muqdisho Isniin Agoosto 4, 2014 Guddoomiyaha gobolka Banaadir ahna Duqa magaalada Muqdisho, Mudane Xasan Maxamed Xuseen oo ay wehliyaan mas’uuliyiin ka tirsan maamulka gobolka iyo qaar ka mid ah guddoomiyeyayaasha degmooyinka ayaa maanta kormeer ay ugu kuurgaleen xaaladda caafimaad Haweenkii nadaafada ka shaqeynayay ee shalay ku dhaawacmay qarax Miino ku tegeen Cisbitaalka Madiina, halkaasi oo lagu dabiibayo haweenkaasi.

Guddoomiyaha iyo mas’iiliyiintii kale ee la socoday ayaa waxa ay mid mid u booqdeen Qolalka lagu dabiibayo bukaanada, isagoo mid mid u wareeystay xaalada ay ku suganyihiin.

Agaasimaha Cisbitaalka Madiina Dr Maxamad Yuusuf ayaa ka warbixiyay xaalada bukaanada dhaawacyadii shalay, kuwaasi oo gaaraya ilaa iyo 7-haween ah, halka ay Cisbitaalka ku geeriyoodeen saddex ka mid ah haweenkaasi.

Mudane Xasan Maxamed Xuseen “Muungaab” guddoomiyaha gobolka ahna Duqa Muqdisho ayaa sheegay in aad uga xunyihiin falkii haweenka lagu beegsaday, waxaana uu intaa ku daray in kan maamul ahaan ay gacan ka geysan soonaan sidii haweenka ku dhaawacmay dib u soo celinta bilicda ay adeegyo caafimaad u heli lahaayeen.

Muungaab ayaa xusay in falalka ay maleeshiyada Al-Shabaab ku beegsanayaan haweenka ka shaqeeya nadaafada aysan saameyn ku yeelan doonin dib u soo celinta bilicdii ay lahayd caasimadda, isagoo ugu baaqay shacabka inay ka hortagaan dhibaatooyinka kooxaha nabad diidka ah ee ay ku hayaan bulshada Soomaaliyeed.

Shalay ayay ahayd markii maleeshiyaadka kooxda Al-Shabaab ay qarax la beegsadeen haween ka shaqeeynayay nadaafada iyo bilic soo celinta caasimadda oo ku sugnaa Carwadii hore Qaranka ee Degmada Hodan, waxaana ay taasi qeyb ka tahay falalka guracan ee ay dhagar qabeyaashu ku gumadaan shacabka Soomaaliyeed.

 : Washington DC Axad Agoosto 3, 2014 Madaxweynaha Soomaaliya Mudane Xassan Shiikh Maxamuud Iyo Wafdi uu hoggaamniyo ayaa soo gaaray Washington DC si ay uga qaybgalaan shirka Madaxweynahayaasha Afrika ee ay Dowladda Maraykja u qabanayso Madaxda dalalka Afrika

Muqdisho,Sabti Agoost 02, 2014 - Agoosto-Madaxweynaha Jamhuriyadda Federaalka ee Soomaaliya, Mudane Xasan Sheekh Maxamuud, ayaa sheegay in ay Dowladdiisu mudnaan weyn siineyso dhallinyarada oo uu ku tilmaamay in ay yihiin cudud aan looga maarmin nabadeynta, dib u dhiska iyo horumarinta dalka.

Madaxweynuhu wuxuu sheegay in fursadaha dhallinyaradu ay yihiin kuwo aan xad lahayn, wuxuuna aad ugu dhiirri geliyay in ay is abaabusho oo ay ku midowdo hal hoggaan oo xaqiijiya xuquuqdooda, islamarkaana ku haga gudashada waajibaadka ka saaran dalka.

Madaxweynuhu wuxuu sheegay in ay dowladdu dooneyso in ay dhallinyarada kala shaqeyso dhinacyada siyaasadda, sugidda amniga, horumarinta adeegyada waxbarashada iyo caafimaad iyo kobcinta dhaqaalaha.
Madaxweynaha oo maanta Xarunta Madaxtooyada kulan quraac ah kula qaatay dhallinyaro ay ka mid yihiin kuwa shaqeeya, qaar waxbarta, Madax ururro dhallinyaro iyo qaar ka soo laabtay dalka dibaddiisu,
waxaa uu marka hore dhegeystay erayo isugu jiray codsi, su’aalo iyo talooyin ay soo jeediyeen dhallinyaradu.

Madaxweyne Xasan Sheekh Maxamuud ayaa waxa uu ka jawaabay su’aalaha isaga oo isla markaana sheegay in talooyinka iyo codsigaba la tix gelin doono. Wuxuuna ballan qaaday Madaxweynuhu in kulammada noocan ahi ay hadda ka dib sii socon doonaan.

Wasiirka Isboortiga  Dr. Khalid Maxamed Cali, oo isna kulankaas khudbad ka jeediyay waxaa uu soo bandhigay waxqabadka Wasaaradda iyo in ay diyaarisay xarun ay dhallinyaradu ku shiri karaan ra’yigoodana ay ku kala qaadan karaan.

Oslo, 03 August 2014 –  Gudoomiyaha Golaha Shacabka Jamhuuriyadda Federaalka Soomaaliya Mudane Maxamed Sheekh Cusmaan Jawaari ayaa ka tacsiyadeeyey geerida Allaha u naxariistee Gudoomiyaha Guddiga Maalliyadda ,Miisaaniyadda iyo la xisaabtanka Hay’adaha Dowladda Xildhibaan Sheekh Aadan Madeer oo kooxo dhagarqabeyaal ah ay dil ugu geysteen magaalada Muqdisho.

Gudoomiyaha Baarlamaanka ayaa yiri “INAA LILAAHI WA INAA ILEEYHI RAAJICUUN, hor iyo horaan anigoo ku hadlaya magaceyga,magaca Guddoonka Baarlamaanka iyo magaca Xildhibaannada Golaha Shacabka Federaalka Soomaaliya waxaan tacsi tiiraanyo leh u dirayaa Allaha u naxariistee walaalkeen Xildhibaan Sheekh Aadan Madeer,si gaar ah waxaan ugu tacsiyadeeynayaa carruurtiisa,qoyskiisa iyo guud ahaanba umadda Soomaaliyeed”

“Sheekh Aadan Madeer waxaa la dilay xili uu soo gutay waajibkii uu Alle saaray, isaga oo kasoo baxay salaadii Jimcaha masjid uu kusoo tukaday,waxaa dishay gacan ka xaq daran,kuwii dilay ayagaa dhib qaba aduun iyo aakhiraba,cawaaqibka ka dhalan kara inaad disho qof muslim ah oo Alle cibaadadiisa u taagan waan wada ognahay,Alle ayaa mudankooda marsiin doona insha Allah, Hay’adaha ammaankana waxaa waajib ku ah iney cadaalladda hor keenaan kooxihii ka dambeeyey falkaasi foosha xun”ayuu hadalkiisa raaciyey Gudoomiyaha Baarlamaanka Federaalka Soomaaliya.

Ugu dambeyntii Gudoomiyaha Golaha Shacabka Jamhuuriyadda Federaalka Soomaaliya Mudane Maxamed Sheekh Cusmaan Jawaari ayaa Alle uga baryey marxuum Sheekh Aadan Madeer inuu naxariistiisa jano siiyo,carruurtiisa,qoyskiisa,ehellada iyo guud ahaanba Umadda Soomaaliyeed uu samir iyo iimaan ka siiyo.

INAA LILAAHI WA INAA ILEEYHI RAAJICUUN

—DHAMAAD—

Xafiiska Warfaafinta iyo Xiriirka Dadweynaha Ee Gudoonka Baarlamaanka

Media & Public Relation Office Of Speaker
Media@parliament.somaligov.so/ Webmaster@parliament.somaligov.net

Moqdisho Agoosto 2, 2014 Madaxda ugu sareysa ee dalka ayaa maanta salaadda janaasada ah Marxuum  Sheekh Aadan Sheekh Madeer kula tukaday Masjidka Isbaheysiga Islaamka, halkaasi oo la geeyay meydkiIsa ka hor inta aan lagu aasin Cisbitaalka Madiina.

Aaska Allaha u naxariistee Marxuum Sheekh Aadan Sheekh Maddeer oo maanta ka dhacay gudaha Cisbitaalka Madiina ee magaaladda Muqdisho ayaa waxaa sidoo kale  ka qeyb galay Wasiiro, Xildhibaanno iyo sidoo kale ehelladda Marxuumka.

Aaska Marxuumka kaddib ayaa waxaa geeridiisa ka tacsiyadeeyay Wasiiro ka tirsan Xukuumadda federaalka Soomaaliya oo horey ay iskula soo shaqeeyeen iyo sidoo kale dad kale oo iyaguna horey xilal kala duwan usoo qabtay, kuwaasi oo Marxuumka ku tilmaamay in uu ahaa shaqsi wanaaga jecel, Alle ka cabi badan iyo in bulshada Soomaaliyeed si daacadnimo ah loogu shaqeeyo.

Qaar ka mid ah mudanayaasha Baarlamaanka Soomaaliya ayaa waxa ay tacsi u direen Ehelada, Qaraabada iyo guud ahaanb Ummadda Soomaaliyeed falkii shalay lagu diay Allaha u naxariistee Marxuum Sheekh Aadan Sheekh Madeer oo maanta lagu aasay Muqdisho.

Marxuumka waxa ay kooxo hubeysan ku dileen Degmada Xamar weyne xilli uu ka soo baxay salaaddii Jimcaha oo uu ku soo tukaday Masjidka Marwaas.

Halkaan ka daawo Warbixinta oo Muuqaal ah

http://youtu.be/qjQXhfVZnxo

Mogadishu, 03 August 2014 – Wasiirka Warfaafinta Mudane Mustafa Sheikh Ali Dhuhulow oo maanta Muqdisho kula hadlayey warbaahinta ayaa siiyey warbixinta horumarka Dowladda ee usbuucii la soo dhaafay. Wasiirka ayaa ka hadlay arrimo ay ka mid yihiin, Munaasabadda Ciidul Fitriga, Guddiga Sare ee Jaamicadda Ummadda oo la howlgeliyey, Heshiiskii maamulada Gobolada Dhexe, Madaxweynaha oo booqday Garbaharey, Xasilinta Muqdisho oo si fiican u socota, Maxkamadda ciidanka oo dil toogasho ku xukumay xubno ka tirsan Al-Shabaab, iyo Dowladda oo dhiirigelin u sameysey Carruur indhoolayaal ah.

Wasiirka Warfaafinta ayaa ku bilaabay munaasabadda Ciidul Fitriga ayaa yiri “28kii July oo aheyd maalintii koowaad ee Ciidul Fitriga ayaa si heer sare ah loogu dabaaldegey dalka gudihiisa iyo dibediisaba. Ciidan ayaa aad ug duwaneyd ciidihii hore oo gobollada intooda badan iyo caasimaddaba si nabad ah loogu ciiday, isla markaana shacabku ay si weyn ugu dabaaldegeen. Madaxda Qaranka ayaa shacabka kula dukaday ciida masaajidka Isbaheysiga halka shacabkana ay suuqyada, magaalooyinka iyo xeebaha Soomaaliyeedba si heer sare ah loogu damaashaaday. Ciidan ayaa shacabka xasuusisay ahmiyadda nabada iyo dowladnimada taasoo xoojineysa dadaalada dowladda ee ku wajahan nabadeynta dalka iyo hirgelinta dib u heshiisiin waarta oo shacabka la dhexdhigo.”

Wasiirka Warfaafinta oo ka hadlayey Guddiga Sare ee Jaamicaddda Ummadda ayaa yiri “27kii July ayaa Madaxda sare ee dalka ay ka qeyb galeen munaasabad lagu hirgelinayay Guddiga sare ee Jaamacadda Ummadda Soomaaliyeed, Madaxda Jaamacadda, Qeybaha bulshada, wasiiro iyo mas’uuliyiiin kale ayaa ka qeybgalay xafladan. Guddoomiyaha Jaamacada Ummadd Soomaaliyeed Dr Maxamad Axmad Jimcaale ayaa goobta ku soo bandhigay Muuqaalo ka turjumaya sidii ay ahaan jirtay Jaamacadda bur burkii dalka ka hor. Wasiirka Hidaha iyo Tacliinta Sare Mudane Ducaale Aadan Maxamad ayaa sheegay inuu aad ugu farxsany dib u howl gelinta guddiga sare ee Jaamacadda, isagoo xusay in tani ay bulshada Soomaaliyeed u horseedi doonto inay helaan tacliin sare, haddii dib loo howlgeliyo Jaamacadda Ummadda Soomaaliyeed.  Ra’iisul wasaaraha Xukuumadda iyo Madaxweynaha Jamhuuriyada Federaalka ah ee Soomaaliya ayaa talaabo aad loogu farxo ku tilmaamay dib u howlgelinta guddiga sare ee Jaamacadda Ummadda Soomaaliyeed, iyagoo uga mahadceliyay Madaxda Jaamacadda iyo sida ay uga go’antahay in bulshada ay ugu adeegaan.”

Wasiirka oo Warfaafinta oo ka hadlayey Heshiikii maamulada Gobolada Dhexe ayaa yiri “Dadaal wadahadal oo ay dowladdu waday muddo bil ah ayaa lagu guuleystay 30kii July in maamulada gobolada dhexe ay isku afgartaan inay wada sameystaan Maamul Goboleed ka kooban Galgadud iyo Mudug kaas oo waafaqsan dastuurka kuna yimid rabitaanka shacabka iyadoo ay dowladda Federaalku ay hoggaamineyso. Heshiiskan ayaa wada saxiixay Maamulada Gal-Mudug iyo Ahlu Sunna Waljameeca iyadoo ay goob joog ka ahaayeen Madaxda Qaranka, xubnaha Golaha Wasiirada, Diblomaasiyiinta caalamka oo ay ka mid ahaayeen Ergeyga Gaarka ah ee QM, Safiirka Midowga Yurub, Safiirka IGAD, Ku xigeenka Ergeyga Gaarka ah ee Midowga Afrika, iyo mas’uuliyiin kale. Waxaa la isla gartay in 10 cisho gudahood la soo magacaabo guddi farsamo oo ka howlgala sidii loo dhisi lahaa maamul goboleedka Gobolada dhexe, kaas oo ka kooban dhammaan qeybaha bulshada ee deegaanka. Sidoo kale dowladdu waxey u xilsaartay guddi heer wasiiro ah oo guddigaas farsamo kala shaqeeya sidii maamulkaas loo hirgelin lahaa. Tan ayaa ah horumar ballaaran oo laga gaaray dhanka dhaqangelinta Federaalka ee Somalia.”

Wasiirka Warfaafinta oo ka hadlayey booqashadii Madaxweynaha ee Garbaharey ayaa yiri “ Madxweynaha Somalia Mudane Xasan Sheekh Maxamud iyo wafdi uu hoggaaminayo ayaa 31kii July booqday degmada Garbaharey oo uu maamulka degmada iyo qeybaha kala duwan ee bulshada kulamo la qaatay. Madaxweynaha ayaa booqashadiisa ay la xiriirtay sii xoojinta is gaarista bulshada iyo dowladda iyo u kuurgalid xaalada guud ee degmada Garbaharey. Madaxweynaha ayaa uga mahadceliyey maamulka iyo shacabka deegaanka sida ay ammaanka uga wada shaqeeyeen, isla markaasna baaq u diray caalamka iyo shacabka Soomaaliyeed ee ku wajahan sidii dadka deegaanka loola soo gaari lahaa gargaar bani’aadanimo bacdamaa ay calaamadihii abaaraha ba’an ay muuqdaan. Siyaasadda dowladda ayaa ah in la xoojiyo xiriirika maamulada gobollada iyo kan Dowladda Federaalka si loo dar-dargeliyo barnaamijyada dib u eegista dastuurka, dhaqangelinta federaalka iyo hirgelinta nidaamka dimoqraadiyadda si doorashooyin looga hirgaliyo dalka sanadka 2016 ka.”

Wasiirka Warfaafinta oo ka hadlayey guulaha laga gaaray Xasilinta Muqdisho ayaa yiri “ Hay’adaha Amniga ayaa ku guuleystay inay howlgallo ka sameeyaan Muqdisho oo lagu sugayo amniga kuwaas oo lagu guuleystay oo looga hortagay falal ay kooxaha nabad-diidka ah ay damacsanaayeen iny qaraxyo argagax ah ka sameeyaan caasimada. 27kii July ayaa baqaar uu lahaa Cismaan Caato laga soo saaray hubab fara badan oo noocyo badan isagu jiraan kuwaas oo ay ka mid ahaayeen 3 qoryaha diirada leh ee casriga ah, 5 cartoon miinooyin ah, 18 kartoon bambada gacanta, 15 kartoon oo rasaas ah iyo hubab kale. Dowladda ayaa gacanta ku heysa hubkaas isla markaana baareysa cidii ka danbeysey. 29kii July ayaa sidoo kale gaari miino lagu soo xiray laga hortagay agagaarka xeebta Liido oo shaqsigii soo sheegayna la abaalmariyey tanoo ka badbaadisay shacabka u damaashaad tago Liido in waxyeelo loo geysto. Sidoo kale 30kii July waxaa Suuqa Bakaaraha lagu dilay labo ka mid ah kooxaha Al-Shabaab oo halkaas falal dil ah ka waday oo laga hortagey.”

Wasiirka Warfaafinta oo ka hadlayey Maxkamadda Ciidanka oo dil  toogasho ku xukuntay qaar ka mid ah Al-Shabaab ayaa yiri “Maxkamadda Ciidamada ayaa 30kii July dhageysatay dacwo ciqaabeed loo haystay saddex eedeysane oo ka tirsanaa Al-Shabaab kuna riday xukunno isugu jira dil iyo xabsi daa’in.Xasan Maxamed Xasan oo Al-Shabaab u fududeeyay weerarkii Madaxtooyada lagu qaaday ayaa lagu xukumay dil toogasho ah. Aadan Maxamed Xasan ayaa isna qirtay inuu dilay 19qof isla markaana lug ku lahaa dilalka 13 qofood, kana tirsanaa Al-Shabaab oo uu ay ka mid ahaayeen dilalkii loo geystey Maxamed-deeq Cabdi Aadan oo ahaa xisaabiye dowladda u shaqeeya, Xildhibaan Cabicasiis, Xaawo Aadan iyo Xafso Cabdi Nur  Aadan Maxamed Xasan ayaa isna lagu xukumay dil toogasho ah. Bashiir Maxamed Xasan ayaa isagana lagu xakumay xabsi daa’in ah.”

Wasiirka Warfaafinta ayaa ugu danbeyntii ka hadlay dhiirigelinta ay dowladdu u sameyneyso caruurta indhoolayaasha ah ayaa yiri “Marwada Ra’iisul Wasaaraha Fartun Axmed Diriye ayaa deeq raashin ah gaarisiisay ardeydan indoolayaasha ah, una ballanqaaday taageero joogta ah. Waxaana 31kii July ku casuumay xarunta Wasaarada iyo TV-ga Qaranka caruurtaas indhoolayaasha ah, halkaas oo ay shacabka Soomaaliyeed kula hadleen TV-ga Qaranka. Ardeydan indhoolayaasha ah ayaa soo bandhigay hamigooda iyo sida ay rajo wanaagsan uga qabaan mustaqbalkooda. Ardeydan oo ka kala timid gobollada dalka ayaa iskuulka Al-Basiir ee Muqdisho wax ku barta. Qaar ka mid ah ardeydan ayaa sheegay sida ay rajo wanaagsan uga qabaan inay xilal qaran dalka ka qabtaan mustaqbalka. Ardeydan ayaa shacabka Soomaaliyeed ka codsaday inay taageeraan indhoolayaasha Soomaaliyeed si ay u helaan waxbarasho iyo shaqo. Maalintii Ciida ayaa caruurtan la soo ciiday, isla markaana u soo ballanqaaday inaan keeno xarunta Idaacada iyo TV-ga Qaranka si ay ula hadlaan shacabka Soomaaliyeed. Waxaana u ballanqaaday inaan dalabkooda gaarsiin doono dowladda si indhoolayaasha loo caawiyo isla markaana aan baaq u jeediyey shacabka Soomaaliyeed, gaar ahaan ganacsatada iyo Qurbojoogta Soomaaliyeed si carruurta indhoolayaasha ah ay u helaan fursada la mid ah carruurta kale.”

- DHAMAAD – Wasaaradda Warfaafinta & Hannuunita Dadweynaha

Halkaan ka Daawo Warbixintan oo muuqaal ah

http://youtu.be/San9J8BjQAI



#Breakin

#BreakingNewal: Mogadishu on August 1, 2014 Xildhibaan Aadan Maxamed Madeer ayaa waxaa lagu dilay degmada Hamarweyne, Mogadishu.

Ilaahay ha u naxariisto xildhibaanka, qoyskiisa Iyo Ummadda Soomaaliyeedna samir iyo iimaan Allaha ka siiyo.

Puntland State's photo.
Puntland State's photo.
Puntland State's photo.


July 2014

 





Photo: #Somalia: Spain 07/14/2014 Somali Minister of Foreign H.E. Dr. Duale Met Spanish Foreign Minister, and they discuss more bilateral issues, and how two countries can work together for better world diplomacy.




Madrid, July 14, 2014- Wasiirka Arrimaha Dibadda iyo Dhiirigelinta Maalgashiga Mudane Cabdiraxmaan Ducaale Beyle ayaa maanta kula kulmay Magaalada Madrid ee caasimadda dalka Spain dhiggiisa Arrimaha Dibadda José Manuel García-Margallo oo ay ka wada hadleen xoojinta xiriirka iyo iskaashiga labada dal .

Kulanka labada Wasiir oo looga hadlay arrimo muhiim u ah danaha wadaagga ah ee labada dal , ayaa waxaa ka mid ahaa taageeridda hey’adaha kala duwan ee dowladda Federaalka Soomaaliya , iskaashi dhinacyo badan oo labada dowladood ay sameeyaan  iyo la dagaalanka argagaxisada.

Mudada uu kulanka socday , labada Wasiir Arrima Dibadeed , waxa ay is dhaafsadeen aragtiyadooda ku aadan xaaladaha iyo isbadalada Soomaaliya , gobolka iyo caalamka .

Dhinaca kale , Wasiirka Arrimaha Dibadda iyo Dhiirigelinta Maalgashiga waxa uu kulan gaar ah la yeeshay  Mr. Alberto Virella oo ah  Agaasimaha Africa, Asia iyo Yurubta galbeed ee Wakaaladda Horumarinta iyo Iskaashiga Caalamiga ee dowladda Spain (AECID) oo ay ka wada hadleen fulinta mashaariic horumarin, la dagaalanka saboolnimada iyo dejinta siyaasad cusub oo diiradda lagu saarayo horumarinta iyo wax wadaagga labada dal .

Mudane Cabdiraxmaan Ducaale Beyle waxa uu sidoo kale kaga qeybgalay Magaalada Madrid kulan dood wadaag  ah oo su’aalo lagu weydiiayay , kaasoo ay qaban-qaabisay Xarunta Cilmi baarista Spain ee Think Tank .

Wasaaradda Arrimaha Dibadda iyo Dhiirigelinta Maalgashiga ayaa xoojisay siyaasadeeda dibadda, iyadoo sidoo kale balaarisay xiriirka kala duwan ee kala dhaxeeya dowladaha , Urur goboleedyada iyo kuwa caalamiga , si indhaha caalamka ay u arkaan hanaanka qurxoon ee isbadalada ammaan iyo hiigsiga barwaaqo ee shacabka Soomaaliyeed ay naawilayaan , taasoo kordhisay in dowladaha iyo ururada caalamiga ay dib uga furtaan Safaarado iyo Xafiisyo Caasimadda dalka ee Muqdisho.












Photo: Moqdisho July 14, 2014 Wasiirka Arrimaha Gudaha iyo Federaalka ee Xukuumadda Soomaaliya C/laahi Goodax Barre ayaa maanta Muqdisho kulan kula qaatay hey’adda gargaarka Caalamiga u qaabilsan dowladda Turkiga ee TIKA, waxaana kulankaasi looga hadlay sidii loo sii dardargelin lahaa mashaariicda ay hey’addaasi ka fuliso Soomaaliya.

Wasiir Goodax ayaa Shahaado sharaf guddoon siiyey hey’adda Laanqeyrta Cas ee dalka Turkiga oo adeegyo kala duwan oo isugu jira Caafmaad iyo horumarin ka fulisay gudaha dalka kaddib kulan uu Muqdisho kula yeeshay mas’uuliyiinta sarre hey’addaasi, iyadoo kulankaasi looga hadlay sida ay ku xoojin lahaayeen howlaha gurmad ee ay ka wadaan dalka, ugana dadaalka iyo horumarka ay hey’adda Laanqeyrta Cas ee dalka walaalaha Turkiga ka wadaan Soomaaliya, gaar caasimadda Muqdisho.
Kulanka ayaa Wasiirka Arrimaha Gudaha iyo Federaalka Soomaailiya, Cabdullaahi Goodax Barre oo la hadlay warbaahinta, waxa uu u sheegay in u jeedada shahaaddo guddoonsiinta hey’adda Bisha Cas ee Turkiga ay tahay in dowladda iyo shacabka Soomaaliyeed ay aqoonsan yihiin waxqabadka ballaaran ee ay hey’addaasi ka waddo dalkeenna Soomaaliya.

Hey’adda Laanqeyrta Cas ee waddan Turkiga ayaa ka mid ah hey’adaha badan ee ka socda dalkaasi, kuna sugan dalkeenna Soomaaliya si ay u caawiyaan dadka Soomaaliyeed, iyadoo hey’adaha dowladda Turkiga ee Soomaaliya ku suganna ay yihiin hey’ado fulinaya gurmadka dowladdaasi ay Soomaaliya u fidisay tan iyo 19 August markii uu Soomaaliya yimid Ra’iisul wasaaraha dalka Turkiga Recep Tayyip Erdoğan.

Lascaanood July 14, 2014 Ka dib dagaal u dhaxeeyay ciidamada Somaliland iyo kuwa Khaatumo State ayaa hadana waxay wararka sheegayaan in arin aysan filaneen ay la kulmeen ciidamada Somaliland.

Meel duleedka ka ah Laascaanood oo ay ku sugnaayeen ciidamada Somaliland ayaa la sheegayaa in duulaan xoogan ay kusoo qaadeen ciidamada maamulka Khaatumo State, waxaana halkaasi ka dhashay qasaare.

Inta la xaqiijiyay waxaa halkaasi ku dhintay 5 ka mid ah ciidamada Somaliland, iyadoona dhaawac badan uu jiro, waxaana la gubay gaadiid ay wateen ciidamada Somaliland.

Muqdisho July 14, 2014 Dabley ku hubeysan Bastoolado ayaa askar iyo dad rayid ahh waxay xalay ku siyaabo kala duwan ugu qaarajiyeen magaalo madaxda dalka Soomaaliay ee Muqdisho.

Falalkan dilk ah ayaa midka hore wuxuu ka dhacday deegaanka Seybiyaano ee degmada Hodan ee Caasimadda Muqdisho iyagoo Dableyda hubeysan ay u geysteen askari ka tirsanaa Ciidanka Dowladda Federaalka Soomaaliya oo goobtaas ku sugnaa, dilka kadib waxaa goobta soo gaaray ciidamada Dowladda inakstoo aysan ku guuleysan in gacanta lagu soo dhigo kuwii dilka fuliyay.

Sidoo kale, dilka labaad ayaa wuxuu isna ka dhacay xaafadda Juungal ee degmada Yaaqshiiid, waxaana lagu dilay mid ka mid ah dhallinyarada xaafaddaasi ku nool.

Geesta kale kale ilaa iyo iminka wax war ah o oaks oo baxay majiraan maamulada degmooyinka dilka ka dhacay oo kua aaddan dilalka ka dhacay halkaasi, iyadoona Dableydii dilk geysatay goobta isaga cararay oo aysan jirin cid qabatay.

Ceel-Jaalle July 14, 2014 War Deg deg ah Halkan Riix Ugu yaraan 4 qof oo shacab ah, ayaa maanta lagu dilay deegaanka Ceel-jaale ee duleedka Magaalada Marka ee Xarunta Gobolka Shabeellaha Hoose.

Maleeshiyo beeleedyo hubeysan, ayaa gaari ay la socdeen dadkaan waxay ku joojisay deegaanka Ceel-jaale, halkaa oo ay kala degtay afarta ruux, kuna dishay.

Dadkaan waxaa lagu dilay meel ku dhow Xarunta Ciidanka Amisom ku lee yihiin deegaanka Ceel-jaale, mana jirto wax jawaab ah oo ay ka bixisay Amisom.

Dadka la dilay, ayaa dhowr saacadood waxay meydadkoodu yaalleen deegaanka Ceel-jeele, iyadoo tallaabada lagu dilay lagu macneeyay mid uun salka ku heyso, dhiilada colaadeed ee ka jirta Gobolka Shabeellaha Hoose.

Shabeellaha Hoose waxaa isku haaya laba beelood oo wada degta, iyadoo beelahaasi ay ka biyo diideen xal ay dooneysay inay Dowladdu kala dhex dhigto, kadib markii midba midda kale sheegtay, inaanay aqbali karayn.

Dadka lagala degaayo gaadiidka ee la dilaayo, ayaa muddooyinkaan dambe ku soo badanaayay Gobolka Shabeellaha Hoose.

Qaahira July 14, 2014 Madaxweynihii Hore ee Soomaaliya C/qaasiom Salaad Xasan ayaa sheegay in wax laga xumaado ay yihiin amni darada ka jirta magaalada Muqdisho, waxaana uu sheegay in DF looga baahan yahay wax qabad dhab ah.

Waxa uu sheegay inuu cambaareenaayo haweenka iyo dadka wax galka Bulshada u ah ee habeen iyo maalin Muqdisho lagu dilaayo, waxaana uu ku cel celiyay in loo baahan yahay shacabka dhankooda nabadda inay ka shaqeeyaan.

“Shacabka ku dhaqan magaalada Muqdisho waxaa looga baahan yahay dhankooda inay ka shaqeeyaan Nabadda iyo kala dambeenta dalka, waxaana Cambaareenayaa Al-shabaab, shacabkana waxaan leeyahay is cafiya oo nabadda door ka ciyaara”

Muqdisho July 13, 2014 .Kulan looga hadlayay doowrka haweenka ay ka qaadan karaan nabad kusoo dabaalida dalka oo ay ka qeybgalaan haween ka kala socday degmooyinka gobolka Benaadir ayaa lagu qabtay degmada C/casiis ee gobolka Benaadir.

Kulankan oo ay ka qeyb galeen inka badan 150 haween ah oo ka kala socday degmooyinka gobolka iyo ururrada haweenka ee ka dhasan ayaa diiradda lagu saaray doorka uga aadan haweenka ka qeyb qaadashada xagga nabadda, waxaana kulankaasi goob joog ka ahaa maamulka degmada, iyadoo ay soo qaban qaabisay hay’adda wada hadalka bulshada ee CCD.

Guddoomiyaha Degmada C/casiis Cismaan Muxidiin Cali ayaa ugu baaqay haweenka inay laamaha amniga kala shaqeeyaan sugidda amniga, oo isu qeybiyaan 17-ka degmo ee gobolka, si looga hortago kooxaha amni darrada ka shaqeynaya.

Guddoomiyaha ururka haweenka ee Gobolka Benaadir Jawaahir Maxamed Baarqab ayaa sheegtay in horumarka dalka ka socda aan loo joojin doonin cabsigelinta ay sameynayaan maleeshiyada Al-Shabaab ee ay ku hayaan bulshada, waxaana ay intaa ku dartay in haweenka looga fadhiyo inay muujiyaan doorka uga aadan sugidda nabadgelyada.

Guddoomiye ku-xigeenka ururka Haweenka Qaranka Soomaaliyeed Canab Xasan Cilmi ayaa tilmaamtay in haweenka looga fadhiyo inay noqdaan isha xogta ee ay ka heli karaan hay’adaha amniga, maadaama ay haweenku dabagal ku sameyn karaan waxyaabaha ay qabtaan carruurtooda, una gudbiyaan hay’adaha amniga dadka ay u arkaan inay qal qal gelinayaan ammaanka caasimadda.

Muqdisho July 13, 2014 .Kulan wada tashi ah oo ay soo wada qaban qaabiyeen Wasaaradda Caddaladda iyo Arrimaha Dastuurka iyo xafiiska Gudoomiyaha Baarlamaanka ayaa looga hadlay dib-u-eegida Dastuurka KMG ah ee Dalka, waxaana kulankaas ka soo qayb galay Madaxweynaha, Guddoomiyaha Baarlamaanka, Ra’iisul Wasaaraha, Gudigga madaxa banaan ee dib u eegista Daastuurka, Agaasimaha Guud ee Madaxtooyada, Agaasimayaal ka kala socday Wasaaradaha iyo mas’uuliyiin kale.

Wasiirka Cadaaladda iyo Arrimaha Dastuurka mudane Faarax Sheekh Cabdulqaadir oo ka hadlay xafladii furitaanka ayaa sheegay in dowladda ay ka go’an tahay in la dadejiyo dib u eegis dhamaystiran oo lagu sameeyo Dastuurka KMG ah ee Soomaaliya. “Waxaa dib-u-eegista Dastuurka loo xil saaray Gudigga madax banaan oo ka kooban Shan xubnood Wasaaraduna waxay lagarab taagan tahay taageero nooc kasta ah” ayuu yiri Wasiirku oo dhanka kale xusay in magaacabista gudigaan ay ka heleen taageero buuxda Madaxweynaha iyo Ra’iisul Wasaaraha, islamarkaan dhaqaale ahaan iyo niyad ahaaba u taageeraan dhamaystirka Dastuurka Dalka, waxaana Wasaaraddu cadaynaysaa in aysan wax faro galin ah ku samaynayn howsha loo xilsaaray Guddiga Dastuurka.

Wasiirka Arrimaha Gudaha iyo Federaalka mudane Cabdullahi Goodax Barre ayaa dhankiisa bogaadiyey howsha u bilaabatay Gudigga iyo sida baarlamaanka Soomaaliya u ansixiyey si ay u guda galaan waajibaadka shaqo, Wasiirka ayaa sidoo kale sheegay in looga baahan yahay wasaaradda Cadaaladda iyo dastuurku in ay qaadato kaalinteeda loona fududeeyo gudiga wixii sharciyad ah oo ay u baahan yihiin, shaqaale xirfadlayaal ah oo la shaqeeya iyo dhamaan wixii u sahli kara in shaqadooda ay si wanaagsan u gutaan.

Xiritaankii xaflada ayaa waxaa hadal kooban oo ay ku dheehan tahay guubaabo iyo khibrad ka jeediyey Guddoomiyaha Baarlamaanka Prof, Maxamed Sheekh Cusmaan Jawaari oo runtii qayb weyn ka soo qaatay hirgelinta Dastuurka KMG ah ee Soomaaliya.

“Dastuurka Dalku wuxuu soo maray maraaxil kala duwan, maantana waxaa furnay xaflada lagu daahfuray sidii dastuurka dalka looga saari lahaa KMG, waxaana Wasaaraddu u xilsaartay shaqadaas Aqoonyahano Soomaaliyeed oo shacab iyo dowladba aan kalsooni ku qabno, waxaan gudigga ka rajaynaynaa in ay si caddaladi ku jirto u gutaan shaqaadooda. shacabka Soomaaliyeed waxay ka dhursugayaan sidii dalka loogu samayn lahaa Dastuur dhamaystiran, waxaana ilaahay subxaana watacaala uga baryeeynaa inuu idinla garab galo shaqada weyn ee laydin xilsaaray, waxaan balan qaadaynaa in Baarlamaanku idinla garab istaagayo wixii taageero ah oo aad u baan tihiin” ayuu yiri Guddoomiyaha Baarlamaanku.

Kulankaan oo ahaa mid afur ah ayaa waxaa kasoo qayb galay Madaxweynaha JFS, Mudane Xasan Sheekh Maxamuud, Guddoomiyaha Baarlamaanka Mudane Maxamed Sheekh Cismaan Jawaari, Ra’iisul Wasaaraha Xukuumadda Mudane Cabdiweli Sheekh Axmed Maxamed, Gudigga Hoosaadka Siyaasada ee Golaha Wasiirada, waxaana u jeedkiisu ahaa in lagu dhiiri geliyo gudigga madaxa baanaan ee dib u eegista dastuurka, loona muujiyo in qaybaha kala duwan ee dowladdu ka kooban tahay ay garab taagan yihiin howshan culus ee loo igmaday.


Muqdisho July 13, 2014  Xulka Germany ayaa markiisii afaraad taariikhda ku guuleeystay koobka aduunka,ka dib markii uu 1-0 uga badiyay xulka Argentina.

Moqdisho July 13, 2014 Kulanka toddobaadlaha ee Maamulka Gobolka Banaadir oo maanta lagu qabtay Xafiiska Guddoomiyaha Gobolka Banaadir Mudane Xasan Maxamed Xuseen “Muungaab” ayaa waxaa ka qeyb galay dhamaan mas’uuliyiinta Gobolka iyo Guddoomiyayaasha degmoooyinka.

Kulanka ayaa diiradda lagu saaray arrimaha ammaanka iyo Nadaafada, iyadoo Guddoomiyaha Gobolka Benaadir ahna Duqa Muqdisho Mudane Xasan Maxamed Xuseen “Muungaab” uu sheegay inay muhiim tahay in la adkeeyo ammaanka inta lagu guda jiro Bisha barakeysan ee Ramadaan, si looga hortago falalka ay maleegayaan maleeshiyaadka Al-Shabaab.

Shirka ayaa sidoo kale looga hadlay sare u qaadidda Nadaafada iyo bilicda, iyadoo Maamulka Gobolka Banaadir uu dhawaan hawl galiyay 12- shirkadood oo ka shaqeeya nadaafada oo gaar loo leeyahay, kuwaasi oo loo xilsaaray inay ka hawl galaan 17-ka degmo ee Gobolka Banaadir.

Dowladda Hoose ee Xamar ayaa bilowday Olole ku aadan ’’Dib-u dhis Dalkaaga ah” kaasi oo ah olole dhaqaale loogu uruurinayo sidii dib loogu dhiso xarumaha Dowladda iyo kaabeyaasha dhaqaalaha.

Kulanka todobaadlaha ah ee uu yeeshay Maamulka Gobolka Banaadir ayaa lagu go’aamiyay in Guno dhimis lagu sameeyo dhamaan shaqaalaha Maamulka Gobolka Benaadir ee Dawladda Hoose, iyadoo la racaayo habka kala-sareynta gunada

Dhimista gunada oo socon doonta muddo lix bilood ah waxa dhaqaalaha ka soo xarooda halkaasi dib loogu dhisayaa Xaruntii Dawladda Hoose ee Xamar Fiisho Gofeerno.

Laas Caanood July 13, 2014 Warar laga helayo Magaaladda Laascaanood ayaa xaqiijinaya dhawaqa madaafiicda iyo rasaasta ay ka maqlayaan deegaanka xero-daanteerta oo aan ka fogayn koonfurta magaaladda laaascaanood kadib markii Somaliland iyo khaatumo uu dagaal ku dhex-maray deegaankaasi.

Dagaalkan ayaa qarxay kadib markii Dagaal yahano ka tirsan khaatumo iyo kuwa kale oo ka tirsan somaliland gurmad ahaan ugu socday jiida hore ee saax-dheer isku fara-saareen buuraha iyo boholaha xero-daanyeerta iyadoo wararka qaar laga helaayo sheegayaan in laga gubay 2 tikniko ah oo ay wateen somaliland.

Moqdisho July 13, 2013 Wafdi uu hogaaminayo Wasiirka Arrimaha Dibadda iyo Dhiirigelinta Maalgashiga H.E. Dr. Abdirahman Dualeh Beileh ayaa maanta u ambabaxay Magaalada Madrid ee caasimadda dalka Spain kadib martiqaad rasmi ah oo uu ka helay dhiggiisa Wasiirka Arrimaha Dibadda iyo Iskaashiga H.E. José Manuel García-Margallo oo ay ka wada hadli doonaan xoojinta xiriirka iyo iskaashiga labada dal ka dhaxeeya .

Wasiirka Arrimaha Dibadda iyo Dhiirigelinta Maalgashiga ayaa kahor inta aanu ka ambabaxin garoonka diyaaradaha ee Magaalada Muqdisho , waxa uu shir jaraa’id ku qabtay qeybta VIP ee gegida , waxa uu sheegay in dowladda Spain oo ka mid ah dowladaha taageera Soomaaliya uu kala hadli doono danaha wadaagga ah ee labada dal iyo inay Soomaaliya ka caawiyaan dhinacyada ammaanka iyo caafimaadka.

Wasiir Beileh , mudada uu joogo Magaalada Madrid waxa uu kulamo kala duwan la kala yeelan mas’uuliyiin ka tirsan Xukuumadda Spain oo uu ku jiro Wasiirka Arrimaha Dibadda iyo Iskaashiga ee dalkaasi oo ay isla faaqi doonaan arrimo badan oo horumarinaya iskaashiga dhinacyada badan leh ee labada dal ka dhaxeeya .

Waxaa xusid mudan in Dowladda Spain oo ka mid ah dowladaha xubnaha ka ah Midowga Yurub iyo Xoogagga Ururka Isbaheysiga Waqooyiga Atlantic “NATO” ay saraakiisheeda ka qeyb qaataan tababaridda ciidamada Xoogga dalka Soomaaliya , ayna gargaar bani’aadanimo u fidiso Shacabka Soomaaliyeed , iyadoo u sii marisa barnaamijka cunnada adduunka “WFP”.

Baaydhabo July 13, 2014 Cutubyo ka tirsan ciidammada dowladda federaalka ah ee Soomaaliya oo gacan ka helaya kuwa AMISOM ayaa la wareegay gacan ku haynta deegaannada Saydheeloow iyo Labaatan jiroow ee gobolka Baay oo ay horay ugu sugnayeen malleeshiyadka Al-Shabaab.

Maxamed Isaaq Caracase oo ah gudoomiyaha degmada Bardaale ayaa u sheegay Bar-kulan in ciidammadu ay deegaannada kula wareegeen howlgal xirfadeysan iyagoo maleeshiyaadka Shabaab ka qabsaday Afar baabuur oo ah kuwa dagaalka.

Gudoomiyaha ayaa hoosta ka xariiqay in ciidamadu ay deegaanadaasi ka wadaan howlgallo dheerraad ah oo ay ku xaqiijinayaan amaanka, waxaana ciidamada halkaasi kusoo dhaweeyay dadka deegaanadaasi.

Deegaannada Saydheeloow iyo Labaatan jiroow waxay 60 km Waqooyi uga beegan yihiin magaalada Baydhaba ee xarunta gobolka Baay.

Mogadishu, 12 July 2014 - Kulanka toddobaadlaha ee Maamulka Gobolka Banaadir oo maanta lagu qabtay Xafiiska Guddoomiyaha Gobolka Banaadir Mudane Xasan Maxamed Xuseen “Muungaab” ayaa waxaa ka qeyb galay dhamaan mas’uuliyiinta Gobolka iyo Guddoomiyayaasha degmoooyinka.

Kulanka ayaa diiradda lagu saaray arrimaha ammaanka iyo Nadaafada, iyadoo Guddoomiyaha Gobolka Benaadir ahna Duqa Muqdisho Mudane Xasan Maxamed Xuseen “Muungaab” uu sheegay inay muhiim tahay in la adkeeyo ammaanka  inta lagu guda jiro Bisha barakeysan ee Ramadaan, si looga hortago falalka ay maleegayaan maleeshiyaadka Al-Shabaab.

Shirka  ayaa sidoo kale looga hadlay sare u qaadidda Nadaafada iyo bilicda, iyadoo Maamulka Gobolka Banaadir uu dhawaan hawl galiyay 12- shirkadood oo ka shaqeeya nadaafada oo gaar loo leeyahay, kuwaasi oo loo xilsaaray inay ka hawl galaan 17-ka degmo ee Gobolka Banaadir.

Dowladda Hoose ee Xamar ayaa bilowday Olole ku aadan ’’Dib-u dhis Dalkaaga ah” kaasi oo ah olole dhaqaale loogu uruurinayo sidii dib loogu dhiso xarumaha Dowladda iyo kaabeyaasha dhaqaalaha.

Kulanka todobaadlaha ah ee uu yeeshay Maamulka Gobolka Banaadir ayaa lagu go’aamiyay in Guno dhimis lagu sameeyo dhamaan shaqaalaha Maamulka Gobolka Benaadir ee Dawladda Hoose, iyadoo la racaayo habka kala-sareynta gunada

Dhimista gunada oo socon doonta muddo lix bilood ah waxa dhaqaalaha ka soo xarooda halkaasi dib loogu dhisayaa Xaruntii Dawladda Hoose ee Xamar Fiisho Gofeerno.

Mogadishu, 12 July 2014 - Munaasabad uu xilka kula wareegayay Wasiirka cusub ee amniga Qaranka Mudane Khaliif Axmed Ereg oo ay ka qeyb galeen Wasiiro, saraakiil ciidan iyo  marti sharaf ayaa maanta lagu qabtay Muqdisho.

Ugu horeyn munasabada waxaa ka hadlay Wasiirka Gaashaandhigga Mudane Maxamed Sheekh Xasan Xaamu, islamarkaana ahaa siihayaha xilka Wasaradda amniga Qaranka ayaa sheegay in sharaf ay u tahay in Wasaaradda amniga ay yeelato Wasiir Cusub, kaasi oo uu ku amaanay shaqada uu hoery usoo qabtay, waxaana uu u rajeeyay in uu sii horumariyo shaqada Wasaaradda amniga.

Maxamed Sheekh Xasan Xaamud ayaa ku booriyay Wasiirka cusub ee Wasaaradda Amniga in uu si hufan u guto waajibaadka loo igmaday, shacabka iyo ciidamaduna ay gacan ku siiyaan howlaha horyaalla

Wasiirka cusub ee Wasaarada amniga Qaranka Mudane Khaliif Axmed Ereg oo isna ka hadlay munaasabadda ayaa ugu horeyn u mahadceliyay intii horey xilkaasi u haysay, isagoo xusay in uu wax badan ka badali doono xaaladaha amni ee dalka, shacabkuna ka dalbaday inay la shaqeeyaan hay’adaha amniga si looga hortago falalka ay maleegayaan argagixisad dalka ku dhuumaaleysaneysa.

Dhawaan ayay ahayd markii Dowladdu ay isbadal ku sameysay hay’adaha amniga dalka, taasi oo looga gol’leeyahay xaqiijinta amniga.

Mogadishu, 12 July 2014 - Wasiirka Warfaafinta Mudane Mustafa Sheikh Ali Dhuhulow oo maanta Muqdisho kula hadlayey warbaahinta ayaa siiyey warbixinta horumarka Dowladda ee usbuucii la soo dhaafay. Wasiirka ayaa ka hadlayey arrimo ay ka mid yihiin, Weerarkii Madaxtooyada 8dii July, Isbedello lagu sameeyey madaxda Hay’adaha Amniga, Shirka Wadatashiga Xeerka Saxaafadda, Qorshaha dib u kabashada iyo Horumarinta Beeraha Soomaliya, tababar loo fidiyey shaqaalaha Wasaaradda Haweenka & Xaquuqul Insaanka, Hindise Sharciyeedka La dagaalanka Argagaxisada iyo baaq ku wajahan bisha Ramadanka.

Wasiirka Warfaafinta oo ka hadlayey falkii weerarka ee Madaxtooyada ayaa yiri “Gaari Noha ah oo uu waday shaqsi lagu magcaabo Hassan,  isagoo gaariga ku waday 3 ka mid ah maleeshiyaadka Al-Shabaab oo watay dharka ciidanka dowladda. Ciidanka Madaxtooyada ayaa ka shakiyey 3dan qof, oo halkaas oga hortagey qorshahoodii. Askarigii ka hortagey ayaa hal darajo la dalacsiiyey, abaalmarina loo ballanqaaday. Gaarigii ayaa albaabka Madaxtooyada ku qarxay. Ciidanka Madaxtooyada ayaa ka hortagay in maleeshiyaadkaas ay howgalkooda ku guuleystaan oo dhammaantood halkaas lagu dilay. Darawalkii fududeeyey falkan ayaa gacanta ciidanka ku jira. Waxaan ku ammaanayaa ciidanka dowladda oo runtii hor istaagay falkan iyagoo gudanaya waajibaadkooda qaran.”

Wasiirka Warfaafinta oo ka hadlayey isbedellada Hay’adaha Amniga dalka ayaa yiri “Ra’iisul Wasaaraha Xukuumadda Mudane Cabdiweli Sheekh Axmed, ayaa xeeriyey in Wasiirka Amniga Qaranka loo magacaabay Khalif Axmed Ereg oo aqoon u leh arrimaha amniga oo uu in muddo ah ka soo shaqeynayey. Sidoo kale waxaa xilalkii laga qaaday Taliyihii Booliiska S/Guuto Cabdixakim Dahir Saacid iyo Taliyihii Nabad Sugidda S/Gaas Bashir Maxamed Jama. Waxaana loo magacaabay Taliyaha Booliska S/Guud Maxamed Sheekh Xasan Ismail oo aqoon fiican u leh arrimaha Booliiska. Agaasimaha guud ee hey’adda Sirdoonka iyo Nabad Sugidda Qaranka ayaa loo magcaabay Cabdullaahi Maxamed Cali (Sanbaloolshe)  Ujeedada isbedelkan hay’adaha amniga ayaa ah in la dar-dargeliyo howlaha amniga iyo xasilinta dalka. Si amniga caasimadda dalka uu u noqdo mid hagaaga ayaa waxaa la faray Wasiirka Amniga Qaranka in Taliyeyaasha Booliska iyo Nabadsugidda ee Gobolka Banadir ay si toos ah u hoos tagaan Guddoomiyaha Gobolka Banadir si ay u sahlanaato wadashaqeynta hay’adaha amniga iyo Maamulka Gobolka Banadir.”

Wasiirka Warfaaftina oo ka hadlayey Shirka Wadatashiga Xeerka Saxaafadda ayaa yiri “7dii iyo 8dii July waxaa noo qabsoomay la tashiyo lala sameynayey qebaha kala duwan ee warbaahinta  iyo bulshada rayidka ah. Ujeedada ayaa ahyed in Xeerka Saxaafadda la lafaguro isla markaana tallooyinka iyo aaraada bulshadana la tixgeliyo si Xeerka uu u noqdo mid u daneeya danaha Saxuufiyiinta Soomaaliyeed isla markaana qeexa waajibaadka iyo xaquuqda saxuufiyinta Soomaaliyeed. Ra’iisul Wasaaraha Dalka ayaana shirka furay 7dii July. Wasaaradda Warfaafinta waxaa ka go’an in Xeerka Saxaafada uu noqdo mid dhammaan qeybaha ay khuseysa ay fursad u helaan ka hor inta aan la ansixinin. Dhowaan ayaa loo gudbin doonaa golaha wasiirada si ay u ansixiyaan, ka dibna waxaa loo gudbin doonaa Baarlaamanka.”

Wasiirka Warfaafinta oo ka hadlayey Qorshaha Dib u kabashada Beeraha Dalka ayaa yiri “Wasiirka Beeraha Mudane Cabdi Axmed Baafo ayaa 7dii July kormeer ku tagey Degmada Afgoye si uu ugu soo kuurgalo xaaladda beeraleyda Soomaaliyeed, dalagyada beeraha iyo isagoo kormeeray Xarunta Cilmibaarista Beeraha Afgoye oo wasaarada Beeraha Dooneyso inay dib u howlgeliso. Wasiirka Beeraha ayaa sheegay inuu doonayo in Beerihii Wasaaradu ku laheyd Degmada Afgoye iyo xarumihii Wasaaradda dib loo howlgelin doono. Qorshaha Dowladda ayaa ah in la dhiirigeliyo beeraleyda Soomaaliyeed si xilliga dib u kabashada loo gaaro horumar ballaaran oo horumariya dhaqaalaha iyo isku filaanta dalka.”

Wasiirka Warfaafinta oo ka hadlayey tababar kor loogu qaadayo tayada dumarka Soomaaliyeed ayaa yiri “Wasiirka Haweenka & Xuquuqul Insaanka  Marwo Khadija Maxamed Dirie ayaa tababar 3 cisho soconayey u qabatay shaqaalaha Wasaaradda oo ku wajahan sidii looga hortagi lahaa tacadiyada loo geysto dumarka, gaar ahaan kufsiga. Hay’adaha UNFPA iyo UNICEF ayaa Wasaaradda kala shaqeysey tababarkan. Ujeedada tababarkan ayaa ahaa in shaqaalaha Wasaaradda Haweenka iyo Xaquuqul Insaanka ay helaan xirfadihii u sahli lahaa in la joojiyo tacadiyada dumarka loo geysto. Dowladda Federaalka waxaa ka go’an in la illaaliyo sharafka muwaadiniinta Soomaaliyeed oo laga hortago dhammaan tacadiyada loo geysto muwaadiniinta Soomaaliyeed.”

Wasiirka Warfaafinta oo ka hadlayey Hindise Sharciyeedka La Dagaalanka Argagaxisada ayaa yiri “10kii July ayuu golaha wasiiradu ansixiyey Hindise Sharciyeedka La Dagaalanka Argagaxisada oo ah markii ugu horreysey ay Soomaaliya yeelaneyso sharcigan. Waxaana dhowaan loo gudbin doonaa Baarlamaanka si uu uga doodo una ansixiyo. Ujeedada Sharcigan ayaa ah in maxkamadaha dalka helaan sharcigii qeexayey tallaabada laga qaadayo cid allaale iyo cidii lagu helo falal argagaxiso ah. Sharciyada dalka ee hadda jira ma qeexayaan danbiyada sida gaar ah ay argagaxisadu u fuliyaan. Sharcigan waxuu keenayaa in dadka argagaxisada ah ay muteystaan ciqaabta ay mudan yihiin. Arrinkan ayaa ah tallaabo loo qaaday dhanka sugidda amniga iyo la dagaalanka kooxaha argagaxisada ah.”

Wasiirka Warfaafinta oo ka hadlayey Baaqa Bisha Ramadanka ayaa yiri “Waxaan mareynaa bartamihii bisha barakeysan ee Ramadan, waxaan jeclaan lahaa in shacabka ugu baaqo inay muhiim tahay inaan is caawino oo deriska iyo kuwa aan waxba heysan la taakuleeyo, isla markaana la xasuusto in maalmaha ciidda loo baahanyahay inaan dhammaan carruurteenna ka wada farxino oo ay helaan farxad ay ku ciidaan. Waxaan aad iyo aad ugu mahadcelinayaa dhammaan hay’adihii dowliga iyo kuwii aan dowliga aheyn oo raashin iyo timir gaarsiiyey dadkii tabaaleysnaa, waana inaan sii xoojino dadaaladan.”

 Wasaaradda Warfaafinta & Hannuunita Dadweynaha


Garoowe, July, 10, 2014 Magaalada Garoowe ayaa waxaa ku geeriyooday wasiirkii hore ee warfaafinta Puntland Axmed Sheekh Jaamac, kadib xanuun ka haleelay madaxa oo uu in muddo ah la xanuunsanaa, sidaas waxaa radio muqdisho u xaqiijiyey  qaar ka mida eheladiisa.

Madaxweynaha maamul goboleedka Puntland Dr. Cabdiweli Maxamed Cali Gaas oo ka qeybgalay aaska marxuumka ayaa ka tacsiyeeyay geerida Abwaan Axmed Shiikh Jaamc, isagoo Alle uga baryey inuu samir iyo imaan ka siiyo eheladii iyo qaraabadii uu ka tegay, wuxuuna intaas ku daray in marxuum Axmed Sheekh Jaamac uu taariikh fiican uga tegey umadda Soomaaliyeed.

Axmed Sheekh Jaamac wuxuu sidoo kale wasiir ku xigeen ka soo noqday wasaaradda Dekedaha  iyo Gaadiidka badda xilligii ay jirtay dawladdii Kacaanka ahayd ee Soomaaliya, isagoo wax ka soo bartay jaamacaddii Lafoole, oo uu ka baxay qeybta saxaafadda,

Marxuumka ayaa xilliga uu geeriyooday waxa uu ku magacownaa maareeyaha Akaadeemiyadda Hiddaha iyo dhaqanka Puntland, wuxuuna ahaa Abwaan weyn oo gabayada iyo maansooyinka ku sameynjiray luuqadaha Soomaaliga iyo Carabiga.

Allaha u naxariistee marxuumka ayaa  shalay galabnimadii lagu aasay qubuuraha magaalada Garoowe, wuxuuna  ifka uga tegay wiil iyo gabar uu aabe u yahay.

Muqdisho, July, 10, 2014  Marwada madaxweynaha jamhuuriyadda Soomaaliya Sahro Cumar Xassan ayaa deeq lacageed gaarsiisay wiil arday ah oo labada lugood ay uga go’een qarax naftii halignimo ah oo dhawaan ka dhacay isgoyska taalada Sayidka ee magaalada Muqdisho kaasoo lagu magacaabo Liibaan Cali Xaashi,

Marwo Sahro Cumar oo ku booqatay ardaygan cusbitaalka Banaadir oo uu kujiro ayaa xog wareysatay ehelkiisa xaaladiisa caafimaad xiligan iyagoo sheegay in 2da lugood uu ka go’ay islamarkaanay ay yihiin qoys danyar ah.

Cali Xaashi Xalane oo ah aabaha dhalay wiilkan ardayga ah ayaa ka gudoomay marwada madaxweynaha dalka deeqdan ay gaarsiisay isagoo uga mahadceliyay garashada wadaniyaddu ku dheehantahay ee ay ugu gargaartay wiilkiisa dhibaatadu gaartay.

Marwada madaxweynaha jamhuuriyadda Soomaaliya Sahro Cumar Xassan ayaa sheegtay inay la qeybsanayaan dhibaatada gaartay wiilkan ardayga ah ee ay waxyeeleeyeen argagaxisada Al-Shabaab xili uu kusii jeeday dugsigisia waxbarasho.

Liibaan Cali Xaashi oo da’diisu tahay 18 sano ayaa dhiganayay dugsiga hoose dhexe iyo sare ee Al Macmuur ee degmada Waaberi waxaana uu ku faraxsanaa inuu dalkiisa wax u barto si uu qeyb uga qaato dadaalada dib loogu dhisayo hase ahaatee hadda waxa uu ku suganyahay xaalad aad u adag kadib markii ay waxyeelo gaarsiiyeen maleeshiyada Al-Shabaab isagoo marayay agagaarka taalada Sayidka xili uu gaari ku qarxay wadadaasi halkaasoo uu ka mid noqday dadkii ku waxyeeloobay.

Muqdisho, July, 10, 2014 Ra’iisul Wasaaraha Xukuumadda Federaalka Soomaaliya mudane Cabdiweli Sheekh Axmed Maxamed, ayaa maanta shir guddoomiyey kulankii caadiga ah ee Golaha Wasiirada, waxaana looga hadlay arrimo dhowr ah oo ku saabsan xaaladda dalka, iyadoo goluhu cod aqlabiyad ah ku ansixiyeen magacaabista Wasiirka amniga Qaranka iyo Taliyayaasha Ciidamadda Booliska iyo Nabad-sugidda oo dhawaan uu magacaabay Ra’iisul Wasaaruhu.

Kulanka markii uu soo dhammaaday kaddib, waxaa Saxaafadda la hadlay Afhayeenka Xukuumadda Ridwaan Xaaji Cabdiweli, waxaana uu sheegay goluhu inuu meel mariyay sharciyo muhiim u ah dowladnimada Soomaaliya, isla markaana uu soo afmeeray doodii la xiriirtay Maamulka Baasaboorka Diblumaasiga cida xaqa u leh qaadashadiisa, iyadoo goluhu isku raacay in Wasaarada Arrimaha Dibaddu ay tahay mida go.aanka ka gaaraysa cida qaadanaysa Baasaboorka Diblumaasiga ah. waxaana afahayeenku xusay in arrintan looga golleeyahay sidii lagu soo celin lahaa sharafta iyo hanaanka loo marayo qaadashada Baasaboorka.

Ra’iisul Wasaare Cabdiweli oo kulanka golaha ka hadlay ayaa sheegay is badalka lagu sameeyay laamaha ammaanka dalka wax badan inuu ka badali doono falalka waxashnimo ee kooxaha Nabad-diidku geysanayaan.

“Isbadalkan ay Xukuumaddu qaaday waxaa uu ujeedkiisu yahay in si dhab ah oo kalsoonida bulshadu ay ku jirto wax looga qabto falalka lidiga ku ah amniga ee Nabad-diidku ay geysanayaan” ayuu yiri R.W Cabdiweli Sheekh Axmed.

Sidoo kale markii uu goluhu dhegeystay soo-jeedinta wasaaradda Amniga Qaranka, isla-markaasina uu dood ka yeeshay, ayuu isku raacay ansixinta soo-jeedinta wasaaradda Amniga ee ku aaddan sharciga la dagaalanka Argagixisada, iyadoo sharcigan horay loo ansixiyay balse isbadallo lagu sameeyay qodobo loo arkay muhiim.

“Way adagtahay in argagixiso laga guuleysto haddii aan si huffan loo qeexin sharcigan oo baahi badan loo qabo, sharcigani wuxuu fursad u siinayaan dowladdu in ay la dagaalanto kooxaha dalka dhibaatada ka wada oo hadda uusan jirin sharci qeeyaxa qaabka dowladdu u wajahayso dagaalkooda” ayuu yiri Wasiirka Amniga Qaranka.

Ugu dambeyn, Golaha Wasiirada ayaa hal darajo dalacsiiyay askarigii fashilayay weerarkii kooxaha Argagisadu kusoo qaadeen dhismaha Madaxtooyada dalka oo lagu magacaabo Maxamed Axmed Cabdi , waxaana sidoo kale abaal marin la guddoon siinayaa askartii kale ee howlgalka ka qeyb qaatay.

Muqdisho, July, 10, 2014 8eedii  bishaan oo ku beegan habeen hore waxay ahayd markii koox abaabulan oo Al-shabaab ka tirsan uuna hogaaminayay Horjooge Xasan ay isku dayeen inay gudaha Madaxtooyadda Soomaaliya ka fuliyaan weerar Argagaxisanimo waxaana weerarkaasi ay ku sheegteen inay doonayeen inay ku dilaan Ra’iisul Wasaaraha Soomaaliya, C/wali Sheekh Axmed Maxamed laakin iyagoon gaarin hadafkoodii ayaa waxaa fashiliyay Sarkaal ka tirsan Madaxtooyada oo lagu magacaabo Muqtaar kaas oo intii aysan gaarin bartilmaameedkoodii ka shakiyayhalkaana waxaa ka bilowday is rasaasayn sababtay in markiiba laga soo saaro halkii ay joogeen oo u dhaxaysay Xafiiska Ra’iisul Wasaaraha iyo Wasaaradda Maaliyadda halka ay sida kmg ah u degantahay,

Maleeshiyadan Al-Shabaab ka tirsan waxay gaarayeen 4,3ka mid ah waxay wateen dharka ciidanka waxayna ku hubaysnaayeen Qoryaha AK 47 iyo Bam Gacmeedyo. Halka kan 4 aadna uu ahaa horjooge iyo fududeeye, waxaana ninka 4-aad oo isagoo nool la qabtay uu ahaa shaqsi laga yaqaano Madaxtooyada iyo aageeda taas oo u fududaysay inuu awood u yeesho inuu ka gudbiyo baraha wax lagu hubiyo Maleeshiyaadka uu waday ee Al-Shabaab ka tirsanaa Kadibna waxa uu dhagar-qabahan geeyay 3da Maleeshiyaadka ah ee hubaysan meel aan ka fogayn Xafiiska Wasaaradda Maaliyadda,

Xasan waa Xubin muhiim u ahayd Kooxda Al-Shabaab waxaan maanta kula kulanay Xarunta Hogaanka Baarista ee Hay’adda Nabadsugidda Qaranka  Waxaana Xasan uu daaha ka qaaday lugtii uu ku lahaa Weerarkii Madaxtoooyo ee habeen hore, Weerarkii kan ka horeeyay ee isna sidan oo kale Madaxtooyo lagu soo qaaday’ Weeraro Qaraxyo loo adeegsaday oo ka dhacay Hoteelada Makah Al-Mukarama, Oriental, iyo sidoo kale Weerarkii baarlamaanka.

Xasan oo aan marnaba laga shakin waxa uu qirtay in ku dhawaad 2 sano uu dhagrayay Ummadda Soomaaliyeed, Isla markaana uu wax badan ka qorsheeyay weeraro dhiig badan ku daatay, waxaana uu u muuqdaa inuu ahaa Farsamayaqaan u carbisnaa sahminta meelaha ay Shabaab wax ka fulinayaan, waxa u dheerayd oo Xasan qirtay inuu sidoo kale marka ay wax dhacaan kadib uga warbixin jiray Al-Shabaab khasaaraha ka dhasha qaraxyadda ay gaystaan.

Xasan oo ah Nin Dhalinyaro ah waxa uu si joogta sheegay inuu u siin jiray Al-Shabaab warbixinadda Madaxtooyadda Waxaana ka mida waxyaabaha uu sheegay inuu gudbin jiray Waqtiyadda Salaadaha lagu tukado Masaajidka Madaxtooyadda,  meelaha ay dhigtaan Baabuurta Wasiiradda, Dhaq dhaqaaqa Wasiirka Gaashaandhiga, iyo arrimo kale oo muhiim ah.

Xassan waxa uu ka soo jeedaa Qoys intooda badan ka mid noqday Kooxda Al-Shabaab, 2 ka mid ah walaalihiis waxay dhinteen iyagoo u dagaalamaya Al-Shabaab, Walaashiis ka yar Najmo waxay ka mid tahay Al-Shabaab, waxaana u dhaxa C/risaaq oo ah Horjooge ka tirsan Sirdoonka Al-Shabaab, isla markaana ah Shaqsiga uu ku xirnaa Xasan,

 

Xasan waxa uu watay Gaari Noha ah waxaana gaarigaasi u gaday Kooxda Al-Shabaab iyagoo sidoo kale Bil walba siin jiray lacag dhan 200U$. Taasoo ahayd waxa uu ku badalanayay dhagarta uu u maleegayay Ummadda Soomaaliyeed, Waxaana Xasan hadda la xiran aabihii oo isna su’aalo laga waydiinayo waxa uu ka ogaa Ilmihiisu waxay qaban jireen,

Xasan oo aan waqti ku wada qaadanay maanta hogaanka Baarista Nabadsugidda waxaan waydiiyay bal inuu isku arko inuu Dambi wayn galay maadaama uu soo maleegay weerar lagu soo qaado Aqalka Dalka looga arrimiyo ee Madaxtooyo. Wuxuuna ku jawaabayQalad weyn ayaan galay waxaana dhahayaa qof kasta mabdi’iisa haku adkeysto”

Ugu dambayntii waxa Xassan weli kusocda baaritaano ku aadan qaabka falkan loo abaabulay iyo dadka kale ee la shaqeynayay.

JAGADA 1aad: ISKU-DUWAHA QARANKA EE DHANKA HESHIISKA XUQUUQDA CARRUURTA

 

1.       HAWLAHA IYO WAAJIBAADKA

Isku-duwaha Qaranka ayaa la filayaa inuu:

Hubiyo isuduwid siman ee hawlaha mashruuca iyo dhamaan la-hawlgalayaasha la xiriira: wasaaraddaha, laamaha dowladda oo ay ka mid yihiin; garsoorka, xeer ilaalinta, qareenada, booliska, hay’adaha caddaaladda, bulshada rayidka ah, ururrada haweenka iyo NGO-yada.

JAGADA 2aad: LA-TALIYAHA QARANKA EE DHANKA HESHIISKA XUQUUQDA CARRUURTA

BAAXADDA SHAQADA

Kormeerka tooska ah ee Agaasimaha Guud ee Wasaaradda Caddaaladda iyo Arrimaha Dastuurka iyo  kaalmo dhanka farsamadda ah oo ka imaaneysa Hey’adda Xuquuqda Carruurta ee UNICEF, la-taliyaha  ayaa mas’uul ka ah in Xaqiijiyo in la qabto hawlaha muhiimka ah iyo in la gaaro horumarka la filaayo in la xaqiijiyo. La-taliyihu waa in isu-duwo daneeyayaasha ay khusayso shaqadda sida Wasaaradaha, Guddiyadda Baarlamaanka, Bulshada Rayidka ah, Ururada aan dowliga aheyn iyo culimada diinta iyo hirgelinta hawlaha iyada oo la qaadayo tallaabooyin ku habboon, qorida waraaqaha looga baahan yahay inay dhinacyada ay khusayso iyo diyaarinta warbixinada.

Jagada waxey ku saleysantahay in lala shaqeeyo Wasaaradda Caddaaladda iyo Arrimaha Dastuurka iyada oo safari loo aadayo meelaha kale ee la xiriira, waaxaha, meelo loo baahan yahay in si joogto loo aado.

Habada labadaasi jago ee banaan waxa aad iyada oo dhameystiran ka akhrisan kartaa linkiga hoose



Arbaco July 9, 2014 

Moqdisho Luulyo 9, 2014 Ra’iisul wasaaraha Xukuumadda Federaalka Soomaaliya, ayaa si rasmi ah ugu magcaabay goor dhow agaasimaha hey’adda Sirdoonka iyo Nabad Sugidda, C/llaahi Maxamed Cali (Sanbaloolshe) oo horey u ahaa safiirkii Soomaaliya u fadhiyey dalka Ingariiska.

Madaxweynaha Soomaaliya, Mudane Xasan Sheekh Maxamuud, ayaa oggollaaday magcaabista agaasimaha cusub ee hey’adda Nabad Sugidda iyo Sirdoonka Soomaaliya C/llaahi Maxamed Cali (Sanbaloolshe), arrintan ayaa daba socoto isbaddellada dhinaca ammaanka ee ay sameysay Xukuumadda Federaalka Soomaaliya.

Maanta ayaa wasiirka Amniga Qaranka Soomaaliya loo magcaabay General Khaliif Axmed Ereg, iyadoo taliyaha ciidammada Booliska Soomaaliyeedna loo magcaabay Maxamed Sheekh Xasan Ismaaciil, taasoo looga jawaabayey weerarkii fadhilmay ee ay Al-Shabaab la damacsanaayeen madaxtootada Soomaaliya

Muqdisho, July 9, 2014  R/wasaare Dr. C/weli Sheekh Axmed Maxamed ayaa magacaabay wasiirka Amniga Qaranka, isagoo xilalkii ka qaaday taliyayaasha ciidamada Booliiska iyo nabadsugidda una magacaabay taliyayaal cusub.

Wasiirka warfaafinta iyo hanuuninta dad waynaha xukumada Fereaalka Soomaaliya , Musftaf Sh.  Cali Dhulow oo shir jaraa’id  warbaahinta ugu qabtay    wasaradda warfaafinta   ayaa sheegay  in is badal  wayn lagu sameeyay lamaha amniga dalka, kadib weerarkii  ay shabaab   xalay ka gaysteen  xaruunta madax tooyada Qaranka  Soomaaliya, kaasi oo ay fashiliyeen cimadda dowladda.

Wasiirka  warfaafinta ayaa  tilmaamay in   wasiirka Amniga Qaranka  loo magacaabay,  S/guuto Qaliif Axmed Ereg, iyadoo xilkii laga qaaday taliyihii ciidanka Booliiska S/guuto C/xakiin Daahir Sacid halka taliyaha cusub ee boliska loo magacaabay  S/guuto Maxamed  Sh. Xasan Ismaciil , sidoo kale waxaa xilkii laga qaaday agaasimihii hey’adda sirdoonka iyo nabadsugida S/gaas  Bashiir Maxamed Jaamac,  waxaana si KMG ah xilkaasi he’yadda  u heynaya G/sare Maxamed C/llaahi Xaamud.

Wasiirka Warfaafinta ayaa xusay in R/wasaaruhu uu xeeriyay in taliyaha qeybta guud ee booliiska G/Banaadir iyo taliyaha Nabadsugidda G/Banaadir ay si toos ah u hoos tagayaan gudoomiyaha gobolka Banaadir.

R/wasaaraha ayaa faray wasiirka Amniga Qaranka inuu fuliyo amarkan islamarkaana uu si dhaqsa ah uga howlgalo sugidda amniga Qaranka, isagoo dhinaca kale hogaaminta booliiska iyo nabadsugida ku amray iney si adag oo dhiifoon u fuliyaan howshooda.

Go’aankan deg dega ah ee R/wasaare Dr. C/weli Sh. Axmed uu qaatay ayaa ka dambeeyay weerar ay ciidamadu fashiliyeen oo dhagar qabayaal ka tirsan Shabaab ku soo qaadeen xalay xarunta madaxtooyada Qaranka ee Villa Soomaaliya.

Muqdisho, July 8, 2014 Qaraxani oo ahaa Miinada dhulka lagu aaso oo ka dhacay Suuqa Bakaaraha, Degmada Howlwadaag ee Magaalada Muqdisho ayaa la sheegay in uu ka dhashay Qasaaro isugu jiro dhimasho iyo dhaawac.

Goobjooge , ayaa sheegay in Qaraxa uu ahaa mid Xoogan islamarkaana Suuqa Bakaaraha lagula eegtay Taliyaha Saldhiga Booliska ee Degmada Wardhiigley ee Gobolka Banaadir.

Warar kala duwan oo soo baxaya ayaa sheegaya in Qaraxa uu waxyeelo u geystay Taliyaha Saldhiga Booliska ee Degmada Wardhiigley halka Wararka qaarna ay tilmaamayaan in Taliyaha uu ka badbaaday balse uu Qasaaro bur bur ah soo gaaray Gaariga uu watay Taliyaha Saldhiga Booliska ee Degmada Wardhiigley.

Ilaa iyo hada lama oga Qasaaraha dhabta ee ka dhashay Qaraxan Miino ee Taliyaha Saldhiga Booliska ee Degmada Wardhiigley lagula eegtay Suuqa Bakaaraha ee Degmada Howlwadaag.

Qaraxan ayaa waxuu qeyb ka yahay kuwa inta badan Saraakiisha iyo Mas’uuliyiinta Dowladda Soomaaliya lagula eegto Magaalada Muqdisho ee Caasimada Soomaaliya.

Muqdisho, July, 8, 2014  Maxkamadda darajada 1-aad ee ciidamada qalabka sida ee Dowlada Soomaaliya ayaa shalay xukun dil ah ku riday nin la sheegay in uu katirsanaa Dagaalyahanada Al-Shabaab uuna ka dambeeyay qarax ka dhacay Hotelka Maka Al-Mukarama ee Magaalada Muqdisho .

Qaraxa lagu eedeeyay in uu ninkan ka dambeeyay ayaa loo adeegsaday Cumputer waxyaabaha qarxa lagu soo xiray iyo gaari , waxa uuna Hotelka Maka Al-Mukarama ka dhacay 8-da November ee sanadkii hore.

Maxkamada Ciidanka Qalabka Sida ayaa xukun dilah ku riday Caawiye Axmed Jaamac oo ah ninka lagu helay in uu ka dambeeyay qaraxii hore ee ka dhacay Hotelka , waxaana ninkan uu qirtay dambiga loo heestay kadib markii lasoo bandhigay Muuqaalo cadeyn ah oo laga duubay qaabka uu qaraxu u dhacay.

Caawiye Axmed Jaamac oo ah 25 sano jir ah ayaa ku dhashay gobolka Togdheer ee Maamulka Somaliland , waxa uuna katirsanaa Al-Shabaab isagoona loo xilsaaray in uu fuliyo qarax laptob lagu soo xiray balse uu ka qaldamay qaabkii uu u rabay , qaraxan ayaana dhalin wax qasaaro ah, hasa ahatee qarax kale oo daqiiqado kadib ka dhacay Banaanka Hotelka ayaa sababay dhimashada dad badan oo isugu jiray ciidan iyo rayid..

Guddoomiyaha Maxkamada darajada Koowaad ee ciidamada qalabka sida Liibaan Cali Yarow ku dhawaaqay Xukunka oo uu ku sheegay in ay tahay dil toogasho, kaddib markii uu tilmaamay in uu qirtay ninkan falka qaraxa ah ee ka dhacay Hotelka, uuna katirsanaa Dagaalyahanada Al-Shabaab.

Ciidamada Nabad Sugida ayaa xiray ninkan xukunka dilka ah lagu riday wax yar un kadib markii uu qaraxu ka dhacay Hotelka Maka Al-Mukarama , waxaana Saraakiisha Nabad Sugida ay sheegeen in ninkan lagu sameeyay baaritaano dheer kadib ay ku cadaatay dambiga uu galay.

Muqdisho, July, 8, 2014 Golaha Wasiirrada Xukuumadda Federaalka Soomaaliya, Taliyayaasha laamaha Ammaanka, Maamulka gobolka Banaadir, Guddiga Difaaca ee Baarlamaanka, ayaa xalay magaalada Muqdisho ku yeeshay kulan looga hadlayay ammaanka dalka, waxaana kulanka shir guddoominayey Ra’iisul Wasaaraha Xukuumadda Federaalka Soomaaliya mudane Cabdiweli Sheekh Axmed Maxamed.

Furitaanka kulanka waxaa ka hadlay Ra’iisul Wasaare Cabdiweli, wuxuuna ka warbixiyay kulan uu lasoo qaatay Madaxweynaha, Guddoonka Baarlamaanka, iyo Xildhibaano, kaas oo looga hadlayay qaabka ugu habboon ee si wadajir ah looga hortagi karo fallalka guracan ee ay geysanayaan kooxaha Nabad-diidku, waxaana uu hoosta ka xariiqay in dowladda Soomaaliya ay muhiimadda koowaad siinayso sugidda ammaanka, isla markaana uu kulankani yahay mid ay tallooyin isku weydaarsanayaan Xukuumadda, Gudiga Difaaca Baarlamaanka iyo laamaha ammaanka.

Ra’iisul Wasaaraha ayaa ka dalbaday hey’addaha amniga inay fuliyaan go’aamadii kasoo baxay kulamadii hore ee ammaanka looga hadlayay isla markaana ay kaashadaan shacabka si looga guuleysto fallalka uu cadowgu maleegayo.

Dhinacyada kasoo qeyb galay kulanka ayaa dood ka yeeshay qaabka looga hortagi karo weerarada ka imaanaya kooxaha Nabad-diidka bisha barakeysan ee Ramadan, waxaana ay isku raaceen in la xoojiyo howlgalada laga sameynayo magaalada Muqdisho,

Kulanka markii uu soo dhamaaday kaddib waxaa Saxaafadda la hadlay Wasiirka Difaaca, ahna ku simaha Wasiirka Amniga Qaranka mudane Maxamed Sheekh Xasan Xaamud, waxuuna sheegay in laysku afgartay in ay qaadaan tallaabbooyin wadajir ah oo Xukuumadda iyo Laamaha Amaanka ku xaqiijinayaan Nabadgalyada.

Ku-simaha Wasiirka Amniga Qaranka ayaa ugu baaqay bulshadda Soomaaliyeed inay gacan ka geystaan sugidda amniga Caasimadda , waxaana uu xusay in dhawaan magaalada Muqdisho laga hirgelin doono baro ay kusoo wargeliyaan shacabku Ciidamadda ammaanka si looga hortago falku intuusan dhicin ka hor.

Moqdisho Talaado, Luulyo 8, 2014 Maxakamada ciidamada qalabka sida ee Gobolka Hiiraan ayaa maanta askari ka tirsan ciidanka xoogga dalka ku riday xukun xabsi saddex bilood ah kaddib markii si amar la’aan ah uu uga soo baxay difaacii uu ku jiray.

Xukunka ay maanta ku  riday askarigan ka tirsan ciidanka ayaa lagu eedeeyay in uu ka soo baxsaday ciidamada dowladda ee ku sugan degmada Buulo-Barde, islamarkaana uu si amar la’aan ah uu kaga soo tegay ciidankii uu ka tirsanaa.

Guddoomiyaha Maxkamadda ciiadamada qalabka sida ee Gobolka Hiiraan Sheekh Cabdi Jibaar Muuse ayaa ku dhawaaqay xukunka xabsiga ah ee lagu riday askarigaasi ka tirsanaa ciidanka.

“Maanta oo ay taariikhdu tahay 8-da bisha 7aad 2014, Maxkamadda Ciidamada qalabka sida ee Gobolka Hiiraan  waxaa loo soo gudbiyay eedeysane Dable Xoogga Yoonis Cabdiraxmaan kana howlgeli jiray degmada Buulo-Barde, kuna dacweysan in uu ka soo baxsaday goobtiisa shaqo isagoo wax fasax ah aan ka soo qaadan Taliyeyaashiisa, Maxkamaddu markii ay dhageysatay qiraalkii Yoonis Cabdiraxmaan oo ka koobnaa 1- in uu si qalad ah u soo baxsaday difaaciisa uuna qirtay, 2, in ay ku kaliftay arrintaasi Hooyadiis oo xanuunsan, 3, Taliyahiisa oo jawaab ka siin waayay fasaxii uu dalbaday, sheegeyna in uusan heli jirin xuquuqdii Garaamka ah ee uu ku lahaa ciidanka xoogga, Maxkamaddu markii ay dhageysatay dooda qareenka waxa ay Maxkamaddu ku xakuntay Yoonis saddex bil oo xukun tacsiir ah” ayuu yiri Guddoomiyaha Maxkamadda ciidamada qalabka sida ee Gobolka Hiiraan.

Sheekh Cabdi Jibaar  Muuse ayaa ciidamada uga digay inay ka soo tegaan xarumaha dagaalka, iyagoo aan amar ka wadin taliyeyaashooda.

Moqdisho Talaado, Luulyo 8, 2014  Marwada Madaxweynaha dalka Marwo Qamar Cali Cumar ayaa maanta deeq lacageed u qeybisay naadafada ku dhaqan gobolka Benaadir.

Deeqdan lacageed ee kaashka ah ayaa waxa ay Marwada Madaxweynaha dalka Marwo Qamar Cali Cumar ugu talagashay in ay kaga gudbaan bisha barakeysan ee Ramadaan, waxaana ka faa’iideystay 250-qoys oo ka mid ah naafada ku nool degmooyinka Gobolka Benaadir, kuwaasi oo laga soo kala xulay 17-ka degmo ee gobolka, gaar ahaan kuwooda aadka u liita.

Marwo Maryan Maxamed Xuseen oo Marwada Madaxweynaha Dalka Marwo Qamar wakiil uga ahayd qeybinta lacagta ayaa sheegtay in lacagtaani loogu talagalay qoysaska naafada ah ee ku dhaqan Gobolka, iyadoo xustay in ay sii wadayaan kaalmo gaarsiinta dadka aan lixaadkooda dhameystirneyn.

Guddoomiye ku-xigeenka arrimaha bulshada ee Degmada Xamar Jajab Axmed Cabdullaahi Samow oo isna ka hadlay goobta kaalmada lacageed lagu qeybinayay ayaa sheegay in kan Maamul ahaan ay soo dhaweynayaan cidkasta oo kaalmo u fidineysa bulshada danta yare e gobolka ku nool, waxaana uu Marmada Madaxweynaha Dalka Marwo Qamar iyo Marwo Maryan oo ah qofka loo soo wakiishay uga mahadceliyay kaalmo gaarsiinta bulshada kuwooda taagta daran.

Marwada Madaxweynaha Dalka Marwo Qamar Cali Cumar ayaa sidaan oo kale kal hore waxa ay kaalmooyin kala duwan gaarsiisay qoysas danyar ah oo ku nool Muqdisho iyo nawaaxigeeda, kuwaasi oo ka mahadceliyay kaalmada ay soo gaarsiisay Marwo Qamar Cali Cumar, waxaana jirtay in xarunta agoonta gabdhaha ee degmada Boondheere iyo shaqaalaha ka howlgala Xarunta Madaxtooyada ay gudoonsiisay kaalmooyin kala gedisan oo ay ugu talagashay afurin.

Moqdisho Talaado, Luulyo 8, 2014 Wasaaradda haweenka iyo hormarinta xuquuqda Aadanaha ee Xukuumadda Soomaaliya ayaa sheegtay in magaalada Muqdisho ay ka hirgelineyso xarumo looga hortagayo xadgudubyada ka dhanka ah jinsiga, kaddib markii maanta Muqdisho tababar loogu soo gabo gabeeyay in ka badan 100 qof oo ka mid  ah shaqaalaha Wasaaradda Haweenka.

Siminaarkan oo socday muddo saddex cisho ah ayaa waxaa lagu baranayay ka hortagga iyo ka jawaabista tacaddiyada ka dhanka ah jinsiga, gaar ahaan kufsiga haweenka loo geysto, iyadoo munaasabaddii lagu soo xirayay ay ka qeyb galeen mas’uuliyiin ka tirsan Wasaaradda Haweenka iyo horumarinta xaquuqda Aadanaha.

Agaasimaha guud ee Wasaaradda Haweenka iyo Xuquuqda Aadanaha Maxamed Cumar Nuur oo soo xiray tababarka ayaa sheegay in Wasaaraddu ay dhawaan Muqdisho ka hirgelin doonto xarumo loogu talalgay in lagaga hortago xadgudubyada ka dhanka ah jinsiga, gaar ahaan kufsiga lagula kaco haweenka, ayna jiraan shaqaale arrimahaasi loo tababaray.

Wasaaradda Haweenka ayaa ku howlan in ay dhameystito qorshe ku aadan ka hortagga xadgudubyada ka dhanka ah dumarka.

Moqdisho Talaado, Luulyo 8, 2014  Saraakiisha ciidamada Ammaanka dalka ayaa ka warbixiyay howgallo saaka ay ciidamada amniga Qaranka ka sameeyeen xaafado ka tirsan Magaalada Muqdisho kuwaas oo lagu xoojinayay amaanka caasimadda.

Afhayeenka Laamaha amiga ee Dowladda Soomaaliya Gaashaanle Dhexe Qaasim  Axmed Rooble oo maanta shir jaraa’id ku qabtay Magaalada Muqdisho ayaa faah faahinyay howlgallo ay ciidamda ammaanka ka sameeyeen xaafado badan oo Muqdisho kamid ah, kuwaas oo u jeedkoodu ahaan xaqiijinta Nabadgelyada iyo ka hortagidda falalka amniga ka dhanka ah ee ay malegayaan kooxaha nabad diidka Al-Shabaab.

“Waxa aad arkeysaan waa amnigii oo la xoojinayo, ciidamada amniga waxa ay awoodaan inay magaaladu ay soo yareeyaan, waxaan aad uga shacabka uga raali gelinayaa haddii ay arkeen waddo xiran, amiga oo la sugayo waaye, Hooyadii gaari meel ay ku mari jirtay saakay lug ku martay, waan ka raali gelineynaa, waxaana leenahay Hooyo daalka aad daashay waxaan ula jeednaa oo kaliya in nabadgelyada lagu xaqiijiyo, shabaq layaasha aad arkeysaan waxaa saaran dhalinyaro lagu bartilmaameedsanayay oo guryahooda laga soo qab qabtay oo aan baaritaanno marsiineyno” ayuu yiri Afhayeenka Hay’adaha amniga.

Gaashaanle Dhexe Qaasim Axmed Rooble ayaa tilmaamay in howlaha amniga lagu xoojinayo ay sii joogteyn doonaan, islamarkaana shacabka looga baahanyahay inay dulqaad muujiyaan oo ay la shaqeeyaan hay’adaha amniga dalka, si looga hortago dhagar qabayaasha bulshada ku dhex dhuumaneysa.

Tan iyo markii ay bilatay Bisha Barakaysan ee Ramadaan ayaa ciidamda Dowladda Soomaaliya waxaa ay laba laabeen howlgalada amaanka la xiriiro sida ay u sugaan amaanka Magaalada Muqdisho iyo guud ahaan dfalka oo dhan.

Muqdisho,3 Juun 2014- Madaxeweynaha jamhuuriyadda federaalka Soomaaliya Mudane Xasan Sheekh Maxamuud oo ka hadlay dilkii maanta magaaladda Muqdisho loogu geystay Allaha u naxariistee marxuum xildhibaan Maxamed Maxamuud (Xayd) oo ka mid ahaa Xlidhibaanadda Baarlamaanka Federaalka Soomaaliya iyo askarigii ilaalada ahaa ee la socday.

Madaxweynaha ayaa marka hore tacsi u diray eheladdii, qaraabadii iyo dhammaan umadda Soomaaliyeed ee uu ka geeriday Allaah naxariisee Marxuum Maxamed Maxamuud (Xayd) iyo askarigii la socday. ” Inaa Lilaahi wa inaa Ilaahi raajicuun, Alaah naxariisto Jannadii Fardowsana Alaah haka waraabiyo. Marxuum Maxamed Maxamuud (Xayd) sabar iyo iimaan Alaah ha siiyo ehaladiisa, qaraabadiisa iyo dhammaan Umadda Soomaaliyeed dadka dhaawaca ahna Allah ha caafiyo” ayuu yiri Madaxweynahu.

Madaxweynaha ayaa amar ku siiyey hey’adaha ammaanka ee ku shaqada leh ka hortaga iyo dabal-galka arrimahaan inay si deg deg ah war uga keenaan falkaan iyo falalka noocaan oo kala ah ee ka dhacay Muqdisho.

“Hey’adaha Ammaanka ee ay shaqadoodu tahay inay ka hortagaan falkaan oo ay kooxaha nabad diidku sameyeen nooca ay doonaanba ha ahaadeene waa inay sababtu soo cadeeyaan. Hey’adaha amniga waa inay sameyaan baaritaan natiijadiisu aan ka sugi doono. Shacabka Soomaaliyeed uma dulqaadan karo sii socoshada dilalka qorsheysan ee kooxaha naf lacaariga ah sameynayaan” ayuu yir madaxweynaha.

Sidoo kale Madaxweynaha ayaa yiri.” Kooxaha dhagar qabayaashu ee rabitaankooda yahay inay umadda argagixiyaan xili bisha Ramadaan waxaan leeyahay dhammaan masuuliyiinta dalka, ciidanka iyo shacabka Soomaaliyeed diyaar ayey u yihiin inay Dalka iyo Diinta idinka difaacdaan isku dayga aad sameyneysaanna amniga iyo dadaalkeennu waxba uma dhimi doono”.

Ugu dambeyntii Madaxweynaha ayaa sheegay in cadaaladda mar la horkeeni doono kooxahii ka dambeyey dilka Xildhibaanka iyo dilalka kalaba isaga oo ugu baaqay shacabka Soomaaliyeed inay ciidamada ammaanka ku garab siiyaan sidii kooxahan sharciga loo horkeeni lahaa.

WAR_SAXAAFDEED: Muqdisho, 3-da July 2014 – Ergeyga Gaarka ah ee Xoghayaha Guud ee Qaramada Midoobay u Qaabilsan Soomaaliya (SRSG), Nicholas Kay ayaa cambaareeyay dilka loo geystay Maxamed Maxamuud Xayd oo ahaa xubin ka tirsan Baarlamaanka Federaalka Soomaaliyeed kaas oo lagu dilay Muqdisho maanta.

Sidoo kale Ergeygu wuxuu dareen ka muujiyay weerarada ka socdo caasimada oo ay sheeganeyso Alshabaab, weeraradas oo bilowday bishan barakeysan ee Ramadaan.

Xildhibaan Xeyd iyo sarkaal ka tirsan ciidamada ayaa la dilay ayaga oo gaari ku socday magaalada Muqdisho saakay. Sarkaal kale oo ka tirsan Baarlamaanka oo gaariga kula jiray ayaa la dhaawacay, xubin kale oo ka tirsan Baarlamaanka oo isna la socday ayaa ka badbaaday.

“Waxaan ka naxay geerida ku timid Maxamed Maxamuud Xayd. Si xoogan ayaan u cambaareynayaa dilkaas. Bisha soon waa bil nabadeed iyo dib u heshiisiineed (sidaas darteed) in la geysto dilkaan naxariis darrada ah bishaan barakeysan gudeheeda waxay ku tuseeysaa naxariis darrada ay dambiilayaashu u hayaan dadka Soomaaliyeed” ayuu yiri Ergeyga Gaarka ah.

“Waxaan ugu baaqayaa mas’uuliyiinta in ay sameeyaan dadaal kasta oo suurto gal ah si dambiilayaasha loo hor keeno cadaaladda horteeda sida ugu dhakhsiyaha badan. Waxaa naga go’an taageerada aan u hayno dadka Soomaaliyeed iyo wakiiladooda kuwaas oo ku howlan sidii lagu xaqiijin lahaa mustaqbal nabad iyo xasilooni ku dheehantahay” ayuu yiri Ergeyga Gaarka ah.

Ergeyga Gaarka ah ayaa tacsi kal iyo laab ah u diray qooyskii iyo asaxaabtii uu ka geeryooday Mudane Maxamuud iyo sarkaalkii ciidanka ahaa. Sidoo kale wuxuu tacsi u diray Baarlamaanka Fadaraalka Soomaaliyeed, wuxuuna u rajeeyay intii dhaawacantay in dhakhso u bogsoodaan.

Dhamaad.

Muqdisho, June 29, 2014- Ra’iisul Wasaaraha Xukuumadda Federaalka Soomaaliya Mudane Cabdiwali Sheekh Axmed Maxamed iyo wafdi uu hoggaaminayo ayaa galabta dalka dib ugu soo laabtay, Kaddib markii ay ka qeyb galeen Shir-madaxeedkii 23-aad ee Midowga Afrika oo ka dhacay magaalada Malabo ee Equatorial Guinea, waxaana si diiran ugu soo dhaweeyay garoonka Muqdisho masuuliyiin ka tirsan labada gole ee dowladda iyo dadwayne farabadan.

Ra’iisul Wasaaraha oo saxaafadda kula hadlay garoonka Muqdisho, ayaa faah faahin ka bixiyay qodobadii kasoo baxay shirka, iyo ahmiyadda uu Soomaaliya u lahaa shirkaas, waxaana sidoo kale uu ka warbixiyay kulan uu la qaatay Xoghayaha guud ee Qaramada Midoobay iyo qaar kamid ah madaxdii shirka kasoo qeyb galay.

“Dalkeennu wuxuu kasoo kabanayaa dhibaatooyinkii ka gaaray dhinac walba, waxyaabaha qorshaha noogu jira ee shirka ka cadaynay waxaa ka mid ah sidii dib loogu soo nooleyn lahaa wax soo saarka beeraha Soomaaliya, si kor loogu qaado dhaqaalaha dalka, looguna abuuro shaqooyin dadka Soomaaliyeed, si loo yareeyo shaaqo la’aanta, aad ayay madaxdii Afrika u soo dhaweeyeen qorshaha Xukuumadda uga dagsan wax soo saarka dalkeenna, waxayna ballan qaadeen in nalaga caawin doono sidii aan himilladaas u gaari lahayn” ayuu yiri Ra’iisul Wasaaraha Xukuumadda Soomaaliya oo dhinaca kale ugu baaqay beeralayda Soomaalidu inay ka faa’iidaystaan khayraadka dalkooda.

Mudane Cabdiwali Sheekh Axmed ayaa ka tacsiyadeeyey dil maanta Muqdisho loogu geystay laba askari oo ka tirsanaa ciidamada Booliska Soomaaliyeed, “Waxaana ugu baaqayaa ciidamada amnigu iney sii xoojiyaan feejignaanta xagga amniga, waxaana farayaa dhammaan ciidamada qalabka sida in ay laba laabaan ka hortagidda iyo beegsiga cadowga uu ku hayo bulshada, Shacabka Soomaaliyeedna ha garab istaagaan ciidamada Amniga si aan uga guuleysano ficillada ay kooxaha argagixisada bisha Ramadaan ummadda Soomaaliyeed u soo maleegayaan”ayuu yiri RW

Ugu danbeyntii, Shirka Madaxda Afrika sannadkan waxaa diiradda lagu saaray horumarinta beeraha, waxaana mudadii uu shirku socday qalinka lagu duugay heshiis dhigaya in si rasmi ah loo howlgaliyo ciidamadda heeganka oo ay yeelanayaan dalalka ku bohoobay Bariga Afrika ee lagusoo gaabiyo


Moqdisho Axad Juun 29, 2014- Maxkamadda sare ee ciidamada qalabka sida ee Soomaaliya ayaa maanta xukunno isugu jiray dil iyo xabsi ciidan kuriday Saddex ruux oo racfaan ka qaatay Xukun ay horay ugu riday Maxkamada Darajada Koowaad ee ciidamada qalabka sida kuwaasi oo lagu helay dambiga ah in ay dileen Marxuum Nafiso Cusmaan Salaad oo ahayd gabar ardayad ah.

Guddoomiye ku-xigeenka Maxkamadda Sare ee ciidamada qalabka sida Xasan Cali Nuur ayaa Maxkamadda ka hor aqriyay xukunka isugu jira dilka iyo Xabsi ciidan ee lagu riday saddexdaasi qof kaddib markii lagu helay dambiga ah inay dileen gabar ardayad ah oo lagu magacaabi jiray Nafiso Cismaan Salaad 6dii Bishii 4aad ee sanadkan

“Maxkamadda waxaa u caddaatay in Xasan Maxamuud Cali Salmaan iyo Shaafici Cabdi Xirsi Shaataa iyo Deeqo Diraac Geeddi ay yihiin dambiilayaal galay dambiga lagu soo oogay, waxayna Maxkamadda ku Xukuntay 1. Xasan Maxamuud Cali Salmaan iyo Shaafici Cabdi Xirsi Shaataa waxay ku raacday Xukunkii Maxkamadda darajada koowaad ee ahaa dil toogasho, Maxkamaddu waxa ay baabi’isay xukunkii Maxkamadda Darajada Koowaad ay ku xukuntay Deeqo Diraac Geeddi ee ahaa 10- sano waxa ayna ka dhigtay 15 sano oo xabsi ciidan ah”

Guddoomiyaha Maxkamadda Sare Ciidanka Qalabka Sida ee Soomaaliya Gaashaanle sare Cabdiraxmaan Maxamuud Tuur-yare oo goobjoog ka ahaa Xabsiga Dhexe ee Xamar oo xukunkan maanta uu ka dhacay ayaa waxaa uu ka hadlay marxaladaha uu soo maray Xukunkan.

“Qofka xaqbuu uleeyahay in haddii Maxkamadda darajada koowaad ay soo xukunto in Maxkamadda sare uu racfaan u soo qaato, haddii Maxkamadda sare ay u aragto wixii ay Maxkamadda darajada koowad ay xukuntay in uu sax yahay way ku raaceysaa, iyadoo dacwaddii dib u dhageysaneysa, dacwadaan dib baa loo dhageystay shalay, maantana waa lagu dhawaaqay, haddii loo arko in eedeysanuhu ama dhibanuhu dulmanyahayna waa laga qafiifinayaa ama waa laga qaadayaa Xukunka, sidaas waaye sida sharciga ah ee dowladdnimada ah” ayuu yiri Guddoomiyaha Maxkamadda sare ee ciidanka

Sidoo kale Gaashaanle sare Cabdiraxmaan Maxamuud Tuur-yare gudoomiyaha Maxkamadda Sare ayaa fariin u diray kooxaha nabad diidka ah oo xilliga Bisha Barakaysan Ramadaan doonaya inay qalqalgeliyaan dadka Soomaaliyeed ee ku nool Magaalada Muqdisho, waxaana uu intaa ku daray in qofkii ay ha’adaha amnigu ku soo qabtaan ka mid ahaanshiyaha kooxaha nabad diidka ay sharci marsiin doonaan.

Guddoomiye Tuur-yare ayaa waxaa uu sheegay in waalidiinta dhashay dhalinyarada la qalday ee kamidka ah Al-Shabaab inay u soo sheegaan hay’adaha amniga Soomaaliya si dabagal loogu sameeyo, hadii kale tabaabo sharci ah laga qaadi doono.Waalidiinta.

“Waalidkii ogaa in wiilkiisa ama gabadhiisa ay ka mid noqdeen Al-Shabaab u soo gudbi hay’adaha amniga, si loo daba galo, hadana daba socda dambiilihii damigaasi wax buu ku leehayay, marka inta ay goori goor tahay wargeli hay’adaha amni ee kugu dhaw” ayuu hadalkiisa ku soo gabo gabeeyay Gaashaanle sare Cabdiraxmaan Tuuryare.

Shaafici iyo Xasan ayaa 6-4-2014-kii waxa ay Allaha u naxariistee dil bareer ah u geysteen Marxuum Nafiso Cismaan Salaad oo ahayd gabar ardayad oo ka qalin jebisay Jaamacadda Soomaaliya ee (UNISO) ee magaalada Muqdisho, waxaana xukunkii hore ee Maxkamadda Darajada Koowaad uu dhacay 31-May 2014-ka, iyadoo Maxkamadda sarena ay ku raacday Xukunkaasi, marka laga reebo Deeqo Diraac oo ay ku kordhisay Shan sano.


July 2014

 



Dowladda Soomaaliya's photo.
Dowladda Soomaaliya's photo.
Dowladda Soomaaliya's photo.
Dowladda Soomaaliya's photo.
1Like




















Muqdisho, 29 Juun 2014 –
Maddaxweynaha Jamhuuriyadda Federaalka Soomaaliya Mudane Xasan Sheekh Maxamud ayaa maanta waraaqihii aqoonsiga ka guddoomay safiirka cusub ee Dowladda Italy Mr. Fabrizio Marcelli islamarkaana Madaxweynaha soo gaarsiiyey fariin uu ka waday madaxda dalka Italy.

Safiirka cusub ayaa uga mahad-celiyey Madaxwyanaha Soomaaliya sida uu uga aqbalay warqadahiisa aqoonsiga ee Safiirnimo. “ Aad ayaan ugu faraxsanay in maanta Madaxweynaha Soomaaliya iga aqbalo warqadaha Aqoonsiga,” Ayuu yiri Safiirku.

Sidoo kale Safirka ayaa ballan-qaaday in Dowladda Somaaliya ay Dowladiisa ka caawin doonto arrimaha horumarinta dalka oo ay ka mid tahay dib-u-dhiska dalka iyo xasilinta Dalka isaga oo sheegay in ay dib u bilaabi doonaan maashaariicdii ay ka fulin jireen Soomaaliya.

Madaxweyne Xasan Sheekh ayaa sheegay in Dowladda Soomaaliya ay xiriir qoto dheer la la hayd Dowladda Italy, waxuuna safiirka u sheegay inuu dar-dar geliyo xoojinta xiirka labada dalka.

Ugu dambentii Madaxweynaha Xasan Sheekh ayaa yiri “ Waxaan uga mahad-celinayaa dowladda Italy sida ay diyaarka ugu tahay xoojinta xiriirka labada dal oo ay marqaati ka tahay soo magacaabida safiirkan cusub, waxaanna u rajeynayaa in uu dowladda kala shaqeeyo mashaariicda dib-udhiska dalka”


Moqdisho Axad Juun 29, 2014 Wasaarada caafimaadka iyo maamulka Gobolka Banaadira ayaa maanta yeeshay kulan looga hadlayay horumarinta adeegyada caafimaadka degmooyinka Gobolka Benaadir si ay horseed ugu noqoto adeega caafimaadka dalka

Kulanka ay wada qaateen Mas’uuliyiinta Wasaarada Caafimaadka iyo Maamulka Gobolka Benaadir ayaa ah mid looga hadlayay sida ay u wada shaqeyn lahaayeen labada dhinac, iyadoo kulanka hal ku dhig looga dhigay “Muqdisho Muraayadda Adeegga Caafimaadka  Dalka’’.

Wasiir ku-xigeenka Wasaaradda Caafimaadka ahna ku-simaha Wasiirka Dr Axmed Aadan Axmed, Agaasimayaasha Wasaraadda Caafimaadka, Gudoomiyaha Gobolka Banaadir ahna Duqa Muqdisho Mudane .Xasan Maxamed Xuseen “Mungaab” Guddoomiye ku xigeenka arrimaha Bulshada Maamulka Gobolka, Xoghayaha guud iyo Guddoomiyeyaasha degmooyiinka Gobolka ayaa ka qeyb galay kulankaasi, waxaana shirka ujeedkiisu ahaa qeybtii loo horumarin lahaa adeegyada caafimaad ee dalka, iyadoo loo marayo hab sharci ah oo waafaqsan sharuucda Wasaaradda Caafimaadka Soomaaliya.

Guddoomiyaha Gobolka Banaadir ahna Duqa Muqdisho oo ka hadlay kulanka ayaa sheegay inay muhiim tahay in la horumariyo adeegyada caafimaad ee dalka, ayna tahay arrin baahi badan ay u qabaan shacabka Soomaaliyeed.

Ku-simaha ahna Wasiir ku-xigeenka Wasaaradda Cafimaadka Dr.Axmed Aadan Axmed oo shirka ka hadlay ayaa sheegay in Wasaaradu ay ka shaqeynayso soo celinta adeegayada caafimaadka Dalka, islamarkaana adeegyadaasi ay gaarsiin doonaan guud ahaan degmooyinka Gobolka iyo kuwa kale ee gobolada dalka.

Muqdisho, 29 Juun 2014 –  Wasaarada caafimaadka iyo maamulka Gobolka Banaadira ayaa maanta yeeshay kulan looga hadlayay horumarinta adeegyada caafimaadka degmooyinka Gobolka Benaadir si ay horseed ugu noqoto adeega caafimaadka dalka

Kulanka ay wada qaateen Mas’uuliyiinta Wasaarada Caafimaadka iyo Maamulka Gobolka Benaadir ayaa ah mid looga hadlayay sida ay u wada shaqeyn lahaayeen labada dhinac, iyadoo kulanka hal ku dhig looga dhigay “Muqdisho Muraayadda Adeegga Caafimaadka  Dalka’’.

Wasiir ku-xigeenka Wasaaradda Caafimaadka ahna ku-simaha Wasiirka Dr Axmed Aadan Axmed, Agaasimayaasha Wasaraadda Caafimaadka, Gudoomiyaha Gobolka Banaadir ahna Duqa Muqdisho Mudane .Xasan Maxamed Xuseen “Mungaab” Guddoomiye ku xigeenka arrimaha Bulshada Maamulka Gobolka, Xoghayaha guud iyo Guddoomiyeyaasha degmooyiinka Gobolka ayaa ka qeyb galay kulankaasi, waxaana shirka ujeedkiisu ahaa qeybtii loo horumarin lahaa adeegyada caafimaad ee dalka, iyadoo loo marayo hab sharci ah oo waafaqsan sharuucda Wasaaradda Caafimaadka Soomaaliya.

Guddoomiyaha Gobolka Banaadir ahna Duqa Muqdisho oo ka hadlay kulanka ayaa sheegay inay muhiim tahay in la horumariyo adeegyada caafimaad ee dalka, ayna tahay arrin baahi badan ay u qabaan shacabka Soomaaliyeed.

Ku-simaha ahna Wasiir ku-xigeenka Wasaaradda Cafimaadka Dr.Axmed Aadan Axmed oo shirka ka hadlay ayaa sheegay in Wasaaradu ay ka shaqeynayso soo celinta adeegayada caafimaadka Dalka, islamarkaana adeegyadaasi ay gaarsiin doonaan guud ahaan degmooyinka Gobolka iyo kuwa kale ee gobolada dalka.

Muqdisho, 29 Juun 2014 – Wasaarada caafimaadka iyo maamulka Gobolka Banaadira ayaa maanta yeeshay kulan looga hadlayay horumarinta adeegyada caafimaadka degmooyinka Gobolka Benaadir si ay horseed ugu noqoto adeega caafimaadka dalka

Kulanka ay wada qaateen Mas’uuliyiinta Wasaarada Caafimaadka iyo Maamulka Gobolka Benaadir ayaa ah mid looga hadlayay sida ay u wada shaqeyn lahaayeen labada dhinac, iyadoo kulanka hal ku dhig looga dhigay “Muqdisho Muraayadda Adeegga Caafimaadka  Dalka’’.

Wasiir ku-xigeenka Wasaaradda Caafimaadka ahna ku-simaha Wasiirka Dr Axmed Aadan Axmed, Agaasimayaasha Wasaraadda Caafimaadka, Gudoomiyaha Gobolka Banaadir ahna Duqa Muqdisho Mudane .Xasan Maxamed Xuseen “Mungaab” Guddoomiye ku xigeenka arrimaha Bulshada Maamulka Gobolka, Xoghayaha guud iyo Guddoomiyeyaasha degmooyiinka Gobolka ayaa ka qeyb galay kulankaasi, waxaana shirka ujeedkiisu ahaa qeybtii loo horumarin lahaa adeegyada caafimaad ee dalka, iyadoo loo marayo hab sharci ah oo waafaqsan sharuucda Wasaaradda Caafimaadka Soomaaliya.

Guddoomiyaha Gobolka Banaadir ahna Duqa Muqdisho oo ka hadlay kulanka ayaa sheegay inay muhiim tahay in la horumariyo adeegyada caafimaad ee dalka, ayna tahay arrin baahi badan ay u qabaan shacabka Soomaaliyeed.

Ku-simaha ahna Wasiir ku-xigeenka Wasaaradda Cafimaadka Dr.Axmed Aadan Axmed oo shirka ka hadlay ayaa sheegay in Wasaaradu ay ka shaqeynayso soo celinta adeegayada caafimaadka Dalka, islamarkaana adeegyadaasi ay gaarsiin doonaan guud ahaan degmooyinka Gobolka iyo kuwa kale ee gobolada dalka.


 


Moqdisho Juun 28, 2014 Wasaaradda Arrimaha Diinta iyo Awqaafta ee xukuumadda Soomaaliya ayaa soo saartay amarro ku aaddan goobaha cuntooyinka bisil lagu iibiyo ee ku yaalla degmooyinka gobolka Banaadir inta lagu guda jiro Bisha Barakeysan ee Ramadaan.

Agaasimaha guud ee Wasaaradda Arimaha Diinta iyo Awqaafta Xaaji Maxamed Kheyroow ayaa sheegay in amarkaas uu qeyb ka yahay howlaha wasaaradda marka loo eego bisha Ramadaan, isla markaana la fulin doono awaamirtaas inta lagu guda jiro Ramadaanka.

Agaasimaha ayaa intaas ku daray in awaamirtan la gaarsiin doono laamaha ammaanka iyo maamulka gobolka Banaadir si loo dhaqan geliyo.

Xaaji Maxamed Kheyrow ayaa dhanka kale ka codsaday ganacsatada iyo dadka wax haysta in ay bisha Ramadaan-ka caawiyaan dadka barakacayaasha iyo danyarta aan awoodin in ay noloshooda maareeyaan.

Moqdisho Juun 28, 2014 Madaxweynaha iyo Wafdigii uu Hogaaminayay ayaa waxaa garoonka diyaaradaha ee Garowe si weyn ugu soo dhoweeyey Madaxweyne Ku xigeenka Dawladda Puntland Cabdixakiin Cabdillaahi Xaaji Cumar Camey,Gudoomiyaha Baarlamaanka Puntland Siciid Xasan Shire, masuuliyiin ka tirsan golayaasha Dawladda Puntland, iyo saraakiisha sare ee ciidamada.

Dadweyne aad u fara badan Watayna Calamada Puntland iyo Soomaaliya ayaa iyaguna ku sugnaa garoonka diyaaradaha ee Garowe, waxayna si weyn uga qayb qaateen soo dhoweynta Madaxweyne Gaas iyo wafdiga uu hogaaminayey.

Soo dhaweyn kadib Madaxwaynaha iyo Masuuliyiinti la socday ayaa waxaa loo soo gudbiyay aqalka Madaxtooyada Puntland waxana halkaasi Warfidyeenka kula hadlay Madaxwayne Gaas,isagoona faah faahin kabixiyay Socdaalki uu ugu maqnaa dalka Dibadiisa.

‘’Socdaalkaygu waxa uu la xiriiray xiriirka Puntland la yeelanayso Wadamada Dariska ah iyo Dalalka wanaaga iyo Walaaltinimadu naga dhaxayso,socdaalkaygii wadanka Imaaraadkana waxa uu ahaa socdaal fiican,waxana lakulmay madaxda dalkaasi,waxana ay noo soo dhaweeyen si wanagsan’’Ayuu yiri Madaxwayne Gaas.

‘’Waxaan rajaynayaa xiriirka oo Wanaagsanaada in uu sababayo isbadal dhab ah oo ka dhaca Puntland,waxbadana waan ku hashiinay dawlada Imaaraatka’’Sidaasi waxaa yiri Madaxwayne Cabdiwali Maxamed Cali Gaas.

Madaxwaynaha ayaa Hambalyo kal iyo Laab ah udiray dhamaanba shacabka soomaaliyeed isagoona ugu hambalyeeyay sanad guuradii 54-aad ee ka soo wareegatay maalintii ay xorroobeen gobollada waqooyi isl-markaana Ciida Soomaaliyeed laga taago Calanka Soomaaliya.

‘’Waxaan runtii aad uga xumahay in meeshi Calanka Buluuga ah ee Soomaaliya laga saaray Maalinta uu san maanta saarnay balse uu saaranyahay midkale oo aanu anagu midabkiisa garanayn ‘’Ayuu yiri Madaxwayne Cabdiwali Gaas.

Madaxweynaha Dawladda Puntland Dr. Cabdiweli Max’ed Cali Gaas ayaa sidookale Hambalyo u diray Shacabka iyo Dowlada Walaalaha aynu Nahay ee Jabuuti oo iyagu u dabaaldagay 37 guuradii ka soo wareegatay maalintii ay xoriyadda qaateen.

Madaxweynaha Dawladda Puntland iyo wafdiga uu hogaaminayay safaradii ay ku tageen dalalka Isutagga Imaaraadka Carabta iyo Kenya waxa ay qayb ka  yihiin tallaabooyinka ay xukuumaddu u qaadayso dhinaca horumarka iyo adkaynta xiriirka ay Puntland la wadaagto dalalka caalamka

Moqdisho Juun 28, 2014  Madaxweynaha Soomaaliya Xasan Sheekh oo shacabka Soomaaliyeed ugu hambalyeey bisha barakeysan ee Ramadaan ayaa sheegay in dowladdu diyaarisay howlgal loogu magacdaray “Nabad Ku Afur”, kaasoo looga hortegayo weerrarada Alshabaab.

“Barnaamjika Nabad Ku Afur, waa barnaamij nabadeed, waa barnaamij amaan oo loogu talagalay in shacabka Soomaaliyeed nabad ku afuraan, nabadna ku suxuurtaan” ayuu yiri madaxweyne Xasan Sheekh.

“Kooxaha Nabad diidka ah ayaa sanadihii lasoo dhaafay caadeystay iney shacabka qalqalgeliyaan marka ay afurayaan ama marka xusuuranayaan, marka barnaamijkaas waa barnaamij lagu sugayo nabadda” ayauu sidoo kale yiri madaxweyne Xasan Sheekh.

Alshabaab ayaa horay looga bartay iney dagaallada iyo weerarada badiyaan marka la gaaro bisha Ramadaan, waxeyna dhawaan soo saareen hanjabaad arrintaas la xiriirta.



 


WARARKA DOWLADDA SOOMAALIYA EE MAANTA


Photo: Mogadishu: Tuesday  19, 2013 Somali National Intelligence and Security Agency (NISA) would like to confirm you that we send our condolence to the family of the deceased people and officers. 

Surely, The Benadir Chief of the Somali National Intelligence and Security Agency (NISA) General Khalif Ahmed Ereg is alive and will continue to pursue criminals and Al-qadea operatives in Mogadishu. 

As Somali National Intelligence and Security Agency (NISA) is trying to re-establish its vital organs, and we hereby warning to the Somali people take more attentions and report any suspicious actives as soon as you see it. 

Please report it to the near Somali Police Station or the Headquarters of the Somali National Intelligence and Security Agency (NISA)  in Mogadishu. 

If you report any suspicious actives then we will not share or tell your identity to anyone, and we will reward you for helping us to prevent further terrorism in Mogadishu. 

Somali National Intelligence and Security Agency (NISA) welcomes your feedback and tips as we continue to root out Al-Qadea operatives and others. 


Sincerely,

Somali National Intelligence and Security Agency (NISA)
Department of Communications
Moqdisho: Isniin 18, 2013 (Wararka Dowladda Soomaaliya): Hay'adda Nabadsugida Qaranka Soomaaliyeed waxay idinku wargelinaysaa inuu Taliyaha Nabadsugida Gobalka Banaadir Janaraal Khaliif Axmed Ereg inuu ka badbaaday qarixii lagu damacsanaa in lagu khaarajiyo meeshaasoo ay saraakiil iyo dad shacab ah ku dhinteen. Hay'adda Nabadsugida Qaranka Soomaaliyeed waxay Illaahay uga baryeysaa dadkii masaankiinta ahaa ee meeshaas ku dhintay inuu Ilaahay u dembi dhaafo isla-markaasna ay Hay'adda Nabadsugida Qaranka Soomaaliyeed sii wadi doonto hawlaheeda iyo sugida amniga.

Moqdisho: Isniin 18, 2013 (Wararka Dowladda Soomaaliya): Sida ay ku uu ku soo waramayo Wariyeheenna Max’ed Bashiir Xaashi oo ku sugan Gurigii Hooyooyinka ee Magaalada Muqdisho weerar Ismiidaamin oo khasaaro Xoogan Geestay ayaa Maanta waxa uu ka dhacay agagaarka Bar Ex Fiyoore ee Magaalada Muqdisho oo isagu U dhow Guriga Hooyooyinka.

Inta Laxaqiijiyay illaa 7 qof ayaa Ku dhimatay Tiro intaa Ka badanna waa ay ku dhaawacmeen dadka Dhaawacmay ayaa waxaa ka mid ah Taliyaha Hey’adda Nabad Sugida ee Gobolka Banaadir Khaliif Axmed Ereg oo dhaawac  uu ka soo gaaray Weerarkaasi oo isaga la doonayay in lagu qaarijiyo.

Qaraxa ayaa lasheegay in Lala Beegsaday Kolonyo uu la socday Mr Ereg iyadoo dadka weerarkaasi ku dhintayna ay Ka mid yihiin ilaaladiisa iyadoo  Gaari Min Bus ah oo ay saarnaayeen arday iyagana ay waxyeello ka soo gaartay iyo dad kale oo wadada Marayay

Goobta uu qaraxu ka dhacay oo Mashquul saa’id ah ayaa iminka waxaa si hal haleel ah u gaaraya Gawaarida Gurmadka Deg Dega ee Ambalaasta Loo yaqaanno oo halkaasi dadka dhaawaca qaba ka daad Gureenaya.

Ma jirto illaa iyo iminka Cid sheegatay Masuuliyadda  qaraxaasi iyadoo dhinaca kalana aanay dawladdu weli wax faahfaafin aanay ka bixin weerarkaasi.

balse wixii faahfaahin ah ee ku soo kordha weerarkaasi ismiidaaminta ah kala soco shabelle.net

Moqdisho: Isniin 18, 2013 (Wararka Dowladda Soomaaliya): Xoghayaha Guud ee Ururka Saxafiyiinta Qaranka Soomaaliyeed ee NUSOJ oo uwarramay Idaacadda Shabelle ayaa si weyn u soo dhaweeyay sii deynta Wariye Cabdi Casiis Koronto oo shalay dib u helay Xuriyaddiisa isagoona Taa ku tilmaamay in ay tahay Tallaabo Lagu Farxo.

Cumar Faaruuq Cismaan Xoghayaha Guud ee NUSOJ ayaa sheegay in ay aad uga Walaacsanaayeen Xarigga Wariye Koronto islamarkaana ay Cambaareyn U jeedin Jireen Xarigga Loo geystay Wariyahaasi sidoo kalena dowladda ay ka dalban Jireen in Caddaaladda Lagu dabaqo Kiiskiisa.

Geesta Kale Xoghayaha Guud ee Ururka Saxafiyiinta Qaranka Soomaaliyeed ayaa waxa uu soo hadal qaaday in Ururka Saxafiyiinta Qaranka Soomaaliyeed ay ka qayb qaateen dadaalada Loogu Jiray in lasoo  daayo Wariye Cabdi Casiis Karonto taasi oo ugu dambeyntii sababtay in uu dib u helo Xuriyaddiisa.

Hadalka Xoghayaha Guud ee Ururka Suxufiyiinta Qaranka Soomaaliyeed Cumar Faaruuq Cismaan ayaa waxa uu yimid Kadib Markii Maalinimadii shalay ay Maxkamadda Sare ee dalka ay ku dhawaaqday in Wariye Koronto uusan Lahayn Wax dambi ah sidaa darted uu dib u helay Xuriyaddiisa.

Moqdisho: Isniin 18, 2013 (Wararka Dowladda Soomaaliya):Xoghayaha Guud ee Ururka Saxafiyiinta Qaranka Soomaaliyeed ee NUSOJ oo uwarramay Idaacadda Shabelle ayaa si weyn u soo dhaweeyay sii deynta Wariye Cabdi Casiis Koronto oo shalay dib u helay Xuriyaddiisa isagoona Taa ku tilmaamay in ay tahay Tallaabo Lagu Farxo.

Cumar Faaruuq Cismaan Xoghayaha Guud ee NUSOJ ayaa sheegay in ay aad uga Walaacsanaayeen Xarigga Wariye Koronto islamarkaana ay Cambaareyn U jeedin Jireen Xarigga Loo geystay Wariyahaasi sidoo kalena dowladda ay ka dalban Jireen in Caddaaladda Lagu dabaqo Kiiskiisa.

Geesta Kale Xoghayaha Guud ee Ururka Saxafiyiinta Qaranka Soomaaliyeed ayaa waxa uu soo hadal qaaday in Ururka Saxafiyiinta Qaranka Soomaaliyeed ay ka qayb qaateen dadaalada Loogu Jiray in lasoo  daayo Wariye Cabdi Casiis Karonto taasi oo ugu dambeyntii sababtay in uu dib u helo Xuriyaddiisa.

Hadalka Xoghayaha Guud ee Ururka Suxufiyiinta Qaranka Soomaaliyeed Cumar Faaruuq Cismaan ayaa waxa uu yimid Kadib Markii Maalinimadii shalay ay Maxkamadda Sare ee dalka ay ku dhawaaqday in Wariye Koronto uusan Lahayn Wax dambi ah sidaa darted uu dib u helay Xuriyaddiisa.

Moqdisho: Axad 17, 2013 (Wararka Dowladda Soomaaliya): Cabdi Faarax Shirdoon  Saacid Ra’isal Wasaaraha Xukuumadda Federaalka Soomaaliya oo warfidiyeenada Kula hadlay Magaalada Muqdisho ayaa sheegay in Xukuumaddiisa ay ilaalineyso Madax banaanida Saxaafadda Xorta ah ee ka howl Gasha gudaha dalka Soomaaliya isagoona Ka dalbaday Saxaafadda Xorta ah in ay Ka fogaato waxyaabaha Horseedi kara Xumaanta.

Ra’isal Wasaare Saacid ayaa Sidoo kale waaxa uu ugu baaqay Saxaafadda Xorta ah ee ka jirta Soomaaliya in ay ahmiyadda Siiyaan Ka shaqeynta Wanaagga iyo isu soo dhaawaashiyaha umadda Soomaaliyeed wuxuuna sidoo kale hoosta Ka xariiqay in ay Muhiim tahay in ay Saxaafadda ka qayb qaadato isbedelka Cusub  oo ay Soomaaliya Gashay.

Dhanka Kale Ra’isal Wasaaraha Xukuumadda Federaalka Soomaaliya Mudane Saacid ayaa Xusay in Saxaafadda Xorta ah ee Soomaaliya Ka howl Gasha in ay dowr Shariif ah kaqaadatay Marxaladihii Kala duwanaa ee uu dalka Soomaray.

Hadalka Ra’isal Wasaare Saacid ayaa waxa uu imaanayaa Xilli Wariyaasha ka howl Gala Gudaha Soomaaliya ay Mararka qaar lakulmaan handadaad ,Jirdil iyo Xarig

 Moqdisho: Axad 17, 2013 (Wararka Dowladda Soomaaliya): Kadib Markii lasheegay in Habeen Kahor Bakhaarro Ku yaalla Xarunta Madaxtooyada Villa Soomaaliya Laga qaatay Hub badan kaasi oo lasheegay in Loo gacan gelin rabay Kooxaha Kasoo Horjeedo dowladda Federaalka Soomaaliya ayaa Xiriir aanu Lasameynay Wasaaradda Gaashaandhiga waxa wasiir ku Xigeenka Wasaaraddaasi uu inoo xaqiijiyay in ay socdaan Baaritaanno ku aadan Hubkaasi La xaday inkastoo uu kagaabsaday in uu bixiyo faah faahin dheeri ah.

Wasiir Ku xigeenka Wasaaradda Gaashaandhiga Xukuumadda Soomaaliya ayaa waxa uu sheegay in Xukuumadda Federaalka Soomaaliya ay qaadeyso Tallaabo Marka ay soo caddaato arintani.

Dalka Soomaaliya ayaa dhawaan waxaa Laga qaaday Xayiraaddii hubka ee Saareed kadib Markii Golaha Ammaanka uu yeeshay kulan uu kulafa gurayo arrinta Xayiraadda Hubka ee Saareed dalka Mudada Kabadan 20 ka sano iyadoo kulankaasi baaq loogu jeediyay dowladda Federaalka Soomaaliya in hubkaasi ay ka ilaaliso Gacanta kooxaha Kasoo Horjeedo ee Argagixisada ah.

Madaxweyne Xasan Sheekh oo dhawaan kahadlayay Isbedel Lagu Sameeyay Ciidanka Qalabka Sida Gaar ahaan Kuwa Milatariga Hoggaankooda ayaa waxa uu ugu baaqay Saraakiisha Ciidamada Qalabka Sida ee Soomaaliya in Hubka dowladda uusan u gacan Gelin Kooxaha Kasoo Horjeeda Dowladda Federaalka Soomaaliya Maadaama uu Xusay in Sumcad darro arrintaasi ay u horseedeyso dowladda Soomaaliya.

Markii Qaramada Midoobay ay isku Raacday in si KMG ah Xayiraadda Hubka ee saareed Soomaaliya Looga qaado waxaa Kasoo Horjeestay Ururu udooda X/Insaanka iyo Maamullo ka jira Gudaha Dalka Sida Maamulka Soomaaliland kuwaasi oo aragti ku bixiyay in Tallaabadaasi ay tahay Mid Lagu Deg degay oo laga yaabo in Hubka dowladda ay gacanta ku dhigto si fudud ay ku heli karaan Kooxaha Kasoo horjeedo Maadaama ay sheegeen in dowladda aysan awood Buuxa ulahayn in ay Xakameyso Hubka Gacanteeda Ku jira

Moqdisho: Axad 17, 2013 (Wararka Dowladda Soomaaliya): Wararka Ka imaanaya Magaalada Baladweyne ee Xarunta Gobolka Hiiraan ayaa sheegaya in Bam Gacmeed Xalay Lagu weeraray Fariisimo Ciidanka Dowladda Soomaaliya ay ku leeyihiin Galbeedka Magaalada Baladweyne ee Xarunta Gobolka Hiiraan.

Goob Joogayaal Ku sugan Galbeedka Magaalada Baladweyne ayaa Shabelle u sheegay in Fariisin Ciidanka Dowladda ah ay kuleeyihiin Galbeedka Baladweyne Bam Gacmeed Lagu weeraray kaasi oo geystay Khasaaro isugu Jira dhimasho iyo Dhawaac inkastoo aan si Rasmi ah Loo Ogeyn khasaaraha Kadhashay Qarax Xalay Lagu weeraray Fariisin Ciidanka Dowladda ay ku leeyihiin Galbeedka Baladweyne.

Qaraxa Kadib ayaa Ciidanka Dowladda waxa ay Fureen Rasaas inkastoo aysan Jirin Cid wax ku noqotay Rasaasta ay Fureen Ciidanka Dowladda Soomaaliya.

Saraakiil Ka tirsan Ciidanka Dowladda Soomaaliya ee Gobolka hiiraan oo Lahadlay Idaacadda Shabelle ayaa sheegay in Bam Xalay Lagu weeraray Fariisin Ciidanaka dowladda ay ku leeyihiin Galbeedka Magaalada Baladweyne iyagoona Carabka ku dhuftay in Saacacadaha soo socda ay faah faahin ka bixinayaan Bamka Xalay Lagu weeraray Galbeedka Baladweyne kadib Markii uu soo Gaba Gaboobay Howl Gallo Ciidanka dowladda Saakakasameeyeen Xaafadda Howl Wadaag ee Galbeedka Magaalada Baladweyne .

MoqdishoL Sabti Maarso 16, 2013 Wasaaraha Xukuumadda Federaalka Soomaaliya Mudane Cabdi Faarax Shirdoon “Saacid” oo ay wehliyaan xubno ka tirsan Golihiisa Wasiirada ayaa saaka kormeer shaqo ku tagay Xabsiga Dhexe oo maalmahaan ay ka soo wajeheen duruufo dhanka caafimaadka iyo nolosha la xariira.

Xabsiga Dhexe ee Muqdisho ayaa ah mid dhisnaa mudo ku dhow boqol sano, mana jirin wax dayactir ah oo uu helay 22 sano ee u danbaysay, waxaana hada ku jira xabsiga maxaabiis gaaraysa 1,072 maxbuus oo u xiran danbiyo kala duwan.

Wasiirka Cadaaladda Xukuumadda Federaalka Soomaaliya Mudane Cabdullahi Abyan Nuur ayaa ka warbixiyey duruufaha ka jira xabsiga dhexe.

“ Waxaa xabsiga haysta duruufo aan la soo koobi karin, waxaa ka dilaacay cudurka shuban biyoodka, ilaa iyo hada waxa u dhintay labo qof halka 38 qof oo kale uu soo ritay cudurkun, waxaa la siiyey dawooyin oo hada xaalkoodu waa ka soo raynayaa. Waxaa arimahaas sabab u ah nadaafad daro iyo musqulaha oo aan ku filnayn maxaabiista. Wasaarada caafimaadku waxay ka gaystay gacan weyn sidii loo xakamayn lahaa shuban biyoodka, waxayna soo dirtay dawooyin iyo dhaqaatiir” ayuu yiri Wasiirka oo intaas ku daray in biyo nadiif ah loo helo maxaabiista ay door muhiim ah ka qaadan karto nolosha boqolaalka maxbuus ee ku jira xabsigan.

Sidoo kale Ra’iisal Wasaaraha Soomaaliya ayaa ku tilmaamay duruufaha xabsiga mid aad looga naxo, dowladiisuna ay dadaal ugu jirto sidii wax looga qaban lahaa.

“Waxaa dawladda ka go’an inay wax ka qabato duruufaha ay ku sugan yihiin maxaabiista,waxay dawladdu u samaysay gurmad deg deg ah dadkii uu soo ritay cudurka Shuban Biyoodka, maahan mid xabsiga kaliya ku eg cudurkaan, waxaa kale oo laga soo sheegay magaalooyinka Baladweyn, Jowhar iyo Baraawe” ayuu yiri Ra’iisul Wasaaraha oo dhanka kale xusay in aysan dawladdu ku eeganayn xaaladaan adag maxaabiista, wixii awoodeeda ka sareeyana ay la kaashan doonto caalamka.

Ugu danbayntii Ra’iisul Wasaaraha ayaa indha indhayn ku soo sameeyey qolalka ay ku xiran yihiin maxaabiistu, iyo goobaha loogu kariyo cuntada, wuxuuna balan qaaday in ay dawladdu ku dadaalayso sidii loo howl galin lahaa xabsiyo hor leh, si culayska looga qaado xabsiga dhexe.

Moqdisho: Sabti 16, 2013 (Wararka Dowladda Soomaaliya): R/wasaaraha Xukuumadda Federaalka Soomaaliya mudane Cabdi Faarax Shirdoon Saacid ayaa sheegay in dowladu ay heshay raadadka ilaa saddex kiis oo ku saabsan dilalkii loo geystay ku dhawaad 20 wariye oo lagu dilay Magaalada Muqdisho.

In kastoo ay hoos u dhaceen dilalkii loo geystsanayey wariyeyaasha haddana waxaa socda baaritaanno iyo xog ururrin ku saabsan ciddii ka dambeysay dilka ku dhawaad Labaatan wariye oo tan iyo sannadkii la soo dhaafay siyaabo kala duwan Muqdisho loogu dilay,  howshaasoo ay wadaan guddi gaar ah oo ay dowladu magcawday oo kaashanaya hey’adaha amaanka, sida uu sheegay Ra’iisul wasaaruhu.

Ra’iisul wasaare Saacid waxa uu tilmaamay in ay ka go’an tahay ilaalinta xaquuqda saxaafadda iyo Difaacooda, taasoo uu sheegay in ay xoojin doonto Dimoqoraadiyadda iyo dhowrida xuquuqda xoriyatul qowlka.

Hadalka Xukuumada ayaa dib u soo nooleynaya rajada ay suxufiyiintu ka qabaan in gacanta lagu hayo Kiisas cadaaladda lagu hor keenayo  eedeysanayaashii geystay dilalka wariyeyaasha,  taasina waxey qeyb ka tahay dadaalada ay xukuumadu ugu jirto ilaalinta iyo dhowrida xuquuqda Muwaadiniinta Soomaaliyeed.

Moqdisho: Sabti 16, 2013 (Wararka Dowladda Soomaaliya):Cabdullaahi Xasan Bariise Taliyaha Ciidanka Dambi Baarista ahna Afhayeenka Ciidanka Buliiska Soomaaliyeed oo warbaahinta Lahadlayay ayaa waxa uu sheegay in Al Shabaab haatan ay Maleegayaan qaraxyo iyo dilal qorsheysan in ay Ka fuliyaan Magaalada Muqdisho balse waxa uu sheegay in arrimahaasi oo idil ay ka feejiganyihiin Ciidanka Buliiska Soomaaliyeed islamarkaana waxa uu tilmaamay in ay diyaar u yihiin sida ay isaga difaaci lahaayeen.

Taliyaha Ciidanka Dambi Baarista ahna Afhayeenka Ciidanka Buliiska Soomaaliyeed Jeneraal Cabdullaahi Xasan Bariise oo hadalkiisa sii wata ayaa waxa  uu ku nuux nuuxsaday in Al Shabaab Dagaalyahanno Cusub ay dalka soo Geliyeen kuwaasoo uu ku tilmaamay in ay yihiin kuwa dalalkooda horay usoo bur buriyay haatanna doonayaan in ay dib dagaallo uga Huriyaan Caasimadda Soomaaliya ee Muqdisho.

 Hadalka Taliska Buliiska Soomaaliyeed ayaa ku soo beegmaya xilli shalay Taliska Booliska Soomaaliyeed uu soo bandhigay dad badan oo Lagu soo qabtay Howl Gallo Ciidamada dowladda Soomaaliya ay kasameeyeen Xaafado Ka tirsan Degmooyinka Gobolka Banaadir.

Moqdisho: Sabti 16, 2013 (Wararka Dowladda Soomaaliya):Xukuumada federaalka Somalia ayaa markii ugu horeysay shaacisay natiijooyin hordhac ah oo ka soo baxay baaritaanka lagu hayo dilal weriyeyaal fara badan loogu geystay magaalada Muqdisho ee caasimada Somalia sanadkii hore.

Ra’isul wasaaraha Somalia Cabdi Faarax Shirdoon Saacid ayaa sheegay inay heleen raadadka saddex kiis oo ku saabsan dilalka saxafiyiinta, isagoo sheegay inay baaris ku wadaan kiisaskaas haddii ay ku caddaato dadka looga shakisan yahayna sharciga la hor-keeni doono.

Wuxuu sheegay ra’iisul wasaaruhu inaysan xukuumadiisu u dulqaadan doonin dhibaatooyin dilalka iyo lagu hayo suxufiyiinta iyo in la aamusiyo warbaahinta madaxa banana ee ka jirta dalka, isagoo xusay in xukuumaddu ay la dagaalameyso cid walba oo dhibaato u geysata suxufiyiinta oo uu sheegay iney ku shaqeeyaan duruufo aad u adag.

Xukuumada Somalia ayaa dhowaan magacowday guddi madax banana oo soo baaraya cida sida rasmiga ah uga dambeysay dilalka 20 weriye oo sanadkii horey lagu qaarajiyey intooda badan magaalada Muqdisho, iyadoo dhinaca kale $50,000 oo dollar u balan qaaday iney ku abaal marineyso qofkii keena xog ku saabsan cida ka dambeysay dilka loo geystay weriye.

Inkastoo marka la soo hadal qaado weriye ama qof la toogtay dadku ay markiiba farta ku fiiqaan Xarakada Al-Shabaab oo falalka qaarajinta ah ku caan ah ayaa hadana waxaa waxaa dhinaca kale jira in tuhuno xoogan oo laga qabo in dilalka suxufiyiinta qaarkood ay ka dambeeyaan siyaasiyiin ka tirsan dowlada iyo dhinacyo kale.

Beljam: Jmco 15, 2013 (Wararka Dowladda Soomaaliya): Sida Idaacadda Shabelle uu U Xaqiijiyay Xildhibaan Prof: Max’ed Cumar Dalxa shir Looga hadlayay dhibaatooyinka Soomaaliya iyo Caqabada Dhalinyarada Soomaaliyeed Ku heysata Xabsiyada Dalalka Afrika ayaa waxa uu ka dhacay Magaalada Brussels ee Xarunta Waddanka Belguimka.

Prof: Dalxa ayaa waxa uu sheegay in shirka oo ay hadallo Ka jeediyeen Xildhibaanno ka tirsan Baarlamaanka Soomaaliya  ayaa ahmiyadda waxa ay ku siiyeen Maxaabiista Soomaaliyeed ee Ku Jira Xabsiyada Ku yaallada dalalka Afrika iyo sidii Loo Taageeri lahaa dowladda Soomaaliya waxaana Xildhibaanku uu sheegay in wadamadii ka qayb galay Shirkaasi Marka hore ay kawada hadleen Sidii Soomaaliya Looga Taageeri Lahaa dib u dhiska,waxbarashada iyo Ammaanka dalka.

Prof: Max’ed Cumar Dalxa oo Ka mid ah Xildhibaanada Baarlamaanka Soomaaliya oo ka mid ah Xildhibaanada Baarlamaanka Soomaaliya ayaa waxa uu intaasi kudaray in shirka ay kaqayb galeen Hey’ado daneeyo arrimaha Soomaaliya iyo Madax ka socotay Dowladaha iyagu Taageera Soomaaliya isagoo carabka ku dhuftay in Shirkaasi ay ka jeediyeen Codsi ku aadan sidii Loogu gacansiin lahaa in Xabsiyada Laga sii daayo Haween iyo Dhalinyaro Soomaaliyeed oo ku dhibaateysan qaar ka mid ah xabsiyada Caalamka Gaar ahaan xabsiyada qaaradda Afrika.

Kulankaan ay ka qayb galeen Xildhibaanadani ka tirsan Baarlamaanka ee ka dhacay Magaalada Brusless ee Xarunta waddanka Belguimka ayaa waxa uu qayb ka noqonayaa kulamo heer Caalami ah oo Lagu taageerayo dowladda Soomaaliya islamarkaana ay ka qayb galayaan Madax Ka socota dowladda Soomaaliya.

Moqdisho: Jimco 15, 2013 (Wararka Dowladda Soomaaliya): Howl Galkaani oo bilowday Maqribnimadii Xalay islamarkaana ciidamada Buliiska ay ka sameeyeen Degmooyinka X/Jajab,Waaberi iyo X/Weyne ayaa lagu soo qabtay dad tiradoodu ay gaareyso illaa 670 qof iyadoo inta badan dadkii Lagu waayay dambiyada Lasii daayay.

Taliyaha Ciidanka Dambi Baarista ahna Afhayeenka Ciidanka Buliiska Soomaaliyeed Cabdullaahi Xasan Bariise ayaa Saxaafadda Faah faahin uga bixiyay Howl galladaasi sida ay u dheceen iyo Dadka Lagu soo qabtay kaasi oo sheegay in Howl Galladaasi ay ku soo qab qabteen dad aad u badan oo qaarkood Markii wax dambi ah Lagu waayay Lasiiyay sida uu hadalka u dhigay Bariise.

Howl galladaani dadkaan aadka u faraha Badan Lagu soo qabtay ayaa iyagu qayb kanoqonaya Howl Gallo Maal mihii dambe Ciidamada Dowladda Soomaaliya ay ka sameynayeen Xaafado ka tirsan Degmooyinka Gobolka Banaadir.

Moqdisho: Jimco 15, 2013 (Wararka Dowladda Soomaaliya): Ra’isal Wasaaraha Xukuumadda Soomaaliya  Cabdi Faarax Shirdoon Saacid oo shalay Gelinkii dambe shir Jara’id  ku qabtay Magaalada Muqdisho kadib Markii Golaha Xukuumadda Soomaaliya shir al baabada ay U xirraayeen ay ku yeesheen Magaalada Muqdisho ayaa Waxa uu sheegay in weli Xukuumadda Soomaaliya Baaris Gudaha iyo Dibadda ay Ku heyso Sababta Keentay Hoos U dhaca Dollarka iyo Sara u kaca Maciishadda Khutal Daruuriga .

Ra’isal Wasaaraha Soomaaliya ayaa waxa uu tilmaamay in iyagu ay ka damqanaayan dhibaatada Ka heysata Shacabka arintani islamarkaana ay wax ka qabanayaan.

Hadalka kasoo Baxay Ra’isal Wasaaraha Xukuumadda Soomaaliya ayaa ku soo beegmaya Xilli Hoos u dhac aad u ballaaran Laga dareemayo qiimaha Lasarrifo Lacagta Dollarka Mareekanka kaasi oo saameyn weyn ku reebay qaybaha Bulshada waxaana Hoos udhaca doollarka sidoo kale uu saameeya qaybo badan oo ka mid ah Gobollada dalka.

Bossaaso: Jimco 15, 2013 (Wararka Dowladda Soomaaliya): Dabley Hubeysan ayaa Sarkaal Ka tirsan Maamulka Puntland Ku dilay Magaalada Boosaaso ee Xarunta Gobolka Bari.

Kooxahani oo ku Hubeysnaa Bastooladu ayaa waxa ay dil u geysteen Nin ka tirsanaa Shaqaalaha Gegida Diyaaradaha Magaalada Boosaaso ee Xarunta Gobolka Bari.

Majirto wax Faah faahin oo ku aadan dilka Sarkaalkaasi oo Maamulka uu siiyay Warbaahinta Mana Jirto Sidoo kale Cid Masuuliyadda Dilka Sarkaalkaasi sheegatay

Puntland ayaa falalka Ammaan darri ee Ka jira Deegaanada Maamulkaasi waxa ay ku eedeysaa Xarakada Al Shabaab

Moqdisho: Friday, March 15, 2013 (Wararka Dowladd Soomaaliya) Howl Galkaani oo bilowday Maqribnimadii Xalay islamarkaana ciidamada Buliiska ay ka sameeyeen Degmooyinka X/Jajab,Waaberi iyo X/Weyne ayaa lagu soo qabtay dad tiradoodu ay gaareyso illaa 670 qof iyadoo inta badan dadkii Lagu waayay dambiyada Lasii daayay.

Taliyaha Ciidanka Dambi Baarista ahna Afhayeenka Ciidanka Buliiska Soomaaliyeed Cabdullaahi Xasan Bariise ayaa Saxaafadda Faah faahin uga bixiyay Howl galladaasi sida ay u dheceen iyo Dadka Lagu soo qabtay kaasi oo sheegay in Howl Galladaasi ay ku soo qab qabteen dad aad u badan oo qaarkood Markii wax dambi ah Lagu waayay Lasiiyay sida uu hadalka u dhigay Bariise.

Howl galladaani dadkaan aadka u faraha Badan Lagu soo qabtay ayaa iyagu qayb kanoqonaya Howl Gallo Maal mihii dambe Ciidamada Dowladda Soomaaliya ay ka sameynayeen Xaafado ka tirsan Degmooyinka Gobolka Banaadir.

IMG_2140

IMG_2141

IMG_2142

IMG_2143

IMG_2145

IMG_2146

IMG_2148IMG_2164

IMG_2161IMG_2170

IMG_2172

IMG_2176

IMG_2179

IMG_2180

IMG_2186

IMG_2187

IMG_2188

IMG_2192


Photo: Moqdisho: Khamiis Maarso 14, 2014 Kadib Kulan ay ka soo qayb galeen badi safiirrada Beesha Caalamka ee Soomaaliya iyo  wasiiradda arrimaha dibada ayaa waxaa Diiradda Lagu saaray arrimaha Siyaasadda iyo Ammaanka Guud ee dalka

Kulanka oo Saxaafadda ay dibad Joog ka ahayd ayaa Markii uu soo idlaaday waxaa Faah faahin kasiisay Wasiiradda arrimaha Dibadda Xukuumadda Soomaaliya iyadoo sheegtay in kulanka ay la qaadatay illaa 50 Safiir oo dalalka Caalamka U jooga Soomaaliya.

Marowo Fowsiyo Yuusuf  Xaaji Aadan ayaa sheegtay in kulanka uu ahaa Mid ay bogaadin iyo Hambalyo ugu sideen Safiiradaasi ka soo qayb galay dowladda Federaalka Soomaaliya dhinaca kalena uu Gogol Xaar u ahaa Shir Lafilayo in uu ku qoabsoomo waddanka Ingiriiska oo looga hadlayo arrimaha Soomaaliya.

Dhanka kale   waxaa  warbaahinta la hadlay Nikey oo ah agaasimaha Wasaaradda arrimaha dibada Biritan ee qaaradda Africa, kaasi oo faah faahin ka bixiyay  Kulankoodii Maanta , kaasi oo Carabka ku adkeeyay in Beesha caalamka ay ballaarineyso Man Dateka AMISOM  isagoo dhinaca kale sheegay in lasii ballaarin  doono Taageerada Caalamku uu u fidiyo Soomaaliya.

Sikastaba Kulankii Maanta Ra’isal Wasaare Ku xigeen ahna Wasiiradda arrimaha Dibadda Xukuumadda Soomaaliya ay laqaadatay Diblumaasiyiintaasi ayaa Horu dhac u noqonaya Shirweyne Looqabanayo Soomaaliya oo lagu wado in uu Ka dhaco dalka Ingiriiska
Moqdisho: Khamiis Maarso 14, 2014 (Wararka Dowladda Soomaaliya): Kadib Kulan ay ka soo qayb galeen badi safiirrada Beesha Caalamka ee Soomaaliya iyo  wasiiradda arrimaha dibada ayaa waxaa Diiradda Lagu saaray arrimaha Siyaasadda iyo Ammaanka Guud ee dalka

Kulanka oo Saxaafadda ay dibad Joog ka ahayd ayaa Markii uu soo idlaaday waxaa Faah faahin kasiisay Wasiiradda arrimaha Dibadda Xukuumadda Soomaaliya iyadoo sheegtay in kulanka ay la qaadatay illaa 50 Safiir oo dalalka Caalamka U jooga Soomaaliya.

Marowo Fowsiyo Yuusuf  Xaaji Aadan ayaa sheegtay in kulanka uu ahaa Mid ay bogaadin iyo Hambalyo ugu sideen Safiiradaasi ka soo qayb galay dowladda Federaalka Soomaaliya dhinaca kalena uu Gogol Xaar u ahaa Shir Lafilayo in uu ku qoabsoomo waddanka Ingiriiska oo looga hadlayo arrimaha Soomaaliya.

Dhanka kale   waxaa  warbaahinta la hadlay Nikey oo ah agaasimaha Wasaaradda arrimaha dibada Biritan ee qaaradda Africa, kaasi oo faah faahin ka bixiyay  Kulankoodii Maanta , kaasi oo Carabka ku adkeeyay in Beesha caalamka ay ballaarineyso Man Dateka AMISOM  isagoo dhinaca kale sheegay in lasii ballaarin  doono Taageerada Caalamku uu u fidiyo Soomaaliya.

Sikastaba Kulankii Maanta Ra’isal Wasaare Ku xigeen ahna Wasiiradda arrimaha Dibadda Xukuumadda Soomaaliya ay laqaadatay Diblumaasiyiintaasi ayaa Horu dhac u noqonaya Shirweyne Looqabanayo Soomaaliya oo lagu wado in uu Ka dhaco dalka Ingiriiska


Moqdisho: Khamiis, March 14, 2013 (Wararka Dowladda Soomaaliya): Golaha Wasiiradda Xukuumadda Federaalka Soomaaliya ayaa maanta isugu yimid shirkoodii joogtada ahaa, waxaana shir guddoominayay Ra’iisal Wasaaraha Xukuumadda Mudane Cabdi Faarax Shirdoon (Saacid), iyadoo looga hadlay qodobo dhowr ah oo ay ka mid ahaayeen warbixin ku aadan safarka R.waaaraha iyo wafdi ballaaran oo uu horkacayo ay ku tageen degaanada Puntland iyo Galmudug iyo dilal maalmihii ugu dambeeyey ka dhacay magaalada Muqdisho.

Ra’iisal Wasaaraha ayaa ugu horeyntii ka hadlay safarkii uu ku tegay degaanada maamulada Puntland iyo Galmudug, wuxuuna ku tilmaamay inay natiijo wanaagsan oo la taaban karo ay ka soo baxday, wuxuuna mar kale u mahadceliyay shacabka degaanadaasi oo uu sheegay inay si weyn u soo dhoweeyeen.

 “Golaha Wasiirada markii aan hor dhigay natiijada safaradii Puntland iyo Galmudug iyo heshiisyadii iyo isgaradkii na dhex maray, aadbey u soo dhoweeyeen weyna ila qateeen” ayuu yiri Ra’iisal Wasaaraha oo si gaar ah ugu mahadceliyay labada madaxweyne ee Puntland iyo Galmudug.

Ra’iisal Wasaaraha ayaa ka jawaabay warar soo baxay oo sheegayay in aan natiijo ka soo bixin kulanka Galmudug, balse wuxuu nasiib darro ku tilmaamay warkaasi, “Warkaasi ma aheyn mid aanu fileynay, mana ahan mid haboon, sababtoo ah wadahadalada Galmudug na dhex maray waxay ahaayeen kuwo sii soconaya oo aan dhamaan, waxaana ku balanay in Bishan Maarso 25-keeda, lagu soo gabagabeeyo Muqdisho oo aan ku martiqaadno” ayuu yiri R.wasaare Saacid oo hoosta ka xariiqay in Galmudug ay ka mid aheyd maamuladii udub dhexaadka u ahaa in laga gudbo kumeel gaarka, loona gudbo dowlad rasmi ah, mar kastana ay xushmo iyo qadarin u hayaan.

Ra’iisal Wasaaraha ayaa sidoo kale, xusay in goluhu si adag uga doodeen, falal dilal ah, oo goobo kala duwan ka dhacay kuwaasoo lagu dilay dhalinyaro, wuxuuna xusay in arrintaasi ay aad uga xunyihiin, ayna u saareen guddi ka kooban saddex Wasaaradood, oo kala ah, Wasaaradda Garsoorka, Wasaaradda A. Gudaha iyo Wasaaradda Warfaafinta.

“Guddigan waxaan ka sugeynaa warbixin rasmi ah, oo mida haatan aanu heyno ka badan, waxaana si gaar ah u iclaaminay shir aan caadi aheyn oo arrintan looga hadli doono oo golaha Wasiiradu yeelan doonaan maalinta Talaadada ee soo socota” ayuu yiri Mudane Saacid oo xusay in muhiimada dowladdu tahay illaalinta xaquuqda aadanaha iyo xorriyatul qowlka.
Moqdisho: Khamiis, March 14, 2013 (Wararka Dowladda Soomaaliya): Guddiga Amniga Baarlamaanka Soomaaliya ayaa sheegay in Hey’adaha  Ammaanka ay Kula  Xisaabtami doonaan dilal ay qayb Kayihiin Dad Maxaabiis ah oo Ku jiray Gacanta Dowladda Federaalka Soomaaliya.

Kadib Markii 48 kii Saac ee U dambeysay Magaalada Muqdisho ay ka dheceen dilal Kala duwan islamarkaana Lagu arkay Meydadka inkabadan 10 qof oo ay ku jireen dad Maxaabiis u ahaa  dowladda Soomaaliya dhawaanna Qaarkood ay soo Bandhigeen Hay’adda Nabad Sugidda Soomaaliya ayaa Guddiga Amniga Baarlamaanka waxa uu sheegay in Hey’adaha Ammaanka Lagula Xisaabtami doono Dilalka dadkaasi Rayidka ah oo ay ka mid ahaayeen dad Maxaabiis u ahaa Ciidamada Ammaanka dowladda Soomaaliya.

Guddoomiye Ku Xigeenka Guddiga Amniga Baarlamaanka Soomaaliya Xildhibaan Daahir Amiin Jeesow oo Lahadlay Idaacadda Shabelle ee Magaalada Muqdisho ayaa waxa uu sheegay in sharciga dowladda Soomaaliya uu dhigayo in qofka Maxbuuska ah Muddo 24 Saac Kadib Loo saaro kiiskiisa Maxkamad si cadaaladda Loo Horkeeno Haddii dambi aanu lahayna Lasii Daayo Haddii Dambi uu Leeyahayna La Xukumo waxaana uu intaasi Kudaray in wax Lala Yaabo ay tahay in dad Maxaabiis ah Meydadkooda Magaalada Muqdisho lagu arko iyadoo aan wax Maxkamada Lasoo Saarin .

Hey’adaha Ammaanka Dowladda Soomaaliya ayaan weli wax war ah ka soo saarin dilalkii u dambeeyay ee ka dhacay Magaalada Muqdisho waxaana Labadii Habeen ee u dambeysay Muqdisho meelo ka mid ah Lagu arkay Meydadka dad Kala duwan oo qaarkood Lasheegay in ay gacanta Ku Hayeen Ciidamada Nabad Sugidda dowladda kuwaasi oo siyaabo kala duwan Meydadkooda Loogu arkay Wadada Warshadaha iyo Xaafadda Gubta ee Magaalad Muqdisho.

Moqdisho: Khamiis, March 14, 2013 (Wararka Dowladda Soomaaliya):Dagaalkaani oo ahaa Mid Khasaaro Geystay ayaa Maanta waxa uu ka dhacay Duleedka Degmada Xudur ee Gobolka Bakool kadib Weerar gaadmo ah oo Kooxa Ka tirsan Ururka Al Shabaab ay ku qaadeen Fariisin ay Ciidamada Dowladda Ku Lahaayeen Duleedka Degmada Xudur .

Dagaalkii Maanta ayaa waxaa ka dhashay Khasaaro isugu Jira Dhimasho iyo Dhaawac waxaana inta La’ogyahay Dagaalkaasi Ku geeriyooday illaa iyo Afar Ruux halka Dhaawacana uu sara u dhaafayo inkabadan illaa iyo 5 Ruux sida Idaacadda Shabelle uu U xaqiijiyay mid ka mid ah Saraakiisha Dowladda ee Gobolka Bakool.

 Sarkaalkaani Ka tirsan Ciidamada Dowladda Soomaaliya ayaa waxa uu sheegay in ay wadaan Howl Gallo ay ku baacsanayaan Xarakada Al Shabaab iyadoo illaa haatanna aaney Jirin marka Laga soo Tago Guulahaasi dagaalkii Maanta ay ka sheegteen Askarta dowladda wax war ah oo dhankooda kasoo Baxay Xarakada Al Shabaab.

Gobolka Bakool Deegaanno iyo Degmooyin ka tirsan ayaa inta badan waxaa ka dhaca weeraro ay soo qaadaan Kooxa ka tirsan Ururka Al Shabaab

Moqdisho: Arbaco Maarso 13, 2013 (Wararka Dowladda Soomaaliya): Kadib Munaasabad Ballaaran oo ka dhacday Xarunta Wasaaradda Gaashaandhiga ayna kaqayb Galeen Xubno Ka tirsan Golaha Wasiirada Dowladda federaalka Soomaaliya,AMISOM iyo Saraakiisha Ciidamada Dowladda Soomaaliya intooda badan ayaa waxaa Xil kaqaadis Loogu Sameeyay Taliyihii Hore Ciidamada Milatariga Dowladda Soomaaliya Jeneraal Cabdi Qaadir Sheekh Cali Diini iyo Abaanduulihii Ciidanka Qalabka Sida Jeneraal Cabdi Kariin Yuusufa Aadan Dhega Badan iyadoona Saraakiil Cusub Xilalkaasi Loo Magacaabay.
Taliyaha Cusub Ciidanka Milatariga Dowladda Soomaaliya ayaa Loo Magacaabay Jeneraal Daahir Aadan Cilmi ( Indha Qarshe ) iyadoona Abaanduulaha Ciidanka Xooga dalka Soomaaliyeed Loo Magacaabay Jeneraal C/Risaaq Khaliif Xuseen.
Saraakiisha Ciidanka Qalabka Sida ee dowladda Soomaaliya Gaar ahaan Saraakiisha Xil Kaqaadista Lagu sameeyay oo Goobta kahadlay ayaa waxa ay sheegeen in ay Ku Faraxsanyihiin Tallaabadaasi iyagoo U Mahad Celiyay Madaxda dowladda Federaalka Soomaaliya sida Wanaagsan ay ula shaqeeyeen Mudadii ay Xilka Hayeen.
Wasiirka Gaashaandhigga iyo Wasiiru dowlaha Wasaaradda arrimaha Gudaha oo Goobta ka hadlay ayaa Saraakiishaani Cusub Kula Dar daarmay in ay si wanaagsan u Gutaan Wajibaadkooda shaqo islamarkaana ay Horumariyaan ciidamada Milatariga Gaar ahaan Ciidanka Qalabka sida ayna Ka shaqeeyaan sida ay u hanan Lahaayeen Ammaanka Guud ee Gobollada dalka.
Jeneraal Cabdullaahi Cismaan Cagey Taliyaha Gaaska Labaad ee Ciidanka Qalabka Sida ee dowladda Soomaaliya oo Lahadlay Idaacadda Shabelle islamarkaana ka qayb Galay Munaasabadaasi ayaa noo Xaqiijiyay in Xil ka qaadistaani Lagu sameeyay Taliyihiin Ciidanka Milatariga dowladda iyo Abaanduulihii Ciidamada Qalabka sida.

Moqdisho: Arbaco Maarso 13, 2013 (Wararka Dowladda Soomaaliya):Cabdi Faarax Shirdoon Saacid Ra’isal Wasaaraha Xukuumadda Soomaaliya oo shalay Gelinkii dambe shir Jara’id Kuqabtay Magaalada Muqdisho ayaa waxa uu sheegay in Xukuumadda Sooamaliya ay Ku Guuleystay wax ka qabashada Hoos U dhaca Sarrifka Lacagaha Dollarka ee Suuqyada Magaalada Muqdisho.
Ra’isal Wasaaraha Sooamaliya ayaa waxa uu Tilmaamay in Hoos U dhaca Sarrifka iyo Sara ukaca Maciishadda ay Saameyn Xoogan Ku yeelatay qaybaha Kala duwan ee Bulshada ku nool Magaalada Caasimadda ah ee Muqdisho.
Ra’isal Wasaaraha ayaa intaasi ku daray in Xukuumaddu dadaallo ay Sameysay ay Ku Guuleysatay in halka dollar Suuqyada Muqdisho Lasarrifo  Lacag dhan 17 Sh.Som.
Ra’isal Wasaare Cabdi Faarax Shirdoon Saacida ayaa waxa Shirka Jara’id oo uu qabtay Ku sheegay in Loobaahanyahay in dowladda Sooamaliya ay isku Dheeli Tirto Sarrifka Dollarka iyo Sidoo Kale Qiimaha La iibiyo Maciishadda sida uu hadalka u dhigay isagoo intaa sii Raaciyay in Loo Baahanyahay in Lajaangooyo Canshuuraha ay qaadeyso Dowladda Soomaaliya ee dhawaan ay ansixiyeen Golaha Xukuumadda Soomaaliya

Moqdisho: Arbaco Maarso 13, 2013 (Wararka Dowladda Soomaaliya):  Xukuumadda Soomaaliya ayaa ku baaqday in Gargaar Loo fidiyo Maxaabiista Ku Xiran Xabsiga Dhexe ee Magaalada Muqdisho.
Kadib Markii Xubno Ka tirsan Golaha Wasiirada Soomaaliya Booqasho ku tageen  Gudaha Xabsiga Dhexe ee Magaalada Muqdisho oo ay Ku jiraan Maxaabiis Fara badan ayaa Masuuliyiintaasi waxa ay sheegeen in Maxaabiistaasi Loobaahanyahay in ay helaan Gurmada Caafimaad oo ay U Baahanyihiin.
Max’ed Jaamac Barqadle oo ah Wasiiru Dowlaha Wasaaradda Horumarinta Adeegga Bulshada ee dowladda Federaalka Soomaaliya oo ka mid ahaa Xubno Ka tirsan Golaha Wasiirada oo shalay Gaaray Xabsiga Dhexe ee Magaalada Muqdisho ayaa sheegay in Maxaabiistu ay u Baahanyihiin Gargaar Caafimaad in Loo Fidiyo Maxaabiista Ku Jirta Xabsiga Dhexe si wax looga qabto Xaaladdooda Caafimaad.
Wasiirka Wasaaradda Cadaaladda iyo Garsoorka dowladda Federaalka Soomaaliya Cabdullaahi Abyan Nuur oo Warbaahinta kula Hadlay Xabsiga Dhexe ayaa waxa uu sheegay in Hey’adaha Caafimaadka ee dowliga ah iyo Kuwa Kale ee Madaxa Banaan Loo Baahanyahay in ay gacan Kageestaan Gurmad Caafimaad oo loo Fidiyo Maxaabiista ku dhibaateysan Xabsigaasi Dhexe.
Taliyaha Ciidanka Asluubta Sooamaliyeed Xuseen Xasan Cismaan ayaa dhawaan Warbaahinta Kula Hadlay Xabsiga Dhexe waxaana uu sheegay in Maxaabiista ay soo wajahday Xaalad Caafimaad darro oo uu sheegay in Mid Kamid ah Maxaabiistii Xabsigaasi Ku jirtay uu ugu Geeriyooday Labo kalena ay La ildaranyihiin Xanuun Soo wajahay oo dhinaca Caafimaad Darrada ah sida uu hadalka u dhigay

Garoowe: Arbaco Maarso 13, 2013 (Wararka Dowladda Soomaaliya)
: Wasiir Ku xigeenka Wasaaradda Maaliyadda Maamulka Puntland Cabdi Warsame oo Lahadlay Warbaahinta ayaa sheegay in dowladda Soomaaliya Lacag Shilin Soomaali ah ay Geyneyso Deegaanada Maamulka Puntland si ay wax uga Bedesho Hoos u dhaca Ku yimid Qiimaha Lasarrifo Lacagta Dollarka Mareekanka.
Wasiir Ku xigeeenka ayaa Xusay in Muddo Bilooyin ah kadib lagu wado in dowladda Soomaaliya Lacago Shilin Soomaali ah ay Geyso Deegaanada Maamulka Puntland si isbedel Looga Dareemo Hoos u dhaca Ku yimid Qiimaha Dollarka iyo Sara ukaca kuyimid Maciishada Khutal Daruuriga Suuqyada Dalka.
Wasiirka ayaa Carabka ku dhuftay in Shacabka Soomaaliyeed ay Ku Jahwareereen Hoos u dhaca dollarka iyo Sara ukaca Maciishadaha  Khutal Daruuriga isagoona dowladda ugu Baaqay in si deg deg ah ay wax uga Qabato arintani.
Dhawaan ayaa Heshiis Iskaashi waxaa wada Saxiixday Dowladda Soomaaliya iyo Maamulka Puntland iyadoona ay Xusid Mudantahay in dowladda Soomaaliya Hoos u dhaca Ku yimid Lacagta Dollarka ay ku eedeysay in ay ka dambeeyaan Ganacsatada Soomaaliyeed.

http://www.somaligov.net/